عدد الضغطات : 0
الشاعر عبدالله بن زويبن المعمري الحربي.رحمه الله...سمعت لي كلمة مدري وش اقصاها=حزت بنفسي وأنا مانيب هارجها.....لوكل كلمة إلى جتنا طردناها=بعنا الثمينة بسعر مايخارجها......لو مرت السمع ماكنا سمعناها=ونقفل الراس عنها لا يبرمجها......ومن يم هذا لهذا مانقلناها=والناس واجد وتلقى من يروجها.....من جابها بين خلق الله وداها=لو به مراجل ترى نفسه يسمجها..........الشاعر// محمد بن شبيب الحداري رحمه الله ...........لا والله الا راح دور البداوه=ودور الركاب اللي عليها الشنوفي........ ومجالسٍ فيها لهلها طراوه=عنها الشوايب والهزيل محذوفــــي...... وراح الزمان اللي لعيشه حلاوه=واللي على الغارب رجع للردوفي.......... قالوا تسير قلت مامن فضاوه=قالوا علامك قلت عيت ظروفي........ اللي مضى بالنفس عنف وقساوه=واليوم أخلي كل عوجا تطوفي...... وأضحك مع اللي لي يكن العداوه=وأن صفقوا صفقت له بالكفوفي....... نخاف من دقة خطات اللعاوه=رادي نصيب وناقرٍ له علوفي........ يزعل على اللي يسوق الأخاوه=وذلوا معطرة النمش والسيوفي........ والمرتفع قالوا مثل ذاك ساوه=وشربت غثاريب الغريف العيوفي........ عين الغضب تفتح عليك السماوه=وعين الرضا لوبك خطا ما تشوفي....... هداج مات وجات غيره أجباوه=والروس قامت تدرق بالكتوفي............الشاعر/سالم بن مهاوش الحربي .....اللي ماتنفع به صنيعه و لا لين=ان راح قله روحت مقيط ورشاه......والله لو انه مين و لا ولد مين=من لايعدّك ذيب عدِّه ولد شاه.........الشاعر/ شموخ السلاطين........الوقت يكشف لك الناس وشهي من تكون....اما من رجالها ولا من رخومها.....اللي معادنهم ذهب فالوازم يصملون ......مايلوي ذراع الشدايد غير زحولها ................الشاعر / عبدالرحمن سليم الصاعدي(البيرق)..... في ملتقـى حرب الحرايب بدينـا /حرب الدول ربعي وهم تاج راسي .......قوم جمعـت مابيـن دنيـا ودينـا /الله عطاهم لين جانب وباسـي .......جند السـلام وضربهم باليدينا /عند الملاقى للمعادين قاسـي .......مكرمين الضيـف سمن وسمينـا /وسبع الخلا عشوه يوم العماسي..............الشاعر / خالد بن ماطر الحربي ....كل ماصادم الراس القوي زدت قوّه=والردي لو يزيد الهرج مازاد غلّي .....والجبل كل مالديت وانا علوّه=مايباريني براس الجبل غير ظلّي .....ليه اعادي قليل الخاتمه والمروّه=لاتجملت فيه وصد خله يولّي .....ودك ان الرجل يختار حتى عدوه=قبل يختار خلان النشب والتسلي ' ...........الشاعر/سند مسند العريمه الحربي........ لا صار ماتبدع إبيوتٍ ثمينه= = ريح ضميرك واترك الناس ترتاح ياما سمعنا من قصايد عجينه= = والمشكله حازت جماهير وأمداح في عالمٍ تصفق يساره يمينه= =وكل القصايد عنده إسمان وصحاح ميزانهم صوتٍ تعالى رنينه = = تلقى جماهيره لها صفق وصياح خلوا تقاليد العرب والسكينه= =في ليلهم مسراح والصبح ممراح ويااللي على الشاطي تدف السفينه= =عود على الساحل ترى مانت سباح البحـــر يبـغـاله رجــالٍ رزيـنـه= = له غـبـةٍ تـجـذب جـمـادات وارواح وخلك على كشته قريب المدينه = = دلــه وبــرادٍ له البـــال يــرتــاح...........الشاعر / بخيتان البشري .......ماضاق خاطر من نودّه ونغليه = لو البحر من ضيقته ضاق به ماه ..... مودّنا غالي و ودّه نخليه = غالي ولو كل العمر مالقيناه .......والي تولى للمشاعر موليه = قلب المودّ اللي وداده تولاه .........طيبّ خواطرنا بكامل تحليه = بصدق الشعور اللي عليها صدقناه ........اللي بصوته همنا دوم يجّليه = وبصوتنا قلبه من الهم نجلاه.........الشاعر /سعد المحمدي .........