عدد الضغطات : 0
الشاعر عبدالله بن زويبن المعمري الحربي.رحمه الله...سمعت لي كلمة مدري وش اقصاها=حزت بنفسي وأنا مانيب هارجها.....لوكل كلمة إلى جتنا طردناها=بعنا الثمينة بسعر مايخارجها......لو مرت السمع ماكنا سمعناها=ونقفل الراس عنها لا يبرمجها......ومن يم هذا لهذا مانقلناها=والناس واجد وتلقى من يروجها.....من جابها بين خلق الله وداها=لو به مراجل ترى نفسه يسمجها..........الشاعر// محمد بن شبيب الحداري رحمه الله ...........لا والله الا راح دور البداوه=ودور الركاب اللي عليها الشنوفي........ ومجالسٍ فيها لهلها طراوه=عنها الشوايب والهزيل محذوفــــي...... وراح الزمان اللي لعيشه حلاوه=واللي على الغارب رجع للردوفي.......... قالوا تسير قلت مامن فضاوه=قالوا علامك قلت عيت ظروفي........ اللي مضى بالنفس عنف وقساوه=واليوم أخلي كل عوجا تطوفي...... وأضحك مع اللي لي يكن العداوه=وأن صفقوا صفقت له بالكفوفي....... نخاف من دقة خطات اللعاوه=رادي نصيب وناقرٍ له علوفي........ يزعل على اللي يسوق الأخاوه=وذلوا معطرة النمش والسيوفي........ والمرتفع قالوا مثل ذاك ساوه=وشربت غثاريب الغريف العيوفي........ عين الغضب تفتح عليك السماوه=وعين الرضا لوبك خطا ما تشوفي....... هداج مات وجات غيره أجباوه=والروس قامت تدرق بالكتوفي............الشاعر/سالم بن مهاوش الحربي .....اللي ماتنفع به صنيعه و لا لين=ان راح قله روحت مقيط ورشاه......والله لو انه مين و لا ولد مين=من لايعدّك ذيب عدِّه ولد شاه.........الشاعر/ شموخ السلاطين........الوقت يكشف لك الناس وشهي من تكون....اما من رجالها ولا من رخومها.....اللي معادنهم ذهب فالوازم يصملون ......مايلوي ذراع الشدايد غير زحولها ................الشاعر / عبدالرحمن سليم الصاعدي(البيرق)..... في ملتقـى حرب الحرايب بدينـا /حرب الدول ربعي وهم تاج راسي .......قوم جمعـت مابيـن دنيـا ودينـا /الله عطاهم لين جانب وباسـي .......جند السـلام وضربهم باليدينا /عند الملاقى للمعادين قاسـي .......مكرمين الضيـف سمن وسمينـا /وسبع الخلا عشوه يوم العماسي..............الشاعر / خالد بن ماطر الحربي ....كل ماصادم الراس القوي زدت قوّه=والردي لو يزيد الهرج مازاد غلّي .....والجبل كل مالديت وانا علوّه=مايباريني براس الجبل غير ظلّي .....ليه اعادي قليل الخاتمه والمروّه=لاتجملت فيه وصد خله يولّي .....ودك ان الرجل يختار حتى عدوه=قبل يختار خلان النشب والتسلي ' ...........الشاعر/سند مسند العريمه الحربي........ لا صار ماتبدع إبيوتٍ ثمينه= = ريح ضميرك واترك الناس ترتاح ياما سمعنا من قصايد عجينه= = والمشكله حازت جماهير وأمداح في عالمٍ تصفق يساره يمينه= =وكل القصايد عنده إسمان وصحاح ميزانهم صوتٍ تعالى رنينه = = تلقى جماهيره لها صفق وصياح خلوا تقاليد العرب والسكينه= =في ليلهم مسراح والصبح ممراح ويااللي على الشاطي تدف السفينه= =عود على الساحل ترى مانت سباح البحـــر يبـغـاله رجــالٍ رزيـنـه= = له غـبـةٍ تـجـذب جـمـادات وارواح وخلك على كشته قريب المدينه = = دلــه وبــرادٍ له البـــال يــرتــاح...........الشاعر / بخيتان البشري .......ماضاق خاطر من نودّه ونغليه = لو البحر من ضيقته ضاق به ماه ..... مودّنا غالي و ودّه نخليه = غالي ولو كل العمر مالقيناه .......والي تولى للمشاعر موليه = قلب المودّ اللي وداده تولاه .........طيبّ خواطرنا بكامل تحليه = بصدق الشعور اللي عليها صدقناه ........اللي بصوته همنا دوم يجّليه = وبصوتنا قلبه من الهم نجلاه.........الشاعر /سعد المحمدي .........دريت باللي دار خلف الكواليس=وحطيت نفسي كن ماني بداري=بعض الامور اقيسها بالزمن قيس =وبعض الامور اصير فيها انتحاري=ان جيت يطفي نور كل الفوانيس=وان غبت غني ياطيور الكناري............الشاعر/عيسى العوفي..........وجهة نظر ماقول انا قولي مصيّب=ابديت رائيي مثل للرائي من قال.....ان جيتني بالطيب آعاملك بالطيب=ردالجميل وشيمة ارجال للرجال.....وان جيت في علم الردى ماقربه عيب=تكرم بها مالي مع العيب مدخال.......طبعي وربعي محتمين المواجيب=حربي بدربي متبع النذل لاعال.......العز لو تشويك حر اللواهيب=موتي ولاقوتي ورى ايدين الانذال......العمربامرالله وماقدّره غيب=والراس تصعب رفعة الراس لامال......وسيرة ارجال الطيب منها المكاسيب=نوريدل اللي جهل يقدي الضال......اخذت من غيري ادروس وتجاريب=اسئل وآخذت العلم من رؤس عقّال................الشاعر ( سعد المحمدي )............يابو فهد برق المزون النوازي=حجاز وانت بعالية نجد وبال=بينك وبينه بعد دار وغرازي=سيله بحر ياراعي المعدن العال=ماله مصب بداركم ورتكازي =العلم مايجهلك في كل الاحوال=يكفيك عن مية قليب ارتوازي=نهر الفرات اللي من الجال للجال=ابن المباني فوق ساسن عزازي=وقت الشتاء تذري وبالقيض مقيال=يامحزمي لاصبح الدار غازي=دنياك تبغى للعقد رجل حلال=واللي بها بالحالتين انتهازي=لابد مايلقى بها شمس وظلال=عن الحجاز اسمع كلام الحجازي=كلام حطه يارفيقي على البال=من التجارب دوبلماسي جوازي=عليه ختم المعرفه تقل تمثال=ياعل ماقلته على ارضاك حازي=في وقت ماينصح معك كل من قال.........الشاعر(زيد بن مبشر الحصني الحربي) رحمه الله ............أقول وأقابل ولاني بسايل=دام الكلام عن الحقايق مباحي=عندي على صحت كلامي دلايل=اموحهن من جم عدٍ قراحي=شفت وسمعت وقلت والرأس طايل=باللي على الساحه ولا هو سياحي=الله يجمل حال راع ألأصايل=حازن على الجوده بكل النواحي=والله ماجامل براعي الاوايل=لو ضاق من قولي زميلي مناحي=وشاعر قبيلة حرب عند القبايل=لافي حمود وبس حسب إقتراحي=ومن قال أنا بقول ويش انت قايل=أنا افتخر بجود ذخيرة سلاحي=ماشلت هم ملقحت كل حايل=اللي على ماقيل خف وجناحي ................الشاعر (مقبول حامد المحمدي).........بحثـــــت في قول البخاري ومسعود=والترمذي وكتـــــاب مسلم وماجه=وحتى النسائــي ما ذكر طب موكود=للصرقعه والعلعله واللجاجه=يا صاحبي ياراعي البيض والسود=ترى الكلام الشين عيــــــــب وسماجه=انا أعرف المقصــود والغير مقصود=ولا أحـــب هرج الثرثره والهماجه=الرجل ماهــــــــو للتفاهـــات محدود=ولا كل كـــلمه تستحــــــق المواجه=من سبب الفتنه ماهــــــــو كاسباً فود=ماحصّل الا لكمــــــــــتن في حجاجـــــه=جاه الخبـــــر مكتـــوب في رأس عبرود=عن حاجته كانـــــه بعمــــــــق الزجاجه=صحيح قالو يقـــــــرد النـــــاس مقرود=ويخسر غـــشــيـماً مايميـــــز خراجه=بعض العرب مـن راســــه العقل مفقود=ينفخ ذروبــــه ويتلقــــا العجـــاجــــــه=لو تنصحــــه عن سكـــــة الغي مايعود=ويترك قراح الماء ويشرب هماجه=يالله ياللـــــــي عنــــــدك الخير موعود=تجعل لنا مـــــــــن كل هــــــم انفراجه=نغضي ونصفـــــــح لكن القلب ملهود=جرح الخطـــــــــا عجزت اواري خلاجه=ماني على كل الخطا سيـــــــف مجرود=ولا كل عـــــود اعـــــوج يعــدل عواجه=والشعر له مــنـــهـــــج وله سلم وبنود=ماهو كما ســــــــوق يلجلـــــج حراجه=شعري مع أهل العرف مسموع مشهود=ولاني على كيــــــــف الغشيم ومزاجه=امشي عزاز الدرب وأســـــــنـّـــد اسنود=وأدرى قدم رجلــــــــي عــن الانزلاجه=ارفا كلامــــي لايجـــــي فيــــه منقود=ولاهمني قول الحســـــــــــود ورواجه=اللي مقيمني وشاهــــــــد لي العــــود=شيخاً بصرح المجــــــد يضوي سراجه روائع شعريه

