عدد الضغطات : 0
الشاعر عبدالله بن زويبن المعمري الحربي.رحمه الله...سمعت لي كلمة مدري وش اقصاها=حزت بنفسي وأنا مانيب هارجها.....لوكل كلمة إلى جتنا طردناها=بعنا الثمينة بسعر مايخارجها......لو مرت السمع ماكنا سمعناها=ونقفل الراس عنها لا يبرمجها......ومن يم هذا لهذا مانقلناها=والناس واجد وتلقى من يروجها.....من جابها بين خلق الله وداها=لو به مراجل ترى نفسه يسمجها..........الشاعر// محمد بن شبيب الحداري رحمه الله ...........لا والله الا راح دور البداوه=ودور الركاب اللي عليها الشنوفي........ ومجالسٍ فيها لهلها طراوه=عنها الشوايب والهزيل محذوفــــي...... وراح الزمان اللي لعيشه حلاوه=واللي على الغارب رجع للردوفي.......... قالوا تسير قلت مامن فضاوه=قالوا علامك قلت عيت ظروفي........ اللي مضى بالنفس عنف وقساوه=واليوم أخلي كل عوجا تطوفي...... وأضحك مع اللي لي يكن العداوه=وأن صفقوا صفقت له بالكفوفي....... نخاف من دقة خطات اللعاوه=رادي نصيب وناقرٍ له علوفي........ يزعل على اللي يسوق الأخاوه=وذلوا معطرة النمش والسيوفي........ والمرتفع قالوا مثل ذاك ساوه=وشربت غثاريب الغريف العيوفي........ عين الغضب تفتح عليك السماوه=وعين الرضا لوبك خطا ما تشوفي....... هداج مات وجات غيره أجباوه=والروس قامت تدرق بالكتوفي............الشاعر/سالم بن مهاوش الحربي .....اللي ماتنفع به صنيعه و لا لين=ان راح قله روحت مقيط ورشاه......والله لو انه مين و لا ولد مين=من لايعدّك ذيب عدِّه ولد شاه.........الشاعر/ شموخ السلاطين........الوقت يكشف لك الناس وشهي من تكون....اما من رجالها ولا من رخومها.....اللي معادنهم ذهب فالوازم يصملون ......مايلوي ذراع الشدايد غير زحولها ................الشاعر / عبدالرحمن سليم الصاعدي(البيرق)..... في ملتقـى حرب الحرايب بدينـا /حرب الدول ربعي وهم تاج راسي .......قوم جمعـت مابيـن دنيـا ودينـا /الله عطاهم لين جانب وباسـي .......جند السـلام وضربهم باليدينا /عند الملاقى للمعادين قاسـي .......مكرمين الضيـف سمن وسمينـا /وسبع الخلا عشوه يوم العماسي..............الشاعر / خالد بن ماطر الحربي ....كل ماصادم الراس القوي زدت قوّه=والردي لو يزيد الهرج مازاد غلّي .....والجبل كل مالديت وانا علوّه=مايباريني براس الجبل غير ظلّي .....ليه اعادي قليل الخاتمه والمروّه=لاتجملت فيه وصد خله يولّي .....ودك ان الرجل يختار حتى عدوه=قبل يختار خلان النشب والتسلي ' ...........الشاعر/سند مسند العريمه الحربي........ لا صار ماتبدع إبيوتٍ ثمينه= = ريح ضميرك واترك الناس ترتاح ياما سمعنا من قصايد عجينه= = والمشكله حازت جماهير وأمداح في عالمٍ تصفق يساره يمينه= =وكل القصايد عنده إسمان وصحاح ميزانهم صوتٍ تعالى رنينه = = تلقى جماهيره لها صفق وصياح خلوا تقاليد العرب والسكينه= =في ليلهم مسراح والصبح ممراح ويااللي على الشاطي تدف السفينه= =عود على الساحل ترى مانت سباح البحـــر يبـغـاله رجــالٍ رزيـنـه= = له غـبـةٍ تـجـذب جـمـادات وارواح وخلك على كشته قريب المدينه = = دلــه وبــرادٍ له البـــال يــرتــاح...........الشاعر / بخيتان البشري .......ماضاق خاطر من نودّه ونغليه = لو البحر من ضيقته ضاق به ماه ..... مودّنا غالي و ودّه نخليه = غالي ولو كل العمر مالقيناه .......والي تولى للمشاعر موليه = قلب المودّ اللي وداده تولاه .........طيبّ خواطرنا بكامل تحليه = بصدق الشعور اللي عليها صدقناه ........اللي بصوته همنا دوم يجّليه = وبصوتنا قلبه من الهم نجلاه.........الشاعر /سعد المحمدي .........دريت باللي دار خلف الكواليس=وحطيت نفسي كن ماني بداري=بعض الامور اقيسها بالزمن قيس =وبعض الامور اصير فيها انتحاري=ان جيت يطفي نور كل الفوانيس=وان غبت غني ياطيور الكناري............الشاعر/عيسى العوفي..........وجهة نظر ماقول انا قولي مصيّب=ابديت رائيي مثل للرائي من قال.....ان جيتني بالطيب آعاملك بالطيب=ردالجميل وشيمة ارجال للرجال.....وان جيت في علم الردى ماقربه عيب=تكرم بها مالي مع العيب مدخال.......طبعي وربعي محتمين المواجيب=حربي بدربي متبع النذل لاعال.......العز لو تشويك حر اللواهيب=موتي ولاقوتي ورى ايدين الانذال......العمربامرالله وماقدّره غيب=والراس تصعب رفعة الراس لامال......وسيرة ارجال الطيب منها المكاسيب=نوريدل اللي جهل يقدي الضال......اخذت من غيري ادروس وتجاريب=اسئل وآخذت العلم من رؤس عقّال................الشاعر ( سعد المحمدي )............يابو فهد برق المزون النوازي=حجاز وانت بعالية نجد وبال=بينك وبينه بعد دار وغرازي=سيله بحر ياراعي المعدن العال=ماله مصب بداركم ورتكازي =العلم مايجهلك في كل الاحوال=يكفيك عن مية قليب ارتوازي=نهر الفرات اللي من الجال للجال=ابن المباني فوق ساسن عزازي=وقت الشتاء تذري وبالقيض مقيال=يامحزمي لاصبح الدار غازي=دنياك تبغى للعقد رجل حلال=واللي بها بالحالتين انتهازي=لابد مايلقى بها شمس وظلال=عن الحجاز اسمع كلام الحجازي=كلام حطه يارفيقي على البال=من التجارب دوبلماسي جوازي=عليه ختم المعرفه تقل تمثال=ياعل ماقلته على ارضاك حازي=في وقت ماينصح معك كل من قال.........الشاعر(زيد بن مبشر الحصني الحربي) رحمه الله ............أقول وأقابل ولاني بسايل=دام الكلام عن الحقايق مباحي=عندي على صحت كلامي دلايل=اموحهن من جم عدٍ قراحي=شفت وسمعت وقلت والرأس طايل=باللي على الساحه ولا هو سياحي=الله يجمل حال راع ألأصايل=حازن على الجوده بكل النواحي=والله ماجامل براعي الاوايل=لو ضاق من قولي زميلي مناحي=وشاعر قبيلة حرب عند القبايل=لافي حمود وبس حسب إقتراحي=ومن قال أنا بقول ويش انت قايل=أنا افتخر بجود ذخيرة سلاحي=ماشلت هم ملقحت كل حايل=اللي على ماقيل خف وجناحي ................الشاعر (مقبول حامد المحمدي).........بحثـــــت في قول البخاري ومسعود=والترمذي وكتـــــاب مسلم وماجه=وحتى النسائــي ما ذكر طب موكود=للصرقعه والعلعله واللجاجه=يا صاحبي ياراعي البيض والسود=ترى الكلام الشين عيــــــــب وسماجه=انا أعرف المقصــود والغير مقصود=ولا أحـــب هرج الثرثره والهماجه=الرجل ماهــــــــو للتفاهـــات محدود=ولا كل كـــلمه تستحــــــق المواجه=من سبب الفتنه ماهــــــــو كاسباً فود=ماحصّل الا لكمــــــــــتن في حجاجـــــه=جاه الخبـــــر مكتـــوب في رأس عبرود=عن حاجته كانـــــه بعمــــــــق الزجاجه=صحيح قالو يقـــــــرد النـــــاس مقرود=ويخسر غـــشــيـماً مايميـــــز خراجه=بعض العرب مـن راســــه العقل مفقود=ينفخ ذروبــــه ويتلقــــا العجـــاجــــــه=لو تنصحــــه عن سكـــــة الغي مايعود=ويترك قراح الماء ويشرب هماجه=يالله ياللـــــــي عنــــــدك الخير موعود=تجعل لنا مـــــــــن كل هــــــم انفراجه=نغضي ونصفـــــــح لكن القلب ملهود=جرح الخطـــــــــا عجزت اواري خلاجه=ماني على كل الخطا سيـــــــف مجرود=ولا كل عـــــود اعـــــوج يعــدل عواجه=والشعر له مــنـــهـــــج وله سلم وبنود=ماهو كما ســــــــوق يلجلـــــج حراجه=شعري مع أهل العرف مسموع مشهود=ولاني على كيــــــــف الغشيم ومزاجه=امشي عزاز الدرب وأســـــــنـّـــد اسنود=وأدرى قدم رجلــــــــي عــن الانزلاجه=ارفا كلامــــي لايجـــــي فيــــه منقود=ولاهمني قول الحســـــــــــود ورواجه=اللي مقيمني وشاهــــــــد لي العــــود=شيخاً بصرح المجــــــد يضوي سراجه روائع شعريه

