ابن وازن =
أسرج خيالي على الرسمه = ثم اعسفه والخيال يقر
وأطرز الحرف بالكلمه = وأنظم بعقد المعاني در
ألاديب واستادي القدير رضا الاهدل =
ترحيب ومعانق النسمة = مع شعة الصبح يوم يمر
للمبدع اللي علا سهمه = وما ينتج الا جمال يسر

ذي ديتي يا معالي بنت = بيـت الوفـا منزلـه عالـي
أنـا الثقـه والخيانـه أنـت = يا راس فيك الزرى مالي

على الغصن حولك الحراس = يـاورده بـيـن الــورق ضـلـك
جف النهر باقي الاحسـاس = نـثــره مـــن الـقـلـب يـوصـلـك

الـقـيــل فـمـكـابــره يـديــنــك =ويزرى بك القاف والمعنى
لا تغـرك النـفـس وتهيـنـك = فالملتـقـى الطـيـب جمعـنـا

بـطــاقــه الـــحـــرف تـعـريــفــه = وســط المعـانـي بـهـا مـلـزوم
والـحـرف فالـسـوق تصريـفـه = والمشـتـري للمـعـانـي يـســوم
يكشـف لــك الـحـرف تكليـفـه = والصوره توضح بدون غيوم
والمـغـتـنـع يـشـتــري بـكـيـفــه = لـــو الـغـطـا بـالـقـدر مـكـتــوم

مــاتــدري أنـــــك مـجـافـيـنـي = وحـارم عيونـي لذيـذ الـنـوم
يـاهـاجــســي يـامـشـاقـيـنــي = لاتقول مدري عن المحروم

طعم اللقا بلذت المملوح = فـي لـذتـه أكتـمـل سـعـده
أنستني يا أنيـس الـروح = عقد الأسى أنتهـا عهـده

ابن وازن =
بالطيب نبدى المعاني فوق = يـامـنـبــع الـطــيــب مــرقــابــه
صـقـر المراقـيـب كـلــك ذوق = ســـلام مـــن طــيــب نـبـدابــه
صقر المراقيب =
ترحيب لايق بكم مرمـوق = طـيــب الـمـعـانـي تـعـلابــه
ذوقي وذوقك مافيه فروق = يااللـي لـنـا وجّــه خطـابـه
ابن وازن =
عسى البقى بالرضا مرفوق = وفـاحــت مـعـانـيـه واطـيـابــه
تكميـل يــا زاهــي المنـطـوق = الـقـيــل انــتــم مــــن اربــابـــه
صقر المراقيب =
منته على النايفه مسبوق = يااللـي لـهـا يفـتـل اشنـابـه
معناك هاته مـع الطـاروق = وانـا تـرى حـاسـب حسـابـه
ابن وازن =
مابين قلبي يابن معتوق = وما يجري فالدم لصحابه
يجري غلا ودهم فعروق = ماقدرو نبضه احبابه
صقر المراقيب =
ياالجحدلي كان لك معشوق = خاطرك ضايق من غيابـه
سر الجفا عننـا مـدروق = ياليتنـا نعـرف اسبابـه
ابن وازن =
قلبي لمس فالوداد اعقوق = من حقي لو قمت بعتابه
واليوم عايش أسير الشوق = قلبي ويش الحل فمصابه
صقر المراقيب =
قلبك شقـى فـي هـوى مخلـوق = طـشّــه وســــط نــــار تـصـلابــه
لايــآســـرك ودّ راعــــــي بــــــوق = مــــاقـــــدّر الــــلـــــي تــشــقــابـــه
بـــاب الـعـنـى اتـركــه مـغـلــوق = مــــــادام لــــــه ريــــــح هــبّــابـــه
ولاتعيش في حسرتك محروق = واســــلا عــــن الـبـيــن وغــرابــه

أبن وازن =
يامرحـبـا مـرحـبـا تكـمـيـل =كــمـــال وأفـــــي مـكـمـلـنــا
فالملتقى من رجال القيل = بـحـر الهجيـنـي مشـرفـنـا
بحر الهجيني =
ما عن درب الوفا تحويـل = الــلـــي مــعــاكــم يـجـمـلـنــا
عاجل و لا يحتمل تأجيل = تـرحــيــب رده لــكـــم مــنـــا
أبن وازن =
تبقى نجم فالسماء ياسهيل = ونــــــورك اذا لاح يـســعــدنــا
أفـيـدنـا عـــن نــجــوم الـلـيــل = الـلــى بــهــا يــــوم تـواصـلـنـا
بحر الهجيني =
شرواك و انتَ لهذا الجيل = رايه على مجد هامتنا
و لا بان لي شي فالتحليل = تآخذ إفادة إجابتنا
أبن وازن =
ما ليا ناقه وقود الخيل = فبيت العرب وأكسر المعنا
حتى طغا أبرها بالفيل = سبحان من وقفه معنا
بحر الهجيني =
ما عاد تقوى لها تحميل = بعد اختلف طيب يجمعنا
لا تلومها في قليل الحيل = لا صار عنّه ترفعنا
أبن وازن =
راعي الكرم والوفا بالكيل = وزنه من الطيب قنعنا
ولك القدر عالى التحصيل = ومنك العذر كان قصرنا
بحر الهجيني =
دايم عن الطيبه ما تميل = ثابت و راجح و مكرمنا
يالجحدلي فالك التسهيل = يالله عسانا تجملنا

أبــــــــــــــــــــــــــــــــــــــــــــــن وازن =
ســلام كلـمـه بنـاهـا الـحـرف = فالبـيـت وصـفــه ومـقـصـوده
خـال المـزن للمعانـي عـرف = يــاســـادة الـقــيــل وشــهـــوده
فــــــــريـــــــــج ابـــــومــــــديــــــده=
ترحيب و اشواق ما توصف = للحـرف واللـي غـرس عــوده
انا اشهد إن الأدب ما جـف = و بــوارقــه تـســبــق رعـــــوده
أبن وازن =
ياكتف تسلم لاخوك الكتـف = وتبقـى علـى الخيـر وتقـوده
بعد أنقسام الجسم بالنصف = يشكـى مـن القـلـب ولـهـوده
فريج ابو مديده =
خطوة بخطوة و كف بكف = درب الـوفــا دايــــم نــــروده
و الجسم إليا انقسم يضعف = و يُمنى بلا يسار منقـوده
أبن وازن =
الظن صاب العيون بكسف = حتي البصر قصر حدوده
وعقلي يمد الفكر ويكف = من التعب ارض ممدوده
فريج ابو مديده =
الـعـاقـل يـسـايـس الـمـوقـف = و يمشي على قد مجهـوده
و انته رجل عاقل و تعرف = كل من زرع نـال محصـوده
أبن وازن =
خط القلم والمعاني بصف = اللى زرع ذقت من جوده
والحرف وجهه أمام وخلف = عكس الذى جاك مردوده
فريج ابو مديده =
جاك الحكم وانت تستئنف = و تنقض بِنا القول و بنوده
انا اعرف انه امر مجحف = لا صارت الدرب مسدوده
لكن وانا اخوك لا تكلف = دام المواثيق موجوده
ما بين قسوة و رقة و عطف = يزهر لك الوقت بوروده