الشاعر/ بخيتان البشري ......ودعتنا والموادع صعب = رمى بنا فالفراق المُر..... لعب الحزن فالمشاعر لعب = ما مر مثله ولا بيمُر.......الشاعر/احمد المحمدي...... ‏‏‏‏للي سألني يجي ويروح /من انت يبغى خبر والم /حربي انا من بني مسروح/ وعيال عمي بني سالم........الشاعر / بخيتان البشري .....قلبي طلع من قلوب أصُم = اللي لهم قلب من قلبك..........كل ما النصائح عليه تعم = حول الهوى زاد في قربك ...............﮼الشاعر/قابل﮼البشري﮼(الجمل)......مايزعّل الحق لا قلته /إلا من قلوبهم مرضى.....ومن كلمة الحق زعلته / عساه يزعل ولا يرضى...........الشاعر ( راشد الزهراني ) المحيط ........سقيت روضك من دموعي = وطول الدهر مستعد اسقيه...... ولايلومني حي في ربوعي = لو كان دمعي نهر مجريه ..............الشاعر / نفاع محمد السهلي ابوفرح ..........تدري متى يلفض الرجال ....في دنيته اخر انفاسه /لاحده الوقت للانذال ....دمعت قهر نكست راسه.......................الشاعر / حفيد_الحجيري.......الشوق مهما قِدَم ما يبيد=مثل السماء والهواء والطير......كل عام وأنتي هلال العيد=الله يعُـوُدِك عليّ بِخَيْر...............الشاعر ( أحمد بدين القايدي ).......كسب الفتى طيب أفعاله / اللي بها ينتهج له درب = وانا كسبته من رجاله / وافخر لأني فتى من حرب .............الشاعر العذب /عبدالعزيز الزويهري ابو بتال .......وا صدمتي صدمة منكد =أعيد مسترجع اللي فات.........و أزيد أسأل أبتاكد= صحيح ماهر صديقي مات؟...............الشاعر/ حمدان دراج القايدي .... حلفت اني اصون العهد=اللي من سنين اعطيتك....رغم العنا والجفا والصد=ماقد فيه يوم جاريتك.................الشاعر / نفاع السهلي ابوفـــرح ........عندي أمل فيك يا.. بكـره = تمحي بقايا جروح .. الأمس ....وقلوب حبت ولا تكــره = تشرق لها من جديد الشمس.............الشاعر/أبن رهدون.......أيامنا اليوم لو تحسب =دنياك يالادمي ساعه.....والمؤمن اللي لها يكسب =يعيش باقي العمر طاعه........الشاعر/عبدالعزيز الزويهري ابو بتال...........غلاك عندي غلاة العين=ياللي من الشوق ناديتك =معاك وحده من الثنتين= ان كان ما جيتني جيتك...............الشاعر/ سلمان القريقري ابوعمر ( حرب )........حتى النجاحات تتحقق=من دونها شروط للتحقيق...قال المثل يد ماتصفّق =تبغى لها يد للتصفيق.......الشاعر / سالم البشري ......مابين قسمه وجمع وطرح=لاهناك قلبي ولاهنيّه........كيف اهتني من هذاك الفرح=وارتاح من كل مابيّه.........الشاعر/خليفة المزروعي...........إهيا كذا كنها سرقه/=/لدة نظر يوم طالع في.....لوكان من بندقه طلقه/=/اهون عليه تراهاشوي...........الشاعر/ عبدالعزيز الزويهري...........البُعد خلّف جفا و صدود= وعشنا في زمانه بدوّامه ..........مدري زمان الصفا بيعود = و الا ّ قضى و أقفت أيامه ؟...........الشاعر / شاكر القايدي ......يامن ينقذ جريح القلب ....اللي هموم الزمن جاته ..... كل مابغا يتجه مع درب... يلقى قطار السعد فاته.................الشاعر /صقر المقرح ..........يامن تخوض الهوى بعزوف= خليتني فاصعب الأوقات ....لا تكبّني والجروح نزوف= وتندم على الوقت لنّه فات.............الشاعر / عبدالعزيز رويشد ...... اعلم ترى خيرة الاصحاب=مثل الذهب نادر ومافي...من كل خمسين ضن تراب=اجرام واحد ذهب صافي.....الشاعر/عبدالعزيز الزويهري (ابو بتال).....من لا هوى زي محبويي==عايش غرامه على الفاضي ==انا على احساس مكتوبي==حسيت ربي علي راضي.....الشاعر / حمدان دراج القايدي.....عواطف القلب لك وحدك.... ياللي ملكت الحلى والزين.....مافي احد في البشر مثلك.....طيفك سكن داخلي بالعين........الشاعر /غافل الهم قلبي ....... مريت بيتك نهار العيد...لكن قفلت بيبانك....عارفك زعلان بالتأكيد...حرام ماتشوف جيرانك..........الشاعر / عاشق الاصاله .........لاغابت الشمس بانمسي=من دون مدعوج الأعياني......مع القمر يكتمل انسي=في تالي الليل لاجاني..........الشاعر / حرب - سلمان القريقري ....... واعيني اللي من اسبابه=زايد سهرها عن المألوف ..واخاف لن طول غيابه=تفقد نظرها معاد تشوف.......الشاعر / خليفة المزروعي ...........عزي وتاجي قبيلة حرب=يوم الهول مزبن الخايف ... يشهد لها شرقها والغرب=ويشهد لها المطلع النايف.........الشاعر / ابوفرح السهلي .....لك حق والناس بالمقياس = مثلك لها حقوق موثوقة ...ومن لايوفي حقوق الناس = لايطالب الناس بحقوقة...........الشاعر / عبدالعزيز الزويهري ابو بتال ....هواك أعمى عيون الشك=لولاه يمديني احرقتك /لكن بإيمان ودي لك=كذبت نفسي و صدقتك......... ..............تلميذ الكسرة / ..............ما تعلم ان الجمال يلمّ **** وحظي الردي قادني يمّه........ آنا اتجــرع مرار وسمّ **** وكنّـــه يكـــايد ولا همّـه..........الشاعر / ابومبارك اليوبي.......خـذ المـثـل ياعـريـب الـجـد=اصل الشجاعه صبر ساعه=لايـغـرك الـزيـن يــوم يـلــد=اصبر وخلـك علـى الطاعـه................الشاعر / بيان الصمت ....سلام من قلب تلعب به=زود الهواجيس وأحواله=والوقت ما فادني طبه=من ظلمة الدرب وأهواله........الشاعر /وليف الشوق.....كل مانصحناك تتركني = وتشوفني من الد اعداك...واليوم لاعاد تنشدني = فيماحصل من مآسي جاك..........الشاعر / سرورالبشري ......طا وعت قلبي وما شيته= حتى رماني فدرب التيّه...ولا تنفع المبتلي ليته= لو جاء يعود معاد مديه............الشاعر (خليفة المزروعي)......عمر العجل مايضوي خير=يامحـسـن الـرجـل متـأنـي=الثقـل صنعـه ولــه تدبـيـر=وراع العجـل دوم متجنـي............الشاعر/خالد بن عبيد بن معتوق الأحمدي....... زايد بحسنُه على جيلُه= وكاسِب رضايه رغم عِندُه=ومن يوم يطلبني آجيلُه=خمسة دقايق وأنا عِندُه......الشاعر(ابوفـــرح)....عنـدي أمـل فيـك يـا.. بـكـره=تمحي بقايا جروح .. الأمس=وقـلــوب حــبــت ولا تــكــره=تشرق لها من جديد الشمس........الشاعر (حامد بن غالي السليهبي)(حسيبك للزمن) رحمه الله .........ناديت قلت انتهى صبري = واغبر زماني طِواني طَيّ=والناس بالحال ماتدري = اظمأ وجنبي غدير المَيّ.............الشاعر / محمد بدين القايدي ( السينات ) ......أدلِّـــــلـُــه دائماً وارضيه=والبِّسُــه ثوبه المألوف...لكن بِطبعُه يفرِّط فيه=ويخلِّي مَنْ لا يشــوف يشـوف.............الشاعر بخيتان البشري / ليه المجرة كواكبها=احيان عكس المدار تدور .. بحور تغرِق مراكبها=وتخلف نمط سيرها فبحور.......الشاعر ( حمدان دراج القايدي)......هليت دمعي من أسبابك = وجرحي نزف داخلي مقواك ‏=محتار وشهو اللذي صابك =الجرح في داخلي ماشقاك...........الشاعر ( راشد الزهراني )......حتى جبال السراة تحن = ماهي كما قلبك القاسي = يامن بوصلك على تمن = ودايم تعكر صفا كاسي ..........الشاعر ( خليفة المزروعي ).......ابوك يبني عليك امال / حذراك لاتخيب اماله /حاسيك لامالت الأحوال / إنت الجبل يجلس إظلاله........الشاعر( عبدالعزيز الزويهري ابوبتال )...... راح الذي فارق أوطانه = و أفعاله فالطيب ما راحت = و الله من بعد فقدانه = عمدان صرح الأدب طاحت ........الشاعره (الكحيلة) ......أتعبني القلب بحساسه=ادراه ويدور التعذيب= بهم ن ضلوعي حطب فاسه = من يطلع النجم لين يغيب .......الشاعر (حرب ابوعمر) ......قلبي سألني .حصل ماذا = تشكي ولاادري سبب شكواك = قلت انتظر فالوفا هذا = لكن تفاجئت جاني ذاك.......الشاعر (غافل الهم قلبي) ... احترت والقلب شايل هم /سنين مخفي الم جرحــــي =البوح ممنوع يالفاهم / راح العمر وانتظر فرحي .......الشاعر (ولد الساحل).....سبحان من بالجمال اعطاه / تحفه وتصوير رباني = سلهم برمش كحل غطاه = يرمي سهام الهوى فيني...........الشاعر ( نعيم عابد السيد ).....يا نار الاشواق ما تطفين / ما يكفي القلب واتلفتيه = هذاك لو كان ما تدريـن / سيب غرامك وولع فيـه ...........الشاعر ( احمد عاقل الغانمي ).......ابشتكـى راعـي الـدكـان / من بعد ماجـاب لـه هنـدى = ماعاد يرفق علـى الجيـران / حتى سلـف قـال ماعنـدى ...........الشاعر ( أحمد بدين القايدي ).......كسب الفتى طيب أفعاله / اللي بها ينتهج له درب = وانا كسبته من رجاله / وافخر لأني فتى من حرب .....الشاعر (عايش الدميخى ).......ابني فصرح الوفاء مدماك = يبقى مسجل عليه اسمك = ان عشت بالطيبة طريـــاك = ولا مت يبقى الثناء قسمك روائع الكسرات

