عدد الضغطات : 0
الشاعر عبدالله بن زويبن المعمري الحربي.رحمه الله...سمعت لي كلمة مدري وش اقصاها=حزت بنفسي وأنا مانيب هارجها.....لوكل كلمة إلى جتنا طردناها=بعنا الثمينة بسعر مايخارجها......لو مرت السمع ماكنا سمعناها=ونقفل الراس عنها لا يبرمجها......ومن يم هذا لهذا مانقلناها=والناس واجد وتلقى من يروجها.....من جابها بين خلق الله وداها=لو به مراجل ترى نفسه يسمجها..........الشاعر// محمد بن شبيب الحداري رحمه الله ...........لا والله الا راح دور البداوه=ودور الركاب اللي عليها الشنوفي........ ومجالسٍ فيها لهلها طراوه=عنها الشوايب والهزيل محذوفــــي...... وراح الزمان اللي لعيشه حلاوه=واللي على الغارب رجع للردوفي.......... قالوا تسير قلت مامن فضاوه=قالوا علامك قلت عيت ظروفي........ اللي مضى بالنفس عنف وقساوه=واليوم أخلي كل عوجا تطوفي...... وأضحك مع اللي لي يكن العداوه=وأن صفقوا صفقت له بالكفوفي....... نخاف من دقة خطات اللعاوه=رادي نصيب وناقرٍ له علوفي........ يزعل على اللي يسوق الأخاوه=وذلوا معطرة النمش والسيوفي........ والمرتفع قالوا مثل ذاك ساوه=وشربت غثاريب الغريف العيوفي........ عين الغضب تفتح عليك السماوه=وعين الرضا لوبك خطا ما تشوفي....... هداج مات وجات غيره أجباوه=والروس قامت تدرق بالكتوفي............الشاعر/سالم بن مهاوش الحربي .....اللي ماتنفع به صنيعه و لا لين=ان راح قله روحت مقيط ورشاه......والله لو انه مين و لا ولد مين=من لايعدّك ذيب عدِّه ولد شاه.........الشاعر/ شموخ السلاطين........الوقت يكشف لك الناس وشهي من تكون....اما من رجالها ولا من رخومها.....اللي معادنهم ذهب فالوازم يصملون ......مايلوي ذراع الشدايد غير زحولها ................الشاعر / عبدالرحمن سليم الصاعدي(البيرق)..... في ملتقـى حرب الحرايب بدينـا /حرب الدول ربعي وهم تاج راسي .......قوم جمعـت مابيـن دنيـا ودينـا /الله عطاهم لين جانب وباسـي .......جند السـلام وضربهم باليدينا /عند الملاقى للمعادين قاسـي .......مكرمين الضيـف سمن وسمينـا /وسبع الخلا عشوه يوم العماسي..............الشاعر / خالد بن ماطر الحربي ....كل ماصادم الراس القوي زدت قوّه=والردي لو يزيد الهرج مازاد غلّي .....والجبل كل مالديت وانا علوّه=مايباريني براس الجبل غير ظلّي .....ليه اعادي قليل الخاتمه والمروّه=لاتجملت فيه وصد خله يولّي .....ودك ان الرجل يختار حتى عدوه=قبل يختار خلان النشب والتسلي ' ...........الشاعر/سند مسند العريمه الحربي........ لا صار ماتبدع إبيوتٍ ثمينه= = ريح ضميرك واترك الناس ترتاح ياما سمعنا من قصايد عجينه= = والمشكله حازت جماهير وأمداح في عالمٍ تصفق يساره يمينه= =وكل القصايد عنده إسمان وصحاح ميزانهم صوتٍ تعالى رنينه = = تلقى جماهيره لها صفق وصياح خلوا تقاليد العرب والسكينه= =في ليلهم مسراح والصبح ممراح ويااللي على الشاطي تدف السفينه= =عود على الساحل ترى مانت سباح البحـــر يبـغـاله رجــالٍ رزيـنـه= = له غـبـةٍ تـجـذب جـمـادات وارواح وخلك على كشته قريب المدينه = = دلــه وبــرادٍ له البـــال يــرتــاح...........الشاعر / بخيتان البشري .......ماضاق خاطر من نودّه ونغليه = لو البحر من ضيقته ضاق به ماه ..... مودّنا غالي و ودّه نخليه = غالي ولو كل العمر مالقيناه .......والي تولى للمشاعر موليه = قلب المودّ اللي وداده تولاه .........طيبّ خواطرنا بكامل تحليه = بصدق الشعور اللي عليها صدقناه ........اللي بصوته همنا دوم يجّليه = وبصوتنا قلبه من الهم نجلاه.........الشاعر /سعد المحمدي .........دريت باللي دار خلف الكواليس=وحطيت نفسي كن ماني بداري=بعض الامور اقيسها بالزمن قيس =وبعض الامور اصير فيها انتحاري=ان جيت يطفي نور كل الفوانيس=وان غبت غني ياطيور الكناري............الشاعر/عيسى العوفي..........وجهة نظر ماقول انا قولي مصيّب=ابديت رائيي مثل للرائي من قال.....ان جيتني بالطيب آعاملك بالطيب=ردالجميل وشيمة ارجال للرجال.....وان جيت في علم الردى ماقربه عيب=تكرم بها مالي مع العيب مدخال.......طبعي وربعي محتمين المواجيب=حربي بدربي متبع النذل لاعال.......العز لو تشويك حر اللواهيب=موتي ولاقوتي ورى ايدين الانذال......العمربامرالله وماقدّره غيب=والراس تصعب رفعة الراس لامال......وسيرة ارجال الطيب منها المكاسيب=نوريدل اللي جهل يقدي الضال......اخذت من غيري ادروس وتجاريب=اسئل وآخذت العلم من رؤس عقّال................الشاعر ( سعد المحمدي )............يابو فهد برق المزون النوازي=حجاز وانت بعالية نجد وبال=بينك وبينه بعد دار وغرازي=سيله بحر ياراعي المعدن العال=ماله مصب بداركم ورتكازي =العلم مايجهلك في كل الاحوال=يكفيك عن مية قليب ارتوازي=نهر الفرات اللي من الجال للجال=ابن المباني فوق ساسن عزازي=وقت الشتاء تذري وبالقيض مقيال=يامحزمي لاصبح الدار غازي=دنياك تبغى للعقد رجل حلال=واللي بها بالحالتين انتهازي=لابد مايلقى بها شمس وظلال=عن الحجاز اسمع كلام الحجازي=كلام حطه يارفيقي على البال=من التجارب دوبلماسي جوازي=عليه ختم المعرفه تقل تمثال=ياعل ماقلته على ارضاك حازي=في وقت ماينصح معك كل من قال.........الشاعر(زيد بن مبشر الحصني الحربي) رحمه الله ............أقول وأقابل ولاني بسايل=دام الكلام عن الحقايق مباحي=عندي على صحت كلامي دلايل=اموحهن من جم عدٍ قراحي=شفت وسمعت وقلت والرأس طايل=باللي على الساحه ولا هو سياحي=الله يجمل حال راع ألأصايل=حازن على الجوده بكل النواحي=والله ماجامل براعي الاوايل=لو ضاق من قولي زميلي مناحي=وشاعر قبيلة حرب عند القبايل=لافي حمود وبس حسب إقتراحي=ومن قال أنا بقول ويش انت قايل=أنا افتخر بجود ذخيرة سلاحي=ماشلت هم ملقحت كل حايل=اللي على ماقيل خف وجناحي ................الشاعر (مقبول حامد المحمدي).........بحثـــــت في قول البخاري ومسعود=والترمذي وكتـــــاب مسلم وماجه=وحتى النسائــي ما ذكر طب موكود=للصرقعه والعلعله واللجاجه=يا صاحبي ياراعي البيض والسود=ترى الكلام الشين عيــــــــب وسماجه=انا أعرف المقصــود والغير مقصود=ولا أحـــب هرج الثرثره والهماجه=الرجل ماهــــــــو للتفاهـــات محدود=ولا كل كـــلمه تستحــــــق المواجه=من سبب الفتنه ماهــــــــو كاسباً فود=ماحصّل الا لكمــــــــــتن في حجاجـــــه=جاه الخبـــــر مكتـــوب في رأس عبرود=عن حاجته كانـــــه بعمــــــــق الزجاجه=صحيح قالو يقـــــــرد النـــــاس مقرود=ويخسر غـــشــيـماً مايميـــــز خراجه=بعض العرب مـن راســــه العقل مفقود=ينفخ ذروبــــه ويتلقــــا العجـــاجــــــه=لو تنصحــــه عن سكـــــة الغي مايعود=ويترك قراح الماء ويشرب هماجه=يالله ياللـــــــي عنــــــدك الخير موعود=تجعل لنا مـــــــــن كل هــــــم انفراجه=نغضي ونصفـــــــح لكن القلب ملهود=جرح الخطـــــــــا عجزت اواري خلاجه=ماني على كل الخطا سيـــــــف مجرود=ولا كل عـــــود اعـــــوج يعــدل عواجه=والشعر له مــنـــهـــــج وله سلم وبنود=ماهو كما ســــــــوق يلجلـــــج حراجه=شعري مع أهل العرف مسموع مشهود=ولاني على كيــــــــف الغشيم ومزاجه=امشي عزاز الدرب وأســـــــنـّـــد اسنود=وأدرى قدم رجلــــــــي عــن الانزلاجه=ارفا كلامــــي لايجـــــي فيــــه منقود=ولاهمني قول الحســـــــــــود ورواجه=اللي مقيمني وشاهــــــــد لي العــــود=شيخاً بصرح المجــــــد يضوي سراجه روائع شعريه

