عدد الضغطات : 0
الشاعر عبدالله بن زويبن المعمري الحربي.رحمه الله...سمعت لي كلمة مدري وش اقصاها=حزت بنفسي وأنا مانيب هارجها.....لوكل كلمة إلى جتنا طردناها=بعنا الثمينة بسعر مايخارجها......لو مرت السمع ماكنا سمعناها=ونقفل الراس عنها لا يبرمجها......ومن يم هذا لهذا مانقلناها=والناس واجد وتلقى من يروجها.....من جابها بين خلق الله وداها=لو به مراجل ترى نفسه يسمجها..........الشاعر// محمد بن شبيب الحداري رحمه الله ...........لا والله الا راح دور البداوه=ودور الركاب اللي عليها الشنوفي........ ومجالسٍ فيها لهلها طراوه=عنها الشوايب والهزيل محذوفــــي...... وراح الزمان اللي لعيشه حلاوه=واللي على الغارب رجع للردوفي.......... قالوا تسير قلت مامن فضاوه=قالوا علامك قلت عيت ظروفي........ اللي مضى بالنفس عنف وقساوه=واليوم أخلي كل عوجا تطوفي...... وأضحك مع اللي لي يكن العداوه=وأن صفقوا صفقت له بالكفوفي....... نخاف من دقة خطات اللعاوه=رادي نصيب وناقرٍ له علوفي........ يزعل على اللي يسوق الأخاوه=وذلوا معطرة النمش والسيوفي........ والمرتفع قالوا مثل ذاك ساوه=وشربت غثاريب الغريف العيوفي........ عين الغضب تفتح عليك السماوه=وعين الرضا لوبك خطا ما تشوفي....... هداج مات وجات غيره أجباوه=والروس قامت تدرق بالكتوفي............الشاعر/سالم بن مهاوش الحربي .....اللي ماتنفع به صنيعه و لا لين=ان راح قله روحت مقيط ورشاه......والله لو انه مين و لا ولد مين=من لايعدّك ذيب عدِّه ولد شاه.........الشاعر/ شموخ السلاطين........الوقت يكشف لك الناس وشهي من تكون....اما من رجالها ولا من رخومها.....اللي معادنهم ذهب فالوازم يصملون ......مايلوي ذراع الشدايد غير زحولها ................الشاعر / عبدالرحمن سليم الصاعدي(البيرق)..... في ملتقـى حرب الحرايب بدينـا /حرب الدول ربعي وهم تاج راسي .......قوم جمعـت مابيـن دنيـا ودينـا /الله عطاهم لين جانب وباسـي .......جند السـلام وضربهم باليدينا /عند الملاقى للمعادين قاسـي .......مكرمين الضيـف سمن وسمينـا /وسبع الخلا عشوه يوم العماسي..............الشاعر / خالد بن ماطر الحربي ....كل ماصادم الراس القوي زدت قوّه=والردي لو يزيد الهرج مازاد غلّي .....والجبل كل مالديت وانا علوّه=مايباريني براس الجبل غير ظلّي .....ليه اعادي قليل الخاتمه والمروّه=لاتجملت فيه وصد خله يولّي .....ودك ان الرجل يختار حتى عدوه=قبل يختار خلان النشب والتسلي ' ...........الشاعر/سند مسند العريمه الحربي........ لا صار ماتبدع إبيوتٍ ثمينه= = ريح ضميرك واترك الناس ترتاح ياما سمعنا من قصايد عجينه= = والمشكله حازت جماهير وأمداح في عالمٍ تصفق يساره يمينه= =وكل القصايد عنده إسمان وصحاح ميزانهم صوتٍ تعالى رنينه = = تلقى جماهيره لها صفق وصياح خلوا تقاليد العرب والسكينه= =في ليلهم مسراح والصبح ممراح ويااللي على الشاطي تدف السفينه= =عود على الساحل ترى مانت سباح البحـــر يبـغـاله رجــالٍ رزيـنـه= = له غـبـةٍ تـجـذب جـمـادات وارواح وخلك على كشته قريب المدينه = = دلــه وبــرادٍ له البـــال يــرتــاح...........