 


العودة   ملتقى قبيلة حرب الرسمي > ๑۩۩ الملتقيات العــــامة ۩۩๑ > مــلــتــقــى أخــــبــــار الــقــبــيــلــه

مــلــتــقــى أخــــبــــار الــقــبــيــلــه [كل مايتعلق بالقبيلة من أخبار وتهاني ومناسبات]

موضوع مغلق
 
أدوات الموضوع انواع عرض الموضوع
قديم 28-05-10, 08:19 PM   #41
إداري سابق
 
الصورة الرمزية قابل البشري

 











 

قابل البشري غير متواجد حالياً

قابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond repute

افتراضي

المشاركة الأصلية كتبت بواسطة أبو ذياب مشاهدة المشاركة
الاخت القديره الشاعره نبض الوجود
الشكروالتقديرأولا الى شاعرتنا الاخت نبض الوجود على هذه الفكرة الاروع من رائعة
وعلى أستضافة الشاعر الخلوق الأستاذ // قابل البشري
وهذا مكسب للجميع لنتعرف على أعمدة من أعمدة الشعر
وعندي بعض من الأسئله
ولكن بعد ما أشوف ردودك على الأسئلة السابقه
ولي عودة بأذن الله

حياك الله يابو ذياب 00

ومشكوور على مرورك الجميل

والله يحييك في أأي وقت 00

تقبل اطيب تحياتي




التوقيع :
   
قديم 28-05-10, 08:23 PM   #42
إداري سابق
 
الصورة الرمزية قابل البشري

 











 

قابل البشري غير متواجد حالياً

قابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond repute

افتراضي

المشاركة الأصلية كتبت بواسطة ابو طلق مشاهدة المشاركة
ماشاء الله تبارك الله
الاخوان ماخلوا شي
.
لكن لاضرر من اضافة سؤال
.
رد على احدى كسراتك لن تنساه ؟ ومن هو صاحب الرد ؟
.
متابعين لك استاذي
.
حياك الله يابوطلق 00ومنور يابن العم

هناك الكثير من الردود الجميلة التي جاءتني

في محاوراتي 00بدون ذكر أسماء




التوقيع :
   
