عدد الضغطات : 0
الشاعر عبدالله بن زويبن المعمري الحربي.رحمه الله...سمعت لي كلمة مدري وش اقصاها=حزت بنفسي وأنا مانيب هارجها.....لوكل كلمة إلى جتنا طردناها=بعنا الثمينة بسعر مايخارجها......لو مرت السمع ماكنا سمعناها=ونقفل الراس عنها لا يبرمجها......ومن يم هذا لهذا مانقلناها=والناس واجد وتلقى من يروجها.....من جابها بين خلق الله وداها=لو به مراجل ترى نفسه يسمجها..........الشاعر// محمد بن شبيب الحداري رحمه الله ...........لا والله الا راح دور البداوه=ودور الركاب اللي عليها الشنوفي........ ومجالسٍ فيها لهلها طراوه=عنها الشوايب والهزيل محذوفــــي...... وراح الزمان اللي لعيشه حلاوه=واللي على الغارب رجع للردوفي.......... قالوا تسير قلت مامن فضاوه=قالوا علامك قلت عيت ظروفي........ اللي مضى بالنفس عنف وقساوه=واليوم أخلي كل عوجا تطوفي...... وأضحك مع اللي لي يكن العداوه=وأن صفقوا صفقت له بالكفوفي....... نخاف من دقة خطات اللعاوه=رادي نصيب وناقرٍ له علوفي........ يزعل على اللي يسوق الأخاوه=وذلوا معطرة النمش والسيوفي........ والمرتفع قالوا مثل ذاك ساوه=وشربت غثاريب الغريف العيوفي........ عين الغضب تفتح عليك السماوه=وعين الرضا لوبك خطا ما تشوفي....... هداج مات وجات غيره أجباوه=والروس قامت تدرق بالكتوفي............الشاعر/سالم بن مهاوش الحربي .....اللي ماتنفع به صنيعه و لا لين=ان راح قله روحت مقيط ورشاه......والله لو انه مين و لا ولد مين=من لايعدّك ذيب عدِّه ولد شاه.........الشاعر/ شموخ السلاطين........الوقت يكشف لك الناس وشهي من تكون....اما من رجالها ولا من رخومها.....اللي معادنهم ذهب فالوازم يصملون ......مايلوي ذراع الشدايد غير زحولها ................الشاعر / عبدالرحمن سليم الصاعدي(البيرق)..... في ملتقـى حرب الحرايب بدينـا /حرب الدول ربعي وهم تاج راسي .......قوم جمعـت مابيـن دنيـا ودينـا /الله عطاهم لين جانب وباسـي .......جند السـلام وضربهم باليدينا /عند الملاقى للمعادين قاسـي .......مكرمين الضيـف سمن وسمينـا /وسبع الخلا عشوه يوم العماسي..............الشاعر / خالد بن ماطر الحربي ....كل ماصادم الراس القوي زدت قوّه=والردي لو يزيد الهرج مازاد غلّي .....والجبل كل مالديت وانا علوّه=مايباريني براس الجبل غير ظلّي .....ليه اعادي قليل الخاتمه والمروّه=لاتجملت فيه وصد خله يولّي .....ودك ان الرجل يختار حتى عدوه=قبل يختار خلان النشب والتسلي ' ...........الشاعر/سند مسند العريمه الحربي........ لا صار ماتبدع إبيوتٍ ثمينه= = ريح ضميرك واترك الناس ترتاح ياما سمعنا من قصايد عجينه= = والمشكله حازت جماهير وأمداح في عالمٍ تصفق يساره يمينه= =وكل القصايد عنده إسمان وصحاح ميزانهم صوتٍ تعالى رنينه = = تلقى جماهيره لها صفق وصياح خلوا تقاليد العرب والسكينه= =في ليلهم مسراح والصبح ممراح ويااللي على الشاطي تدف السفينه= =عود على الساحل ترى مانت سباح البحـــر يبـغـاله رجــالٍ رزيـنـه= = له غـبـةٍ تـجـذب جـمـادات وارواح وخلك على كشته قريب المدينه = = دلــه وبــرادٍ له البـــال يــرتــاح...........الشاعر / بخيتان البشري .......ماضاق خاطر من نودّه ونغليه = لو البحر من ضيقته ضاق به ماه ..... مودّنا غالي و ودّه نخليه = غالي ولو كل العمر مالقيناه .......والي تولى للمشاعر موليه = قلب المودّ اللي وداده تولاه .........طيبّ خواطرنا بكامل تحليه = بصدق الشعور اللي عليها صدقناه ........اللي بصوته همنا دوم يجّليه = وبصوتنا قلبه من الهم نجلاه.........الشاعر /سعد المحمدي .........