الشاعر/ بخيتان البشري ......ودعتنا والموادع صعب = رمى بنا فالفراق المُر..... لعب الحزن فالمشاعر لعب = ما مر مثله ولا بيمُر.......الشاعر/احمد المحمدي...... ‏‏‏‏للي سألني يجي ويروح /من انت يبغى خبر والم /حربي انا من بني مسروح/ وعيال عمي بني سالم........الشاعر / بخيتان البشري .....قلبي طلع من قلوب أصُم = اللي لهم قلب من قلبك..........كل ما النصائح عليه تعم = حول الهوى زاد في قربك ...............﮼الشاعر/قابل﮼البشري﮼(الجمل)......مايزعّل الحق لا قلته /إلا من قلوبهم مرضى.....ومن كلمة الحق زعلته / عساه يزعل ولا يرضى...........الشاعر ( راشد الزهراني ) المحيط ........سقيت روضك من دموعي = وطول الدهر مستعد اسقيه...... ولايلومني حي في ربوعي = لو كان دمعي نهر مجريه ..............الشاعر / نفاع محمد السهلي ابوفرح ..........تدري متى يلفض الرجال ....في دنيته اخر انفاسه /لاحده الوقت للانذال ....دمعت قهر نكست راسه.......................الشاعر / حفيد_الحجيري.......الشوق مهما قِدَم ما يبيد=مثل السماء والهواء والطير......كل عام وأنتي هلال العيد=الله يعُـوُدِك عليّ بِخَيْر...............الشاعر ( أحمد بدين القايدي ).......كسب الفتى طيب أفعاله / اللي بها ينتهج له درب = وانا كسبته من رجاله / وافخر لأني فتى من حرب .............الشاعر العذب /عبدالعزيز الزويهري ابو بتال .......وا صدمتي صدمة منكد =أعيد مسترجع اللي فات.........و أزيد أسأل أبتاكد= صحيح ماهر صديقي مات؟...............الشاعر/ حمدان دراج القايدي .... حلفت اني اصون العهد=اللي من سنين اعطيتك....رغم العنا والجفا والصد=ماقد فيه يوم جاريتك.................الشاعر / نفاع السهلي ابوفـــرح ........عندي أمل فيك يا.. بكـره = تمحي بقايا جروح .. الأمس ....وقلوب حبت ولا تكــره = تشرق لها من جديد الشمس.............الشاعر/أبن رهدون.......أيامنا اليوم لو تحسب =دنياك يالادمي ساعه.....والمؤمن اللي لها يكسب =يعيش باقي العمر طاعه........الشاعر/عبدالعزيز الزويهري ابو بتال...........غلاك عندي غلاة العين=ياللي من الشوق ناديتك =معاك وحده من الثنتين= ان كان ما جيتني جيتك...............الشاعر/ سلمان القريقري ابوعمر ( حرب )........حتى النجاحات تتحقق=من دونها شروط للتحقيق...قال المثل يد ماتصفّق =تبغى لها يد للتصفيق.......الشاعر / سالم البشري ......مابين قسمه وجمع وطرح=لاهناك قلبي ولاهنيّه........كيف اهتني من هذاك الفرح=وارتاح من كل مابيّه.........الشاعر/خليفة المزروعي...........إهيا كذا كنها سرقه/=/لدة نظر يوم طالع في.....لوكان من بندقه طلقه/=/اهون عليه تراهاشوي...........الشاعر/ عبدالعزيز الزويهري...........البُعد خلّف جفا و صدود= وعشنا في زمانه بدوّامه ..........مدري زمان الصفا بيعود = و الا ّ قضى و أقفت أيامه ؟...........الشاعر / شاكر القايدي ......يامن ينقذ جريح القلب ....اللي هموم الزمن جاته ..... كل مابغا يتجه مع درب... يلقى قطار السعد فاته.................الشاعر /صقر المقرح ..........يامن تخوض الهوى بعزوف= خليتني فاصعب الأوقات ....لا تكبّني والجروح نزوف= وتندم على الوقت لنّه فات.............الشاعر / عبدالعزيز رويشد ...... اعلم ترى خيرة الاصحاب=مثل الذهب نادر ومافي...من كل خمسين ضن تراب=اجرام واحد ذهب صافي.....الشاعر/عبدالعزيز الزويهري (ابو بتال).....من لا هوى زي محبويي==عايش غرامه على الفاضي ==انا على احساس مكتوبي==حسيت ربي علي راضي.....الشاعر / حمدان دراج القايدي.....عواطف القلب لك وحدك.... ياللي ملكت الحلى والزين.....مافي احد في البشر مثلك.....طيفك سكن داخلي بالعين........الشاعر /غافل الهم قلبي ....... مريت بيتك نهار العيد...لكن قفلت بيبانك....عارفك زعلان بالتأكيد...حرام ماتشوف جيرانك..........الشاعر / عاشق الاصاله .........لاغابت الشمس بانمسي=من دون مدعوج الأعياني......مع القمر يكتمل انسي=في تالي الليل لاجاني..........الشاعر / حرب - سلمان القريقري ....... واعيني اللي من اسبابه=زايد سهرها عن المألوف ..واخاف لن طول غيابه=تفقد نظرها معاد تشوف.......الشاعر / خليفة المزروعي ...........