قديم 28-05-10, 08:47 PM   #43
إداري سابق
 
الصورة الرمزية قابل البشري

 











 

قابل البشري غير متواجد حالياً

قابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond repute

افتراضي

المشاركة الأصلية كتبت بواسطة سالم البشري مشاهدة المشاركة
أشكرك أختي الشاعرة نبض الوجود على هذا الطرح والحقيقة أنه سيثري الملتقى
وسيتيح لنا التعرف على الشعراء والاستفادة من تجاربهم الشعرية ويبني جسراً من التواصل بين الأعضاء
بالرغم أن شهادتي مجروحة في أخي قابل بحكم علاقتي والسنين الطويلة التي قضيناها معاً
لكن هذا لايمنع أن أسأله عن الآتي
أولاً : أطلب منه عشر كسرات من زهوراته وأيضاً عشر كسرات يرددها دائماً من نظم شعراء غيره
ثانياً : أرى أن شعر الكسرة أخذه عن نظم القصائد رغم أنه يجيده لماذا؟
ثالثاً : مارأيه في الحداثة الشعرية بصفة عامة والكسرة بصفة خاصة
شكري لشاعرتنا واحتراماتي للجميع
هلا ابو وائل 00تشرفت بمرورك ياعمدة
بالنسبة للحداثة 00فهي أمر ضروري في الشعرعامة والمتتبع للأدب العربي يجدها ماثلة
في ذلك الاختلاف في الالفاظ والمعاني بين الشعر الجاهلي والشعر العباسي مثلا 00
حتى أن ابو نواس قال في مطلع أحد قصائدة متمردا على نمط القصيدة والتي كانت تبدأ
بالوقوف على الاطلال قائلا:
قل لمن يبكي على رسمِ درس = واقفا ماضر لوكان جلس
أما بالنسبة للكسرة فأنا مع التجديد المنطقي الذي لايضر بخصوصية
الكسرة وجمالها
00
أما بالنسبة لطلبك فأبشر يابووائل00
سأقتطف لكم من الكسرات الرائعة التى احفظها
ومعظمها مشهوره 00ولشعراء كبار أتمنى أن تروق لكم
محمدالمحمادي=
هيا بنا للفضا رواد = ناخذسفينة بموجب قرض
ولباقي العمرناخذزاد= ونعيش بين السما والارض
الكرنب=
دمع الأسى سال واتلف عين = وعقب معي للقلق خانه
سافربها من بحر قزوين =حتى تناحى على غانا
عايدالقريشي=
ليتك معي حاضر القاله = وقت المفارق وضيق الخلق
الله ياصرت في حاله = يرثى لها 00والعدو يرق
بنيه العروي=
اتابعه بالنظر من بعد = وفالقرب اصرف عنه شوحي
واقابله بالجفا والصد = وان راح راحت معه روحي
مستوربن جبيرالبشري=
سلم عليه ان سال عني = مليون مني تبلغهيه
وان ما سأل لاتجاملني =قلي وبقبل عزايه فيه
حامدضيف الله المعبدي=
ليت البحر يستمع شكواي = لاشكي عليه الاسى كله
أمّا حكم عدل في دعواي= ولا ترى علم يحصله
مسعود المعبدي=
اشوف مزن الحيا خرّج = والبرق فوق السحاب يلوح
لكن يالاصحاب ماعرّج = على الذي خاطره مجروح
احمدالدبيش=
روحي غرامي معذبها =يسومها للمآسي سوم
لو يوم صفيت مشاربها = عكّر عليها في ثاني يوم
علي عيد البشري=
ياشين الايام لاضاقت = تجلب عليك الهموم اصنااف
ولامنها للفتى راقت=كلما رمى صابت الاهداف
سالم البشري=
ابغى ابتسم واطرد الاحزان = واحيي احاسيس وجداني
هذا لأني بشر وانسان = ماني من الكوكب الثاني
حرب=
ياقلب يامرهف الاحساس = يصعب جروحك تداويها
لاجلك تحط الامل في ناس= ماحدن يحط الامل فيها
نبض الوجود=
امسيت طفشان واغني = أردد ابيات كسراتي
عيّت عيوني تجملّني = طاحت على الخد عبراتي
وهذه زهورات من أجمل كسراتي أرجو أن تنال
اعجابك واعجاب الاخوة الكرام:

(
قسم) =
حلفت مالك عليّ يمين = كل يوم في ناظري تحلى
ولو تطلب عيوني الثنتين=عليك والله ما تغلى
(عيون الشك)=
اسكنتني في عيون الشك = وزعزعت فالحب ايماني
وانا فؤادي وهبته لك = ماهو لهذا ولا الثاني
(ياورد)=
ياورد مايل على الاغصان = ميّل على خافقي ميّل
تبغى الصراحة طلعت جنان= فوق الذي كنت متخيّل
(دائما)=
في كل لحظة افكر فيك = ويمّك دروبي توديني
وفالحلم لاعاد لي طاريك =من عز نومي يصحيني
(ملتاع)=
يشكي سنين الأسى ملتاع = آهاتها ذوّبت صوته
حتى تمادت به الاوجاع = وصارت حياته كما00موته
(رثاء) =
فقدانكم هز وجداني = ونوري بعد نوركم ظلما
ولوفاض شلال احزاني =غطّى على اليابسه والما
(الصد) =
يامبدي الصد بألوانه = نفسي بعد ودها ملّتك
من بعد ماكان لك خانه= أصبح وجودك كماقتك
(عزل) =
ياقلب عزلك 00أنا قررت = لو باتحمّلك مامديني
مجمّل 00ومشكور00ماقصّرت=واللي حصل منك يكفيني
(غربة)=
أضحك وهمّي معي ساكن = ومن جور الايام مافرقت
ماني غريب الوطن لكن = محسوب مثلي غريب الوقت
(من قال)=
من قال طول البعاد يضر= ماجرب القرب وجراحه
وآنا الذي بعدذقت المر=يادوب حسيت بالراحة
(الحي والميت)=
طويت روحي بصدك طي = واقفيت من بعد ماحيّت
واصبحت ميت وغيرك حي= والحي ابقى من الميت




التوقيع :
   
قديم 28-05-10, 08:53 PM   #44
إداري سابق
 
الصورة الرمزية قابل البشري

 











 

قابل البشري غير متواجد حالياً

قابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond repute

افتراضي

المشاركة الأصلية كتبت بواسطة ماجد بن تركي الحربي مشاهدة المشاركة
هلا فيك شاعرتنا الكبيره
وهلا بشاعرنا الجمل
سوالي متى نراك على شاشة القنوات الشعبية

حياك الله اخي ماجد 00

بالنسبة لسؤالك حول القنوات الفضائية وظهوري بها

أقول أنا بصفة عامة لا أبحث عن الأعلام ربما أكون مخطئا 00

لكن هذا هو الحاصل 00إلا أنني ظهرت في قناة الساحة

مرتين وهي من خلال مناسبات عامة أدعى لها وأشارك

ضمن المشاركين بها من الاخوة الشعراء 00




التوقيع :
   
قديم 29-05-10, 01:48 AM   #45
إداري سابق
 
الصورة الرمزية عبق الحروف

 










 

عبق الحروف غير متواجد حالياً

عبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished road

افتراضي

..
اولاً..كل الشكر والتقدير للشاعرتنا المميزة نبض الوجود لاتحافنا
بهذا الموضوع الرائع الذى من خلاله نتعرف اكثر واكثر..
على عمالقة الشعر ورواد الكلم..
ثانياً..ارحب اجمل ترحيب بالشاعر المتألق الفذ
الاستاذ / قابل البشرى
حياك الله ياسيدى
يسرنى بل ويشرفنى ان اكون احد المتواجدين
بهذه الصفحة المشرقة بأطلالتك العذبة ..

