عدد الضغطات : 0
الشاعر عبدالله بن زويبن المعمري الحربي.رحمه الله...سمعت لي كلمة مدري وش اقصاها=حزت بنفسي وأنا مانيب هارجها.....لوكل كلمة إلى جتنا طردناها=بعنا الثمينة بسعر مايخارجها......لو مرت السمع ماكنا سمعناها=ونقفل الراس عنها لا يبرمجها......ومن يم هذا لهذا مانقلناها=والناس واجد وتلقى من يروجها.....من جابها بين خلق الله وداها=لو به مراجل ترى نفسه يسمجها..........الشاعر// محمد بن شبيب الحداري رحمه الله ...........لا والله الا راح دور البداوه=ودور الركاب اللي عليها الشنوفي........ ومجالسٍ فيها لهلها طراوه=عنها الشوايب والهزيل محذوفــــي...... وراح الزمان اللي لعيشه حلاوه=واللي على الغارب رجع للردوفي.......... قالوا تسير قلت مامن فضاوه=قالوا علامك قلت عيت ظروفي........ اللي مضى بالنفس عنف وقساوه=واليوم أخلي كل عوجا تطوفي...... وأضحك مع اللي لي يكن العداوه=وأن صفقوا صفقت له بالكفوفي....... نخاف من دقة خطات اللعاوه=رادي نصيب وناقرٍ له علوفي........ يزعل على اللي يسوق الأخاوه=وذلوا معطرة النمش والسيوفي........ والمرتفع قالوا مثل ذاك ساوه=وشربت غثاريب الغريف العيوفي........ عين الغضب تفتح عليك السماوه=وعين الرضا لوبك خطا ما تشوفي....... هداج مات وجات غيره أجباوه=والروس قامت تدرق بالكتوفي............الشاعر/سالم بن مهاوش الحربي .....اللي ماتنفع به صنيعه و لا لين=ان راح قله روحت مقيط ورشاه......والله لو انه مين و لا ولد مين=من لايعدّك ذيب عدِّه ولد شاه.........الشاعر/ شموخ السلاطين........الوقت يكشف لك الناس وشهي من تكون....اما من رجالها ولا من رخومها.....اللي معادنهم ذهب فالوازم يصملون ......مايلوي ذراع الشدايد غير زحولها ................الشاعر / عبدالرحمن سليم الصاعدي(البيرق)..... في ملتقـى حرب الحرايب بدينـا /حرب الدول ربعي وهم تاج راسي .......قوم جمعـت مابيـن دنيـا ودينـا /الله عطاهم لين جانب وباسـي .......جند السـلام وضربهم باليدينا /عند الملاقى للمعادين قاسـي .......مكرمين الضيـف سمن وسمينـا /وسبع الخلا عشوه يوم العماسي..............الشاعر / خالد بن ماطر الحربي ....كل ماصادم الراس القوي زدت قوّه=والردي لو يزيد الهرج مازاد غلّي .....والجبل كل مالديت وانا علوّه=مايباريني براس الجبل غير ظلّي .....ليه اعادي قليل الخاتمه والمروّه=لاتجملت فيه وصد خله يولّي .....ودك ان الرجل يختار حتى عدوه=قبل يختار خلان النشب والتسلي ' ...........الشاعر/سند مسند العريمه الحربي........ لا صار ماتبدع إبيوتٍ ثمينه= = ريح ضميرك واترك الناس ترتاح ياما سمعنا من قصايد عجينه= = والمشكله حازت جماهير وأمداح في عالمٍ تصفق يساره يمينه= =وكل القصايد عنده إسمان وصحاح ميزانهم صوتٍ تعالى رنينه = = تلقى جماهيره لها صفق وصياح خلوا تقاليد العرب والسكينه= =في ليلهم مسراح والصبح ممراح ويااللي على الشاطي تدف السفينه= =عود على الساحل ترى مانت سباح البحـــر يبـغـاله رجــالٍ رزيـنـه= = له غـبـةٍ تـجـذب جـمـادات وارواح وخلك على كشته قريب المدينه = = دلــه وبــرادٍ له البـــال يــرتــاح...........الشاعر / بخيتان البشري .......ماضاق خاطر من نودّه ونغليه = لو البحر من ضيقته ضاق به ماه ..... مودّنا غالي و ودّه نخليه = غالي ولو كل العمر مالقيناه .......والي تولى للمشاعر موليه = قلب المودّ اللي وداده تولاه .........طيبّ خواطرنا بكامل تحليه = بصدق الشعور اللي عليها صدقناه ........اللي بصوته همنا دوم يجّليه = وبصوتنا قلبه من الهم نجلاه.........الشاعر /سعد المحمدي .........