دريت باللي دار خلف الكواليس=وحطيت نفسي كن ماني بداري=بعض الامور اقيسها بالزمن قيس =وبعض الامور اصير فيها انتحاري=ان جيت يطفي نور كل الفوانيس=وان غبت غني ياطيور الكناري............الشاعر/عيسى العوفي..........وجهة نظر ماقول انا قولي مصيّب=ابديت رائيي مثل للرائي من قال.....ان جيتني بالطيب آعاملك بالطيب=ردالجميل وشيمة ارجال للرجال.....وان جيت في علم الردى ماقربه عيب=تكرم بها مالي مع العيب مدخال.......طبعي وربعي محتمين المواجيب=حربي بدربي متبع النذل لاعال.......العز لو تشويك حر اللواهيب=موتي ولاقوتي ورى ايدين الانذال......العمربامرالله وماقدّره غيب=والراس تصعب رفعة الراس لامال......وسيرة ارجال الطيب منها المكاسيب=نوريدل اللي جهل يقدي الضال......اخذت من غيري ادروس وتجاريب=اسئل وآخذت العلم من رؤس عقّال................الشاعر ( سعد المحمدي )............يابو فهد برق المزون النوازي=حجاز وانت بعالية نجد وبال=بينك وبينه بعد دار وغرازي=سيله بحر ياراعي المعدن العال=ماله مصب بداركم ورتكازي =العلم مايجهلك في كل الاحوال=يكفيك عن مية قليب ارتوازي=نهر الفرات اللي من الجال للجال=ابن المباني فوق ساسن عزازي=وقت الشتاء تذري وبالقيض مقيال=يامحزمي لاصبح الدار غازي=دنياك تبغى للعقد رجل حلال=واللي بها بالحالتين انتهازي=لابد مايلقى بها شمس وظلال=عن الحجاز اسمع كلام الحجازي=كلام حطه يارفيقي على البال=من التجارب دوبلماسي جوازي=عليه ختم المعرفه تقل تمثال=ياعل ماقلته على ارضاك حازي=في وقت ماينصح معك كل من قال.........الشاعر(زيد بن مبشر الحصني الحربي) رحمه الله ............أقول وأقابل ولاني بسايل=دام الكلام عن الحقايق مباحي=عندي على صحت كلامي دلايل=اموحهن من جم عدٍ قراحي=شفت وسمعت وقلت والرأس طايل=باللي على الساحه ولا هو سياحي=الله يجمل حال راع ألأصايل=حازن على الجوده بكل النواحي=والله ماجامل براعي الاوايل=لو ضاق من قولي زميلي مناحي=وشاعر قبيلة حرب عند القبايل=لافي حمود وبس حسب إقتراحي=ومن قال أنا بقول ويش انت قايل=أنا افتخر بجود ذخيرة سلاحي=ماشلت هم ملقحت كل حايل=اللي على ماقيل خف وجناحي ................الشاعر (مقبول حامد المحمدي).........بحثـــــت في قول البخاري ومسعود=والترمذي وكتـــــاب مسلم وماجه=وحتى النسائــي ما ذكر طب موكود=للصرقعه والعلعله واللجاجه=يا صاحبي ياراعي البيض والسود=ترى الكلام الشين عيــــــــب وسماجه=انا أعرف المقصــود والغير مقصود=ولا أحـــب هرج الثرثره والهماجه=الرجل ماهــــــــو للتفاهـــات محدود=ولا كل كـــلمه تستحــــــق المواجه=من سبب الفتنه ماهــــــــو كاسباً فود=ماحصّل الا لكمــــــــــتن في حجاجـــــه=جاه الخبـــــر مكتـــوب في رأس عبرود=عن حاجته كانـــــه بعمــــــــق الزجاجه=صحيح قالو يقـــــــرد النـــــاس مقرود=ويخسر غـــشــيـماً مايميـــــز خراجه=بعض العرب مـن راســــه العقل مفقود=ينفخ ذروبــــه ويتلقــــا العجـــاجــــــه=لو تنصحــــه عن سكـــــة الغي مايعود=ويترك قراح الماء ويشرب هماجه=يالله ياللـــــــي عنــــــدك الخير موعود=تجعل لنا مـــــــــن كل هــــــم انفراجه=نغضي ونصفـــــــح لكن القلب ملهود=جرح الخطـــــــــا عجزت اواري خلاجه=ماني على كل الخطا سيـــــــف مجرود=ولا كل عـــــود اعـــــوج يعــدل عواجه=والشعر له مــنـــهـــــج وله سلم وبنود=ماهو كما ســــــــوق يلجلـــــج حراجه=شعري مع أهل العرف مسموع مشهود=ولاني على كيــــــــف الغشيم ومزاجه=امشي عزاز الدرب وأســـــــنـّـــد اسنود=وأدرى قدم رجلــــــــي عــن الانزلاجه=ارفا كلامــــي لايجـــــي فيــــه منقود=ولاهمني قول الحســـــــــــود ورواجه=اللي مقيمني وشاهــــــــد لي العــــود=شيخاً بصرح المجــــــد يضوي سراجه روائع شعريه