الشاعر/ بخيتان البشري ......ودعتنا والموادع صعب = رمى بنا فالفراق المُر..... لعب الحزن فالمشاعر لعب = ما مر مثله ولا بيمُر.......الشاعر/احمد المحمدي...... ‏‏‏‏للي سألني يجي ويروح /من انت يبغى خبر والم /حربي انا من بني مسروح/ وعيال عمي بني سالم........الشاعر / بخيتان البشري .....قلبي طلع من قلوب أصُم = اللي لهم قلب من قلبك..........كل ما النصائح عليه تعم = حول الهوى زاد في قربك ...............﮼الشاعر/قابل﮼البشري﮼(الجمل)......مايزعّل الحق لا قلته /إلا من قلوبهم مرضى.....ومن كلمة الحق زعلته / عساه يزعل ولا يرضى...........الشاعر ( راشد الزهراني ) المحيط ........سقيت روضك من دموعي = وطول الدهر مستعد اسقيه...... ولايلومني حي في ربوعي = لو كان دمعي نهر مجريه ..............الشاعر / نفاع محمد السهلي ابوفرح ..........تدري متى يلفض الرجال ....في دنيته اخر انفاسه /لاحده الوقت للانذال ....دمعت قهر نكست راسه.......................الشاعر / حفيد_الحجيري.......الشوق مهما قِدَم ما يبيد=مثل السماء والهواء والطير......كل عام وأنتي هلال العيد=الله يعُـوُدِك عليّ بِخَيْر...............الشاعر ( أحمد بدين القايدي ).......كسب الفتى طيب أفعاله / اللي بها ينتهج له درب = وانا كسبته من رجاله / وافخر لأني فتى من حرب .............الشاعر العذب /عبدالعزيز الزويهري ابو بتال .......وا صدمتي صدمة منكد =أعيد مسترجع اللي فات.........و أزيد أسأل أبتاكد= صحيح ماهر صديقي مات؟...............الشاعر/ حمدان دراج القايدي .... حلفت اني اصون العهد=اللي من سنين اعطيتك....رغم العنا والجفا والصد=ماقد فيه يوم جاريتك.................الشاعر / نفاع السهلي ابوفـــرح ........عندي أمل فيك يا.. بكـره = تمحي بقايا جروح .. الأمس ....وقلوب حبت ولا تكــره = تشرق لها من جديد الشمس.............الشاعر/أبن رهدون.......أيامنا اليوم لو تحسب =دنياك يالادمي ساعه.....والمؤمن اللي لها يكسب =يعيش باقي العمر طاعه........الشاعر/عبدالعزيز الزويهري ابو بتال...........غلاك عندي غلاة العين=ياللي من الشوق ناديتك =معاك وحده من الثنتين= ان كان ما جيتني جيتك...............الشاعر/ سلمان القريقري ابوعمر ( حرب )........حتى النجاحات تتحقق=من دونها شروط للتحقيق...قال المثل يد ماتصفّق =تبغى لها يد للتصفيق.......الشاعر / سالم البشري ......مابين قسمه وجمع وطرح=لاهناك قلبي ولاهنيّه........كيف اهتني من هذاك الفرح=وارتاح من كل مابيّه.........الشاعر/خليفة المزروعي...........إهيا كذا كنها سرقه/=/لدة نظر يوم طالع في.....لوكان من بندقه طلقه/=/اهون عليه تراهاشوي...........الشاعر/ عبدالعزيز الزويهري...........البُعد خلّف جفا و صدود= وعشنا في زمانه بدوّامه ..........مدري زمان الصفا بيعود = و الا ّ قضى و أقفت أيامه ؟...........الشاعر / شاكر القايدي ......يامن ينقذ جريح القلب ....اللي هموم الزمن جاته ..... كل مابغا يتجه مع درب... يلقى قطار السعد فاته.................الشاعر /صقر المقرح ..........يامن تخوض الهوى بعزوف= خليتني فاصعب الأوقات ....لا تكبّني والجروح نزوف= وتندم على الوقت لنّه فات.............الشاعر / عبدالعزيز رويشد ...... اعلم ترى خيرة الاصحاب=مثل الذهب نادر ومافي...من كل خمسين ضن تراب=اجرام واحد ذهب صافي.....الشاعر/عبدالعزيز الزويهري (ابو بتال).....من لا هوى زي محبويي==عايش غرامه على الفاضي ==انا على احساس مكتوبي==حسيت ربي علي راضي.....الشاعر / حمدان دراج القايدي.....عواطف القلب لك وحدك.... ياللي ملكت الحلى والزين.....مافي احد في البشر مثلك.....طيفك سكن داخلي بالعين........الشاعر /غافل الهم قلبي ....... مريت بيتك نهار العيد...لكن قفلت بيبانك....عارفك زعلان بالتأكيد...حرام ماتشوف جيرانك..........الشاعر / عاشق الاصاله .........لاغابت الشمس بانمسي=من دون مدعوج الأعياني......مع القمر يكتمل انسي=في تالي الليل لاجاني..........الشاعر / حرب - سلمان القريقري ....... واعيني اللي من اسبابه=زايد سهرها عن المألوف ..واخاف لن طول غيابه=تفقد نظرها معاد تشوف.......الشاعر / خليفة المزروعي ...........