تجملي ياعيوني في = لاتذرفي بين ناسي دمع
وفي معي عندهم وفي = ولا ابعدت فيضي عليه نبع

للعيد فرحة مابين الناس = يتبادلون التهاني فيه
ومن صادق الود والاحساس = الكل فالملتقى اهنيه

لازم نزف التهاني زف = للي من الناس نغليهم
بعيد الفطر بعد ماشرف = واجب علينا نهنيهم

بخيتان =
همان يابو عمر همان = صبحية العيد موضوعي
الخوف لاخانت الاعيان = وهلت وانا اعايد ربوعي
حرب =
خلك من الهم يابخيتان=عيش الفرح واشعل شموعي
لو انه الدمع بعض احيان=ماهو بطوعك ولا طوعي

من يوم ماعيوني تشوفه = اللي معه غاب 10 سنين
الشوف من داخل عيونه = ابكيه وافداه بالثنتين

عليه لاتصدِر احكامك = شي لاسمعته ولااريته
لاتذم فالناس باقلامك = وتقول احسّب وظنيته

تكفون ياهل الورود اللي = في غصونها ماوصلها قطف
باشمها بس 0 واولي = لو ماحصل لمسها باللطف
لجلي بها ضعت بالكلي = من يوم طرفي خطفها خطف
كيف التقيكم ويحصلي = محتاج منكم حنان وعطف

والله سلامات يالغالي = متأخرة والسبب مدري
والله لو الخبر جالي = لاجيك وازور من بدري

فايز ال محيسن=
اعداد هّل المـزن ودّان=ترحيب يا نجمنا البـادي
الحرف مسرور يابخيتان=من شوفتك أعلن أعيادي
قال البحر جاله الربـان=لعذب المثل دوم صيادي
بناخي معّبد صقر شيهان=والحُرّ من ذخر ألأجوادي
قصر الوفا ثابي ألسيسان=مهتز من عصر الأجدادي
وماتختلف شوكت ألميزان=الطيب من بيننا عـادي
بخيتان البشري=
اعــداد ماتثـمـر الأغـصــان=ترفع على رؤس الأشهادي
يبقى الوفا يحوي الصدقان=الـيــن نـاصــل لـلألـحـادي
والمعـذرة يارفـيـع الـشـان=درب الوفـا مــادك ومــادي
وترحيبكـم لي توه بــان=و ولعت من قدحت زنـادي
وبذكركـم يا اطلـق الحـجـان=افخـر هـل العـز وامـجـادي
تـاريـخكم نور يالـظـفـران=كـل الوطـن عندهـم سـادي
والبيت ساسه من العمـدان=ولبعضـنـا درع واسـنــادي
مـاتـوفـي مـعـبّـد القـيـفـان=لـو مـن هنـا ليـن بـغـدادي

في عِرفنا إن (متى) او (وين) = نبع الوفا وارده يَروى
واهل الردى يصدروا ظامين = هذا الذي فالاثر يُروى

رمية هل الفكر ماتخطي = والصايبة بالعقل ترجح
واللي لا ياخذ ولا يعطي = يضوي نهار العرب تسرح