دريت باللي دار خلف الكواليس=وحطيت نفسي كن ماني بداري=بعض الامور اقيسها بالزمن قيس =وبعض الامور اصير فيها انتحاري=ان جيت يطفي نور كل الفوانيس=وان غبت غني ياطيور الكناري............الشاعر/عيسى العوفي..........وجهة نظر ماقول انا قولي مصيّب=ابديت رائيي مثل للرائي من قال.....ان جيتني بالطيب آعاملك بالطيب=ردالجميل وشيمة ارجال للرجال.....وان جيت في علم الردى ماقربه عيب=تكرم بها مالي مع العيب مدخال.......طبعي وربعي محتمين المواجيب=حربي بدربي متبع النذل لاعال.......العز لو تشويك حر اللواهيب=موتي ولاقوتي ورى ايدين الانذال......العمربامرالله وماقدّره غيب=والراس تصعب رفعة الراس لامال......وسيرة ارجال الطيب منها المكاسيب=نوريدل اللي جهل يقدي الضال......اخذت من غيري ادروس وتجاريب=اسئل وآخذت العلم من رؤس عقّال................الشاعر ( سعد المحمدي )............يابو فهد برق المزون النوازي=حجاز وانت بعالية نجد وبال=بينك وبينه بعد دار وغرازي=سيله بحر ياراعي المعدن العال=ماله مصب بداركم ورتكازي =العلم مايجهلك في كل الاحوال=يكفيك عن مية قليب ارتوازي=نهر الفرات اللي من الجال للجال=ابن المباني فوق ساسن عزازي=وقت الشتاء تذري وبالقيض مقيال=يامحزمي لاصبح الدار غازي=دنياك تبغى للعقد رجل حلال=واللي بها بالحالتين انتهازي=لابد مايلقى بها شمس وظلال=عن الحجاز اسمع كلام الحجازي=كلام حطه يارفيقي على البال=من التجارب دوبلماسي جوازي=عليه ختم المعرفه تقل تمثال=ياعل ماقلته على ارضاك حازي=في وقت ماينصح معك كل من قال.........الشاعر(زيد بن مبشر الحصني الحربي) رحمه الله ............أقول وأقابل ولاني بسايل=دام الكلام عن الحقايق مباحي=عندي على صحت كلامي دلايل=اموحهن من جم عدٍ قراحي=شفت وسمعت وقلت والرأس طايل=باللي على الساحه ولا هو سياحي=الله يجمل حال راع ألأصايل=حازن على الجوده بكل النواحي=والله ماجامل براعي الاوايل=لو ضاق من قولي زميلي مناحي=وشاعر قبيلة حرب عند القبايل=لافي حمود وبس حسب إقتراحي=ومن قال أنا بقول ويش انت قايل=أنا افتخر بجود ذخيرة سلاحي=ماشلت هم ملقحت كل حايل=اللي على ماقيل خف وجناحي ................الشاعر (مقبول حامد المحمدي).........بحثـــــت في قول البخاري ومسعود=والترمذي وكتـــــاب مسلم وماجه=وحتى النسائــي ما ذكر طب موكود=للصرقعه والعلعله واللجاجه=يا صاحبي ياراعي البيض والسود=ترى الكلام الشين عيــــــــب وسماجه=انا أعرف المقصــود والغير مقصود=ولا أحـــب هرج الثرثره والهماجه=الرجل ماهــــــــو للتفاهـــات محدود=ولا كل كـــلمه تستحــــــق المواجه=من سبب الفتنه ماهــــــــو كاسباً فود=ماحصّل الا لكمــــــــــتن في حجاجـــــه=جاه الخبـــــر مكتـــوب في رأس عبرود=عن حاجته كانـــــه بعمــــــــق الزجاجه=صحيح قالو يقـــــــرد النـــــاس مقرود=ويخسر غـــشــيـماً مايميـــــز خراجه=بعض العرب مـن راســــه العقل مفقود=ينفخ ذروبــــه ويتلقــــا العجـــاجــــــه=لو تنصحــــه عن سكـــــة الغي مايعود=ويترك قراح الماء ويشرب هماجه=يالله ياللـــــــي عنــــــدك الخير موعود=تجعل لنا مـــــــــن كل هــــــم انفراجه=نغضي ونصفـــــــح لكن القلب ملهود=جرح الخطـــــــــا عجزت اواري خلاجه=ماني على كل الخطا سيـــــــف مجرود=ولا كل عـــــود اعـــــوج يعــدل عواجه=والشعر له مــنـــهـــــج وله سلم وبنود=ماهو كما ســــــــوق يلجلـــــج حراجه=شعري مع أهل العرف مسموع مشهود=ولاني على كيــــــــف الغشيم ومزاجه=امشي عزاز الدرب وأســـــــنـّـــد اسنود=وأدرى قدم رجلــــــــي عــن الانزلاجه=ارفا كلامــــي لايجـــــي فيــــه منقود=ولاهمني قول الحســـــــــــود ورواجه=اللي مقيمني وشاهــــــــد لي العــــود=شيخاً بصرح المجــــــد يضوي سراجه روائع شعريه