دريت باللي دار خلف الكواليس=وحطيت نفسي كن ماني بداري=بعض الامور اقيسها بالزمن قيس =وبعض الامور اصير فيها انتحاري=ان جيت يطفي نور كل الفوانيس=وان غبت غني ياطيور الكناري............الشاعر/عيسى العوفي..........وجهة نظر ماقول انا قولي مصيّب=ابديت رائيي مثل للرائي من قال.....ان جيتني بالطيب آعاملك بالطيب=ردالجميل وشيمة ارجال للرجال.....وان جيت في علم الردى ماقربه عيب=تكرم بها مالي مع العيب مدخال.......طبعي وربعي محتمين المواجيب=حربي بدربي متبع النذل لاعال.......العز لو تشويك حر اللواهيب=موتي ولاقوتي ورى ايدين الانذال......العمربامرالله وماقدّره غيب=والراس تصعب رفعة الراس لامال......وسيرة ارجال الطيب منها المكاسيب=نوريدل اللي جهل يقدي الضال......اخذت من غيري ادروس وتجاريب=اسئل وآخذت العلم من رؤس عقّال................الشاعر ( سعد المحمدي )............يابو فهد برق المزون النوازي=حجاز وانت بعالية نجد وبال=بينك وبينه بعد دار وغرازي=سيله بحر ياراعي المعدن العال=ماله مصب بداركم ورتكازي =العلم مايجهلك في كل الاحوال=يكفيك عن مية قليب ارتوازي=نهر الفرات اللي من الجال للجال=ابن المباني فوق ساسن عزازي=وقت الشتاء تذري وبالقيض مقيال=يامحزمي لاصبح الدار غازي=دنياك تبغى للعقد رجل حلال=واللي بها بالحالتين انتهازي=لابد مايلقى بها شمس وظلال=عن الحجاز اسمع كلام الحجازي=كلام حطه يارفيقي على البال=من التجارب دوبلماسي جوازي=عليه ختم المعرفه تقل تمثال=ياعل ماقلته على ارضاك حازي=في وقت ماينصح معك كل من قال.........الشاعر(زيد بن مبشر الحصني الحربي) رحمه الله ............أقول وأقابل ولاني بسايل=دام الكلام عن الحقايق مباحي=عندي على صحت كلامي دلايل=اموحهن من جم عدٍ قراحي=شفت وسمعت وقلت والرأس طايل=باللي على الساحه ولا هو سياحي=الله يجمل حال راع ألأصايل=حازن على الجوده بكل النواحي=والله ماجامل براعي الاوايل=لو ضاق من قولي زميلي مناحي=وشاعر قبيلة حرب عند القبايل=لافي حمود وبس حسب إقتراحي=ومن قال أنا بقول ويش انت قايل=أنا افتخر بجود ذخيرة سلاحي=ماشلت هم ملقحت كل حايل=اللي على ماقيل خف وجناحي ................الشاعر (مقبول حامد المحمدي).........بحثـــــت في قول البخاري ومسعود=والترمذي وكتـــــاب مسلم وماجه=وحتى النسائــي ما ذكر طب موكود=للصرقعه والعلعله واللجاجه=يا صاحبي ياراعي البيض والسود=ترى الكلام الشين عيــــــــب وسماجه=انا أعرف المقصــود والغير مقصود=ولا أحـــب هرج الثرثره والهماجه=الرجل ماهــــــــو للتفاهـــات محدود=ولا كل كـــلمه تستحــــــق المواجه=من سبب الفتنه ماهــــــــو كاسباً فود=ماحصّل الا لكمــــــــــتن في حجاجـــــه=جاه الخبـــــر مكتـــوب في رأس عبرود=عن حاجته كانـــــه بعمــــــــق الزجاجه=صحيح قالو يقـــــــرد النـــــاس مقرود=ويخسر غـــشــيـماً مايميـــــز خراجه=بعض العرب مـن راســــه العقل مفقود=ينفخ ذروبــــه ويتلقــــا العجـــاجــــــه=لو تنصحــــه عن سكـــــة الغي مايعود=ويترك قراح الماء ويشرب هماجه=يالله ياللـــــــي عنــــــدك الخير موعود=تجعل لنا مـــــــــن كل هــــــم انفراجه=نغضي ونصفـــــــح لكن القلب ملهود=جرح الخطـــــــــا عجزت اواري خلاجه=ماني على كل الخطا سيـــــــف مجرود=ولا كل عـــــود اعـــــوج يعــدل عواجه=والشعر له مــنـــهـــــج وله سلم وبنود=ماهو كما ســــــــوق يلجلـــــج حراجه=شعري مع أهل العرف مسموع مشهود=ولاني على كيــــــــف الغشيم ومزاجه=امشي عزاز الدرب وأســـــــنـّـــد اسنود=وأدرى قدم رجلــــــــي عــن الانزلاجه=ارفا كلامــــي لايجـــــي فيــــه منقود=ولاهمني قول الحســـــــــــود ورواجه=اللي مقيمني وشاهــــــــد لي العــــود=شيخاً بصرح المجــــــد يضوي سراجه روائع شعريه