عزي وتاجي قبيلة حرب=يوم الهول مزبن الخايف ... يشهد لها شرقها والغرب=ويشهد لها المطلع النايف.........الشاعر / ابوفرح السهلي .....لك حق والناس بالمقياس = مثلك لها حقوق موثوقة ...ومن لايوفي حقوق الناس = لايطالب الناس بحقوقة...........الشاعر / عبدالعزيز الزويهري ابو بتال ....هواك أعمى عيون الشك=لولاه يمديني احرقتك /لكن بإيمان ودي لك=كذبت نفسي و صدقتك......... ..............تلميذ الكسرة / ..............ما تعلم ان الجمال يلمّ **** وحظي الردي قادني يمّه........ آنا اتجــرع مرار وسمّ **** وكنّـــه يكـــايد ولا همّـه..........الشاعر / ابومبارك اليوبي.......خـذ المـثـل ياعـريـب الـجـد=اصل الشجاعه صبر ساعه=لايـغـرك الـزيـن يــوم يـلــد=اصبر وخلـك علـى الطاعـه................الشاعر / بيان الصمت ....سلام من قلب تلعب به=زود الهواجيس وأحواله=والوقت ما فادني طبه=من ظلمة الدرب وأهواله........الشاعر /وليف الشوق.....كل مانصحناك تتركني = وتشوفني من الد اعداك...واليوم لاعاد تنشدني = فيماحصل من مآسي جاك..........الشاعر / سرورالبشري ......طا وعت قلبي وما شيته= حتى رماني فدرب التيّه...ولا تنفع المبتلي ليته= لو جاء يعود معاد مديه............الشاعر (خليفة المزروعي)......عمر العجل مايضوي خير=يامحـسـن الـرجـل متـأنـي=الثقـل صنعـه ولــه تدبـيـر=وراع العجـل دوم متجنـي............الشاعر/خالد بن عبيد بن معتوق الأحمدي....... زايد بحسنُه على جيلُه= وكاسِب رضايه رغم عِندُه=ومن يوم يطلبني آجيلُه=خمسة دقايق وأنا عِندُه......الشاعر(ابوفـــرح)....عنـدي أمـل فيـك يـا.. بـكـره=تمحي بقايا جروح .. الأمس=وقـلــوب حــبــت ولا تــكــره=تشرق لها من جديد الشمس........الشاعر (حامد بن غالي السليهبي)(حسيبك للزمن) رحمه الله .........ناديت قلت انتهى صبري = واغبر زماني طِواني طَيّ=والناس بالحال ماتدري = اظمأ وجنبي غدير المَيّ.............الشاعر / محمد بدين القايدي ( السينات ) ......أدلِّـــــلـُــه دائماً وارضيه=والبِّسُــه ثوبه المألوف...لكن بِطبعُه يفرِّط فيه=ويخلِّي مَنْ لا يشــوف يشـوف.............الشاعر بخيتان البشري / ليه المجرة كواكبها=احيان عكس المدار تدور .. بحور تغرِق مراكبها=وتخلف نمط سيرها فبحور.......الشاعر ( حمدان دراج القايدي)......هليت دمعي من أسبابك = وجرحي نزف داخلي مقواك ‏=محتار وشهو اللذي صابك =الجرح في داخلي ماشقاك...........الشاعر ( راشد الزهراني )......حتى جبال السراة تحن = ماهي كما قلبك القاسي = يامن بوصلك على تمن = ودايم تعكر صفا كاسي ..........الشاعر ( خليفة المزروعي ).......ابوك يبني عليك امال / حذراك لاتخيب اماله /حاسيك لامالت الأحوال / إنت الجبل يجلس إظلاله........الشاعر( عبدالعزيز الزويهري ابوبتال )...... راح الذي فارق أوطانه = و أفعاله فالطيب ما راحت = و الله من بعد فقدانه = عمدان صرح الأدب طاحت ........الشاعره (الكحيلة) ......أتعبني القلب بحساسه=ادراه ويدور التعذيب= بهم ن ضلوعي حطب فاسه = من يطلع النجم لين يغيب .......الشاعر (حرب ابوعمر) ......قلبي سألني .حصل ماذا = تشكي ولاادري سبب شكواك = قلت انتظر فالوفا هذا = لكن تفاجئت جاني ذاك.......الشاعر (غافل الهم قلبي) ... احترت والقلب شايل هم /سنين مخفي الم جرحــــي =البوح ممنوع يالفاهم / راح العمر وانتظر فرحي .......الشاعر (ولد الساحل).....سبحان من بالجمال اعطاه / تحفه وتصوير رباني = سلهم برمش كحل غطاه = يرمي سهام الهوى فيني...........الشاعر ( نعيم عابد السيد ).....يا نار الاشواق ما تطفين / ما يكفي القلب واتلفتيه = هذاك لو كان ما تدريـن / سيب غرامك وولع فيـه ...........الشاعر ( احمد عاقل الغانمي ).......ابشتكـى راعـي الـدكـان / من بعد ماجـاب لـه هنـدى = ماعاد يرفق علـى الجيـران / حتى سلـف قـال ماعنـدى ...........الشاعر ( أحمد بدين القايدي ).......كسب الفتى طيب أفعاله / اللي بها ينتهج له درب = وانا كسبته من رجاله / وافخر لأني فتى من حرب .....الشاعر (عايش الدميخى ).......ابني فصرح الوفاء مدماك = يبقى مسجل عليه اسمك = ان عشت بالطيبة طريـــاك = ولا مت يبقى الثناء قسمك روائع الكسرات

