روائع شعريه |
روائع الكسرات |
|
||||||||||
مــلتــقــى دواوين شــعــراء الــقــوافــي [ جميع الشعراء ] |
|
أدوات الموضوع | إبحث في الموضوع | انواع عرض الموضوع |
|
17-12-09, 03:03 PM | #1 |
دار المناقش وجبت العيد والهوشه = وسببت بين النفوس اطقاق وهواشي وأسبابها صاحبي غرقان للشوشه = عليه بعض العلوم بعلمها ماشي ماهو بدرهوش لو البعض درهوشه = فيه الكرم والوفاء من منبعه ناشي شيخ ولد شيخ يبذل جود ويحوشه = ماهو عن الماقف الغصاب منحاشي كريم ماهو بخيل يحسب قروشه = ولا يحسب بها الاّ النذل واللاشي ناس تحب البلاش وناس مبلوشه = وناسٍ تبا تشتري وتبيع بالكاشي والبعض من بعض بالاقوال مغشوشه = أفعالها ماتوافق قولها الفاشي أفعال الاجواد بالتاريخ منقوشه = وأفعال الابواش ماتحتاج نقاشي كلام من شيبة عيناه ورموشه = سوالف المرتشي لاواجه الراشي |
|
17-02-10, 07:53 AM | #2 |
هذه القصيدة للشاعر بن هليل رد على قصيدتي= مياسة القد = ياهاجسي زيـن الحمسـة لكيفـي بالحاميـس=مـن بعدهـا درج الفنجـال لوجيه(ن)بواسـم دام المثايل على شق الجمر عنـدي مراويـس=إرقى بها جـو عالـي والحـذر دق السماسـم انحت ذهب من صميم الصخر دام العرف تاسيس=وأنقش علاها علومي وأنت يالهاجوس واسـم يالشاكرالوقت هـذا ياكثـر فيـه الوساويـس=من علة في حنايا الصـدر بـس الكـف داسـم قصتك ماهي غريبة هينه يـا راعـي السيـس=لو كان عينـك تهـل الدمـع وتنـادي لجاسـم دامك هنا بالوطن ماشفت شيء وسـط باريـس=اليا ندهتك بصوتـك رد لـي نعميـن يـا سـم يجيك منـي جـواب مسيسـه للـرد تسيـس=المـال لله لكـن البشـر صــارت تقـاسـم الناس فيهم زحـول وبينهـم عالـم ملاحيـس=القاسـم المشتـرك مابينهـم مافيـه قـاسـم لا تتعب الـروح بالتفكيـر مـدري بالكوابيـس=الفرق شاسع ترا مـا بيـن عباس(ن)وباسـم كل علة(ن)تنتداوى غير علة عاشـق الهيـس=جنب عن الطرقة اللـي مـرت ديـار القواسـم خلك علم نرفعه يوم الوطن فـوق التضاريـس=الحمل ما ينقله ثلب(ن)بوقـت الظهـر عاسـم يالشاكر القاف أشوفه ينتهي أولـه بـل إيـس=والشطر الأخر نهايـة قفلتـه بالضبـط آ س م وختامها ذكر ربـي كـل مـا هبـت نسانيـس=بوفي صلاتي على المختار أنـا مانـي بحاسـم |
|
22-02-10, 01:25 PM | #3 |
جيت ضيف وسامحوني واسمحوا لي ودي أمشي = يم دارٍ ماشناني وان شناني ماشنيته خيلت عيني بروق وصار جسمي فيه رعشي= قلت يمكن حلم وأثره علم بعيوني رأيته والسحاب اللي نظرته في العشيه صار عمشي = والرعد زلزال حسه بس كني ماوحيته والعذر منكم بعد عيني قذاها اليوم رمشي = كيف رمش العين ياهل الخير يهدم مابنيته والله اني ماحسبت الرمش للاسرار يفشي = قبل هذا اليوم وأعلن عن حديث مانويته أحسب ان النصح والمعروف بين الناس ينشي = ليت وان النصح للي مايعرفه ماهديته الجنيه جنيه والاّ القرش ياهل العرف قرشي = كلها عمله ولكن الجنيه اللي بغيته والحوار اللي رغا وسط المراغه جاه هرشي = شامخ النيبان بان وبان بين الناس صيته واسمحوا لي بالرحيل وعندكم خليت عفشي = مامعي غير الشماغ اللي على راسي طويته |
|
12-03-10, 06:31 AM | #4 |
مرحبا في مرحبا باللي لفوا من كل ديره = الرجال أهل الوفاء والجود ماضين الفعايل والله ان الفرحة الليلة على الخاطر كبيره = كنها ليلة مطر هتان من غر المخايل وكنها عيد رمضان وكنها عيد المسيره = المسيرة يم بيت الله من كل القبايل توج الفرحة حضور أصحابنا شيوخ وعشيرة = اقطعوا صعب الدروب واتعبوا الركب الاصايل من حضر يامرحبا والعين بحضوره قريره = والذي غاب معذور ونعذره والشك زايل ونطلب الله الجميل ونطلب الله الستيره = واطلب الله الكريم العون في رد الجمايل واختتم بالكلمة الاولى وكلمتنا الاخيره = مرحبا في مرحبا في مرحبا والراس طايل |