الشاعر/ بخيتان البشري ......ودعتنا والموادع صعب = رمى بنا فالفراق المُر..... لعب الحزن فالمشاعر لعب = ما مر مثله ولا بيمُر.......الشاعر/احمد المحمدي...... ‏‏‏‏للي سألني يجي ويروح /من انت يبغى خبر والم /حربي انا من بني مسروح/ وعيال عمي بني سالم........الشاعر / بخيتان البشري .....قلبي طلع من قلوب أصُم = اللي لهم قلب من قلبك..........كل ما النصائح عليه تعم = حول الهوى زاد في قربك ...............﮼الشاعر/قابل﮼البشري﮼(الجمل)......مايزعّل الحق لا قلته /إلا من قلوبهم مرضى.....ومن كلمة الحق زعلته / عساه يزعل ولا يرضى...........الشاعر ( راشد الزهراني ) المحيط ........سقيت روضك من دموعي = وطول الدهر مستعد اسقيه...... ولايلومني حي في ربوعي = لو كان دمعي نهر مجريه ..............الشاعر / نفاع محمد السهلي ابوفرح ..........تدري متى يلفض الرجال ....في دنيته اخر انفاسه /لاحده الوقت للانذال ....دمعت قهر نكست راسه.......................الشاعر / حفيد_الحجيري.......الشوق مهما قِدَم ما يبيد=مثل السماء والهواء والطير......كل عام وأنتي هلال العيد=الله يعُـوُدِك عليّ بِخَيْر...............الشاعر ( أحمد بدين القايدي ).......كسب الفتى طيب أفعاله / اللي بها ينتهج له درب = وانا كسبته من رجاله / وافخر لأني فتى من حرب .............الشاعر العذب /عبدالعزيز الزويهري ابو بتال .......وا صدمتي صدمة منكد =أعيد مسترجع اللي فات.........و أزيد أسأل أبتاكد= صحيح ماهر صديقي مات؟...............الشاعر/ حمدان دراج القايدي .... حلفت اني اصون العهد=اللي من سنين اعطيتك....رغم العنا والجفا والصد=ماقد فيه يوم جاريتك.................الشاعر / نفاع السهلي ابوفـــرح ........عندي أمل فيك يا.. بكـره = تمحي بقايا جروح .. الأمس ....وقلوب حبت ولا تكــره = تشرق لها من جديد الشمس.............الشاعر/أبن رهدون.......أيامنا اليوم لو تحسب =دنياك يالادمي ساعه.....والمؤمن اللي لها يكسب =يعيش باقي العمر طاعه........الشاعر/عبدالعزيز الزويهري ابو بتال...........غلاك عندي غلاة العين=ياللي من الشوق ناديتك =معاك وحده من الثنتين= ان كان ما جيتني جيتك...............الشاعر/ سلمان القريقري ابوعمر ( حرب )........حتى النجاحات تتحقق=من دونها شروط للتحقيق...قال المثل يد ماتصفّق =تبغى لها يد للتصفيق.......الشاعر / سالم البشري ......مابين قسمه وجمع وطرح=لاهناك قلبي ولاهنيّه........كيف اهتني من هذاك الفرح=وارتاح من كل مابيّه.........الشاعر/خليفة المزروعي...........إهيا كذا كنها سرقه/=/لدة نظر يوم طالع في.....لوكان من بندقه طلقه/=/اهون عليه تراهاشوي...........الشاعر/ عبدالعزيز الزويهري...........البُعد خلّف جفا و صدود= وعشنا في زمانه بدوّامه ..........مدري زمان الصفا بيعود = و الا ّ قضى و أقفت أيامه ؟...........الشاعر / شاكر القايدي ......يامن ينقذ جريح القلب ....اللي هموم الزمن جاته ..... كل مابغا يتجه مع درب... يلقى قطار السعد فاته.................الشاعر /صقر المقرح ..........يامن تخوض الهوى بعزوف= خليتني فاصعب الأوقات ....لا تكبّني والجروح نزوف= وتندم على الوقت لنّه فات.............الشاعر / عبدالعزيز رويشد ...... اعلم ترى خيرة الاصحاب=مثل الذهب نادر ومافي...من كل خمسين ضن تراب=اجرام واحد ذهب صافي.....الشاعر/عبدالعزيز الزويهري (ابو بتال).....من لا هوى زي محبويي==عايش غرامه على الفاضي ==انا على احساس مكتوبي==حسيت ربي علي راضي.....الشاعر / حمدان دراج القايدي.....عواطف القلب لك وحدك.... ياللي ملكت الحلى والزين.....مافي احد في البشر مثلك.....طيفك سكن داخلي بالعين........الشاعر /غافل الهم قلبي ....... مريت بيتك نهار العيد...لكن قفلت بيبانك....عارفك زعلان بالتأكيد...حرام ماتشوف جيرانك..........الشاعر / عاشق الاصاله .........لاغابت الشمس بانمسي=من دون مدعوج الأعياني......مع القمر يكتمل انسي=في تالي الليل لاجاني..........الشاعر / حرب - سلمان القريقري ....... واعيني اللي من اسبابه=زايد سهرها عن المألوف ..واخاف لن طول غيابه=تفقد نظرها معاد تشوف.......الشاعر / خليفة المزروعي ...........