الشاعر/ بخيتان البشري ......ودعتنا والموادع صعب = رمى بنا فالفراق المُر..... لعب الحزن فالمشاعر لعب = ما مر مثله ولا بيمُر.......الشاعر/احمد المحمدي...... ‏‏‏‏للي سألني يجي ويروح /من انت يبغى خبر والم /حربي انا من بني مسروح/ وعيال عمي بني سالم........الشاعر / بخيتان البشري .....قلبي طلع من قلوب أصُم = اللي لهم قلب من قلبك..........كل ما النصائح عليه تعم = حول الهوى زاد في قربك ...............﮼الشاعر/قابل﮼البشري﮼(الجمل)......مايزعّل الحق لا قلته /إلا من قلوبهم مرضى.....ومن كلمة الحق زعلته / عساه يزعل ولا يرضى...........الشاعر ( راشد الزهراني ) المحيط ........سقيت روضك من دموعي = وطول الدهر مستعد اسقيه...... ولايلومني حي في ربوعي = لو كان دمعي نهر مجريه ..............الشاعر / نفاع محمد السهلي ابوفرح ..........تدري متى يلفض الرجال ....في دنيته اخر انفاسه /لاحده الوقت للانذال ....دمعت قهر نكست راسه.......................الشاعر / حفيد_الحجيري.......الشوق مهما قِدَم ما يبيد=مثل السماء والهواء والطير......كل عام وأنتي هلال العيد=الله يعُـوُدِك عليّ بِخَيْر...............الشاعر ( أحمد بدين القايدي ).......كسب الفتى طيب أفعاله / اللي بها ينتهج له درب = وانا كسبته من رجاله / وافخر لأني فتى من حرب .............الشاعر العذب /عبدالعزيز الزويهري ابو بتال .......وا صدمتي صدمة منكد =أعيد مسترجع اللي فات.........و أزيد أسأل أبتاكد= صحيح ماهر صديقي مات؟...............الشاعر/ حمدان دراج القايدي .... حلفت اني اصون العهد=اللي من سنين اعطيتك....رغم العنا والجفا والصد=ماقد فيه يوم جاريتك.................الشاعر / نفاع السهلي ابوفـــرح ........عندي أمل فيك يا.. بكـره = تمحي بقايا جروح .. الأمس ....وقلوب حبت ولا تكــره = تشرق لها من جديد الشمس.............الشاعر/أبن رهدون.......أيامنا اليوم لو تحسب =دنياك يالادمي ساعه.....والمؤمن اللي لها يكسب =يعيش باقي العمر طاعه........الشاعر/عبدالعزيز الزويهري ابو بتال...........غلاك عندي غلاة العين=ياللي من الشوق ناديتك =معاك وحده من الثنتين= ان كان ما جيتني جيتك...............الشاعر/ سلمان القريقري ابوعمر ( حرب )........حتى النجاحات تتحقق=من دونها شروط للتحقيق...قال المثل يد ماتصفّق =تبغى لها يد للتصفيق.......الشاعر / سالم البشري ......مابين قسمه وجمع وطرح=لاهناك قلبي ولاهنيّه........كيف اهتني من هذاك الفرح=وارتاح من كل مابيّه.........الشاعر/خليفة المزروعي...........إهيا كذا كنها سرقه/=/لدة نظر يوم طالع في.....لوكان من بندقه طلقه/=/اهون عليه تراهاشوي...........الشاعر/ عبدالعزيز الزويهري...........البُعد خلّف جفا و صدود= وعشنا في زمانه بدوّامه ..........