 


العودة   ملتقى قبيلة حرب الرسمي > ๑۩۩ الملتقيات الأدبية ۩۩๑ > مــلــتــقــى الــقــوافــي > مــلتــقــى دواوين شــعــراء الــقــوافــي

مــلتــقــى دواوين شــعــراء الــقــوافــي [ جميع الشعراء ]

إضافة رد
 
أدوات الموضوع إبحث في الموضوع انواع عرض الموضوع
قديم 02-04-07, 03:23 PM   #1
إداري سابق

 











 

سلطان الغيداني غير متواجد حالياً

سلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond repute

افتراضي ديوان الشاعر/محمد العسيلي رحمه الله

هذه قصيدة للشاعر /ماجد الشلاحي المطيري يمدح فيها حرب
وقد رد عليه الشاعر محمد العسيلي رحمه الله.
يقول الشلاحي:

يالله ياعالـي علـى كـل مزموم=ياخالـق آدم مـن حماحيـم طينـه
انك تجنبنا خطر كل مسموم=من اهل الحسـد واهـل العيـا والظغينـه
انا بغيت اجزل عن الشعر واصوم=والى ان به حكمه وفسحـه وزينـه
وانا لقيت الشعر في عصرنا اليوم=من شمخ العارض الى اقصى المدينه
وبكل القبايل لـه ملامـح ومرسوم=لكـن غايـة معدنـه فـي مزينـه
ولهم شعار وسام تشهد به القوم=فـي حكمـة الجابـه ورمـي الثمينـه
يوم الدفق والعمر للموت مسيوم=رمـي المزينـي يفرقـه عـن سنينـه
عيال الحرار اللي لها الكيف مطعوم=عاداتهـم فـك الغلـب والضعينـه
حرب الدياقا كم لها افعال وسلوم=منهم قضاة العرف واهل السفينه
افعالهم تشهد لها الترك والروم=ومرزوق ابن تنبـاك فـك الرهينـه
مالي وراهم قصد ولاني بمليوم=اليا مدحـت اهـل البيـوت الحصينـه
قلته وانا من لابةٍٍٍٍّّ ن دايـم الدوم=اشعارنـا ايضـاح الحقـوق الدفينـه
حنا ذوي شلاح ماننقـل الزوم=نعطـي الرجـال حقوقهـا المستبينـه
هذا وصلى الله على خير معصوم=محمـد اللـي مصـدر العـز دينـه


يقول العسيلي-رحمه الله-:
ياجاعلٍ بالنـاس معطـى ومحروم=يامـن علـى مايكودنـا نستعينـه
انـك تجنبنـا هـل اللـؤم والشؤم=حـذاق الالسـن والخوافـي لعينـه
يابو بدر عندك مـن الشعـر معلوم=تجيـد نظمـه والمعانـي سمينـه
الشعر ذوق وشاعريـه ومنظوم=ومعنـى وعـراف العـرب عارفينـه
الشعر مع كل القبايل لـه انجوم=ولكـن انتـه شـاربٍ ن مـن معينـه
ياراعي الحسنى عسى ابـوك مرحوم=ياللـي طلبـت البينـه بالقرينـه
ماقلت بمزينه يابو بـدر مفهوم=عبـر الزمـان اللـي تقافـت سنينـه
لهم صواب القول واصابـة سهوم=ورجالهـم مايهـس قولـه وعينـه
فرسان ورماة ومتاقيـن واقروم=قسـوه وليـن وكـل شـي ن بحينـه
ولهم مع الهادي مواثيق واعزوم=ووقفـات تذكرهـا القلـوب الفطينـه
مثل الفتح ياحي والله هاك اليوم=وفتح الفتوح ابن المقـرن ضمينـه
ولهم كرامات ن بها العلم مجزوم=ومن العرى الوثقـى عراهـم متينـه
وشهادة المنصف بهـا الحجـه تقوم=ولكـن الموثـوق وينـك ووينـه
مثلـك يابـن شـلاح يامبعـد الحوم=الحـق ماينحـال بينـك وبينـه
يابن الرجال مزبنه كل مضيوم=اليا طـار عـن بعـض الاوادم يقينـه
شلالحه مايلحـق وجيههـم لـوم=دون الدخيـل اليـا تراخـت يدينـه
ينصاهم اللي من عوانيـه مظلوم=حقـه لـزوم ولالقـى مـن يعينـه
مقطع حقوق ولابكم مقطع ارخوم=من لابة ن فيها مـن الخيـر عينـه
مطير حمران النواظر لهـا اعلوم=للحـرب حـرب وللمسالـم سكينـه
يامااتعبوا من قرح الخيل والكوم=وصدوا دحاميـل الجمـوع الرزينـه
والناس مثل الناس والسيـف ملحوم=وكـل القبايـل حقهـم محتمينـه
قلته وانا من لابة ن مابهـا ثلوم=كيـد الحريـب اليـا تعايـل رطينـه
حرب ن محاربة الدول ذروة القوم=اهل السلـوم وكـل اسـد بعرينـه
خوينـا والضيـف والجـار محشوم=بجوارنـا مايلحـقـه مايهيـنـه
وان لاذ فينا الملتجي مكفي اهموم=كنـه بعيطـا عـن خطـر طالبينـه
دون الحقوق نبيعها بأرخص السوم=مـوت ن بعـز ولاحيـاة الغبينـه




