لكل بيت ساس وابواب واركان = وقواعد من فوقها يشد مبناه
وان سوالي عن ثلاثه لهم شان = هم ساس رجل باشريعه عرفناه
ليا سقط واحد هذالرجل ما كان = وليا كملن الرجل يكمل مسماه
معروف في كل المذاهب والاديان =لكن كل له نظامه ومبداه
رجل تسافر له وتقضي به الشان =ترتيبه التالي ومن يجهله تاه

انشدك عن رجال في موقع نزيه = قديم لكن ماتغير موقعه
رجال له وجهين وآخر وجه فيه = للاتجاه اللي لنا الرب اشرعه

انشدك عن ورع على العود غنى = وان جيت تيتسمع لاغانيه ينحاش
لو تنشده وشيشتهي ويتمنى = قال اتمنى البعد عن كل الاوباش
دايم حوالينا ولاهو بمنا = ومع البخيل مدور العيش يعتاش

انشدك عن حرمه تعد من الحريم = حرمه غريبه والغريب اختارها
جابت لها خلق لهم وضع سليم = والساريه تميزوا باسرارها
غضبت وغابت واختفت وقت قديم = وعقب اختفت ماحد يعرف اخبارها
هذ كلام يقال والله العليم = ارواية تروى وذي ادوارها

وشبنت حره لعل الله يقبلها = حلوه واصيله ومن له حظ يملكها
كل الثقلين بامر الله تحملها = لكنها تفيد من يسلك مسالكها
كم من حمول اليا حلت تنزلها= والمسعد اللي قبل ما يموت يدركها

انشدك عن حاجة في يدك تحملها =تدري بها لكن انك مانت فاهمها
تشيلها طول عمرك وانت تجهلها = تكشف معالمك للباحث معالمها
مع كل شخص من العالم تحصلها = ويرضى بتحكيمها من كان حكمها

انشدك عن تسعة ارجال مهمّين = وجودهم يسبق وجوب المهمّه
مهمة مهمة للمسلمين = لها مع اللي يطلب الخير يمه
باوقات مخصوصه رفيقة هل الدين= واللي جهلها فعلها ما يهمه

انشدك عن رجل عزمته وزعلك =وعقب وصوله صرت تطلب افراقه
قربه وبعده من نتائج تعاملك = وبين الرجال يشد حبل العلاقه
شر على مالك ونقص على اهلك = واحيان به شر يطول الرفاقه

يامن يخبرني عسى الله يعافيه = عن الصديق اللي وفى بالصداقه
جبته من اللي يوم جابه زهد فيه = يبغى المكاسب ما زهدبه حماقه
اخذ منه واهدي بعد شفت خافيه = واصبح صديق من خيار الرفاقه

انشدك عن رجال كل تمناه = ولاشفت مخلوق بعقله يسبه
واللي يحبه عذبه لين خلاه = مشوه يصعب علاجه وطبه
ثم نتفه تنتيف تقل يتحداه = واللي يزيده موت فوق يصبه