وين الذي منه ماينّمل = وانا بعد فرقته ويني
زاد الآسى والدموع تهل = لا وآظنا الروح ياعيني

آآه اللذي في نهار الامس = شَوفه فَرح كان فعيوني
واليوم عني مغيب الشمس = لو راح 0 ماعشت محزوني

اللي معه مشيتك سيده = لابد تعرف معك مشيه
فحضورك البعض له سيده = ومن يوم تقفي بدأ وشيه

طيفك دعمني بإسناده = لما بذيك المشاعر حس
ويبقى معي كادر امداده = عنوان يكبح جموح النفس

ثارت هجوس الفؤاد عناد = وتأثيرها ضاق به صدري
اليا هدأ ذاك هذا عاد = زادوا بي ارهاق في امري

يد البرئي راحت كفوفه = من تحت راس البراءة فيه
عين الذي كل ماتشوفه = عينه ورى دمعها تخفيه

الصدر مايلام من ضيقه = والصبر كنه معه ما كان
كل صعب يعزم لتطويقه = يحول من دونه الحرمان
ساعي وما راد تحقيقه = لازال في عالم النسيان
يبغى من الفرّح تذويقه = يقطع بها علقم الاحزان

وآحرقتي منك لو تدري = اللي سبب كل تعذيبي
ما كان في يوم لي يطري = إنك بتخلف محاسيبي

يالله ياحي تفرجها = مالي رجا بالخلايق نوب
تكالبت كيف بخرجها = هموم 0 من كل حدب وصوب

ياصاحبي قفلتّ بالشيش = والبنج ماينفع الميّت
لاعاد تسأل تقلي ليش = مشاعري كُلها عيّت