|
26-11-10, 02:07 PM | #5 |
بيض الله وجه من شارك ومن حلل وفكّر = في غباوي خيمة الشهر الكريم الوارداتي في نوادينا العريقة والمدير العام يشكر = يبذل المجهود له بصمات خير وواضحاتي مجتمعنا مجتمع صالح وفيه الخير ينشر = والختام الله يختمها لنا بالصالحاتي البحر يزخر وفيه السفن عبر الموج تمخر= والسماء تزهر واضاءت بالنجوم الزاهراتي كلها فيها دلايل والله اعلم والله اكبر = واقتبسناها من اقوال العوارف والثقاتي اشرحوا قولي وقولوا قالها الشاكر وعبر= عن حديث وعن زمان وعن مكان وعن رواتي وعن رجل صالح قديم الوقت يوم الاثم يظهر= فوق سطح الارض ذكّر بالحياة وبالمماتـي لانبي ولا رسول ولا ذليـل ولا تكبّـر= قبل لايبعث رسول الله من خير الدعاتي رجل له كلمة وله قيمة وله تاريخ سطّر = من كلامه في كلامي دوروا له ياعزاتي |
|
28-11-10, 09:59 AM | #6 |
معي لغز جديد ولا احد عن رمعته ممنوع = دقيق برمعته واخص مجموعة من الشعار هي عذراء فريدة مالها ثاني وجنس ونوع = اصيله مجهمة في وصفها لابد مانحتار مصفصف صف وصف اللغز ماجت رمعته مرفوع =ترى لو جت بغير وصف مايقبل المسعار اقول ارمع ياسامعني معك مهله سنه واسبوع = نقول الله يوفقكم على الرمعات يالحضار أبو سامي= |
|
03-12-10, 08:06 AM | #7 |
معي لغز جديد ولا احـد عـن رمعتـه ممنـوع=دقيق برمعته واخص مجموعـة مـن الشعـار هي عذراء فريدة مالها ثانـي وجنـس ونـوع=اصيله مجهمـة فـي وصفهـا لابـد مانحتـار مصفصف صف وصف اللغز ماجت رمعته مرفوع=ترى لو جت بغيـر وصـف مايقبـل المسعـار اقول ارمع ياسامعني معك مهله سنـه واسبـوع=نقول الله يوفقكـم علـى الرمعـات يالحضـار وصفها الخالق الرحمن في المكتوب والمسمـوع=وثنى الوصف واخفى واحدة منهن عن الانظـار أحدهن في هذي الدنيا والاخرى علمها مقطـوع=به الشك ولبعض المسلميـن وغاضـت الكفـار وحل اللغـز وسـط اللغـز يانافـع ويامنفـوع=نبا واحد يغوص ويظهر اللؤلـؤ مـن المحـار ترى لغزي بعيد وقيد لغزي مثني ومربوع = يفكه من يفك الرمز والاقفال والاسرار ولا هو من مخاليق الاله ولاهو بمصنوع = قديم ومستمر ودوره يابدر باستمرار أبــــــــــو ســـــامـــــي = |
|
20-12-10, 01:15 PM | #8 |
بديت في حيد طويل عريضي =حيد صعيب ويتعب اللي رقا فيه بجسمْ به علّه ولاهو مريضي = لاشفت حاله قلت ربي معافيه ثلثين من علته عند العويضي =والثلث منه بساحة الدار ترعيه ولا قيل براق الحيا له وميضي = أقول ياربي تزين ملافيه قالوا حضيض وقلت ماني حضيضي =إلاّ ليا سيرت باحلى مراعيه وش قصته ياهل الفكر والقريضي = شوفوا لنا شيخ يفسر معانيه |
|
08-01-11, 03:52 PM | #9 |
ترحيب بالشيخ / حسين مريع العبيدي
تستاهل الترحيب يانسل الشيوخ أهل القدر = اللي منازلهم على الهامات والعلياء تويق يافخر حرب وياسندهم من بداه ومن حضر = ياشيخ لك قدرك وكل قدم اللي له يطيق حنا فرحنا يوم شفنا اسمك مشارك من حضر= نفرح اذا شفنا الشيوخ اللي يردون الوسيق وشفنا زكي الشاعر الموهوب عنكم ماقصر = شارك وبارك في محل الجود بالراي الوثيق جيتم بداية هالسنه وأيضا بداية هالشهر = يوم ان وبل الغيث جانا واهدجت عين المضيق الله يحييكم من الــــــــــبر الوسيع الى البحر =ومن السرة اللي جنوب الدار الى هضبة طويق مع ربعكم وابناء عمومتك وموقفكم يســـــر = وحنا على شوف الصديق أمثالكم يباس ريق وختامها نبغى زيارتكم لنا لا لامفر = وعيوننا منزالكم والورد يفرش في الطريق |