سيدى ...
عرفنا على نفسك بثلاث كلمات ؟
كيف كانت بديتك الشعريه وهل الشعر فى نظرك موهبه ام وراثه؟
يقال بأن الشعر موقف وإحساس .. هل تؤيد هذه المقولة ؟؟
الشاعر أكثر حساسية من غيره... هل ما يكتبه الشاعر يعبر عن حاله يمر به
او ان اغلبها يكون من نسج الخيال ..؟ واي الاوقات انسب لك لكتابة الشعر؟



وجزيل الشكر لك استاذى على سعة صدرك
ولك من القلب
ظلال وارفة من الاحترام والتقدير
..




التوقيع :
   
قديم 29-05-10, 03:14 AM   #46
إداري سابق
 
الصورة الرمزية قابل البشري

 











 

قابل البشري غير متواجد حالياً

قابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond repute

افتراضي

المشاركة الأصلية كتبت بواسطة ماهر ابو خالد مشاهدة المشاركة
هناك شعار يبحثون خلف الحرف والمعنى
والجمل كأن الحرف والمعنى يحضر اليه ويطرق بابه
فالمسألة هنا بحث عن تشريف قد يكون فقد بعضه الشعر
فالزم نفسه على الحضور لمن قدره وانزله منزلته
صورة تخيلتها وانا اعايش هذا الرجل عندما يتعامل مع الشعر لا يتشنج عندما يصرح بجديده
فارس وعنيد وعنيف في شخصيته الشعرية
هاديء الطباع صاحب ضحكة بعيدا عن الشعر
ومن يعرفه شخصيا يبصم على صدق قولي
[
احببت ان اضع بعض الاسئلة من خلال متابعتي للجمل:
س/ استخدام المضاد اراه منهج تعتمد عليه في شعرك سواء في الكسرات او القصائد
ونعلم انه جرس موسيقي يطرب السامع ..فاين تجد مكانه في خدمة المعنى؟
س/ القدوة احد الشعراء الذين طربت لحرفهم وكانت له الحان معك جميعها حرابيه
ومن منطلق هذا المصطلح (الحرابي) قلت غصن لازلت اتذكره جيدا واراه اقوى غصن
حرابي ذكرته (راحوا مابين القدم والخف) والذي سبب ازعاج للقائمين على المنتدى
عكس الشاعر الذي تقبل الموضوع وطلب معك لحن اخر وكان يشيد بك وتشيد به
ما اردت الوصول اليه ..الى أي درجة يعشق الشاعر الحرابي خصمه الحرابي ؟
وهل تجد للحرابه حدود لابد ان يقف عندها الشاعر ؟
وهل تتوقف عن اكمال اللحن اذا رأيت خصمك الحرابي اقنعك بالرد واستوفاه او
ترى ان التحدي يغلب على اكتمال المعنى؟
س/بصراحة وامير الكسرة حاضر معنا الان وشرفنا بحضوره في داره وبين اهله وربعه .. ما هو رأيك في اللحن الذى دار بينكم في منتدى الاصالة ينبع النخل ؟ خاصة انه من الالحان العميقه فالمعنى ..ونريد كسرة منك تجسد فيها رأيك بأمير الكسرة؟
س/ ماذا يعني لك كلا من :
دكتور الكسرة / مسعود المعبدي
شاعر الاحامده / ابو سالم الرحال
استاذ الكسرة/ محمد عبيدالله الاحمدي
مثمن الكسرة/ جبارة العروى
الشاعر الكبير /محمد بن احمد المحمادي رحمه الله
س/ تقول في احد كسراتك (ياما قلبت الهزيمة فوز) ... متى يفوز الشاعر ومتى يخسر ؟
س/ تتنوع كسراتك حسب المعنى .. هل هناك شعار تختار عمل لحن معهم في معنى معين وتراه قادر على فهمك وانجاح اللحن ؟ او اختيارك عشوائي؟
س/ الشاعر الكبير حرب احد اعلام القبيلة في شعر الكسرة وابو عمر شهادتي فيه مجروحة.. ورغم سهولة الفاظك يالجمل ووضوح وجمال معانيك الا اني ارى قوة مفردتك وغموض معناك يحضر في الحانك مع ابو عمر بدون استثناء..لماذا ؟
س/دائما يكون من بدع هو صاحب الشكوى وهذا متعارف عليه عند الجميع .. ولكن احيان نرى الحال ينقلب وسط اللحن ويكون من بدع معالج لمن رد على البدع .. وهذه رأيتها في كذا لحن للشعار ..وفي ما يخصك يالجمل رأيتها في لحن بينك وبين الشاعر الكبير عبدالكريم المزروعي وهو اول لحن موجود في ديوانك بالملتقى.. هل احترامك للشاعر هو من جعلك تتنازل عن طرح الشكوى له او هو ذكاء من الشاعر المقابل ؟
س/ الجودة في الكسرة لها معايير اعتراف ...
من منظورك يالجمل ماهي معايير جودتها ؟ وياليت بالتفصيل الممل
س/ اربشتنا انت والعمدة سالم البشري بربشه وبرشه في احد الالحان بينكم وكان القاف جميل ..في هذا اللحن بالذات ..هل تقلبت القافيه الجميله على المعنى واصبح تحدى قاف ؟ علما انه كانت هناك الحان لعمالقة الكسرة كان مقصودها تعجيز الخصم في القاف..وما سر قاف (احيانا )؟
س/ الشاعر الاديب والمخضرم العم عايش الدميخي كان له اعتراض على احد اغصانك بخصوص المعنى في كسرة الذهب والفالصوا..بصراحة لم يأخذ الموضوع حقه في التوضيح بينك وبينه..وكل ما جرى بينكم هو احترامكم للرأي والرأي الاخر وهذا غير مستغرب منكم فنحن جميعا نؤمن بأخلاقيتكم ومعدنكم الطيب في طرح النقد وتقبله ..لكن نريدها من ناحية النقد الادبي المشروع والواضح ..ماهو سبب الاعتراض وبماذا تعلق؟
اخيرا يالجمل شكلك بتعيد عليّ (بس انت قلي ملقي فين ) مع هذه الاسئلة الكثيرة
لكن وجود امثالك والاستفادة من تجاربك هو ما جعلنا نكثر ولا نقلل
وانا واثق اني سوف استمتع في قراءة سطورك سواء ردا على اسئلتي او اسئلة الاخوان
تقبل تقديري واحترامي

هناك شعار يبحثون خلف الحرف والمعنى
والجمل كأن الحرف والمعنى يحضر اليه ويطرق بابه
فالمسألة هنا بحث عن تشريف قد يكون فقد بعضه الشعر
فالزم نفسه على الحضور لمن قدره وانزله منزلته

صورة تخيلتها وانا اعايش هذا الرجل عندما يتعامل مع الشعر لا يتشنج عندما يصرح بجديده
فارس وعنيد وعنيف في شخصيته الشعرية
هاديء الطباع صاحب ضحكة بعيدا عن الشعر
ومن يعرفه شخصيا يبصم على صدق قولي


كل الشكر يابوخالد على مقدمتك الاستثنائية التي استهليت
به أسئلتك والتي أتمنى أن أوفق في الاجابة عليها 00وأن تحصل منها الفائدة إن شاء الله
احببت ان اضع بعض الاسئلة من خلال متابعتي للجمل:

س/
استخدام المضاد اراه منهج تعتمد عليه في شعرك سواء في الكسرات او القصائد
ونعلم انه جرس موسيقي يطرب السامع ..فاين تجد مكانه في خدمة المعنى؟

التضاد هو أحد الأساليب البلاغية المهمة التي لاغنى للشاعر عنها وهي بالتأكيد تزيد المعنى وضوحا وتعطي الكلام رونقا
وفخامة 00شريطة أن يكون أستخدامه من قبل الشاعر دون تكلف
وبدون مبالغة إذ أن المبالغة فيه قد تفقده فائدته المرجوه
س/ القدوة احد الشعراء الذين طربت لحرفهم وكانت له الحان معك جميعها حرابيه
ومن منطلق هذا المصطلح (الحرابي) قلت غصن لازلت اتذكره جيدا واراه اقوى غصن
حرابي ذكرته (راحوا مابين القدم والخف) والذي سبب ازعاج للقائمين على المنتدى
عكس الشاعر الذي تقبل الموضوع وطلب معك لحن اخر وكان يشيد بك وتشيد به
ما اردت الوصول اليه ..الى أي درجة يعشق الشاعر الحرابي خصمه الحرابي ؟

الحرابي كما قلت سابقا فن شعري قائم بذاته وليس لكل شاعر أن يتعاطى معه فهو يحتاج لسرعة بديهو وذكاء في الرد وأيضا
لعرف وخبرة في التعامل معه 00
والحقيقة كانت لي مع أخي الشاعر القدير القدوة أكثر من محاورة حرابية ومن إحداها الغصن اللي ذكرته وهو من محاورة طويلة مطلعها مني حيث قلت
:
سلام ردة فممشاها = تقطق زهور المعاني قطف
فالقايمة ناس نبغاها=وانت مسجّل فراس الكشف
والحقيقة ورغم عدم معرفتي الشخصية بالشاعر القدير القدوة الى الآن فإني أكن له كل الود والتقدير وتبقى محاوراتي معه
من أجمل المحاورات 00
وهل تجد للحرابه حدود لابد ان يقف عندها الشاعر ؟
وهل تتوقف عن اكمال اللحن اذا رأيت خصمك الحرابي اقنعك بالرد واستوفاه او
ترى ان التحدي يغلب على اكتمال المعنى؟

هناك حدود إذا خرج الشاعر عنها منها المباشرة وذلك كاستخدام الالفاظ النابية المباشرة فهنا لابد من التوقف
اما اكتمال المعنى فهو يعود للشاعرين فإذا كانا متمكنين
فبالتأكيد سيصلان الى نهاية منطقية للمحاورة00
س/بصراحة وامير الكسرة حاضر معنا الان وشرفنا بحضوره في داره وبين اهله وربعه .. ما هو رأيك في اللحن الذى دار بينكم في منتدى الاصالة ينبع النخل ؟ خاصة انه من الالحان العميقه فالمعنى ..ونريد كسرة منك تجسد فيها رأيك بأمير الكسرة؟
الاستاذ القديرناصر الحجوري اسم غني عن التعريف وشاعركبير
بلاشك أنه إضافة جميلة لملتقى الكسرة00
أما لحني معه في منتدى ينبع النخل فكان على خلفية اعتراضي على أبومحمد في موضوع له لتنشيط المحاورةبين الشعراء في منتدى الكسرة وذكر أسماء شعراء وتغاضى عن
ذكرآخرين وكنت ممن لم يذكرهم المهم أن أبو محمد أعتذر
للجميع بتواضع الكبار وطلب مني أن نلعب لحنا مباشرا
فكان اللحن التالي 00الذي أترك الحكم فيه للقراء الكرام

اليكم المحاورة00
قــــــــــابــــــــــل الـــــــبـــــــشـــــــري =
ســـلام فـــي مـوعــده حـضّــر=والـداعــي الـلــي دعــــا لــبــاه
يــخــص نــاصــر ولايـقــصــر=عــن منتـدانـا وكـــل عـضــاه
نـــــــاصــــــــر الـــــحـــــجــــــوري=
يــامــرحــبــا بــــالــــذي قــــــــدرّ=ولـبــا الــنــداء لــلــذي نــــاداه
الـلـيـلــه الـمـنــتــدى يــســهــر=مــــادام قــابـــل قـبـيـلــه جـــــاه
قــــــــــابــــــــــل الـــــــبـــــــشـــــــري=
تــبــقــون والـــحــــر مـــاوخــــر=والــيــا وعــدلــه وعــــد وفـــــاه
وجمـهـورنـا الـرابــح الاكــبــر=ان كـــان بـالـحــرف مـتـعـنـاه
نـــــــاصــــــــر الـــــحـــــجــــــوري =
مـاعـنــدنــا شـــــــك يــامــوقـــر=وافـي وحــرف المـثـل تحـمـاه
واكـــثـــر جـمـاهـيـرنــا تــكــثـــر=لِـنـاّ غـزيــر الـمـثـل خـضـنـاه
قــــــــــابــــــــــل الـــــــبـــــــشـــــــري =
وافــــي وراع الــوفـــا يـشــكــر=يـسـلــم وتـسـلــم لــنــا يـمـنــاه
ومـــادم لـيــل الـصـفــا ازهــــر=نبـغـى مـعــك نـبـتـدي مـعـنـاه
نـــــــاصــــــــر الـــــحـــــجــــــوري =
يبغـى القـلـم صفـحـة الدفـتـر=والـحــرف جـمـهـورنـا يـبـغــاه
إبـدأ مـعـي وإفـتـح المحـضـر=وعجل على اللي معي يقراه
قــــــــــابــــــــــل الـــــــبـــــــشـــــــري =
خــط القـلـم مــن يــدي عـبـر=عــن قـلــب شـاكــي يـجــرالآه
مــــن ود يـسـمــع ولايـبـصــر=طـيــبــه وعـطــفــه ومــاســـواه
نـــــــاصــــــــر الـــــحـــــجــــــوري=
ماهو في شرع الهوى منكر=لــو البصـيـر الــوداد اعـمــاه
الــــود اعــمـــى ومـااسـتـنـكـر=قـولـك مـشـاف الــذي يـهـواه
قــــــــــابــــــــــل الـــــــبـــــــشـــــــري =
اشـوف جهـد الـعـزول اثـمـر=حـقــق مــرامــه ونــــال مــنــاه
وغــيـــر عــلـــى الـودمـاغـيــر=واصـبــح صـديـقــه الــدعــداه
نـــــــاصــــــــر الـــــحـــــجــــــوري =
لاشــك هــذا الخـبـر مـايـسـر=والـشـرع والـعُـرف مـايـرضـاه
ورايـــي بـعـيـن الـعـقــل فــكــر=والـــحــــل فـالـتـالــيــه تــلـــقـــاه

أما الكسرة التي طلبتها خصيصا لابومحمد
ناصر من اهل المثل مشهور = شاعر ومن صفوة الشعار
أشهد ويشهد له الجمهور=انه فرسم المثل بيطار
س/ ماذا يعني لك كلا من :
دكتور الكسرة / مسعود المعبدي

