صحيفة حرب ((تجري لقاء مع الشاعر سليمان القصيري ))

أجرت صحيفة حرب الإعلامية لقاء مع شاعر المحاورة وشاعر النظم الشاعر المعروف سليمان بن صالح القصيري واليكم اللقاء بتفاصيله :


( إجرى اللقاء مدير صحيفة حرب الإعلامية الشاعر بدر العياضي )




نبذه عن ضيف اللقاء الشاعر سليمان القصيري :

الاسم : سليمـان بن صـالح بن مليحـان القصيـري من قبيــلة مــزينــه من حــرب0

مـولـده ونشأتـه :.

ولـد الشـاعر في بلـدة قطـن الواقعه شمـال غـرب مدينـة الـرس عـامـ 1380هـ ونشـأ وتـررع فيهـــا تحـت كنـف والديــه0

حيــاته العمليــه :.

إلتـحـق الشــاعر في السلك العسكـري في قطـاع الحـرس الوطنـي بالرياض عـام1395 هـ . وانتقـل لمدينه جـده لتأديــه مهـام عملــه وواجبــه عامـ 1400هـ ثم عـاد للريـاض.
وأُحيــل للتــقاعد عـامـ 1420هـ عن رتبـة رقيـب0 وعاد لمسقط راسـه قطن واستقر بهـا0


س : متى بدأت الموهبه الشعرية لديك ياابا مشعل ؟


ج: بدأت الموهبه في سن مبكره أعتقد في سن الرابعة عشر من عمري


س: في بداية الموهبه هل كان يميل اابو مشعل الى شعر النظم ام الى شعر المحاورة ؟ ولماذا ؟


ج:اميل الى شعر المحاورة والسبب في ذلك حب لهذا اللون لون شعر المحاورة مع ان بدايتي في شعر النظم إلا أن حب شعر القلطه غلب
وارى نفسي فيــه..


س : متى كانت اول محاورة خضتها ومع من كانت ؟


ج: قبل تقريباً 25 سنه وكانت مع الشاعر العلم صياف الحربي وهي بلاشك محاورة أستفدت منها كثيراً وهي بداية أنطلاقي في ساحات شعر المحاورة



س : متى كانت بدايتك الفعليه وفي إي منطقة أنطلقت البداية الفعليه لك ؟

ج: بدايتي الفعليـه من أول محاوره لي وكانت بداية أنطلاقتي من منطقة القصيم وعرفني الجمهور من خلال محاوراتي في منطقة القصيم ثم بعد ذلك أنطلقت إلى خارج القصيم بمحاورات لازالت مستمره بفضل الله


س :كيف كانت بدايتك في المحاورة وهل واجهت صعوبة في ذلك ؟

ج: بدايتي كبداية إي شاعر عندما يبتدئ ونعم وجدت صعوبه في بداياتي ولكن في المقابل وجدت تأييد وتشجيع من الجمهور جعلني أبذل المزيد من عطاءاتي المستمره في ميادين المحاورة


س: ما افضل بيت وجه إليك ومع من ؟

ج : هو من الشاعر عبد الله العير رحمه الله أراد فيه نوعا ما اختباري في امر ما فرددت عليه بسرعه وقال لي كنت متوقع أنك راح ترد على بيتي بهذا الرد المتميز .


س: لماذا يُعرف عنكـ ان محاوراتك هجومية ؟

ج: لااهاجم دائما ولكن أحيان يكون الخصم هجومي فلا بد أن اقابله بهجوم وهذا مايجعل الجمهور يراني هجومي ولو إستمع الجمهور لأبيات الخصمـ التي رددت عليها بقوه لاعرف بالبداهه من الهجومـي..


س: مارأي ابا مشعل ؟بالموال هل وجوده بهذا الشكل أمر إيجابي أم سلبي في شعر المحاورة ؟

ج : الموال رأيي الشخصي فيه أنه أضر بشعر المحاورة لأنه أحيان يكون حشو كلام بعيد عن المعنى الذي يلعب عليه الشاعران
والمحاوره كانت قائمه بدونــه ولا زالت. ولكن الان في وقتنا الحالي أصبح الموال من ملحقيات المحاوره وهو مطلب جماهيري كذلك
الشاعر المتمكن يجعل من الموال أمر إيجابي داخل ساحة شعر المحاورة ..