عزي وتاجي قبيلة حرب=يوم الهول مزبن الخايف ... يشهد لها شرقها والغرب=ويشهد لها المطلع النايف.........الشاعر / ابوفرح السهلي .....لك حق والناس بالمقياس = مثلك لها حقوق موثوقة ...ومن لايوفي حقوق الناس = لايطالب الناس بحقوقة...........الشاعر / عبدالعزيز الزويهري ابو بتال ....هواك أعمى عيون الشك=لولاه يمديني احرقتك /لكن بإيمان ودي لك=كذبت نفسي و صدقتك......... ..............تلميذ الكسرة / ..............ما تعلم ان الجمال يلمّ **** وحظي الردي قادني يمّه........ آنا اتجــرع مرار وسمّ **** وكنّـــه يكـــايد ولا همّـه..........الشاعر / ابومبارك اليوبي.......خـذ المـثـل ياعـريـب الـجـد=اصل الشجاعه صبر ساعه=لايـغـرك الـزيـن يــوم يـلــد=اصبر وخلـك علـى الطاعـه................الشاعر / بيان الصمت ....سلام من قلب تلعب به=زود الهواجيس وأحواله=والوقت ما فادني طبه=من ظلمة الدرب وأهواله........الشاعر /وليف الشوق.....كل مانصحناك تتركني = وتشوفني من الد اعداك...واليوم لاعاد تنشدني = فيماحصل من مآسي جاك..........الشاعر / سرورالبشري ......طا وعت قلبي وما شيته= حتى رماني فدرب التيّه...ولا تنفع المبتلي ليته= لو جاء يعود معاد مديه............الشاعر (خليفة المزروعي)......عمر العجل مايضوي خير=يامحـسـن الـرجـل متـأنـي=الثقـل صنعـه ولــه تدبـيـر=وراع العجـل دوم متجنـي............الشاعر/خالد بن عبيد بن معتوق الأحمدي....... زايد بحسنُه على جيلُه= وكاسِب رضايه رغم عِندُه=ومن يوم يطلبني آجيلُه=خمسة دقايق وأنا عِندُه......الشاعر(ابوفـــرح)....عنـدي أمـل فيـك يـا.. بـكـره=تمحي بقايا جروح .. الأمس=وقـلــوب حــبــت ولا تــكــره=تشرق لها من جديد الشمس........الشاعر (حامد بن غالي السليهبي)(حسيبك للزمن) رحمه الله .........ناديت قلت انتهى صبري = واغبر زماني طِواني طَيّ=والناس بالحال ماتدري = اظمأ وجنبي غدير المَيّ.............الشاعر / محمد بدين القايدي ( السينات ) ......أدلِّـــــلـُــه دائماً وارضيه=والبِّسُــه ثوبه المألوف...لكن بِطبعُه يفرِّط فيه=ويخلِّي مَنْ لا يشــوف يشـوف.............الشاعر بخيتان البشري / ليه المجرة كواكبها=احيان عكس المدار تدور .. بحور تغرِق مراكبها=وتخلف نمط سيرها فبحور.......الشاعر ( حمدان دراج القايدي)......هليت دمعي من أسبابك = وجرحي نزف داخلي مقواك ‏=محتار وشهو اللذي صابك =الجرح في داخلي ماشقاك...........الشاعر ( راشد الزهراني )......حتى جبال السراة تحن = ماهي كما قلبك القاسي = يامن بوصلك على تمن = ودايم تعكر صفا كاسي ..........الشاعر ( خليفة المزروعي ).......ابوك يبني عليك امال / حذراك لاتخيب اماله /حاسيك لامالت الأحوال / إنت الجبل يجلس إظلاله........الشاعر( عبدالعزيز الزويهري ابوبتال )...... راح الذي فارق أوطانه = و أفعاله فالطيب ما راحت = و الله من بعد فقدانه = عمدان صرح الأدب طاحت ........الشاعره (الكحيلة) ......أتعبني القلب بحساسه=ادراه ويدور التعذيب= بهم ن ضلوعي حطب فاسه = من يطلع النجم لين يغيب .......الشاعر (حرب ابوعمر) ......قلبي سألني .حصل ماذا = تشكي ولاادري سبب شكواك = قلت انتظر فالوفا هذا = لكن تفاجئت جاني ذاك.......الشاعر (غافل الهم قلبي) ... احترت والقلب شايل هم /سنين مخفي الم جرحــــي =البوح ممنوع يالفاهم / راح العمر وانتظر فرحي .......الشاعر (ولد الساحل).....سبحان من بالجمال اعطاه / تحفه وتصوير رباني = سلهم برمش كحل غطاه = يرمي سهام الهوى فيني...........الشاعر ( نعيم عابد السيد ).....يا نار الاشواق ما تطفين / ما يكفي القلب واتلفتيه = هذاك لو كان ما تدريـن / سيب غرامك وولع فيـه ...........الشاعر ( احمد عاقل الغانمي ).......ابشتكـى راعـي الـدكـان / من بعد ماجـاب لـه هنـدى = ماعاد يرفق علـى الجيـران / حتى سلـف قـال ماعنـدى ...........الشاعر ( أحمد بدين القايدي ).......كسب الفتى طيب أفعاله / اللي بها ينتهج له درب = وانا كسبته من رجاله / وافخر لأني فتى من حرب .....الشاعر (عايش الدميخى ).......ابني فصرح الوفاء مدماك = يبقى مسجل عليه اسمك = ان عشت بالطيبة طريـــاك = ولا مت يبقى الثناء قسمك روائع الكسرات