التوقيع :
    رد مع اقتباس
قديم 02-04-07, 03:30 PM   #2
إداري سابق

 











 

سلطان الغيداني غير متواجد حالياً

سلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond repute

افتراضي

الناس ناموا وانـا العبـرات اجاذبهـا=جذب الدلي من معينٍ وردها إحيامـي
بيديـن بــدواً مشافـيـحً تناهبـهـا=في نقضت الجزو والماء ورده إزحامي
اشـوف وانكـر مـن الدنيـا ذاهبهـا=تضرب بنا امواجها في بحرها الطامي
ياكثـر روعاتهـا وقـسـوة تقلبـهـا=وماطاب فيها مـن الاحـوال مادامـي
اللي من اول اركوبـه فـوق غاربهـا=ماحصل اردوفها والمشـي درهامـي
تستدرج اهل الامانـي فـي مكاسبهـا=لكن هيهات تصـدق فيهـا الاحلامـي
ومن صدق الريـح واعيونـه يكذبهـا=كنه يقـارن غبـاه بفرصـة الرامـي
تمـر الأيــام ماكـنـي مجربـهـا=من تضحكه يوم يبكي باقـي العامـي
يالله يالله تكـفـيـنـا نـشـايـبـهـا=ياواحداً عن قضايـا الخلـق مانامـي
ياعالمـاً غيـب نفـسـي لا تعذبـهـا=وتجعل لها حجةً من نـور الاسلامـي
نفسً ماباقي لهـا إلا شـوف طالبهـا=والموعـد المنتظـر تدنيـه الايامـي
لنـا مواعـيـد مانـقـدر إنجنبـهـا=توقيتها محكـمً فـي وقتـه إحكامـي
ترمى المنايـا ولا تخطـي مضاربهـا=ومن صوبنه اسهوم المـوت ماقامـي
ساعـة حيـاة إليـا وقفـت عقاربهـا=الروح تصعد ويبقى جرحـي الدامـي
والموت ماتصلـح ارواحـاً يخربهـا=ابا اترك الزوج والاطفـال الأيتامـي
يالوعـة النفـس مـن فرقـا حبايبهـا=ومن طول فرقاً تعثّر فيهـا الاقدامـي
لابـد مـن رحلـةً مايعـود غايبـهـا=وعن الحقايق توارى كـل الأوهامـي
معـي الوثايـق مختـمـةً قوالبـهـا=واخاف مـن نقطـة التفتيـش قدامـي
في مفترق طـرق ياكافـي مصايبهـا=احد الطريقين واحـد منهـن الزامـي
اما مع أهـل اليميـن وعـز جانبهـا=ولا مع أهل الشمال وشرهـا الحامـي
رحمـاك رحمـاك يامـذرى هبايبهـا=ياوامر المسلمين بوصـل الارحامـي
دعـوة طريـح الخطايـا لاتخيبـهـا=انا ضعيف الوسايل والهـدف سامـي
اليا وردت النفـس ناضبـةً مشاربهـا=يالله من شربةً تقطـع ظمـا الظامـي
واجيرنا مـن الجحيـم وحـر لاهبهـا=وانت الذي من لجا بحماك مايضامـي




التوقيع :
    رد مع اقتباس
قديم 02-04-07, 03:41 PM   #3
إداري سابق

 











 

سلطان الغيداني غير متواجد حالياً

سلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond repute

افتراضي

وهذه مساجلة بين الشاعر محمد السديري والشاعر محمد العسيلي رحمهما الله تعالى.


يقول السديري:
اهلا عدد مامال ريح بنبنوب=من خاطر هرج الردا ماهذابه
أحلى من السلسال في صافي الكوب=وألذ من نقع المطر من ربابه
من خاطر يشفق على كل محبوب=ويجعل رفيقه دون كل القرابة
يكن له ماكن يوسف ليعقوب=ويحمى قفاه بحضربه مع غيابه
ويذريه ما يشكي عنا كل لا هوب=ويزيد له بالطيب عن ماهقى به
العمر من دونه رخيص ومجلوب=ولا يستمع بهروج حي حكى به
نفتح له صدور تذرا ورى جيوب=وعن ما يعيب منزهين شنابه
يا ابن العسيلي مابكم كل معيوب=حاشا ولا في طيبكم مايعابه
لكم على الجودا محاريف ودروب=وراسين مثل المعتلي من هضابه
ودياركم حامينها بكل مسلوب=وياما دخلتوا دونها من حرابة
وياما نثرتوا دونها الدم مسكوب=أروى لعطشان الثرى من ترابه
ياهل السبايا اللي لها الأصل منتوب=معمقات من عصور الصحابة
سلايل من فوقها حرب لحروب=دايم على الردات عوج رقابه
وإن جاء نهار مشعل الحرب مشبوب=فأنتم على الطوعات مثل الذيابة
نعم بكم والسيف مشهر ومقضوب=إن حل بأطراف الجهامة ضبابة
أعني بني سالم ومسروح ووهوب=ما اقولها بأهل الردى والخيابة
وادي الرمة من ولبكم صار مهيوب=بروس البلنزا مبعدين رحابه
وليا غزوا يمه غزاة لقوا شوب=وطبوا على بحر تلاطم غبابه
الطيب لأهل الطيب يذكر ومنسوب=وكل على طوله يفصل ثيابه
والناس في دنياك غالب ومغلوب=وكل على شفه يوجه ركابه
واللي من أفعال الردا فيه شاذوب=هذاك كساب الخناء في شبابه
اختر رفيق بالقسا يقضي النوب=وابعد عن المنزوع قل لا هلا به