الشاعر / بخيتان البشري .......ماضاق خاطر من نودّه ونغليه = لو البحر من ضيقته ضاق به ماه ..... مودّنا غالي و ودّه نخليه = غالي ولو كل العمر مالقيناه .......والي تولى للمشاعر موليه = قلب المودّ اللي وداده تولاه .........طيبّ خواطرنا بكامل تحليه = بصدق الشعور اللي عليها صدقناه ........اللي بصوته همنا دوم يجّليه = وبصوتنا قلبه من الهم نجلاه.........الشاعر /سعد المحمدي .........دريت باللي دار خلف الكواليس=وحطيت نفسي كن ماني بداري=بعض الامور اقيسها بالزمن قيس =وبعض الامور اصير فيها انتحاري=ان جيت يطفي نور كل الفوانيس=وان غبت غني ياطيور الكناري............الشاعر/عيسى العوفي..........وجهة نظر ماقول انا قولي مصيّب=ابديت رائيي مثل للرائي من قال.....ان جيتني بالطيب آعاملك بالطيب=ردالجميل وشيمة ارجال للرجال.....وان جيت في علم الردى ماقربه عيب=تكرم بها مالي مع العيب مدخال.......طبعي وربعي محتمين المواجيب=حربي بدربي متبع النذل لاعال.......العز لو تشويك حر اللواهيب=موتي ولاقوتي ورى ايدين الانذال......العمربامرالله وماقدّره غيب=والراس تصعب رفعة الراس لامال......وسيرة ارجال الطيب منها المكاسيب=نوريدل اللي جهل يقدي الضال......اخذت من غيري ادروس وتجاريب=اسئل وآخذت العلم من رؤس عقّال................الشاعر ( سعد المحمدي )............يابو فهد برق المزون النوازي=حجاز وانت بعالية نجد وبال=بينك وبينه بعد دار وغرازي=سيله بحر ياراعي المعدن العال=ماله مصب بداركم ورتكازي =العلم مايجهلك في كل الاحوال=يكفيك عن مية قليب ارتوازي=نهر الفرات اللي من الجال للجال=ابن المباني فوق ساسن عزازي=وقت الشتاء تذري وبالقيض مقيال=يامحزمي لاصبح الدار غازي=دنياك تبغى للعقد رجل حلال=واللي بها بالحالتين انتهازي=لابد مايلقى بها شمس وظلال=عن الحجاز اسمع كلام الحجازي=كلام حطه يارفيقي على البال=من التجارب دوبلماسي جوازي=عليه ختم المعرفه تقل تمثال=ياعل ماقلته على ارضاك حازي=في وقت ماينصح معك كل من قال.........الشاعر(زيد بن مبشر الحصني الحربي) رحمه الله ............أقول وأقابل ولاني بسايل=دام الكلام عن الحقايق مباحي=عندي على صحت كلامي دلايل=اموحهن من جم عدٍ قراحي=شفت وسمعت وقلت والرأس طايل=باللي على الساحه ولا هو سياحي=الله يجمل حال راع ألأصايل=حازن على الجوده بكل النواحي=والله ماجامل براعي الاوايل=لو ضاق من قولي زميلي مناحي=وشاعر قبيلة حرب عند القبايل=لافي حمود وبس حسب إقتراحي=ومن قال أنا بقول ويش انت قايل=أنا افتخر بجود ذخيرة سلاحي=ماشلت هم ملقحت كل حايل=اللي على ماقيل خف وجناحي ................الشاعر (مقبول حامد المحمدي).........