افضل قصيدة 0 0

بيض الله وجيهكم

موضوع رائع وشيق

والتنافس فيه شريف

صح لسانك شلاح بن ماجد على هالقصيده الرائعه

سر ياقلم واكتب جـوابٍ بديتـه=من هاجس الأفكار يوم ازعجُني
وهاجوس فكري للمعاني دعيتـه=يعجب بها السامـع ولا كلفُنـي
من هاجسٍ بالقلب ياما شكيتـه=وياما خذا من زين الايام منـي
وليا تراوالي على انـي نسيتـه=دوايـر الايــام ماساعـدُنـي
اعذب انسانٍ في حياتي رأيتـه=عنه الخبر ما جيب لو بالتمنـي
عامين في رجواه واقـول ليتـه=من بعدهن ما يخلف الوقت ضني
عهدٍ قضاه وعهد مني قضيتـه=نبقى ومهما صـار ماينقضنـي
غروٍ خذا قلبـي وقلبـه خذيتـه=وما ياخذه غيره ولو طال سنـي
والله من وقتٍ بقربـه قضيتـه=في صادق الاحساس منه ومنـي
اجيه كلي شوق مشتـاق جيتـه=ويجي من اشواقه تقل مستجني
ولا يخلف الهقوات لامن هقيتـه=لو اطلب عيونه من الشوق جُني
واليوم لا حينٍ لشوفـه رجيتـه=ولا ميتٍ ريح مواجيـع ضنـي

التوفيق للجميع ان شاء الله

فهذا الموضوع يزيد الشعار محبه واخاء وقرابه لبعضهم البعض

الموضوع ليس إلا منافسه شريفه بين الشعراء الافاضل

والدعوه حبيه واخويه ان شاء الله

نسأل الله ان يوفقنا في هذا الموضوع وان لايفرق بيننا في شي

بيض الله وجيهكم

موضوع رائع وشيق

حياكم
وأنا بدوري أرشح هاتين القصيدتين
وفق الله شاعريها

سلام ياعزْ يشـرخْ فالسمـا نـوره = مثل الذهب لرتفـع وزنـه ومعيـاره
للـي لهـم مجلـسٍ ودلال معمـوره = تاريـخ ناصـع يشرفنَـا بمقـداره
طِيب المجالس مجالس حرب مذكوره = مشعل على عز ثابي تشتعـل نـاره
صفحه على النت تعطي للعرب صوره = وتعطيك نبذه عن الحربي و أخبـآره
مع صفوة الجمع كـلٍ ينتظـر دوره = وكلٍ يبي موقفـه فـي أول الغـاره
هذا النويمي هو المجلس وصنبـوره = ينثر زهرها على أحبابـه وسمـاره
واشوف تركي وأتونس على حضوره = شفته كما الحُر يعرف وين أوكـاره
وعيال عمي سيوف الحق مشهـوره = رآوي وشاعـر وناخـوذه وصقَـاره

تحياتي
أخوكم / محمد الجحدلي

	المشاركة الأصلية كتبت بواسطة لهب القوافي

	الحياة بد ون زولك شيء تافه=لاطعم لا لون لا ريحة زكيّة شاعرك من بعد هجرك شاب قافه=كلما ابنيها سوى؟؟!! انهالت عليه صار قلبه طفل توّوّوه باللفافة=الهواء لا هب سببله أذيّــــــة طفل توّه ماعرف يمسك لحافه=صعب وضعه حيل لكنّك قويّة وصار هاجوسه مثل كشك الصرافة=اشتري هذي وابدلها بذيّه وإن ضواه الليل جاء طيفك وضافه=ثم شغّلت القوافي قهوجيّة وانبلج صبحي ولكن يا حسافة=أصبح لحالي ما غيرافرك يديّه كلما ارسل جيش جاني بانعطافة=وصرت وحداني اقابللي سريّة شاعرك لو جيش وا حد؟؟ما يخافه=البلا قا مت تجي من كل نيّه تنكسر زافة وثم تغيرزافة=والسيوف البيض تنخر بالمطيّة لين عرّضلي مثل زول الزرافة=كاملن في عدته حتى أحذيّة جدي اللي عاسفة ليّه عسافة=من بقايا خيل حرب الأوليّة من صهيله قطّع الهاجس كتافه=وانتخيت بعزوتن لي سالمية وصرت اقاتل مثل اساطير الخرافة=وانتخي وآقول : لعيون ابدويّة ألف واحد شاعرك بالعين شافه=بس من شافك نسى كل البرية صايرة بين البدانة والنحافة=والحلا والدين زايدبك شو ية إن زعلتي صار في وصفي لطافة=وإن ضحكتي انتخى بيتي خويّه فيك غنج مخالطة لطف وضرافة=زيما يقولون وصفك!!مية ميّة وسلا مة اعماركم