عزي وتاجي قبيلة حرب=يوم الهول مزبن الخايف ... يشهد لها شرقها والغرب=ويشهد لها المطلع النايف.........الشاعر / ابوفرح السهلي .....لك حق والناس بالمقياس = مثلك لها حقوق موثوقة ...ومن لايوفي حقوق الناس = لايطالب الناس بحقوقة...........الشاعر / عبدالعزيز الزويهري ابو بتال ....هواك أعمى عيون الشك=لولاه يمديني احرقتك /لكن بإيمان ودي لك=كذبت نفسي و صدقتك......... ..............تلميذ الكسرة / ..............ما تعلم ان الجمال يلمّ **** وحظي الردي قادني يمّه........ آنا اتجــرع مرار وسمّ **** وكنّـــه يكـــايد ولا همّـه..........الشاعر / ابومبارك اليوبي.......خـذ المـثـل ياعـريـب الـجـد=اصل الشجاعه صبر ساعه=لايـغـرك الـزيـن يــوم يـلــد=اصبر وخلـك علـى الطاعـه................الشاعر / بيان الصمت ....سلام من قلب تلعب به=زود الهواجيس وأحواله=والوقت ما فادني طبه=من ظلمة الدرب وأهواله........الشاعر /وليف الشوق.....كل مانصحناك تتركني = وتشوفني من الد اعداك...واليوم لاعاد تنشدني = فيماحصل من مآسي جاك..........الشاعر / سرورالبشري ......طا وعت قلبي وما شيته= حتى رماني فدرب التيّه...ولا تنفع المبتلي ليته= لو جاء يعود معاد مديه............الشاعر (خليفة المزروعي)......عمر العجل مايضوي خير=يامحـسـن الـرجـل متـأنـي=الثقـل صنعـه ولــه تدبـيـر=وراع العجـل دوم متجنـي............الشاعر/خالد بن عبيد بن معتوق الأحمدي....... زايد بحسنُه على جيلُه= وكاسِب رضايه رغم عِندُه=ومن يوم يطلبني آجيلُه=خمسة دقايق وأنا عِندُه......الشاعر(ابوفـــرح)....عنـدي أمـل فيـك يـا.. بـكـره=تمحي بقايا جروح .. الأمس=وقـلــوب حــبــت ولا تــكــره=تشرق لها من جديد الشمس........الشاعر (حامد بن غالي السليهبي)(حسيبك للزمن) رحمه الله .........ناديت قلت انتهى صبري = واغبر زماني طِواني طَيّ=والناس بالحال ماتدري = اظمأ وجنبي غدير المَيّ.............الشاعر / محمد بدين القايدي ( السينات ) ......أدلِّـــــلـُــه دائماً وارضيه=والبِّسُــه ثوبه المألوف...لكن بِطبعُه يفرِّط فيه=ويخلِّي مَنْ لا يشــوف يشـوف.............الشاعر بخيتان البشري / ليه المجرة كواكبها=احيان عكس المدار تدور .. بحور تغرِق مراكبها=وتخلف نمط سيرها فبحور.......الشاعر ( حمدان دراج القايدي)......هليت دمعي من أسبابك = وجرحي نزف داخلي مقواك ‏=محتار وشهو اللذي صابك =الجرح في داخلي ماشقاك...........الشاعر ( راشد الزهراني )......حتى جبال السراة تحن = ماهي كما قلبك القاسي = يامن بوصلك على تمن = ودايم تعكر صفا كاسي ..........الشاعر ( خليفة المزروعي ).......ابوك يبني عليك امال / حذراك لاتخيب اماله /حاسيك لامالت الأحوال / إنت الجبل يجلس إظلاله........الشاعر( عبدالعزيز الزويهري ابوبتال )...... راح الذي فارق أوطانه = و أفعاله فالطيب ما راحت = و الله من بعد فقدانه = عمدان صرح الأدب طاحت ........الشاعره (الكحيلة) ......أتعبني القلب بحساسه=ادراه ويدور التعذيب= بهم ن ضلوعي حطب فاسه = من يطلع النجم لين يغيب .......الشاعر (حرب ابوعمر) ......قلبي سألني .حصل ماذا = تشكي ولاادري سبب شكواك = قلت انتظر فالوفا هذا = لكن تفاجئت جاني ذاك.......الشاعر (غافل الهم قلبي) ... احترت والقلب شايل هم /سنين مخفي الم جرحــــي =البوح ممنوع يالفاهم / راح العمر وانتظر فرحي .......الشاعر (ولد الساحل).....سبحان من بالجمال اعطاه / تحفه وتصوير رباني = سلهم برمش كحل غطاه = يرمي سهام الهوى فيني...........الشاعر ( نعيم عابد السيد ).....يا نار الاشواق ما تطفين / ما يكفي القلب واتلفتيه = هذاك لو كان ما تدريـن / سيب غرامك وولع فيـه ...........الشاعر ( احمد عاقل الغانمي ).......ابشتكـى راعـي الـدكـان / من بعد ماجـاب لـه هنـدى = ماعاد يرفق علـى الجيـران / حتى سلـف قـال ماعنـدى ...........الشاعر ( أحمد بدين القايدي ).......كسب الفتى طيب أفعاله / اللي بها ينتهج له درب = وانا كسبته من رجاله / وافخر لأني فتى من حرب .....الشاعر (عايش الدميخى ).......ابني فصرح الوفاء مدماك = يبقى مسجل عليه اسمك = ان عشت بالطيبة طريـــاك = ولا مت يبقى الثناء قسمك روائع الكسرات