 


العودة   ملتقى قبيلة حرب الرسمي > ๑۩۩ الملتقيات الأدبية ۩۩๑ > مــلــتــقــى الــقــوافــي > مــلتــقــى دواوين شــعــراء الــقــوافــي

مــلتــقــى دواوين شــعــراء الــقــوافــي [ جميع الشعراء ]

إضافة رد
 
أدوات الموضوع إبحث في الموضوع انواع عرض الموضوع
قديم 12-10-07, 04:10 AM   #1
إنتقل إلى رحمة الله تعالى

 










 

البلادي الحربي غير متواجد حالياً

البلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of light

افتراضي ديوان الشاعر عبدالعزيز السبيل

هـلا مرحبـا ياطـاريٍ يجـذب الألحـان=تراحيـب حجـرف بالرجـال المسميـنـي
تنـق وتخيـر ماتهيـا مــن الولـهـان=ولكـن طلبتـك! كـل ليـلـه تمسيـنـي
طواري تجيب الولف فـي "كـان ياماكـان"=تمـوت لواهيـب المـفـارق وتحييـنـي
تمـر الدقايـق والثوانـي مـع الأزمـان=مثـل ماتمـر الغاليـه فــي شرايـنـي
انـا الله بـلانـي "يالـبـلادي" مــع (؟)=عشقت العرب بالديـن بالطيـب بالزينـي
والا ليتني منهم أو.. العكـس بنـت فـلان=تحت ظل حرب أهل السيـوف السلاطينـي
أغنـي بهـا وتقـول لاتسمـع العـربـان=أخاف الحكي. يثّر علـى عقولهـم فينـي!
!..تمنى وصالي مثل "وضحه ل. بن عدوان"=ولاغيـر وضحـى فـي بنـات العداوينـي
ولاني موصف لك حلاهـا علـى الألحـان=أخاف الصبـر ماتقـدر إرضـاه وتجينـي
بكل إختصار أقـول: وإن مـرت الأزمـان=لياجات في موضوع ركـز علـى عينـي!