ورد العسيلي:
قال العسيلي وان بدا راس مشذوب=مرقاب جرك مابضميري وجابه
وبديت باسم الله عن الكل مطلوب=سايق هماليل المطر من سحابه
وابديت مافي خاطري يمه وصوب=من خطار جاش وجهش كل مابه
اهلا هلا ترحيبة تقضي النوب=ترحيبة المشفق بروية غيابه
تحية مثل العسل صافي الذوب=وألذ من نقع المطر في شرابه
برسالة كلف بها لي مندوب=من أعز مخلوق وصلني جوابه
من السديري ما ركم فيه مكتوب=عبارات تطلق وجه من هو كتابه
كتابه تمليته وقربته حروب=وأشهدتهم واقع خطاه وصوابه
لا شك ما حصلت بالخط عذروب=مافيه موضوع عن الزين شابه
كلامه الطيب قفل كل دالوب=جميع دالوب عنه صك بابه
وأجاب على كل ماكان مطلوب=فهم سؤالي واعتنى بالإجابه
إجابة تفتح لها صدور وقلوب=وتغلق لها ابواب عليها رقابه
سلم وغنم من قام في كل ماجوب=وجاب الكلام اللي حسبنا حسابه
محمد فداك من الملاء كل زاروب=اللي صلاحه ما يعادل خرابه
حقك عليه ما انسب العلم مقلوب=وحقي عليك الصدق في كل جابه
لو كل علم يم حاكيه منسوب=وترجع مناقيده على من حكى به
لا شك احب الصدق والصدق مرغوب=عند الرجال اهل الشرف والمهابة
واصاحب اللي صحبته مابها عيوب=واجفى الجناب الللي يمله جنابه
واجنب اللي كل اما احتجته يذوب=ويروح ضحضاح تلاشا سرابه
تذهب مواعيده مواعيد عرقوب=أدراج ريح ? الله يخيب شبابه
واللي لبس لي بالصداقة مية ثوب=ماهو صديق ولا هبابي هبابه
هذا كلام اللي بدا راس مشذوب=رأس الطويل اللي تقطع سرابه




التوقيع :
    رد مع اقتباس
قديم 02-04-07, 03:54 PM   #4
إداري سابق

 











 

سلطان الغيداني غير متواجد حالياً

سلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond repute

افتراضي

يالله ياللي تعلم الجهر والخفاء=ياالواحد اللي ماتعددفضايله
سامع دبيب النمل في حالك الدجاء=علي الصخره الصماءومحصي فصايله
يامن له المضلوم يشكي مضالمه=وايضا له المحتاج يرفع مسايله
ياقاضي الحاجات بالجود والكرم=عليه ماصعبت مطاليب سايله
عضيمن كريمن مستديمه وهايبه=يعطي عطائن ماتكوده وسايله
تعالت صفاته في كماله وقدرته=علي قدرته تشهد عظايم دلايله
اساله مسالة راعي الخوف والرجاء=اللي رحاله مثقلاتن رحايله
يفرج هموم تشكي النفس ظيمها=همومن نكابدها ولاهي بزايله
ونحاول نعالجها بكتمان غيظها=عن هرج بعض الناس عدله ومايله
ونصبر وراع الصبر مايحرم الفرج=عسي هاجسن بالنفس تبراغلايله
همن ملازمني ودايم يزورني=عفا الله عن نفس تعاني ملايله
نفس تتوق لذبة الرجم ساعه=واتجاوب القمري علي راس طايله
والرجم عدوا فيه قبلي هل الشقاء=وكلن بشانه ماتعوبل عبايله
عدوا به الشعار قبلي وغيرهم=ومن واق راس الرجم هاضت مثايله
واختارمن الامثال ماشاف خاطره=وكلن علي شفه يوجه زمايله
احدن تجي شكواه من ميلة الدهر=وحدن بمحبوبه يوصف جدايله
واحدن يصارغ له مشاكل بظامره=وهمه تقل من راس طعسن يهايله
واحدن يشوف من اهل الوقت ريبه=ويشوف له سيلن سواقيه عايله
وانا ليانظرت اصحاب وقتي وخيمهم=اشوف الزمان اللي تهول هوايله
واخترت الطريق الصعب عن عشرة الردي=وتركت الهزيل ولاترجيت ظايله
ضعيف الاراده تضعف العزم صحبته=ورفيق الرخامتوافرتن بدايله
رفيق الرخا ماترفع الراس فزعته=عميت عيون بالموده تخايله
اليا صار حبله مايوصل حبالك=وقت السعه مانته بحاجة جمايله
خله يولي واطرد الهم بالنجم=وضروف القسي لابدها يوم زايله
وصبرك علي الشدات وسيله الفرج=والهرج يكفي عن كثيره صمايله
وان صرت مختزن من الناس صاحب=عليك من كان الكرم من شمايله
اللي اليا شاكك من الوقت معظله=يشيل الحمول اللي سواعدك شايله
شجاعن رفيع النفس عن موطن الدنس=بعيد النظر ماتنتحايل محايله
كما شامخن يوجد به الضل والذري=يذريك عن قارس ولاهوب قايله
صديقن صدوق صادق السر والعلن=سليل الرجال اللي تنومس سلايله
حليف الندا ياباجنابه عن الردي=ولو اندثر مجده يجددسمايله
عليك في هداج ياطالب الروي=والرس خله لاتغرك نثايله
الرس ماتشد الرحال لمناهله=ومران ماصك القطين بثمايله
وموت الفتي با رضن فراشه نباته=اخير من فضل المنون ونحايله
لو جاد مره كل يومن يمنها=وياسرع ماتنكف عن الخير اصايله
وفضلن ماهو من خالق الارض والسما=اقطع رجاه الله يقطع عقايله
والناس ياخالد تراهم معادن=وكل علي ماضيه توصف خصايله
علي مايقال ان المثل يتبع المثل=وصدوق الحياتتبع تواليه اوايله
ومن كان له بالمجد ماضي يشرفه=عسي حاضره يتبع قدايم حمايله
وانا ابيك ياخالد اليا اشتد ساعدك=حملن علي ولدك تحمل ثقايله
وابيك تجزا راعي الطيب بالمثل=وراع الردا ماتنخدع في حبايله
تري الجزا مثل الجزا عامل الوفاء=وكلن يبي يعرف وسيمة عدايله
وخلك لربعك درع عن صكة الدهر=تري الناس كلن يفتخر غي قبايله
تجاوز عن الهفوات منعم وصونهم=عن الكلام اللي قليله نفايله
وزلة رفيقك لاتسرع بردها=ارفا بشيمتك الخطا من فعايله
الالياصارت تمس الكرامه=عليك باللي ماتعالج وهايله
في ضربة تجلي عن الوجه لايمه=وتجلي عن الخاطرطناه وغلايله
تري موقفك بالعز ساعه من الدهر=اخير من عمر تعاني ذلايله
وتري من يروم العز مايداري الخطر=الياشيدهول الخطب يركب جلايله
واشفق علي العفه عن الجار والخوي=اياك وايا الجار تنظر حلايله
تري الادمي ماهو بعصوم عن الخطا=وابليس والنفس الرديه تحايله
وان عميت الارياءعليك بصعيبها=جدد كلام الظيغمي في دلايله
تري الامور زمام ياطالب العلاء=وتري راعي القفوات يشرب حثايله
ولاترافق اللي ماعرف وازع الغضب=عند الحقوق ولاتحرك حفايله
متساويه عنده جميع المعاني=يضحك لو الناس تأطا شلايله
مثل فاقد الاحساس من كل ناحيه=يسكت لو سكاته يسبب فشايله
لامفرح الصاحب ولا مغضب الاعداء=ولافاعل طيب ولاهو بنايله
وهالنوع لاتشد الظهرفي مواقفه=عسي عاصف الغربي يفرق مخايله
تجنبه حتي تجنب مشاكله=والايام تكشف لك نتايج عمايله
تم الكلام بذكر من يعلم الخفاء=الواحد اللي ماتعددفضايله