بحثـــــت في قول البخاري ومسعود=والترمذي وكتـــــاب مسلم وماجه=وحتى النسائــي ما ذكر طب موكود=للصرقعه والعلعله واللجاجه=يا صاحبي ياراعي البيض والسود=ترى الكلام الشين عيــــــــب وسماجه=انا أعرف المقصــود والغير مقصود=ولا أحـــب هرج الثرثره والهماجه=الرجل ماهــــــــو للتفاهـــات محدود=ولا كل كـــلمه تستحــــــق المواجه=من سبب الفتنه ماهــــــــو كاسباً فود=ماحصّل الا لكمــــــــــتن في حجاجـــــه=جاه الخبـــــر مكتـــوب في رأس عبرود=عن حاجته كانـــــه بعمــــــــق الزجاجه=صحيح قالو يقـــــــرد النـــــاس مقرود=ويخسر غـــشــيـماً مايميـــــز خراجه=بعض العرب مـن راســــه العقل مفقود=ينفخ ذروبــــه ويتلقــــا العجـــاجــــــه=لو تنصحــــه عن سكـــــة الغي مايعود=ويترك قراح الماء ويشرب هماجه=يالله ياللـــــــي عنــــــدك الخير موعود=تجعل لنا مـــــــــن كل هــــــم انفراجه=نغضي ونصفـــــــح لكن القلب ملهود=جرح الخطـــــــــا عجزت اواري خلاجه=ماني على كل الخطا سيـــــــف مجرود=ولا كل عـــــود اعـــــوج يعــدل عواجه=والشعر له مــنـــهـــــج وله سلم وبنود=ماهو كما ســــــــوق يلجلـــــج حراجه=شعري مع أهل العرف مسموع مشهود=ولاني على كيــــــــف الغشيم ومزاجه=امشي عزاز الدرب وأســـــــنـّـــد اسنود=وأدرى قدم رجلــــــــي عــن الانزلاجه=ارفا كلامــــي لايجـــــي فيــــه منقود=ولاهمني قول الحســـــــــــود ورواجه=اللي مقيمني وشاهــــــــد لي العــــود=شيخاً بصرح المجــــــد يضوي سراجه روائع شعريه

الشاعر/ بخيتان البشري ......ودعتنا والموادع صعب = رمى بنا فالفراق المُر..... لعب الحزن فالمشاعر لعب = ما مر مثله ولا بيمُر.......الشاعر/احمد المحمدي...... ‏‏‏‏للي سألني يجي ويروح /من انت يبغى خبر والم /حربي انا من بني مسروح/ وعيال عمي بني سالم........الشاعر / بخيتان البشري .....قلبي طلع من قلوب أصُم = اللي لهم قلب من قلبك..........كل ما النصائح عليه تعم = حول الهوى زاد في قربك ...............﮼الشاعر/قابل﮼البشري﮼(الجمل)......مايزعّل الحق لا قلته /إلا من قلوبهم مرضى.....ومن كلمة الحق زعلته / عساه يزعل ولا يرضى...........الشاعر ( راشد الزهراني ) المحيط ........سقيت روضك من دموعي = وطول الدهر مستعد اسقيه...... ولايلومني حي في ربوعي = لو كان دمعي نهر مجريه ..............الشاعر / نفاع محمد السهلي ابوفرح ..........تدري متى يلفض الرجال ....في دنيته اخر انفاسه /لاحده الوقت للانذال ....دمعت قهر نكست راسه.......................الشاعر / حفيد_الحجيري.......الشوق مهما قِدَم ما يبيد=مثل السماء والهواء والطير......كل عام وأنتي هلال العيد=الله يعُـوُدِك عليّ بِخَيْر...............الشاعر ( أحمد بدين القايدي ).......كسب الفتى طيب أفعاله / اللي بها ينتهج له درب = وانا كسبته من رجاله / وافخر لأني فتى من حرب .............الشاعر العذب /عبدالعزيز الزويهري ابو بتال .......وا صدمتي صدمة منكد =أعيد مسترجع اللي فات.........و أزيد أسأل أبتاكد= صحيح ماهر صديقي مات؟...............الشاعر/ حمدان دراج القايدي .... حلفت اني اصون العهد=اللي من سنين اعطيتك....رغم العنا والجفا والصد=ماقد فيه يوم جاريتك.................الشاعر / نفاع السهلي ابوفـــرح ........