الشاعر/ بخيتان البشري ......ودعتنا والموادع صعب = رمى بنا فالفراق المُر..... لعب الحزن فالمشاعر لعب = ما مر مثله ولا بيمُر.......الشاعر/احمد المحمدي...... ‏‏‏‏للي سألني يجي ويروح /من انت يبغى خبر والم /حربي انا من بني مسروح/ وعيال عمي بني سالم........الشاعر / بخيتان البشري .....قلبي طلع من قلوب أصُم = اللي لهم قلب من قلبك..........كل ما النصائح عليه تعم = حول الهوى زاد في قربك ...............﮼الشاعر/قابل﮼البشري﮼(الجمل)......مايزعّل الحق لا قلته /إلا من قلوبهم مرضى.....ومن كلمة الحق زعلته / عساه يزعل ولا يرضى...........الشاعر ( راشد الزهراني ) المحيط ........سقيت روضك من دموعي = وطول الدهر مستعد اسقيه...... ولايلومني حي في ربوعي = لو كان دمعي نهر مجريه ..............الشاعر / نفاع محمد السهلي ابوفرح ..........تدري متى يلفض الرجال ....في دنيته اخر انفاسه /لاحده الوقت للانذال ....دمعت قهر نكست راسه.......................الشاعر / حفيد_الحجيري.......الشوق مهما قِدَم ما يبيد=مثل السماء والهواء والطير......كل عام وأنتي هلال العيد=الله يعُـوُدِك عليّ بِخَيْر...............الشاعر ( أحمد بدين القايدي ).......كسب الفتى طيب أفعاله / اللي بها ينتهج له درب = وانا كسبته من رجاله / وافخر لأني فتى من حرب .............الشاعر العذب /عبدالعزيز الزويهري ابو بتال .......وا صدمتي صدمة منكد =أعيد مسترجع اللي فات.........و أزيد أسأل أبتاكد= صحيح ماهر صديقي مات؟...............الشاعر/ حمدان دراج القايدي .... حلفت اني اصون العهد=اللي من سنين اعطيتك....رغم العنا والجفا والصد=ماقد فيه يوم جاريتك.................الشاعر / نفاع السهلي ابوفـــرح ........عندي أمل فيك يا.. بكـره = تمحي بقايا جروح .. الأمس ....وقلوب حبت ولا تكــره = تشرق لها من جديد الشمس.............الشاعر/أبن رهدون.......أيامنا اليوم لو تحسب =دنياك يالادمي ساعه.....والمؤمن اللي لها يكسب =يعيش باقي العمر طاعه........الشاعر/عبدالعزيز الزويهري ابو بتال...........غلاك عندي غلاة العين=ياللي من الشوق ناديتك =معاك وحده من الثنتين= ان كان ما جيتني جيتك...............الشاعر/ سلمان القريقري ابوعمر ( حرب )........حتى النجاحات تتحقق=من دونها شروط للتحقيق...قال المثل يد ماتصفّق =تبغى لها يد للتصفيق.......الشاعر / سالم البشري ......مابين قسمه وجمع وطرح=لاهناك قلبي ولاهنيّه........كيف اهتني من هذاك الفرح=وارتاح من كل مابيّه.........الشاعر/خليفة المزروعي...........إهيا كذا كنها سرقه/=/لدة نظر يوم طالع في.....لوكان من بندقه طلقه/=/اهون عليه تراهاشوي...........الشاعر/ عبدالعزيز الزويهري...........البُعد خلّف جفا و صدود= وعشنا في زمانه بدوّامه ..........مدري زمان الصفا بيعود = و الا ّ قضى و أقفت أيامه ؟...........الشاعر / شاكر القايدي ......يامن ينقذ جريح القلب ....اللي هموم الزمن جاته ..... كل مابغا يتجه مع درب... يلقى قطار السعد فاته.................الشاعر /صقر المقرح ..........يامن تخوض الهوى بعزوف= خليتني فاصعب الأوقات ....لا تكبّني والجروح نزوف= وتندم على الوقت لنّه فات.............الشاعر / عبدالعزيز رويشد ...... اعلم ترى خيرة الاصحاب=مثل الذهب نادر ومافي...من كل خمسين ضن تراب=اجرام واحد ذهب صافي.....الشاعر/عبدالعزيز الزويهري (ابو بتال).....من لا هوى زي محبويي==عايش غرامه على الفاضي ==انا على احساس مكتوبي==حسيت ربي علي راضي.....الشاعر / حمدان دراج القايدي.....عواطف القلب لك وحدك.... ياللي ملكت الحلى والزين.....مافي احد في البشر مثلك.....طيفك سكن داخلي بالعين........الشاعر /غافل الهم قلبي ....... مريت بيتك نهار العيد...لكن قفلت بيبانك....عارفك زعلان بالتأكيد...حرام ماتشوف جيرانك..........الشاعر / عاشق الاصاله .........لاغابت الشمس بانمسي=من دون مدعوج الأعياني......مع القمر يكتمل انسي=في تالي الليل لاجاني..........الشاعر / حرب - سلمان القريقري ....... واعيني اللي من اسبابه=زايد سهرها عن المألوف ..واخاف لن طول غيابه=تفقد نظرها معاد تشوف.......الشاعر / خليفة المزروعي ...........