مدري زمان الصفا بيعود = و الا ّ قضى و أقفت أيامه ؟...........الشاعر / شاكر القايدي ......يامن ينقذ جريح القلب ....اللي هموم الزمن جاته ..... كل مابغا يتجه مع درب... يلقى قطار السعد فاته.................الشاعر /صقر المقرح ..........يامن تخوض الهوى بعزوف= خليتني فاصعب الأوقات ....لا تكبّني والجروح نزوف= وتندم على الوقت لنّه فات.............الشاعر / عبدالعزيز رويشد ...... اعلم ترى خيرة الاصحاب=مثل الذهب نادر ومافي...من كل خمسين ضن تراب=اجرام واحد ذهب صافي.....الشاعر/عبدالعزيز الزويهري (ابو بتال).....من لا هوى زي محبويي==عايش غرامه على الفاضي ==انا على احساس مكتوبي==حسيت ربي علي راضي.....الشاعر / حمدان دراج القايدي.....عواطف القلب لك وحدك.... ياللي ملكت الحلى والزين.....مافي احد في البشر مثلك.....طيفك سكن داخلي بالعين........الشاعر /غافل الهم قلبي ....... مريت بيتك نهار العيد...لكن قفلت بيبانك....عارفك زعلان بالتأكيد...حرام ماتشوف جيرانك..........الشاعر / عاشق الاصاله .........لاغابت الشمس بانمسي=من دون مدعوج الأعياني......مع القمر يكتمل انسي=في تالي الليل لاجاني..........الشاعر / حرب - سلمان القريقري ....... واعيني اللي من اسبابه=زايد سهرها عن المألوف ..واخاف لن طول غيابه=تفقد نظرها معاد تشوف.......الشاعر / خليفة المزروعي ...........عزي وتاجي قبيلة حرب=يوم الهول مزبن الخايف ... يشهد لها شرقها والغرب=ويشهد لها المطلع النايف.........الشاعر / ابوفرح السهلي .....لك حق والناس بالمقياس = مثلك لها حقوق موثوقة ...ومن لايوفي حقوق الناس = لايطالب الناس بحقوقة...........الشاعر / عبدالعزيز الزويهري ابو بتال ....هواك أعمى عيون الشك=لولاه يمديني احرقتك /لكن بإيمان ودي لك=كذبت نفسي و صدقتك......... ..............تلميذ الكسرة / ..............ما تعلم ان الجمال يلمّ **** وحظي الردي قادني يمّه........ آنا اتجــرع مرار وسمّ **** وكنّـــه يكـــايد ولا همّـه..........الشاعر / ابومبارك اليوبي.......خـذ المـثـل ياعـريـب الـجـد=اصل الشجاعه صبر ساعه=لايـغـرك الـزيـن يــوم يـلــد=اصبر وخلـك علـى الطاعـه................الشاعر / بيان الصمت ....سلام من قلب تلعب به=زود الهواجيس وأحواله=والوقت ما فادني طبه=من ظلمة الدرب وأهواله........الشاعر /وليف الشوق.....كل مانصحناك تتركني = وتشوفني من الد اعداك...واليوم لاعاد تنشدني = فيماحصل من مآسي جاك..........الشاعر / سرورالبشري ......طا وعت قلبي وما شيته= حتى رماني فدرب التيّه...ولا تنفع المبتلي ليته= لو جاء يعود معاد مديه............الشاعر (خليفة المزروعي)......عمر العجل مايضوي خير=يامحـسـن الـرجـل متـأنـي=الثقـل صنعـه ولــه تدبـيـر=وراع العجـل دوم متجنـي............