 


العودة   ملتقى قبيلة حرب الرسمي > ๑۩۩ الملتقيات الأدبية ۩۩๑ > مــلــتــقــى الــقــوافــي > مــلتــقــى دواوين شــعــراء الــقــوافــي

مــلتــقــى دواوين شــعــراء الــقــوافــي [ جميع الشعراء ]

إضافة رد
 
أدوات الموضوع إبحث في الموضوع انواع عرض الموضوع
قديم 03-04-07, 10:03 PM   #11
مؤسس ملتقى قبيلة حرب الرسمي
 
الصورة الرمزية ابوفواز النويمي

 










 

ابوفواز النويمي غير متواجد حالياً

ابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond repute

افتراضي

امس قبل الخمس كنت ملزم ورديت=وحتى بعظمه لسانك وعدت العين بالجيه
واول مالقيت انك بعد مارحت انا ضليت=وانا جاهز لموعدنا ميه مليون بالميه
وحتى صورتك هذي تجي وتروح لا سهيت=لأن اللى لك بقلبي كثير ن ماهو بشويه
اذا مازاد ما ينقص ولو بيزيد به حسيت = بأن العقل بزود الحب يقل وينقص بليه
ترى حبك كبير كثير وانا والله ما ظنيت= بأني اقدر اتجاهل كلامن منك جا فيه
وغلاك اللى بوسط القلب حطيته وما خبيت= بأنك هاجسي الاول وافكر فيك يوميه
بس انك كذا فيني لا تفكر ولا اهتميت=ومن وقت العشا وحدي لآخر لحظه ليليه
تجي هالحين بالأعذار تقول اسمع انا مليت =انا اللى مل يا قلبي وصبري طال موليه
لقيتك ضايع بدنيا سكنت الشارع بلا بيت=تبكي ترتجف وشوي تقوم تحبها يديه
بحالٍ للعدو والله انا ماادعي ولا اتمنيت=دموع الحزن بعيونك تدور وقت حنيه
وبعد اذنك ابي ارجع لماضي حضرتك يا ليت=واذكر من نسي اصله وعاش بحال وهميه
ترى بدري على اشكالك تباهي بالاصل والصيت= وتنكر ماضي الايام وتتمناها ممحيه
وحط فبالك وركز وجرب فني التنصيت=عسى تفهمني هالمره وتبهرنى بعقليه
توكل وانقلع عني وحط فبالك ليا جيت=بأنك صرت لي ماضي ودستك تحت رجليه




التوقيع :
    رد مع اقتباس
قديم 03-04-07, 10:04 PM   #12
مؤسس ملتقى قبيلة حرب الرسمي
 
الصورة الرمزية ابوفواز النويمي

 










 

ابوفواز النويمي غير متواجد حالياً

ابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond repute

افتراضي

[align=center]وهذه القصيدة هي اول مشاركه لي
في هذا الملتقى
وقد كانت مطروحه بشكل غير منمق
وبعد مساعدة الاخ القناص لي في ايضاح كيفيه التنسيق لها
اطرحها مره اخى بين ايديكم
ياليل انا بانشدك وارجـو تـردي=بس انت وحدك للمحبيـن والـى
وابي جوابك يـا ونيسـي مسـدي=في سد بـاب الاسئلـه والمجالـى
وش هرجتك باللى مع الوقت صدي=ومن صدته عني جـرا ماجرالـى
لا تقول خله شوف وش يستجدي=مـدام قلبـه لـك رد الواصالـى
ودري يـرد يقـول يـدك ويـدي=نبقى سوا في سهلهـا والعوالـى
نثبت ونتحدى على اصعب تحـدي=حب القلـوب الصادقـه والمثالـى
وان كان قفا وابتعد بـلا مـردي=تراه ماهـو فـي حياتـى مبالـى
تـراه مـا هـو للمحبـه مبـدي=قربه وبعده وفـي حياتـى توالـى
لا بوه لا بو مـن تكبـر وصـدي=لا بو مشاعر عن حقيقـه تزالـى
اللى عطيته من مشاعر يسدي=ولاني براجي اللى مع الوقت مالى
ياليل رد ارجـوك يـا ليـل ردي=قولي سليـم وصـح والا خيالـى
لم لم نجومه والقمـر واستعـدي=ومع طلعت الضو لي تهادى وقالي
من باع صادق حب واحساس ودي=عسـا حياتـه تنتهـي بالزوالـى
وعساه ما يلقـى يدينـن تمـدي=ولا يرحمه ربي عزيـز الجلالـى