شاعر كبير 00استفدت منه الكثير قدمت معه أجمل المحاورات
مايميز أبومحسن انه لا يجامل على حساب الشعر00
هوباختصار مدرسه شعرية متكاملة
شاعرالاحامدة ابوسالم الرحال
أبو سالم شاعر كبير جمع بين الخلق النبيل والادب الرفيع
استاذ الكسرة/ محمد عبيدالله الاحمدي
ابوباسم فقدته ساحة الكسرة منذ أكثر من عامين
أتمنى عودته فهو شاعرقديربلاشك 00وبهذه المناسبه
ابعث اطيب تحية اليه 0
مثمن الكسرة/ جبارة العروى
ابوسعيد حبيب الكل 00شاعر كبير لديه تجربة شعرية
كبيرة 00 ورجل خلوق كسب محبة الجميع بخلقه قبل شعره
الشاعر الكبير /محمد بن احمد المحمادي رحمه الله
من أساطير الكسرة ، وهو من أكثر الشعراء الذين حفظ الناس شعرهم
وهذا دليل لايقبل الشك على تميزه
س/ تقول في احد كسراتك (ياما قلبت الهزيمة فوز) ... متى يفوز الشاعر ومتى يخسر ؟
يفوز إذا طرق معنى مبتكرا أورسم صورة جماليه رائعة

أو رد ردا مميزا مشفيا وبالطبع إذا أسعد محبيه ولم يخيب

ظن من ظنوا به خيرا00

أما متى يخسر فلاأعلم لأني لم أتجرع مرارة الخسارة
ياوخالد والحمدلله هههههه
س/
تتنوع كسراتك حسب المعنى .. هل هناك شعار تختار عمل لحن معهم في معنى معين وتراه قادر على فهمك وانجاح اللحن ؟ او اختيارك عشوائي؟

بالطبع هناك معان حساسة وتهمني فأنا أختار لها شاعرا
متمرسا ذكيا والأهم من ذلك أنه يفهمني
س/ الشاعر الكبير حرب احد اعلام القبيلة في شعر الكسرة وابو عمر شهادتي فيه مجروحة.. ورغم سهولة الفاظك يالجمل ووضوح وجمال معانيك الا اني ارى قوة مفردتك وغموض معناك يحضر في الحانك مع ابو عمر بدون استثناء..لماذا ؟

بلاشك أخي أبوعمر من أفضل شعراء الكسرة في البدع والرد
وإن كنت أرى أنه متميز في الرد بل هو من أفضل الشعراء
الذين يجيدون الرد إن لم يكن أفضلهم على الإطلاق 00
ولكن هذا لايعني أني استثنيه عن بقية الشعراء بالعكس
هناك الكثير من الشعراء الذين كانت محاوراتي معهم
متميزة منهم الاستاذ القدير مسعود المعبدي ومحمد سعد اليوبي وماجد ابومديدة والاخت الشاعرة نبض الوجود وغيرهم

س/دائما يكون من بدع هو صاحب الشكوى وهذا متعارف عليه عند الجميع .. ولكن احيان نرى الحال ينقلب وسط اللحن ويكون من بدع معالج لمن رد على البدع .. وهذه رأيتها في كذا لحن للشعار ..وفي ما يخصك يالجمل رأيتها في لحن بينك وبين الشاعر الكبير عبدالكريم المزروعي وهو اول لحن موجود في ديوانك بالملتقى.. هل احترامك للشاعر هو من جعلك تتنازل عن طرح الشكوى له او هو ذكاء من الشاعر المقابل ؟
محاوراتي مع الشاعر الكبير عبدالكريم المزروعي لاتخضع
للقوانين المتعارف عليها -إن جاز التعبير-فأبوعلي
شاعر محاورة من الطراز الاول فهو يلعب بأسلوب المحاورة
فقد ابدع وهو يبدأ بالمعنى والعكس 00لكن يظل شاعر كبير
ومدرسة شعرية مستقلة استفدت منها الكثير 00
س/ الجودة في الكسرة لها معايير اعتراف ...
من منظورك يالجمل ماهي معايير جودتها ؟ وياليت بالتفصيل الممل
هناك معايير للشاعر المميز لاتختل أبدا 00
اولها عامل الاستمرارية 0فهناك من الشعراء من تجد تباينا واضحا في انتاجه الادبي00
اما بالنسبة لمعايير جودة الكسرة فهي في نظري لاتخرج عن
احكام المعنى واستخدام المفردة المعبرة والقافية المميزة
والتناغم الموسيقي بين قافية العجز والصدر وبالطبع استخدام
التضاد والتورية وكذلك الاذن الموسيقية العالية لان الكسرة
سماعية وغصنها يحتاج (لترييح)في بناء البيت

س/ اربشتنا انت والعمدة سالم البشري بربشه وبرشه في احد الالحان بينكم وكان القاف جميل ..في هذا اللحن بالذات ..هل تقلبت القافيه الجميله على المعنى واصبح تحدى قاف ؟ علما انه كانت هناك الحان لعمالقة الكسرة كان مقصودها تعجيز الخصم في القاف..وما سر قاف (احيانا )؟
هذا اللحن لم يكن مخططا له إذا إن أبووائل وضع السلام
للملتقى ككل بعد غيابه لفترة 0فأعجبتني القافية المميزة
فدخلت ورديت واستمرينا في اللحن إلى نهايته
س/ الشاعر الاديب والمخضرم العم عايش الدميخي كان له اعتراض على احد اغصانك بخصوص المعنى في كسرة الذهب والفالصوا..بصراحة لم يأخذ الموضوع حقه في التوضيح بينك وبينه..وكل ما جرى بينكم هو احترامكم للرأي والرأي الاخر وهذا غير مستغرب منكم فنحن جميعا نؤمن بأخلاقيتكم ومعدنكم الطيب في طرح النقد وتقبله ..لكن نريدها من ناحية النقد الادبي المشروع والواضح ..ماهو سبب الاعتراض وبماذا تعلق؟


كان اعتراض الشاعر القدير عايش الدميخي على كسرة قلت فيها
هذا زمنا غريب اطباع = قل الحيا فيه والشيمة
فيه الذهب صار ماينباع= والفالصو صار له قيمة

طبعا اعتراض ابوطلال انه يوافقني في البيت الاول ويختلف
معي في البيت الثاني 00
وطبعا كان ردي أنه إذا آمنت بأن الزمن غريب إذن توقع
منه كل شئ وأنا استخدمت الذهب كناية عن الشيء الجيد
سواء كان رجلا أوشعرا أوغيره على العموم هذه وجهة نظره
احترمها وإن لم أقتنع بها 00
اخيرا يالجمل شكلك بتعيد عليّ (بس انت قلي ملقي فين ) مع هذه الاسئلة الكثيرة
لكن وجود امثالك والاستفادة من تجاربك هو ما جعلنا نكثر ولا نقلل
وانا واثق اني سوف استمتع في قراءة سطورك سواء ردا على اسئلتي او اسئلة الاخوان
تقبل تقديري واحترامي


هههههه ذكرتني بأول محاورة معك والتي من خلالها تعرفت
على شاعر ومحب للشعر اسمه ماهر ابوخالد 00
حيث وضعت سلاما هنا في ملتقى الكسرة أقول فيه:
سلام نبغى لنا شاعر=ناخذونعطي معه قافين
والسلم بالنقد والحاضر= مافيه مهلة ولابعدين

تفاجأت بشاعر لاأعرفه اسمه ماهر ابوخالد وفي اليوم
التالي صباحااتصلت على اخي بيان الصمت وقلت له جيب
لي خبره منين 00وفي المساء جاءني ابومحمد في البيت
ومعه الاخ العزيز ماهرابوخالد 00الذي أصبح صديق الجميع
في استراحة الاخ وليف الشوق 00ولن أطيل إليكم المحاورة
كاملة 00والتي لم تخل من الاستفزازية هههههه