|
29-01-11, 11:25 AM | #10 |
طلال المعبدي= ياسـلام الله عليكـم مـن بنـي عـمـرو الديـاقـا=يارجالاً ماتهاب من الخطر وقت الخطورة الزمن تـدرج رحاته بليام وبالفراقا=والخلايق في زمنها وقـت يسرٍ وإمعسورة .الشاكر أبو سامي= مرحبـا ترحيبـة مــن عــوف تعشقـهـا عشـاقـا=يالمسلم من بني عمرو ومن شرّف حضوره الـزمـن بـاقـي عـلــى مـاكــان والـعـالـم سـبـاقـا=فــي زمنـهـا ياعمـيـل الخـيـر والــدار معـمـوره طلال المعبدي= البقابـك ياعميـلٍ حافـظ شـروط الصـداقـا=مايغلق عنه غيرة وإن بدى غلق فأمورة مايسابقنا على العليا يكود أهل الحماقـا=الله يـديـم الأســود الـلـي يـعـرفـون الـنـمـورة .الشاكر أبو سامي= يـاعـساك تدوم يازيزوم لربوعـك رواقا=والصداقة باقية ماهي سراب ولعب كوره لاتروح بك الظنون بعيد عن حوز النطاقا=استشير وشاور أهل الراي واصحاب المشوره .طلال المعبدي= ياعسى بحمولهـا الليلـة تقـوم مـع الرفاقـا=ذا السنـه كـلٍ لحـالـه وأول الــدار مخـشـورة الحقايق واضحة وانت ما تسرقها سراقـا=ربعي ثابت فعلهم وأجيال جتنا ومغمورة .الشاكر أبو سامي= الجمال اللي تشيل الحمل دايم ماتساقـا=قيدة وقت الشديد وقايدة وقت الضروره والحقايق واضحة ياذيـب مافيـه انطراقـا=الله يديم الامـان ويسلمـون أخـوان نـوره .طلال المعبدي= وش نصيب مسيلمة اللي تنبـأ بالعلاقـة=كــان عـيـا لايـتـوب نـعـزرة نمـنـع شــرورة وانت والله من رجالٍ فيك درقه سِد فاقه=نـور جــلاي الـظـلام الـيـوم يـاربـي فـنـورة .الشاكر أبو سامي= ياعـسـى مايسلـمـون أهــل المـشـاكـل والنـفـاقـا=والكذوب مسيلمه له في القفا عشريـن صـوره مـاعـلـيــكــم زود والافـــكــــار تــمـــتـــد وتــــلاقــــا=والبيوت اللي بدون ظلال في القيض مهجوره .طلال المعبدي= الــدعــاوي مـاتـنـاصـا بـابـنــا مــاهـــو بـطــاقــا=والحمية عرق في وجه الرجل واليـوم دورة والحديـث إلــه رجـالـه مــا لــك إبعـيـرٍ ونـاقـا=وانت لاتِزعِل رجال وترضي اليوم البزورة .الشاكر أبو سامي= كــم واحــد ياعمـيـل الخـيـر فـــي دمـــه انـحـراقـا=وان ظهـر عـرق الحميـة فيـه ماتعـرف ظهـوره دام مالي خص في بعض الحديـث اللـي يواقـا=من زعل يضرب براسه في جبل تفجع صخوره .طلال المعبدي= انظـروا لـه فالجنـوب وثـم شصـوا لـه وثـاقـا=دورا له يـارفيقي قبل حنا لاندورة مـن يغلـق دون حالـه عنـه يرفـون الوسـاقـا=وانت راعي علم مايخفاك عالم في حبورة .الشاكر أبو سامي= ياوسيـع العـرف ماحـنـا عـلـى شـوفـه شفـاقـا=لـيـه نبـحـث عـنـه مانبـغـى يــزور ولا نــزوره لانتثر ما الوجه فوق الارض مايمكن يحاقا=والقعـيـد الـلــي ورا الـســدة يـسـدونـه سـبــوره .طلال المعبدي= يـادســمــيــن الــســبـــال وريــاجـــيـــل الــحـــذاقـــا=حشمة الطيب عن البطال ماهي بمغرورة عـلـم يـبـدا بالـوفـا تـلـقـى الـوفــا دايـــم غـلاقــا=مانذمـك وانـت حـر الحـر ماتهـفـي صـقـورة .الشاكر أبو سامي= العسـل حالـي لكـن الحنضلـه مــر المـذاقـا=يفرق الطيب عن البطال فـي مـدة شبـوره يالله تديـم الوفـاء وانـا علـى ركبـة وسـاقـا=عاقل الركبة وثاني ساق والراس محسوره |
|
|
|