التوقيع :
    رد مع اقتباس
قديم 03-04-07, 10:06 PM   #13
مؤسس ملتقى قبيلة حرب الرسمي
 
الصورة الرمزية ابوفواز النويمي

 










 

ابوفواز النويمي غير متواجد حالياً

ابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond repute

افتراضي

يقول شاعر من الشعرا مبطي = قصيده والتعابير حضرتني
طرقت الباب حتى كل متني = فلما كل متني كلمتني
وانا دقيت باب اللى احبه = ولكن ما فتحت لي وتركتني
وحتى ما لقيت من الحبيبه = دقيقه من دقايق ما عطتني
وانا مدري وش اللى صار فيها =وليه من التفاصيل منعتني
ورحت وطاحت الورده من ايدي= اجر الهم والاحزان جتني
وكنت بجد بالحيل إمتضايق = وكل آلآم هالعالم لفتنى
وتال الليل صار الهم كايد =ودمعاتى من عيوني غزتني
كأنى طفلن يشاهق ويبكي =يقول امي بعيده ما رأتني
وقبل النور ما يطلع بفتره= علىالجوال فجأه هاتفتني
وكل الى حصل منها نسيته= لان البنت هذي مالكتني
اثرها كانت تجرب شعوري = اثر بنت اللذينا ما زحتني
وانا اغليها على كل الخلايق = وهي ايضا تراها مغليتني




التوقيع :
    رد مع اقتباس
قديم 03-04-07, 10:06 PM   #14
مؤسس ملتقى قبيلة حرب الرسمي
 
الصورة الرمزية ابوفواز النويمي

 










 

ابوفواز النويمي غير متواجد حالياً

ابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond repute

افتراضي

تحس بنشوة التعذيب ليا بادرت بالهجران = تحسبني انا ببكيك واعيش بحاله اسهادي
ابد مالك لوا يا زين وربي مخطي وغلطان = واول مره بعمري اشوف الزين متمادي
ترى قلبي كبير كثير وله مدخل وله بيبان = وليا صكيت لي بابك ترانى عنه متحادي
وانا ادري لا لفحك البعد وجيت بحاله الندمان =بتلقى ان الوضع طيب وهم ان الوضع عادي
بتتعب في ترجيه وترجع جايع وعطشان = ولا تلقى من الاغراب مكانٍ فيه ميرادي
بتبقى تايه بدنيا ولا لك مرجع وعنوان= لانى مذكر انى خنت وانت بخونتي بادي
تحس بنشوه التعذيب ليا بادرت بالهجران = تحسبنى انا ببكيك واعيش بحاله اسهادي
وربي ما نزل دمعي وربي ما لقيت احزان =واحس بلذهالنومه بليلي وسط مرقادي




التوقيع :
    رد مع اقتباس
قديم 03-04-07, 10:06 PM   #15
مؤسس ملتقى قبيلة حرب الرسمي
 
الصورة الرمزية ابوفواز النويمي

 










 

ابوفواز النويمي غير متواجد حالياً

ابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond repute

افتراضي

ادري مسالم وبرضو يمكن حبيب =لكن شموخي ما تهزين يا بنت
لو شاب راسك وراسي ما بعد شيب = ما تنزل دموعي على شانكي انت
لنك عجيبه وفيكي طبع متسيب=الحين واول لا تقولين ما كنت
والله ما اتبع هواي وقلبي الطيب =اتبع هوا فكري وفي فكري آمنت
انا بعيدن مرامي ماهو قريب= ما هو هدف عادي ليا من تمكنت
اصحك تقولي تراك بداخلك طيب =شوي تهدا وترجع زي ما كنت
هذاك اول يوم العقل متغيب = والحين اشوف الصح والصح بينت
انتي جميله ولكن طبعكي عيب = عيب جمالك وبعيني تراكي شنت
يا شين فارق وسيب راحتي سيب =تراك في خافقي بعد الغلا هنت




التوقيع :
    رد مع اقتباس
قديم 03-04-07, 10:07 PM   #16
مؤسس ملتقى قبيلة حرب الرسمي
 
الصورة الرمزية ابوفواز النويمي

 










 