تحياتي

أخوكم / ســــمو الشوق

	المشاركة الأصلية كتبت بواسطة لافي

	بسم الله الرحمن الرحيم ، ، السلام عليكم ورحمة الله وبركاته ، ،، البارحـة فزيت مـع دقـة البـاب=وفز الخفـوق اللي عن الود سـالي أقبل شبيه الريـم من دون الأعتاب=ودارت مع المجمول صفـر الدلالي أضمرت سري من وراء باب وضباب=وأنا لحـالي .. ياكفـا الله لحـالي وهمَّيْت بآقطِّـع طويلات الأطنـاب=وآجيبهـا بيـن الوتـد والخـلالي وراجن هواجيسي عطيبات الأنشاب=وهـز الضميـر الشامخات الطوالي قال أُرْقب اللي معتلـى كـل مرقـاب=الواحـد المعبـود رب الجــلالـي وهـز الفـؤاد اللي ليا غبت ما غـاب=ذاك الرقيب اللي على النـاس عالـي وقلت انتهي يانفس .. تابعك وش جـاب=يا نِعْنُـبُ نفـسٍ تشيـل الثقـالـي أنا عميلي خـالق الكـون ما هـاب=لا ذنب وديتـه ولا ذنب جـالـي لا خفت من حيـة ولا خـاف من داب=ولا خفت من بعض النِّشب لو لحالي أمشي على وضح النقاء وأحسب حساب=أحسب لميـلات الدهـر لو صفـالي اليــوم أعــوِّد وآتقلَّـب تقِــلاَّب=وآخَلَّـي اليمنـى تعَـوَّد شمـالـي؟ وســلامتكــــم

بالتؤفيق للجميع ..

والف شكر لى الاداره على الفكره الجيده

	المشاركة الأصلية كتبت بواسطة شلاح بن ماجد

	يامـعجبه فيني على ويش الاعجـــــــاب=لا تعجبــــــــــــين بواحدٍ ماعجبتــــــيه ان كان باعجابك هد ف نصبح احبــاب =والله ان تبطيـــــن ما قلتلك إيــــــــه وان كان لك نيه على بذ ل الاسبـــــــاب =لك نيتـــــــك وانا ترا البعد ناويـــــــــه قبلك جرحني بالهوى سيد الاحبــــــاب =اللي ازعلت الخلق من شان اراضيه نسيت نفسي والجمـــاعه والاقــــراب =وهبتها قلـــــبٍ يحبـــــــــه ويغليــــــــه كل الخساير كنت ما احسب لها حساب=ابيع عمـــري لجــــل احقق امانيـــــــه هذا ورغم المعرفـــــــه كان بعتــــــاب=ما فيه يوم يمــــر ما نختلــــف فيـــــــه كانت مقــلــــــــه بالثقافـــــــــه والاداب =وهضمت حبه غصب واصبحت هاويه كانت تضن الـحــــب يروا من كتــــاب=قصه خياليه ولا تعتـــــــرف فيــــــــه ما تدري ان الحب طيــح له اشنـــاب=وانه جبرني غصب دربه اماشيـــــه علمتها معناه وشلون لا صـــــــــاب=وعلمتها وشلون تاخذ وتعطيـــــــــه وعلمتها فرقى الاحبه والاصحـــاب=وفرق التعامل بينهم كيف تد يـــــــــــه وكانت تعد الورد من ضمن الاعشاب=وعلمتها قدره والى مين تهد يــــــــه وراح وترك في داخلي جرح ما طاب=جرحٍ مع الايــــــام بانت مواريــــــه واليوم قلبي من هوى البيض مرتاب=درسٍ اخذته من حبيـــبٍ عطانيـــــــه شلاح بن ماجد الجــــــديع

00000000000

	المشاركة الأصلية كتبت بواسطة ناصرالبشري

	اخواني الاعزاء نظرا لأنه ليس لدي جديد...فقد اخترت لكم من القديم...ارجو ان يحوز على رضاكم أنا اعتبرت اللي مضى من حياتـي= يا ليتي أنسى يـا الغـلا ذكرياتـي= إيه أمسحـي كـل الألـم ياغناتـي= صحيح ما قدّر علـى العبـد يأتـي= يا أعذب كلامٍ مـرّ فـي مفرداتـي= يا مسويٍ فـي قلبـي المعجزاتـي= يا أعف واطهر من ثياب الصلاتـي= يا حلمي الـوردي وسكـر نباتـي= فتاة حلمي با اختصـر يـا فتاتـي= محبتـك خلتنـي أحــب ذاتــي= ناصر البشري