التوقيع :
    رد مع اقتباس
قديم 12-10-07, 05:11 AM   #2
إنتقل إلى رحمة الله تعالى

 










 

البلادي الحربي غير متواجد حالياً

البلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of light

افتراضي

العبره اللي لهـا يوميـن تخنقنـي=خذيت منها على مر الزمـن عبـره
افرح ليا باان واحزن لاسـلا عنـي=إلين ماصرت في دور الهوى خبـره
تامرني انساك بنسى ويش يمنعني!=لكن ليااجيت في بالي وش الدبـره؟
خذيتنـي سالـي ودالـه ومتهنـي=ورميتني شاعر(ن) ساهر على حبره
الله حسيبك على الضيقـه معودنـي=ياكاسر الخاطر اللي شوفتك جبـره
تطلب وانفذ وابي قربـك وتجهلنـي=كني طلبتك تحفـر البيـر بالأبـره!
تقول : ياامكرم القيفـاان تخدعنـي=واقول : بعدك كفنه وغيرتـه قبـره
طيفك على صدك وبعدك مصبرنـي=لو كاان طيفك يشيل القلب من صبره
امهلتني للزمن والوقـت مهملنـي=يااحر كبدي على حااجـاات منثبـره
واللي سرق بالي وحيره واشغلنـي=طاريك لامـر وش دخلـه بالنبـره
موج الغلا يم سيف الشوق يدفعنـي=ياقرد حظي معـى شفـي وياغبـره
اليا طلبته يقـول اسـف وفارقنـي=اللي معى ماايعل النفـس يااكبـره
ولاانت ياحزبة الضامـي معذبنـي=متى نصادف طريق(ن) نلتقي عبره؟
ابتصل فيك لاا ! ماانيـب متعنـي !=اخااف لاقلت ( ألوو ) تخنقني العبره




التوقيع :
    رد مع اقتباس
قديم 12-10-07, 05:15 AM   #3
إنتقل إلى رحمة الله تعالى

 










 

البلادي الحربي غير متواجد حالياً

البلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of light

افتراضي

خذيت لي في ربيـع العمـر معلومـه=تبقى مع الراس لـو طالـت خطاويهـا
كن الزمن يوم واستخرجت مـن يومـه=الناس ماكـل كلمـة طيـب ترضيهـا
لو جبت شمس وقمر والكون ونجومـه=مايملـي عيونهـم حـاجـه تسويـهـا
تخـدم وودك بكلمـة نـاس مخدومـه=وتكحل وتسمع عـلام العيـن يعميهـا
لكن لاسويت شـيٍ وأخطـت سهومـه=لاتنتظـر شكـر والكلـمـه تلاقيـهـا
بعض العرب بالعرب ماتعرف إش قومه=طلبـتـه عــاداه كـانـه مايلبيـهـا
لو كان عاجز وضعه بصفة خصومـه=أمـا يلبـي طلبهـم يــا يعااديـهـا
النفـس تطغـي اذا ماهيـب ملطومـه=والأدمـي اصعـب الحاجـات يبغيهـا
من يوم ربـي خلقـه وبانـت حلومـه=اتزيد لو كان فـي كـل ليـل ينهيهـا
لكن ليـا نـام لاتيقضـه مـن نومـه=إبنومه اصعب حلـوم الليـل يقضيهـا
يوم الـردي همـه بكشختـه وهدومـه=اهمومنـا بالـذي لامــر طاريـهـا
تسمع هـلا مرحبـا بالذكـر وقدومـه=ربعٍ علـى الطايـلات يسيـل واديهـا
المدح لاحـان وقتـه وابـدت غيومـه=تمطـر عليهـم بكـورٍ مـن ماشيهـا
ماهم مـن الكلمـه الزينـه بمحرومـه=لو كان تكفي عـن الأمـداح اساميهـا
نتعب على الطيب وإنباريـه وانسومـه=والكلمـه الطيبـه بالطيـب نشريـهـا
بحر المراجـل شربنـا منـه ونعومـه=واللي ضمـا مـن عبـاد الله نسقيهـا
ولا الردى بالـردى ماندفـع ارسومـه=كذا مع النـاس لـو ضاعـت مباديهـا
مانشتكي من ضروف الوقت وسمومـه=نصبر علـى الكايـده ويبـان خافيهـا
واللي بلاه الولي فـي كثـرة همومـه=يبعد عن الخلـق والشكـوه مايشكيهـا
تبقى بوسط الصـدر والقلـب مكتومـه=إليـن منهـو وضعـاابـه يسريـهـا
الرجل وش فايدته ان ضاعت سلومـه=مايـجـرح الـنـاس ولا مايداويـهـا
لاينقبـل زولـه ولاينقـبـل لـومـه=وإليا إنذكر عند قـوم اتصـك آذانيهـا
كـلٍ علـى مايقـدم جـاه مقسـومـه=والطيبـه دايـمٍ مـن حـظ راعيـهـا
وياقضاي ياللي ثلاث ايـام باصومـه=بقضيك لكـن بقـى سجـده بصليهـا
! لاشفت مشراف طيب وجيت بارومه=قامـت عبـاد الإلـه تحـط رجليهـا!