ابوفواز النويمي غير متواجد حالياً

ابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond repute

افتراضي

تغشاني سحاب الهم واللهفه على لقياك =وخاوتني دموع العين بـ تال اليل وحداني
بهذا الحال من مده ونا ميت على روياك =ونا صابر على الايام وهمٍ بك تغشاني
الا يا منوتي وينك وش اللى صاير بدنياك= تروح وتبتعد عني ولا تسال عن العاني
ذبحني من غدا صوتك وصوره ظحكتك بـ شفاك=ذبحني شوقي الساطي على تبديد وجداني
واهيم بعالم الاحلام ادور بالورا ذكراك =عساها تزرع البسمه وانا في وسط خلاني
لانى من رحل حسك ونا باكي على فرقاك=ادور عن عناوينك واثرني ضاع عنواني
وخلاني اذا مرو سالني بعضهم وش جاك= سكوتي عقد حروفي وعقد حرفي لساني
اسج بنظرتي عنهم واصك ارد الباب والشباك= واكابر لا حضر قاصي واجامل لا حضر داني
احس اني بديت ايئس واهج لصورتك وانصاك =واكسر صورة الوحده واسطر فيك ديواني
اجيب الحرف متنكس واحطه بالقصيده آك =واكمل شطرها الباقي مكمل وزنها آني
لاني لو كتبت لا كتبت الحرف افكر فيه لجل رضاك= ويجيني طوعا بلا كره ولا فكر بعصياني
يجيني فيك واتمكن وفي مثلك وفي شرواك =لأني صرت بك مجنون فبحرك صرت هيماني
حبيبي وينها ديارك حبيبي كيف انا بألقاك =حبيبي آه لو تدري وش اللي صار واشقاني
سهر هـ الليل عذبني ونا صابر وبستناك= ولا فكرت بغيابك اشيل الغير باحضاني
اخذت القلب من جوفي وحطيته على يمناك =وش باقي من الالام عذابن منك ما جاني
فديتك باللذي ولآ وباقي العمر لك يفداك =وانا تفداني الحسره ونار البعد تفداني
حبيبي لو نسيت انسى افكر يوم انا بأنساك =لانى لو نسيت بيوم تذكرني بك اشجاني
احبك واعشك وبجد اموت فغيبتك واهواك =لانى عازم الحربي وقالو عني العاني




التوقيع :
    رد مع اقتباس
قديم 03-04-07, 10:07 PM   #17
مؤسس ملتقى قبيلة حرب الرسمي
 
الصورة الرمزية ابوفواز النويمي

 










 

ابوفواز النويمي غير متواجد حالياً

ابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond repute

افتراضي

اســــــــــــــــــــــعد الله جميع اوقاتكم
في مقارنه بين الكبر والتواضع
حاولت جاهدا ن اتمكن منها لكن
الظاهر مافيه وجه للمقارنه الا
اكيد مافيه وجه ابدا
لان الكبر في النهايه والتواضع في البدايه

يا وجيه الخير من بعد التحيه والسلام = ودي شوي انتباه وان حصل باغيه كله
ودي اجمل حروفي واتجمل بالكلام = لين تعجب كل سامع وحبذا لو شال شله
بـ ترسم بالوضوح في وصف حته غلام = يدبل كبود الخلايق وقد تسبب لي بعله
هو صحيح انه نظامي وهرجته فيها نظام = بس عيبٍ فيه واحد خلف لشخصه مذله
ان فيه من التكبر ما تسبب بازدحام =في تسابق هالنصايح علها تقدر تصل له
ناسي انه في دنيه ما تساوي بالمقام =اخرتنا بالنهايه وش تسوي بالاخله
ناسي انه من تراب وكل شخص بالانام =وكلن بيرجع لاصله لو تطاول فيه ضله
التكبر ما يفيد وما يجر الا الملام =ويضهر اللى فيه كبر باحقر وادنات طله
من تواضع لجل ربه يرفعه بين الانام = والنتيجه بالمقابل من تكبر له يذله
ما به احلى من التواضع لا بغيت الاحترام= وانت اصلا لو بغيته ما يضيع الا تدله
احترامي للتواضع وبعدها مسك الختام = والسلام احلى ختام في نهايات الاهله
وسلامتكم




التوقيع :
    رد مع اقتباس
قديم 03-04-07, 10:09 PM   #18
مؤسس ملتقى قبيلة حرب الرسمي
 
الصورة الرمزية ابوفواز النويمي

 










 