التوقيع :
    رد مع اقتباس
قديم 02-04-07, 11:28 PM   #5
إداري سابق

 











 

سلطان الغيداني غير متواجد حالياً

سلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond repute

افتراضي

يامنشي مزون يعزل هللها=يالله يالحي الكريم العطوفي
انك تصون انفوسنا عن زللها=بحسناك يا رازق خشاش الكهوفي
يارب ميلات الزمان تعدلها=يا عالم ما يحيطنا من ظروفي
ما ينتميز هيلها من بصلها=وقت تساوت به جميع الصنوفي
هو ليه ما يكب إلا شدة لأهلها=اللي من أول مركبه بالردوفي
والناس يعميها هواها وجهلها=يا حمود شفنا الي عيونك تشوفي
الناس زلات الخوي تحتملها=لا تصير في زلة خويك زهوفي
وعواقبه يرغب بها من فعلها=والصبر في كل المواجيب يوفي
والثانية ميز مداها وحولها=الأوله قل جعلها بالذلوفي
اقطع توالي شيمة ما قبلها=والثالثة عليك بالك تطوفي
اقطع ورقها قبل يطلع سبلها=الشجره الي ما غذاها مخلوفي
وابعد عن انذال كثيره حيلها=وعن صحبة الأنذال خلك عزوفي
أهل النفوس الي على الشين ولها=ناس على العثرة تدق الدفوفي
خلك عزيز وكلمة الحق قلها=ان شفت منهم بالسنافي حفوفي
الياما تذوب انفوسهم من زعلها=وايطا بقدمك اهل النفوس الضعوفي
وشانت وقرين النفوس ارتحلها=حنا اليا خرب انتظام الصفوفي
اليا اختلط شر النفوس وزملها=صدوق منا النو ماهو اشعوفي
ونرمي على الخصم المقابل ثقلها=ندوس غبات الخطر دون خوفي
ولو صعبت العليا نحاول نصلها=لنا على ماضِ أكثر الناس نوفي
اليا من حواش الودايع عز لها=ياما لطمنا من خشوم قنوفي
اليا من مطعون القبيله خذلها=وناقف مع اللي يستحق الوقوفي
وان ثورت صم الحوافر نثلها=أسلافنا يروون حدب السيوفي
وكم مهرة راحت تلاعب اكثلها=بارماحهم كم ارملو من هنوفي
كرام النفوس اللي قليل بدلـها=هم الرجال اللي عليهم احسوفي
متفاوته ما ينتقارن عملها=يا حمود وين اللب عند الجلوفي
اللي ليا شحت حبالك وصلها=عليك بالطيب ندي الكفوفي
ذخر الرجال اللي حميدة اخصلها=اللي عن الهفوات نفسه عيوفي
وان عمست الريا برايه فصلها=اللي بماضيه الحميد معروفي
وحتى المعاني ما توافق جملها=ما كل الأسما تتفق بالحروفي
ولا كل من رام المعالي وصلها=ولا كل من غامر تجي له اصدوفي
يا طالب العليا بساعدك نلها=ولا كل من يرمي حصاة محذوفي
تمت وميزان المعاني قفلها=ياحمود ماهي بالهوا والشفوفي




التوقيع :
    رد مع اقتباس
قديم 02-04-07, 11:36 PM   #6
إداري سابق

 











 

سلطان الغيداني غير متواجد حالياً

سلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond repute

افتراضي

هذه قصيدة للشاعر دحام الهذال العنزي يتوجد فيها على ديارهم القديمة الحناكية,وقد عارضها الشاعر الكبير محمد العسيلي رحمه الله.

يقول دحام العنزي:

جيت المطار ويمه الشـوق جابنـي=شوق برى حالـي ودمـر شبابهـا
جيـت اتباهـا وتناسـا مواجـعـي=واثرى جروح الحب يكبـر عذابهـا
امشي ورى قلبي واداري عواطفـي=واعرف دروب الحب واسلك صعابها
عزى لنفس مـا استلـذت بعيشهـا=غـوت غـرام الغاويـات وعذابهـا
قالوا لي انسي من نستك وتزوجـت=وسدت بوجهك تالي الوقـت بابهـا
قلت اعلم اللي صار بينـي وبينهـا=وادري تلاشت " مي" واقفت اركابها
هذي ثمان اسنيـن والقلـب عندهـا=ينزف جـروح ودم قلبـي خضابهـا
ياما مشت رجلي على شوك دربهـا=تتبعني الذكرى وأنا اطـرد سرابهـا
كنت احسب ان الحب يسلا وينسـي=واثـره توقـد بالضمائـر وصابهـا
لي كلمة لاضـاق صـدري وقلتهـا=كلن يحسب مـا وراهـا ومـا بهـا
عفت البشر يوم البشر تاكل البشـر=والحقـد يمنـع وصلهـا واقترابهـا
من قـل مالـه قـل قـدره وهيبتـه=وتكثـر عيوبـه ويتكابـر مصابهـا
ورجله ليا جـت المجالـس تعثـرت=كلـن يحـاول ردهـا واجتنابـهـا
لقيت ناس أجواد والطيـب ساسهـا=والعـوز مـال بشأنهـا والتوابهـا
ولقيت نـاس عفـون كلـن يذمهـا=وزود الغنى والمـال شيـخ جنابهـا
مشيت من همي وطالـت مسيرتـي=في صحصح تاه القدم فـي هضابهـا
وجيت " الحناكيه" وهاضت قريحتـي=بابيات حـزت خاطـري واعتنابهـا
ذا مربط خيولـي وهـذي مزارعـي=عقب اخضرار الغصن يبست اخشابها
وهذي بقايـا مـن بقايـا منازلـي=واطلال يجتـاح الضمايـر ضبابهـا
دار " لنا " واليـوم صرنـا نمرهـا=جنـاب تخشانـا الديـار ونهابـهـا
عقب المعزة بـاول الوقـت والغـلا=اليـوم مـا نلقـى مكـان برحابهـا
عـز الله ان همـوم قلبـي تعامـت=والنار فـي جوفـي يزيـد التهابهـا
من قلت الحيلـه كوتنـي عزيزتـي=مالوم عينـي لـو يطـول انتحابهـا

