يابادع الالغاز ياراقي الفن = مافات شي وبانت المعطياتي
أفخر واغنيها الاجابة وادندن = و يشوش راسي يوم تِذكـَر غناتي
هذي ثلاثة للمدوّر عليهن = تذكر قبيلة حرب بالمعجزاتي
من يعرف التاريخ ماغاب عنهن = مثل النجوم الساطعة واضحاتي
واللي جهل ينشد عن نويشي وعن = فعل البلالي وعن خلف فالصفاتي
حفظ الامانة والخوي والكرم قن = من عهد اهلنا لعهدنا مورّثاتي

ابغى انشد الشعار وانشد معهم المتعلمين = عن بنت ترقى فوق رجل وغير ممكن طرحها
بنتن لها بطنين .. ما واحد حمل وسطه جنين = لها ثلاثة روس .. ذبْحة واحدن عن ذبحها

مكان ما يكتبون الإسم = سجلت يابو فرح اسمك
من قدّك اليوم مالك خصْم = فالقلب حايز على قسمك

سلام مخصوص لابن العم = اللي سواة الذهب حرفه
وابن عرابي عـَلـَم مِن كم = الكل يشهد له بعرفه
وابسأله عن خشير الدم = لا سيّل الدم من زرفه
الرد فيه الخساير جم = والدم باقي على نزفه

ردة الله العصلاني=
سلام والمشتكي جمـّال = تاجر وغرقان في دينه
يندب حظوظه على الاطلال = والليل يدعي محبينه
ابو طلق=
ترحيب واهل الجمال رجال = والدين لابد موفينه
لا تندب الحظ يالوبـّال = الليلة الجو يا زينه
ردة الله العصلاني=
عسى البقى وانشراح البال = والقن عندك موازينه
واقف بلا حل أو ترحال = فالقيد طالت به سنينه
ابو طلق=
يا صاحبي ياعزيز وغال = حسّـك شغل حس مغلينه
عطنا مفاتيح للأقفال = ولاّ نكسّـر كوالينه
ردة الله العصلاني=
سابع سنة من سنين طوال = متهوم ما بان مايدينه
دم ولحم في قساوة حال = صابر ولا حلّ في يدينه
ابو طلق=
الانبيا ذاقوا الأهوال = والظلم كانوا مقاسينه
لا تِجْزعه قسوة الأحوال = كل شي مكتوب في حينه

يا استاذ يا طيب السمعة = لا تزيد فوق الجروح جروح
اصبر ولابد من جـَمعة = يصبح بها خاطرك مشروح