ابوفواز النويمي غير متواجد حالياً

ابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond repute

افتراضي

مسآكم الله بالخير يا وجيه الخير

وش ينفع الارسال بعد اتصالي = يجيك رقمي ثم تعطيه مشغول
وش جاك مني يوم تقطع وصالى = هذا عتاب القلب والقلب معلول
والله لو تدري وش اللى جرالى =من زود همي صرت طايح على طول
منتغربل من سبه الهجر حالي = والحال حالٍ كملت مده الحول
صفيت مع ليلي وليلي صفالي= والليل يسمع للاحاسيس ويقول
مالك ومال اللى مع الوقت مالي = وش تحتري من بعد فرقاه يحول
مير اطلبي ربٍ عزيز الجلالي = يكفيك من بعد العنا لهالفعل والقول
بيطول وقتك تنتظر في خيالى = ويطول وقت البعد والبعد بيطول
وخلي خفوقه من المشاريه خالى = هذا الكلام اللى بهالعقل معقول
وانا اقول اللى مضالى كفالي = ما عاد ينفع فيه تدوير لحلول
لا شك زوله مرتكي في خيالي= عرض وطول وطول عرضٍ على طول
يالله تجعل باللذي مامضالي = اخير من زول لهالفكر مشلول
وسلامتكم
العــاني




التوقيع :
    رد مع اقتباس
قديم 03-04-07, 10:09 PM   #19
مؤسس ملتقى قبيلة حرب الرسمي
 
الصورة الرمزية ابوفواز النويمي

 










 

ابوفواز النويمي غير متواجد حالياً

ابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond repute

افتراضي

اسعد الله اوقاتكم بكل خير

انطلاقا من نهايه اخر علوم القتيل =منتهي في اول حروفٍ بدت فكتابها
باستميت بشرح حاله حاكها حلم نبيل =وانتهى الحلم النبيل باحتراق اعصابها
ماكفانى في زمانى حاله الجسم النحيل=انتهى بي الزمان وابتدى بغيابها
والبقا في خافقي منبع الحب الاصيل =لين يلقى مصرعه ويندفن بترابها
وان توطته المشاعر وابتدى الها يميل =واظهر اعجاب وقبول وانفتح له بابها
والله انى لذبحه واقطع الحبل الجليل=مااتركه ينسى ويسلى وينخدع باعجابها
ماتموت بداخلي رفه الرمش الكحيل =كحل عين لا غزت تنذكر بمصابها
تذبح عصاه العيون دون ما تشعل فتيل =لافرقت برموشها بانحدار شعابها
خلت طغات القلوب فبنكسارٍ للذليل= مع بشاير ثغرها ولمعتن في نابها
لا نهار اليوم نور ولا ظلام اللليل ليل= بعدما ذكرى الهنوف طارين لي جابها
هي ونيسي في عبور سكه الخط الطويل =ولو تموت ولااموت بأندفن بترابها
وسلامتكم

العــاني




التوقيع :
    رد مع اقتباس
قديم 03-04-07, 10:09 PM   #20
مؤسس ملتقى قبيلة حرب الرسمي
 
الصورة الرمزية ابوفواز النويمي

 










 

ابوفواز النويمي غير متواجد حالياً

ابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond repute

افتراضي

بسم الله اكبر ابتدي زين الابيات = واقوم اجر من القوافي قصيده
يلقى بها راع الوله والمعانات= شي يسلي خاطره ما يزيده
ويلقى بها من صارع النوم وقفات = لا صار نومه يالعرب ما يفيده
وش جاب زولك يالغضي كود طروات = تطري على بالك ولا هي عديده
ما فادها طيور العرب فيك هدات= ولا فاد فيكي كايدٍ لك مكيده
انا الوحيد اللى ضفر فيك بالذات= ومن بين كل الناس صرتي وحيده
يا لعن ابو حيك ترى الحب ما مات =حبك حيا في داخلي يا عنيده
وشلون عيني تقبل الشوف لحظات = وغيري يقابل ولفه بيوم عيده
مانى من اللى مذهبه خذني وهات = لا من عطيت القلب ما اقبل اعيده
وماني من اللى يقبل الهرج بسكات =منطوق علمي له معاني مفيده
ومانى من اللى يلعب الحب لعبات= وكلٍ يلاعب بالهوا من يرديه
للحب في قلبي من اول علامات = والله عليم ان العلامه اكيده
حبيت بنتٍ تنذكر في حكايات = من زود وصف له مزايا فريده
له طلتٍ مثل القمر حي مامات= وله بسمه تحلي هموم عتيده
لو شافها شيخ مسوي عمارات = باع العماير واشترى له وريده
ولو شافها ما سور من عقب غزوات = عزالله انه قطع حبال قيده
يا لعن ابوها خلت العقل ينشات = اشوت حيد وحيد ينشات بيده
ملزوم اجاري حكيها الزين بنصات=واقول لا من خلصت هاه!عيده!
عزالله ان الحب سوابي سوات= عسى ابلقى من بلا الحب فيده
ولا من غدا عضمي من اسبابها رفات= ادعو لها تحيا بدنيا سعيده




التوقيع :
    رد مع اقتباس
إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

IP



الساعة الآن 05:15 PM


Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
Ads Management Version 3.0.1 by Saeed Al-Atwi
ترنكات لخدمات الويب