عزي وتاجي قبيلة حرب=يوم الهول مزبن الخايف ... يشهد لها شرقها والغرب=ويشهد لها المطلع النايف.........الشاعر / ابوفرح السهلي .....لك حق والناس بالمقياس = مثلك لها حقوق موثوقة ...ومن لايوفي حقوق الناس = لايطالب الناس بحقوقة...........الشاعر / عبدالعزيز الزويهري ابو بتال ....هواك أعمى عيون الشك=لولاه يمديني احرقتك /لكن بإيمان ودي لك=كذبت نفسي و صدقتك......... ..............تلميذ الكسرة / ..............ما تعلم ان الجمال يلمّ **** وحظي الردي قادني يمّه........ آنا اتجــرع مرار وسمّ **** وكنّـــه يكـــايد ولا همّـه..........الشاعر / ابومبارك اليوبي.......خـذ المـثـل ياعـريـب الـجـد=اصل الشجاعه صبر ساعه=لايـغـرك الـزيـن يــوم يـلــد=اصبر وخلـك علـى الطاعـه................الشاعر / بيان الصمت ....سلام من قلب تلعب به=زود الهواجيس وأحواله=والوقت ما فادني طبه=من ظلمة الدرب وأهواله........الشاعر /وليف الشوق.....كل مانصحناك تتركني = وتشوفني من الد اعداك...واليوم لاعاد تنشدني = فيماحصل من مآسي جاك..........الشاعر / سرورالبشري ......طا وعت قلبي وما شيته= حتى رماني فدرب التيّه...ولا تنفع المبتلي ليته= لو جاء يعود معاد مديه............الشاعر (خليفة المزروعي)......عمر العجل مايضوي خير=يامحـسـن الـرجـل متـأنـي=الثقـل صنعـه ولــه تدبـيـر=وراع العجـل دوم متجنـي............الشاعر/خالد بن عبيد بن معتوق الأحمدي....... زايد بحسنُه على جيلُه= وكاسِب رضايه رغم عِندُه=ومن يوم يطلبني آجيلُه=خمسة دقايق وأنا عِندُه......الشاعر(ابوفـــرح)....عنـدي أمـل فيـك يـا.. بـكـره=تمحي بقايا جروح .. الأمس=وقـلــوب حــبــت ولا تــكــره=تشرق لها من جديد الشمس........الشاعر (حامد بن غالي السليهبي)(حسيبك للزمن) رحمه الله .........ناديت قلت انتهى صبري = واغبر زماني طِواني طَيّ=والناس بالحال ماتدري = اظمأ وجنبي غدير المَيّ.............الشاعر / محمد بدين القايدي ( السينات ) ......أدلِّـــــلـُــه دائماً وارضيه=والبِّسُــه ثوبه المألوف...لكن بِطبعُه يفرِّط فيه=ويخلِّي مَنْ لا يشــوف يشـوف.............الشاعر بخيتان البشري / ليه المجرة كواكبها=احيان عكس المدار تدور .. بحور تغرِق مراكبها=وتخلف نمط سيرها فبحور.......الشاعر ( حمدان دراج القايدي)......هليت دمعي من أسبابك = وجرحي نزف داخلي مقواك ‏=محتار وشهو اللذي صابك =الجرح في داخلي ماشقاك...........الشاعر ( راشد الزهراني )......حتى جبال السراة تحن = ماهي كما قلبك القاسي = يامن بوصلك على تمن = ودايم تعكر صفا كاسي ..........الشاعر ( خليفة المزروعي ).......ابوك يبني عليك امال / حذراك لاتخيب اماله /حاسيك لامالت الأحوال / إنت الجبل يجلس إظلاله........الشاعر( عبدالعزيز الزويهري ابوبتال )...... راح الذي فارق أوطانه = و أفعاله فالطيب ما راحت = و الله من بعد فقدانه = عمدان صرح الأدب طاحت ........الشاعره (الكحيلة) ......أتعبني القلب بحساسه=ادراه ويدور التعذيب= بهم ن ضلوعي حطب فاسه = من يطلع النجم لين يغيب .......الشاعر (حرب ابوعمر) ......قلبي سألني .حصل ماذا = تشكي ولاادري سبب شكواك = قلت انتظر فالوفا هذا = لكن تفاجئت جاني ذاك.......الشاعر (غافل الهم قلبي) ... احترت والقلب شايل هم /سنين مخفي الم جرحــــي =البوح ممنوع يالفاهم / راح العمر وانتظر فرحي .......الشاعر (ولد الساحل).....سبحان من بالجمال اعطاه / تحفه وتصوير رباني = سلهم برمش كحل غطاه = يرمي سهام الهوى فيني...........الشاعر ( نعيم عابد السيد ).....يا نار الاشواق ما تطفين / ما يكفي القلب واتلفتيه = هذاك لو كان ما تدريـن / سيب غرامك وولع فيـه ...........الشاعر ( احمد عاقل الغانمي ).......ابشتكـى راعـي الـدكـان / من بعد ماجـاب لـه هنـدى = ماعاد يرفق علـى الجيـران / حتى سلـف قـال ماعنـدى ...........الشاعر ( أحمد بدين القايدي ).......كسب الفتى طيب أفعاله / اللي بها ينتهج له درب = وانا كسبته من رجاله / وافخر لأني فتى من حرب .....الشاعر (عايش الدميخى ).......ابني فصرح الوفاء مدماك = يبقى مسجل عليه اسمك = ان عشت بالطيبة طريـــاك = ولا مت يبقى الثناء قسمك روائع الكسرات