ورد العسيلي رحمه الله:
لاباس يـا دحـام يـا معـدن الوفـا=يابن الرجـال اللـي عزيـز جنابهـا
عاشق ولك قصة طويله مـع الدهـر=والناس كـل لـه ظـروف شقابهـا
ولا انت الوحيد بـه الغرابيـل كلهـا=ولا كـل عايبـه يعيبـك عيابـهـا
تشكي زمان مـا يصالحـك صالحـه=كـن الديـار موجهـه لـك حرابهـا
جيت " الحناكيـة " وجـادت قريحتـك=وفتحت دعوى مؤصد الوقـت بابهـا
توجـد علـى دار مزايمـك حيفهـا=ما تقـل عقبـك عامـري وطابهـا
والدار نزلناها علـى شـرط وقتهـا=واضفينا على الدار العزيزه حجابهـا
وامّنـا مخافتهـا وحمينـا عفافـهـا=وأقمنـا عمارتهـا وزرعنـا ترابهـا
لين أصبحت يخشى عليها من الحسد=خص من اللي قد زرعها ورعى بهـا
اللي تركها يوم هـي غـض عودهـا=بظروف خسايرهـا تكلـف حسابهـا
هاك الحين يوم القنـا يقـرع القنـا=والخيل يـم الخيـل عـوج رقابهـا
اختـار لـه درب يوديـه للسـعـه=عن ضيق مؤنتها وعن شر ما بهـا
تسوقه الغربي وتضحـك لـه الصبـا=وتدعيه نجد الليـل وسـاع رحابهـا
يا بو بدر نفسك تمادي بهـا الهـوى=تحيل البـروق ولا يمـرك سحابهـا
وابحرت في بحر الهوى لين عام بك=بعيـد عـن بـر السلامـة وآدابهـا
لا ارتحت من كيد الروابـع وجرهـا=ولا ادركت "مي" اللي سطا بك صوابها
وأنت تعرف ما طاب لك ما يدوم لـك=ودنيـاك عامرهـا نذيـر لخرابـهـا




التوقيع :
    رد مع اقتباس
قديم 02-04-07, 11:49 PM   #7
إداري سابق

 











 

سلطان الغيداني غير متواجد حالياً

سلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond reputeسلطان الغيداني has a reputation beyond repute

افتراضي

دقِّ الجرس ينقلي أجمـل إعبـاره=من الرجال اللي حميـده سيرهـم
يحمـل كـلامٍ بالصداقـه مـداره=من اللي علي الشيمه إلهي فطرهـم
طالع زهم وأنـا أتحـراء خبـاره=في ساعةٍ كنت أتخيـل صورهـم
وأرسل كلامٍ به حمـاس وحـراره=كلمة وفاء تشرح غلانـا بنظرهـم
عضيب شرفنـا بحسـن أختيـاره=وخص الثلاثه في ثناه وحصرهـم
أثنا علي اللي في هاك اليـوم زاره=وأهل الظروف اللي ماجوله عذرهم
وهذا دليـلٍ فـي وفـاه ووقـاره=بعرفه يرى من واجبه مايخصرهم
ويدراء الرفيق اللي الصداقه اشعاره=أهل الوفاء راع الوفاء مايهجرهـم
والوقت يكشف لك حصيل أختياره=وأهل التجارب نعتبرمن أعبرهـم
ياعضيـب كـلٍ دون حقـه وداره=وأهل الضغاين كم وقفت بنحرهـم
وقفت وقفـات العديـم بصطـاره=وأهل الظفر عيب الزمان يغدرهـم
واليوم راحـت بيـن أداره وأداره=وأهل الوسائط طوقوهـا بقشرهـم
تبي لها حلحيـل يصـل الـوزاره=ورجال صعبات الامور تخبرهـم
قلّ للأمير اللـي زهتـه الامـاره=ذخرالفـروم اللـي بعيـدٍ نذرهـم
حـدّ القبيلـه لايضيّـع قــراره=ترى الرجال حقوقهـم تنتظرهـم
وحـقٍ بـلا هيبـه لعـلـه وداره=والنـاس هيبتهـم بهيبـة ديرهـم
يالفـرم لكـم وقفـةٍ بالـصـداره=ومثلك يسنّع ناس لو ماحضرهـم
إنحاء زملاك إليا نووهـا بغـاره=وحنا زملانا إليا نووها نعسرهـم
يالفـرم جتنـا فزعـةٍ مستعـاره=وتأمروا لكـن سببهـم قصرهـم
يالفرم ترى الوقت تـاره وتـاره=لايفرحـون اللـي سلفنـا قهرهـم
أدحم بجنبك كـل راعـي نعـاره=الياما عن الحق العزيـز نحجرهـم
بالحق ماتمشـي علينـا العيـاره=من الماكرين اللي عرفنـا دورهـم
لـولا صلابتنـا كلتنـا السعـاره=ومشّوا علينا أهل المشاكل دجرهـم
حنا إليـا مـن أن الطوابيرسـاره=جمعٍ عن الواجب مايكشف قمرهـم
فينا علي صعب المواقـف جبـاره=إليا ما أن شيطان قبلانـا سحرهـم
لعـل رجـلٍ مابرأسـه غـيـاره=دون الحقوق اللي بها الفعل يرهـم
تعجـل تعيسـات الليالـي دمـاره=وبعد الرخوم عن الرجال يعمرهـم
وكان الجمل ياعضيب عاقه إهجاره=عليه منها وكـل نـاس وخبرهـم
وأن كان هـذا خافـي العلـم ذاره=وذولاك قانون الوسائط نصرهـم
عفها مثل ما تعيف قطف الزقـاره=الياما يزول الحاجز اللـي سترهـم
وراع الجوار الشين بـدل جـواره=بجيران مايشكي المجاور ضررهم
هذا كلامي وأنـت قـرر قـراره=وأبعد عن اللي معمي الله بصرهـم




التوقيع :
    رد مع اقتباس
إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

IP



الساعة الآن 08:20 AM


Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
Ads Management Version 3.0.1 by Saeed Al-Atwi
ترنكات لخدمات الويب