الشاعر/خالد بن عبيد بن معتوق الأحمدي....... زايد بحسنُه على جيلُه= وكاسِب رضايه رغم عِندُه=ومن يوم يطلبني آجيلُه=خمسة دقايق وأنا عِندُه......الشاعر(ابوفـــرح)....عنـدي أمـل فيـك يـا.. بـكـره=تمحي بقايا جروح .. الأمس=وقـلــوب حــبــت ولا تــكــره=تشرق لها من جديد الشمس........الشاعر (حامد بن غالي السليهبي)(حسيبك للزمن) رحمه الله .........ناديت قلت انتهى صبري = واغبر زماني طِواني طَيّ=والناس بالحال ماتدري = اظمأ وجنبي غدير المَيّ.............الشاعر / محمد بدين القايدي ( السينات ) ......أدلِّـــــلـُــه دائماً وارضيه=والبِّسُــه ثوبه المألوف...لكن بِطبعُه يفرِّط فيه=ويخلِّي مَنْ لا يشــوف يشـوف.............الشاعر بخيتان البشري / ليه المجرة كواكبها=احيان عكس المدار تدور .. بحور تغرِق مراكبها=وتخلف نمط سيرها فبحور.......الشاعر ( حمدان دراج القايدي)......هليت دمعي من أسبابك = وجرحي نزف داخلي مقواك ‏=محتار وشهو اللذي صابك =الجرح في داخلي ماشقاك...........الشاعر ( راشد الزهراني )......حتى جبال السراة تحن = ماهي كما قلبك القاسي = يامن بوصلك على تمن = ودايم تعكر صفا كاسي ..........الشاعر ( خليفة المزروعي ).......ابوك يبني عليك امال / حذراك لاتخيب اماله /حاسيك لامالت الأحوال / إنت الجبل يجلس إظلاله........الشاعر( عبدالعزيز الزويهري ابوبتال )...... راح الذي فارق أوطانه = و أفعاله فالطيب ما راحت = و الله من بعد فقدانه = عمدان صرح الأدب طاحت ........الشاعره (الكحيلة) ......أتعبني القلب بحساسه=ادراه ويدور التعذيب= بهم ن ضلوعي حطب فاسه = من يطلع النجم لين يغيب .......الشاعر (حرب ابوعمر) ......قلبي سألني .حصل ماذا = تشكي ولاادري سبب شكواك = قلت انتظر فالوفا هذا = لكن تفاجئت جاني ذاك.......الشاعر (غافل الهم قلبي) ... احترت والقلب شايل هم /سنين مخفي الم جرحــــي =البوح ممنوع يالفاهم / راح العمر وانتظر فرحي .......الشاعر (ولد الساحل).....سبحان من بالجمال اعطاه / تحفه وتصوير رباني = سلهم برمش كحل غطاه = يرمي سهام الهوى فيني...........الشاعر ( نعيم عابد السيد ).....يا نار الاشواق ما تطفين / ما يكفي القلب واتلفتيه = هذاك لو كان ما تدريـن / سيب غرامك وولع فيـه ...........الشاعر ( احمد عاقل الغانمي ).......ابشتكـى راعـي الـدكـان / من بعد ماجـاب لـه هنـدى = ماعاد يرفق علـى الجيـران / حتى سلـف قـال ماعنـدى ...........الشاعر ( أحمد بدين القايدي ).......كسب الفتى طيب أفعاله / اللي بها ينتهج له درب = وانا كسبته من رجاله / وافخر لأني فتى من حرب .....الشاعر (عايش الدميخى ).......ابني فصرح الوفاء مدماك = يبقى مسجل عليه اسمك = ان عشت بالطيبة طريـــاك = ولا مت يبقى الثناء قسمك روائع الكسرات