التوقيع :
    رد مع اقتباس
قديم 14-01-08, 03:51 PM   #4
إنتقل إلى رحمة الله تعالى

 










 

البلادي الحربي غير متواجد حالياً

البلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of light

افتراضي

ياهااجسي ماعاد فيهـاا معاذيـر=سوق الجزل دام النوايـا سليمـه
خابرك ماتضمى وتارد على البيـر=واليا غزيت الشعر نلـت الغنيمـه
والشعر فن ووزن حبـك وتعابيـر=وهبه من اللي كلنـا فـي نعيمـه
اراء وافكار وتجـارب وتصويـر=كلن يقدم ماوهـب مـن عزيمـه
احدن يصخر وارد الفكـر تصخيـر=وتبقى بيوتـه راسيـات ومريمـه
واحدن يجد ويجتهد بالشعـر ميـر=محدن يميز بيـن سينـه وجيمـه
ماهو لزوم ارضي جميع الجماهير=بس المهم اكتـب بمعنـى وقيمـه
والشاعر اللي نظرتـه للمشاهيـر=مثل الذي يرسـم فبالـه حطيمـه
وانا احمدالله من وانا توي صغيـر=ارضي العقول الواعيه والفهيمـه
شاعر ولي خانه مابين الشواعيـر=خانه لها قيمـه وقـدر وحشيمـه
تطري لي الافكار في حزة عصيـر=ويجذب قصيدي لاطرقنـي نسيمـه
اقطف بيوتي مثل قطـف النواويـر=وتبقى بسمع اللي سمعهاا مقيمـه
والشعر لو ما طال مدح المناعيـر=ودك من يقوله تسوقـه قسيمـه
سـلام منـي للرجـال المسافيـر=سـلام تسمـع بالاذانـي رزيمـه
سلام بـه روح ومعـزه وتبذيـر=يشفي العقول الخامله والسقيمـه
مختوم من قلبي وراحـت تقاريـر=يم "العياضات" الرجـال الكريمـه
تاريخهم حافـل ولافيـه تزويـر=عدوهـم بالعيـن يلقـاا جحيمـه
انشهدإنـه لـو كُتـب بالأساطيـر=تمـلا ولاتوفـي فعـولٍ قديـمـه
واليوم بسندها على "معتق منيـر"=شاعر بيوتـه باللـوازم عظيمـه
يصرف بيوته مثل صرف الدنانيـر=نقض وفتل ماهي بيوتٍ غشيمـه
من قابله تصعب عليـه التفاسيـر=كنـه طلـب فمقابلتـه الهزيمـه
يوم البحر ترسي عليـه البوابيـر=معتق رسى وسط العقول الحكيمه
صغير سن! وبالشعر ماهو صغير=عزالله انـه بالملاعـب صتيمـه
يااحرب؟ ماات اللي يرد الطوابيـر=وجانا الذي يشكي بيوته خصيمـه
وياسااحة الشعاار هااك التبااشيـر=العااقبـه ماهـي معانـا وخيمـه
من عقب ابن "عواد" فالوقت الأخير=جاتك ظليمـه مابعدهـاا ظليمـه
واليوم جااك اللي على يديه تطوير=على طريـق العـود يالله تديمـه
وهذي بيوتي للعياضـي مصااديـر=من منطق إحميه وحـقٍ وشيمـه
ولو الحميه مااخلقت فـي تغييـر=ما أردهـم لاقالـو إنـي بهيمـه
وإن كان بأبياتي دوادي وتقصيـر؟=لايلحق الهمـال ياحـرب ديمـه!




التوقيع :
    رد مع اقتباس
قديم 17-03-08, 09:16 PM   #5
إنتقل إلى رحمة الله تعالى

 










 