 


العودة   ملتقى قبيلة حرب الرسمي > ๑۩۩ الملتقيات الأدبية ۩۩๑ > مــلــتــقــى الــقــوافــي > مــلتــقــى دواوين شــعــراء الــقــوافــي

مــلتــقــى دواوين شــعــراء الــقــوافــي [ جميع الشعراء ]

إضافة رد
 
أدوات الموضوع إبحث في الموضوع انواع عرض الموضوع
قديم 28-12-15, 01:40 PM   #121
شـــــاعر
 
الصورة الرمزية خليفة المزروعي

 











 

خليفة المزروعي غير متواجد حالياً

خليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished road

افتراضي

الله ولا صاحب يضيع هقاويك
أظن فيه بخير وياتيك عكسي
ايزيد في همك ويردف بلاويك
قليل عقل ومنعدم فيه حسي
لاواخسارة فيه مدت اياديك
اللي بملبوس الردا دوم مكسي
أطلب من الله من بلاهم يعافيك
وأبعد عن اللي لفته لف تكسي
لايعرف الجزعه ولايوم يجديك
رجل في ربعه والمواقيف منسي
دور من اللي للوازم يناصيك
رجال عرف وله مواقف وجسي
اللي لياجات الهبايب يذريك
مثل الجبل عند المواقيف يرسي
حر ن على يمناك حطه يخاويك
أن كنت ناب يكون لا الناب ضرسي
أبيات ماهي للغناني تسليك
أبيات تعطيكم من الناس حرسي
خليفة المزروعي




التوقيع :
سبحان الله وبحمده عداد خلقه ومداد كلماته وزنة عرشه ورضاء نفسه أستغفره ربي وأتوب اليه
    رد مع اقتباس
قديم 31-12-15, 12:51 PM   #122
شـــــاعر
 
الصورة الرمزية خليفة المزروعي

 











 

خليفة المزروعي غير متواجد حالياً

خليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished road

افتراضي

قصيده لقروب المحترمين



سلام يارجال على الطيب جلاس
سلام يالاصحاب مني تحيه تحية عداد ماهب نسناس
وعداد غيث المزن وَيَا برديه تكفون قولو لريس الجمع والساس
اللي يسوق الطيب سوق المطية قولوله اني اصفق أخماس بأسداس
ونظر وجوبي كل صبح وعشيه عساه فيني ينظر باقلب وحساس
وخذ حقوقي من جنابه هديه والشعل وجار الدر من قدح مقباس وجذي على جمر الحطب شاذلية
واسواقها للي رقت نايف الرأس لهل العلوم الطبيه وانقيه
لصحابنا اللي جمعهم فيه نوماس
اهل المراجل والعزوم القويه اخترتهم من جملة الخلق والناس
لجل الوفاء فيهم عدوده رهيه
يالله يالي خالق كل الأجناس
تديم جمع الطيب وأديم ضية الحمد لله جاعل الدين نبراس
عقب الزمان الشين والعنصريه
يوم اليالي سوها ايدق الجراس
والملح بالمقباس والنار حيه
وختامها يامقيس العلم بقياس
عطني وجوبي قبل لكتب دعيه
من قبل لاغير هجوس
بهوجاس
هوجاس يفرق صاحبه عن خويه

خليفه المزروعي

: يامرحبا باللي له الطيب من ساس
ترحيبة باأحلا الورود الزكيه
إعداد ماخضر من المزن يباس
وإعداد ماصلو لرب البريه
اللي بنفسه مايعاوز لعساس
انت تخذها باليمين الجريه
لاتشيل هم الله يجيرك من الباس
خذها وفيه من رجال وفيه
انت تعرفني فالمواقيف حساس
أشد مكره فالحياه الخطيه
فنجال من يمناي طيار الأعماس
وسمن وسمين ودلة حايليه
الطيب لي ولك ياطيب الساس
فاللين ولا فاليال القسيه
وزعتك تكمل دون شك ن ووسواس
حسب النظام قيادتي لا السريه
راع الذهب مايخلطه لي بنحاس
تهديدكم ماله ترا قابلية
اياك والموجب يقرب من ألماس
تكبر ويصعب حلنا للقضية
دوب المطافي هجدت نار عباس
تكفى تراني محتمل زوبعيه