 


العودة   ملتقى قبيلة حرب الرسمي > ๑۩۩ الملتقيات الأدبية ۩۩๑ > مــلــتــقــى الــقــوافــي > مــلتــقــى دواوين شــعــراء الــقــوافــي

مــلتــقــى دواوين شــعــراء الــقــوافــي [ جميع الشعراء ]

إضافة رد
 
أدوات الموضوع إبحث في الموضوع انواع عرض الموضوع
قديم 29-12-17, 08:54 PM   #1
شـــــاعر

 











 

نجم حـرب غير متواجد حالياً

نجم حـرب is on a distinguished road

افتراضي ديوان الشاعر / نايف عبدالله السليمي

السلام عليكم ورحمة الله وبركاته/
يسرني ان افتح ديواني المسمى بديوان / نجم حرب /
التوفيق للجميع /

مع تحيات نجم حرب/
نايف عبدالله السليمي




التوقيع :
    رد مع اقتباس
قديم 01-01-18, 08:45 PM   #2
شـــــاعر

 











 

نجم حـرب غير متواجد حالياً

نجم حـرب is on a distinguished road

افتراضي

اذكر قبل شهرين بالحرف قالت
يابوفهد اصبر ترى عندي اظروف

هي اللتي من دون لاماك حالت
حسبي على اللي بيننا صار ملقوف

قلت اسمعي يابنت مادام طالت
دامك معي والله مايلحقن خوف

ياعونت الله كيف اهمومي توالت
والقلب كنه بين الاضلاع مخطوف

من كثر مانطريك صالت وجالت
احس عقلي من سبايبك مخفوف

ابصبر لو ادموع الاعيان سالت
دام الخفوق بحبك اليوم مكلوف

من شان مايفرح بنا كل شامت
لان العواذل كلها ودها اتشوف

نصبر على الايام لوكان مالت
والحافظ اللي عنده السر مكشوف

*نجم حرب*
نايف عبدالله السليمي




التوقيع :
    رد مع اقتباس
قديم 03-01-18, 05:24 AM   #3
شـــــاعر

 











 

نجم حـرب غير متواجد حالياً

نجم حـرب is on a distinguished road

افتراضي

خل الشعر يرتاح ياجاهلٍ فيه
لاصرت ماتعطيه كامل احقوقه

خل الشعر للي قويه معانيه
ينقاه نقوة من شراء صفر نوقه

خل الشعر ياخوك معروف راعيه
اللي على معناه يطرق اطروقه

خل الشعر لاصرت ماانته بقاويه
ترى الشعر ياخوك معروف ذوقه

لاتزعج الشعار والشعر باليه
خل الشعر للي بذوقه يسوقه

موروثنا الشعبي كثيره شكاويه
مستشعرينه مزعجينه بسوقه

وسلام ياللي معتني في قوافيه
معناه يطرب والمسامع تروقه

*نجم حرب*
نايف عبدالله السليمي




التوقيع :
    رد مع اقتباس
قديم 05-01-18, 11:59 PM   #4
شـــــاعر

 











 