س: مارأيك بطريقة الشعراء التي يتعاملون بها ضد الشعراء المبتدِئين؟؟..

ج:جداً خاطئه, تسليط القوه على الشاعر المبتدىء غير مُجديــه للشاعران انفسهمـ لاتنفع المبتدىء ولا تُظهر الشاعر المعروف في مظهر القوي..
الشاعر المبتدىء بحاجه للدعم بحاجه للأخذ والعطاء حتى يستفيد سواء منك او من غيركـ..والمعرفه ليست حكراً على احد.



س : محاورة لك لاتُنسى مع من وفي اي عام كانت ؟

ج: مع صياف رحمه الله وهي :

ســـــلـــــيــــــمــــــان الـــــقـــــصــــــيــــــري :
هــلا يامرحـبـا ترحـيـبـةٍ مـــن خـاطــرٍ مـســرور \ ارحــب بالـرجـال الـلــي تـعـشـى مـــن مخالـبـهـا
انــا عيـنـي تشـوفـك يالمطيهـ والـرسـن والـكــور \لـكــن السـالـفـه ياصـاحـبـي عـــارف وحاسـبـهـا

صـــــيـــــاف الــســحــيــمـــي رحـــــمــــــه الله :
لعـل ابـك البقـاء والكيـف مـن بيـن الرجـال يـدور \نبي نمشـي سـوى واهـل المناصـب فـي مناصبهـا
عيونك تعـرف الـدرب الجديـد اللـي عليـه اسبـور \ وانـا مـا قـدر علـى نشـر السوالـف ليـن اجربـهـا

ســـــلـــــيــــــمــــــان الـــــقـــــصــــــيــــــري :
عسـى ربـي يحييـكـم لـيـا جيـتـم عـلـى الميـسـور\تـرايــه صـاحــبٍ للـسـالـفـه وفــــلان صـاحـبـهـا
نبيـهـا طيـبـه مــا ودنـــا ذيـــك الـقــدور اتـفــور\انـا اعـرف الـرجـال الـلـي تـبـي تفـتـل شواربـهـا

صــــــــــــــــــــــــــــــيــــــــــــــــــ ــــــــــــاف :
ليـا هبـت هبـوب الخيرشـفـت البـيـرق المنـشـور\ولا الــوم الـرجــال الـلــي تـوقــف دون واجـبـهـا
قبل تطلع علينا الشمس نصحـي مـع شعـاع النـور\ودار الـعــز يـطـلـع نـورهــا بـحـضـور شـايـبـهـا

ســــــــــــــلـــــــــــــــيـــــــــــــــمــ ـــــــــــــان :
انـا رجـال عـارف حجـتـي يــوم الـهـدور اهــدور\لـيـا لاعبتـهـا عـيـبٍ عـلـى الـلــي مـــا يلاعـبـهـا
قبل لا يضـوح نـور النـور خايـف يالحليـف تـدور\اجـــل ماتشـوفـنـا مـــا ودنـــا بالـحـيـل نغضـبـهـا

صــــــــــــــــــــــــــــــيــــــــــــــــــ ــــــــــــاف :
انـا ماشـري فطـوري ليـن مدفـاع رمضـان يثـور\اخـــاف مـــن الـلـيـال اللي تـعــرض لـــي مصـايـبـهـا
لـــك الله مـانــروح الا رجـــال وبيـتـنـا مـعـمــور\لـكــن اصـبــر دقـيـقـه لـيــن ابـعـدهـا واقـربـهــا

ســــــــــــــلـــــــــــــــيـــــــــــــــمــ ـــــــــــــان :
وانـا مــاودي اقـطـع حبلـهـا يالصـاحـب الـمجـرور\مــدام اهـــل المـكـاتـب ياعمـيـلـي فـــي مكاتـبـهـا
تريـد تزرهـا ياصاحـبـي عــان الـرجـال احـضـور\انـا اعـرف اللـيـال الـسـود واخــذ مــن تجاربـهـا

صــــــــــــــــــــــــــــــيــــــــــــــــــ ــــــــــــاف :
عسـاك القاضـي اللـي مـا يبـا يقـبـل شـهـادة زور\ومـن يبـغي يـعـرف الارض يمـشـي فــي مناكبـهـا
ترى الغالي لاطب السوق يشرى والرخيص ايبور\وحـنــا مـانـبـا حـبــل المـطـيـه فــــوق غـاربـهــا