البلادي الحربي غير متواجد حالياً

البلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of light

افتراضي

حن الرعد وأبرقت والخيـر قافيهـا=وهلت عليّه بكـورٍ مـن مناشيهـا
نوادرٍ تحيي الماضي وهـو عايـش=ماهيب مادانـي الفرقـا وطاريهـا
من شاعرٍ لإستجاب لدعوة الهاجس=يتـل الأذواق فـي قافـه ويرويهـا
واليوم ياأخطف الألبـاب وأطربهـا=ولا بـلاش القصـيـده ياقوافيـهـا
سلام ياحرب ياأهل العـز والهيبـه=سلام ياللي علـى العليـا مواطيهـا
سلام ياأهل الكرم والجود والطيبـه=سـلام ياصـل لقاصيهـا ودانيهـا
جينا نجدد تواصل حرب ونواصـل=مسيـرة المجـد ونثبـت مباديهـا
وإن كان للدولـه إحقـوقٍ نقدمهـا=جينا وكـلٍ معـه روحـه ويهديهـا
للـدار والحاكـم وشعـبـه وزواره=عادات ربعي بحاضرها وماضيهـا
وصباح الأحمد له الأمر ولنا الطاعه=شعبه تحت ظلـه ودولتـه نفديهـا
ويومنها بالفعـل والسيـف والشلفـا=لنا مسيرة فخـر ياطيـب طاريهـا
لنـا ثلاثـه لـو بتنشـد بتعرفهـم=كـل القبايـل مـن أولهـا لتاليهـا
إمثبتـه بالإدلـه والولـي شـاهـد=ماقد حصل مثلها من طيب مافيهـا
قصة نويشي عسـى مثـواه للجنـه=تعطيك نبذه عن الخـوه وراعيهـا
يومه فقد صاحبه سبـة بنـي عمـه=ما قال ذولا بنـي عمـي وأخليهـا
سته ذبحهم تحت سيفـه بلارحمـه=من غير يمنى بحد السيف معطيهـا
وقصة دخيل البلالي مع ولد جـاره=تشيّـب عيـون سامعهـا وقاريهـا
معاه أمانـه وأمانـه دينهـا كايـد=وقال الأمانه لـو براسـي أوفيهـا
وحدوه ثم قال راسي لأجلها فـدوى=لكن يرجـع ولدهـا بيـن أياديهـا
وقصة إبن ناحل اللي ماخفى ذكـره=يصبـح الأذن بالطيـب ويمسيهـا
يوم إحتذاه الرجل من دون لايكسب=عطاه والنفـس بالطيبـه مضريهـا
هذي مواقف لحرب وحرب حرابـه=عافه لذيذ الكـرى منهـو يعاديهـا
من ماضي الوقت بالوقفات والشـده=ناقـف وعدواننـا ناطـا علابيهـا
حنا هل الدين وأهل العرف والعليـا=منزحيـن القبايـل مـن أراضيهـا
وحنا هل الخيل وإسمع عمر بأبياته=ابيات في وصف معركتـه مسويهـا
(يقول عمرو لنا والخيـل مسرعـةٌ=تحت الكماة وقـد جالـت عواديهـا
مهلاً لك الخير لاتفعـل فقلـت لـه=إقُصر فأن مميـت النفـس محييهـا
همزت مهري برجلي ثم قلـت لـه=إذهب إليهم فقد سارت بمـا فيهـا)
حربي وربعي قبيلة حـرب حرابـه=تشهد لنا الترك والروم وضواحيهـا
حربي وإذا قلت حربي رافعٍ راسـي=ياكـم روسٍ بأياديـنـا نوطيـهـا
حربي ولي الفخر لاقيـل يالحربـي=ياكـم سجـدة شكـر لله مصليهـا
والحربي إليا نخيته تبشـر بفزعـه=حاجتك مايرقـد إلا لـك مقضيهـا
والحربي إليا سطى وقته على حاجه=ما قال للي معـاه الحاجـه أبغيهـا
لو كان حاجته دون الموت عايفهـا=النفـس قـدام حاجـاتـه يبديـهـا
ياحرب قلت القصيده فـي معاليكـم=قبيلـة يفخـر الشعـر بمعاليـهـا
وانا بن طريّف اللي لاقضى حاجـه=ماتقبل النقض لامن صار قاضيهـا
دعوني وجيت والدعوى لهـا قيمـه=ولاني ولد حرب لو ماكنـت ألبيهـا
يجذبني الطـاري وتدفعنـي حميـه=والروس دون الحميه ويش داعيها !!
أطوّع الشـارده وأغطـي الفـارع=وأدور النـادره وألقـى وأغنيـهـا
ودام القصيده بربعي حرب ياربعـي=أطيّب قصيده بشعري فـي معانيهـا




التوقيع :
    رد مع اقتباس
قديم 24-03-08, 03:06 PM   #6
إنتقل إلى رحمة الله تعالى

 










 

البلادي الحربي غير متواجد حالياً

البلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of light

افتراضي

ودك تغيب عني لأجـل تعـرف غـلاك=ميـر لاجيـت لاتستغـرب إن مالقيـت
حزني وهمي وشوقـي وفرحـة لقـاك=لإنك إن غبت ساعه عني أصبحت ميت
لان قلبي معـاك وجـاك ماقلـت هـاك=وانت بأيامي اللي معك شاللي عطيت ؟
غير جرحٍ حفظته بالصدر مـن جفـاك=لإجل تطـري عليّـه يالغـلا لاسليـت
كل عرقٍ نشف دمـه وضـاق وبكـاك=وأنت تسأل تقول بصدتي مابكيـت ؟!؟
أأأخ لو تدري إش سويت أنا في قفـاك=كان ترجـع تقـول لصدتـي ماقويـت
بخفي الحب من شان أتلمـس شقـاك=وأثر صعبه وانا اللي ماخفيتـه شقيـت
قلت لامن سألت أقـول قلبـي نسـاك=ويوم لديت صوبي في عيونك نسيت !!!
أنت حبك ذنوب ولـو كفـرت بحـلاك=خلني لين أموت , وعلني ما إهتديت .,
لو أقارن لك بنفـط الكويـت وهـواك=قلت ياحسبي الله وين نفط الكويـت !!
ولو كل الخلايق تزعـل وفـي رضـاك=علهم مارضـو مدامـك انـتَ رضيـت
حافظك في عيوني منّـك ومـن قسـاك=هذا انا من عرفتـك لاهويتـك هويـت
خذني الشوق يمك وانت منهـو خـذاك=أوووف ياكبرها ضيعتـك ولادريـت !
شوفني ضامي وصالك وشحت سمـاك=ومن هوى الغير ببطي ماوردت ورويت
كنك اللي معـوّد قاعـي لصـب مـاك=وكنك اللي يقول إنك شربت وضميت !!
جيتك أطلب وصالك ف. إلتفت لي وراك=ماني براجع إلا إنك معـي يـوم جيـت
وكان ناوي تقفّي لأجل تعـرف غـلاك=لاتجي لإنـي بصدتـك بحسـاب ميـت
وكانها من ظروف الوقت خذني معـاك"=مابي الموت ياخذني معـه لاسريـت !!