نجم حـرب غير متواجد حالياً

نجم حـرب is on a distinguished road

افتراضي

تدرون منهو في عدوي خدعني
حسن النوايا بعض الاحيان خداع

وتدرون منهو في صديقي نفعني
وقت الشدايد بعض الاحيان نفاع

وتدرون منهو فوق خدي صفعني
الحظ لاخانك على الخد صفاع

وتدرون منهو لاصنعته صنعني
جزل المعاني للطواريق صناع

وتدرون منهو لازهمته سمعني
هاجوس فكري لازهمناه سماع

وتدرون ويش ان ماقطعته قطعني
الوقت قالوا كنه السيف قطاع

وتدرون منهو بالمحبه شلعني
الزين لقلوب العشاشيق شلاع

وتدرون منهو في غرامه جمعني
هذاك غرون حبنا له بالاجماع

وتدرون كلمة حب هي ويش تعني
تعني قلبي اللي من الحب منلاع

وتدرون عن الصدق يومه تبعني
لاني على درب المواثيق تباع

وتدرون منهو دون خلي منعني
حكم القدر من دونه اليوم مناع

وتدرون حظي ليه ماهو رفعني
لان الزمن ماهو على طول رفاع

نجم حرب
نايف عبدالله السليمي




التوقيع :
    رد مع اقتباس
قديم 06-01-18, 01:41 PM   #5
شـــــاعر

 











 

نجم حـرب غير متواجد حالياً

نجم حـرب is on a distinguished road

افتراضي

الحكي واجد والفعايل قليله
ياقل من يرسي على جمة البير

الطيب والمعروف ماهنا بديله
ماقام به ياغير زحول المناعير

والا الردي ماقام بحمل الثقيله
تعرف مداه اليا بديت المشاوير

ياهل السيوف المرهفات الصقيله
تاريخكم يكتب عن الفعل تقرير

ياحي من عدا براس الطويله
الحر حر وله جناحين ويطير

اليوم بعض الناس ضيع دليله
يقضي حياته كلها عاكس السير

يا الله بستر الحال عن كل ميله
ويا الله غناةٍ منك عن حاجة الغير

نجم حرب
نايف عبدالله السليمي




التوقيع :
    رد مع اقتباس
قديم 08-01-18, 12:54 PM   #6
شـــــاعر

 











 

نجم حـرب غير متواجد حالياً

نجم حـرب is on a distinguished road

افتراضي

الله يعين اللي بوقته تعوق
ماجاته الدنيا على مايريدي

انا الذي ملهوف وقلبي تشوق
والهم من فرقى الحبايب يزيدي

مثل السجين اللي بسجنه مطوق
من دونه الحراس وبالرجل قيدي

على الذي لاشفت زوله اروق
لوفات عيد الناس كني بعيدي

غرون على كل الصبايا تفوق
حتى القمر من شوفته مستفيدي

بنت الشرف ماغازلوها الملوق
والراس عن فعل الدنايا عنيدي

ماهي على شان الرذيله تسوق
مصيونةٍ ماهي تحب المريدي

هذي وصايفها وانا القلب توق
ومن شانها نظمت جزل القصيدي

نجم حرب
نايف عبدالله السليمي




التوقيع :
    رد مع اقتباس
قديم 28-01-18, 09:58 PM   #7
شـــــاعر

 











 

نجم حـرب غير متواجد حالياً

نجم حـرب is on a distinguished road

افتراضي

هرج السعه يصبح علينا صغيري
نذبح ونصلخ واضخم القصر نبنيه

كلٍ يقول الحل عندي يصيري
آصل بعيد الدار والغالي اشريه

وهرج الفعل يصبح علينا كبيري
ياقل من حل الصواعيب بيديه

فعل الرجل يظهر بيومٍ عسيري
لامن نخيته قام والدين يقضيه

والا ردي العرف مافيه خيري
رداه عن فعل النواميس حاديه

اللي على عمياه هرجه كثيري
لابد مالايام تظهر خوافيه

الحر حر وفوق دايم يطيري
وقالوا اللي مايعرف الصقر يشويه

مع تحيات نجم حرب
نايف عبدالله السليمي




التوقيع :
    رد مع اقتباس
قديم 28-01-18, 10:00 PM   #8
شـــــاعر

 











 