ســــــــــــــلـــــــــــــــيـــــــــــــــمــ ـــــــــــــان :
تـقـول انــك تمـسـى ياعميـلـي فــي ديــار دهــور\سيـوف الـعـز ياصـيـاف تقـضـب فــي مقاضبـهـا


س:مارأيك بشعراء حرب الشباب؟؟ وبماذا تنصحهمـ؟؟

جميعهمـ فيهمـ البركـه وهم على النهج الصحيـح
النصيحه ان يكونون بحــق شعراء القبيلــه منافحين عنها ومدافعين..


س : مارأي ابا مشعل ؟في صحيفة حرب الإعلامية ؟

ج: صحيفة ناجحه وهي المنبر الإعلامي الاول للقبيلة ونشكر القائمين على الصحيفة ونتمنى لها مزيداً من التميّز


س : في نهاية اللقاء ماذا تريد ان تختتم به اللقاء ؟

ج : اشكرك اخي بدر على الإستضافه التي تشرفت بها في صحيفة القبيلة صحيفة حرب الاعلامية .


_________________________________________________

أُجري اللقاء بمنزل الشاعر صالح بن حمود القويضي العياضي وبحضور كل من :


1- عبيد الهويملي

2-الشاعر منصور المزيني

3- محمد سعد الهويملي

4- عبد العزيز عبد الله فاضي المشيعلي

5- طلال العلوي


_________________________________________________



وهنا مقتطفات من محاورات الشاعر سليمان بن صالح القصيري


المجمله ببعض الردود:



*مـع الشاعر مسعد الجهنـي عامـ 1410هـ بالرياض- :

مسعد :

وش زرعك مـ بالسنه وش زرعكمـ بالشهور00 المزرعه عندكم ياحرب وش نبعهـا0

-سليمـان :

ماعــنــدنا إلا مصـانـع معطبات النحور 00 وإن كان تجهـل قبيلة حرب ذا طبعها0


*مع الشـاعر عاضه البقمي(رحمه الله) عـام 1412هـ بالرياض

-عـاضـه :

امـا يتوبنـي الرجــال وإلا يتــوب 00 سبحـان من يخـرج الحيــه من الميتـه0

- سليمـان :

أنـا ليا شفت لي حيـه تحك الجنـوب 00 أدور الجـرح ثـمـ ارقمـ علــى كيتــه0

*مـع الشاعر صياف الحربـي (رحمه الله) بالبتـراء

-سليمان :

البنـت بنت النـاس ياصياف ماهي بنت ابـوك00 وانته عيونك كل ماتنظر تبى تحتلهـا0

-صياف :

يامرحبـا صاير ملك ما اخبرك من روس الملوك00 والماء بعيـد وجمتـه تنزلها تنزلها0

* مـع الشـاعر خليـف بن دواس المطيري عامـ 1412 بالرياض

-خليـف :

الليــله الشعـار مـثـل التـــنــــك 00 والله لا اقرقع عليهـــمـ بتنـكه0

-سليمان :

اخليف ينفخ وهو وسط الشرك 00 عـودٍ يلاويلـه بوسط اشركــه0

*مع الشـاعر عبدالله العيـر عامـ 1419هـ ببريده

-سليمان :
أنا خيال وانشد بالبلد عن حضرة الخيال00 وانا القاسي وانا الراسي وانا خيال الأدباشي0

-عبدالله :

بعد صارت حرابه لايطيح السيف يارجال 00 ترى الخيـال يالحربي يبيع الروح ببلاشي0


*مع الشـاعر زيد العضيلـه عامـ 1423هـ بالرياض

-سليمان :

اثـر عيونك يالمسيحـي مايخليـها الشهـاب 00 بالوجه حبة خال والدنيا كفى الله شرها0


- زيد :

يالطرقـي اللي مامعك في طرقتك زاد وشراب 00 اللي برك يشتال والدنيا كفى الله شرها

__________________________________________________ _


وهنا مقتطفات من قصائد الشاعر سليمان بن صالح القصيري :