أختم ابياتي وللعلم حراس
أعطي واساويكم عليها السويه
الله يجنب جمعنا كل خناس




التوقيع :
سبحان الله وبحمده عداد خلقه ومداد كلماته وزنة عرشه ورضاء نفسه أستغفره ربي وأتوب اليه
    رد مع اقتباس
قديم 31-12-15, 01:11 PM   #123
شـــــاعر
 
الصورة الرمزية خليفة المزروعي

 











 

خليفة المزروعي غير متواجد حالياً

خليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished road

افتراضي

قصيده لقروب المحترمين
سلام يارجال على الطيب جلاس
سلام يالاصحاب مني تحيه
تحية عداد ماهب نسناس
وعداد غيث المزن وَيَا برديه
تكفون قولو لريس الجمع والساس
اللي يسوق الطيب سوق المطية
قولوله اني اصفق أخماس بأسداس
ونظر وجوبي كل صبح وعشيه
عساه فيني ينظر باقلب وحساس
وخذ حقوقي من جنابه هديه
والشعل وجار الدر من قدح مقباس
وجذي على جمر الحطب شاذلية
واسواقها للي رقت نايف الرأس
لهل العلوم الطبيه وانقيه
لصحابنا اللي جمعهم فيه نوماس
اهل المراجل والعزوم القويه
اخترتهم من جملة الخلق والناس
لجل الوفاء فيهم عدوده رهيه
يالله يالي خالق كل الأجناس
تديم جمع الطيب وأديم ضية
الحمد لله جاعل الدين نبراس
عقب الزمان الشين والعنصريه
يوم اليالي سوها ايدق الجراس
والملح بالمقباس والنار حيه
وختامها يامقيس العلم بقياس
عطني وجوبي قبل لكتب دعيه
من قبل لاغير هجوس
بهوجاس
هوجاس يفرق صاحبه عن خويه
خليفه المزروعي
: يامرحبا من بنك ميعرف الافلاس
ترحيبة باأحلا الورود الزكيه
إعداد ماخضر من المزن يباس
وإعداد ماصلو لرب البريه
اللي بنفسه مايعاوز لعساس
انت تخذها باليمين الجريه
لاتشيل هم الله يجيرك من الباس
خذها وفيه من رجال وفيه
انت تعرفني فالمواقيف حساس
أشد مكره فالحياه الخطيه
فنجال من يمناي طيار الأعماس
وسمن وسمين ودلة حايليه
الطيب لي ولك ياطيب الساس
فاللين ولا فاليال القسيه
وزعتك تكمل دون شك ن ووسواس
حسب النظام قيادتي لا السريه
راع الذهب مايخلطه لي بنحاس
تهديدكم ماله ترا قابلية
اياك والموجب يقرب من ألماس
تكبر ويصعب حلنا للقضية
دوب المطافي هجدت نار عباس
تكفى تراني محتمل زوبعيه
أختم ابياتي وللعلم حراس
أعطي واساويكم عليها السويه
الله يجنب جمعنا كل خناس
ويديم صدقتنا على خير نيه




التوقيع :
سبحان الله وبحمده عداد خلقه ومداد كلماته وزنة عرشه ورضاء نفسه أستغفره ربي وأتوب اليه
    رد مع اقتباس
قديم 05-01-16, 12:59 PM   #124
شـــــاعر
 
الصورة الرمزية خليفة المزروعي

 











 

خليفة المزروعي غير متواجد حالياً

خليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished road

افتراضي

سلام للي في حفلة الشيخ حظار
إعداد مكتبة حروف القصيده
وأعداد ماطلعت من الغيث الأشجار
وأعداد مافالنخل من حصيده
ومبروك ياخالد لك العرس والدار
عسى حياتك يبن جغفر سعيده
يانسل منهو فالمواقيف هودار
محمد اللي له عزومن شديده
أناأشهد انه فرحة الظيف والجار
عسى سنينه في حياته مديده
من الشجره اللي طيبه خير الأثمار
مهما ذكرنا فالمزايا عديده
عني وعن ربعي لكم كل مقدار
ماضي وحاظر واليال الجديده
اليوم جينا للمواقيف حظار
الطيب حنا لاحظرنا نزيده
أن قلت ابن مزروع لكبار وصغار
تلقى المواقف والفعول الأ كيده
هذا الشعور مترجمينه بالأشعار
لهل العقول النيره والرشيده
وختامها صلو على خير الأخيار
إعداد ماكتبت حروف الجريده




التوقيع :
سبحان الله وبحمده عداد خلقه ومداد كلماته وزنة عرشه ورضاء نفسه أستغفره ربي وأتوب اليه
    رد مع اقتباس
قديم 14-03-16, 03:26 PM   #125
شـــــاعر
 