التوقيع :
    رد مع اقتباس
قديم 13-05-08, 04:27 PM   #7
إنتقل إلى رحمة الله تعالى

 










 

البلادي الحربي غير متواجد حالياً

البلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of light

افتراضي

محبتك في صـدري تفيّـا تحـت الأضـلاع=ليا هزني شوقي واش أقول لك:- طاحـت !
ضوت بالعيون ولاوصل من طرفـك شعـاع=إليـن أرزم الـرعـاد وبروقـنـا لاحــت
اغني على طـرق المفـارق وانـا ملتـاع=وألاحي حمام الورق وأسكـت ليـا ناحـت
واسوق الرجل لو كان مابه سوى المطـلاع=ولا جيته أمدى ضيقتي بالمشـي راحـت .,
يقولون:- سوق الرجل دام الفجوج اوسـاع=وانا اقول:- رجلي من شقا الدرب ما إرتاحت
ابوصيك عقـب الهجـر لاتنـوي المرجـاع=طيوفك.. معي مع حر دمعي تـرى ساحـت
لك الله وامآآنـه روح لكـن.. بـدون وداع=وبقول:- ضيقة صـدر.. مرتـه وإنزاحـت
علي الحرام إنك هـوى والقصيـد إشـراع=ليا هـب هليـت القصيـده لـك وباحـت !
ترى لو حكيت وقلت ما أبيـك انـا خـداع=لو تحط دلّه فوق صدري تـرى../ فآآحـت
يعيـن الله الوالـي ليـا هفنـي ذعــذاع=ويعين الله إن جات الهواجيـس وإجتاحـت
بكيت السنين اللي مضت يوم حبـي ضـاع=ولا قلت لي ليه أسرفت عينـك وصاحـت ؟
يقولون لامنك طريـت.. وهبـدت القـآآآع=علامك كذا... وإجابتي [ ضيقه وراحت ] !!




التوقيع :
    رد مع اقتباس
قديم 14-05-08, 03:48 AM   #8
إنتقل إلى رحمة الله تعالى

 










 

البلادي الحربي غير متواجد حالياً

البلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of light

افتراضي

ياراس كان الفكر مانسرج خيولـه=بالماقف اللي بيوت الشعر يدعيهـا
والله وانا قلت والله ماأجـي حولـه=والكلمـه إليـا نطقناهـا نوفيهـا
لكن خابـره لامـن كـز مرسولـه=يتل الألبـاب بالطـاري ويرويهـا
واليوم والنفس بالميقاف مسؤولـه=امـا تـروم السمـا ولا نوطيهـا
اعزي آل الصباح وحاكـم الدولـه=وأعزي الدار واللـي ساكـنٍٍٍ فيهـا
في فقد منهو خذاله صوله وجولـه=اللـي طبيعتـه بالعـزّه مضريهـا
الحاكم اللـي ليـا لديـت لفعولـه=اتشيّب الراس لامن جيت تحصيهـا
مرحوم ياللي تقول الهرج وتطولـه=مرحوم ياللي ليا شبت تطفيهـا !!
يالله عسى في جنانك تاطي ارجوله=ويالله تغفر لـه ذنوبـه وتمحيهـا
الدمع لو هو يرد تشـوف هملولـه=يسيّل الـدار لـو ماسـال واديهـا
لكـن حـق وحقـوق الله مقبولـه=ولا لنـا غيـر دعوانـا وندعيهـا
الدار ضاقت بنا ياشعـب وإدعولـه=اوضاعنا غيـر والله عالـمٍٍٍ فيهـا
كان بسما الدار والليله بزهموله !!=الله يـرد الحكومـه فـي مباديهـا
قولوه ثم قولو إبن سبيّـل يقولـه=(والنار ماتحرق إلا رجل واطيها) !!




التوقيع :
    رد مع اقتباس
قديم 16-06-08, 04:23 PM   #9
إنتقل إلى رحمة الله تعالى

 










 

البلادي الحربي غير متواجد حالياً

البلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of lightالبلادي الحربي is a glorious beacon of light

افتراضي

حديتني ياوقـت للموقـف الحـرج=وانا يدي خليا والأوضـاع حرجـه
لكن لاقام الزمـن يحـذف العـرج=احاول اصبـر بإلتفافـه وعرجـه
الرجل صدره قفل مفتاحـه الهـرج=ينبيك عن غامض سجايـاه هرجـه
مانيب " دواج الهوى " نافض الخرج=اللـي بدربـه للهوى قـل خرجـه
الوقت ياللي تحسبه.../ مايل السرج=لابـد مايطرحـك لامـال سرجـه
ترى الهوان إن تحوّل مـن البـرج=والكايد إن الطيـب ترقـى لبرجـه
خلك سوات البكم في فتحت الـدرج=ولاتبلش امحاورك في فتح درجـه
ثم يبلشك راع السواليـف والمـرج=اللي ذبح نفسـه بهرجـه ومرجـه




التوقيع :
    رد مع اقتباس
قديم 11-10-08, 11:17 PM   #10
إداري سابق

 










 

مضحي بن جمران غير متواجد حالياً

مضحي بن جمران has a reputation beyond reputeمضحي بن جمران has a reputation beyond reputeمضحي بن جمران has a reputation beyond reputeمضحي بن جمران has a reputation beyond reputeمضحي بن جمران has a reputation beyond reputeمضحي بن جمران has a reputation beyond reputeمضحي بن جمران has a reputation beyond reputeمضحي بن جمران has a reputation beyond reputeمضحي بن جمران has a reputation beyond reputeمضحي بن جمران has a reputation beyond reputeمضحي بن جمران has a reputation beyond repute

افتراضي

لاهنت يامشرفنا القدير البلادي الحربي على هذا النقل وهذا الاختيار وصح لسان الشاعر عبدالعزيز بن زيد السبيل الحربي وسعدنا واستمتعنا بقراءة هذا الديوان سلمت وسلمت يمينك وتقبل تحياتي




التوقيع :
دنيا كفا الله شرها تبحث السد=تلهي سوات مدلهينه بعاجه
آليا اقبلت عن طيبها لاتنشد=وآليا ادبرت تشبه لكسر الزجاجه
تضحك على الجهال بمورد الخد=سجن العباد وجنتك يالخواجه
    رد مع اقتباس
إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

IP



الساعة الآن 12:51 AM


Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
Ads Management Version 3.0.1 by Saeed Al-Atwi
ترنكات لخدمات الويب