احدٍ ينـام وحـدر راسـه مخـده=وأحدٍ همومه حطته بيـن ناريـن
القلـب كنـك تشعطـه بـام رده=لا واهنيـك ياقلـوب البعـاريـن
تطلع رياجيـل الرخـا كـل شـده=اللي تحـرر بالسوالـف فلسطيـن
يا دار وين اهل الوفـاء والأشـده=علامة استفهـام مابيـن قوسيـن
ما شالـت الدنيـا حشـا ماتـرده=الأدمي من طيـن ونهايتـه طيـن

================

ياشينها لا جاتك من ميت احساس=كلمة بسيطٍ بيحـت كـل مكنـون
وصديت وانت تشوفها بين الأقواس=ومنين مافكرت فيهـا لهـا لـون
لو إنها من الراس للراس لابـاس=لكن إنها من هينٍ عـاش بالهـون
مابه نعم ياكود كشخـات الألبـاس=وإلا قصير ذراع عايش على الشون
قال المثل هذا بلا ابـوك يادبـاس=اليا ضونك زرق والكـل حـرذون

==========================

أنا كل ما أعلن توبتي للولي واتـوب=نظر لي بعينٍ تحـرم المسلـم التوبـه
ليا شفتها كن القدم ياعلي مقضوب=ابمشي وكن الرجل بالقاع مقضوبـه
ياليته رحمني يوم زاد الذنوب اذنوب=لكنه يريد الذنب والنفـس مذنوبـه
وسلوم الرجال اتحدني ماعليها دروب=لكن صابر ٍ والنار بالقلب مشبوبـه
ولاني ضعيفٍ بين هذي وذيك ايلوب=شجيع اللسان اللي نوايـاه مقلوبـه
عيوبه يخفيها وبالناس يلقى عيـوب=ونصيبه مبدل مجلس العـز بالكوبـه

==========================


ياسرع دمع العيون اليا تخيلتـك=واليا انشدن قلبي المجروح ينشدني
يشره عليه وانا والله ما اهملتـك=اموت واحيا بخيالك وانت مبعدني
عساك ما تموت لو تموت قابلتك=فدتك روحي عساك اللي تشهدني

==========================


دكتور عالجني عسى الهم ينـزاح=دور علاج إلهـم قلبـي يزيحـه
همي كبير وزود افراحي اتـراح=ولا ارتاح لين اشوف هاك المليحه
جوي تعكر والبلا الورق لا ناح=زاد الهضايم والضمايـر جريحـه
زاد الجروح اللي قديمات بجراح=واللي رمتني بالمواصل شحيحـه
الله يامرهم على الخير بإصـلاح=والله يجنبنـا دروب الفضيحـه

==========================


ياشين الوداع ويـوم قفـى وانـا قفيـت=مشيت التفـت يمـه وهـو يلتفـت يمـي
دخيلك لا تحسب صدتي كـل ماصديـت=علشـان اصـد وماتبـي تامـر وتـمـي
عزيزك عزيزك كـان بينـت وإلا اخفيـت=وغلاهـم معاويـن الدهـر نشفـن دمـي
عسى الله يعين الشارع اللـي يـود البيـت=تقل مالكه في صـك والبيـت هـو همـي
ترى ان قمت وإلا نمت وان رحت وإلا جيت=هو الثالث اللي بعـد ابويـه وبعـد امـي
هلا بإسمها اللـي كـل مـا مربـي فزيـت=لو إنه يسمى بـه ولـد جـن مـا اسمـي

===================================

قصدتك طلبتك وانت ماترد لي مطلوب =آبي منك حاجه تجبر القلب عن كسره
لا تساعد عليه وقتي القاسي المنكـوب=مدام المواجه بعد جده عـن البصـره
انا من سببك بصوب والمسلمين بصوب=تقل منهزم والناس بالحرب منتصـره
يابو غرةٍ بيضاء وردفٍ يشيل الثـوب=انا بوجه ربي لامشى ينهزع خصـره
يقولون توب ومن نظر به حرام يتوب=لو اتوب صارت حسرتي زايده حسره ..