الصورة الرمزية خليفة المزروعي

 











 

خليفة المزروعي غير متواجد حالياً

خليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished road

افتراضي

كرامة اللحية في روس الأشانيب
وبعد الظلام النور يبدي شعاعه
من لايعدي في علو المراقيب
ويأخذ مع أهل العرف طيب البضاعه
ماحاز فالدنيا كبار المناصيب
من حكمته ماطاعه الحظ طاعه
الحر حر وصطوة الذيب لا الذيب
وثني العزوم محطمه وإنقطاعه
المرجله ماهي بحك العراقيب
ولاكل واحد حازها ياجماعه
المرجله طيب وفعول ومذاهيب
وأساس هاذي كلها فالشجاعه
الوقت هاذا المال سد المواجيب
المال يعطي لاالرجال المناعة
بالمال تسهلك جميع المطاليب
والضيق يرجعلك فرج وأتساعه
واللي لربعه مايصف المحاسيب
ماهو محصل من ربوعه جزاعه
قلته وأنا في لحيتي نور الشيب
عشت الزمن في طالعه وإرتجاعه
أخذت فالدنيا دروس وتجاريب
جربت منها طيبها واللكاعه
من لايروز العالية والمصاعيب
ماعندهم للواجبات استطاعه
ون طاح صكتله جميع اللواليب
لف الزمن بالصعب والصعب راعه
الحر ياخذ حصته بالمخاليب
يكفخ بجنحانه في عز ارتفاعه

خليفة المزروعي




التوقيع :
سبحان الله وبحمده عداد خلقه ومداد كلماته وزنة عرشه ورضاء نفسه أستغفره ربي وأتوب اليه
    رد مع اقتباس
قديم 20-03-16, 03:53 PM   #126
شـــــاعر
 
الصورة الرمزية خليفة المزروعي

 











 

خليفة المزروعي غير متواجد حالياً

خليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished road

افتراضي

قصيده مشاركه في حفل المهندس عبد الله أحمد المرواني في 16/6/1437نسأل الله العلي العظيم له التوفيق في حياته الدنيا و الزوجيه والعمليه.

سلام مني من علو المراقيب
مثل المطر لاهل تسمع سكيبه
وسالت به الوديان وسقى الأشاعيب
كل عرق ظامي من الشجر يرتويبه
لبيك يادعوة رجال المواجيب
لبيك يادعوة صحيب الصحيبه
حربي وأجازي راعي الطيب بالطيب
وفالواجبه ماشي علينا صعيبه
من ساسنا نوفي رجا ل المطاليب
عز الطليب اللي يكمل طليبه
أحمد وأحمد عزوتي فالأصاحيب
الكل منهم عزوتي وأعتزيبه
اللي في حللهم مكثرين التراحيب
ولاهي عليكم ياجهينه غريبه
من طيبكم حزتو كبار المناصيب
يعيش راع الطيبه من نصيبه
جينا نبارك فالفرح يالمعازيب
عسى فرحكم ياصقر تهتنيبه
ياللي تخيرتو .في عز المناسيب
وفقت ياعز القريب القريبه
مبروك عبدالله كسبت المكاسيب
ياللي جميع المرجله من كسيبه
لعل شمس افراحكم دوم ماتغيب
ومكاسبك فالعمر مجده وطيبـه
وصلاة ربي عد خط المكاتيب
عليك ياللي كلنا نقتديبه




التوقيع :
سبحان الله وبحمده عداد خلقه ومداد كلماته وزنة عرشه ورضاء نفسه أستغفره ربي وأتوب اليه
    رد مع اقتباس
قديم 15-05-16, 05:21 PM   #127
شـــــاعر
 
الصورة الرمزية خليفة المزروعي

 











 

خليفة المزروعي غير متواجد حالياً

خليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished road

افتراضي

سلام ننصابه وجيه الرياجيل
اللي لهم فاالمجد صوله وجوله
رجال مركاها على البن ولهيل
وسمن وسمين وكاسبه كل طوله
إن جاء لزوم الحرب شدت له الحيل
شدة جبل مايختلف من حموله
يامعزب الخطار مايوفي القيل
مهما ذكرنا في بنوك الرجوله
ياشيخ إبن جازي لك الفعل تدليل
شنقول فاللي شاهدتله فعوله
لربوعكم ذللتوالصعب تذليل
ماهو كلام يقال فعلك يقوله
والناس كلن له مع الناس تكميل
الخير فالأمه مثبت وصوله
هاذي حقيقه مالها أي تبديل
كلن مسرج للمراجل خيوله
المرجله تتعب لها الرجل والخيل
والظفر عنها مايرجح عدوله
ومن يوفي المكيال يوفا له الكيل
كل صعب يلقى من وفاهم حلوله
هذا الكلام المختصر مثل ماقيل
قصر الكلام ولاندور لطوله