قـــــابــــــل الــــبــــشــــري =
ســلام نـبـغـى لـنــا شـاعــر=ناخـد ونعـطـي مـعـه قافـيـن
والسـلـم بالنـقـد والـحـاضـر=مـافـيـه مـهـلــه ولابـعـديــن
مـــاهــــر ابـــــــو خـــالــــد =
جـالـك ابــو خـالــد الـمـاهـر=لبـيـك يـاصـاحـب الجيـلـيـن
جيلك ظهر واصبـح الظاهـر=يامرحـبـا والمعـانـي تـلـيـن
قـــــابــــــل الــــبــــشــــري=
الله يــبــقــيــك يـــامـــاهـــر=ياللـي كلامـك ثمـيـن وزيــن
قــــدام لاصــــدر الــصـــادر=اللـي يبـا الشـرح والتبيـيـن
مـــاهــــر ابـــــــو خـــالــــد=
هـات الــذي عنـدكـم واامــر=تلقـى الدليلـه مـن الصافيـن
فـالـظـرف ولا لـنــا عــابــر=الـبـيـنـه مـالــهــا تـلــويــن
قـــــابــــــل الــــبــــشــــري=
ياما احسن المشـي بالسايـر=سـيـدا ومافـيـه بـيـن وبـيـن
والـعـارف الـفـاهـم الـخـابـر=يعرف طريق السلامـه ويـن
مـــاهــــر ابـــــــو خـــالــــد =
قافـك زهـى بالمـثـل شـاطـر=مختار تجلس على الجنبيـن
ابـهـر لـنــا الـقـيـل يـابـاهـر=مهلـه وعــدت لـهـا يومـيـن
قـــــابــــــل الــــبــــشــــري =
ياصـاحـبـي خـيـرنـا يـاســر=وبـدال حرفـك يجيـك اثنـيـن
لاجبـت تعريـف ياالـنـا شــر=عن اسمكم يحذف القوسيـن
مـــاهــــر ابـــــــو خـــالــــد=
ربــان قـابــل بـحــر كـاســر=محـنـا عـلـى ذاك مختلفـيـن
وماني مـن البـرق والماطـر=غرقـان لــو مثلـكـم ناجـيـن
قـــــابــــــل الــــبــــشــــري =
الـعـفــو مابـيـنـنـا خــاســـر=مـع مثلكـم كـاسـب الثنتـيـن
وحـدة علـى شـوفـة النـاظـر=ووحـدة تبقـت عليـكـم ديــن
مـــاهــــر ابـــــــو خـــالــــد=
طـولـتـهــا كـنــهــا قــاطـــر=مابيـن تكسـس الـى قزويـن
ياتـصـوم ولا تـجــي فـاطــر=مالـك فديـن النصـارى ديــن
قـــــابــــــل الــــبــــشــــري =
اوفيتـهـا مـاحـصـل قـاصــر=بـس انـت قلـي ملـقـي فـيـن
اسـلـم مــع الخـلـق يـاكـافـر=وامشي مع ا لمسلمين يمين
مـــاهــــر ابـــــــو خـــالــــد=
منـتـا نـبـي لـلـوحـي قـــادر=ولنتـا شفيعـي فيـوم الـديـن
استـغـفـر الله مــــن واعــــر=مـاقـال عـنـد الـدعـاء امـيـن

ومشكور يابوخالد على مرورك وأسئلتك التي ارهقتني هههههه




التوقيع :
   
قديم 29-05-10, 03:17 AM   #47
شـــــاعر
 
الصورة الرمزية أبو ذياب

 










 

أبو ذياب غير متواجد حالياً

أبو ذياب is on a distinguished roadأبو ذياب is on a distinguished roadأبو ذياب is on a distinguished roadأبو ذياب is on a distinguished roadأبو ذياب is on a distinguished roadأبو ذياب is on a distinguished roadأبو ذياب is on a distinguished roadأبو ذياب is on a distinguished roadأبو ذياب is on a distinguished roadأبو ذياب is on a distinguished roadأبو ذياب is on a distinguished road

افتراضي

مشكور ياقابل على التجواب الجميل منك وعلى روحك النقيه كصفاء قلبك
س1-ماذا اضافت لك موهبة الشعر
س2-الكسره المتعارف عليها اربعه اغصان متى تكون الحاجه ماسه لزيادتها اكثرمن ذالك؟
س3-ماذا يعني لك منتدى حرب الرسمي؟ وبماذا تنصح أبو ذياب ؟؟




التوقيع :
عـامــيــن مــتــألــم ويـــائـــس !!=والـيــوم بـعــد .. الـفــراق الـصـعــب
تـــروي غـصــن مـيّــت ويــابــس=مُحال تحَيا .. جذور القلب ؟؟
= أبو ذياب
   
قديم 29-05-10, 01:43 PM   #48
إداري سابق
 
الصورة الرمزية قابل البشري

 











 

قابل البشري غير متواجد حالياً

قابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond repute

افتراضي

المشاركة الأصلية كتبت بواسطة همس القوافي مشاهدة المشاركة
لااقول سوى شكرا نبض الوجود
ومرحبا بابو يزيد

هلا ابوفيصل ومشكوور على مرورك الكريم




التوقيع :
   
قديم 29-05-10, 01:45 PM   #49
إداري سابق
 
الصورة الرمزية قابل البشري

 











 

قابل البشري غير متواجد حالياً

قابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond repute

افتراضي

المشاركة الأصلية كتبت بواسطة السينات مشاهدة المشاركة
يبدو ان دخولي جاء متأخر جدا وقد اتخن الاخوة المتصفح اسئلة وطرقوا كل ما كنت ارغب طرحه من اسئلة
لذلك سأستمتع بمتابعة اجابات شاعرنا الكبير الراقي قابل البشري الذي اشكره سلفا على امتاعنا بهذا الحوار
والشكر موصولا لشاعرتنا المتميزة صاحبة فكرة الموضوع الرائع نبض الوجود
تحياتي لكم وسأتابع بشغف ما سوف يدور في هذا الحوار البناء المثير

الله يحييك أديبنا القدير السينات 000

وعلى قول المثل الشهير أن تأتي متأخرا خير من أن لا تأتي هههههه

أكرر الترحيب مستشارنا القدير وعلى الرحب والسعة




التوقيع :
   
قديم 29-05-10, 01:48 PM   #50
إداري سابق
 
الصورة الرمزية قابل البشري

 











 

قابل البشري غير متواجد حالياً

قابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond reputeقابل البشري has a reputation beyond repute

افتراضي

المشاركة الأصلية كتبت بواسطة ابومعروف مشاهدة المشاركة
ماشاء الله تبارك الله
مشكورين على الموضوع
والشاعر قابل البشري نحييه شاعر له وزنه والحقيقه عندي سوالين :
انا كنت باطلب محاوره معك وهونت يقولون حرابي فالمحاورات هل هذا صحيح وليش ؟
الثاني : يااخي ليه ماتقبل تحاور المبتدئين ؟ وبعدين ابغى محاوره معك تكفى 0
تحياتي 0

حياك الله يابو معروف 00

الله يحييك تعال ألعب معك على بالك البحتري المسكين تلعب عليه ههههه

وبعدين من قال لك أني لا أقبل محاورة المبتدئين 000

روح أسأل ياعم ابومعروف 00قبل تتهم الخلق

ومرحبابك شرفتنا




التوقيع :
   
موضوع مغلق

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

IP



الساعة الآن 12:54 PM


Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
Ads Management Version 3.0.1 by Saeed Al-Atwi
ترنكات لخدمات الويب