===================================
بوقت الجهل عقالنا الضحـك قالـوا عيـب = وبعد مـا فهمـت تقولـي عيـب الأيامـي
أحد ياصـل الستيـن مـالاح فيـه الشيـب = وأنا شبت في واحد وعشرين مـن عامـي
رصيدي قبيلة حرب ماهـو رصيـد الذيـب = حـرامٍ عليّـه بينهـم عـضـة إبهـامـي
حزامي ذرايه تـاج راسـي رجـال الطيـب = ومادام باقـي راس حربـي هـو وسامـي
فدينـا الخـوي بأرواحنـا بالليـال الشيـب =وتنشّد نويشـي عـن محطمـة الأرقامـي
طرقت الصحيح وصح وأبعد عـن التعقيـب =وعلى كل سطـر وحـرف وقعـت ببهامـي
دام الصدق ساس الطيب والكذب ساس العيب = عن الصـدق مـا والله تزلـن يـا قلامـي
===================================

أعرف رفيق الرخاء لا درهمت يمـه = ليادرهمت بي تدرهم بي على أصحابي
نـروح للطيّـب اللـي همنـا همّـه =ماقال مانـي هنيـاء صكّـوا البابـي
شرهاتنـا ماننصّيهـا شويـر أمّـه =من خاب في شبّته في شيبته خابـي
أروح للـي تفـوّر صيحتـي دمّــه =يحوّل لزومي من حسابه على حسابي
ياذيب شرواك دايـم ساكـن القمّـة = وسود الحفر منزل(ن) للخايب الهابي
والله ماقلتـهـا هـزبـه ولانـمّـة = ولانـي بكـذّاب يلعـن كـل كذّابـي
صكّاتهـا علمتنـا الـرس والجمّـة =وخلتني أعرف صداقة عوج الأرقابي
ياجاهل العلم به شـدّة وبـه ضمّـه =ه سم حيّه وبه سم(ن) مـن الدابـي
أخص مـن بندقـه ماتخلّـي الزمّـه =مراية(ن) لو يتوب إبليـس ماتابـي
يكره لياشـاف نـاس بعـز ملتمّـه =وظيفة إبليس دايـم بيـن الأقرابـي
وهذي حركات دايـم خـارب الذمّـة = من شب بالمهزلة بالمهزلـة شابـي

===========



_____________________________________________


صوّر من اللقاء :
















وقبل الختامـ
نشكر صحيفة حرب ممثلةً بعملاقهــا الشاعر بدر العياضي..
وتقبلوا تحيــــــاتي..

أخيكمـ : منصور المزيني

الف الف الف شكر لصحيفة حرب وللأخ بدر العياضي

لاهانت الصحيفه على هاللقاء لشاعر علم من شعار قبيلة حرب وهو الشاعر الي يدافع ويهاجم من دون حرب وفيه

حميا ماهي في غيره وتشهد له قصايده وكنت أتمنى لو نص الحميا الي في رأس أبو مشعل تكون بعض شعار القبيلة

لقاء رائع واسئلة ممتازة وأجوبة كانت أروع وأذكى من أبو مشعل

لاهنت أخوي منصور وبيض الله وجهك يالقرم

نشكر صحيفة حرب على اجرى هذا اللقاء مع الشاعر سليمان القصيري

واشكرك على النقل

نشكر صحيفة حرب على اجرى هذا اللقاء مع الشاعر سليمان القصيري

وخطوة طيبة من الصحيفة لتعريف بشعراء حرب


وتشكر على النقل

الشكر للجميع يعطيكم العافيه

العفـوووووووو..

كل الشكــــــــر لمن تواجد بهذا المتصفــــــــــح..

وشرفني بحضورهـ وردهـ..

لكمـ جل التحايا ياعمالقـــــــــه..

نشكر صحيفه حرب
والشاعر سليمان القصيري
محارب من كل اتجاه في الاعلام نضرٍ لبعض الحاقدين لانه الله يطول بعمره لايجامل في ميادين المحاوره
ولايدع الخصم يهمز ويلمز في قبيله حرب وهاذى من مازاد اعدائه بل ان بعضهم حلف بئن لايلعب مع سليمان بعد ما كواه سليمان

¨°o.O ( ×××××××) O.o°¨

الله يـعـطـيـك الـعـافيـــــــــــة
بيض الله وجهك

لقاء ماتع مع شاعر يجيد فنون الشعر بشقيه النظم والمحاوره
شكرا العياضي على هذا الحوار الشيق

العفـوووووووو..

كل الشكــــــــر لمن تواجد بهذا المتصفــــــــــح..

وشرفني بحضورهـ وردهـ..

لكمـ جل التحايا ياعمالقـــــــــه..