وصح لسان الجميع

علي هليل الحربي

بسم الله الرحمن الرحيم
إهداء لقلوبكم بعد طول غياب

صبح الحيا زف العبير بشفاهه = قطف الشهد من منحلٍ فيه نوهه
نوهة شذى الموعز بضف النقاهه = زفرة حميمٍ ماله اياة فوهه
لاعل منه اللي بقلبه شراهه = يبطي وهو في مجمع ارياه بوهه
بوهة عيا ترث بلاعصاب عاهه = تتلف خلايا اللي بقلبه نبوهه
ماتستثير الا نديم النزاهه = ولا تستثار إلا تزيدك شدوهه
ابسط معانيها خلية متاهه = واصعب معانيها تباسط وجوهه
يعني على ماقيل سرعة بداهه = ماهيب حب انشاد ولاَ ولوهه
هذا كللام اللي يعظم الاهه = الواحد اللي مايثنى الوهه
في وقت كثرو فيه جند السفاهه = لين السوالف صار فيها ملوهه
وترى البخيل اللي بخيلٍ بجاهه = ولا بخيل المال فكري يتوهه
صوغ القوافي بين جد وفكاهه = والمعذره للي يقولون او..هه

يا مرحبا ترحيب وافـي ومـوزون=موزون عن درب الخطاء والعيالـه
بالشاعر اللي صاغ قافه على النون=يبدع جديد الهيض يـوم أستوالـه
يبدع جديد الهيض بأفكـار وفنـون=شاعـر وعنـده للمعانـي جزالـه
مفلح عريب الجد والرأس دنـدون=دندون في وقـت القسـا ينعنالـه
من روس قوم ٍ في المواقيف يافون=رجالهم يـا فـي وتعـرف أفعالـه
شهران قوم ٍ فاللقاء مـا يهابـون=يردون حوض الموت وقت اشتعاله
يا طيبهم في حزت الضيق يشفـون=صدر الغليـل اللـي وحيـدٍ لحالـه
تاريخهم معروف من عصر هارون=كلن ذكرهم من عصـور الجهالـه
قلته وربعـي فاللقـاء مـا يذلـون=سبعان قـوم ٍ تحتمـي كـل قالـه
سبعان يوم الناس طاعن ومطعـون=يروون حدب أسيوفهـم بالصمالـه
وكل القبائل وافيـه مـا يهونـون=الطيـب فيهـم والكـرم والبسالـه
ويا راكب اللي يطوي الخط مصيون=أسرع من الميراج يسبـق أظلالـه
بنز ٍ جديـد ولا شرينـاه بديـون=أيضا ولا من قيمتـه لـو حوالـه
كاش ٍ على الكبوت ما فيه عربـون=حسب الطلب شاريه لهـل الشكالـه
من شركته شاريه باثنيـن مليـون=وزودٍ عليها ألفين صرف العمالـه
آخر فخامة فيـه حتـى التلفـزون=وأزريت بالتوصيف لا صف جمالـه
أبغيه للي من هوى البيض مشحون=صابه هوى الخفرات وأتعب خيالـه
مهديه لك يا خال وإبليـس ملعـون=والرجل محـدٍ يعْـذِره دون خالـه
أبشر بعزك والطلب صار مضمـون=إنكانهـا بالمـال قلـنّـا سهـالـه
سقت المهر يا خال مهما يقولـون=لو يطلبـون أمـلاك جـده بدالـه
وإنكانها بالسيف فالسيف مسنـون=ندهن ثوى من وقفـوا لـك نذالـه
ندهن ثوى الحساد حتـى يتوبـون=عن الحسد يا خـال ويّـا النغالـه
وتصفي لك الأيام والرزق مخـزون=عند الكريم اللـي عظيـم ٍ جلالـه
وتصبح حقيقة عقب ما كانت أظنون=والعمر مهمـا طـال ياتـي زوالـه
والرد وصلك مـا تحرّيـت كانـون=ومـن ينتظـر كانـون واعزتالـه
وأختامها بالمسك والعُـود مقـرون=من شاعـر يفـزع بحالـه ومالـه

للشاعر / الحميدي بن سعد السويدي السبيعي