نجم حـرب غير متواجد حالياً

نجم حـرب is on a distinguished road

افتراضي

اضحك وسولف يالغظي قول لي تم
فل الحجاج وخل الأخلاق عالي

سوالفك تجلى عن الخاطر الهم
ياماحلا لاشفت زولك اقبالي

وصارت سوالفنا من الفم للفم
يامنوتي ياغايتي راس مالي

ياام الجديل اللي كما الليل لا اظلم
لاغاب نور الشمس ونور الهلالي

والطرف فيه معسكر الجيش ياعم
على الحدود وجاهزٍ للقتالي

واللي يقود الجيش خاين ومجرم
لا قلت صل غرب صلى شمالي

وباق الوصايف حسنها فيك يلتم
سبحان من عطاك حسن الجمالي

انا الذي في حبك اليوم مغرم
حبك ملك عقلبي وقلبي وبالي

ليت الليالي تشبك الكم بالكم
على سبيل الحب تحلا الليالي

كان الهوى لاهل الهوى دوم يظلم
انا مظلومه في جميع الحوالي

ليت الغظي لاشاهد الحال يرحم
دامه عديل الروح وبالحيل غالي

وتم الكلام اللي بديته منظم
فيه المعاني من قصيدي جزالي

مع تحيات نجم حرب
نايف عبدالله السليمي




التوقيع :
    رد مع اقتباس
قديم 07-02-18, 01:09 PM   #9
شـــــاعر

 











 

نجم حـرب غير متواجد حالياً

نجم حـرب is on a distinguished road

افتراضي

ذبحتـنـي يـازيـن فـــي قـولـتـك لـيــش
مــــدري تـغــلــي مــنـــك والا غـشــامــه

وانـا علـى شانـك هجوسـي طواريـش
اسـهـر وغـيـري مهـتـنـي فـــي مـنـامـه

ماظنـتـي لاغـبـت عــن عيـنـي اعـيــش
ارحــــم حـيـاتــي يـاشـبـيـه الـحـمـامـه

يسري بي الهوجاس ويلعبي الطيش
مـــن شـافـنـي يـقــول مــــدري عــلامــه

اهــل الـهـوى والـحـب نــاسٍ خـواريـش
مــــن لامــهــم يــاعــل يـظــلــم ظــلامـــه

حلفـت مااسمـع فيـك قـول الغواشيـش
نـــاسٍ عـلــى الـعـاشـق تـقــول الـمـلامـه

ياطير ياللي بالسمـاء تنفـض الريـش
مـيِّـل عـلـى مــن ساقـنـي فـــي غـرامــه

غــرون عـلـى الكفـيـن حــط النـواقـيـش
عـشــر وثـمــان سـنـيـن عـمــره تـمـامــه

يـاطـيـر جـعـلـك ســالــمٍ دوم وتـعـيــش
هـــات الـخـبــر لاجـيـتـنـي بـالـسـلامـه

انــا ذبـحـنـي صـاحـبـي بالـروامـيـش
الــمــوت بــيــن الـعــيــن والابـتـسـامــه

ياليـت خـلـي يـرحـم الـحـال بشـويـش
عـلـيــه قـلــبــي تــايـــهٍ فـــــي هـيــامــه

ومــن غيـرهـا ياطـيـر مافـيـش مافـيـش
ويــغـنيك عن طـول الكلام انتظامه

مع تحيات نجم حرب نايف عبدالله السليمي
*




التوقيع :
    رد مع اقتباس
قديم 10-02-18, 02:29 AM   #10
شـــــاعر

 











 

نجم حـرب غير متواجد حالياً

نجم حـرب is on a distinguished road

افتراضي

شاب القصيد وباقي الطيب ماشاب
باقي على لونه وشكله وعزه

صممت له عزي شبابيك وابواب
لاني سمو العز وبيت المعزه

وفتحت صدري للمشاكيل ترحاب
وعقلي جبل ماحدٍ يحاول يهزه

رباني اللي نظرته فوق مرقاب
ابوي بالشدات ماحدٍ يلزه

ياهيه ياللي تدعي حل الاصعاب
ماشفنا اركابك درهمت صوب غزه

عوافي ماحدٍ قام يحسب لك احساب
عود على العصير وبالحيل مزه

السوق له شراي وبايع وجلاب
وسعر الذهب يفرق عن اكياس مزه

مع تحيات نجم حرب نايف عبدالله السليمي




التوقيع :
    رد مع اقتباس
إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

IP



الساعة الآن 06:07 PM


Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
Ads Management Version 3.0.1 by Saeed Al-Atwi
ترنكات لخدمات الويب