التوقيع :
سبحان الله وبحمده عداد خلقه ومداد كلماته وزنة عرشه ورضاء نفسه أستغفره ربي وأتوب اليه
    رد مع اقتباس
قديم 10-10-16, 08:37 PM   #128
شـــــاعر
 
الصورة الرمزية خليفة المزروعي

 











 

خليفة المزروعي غير متواجد حالياً

خليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished road

افتراضي

سلام في ليلة فضيله واهنيك

بالمهره اللي لك ينومس ولدها


مبروك ياحامدعلى الطيب طاريـك

راع المواقف لابغاها وجدها

خذنا علـى يمنـاك دايم نباريــك

على الوفاء والطيب ربعك تجدها

مهما عملنا ياجودي مانوفيك

ياللي مواقفكم منحصي عددها

الربع باخلاقك تعزك وتغليك

هاذي حقيقه ثابته في سندها

ندعيلك المولى الاهي يعافيك

يسلمك ربي من العيون وحسدها

من بعدها تكفى عسى الله يخليك
نطلب سباعتكم ونعرف جهدها

ودي بلاد معمره من حواليك
والناس فالزرعه تلاقي سعدها




التوقيع :
سبحان الله وبحمده عداد خلقه ومداد كلماته وزنة عرشه ورضاء نفسه أستغفره ربي وأتوب اليه
    رد مع اقتباس
قديم 03-03-17, 02:14 AM   #129
شـــــاعر
 
الصورة الرمزية خليفة المزروعي

 











 

خليفة المزروعي غير متواجد حالياً

خليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished roadخليفة المزروعي is on a distinguished road

افتراضي

اليا مدحنا دون شكه ولاريب
مانمدح الا من تكرم لحاهم
شفنا النبا شفنا الكرم والتراحيب
الله عساهم للبقى. ياعساهم
من كبري الأكحل خذ الخط تغريب
حول اربعين تسير تلقى قراهم
تلقى العيون من الجبال المساكيب
تلقى النخل ولجو ربي عطاهم
ذي قرية الخضراء مسمى بترتيب
هاذي رباهم يسقي الله رباهم
جينا لقينا مدسمين الأشانيب
ياسعد ولله من نصاهم وجاهم
قلنا يبو هاني من الذيب ياذيب
ياطيبهم في افعولهم في نباهم
قلي منيع الله وقلنا له الطيب
يسعد مساك ويسعد الله مساهم
نعم الرجال ونعم ولله المعازيب
ونعم الكرم لظيف لامن نصاهم
عز الله انه من رجال المواجيب
في ظيفهم في جارهم في اقرباهم
عز الرفيق وعز ولله الأصاحيب
يابخت خوتكم بخوت كماهم
انا أشهد انك ذيب تختار وتصيب
من خير من ينقى خيار اصدقاهم
بني مخلف في علو المراقيب
تريخهم يشهدلهم في وفاهم
رجالهم فالطيب فاعلا المراتيب
من فضل ربي عالين مستواهم
أرجال يوفونك جميع المطاليب
تلقى الوفاء لظفتهم في قراهم
خليفة المزروعي
......... ...................................
.................. ................... . .. .
الرد

الطيب مصدر طيبين المناجيب
الي لايا زارو ينور سماهم

جيت مطر تنبت حيود الشناخيب
وتقسم على الضميا بقطعت ضماهم

زادو نبات الارض ورداً وتخضيب
وباقي على الديره يذعذع هواهم

حضورهم يشبه لجمعة كواكيب
من حضهم فلكون محداً علاهم

من طبعهم مايذكرون العذاريب
على دروب العز شيد بناهم

اهل الذهب سلعه وخبره وتنقيب
دايم مع اهل الطيب زايد غلاهم

اشهد شهادة حق حشمه وتأديب
وانا على الدنياء ابتبع سراهم

ميزة في وجهي وحصلتلي شيب
ونه من اوجيهن بنوره زهاهم

اهل خليص مفككيين التناشيب
آليا عضت عن غيرهم ماعضاهم

ذولا مشايخ حرب وهل المكاتيب
ياما على الدنياء يذري ذراهم

على مطايا الخير مثل العياسيب
لوشحت الدنياء بعيداً مداهم

كسابت المعروف وتمد وتجيب
ياحض منهو فلملاقا دعاهم

تاريخهم شيد بدق المصاليب
والقوم تنقع فلملاقا دماهم

ماقولها جابه وكلمات تزهيب
بقول بسم الي جويدن حماهم

هم بيرق العسمي على خير تهذيب
على دروب الموت يكثر مناهم

لادقو اهل الشر روس المناسيب
من يمهم واسقمهم واعماهم


منيع الله بن هنيدي المخلفي9




التوقيع :
سبحان الله وبحمده عداد خلقه ومداد كلماته وزنة عرشه ورضاء نفسه أستغفره ربي وأتوب اليه
    رد مع اقتباس
إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

IP



الساعة الآن 08:38 PM


Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
Ads Management Version 3.0.1 by Saeed Al-Atwi
ترنكات لخدمات الويب