عندي أمل فيك يا.. بكـره = تمحي بقايا جروح .. الأمس ....وقلوب حبت ولا تكــره = تشرق لها من جديد الشمس.............الشاعر/أبن رهدون.......أيامنا اليوم لو تحسب =دنياك يالادمي ساعه.....والمؤمن اللي لها يكسب =يعيش باقي العمر طاعه........الشاعر/عبدالعزيز الزويهري ابو بتال...........غلاك عندي غلاة العين=ياللي من الشوق ناديتك =معاك وحده من الثنتين= ان كان ما جيتني جيتك...............الشاعر/ سلمان القريقري ابوعمر ( حرب )........حتى النجاحات تتحقق=من دونها شروط للتحقيق...قال المثل يد ماتصفّق =تبغى لها يد للتصفيق.......الشاعر / سالم البشري ......مابين قسمه وجمع وطرح=لاهناك قلبي ولاهنيّه........كيف اهتني من هذاك الفرح=وارتاح من كل مابيّه.........الشاعر/خليفة المزروعي...........إهيا كذا كنها سرقه/=/لدة نظر يوم طالع في.....لوكان من بندقه طلقه/=/اهون عليه تراهاشوي...........الشاعر/ عبدالعزيز الزويهري...........البُعد خلّف جفا و صدود= وعشنا في زمانه بدوّامه ..........مدري زمان الصفا بيعود = و الا ّ قضى و أقفت أيامه ؟...........الشاعر / شاكر القايدي ......يامن ينقذ جريح القلب ....اللي هموم الزمن جاته ..... كل مابغا يتجه مع درب... يلقى قطار السعد فاته.................الشاعر /صقر المقرح ..........يامن تخوض الهوى بعزوف= خليتني فاصعب الأوقات ....لا تكبّني والجروح نزوف= وتندم على الوقت لنّه فات.............الشاعر / عبدالعزيز رويشد ...... اعلم ترى خيرة الاصحاب=مثل الذهب نادر ومافي...من كل خمسين ضن تراب=اجرام واحد ذهب صافي.....الشاعر/عبدالعزيز الزويهري (ابو بتال).....من لا هوى زي محبويي==عايش غرامه على الفاضي ==انا على احساس مكتوبي==حسيت ربي علي راضي.....الشاعر / حمدان دراج القايدي.....عواطف القلب لك وحدك.... ياللي ملكت الحلى والزين.....مافي احد في البشر مثلك.....طيفك سكن داخلي بالعين........الشاعر /غافل الهم قلبي ....... مريت بيتك نهار العيد...لكن قفلت بيبانك....عارفك زعلان بالتأكيد...حرام ماتشوف جيرانك..........الشاعر / عاشق الاصاله .........لاغابت الشمس بانمسي=من دون مدعوج الأعياني......مع القمر يكتمل انسي=في تالي الليل لاجاني..........الشاعر / حرب - سلمان القريقري ....... واعيني اللي من اسبابه=زايد سهرها عن المألوف ..واخاف لن طول غيابه=تفقد نظرها معاد تشوف.......الشاعر / خليفة المزروعي ...........عزي وتاجي قبيلة حرب=يوم الهول مزبن الخايف ... يشهد لها شرقها والغرب=ويشهد لها المطلع النايف.........الشاعر / ابوفرح السهلي .....لك حق والناس بالمقياس = مثلك لها حقوق موثوقة ...ومن لايوفي حقوق الناس = لايطالب الناس بحقوقة...........الشاعر / عبدالعزيز الزويهري ابو بتال ....هواك أعمى عيون الشك=لولاه يمديني احرقتك /لكن بإيمان ودي لك=كذبت نفسي و صدقتك......... ..............تلميذ الكسرة / ..............ما تعلم ان الجمال يلمّ **** وحظي الردي قادني يمّه........ آنا اتجــرع مرار وسمّ **** وكنّـــه يكـــايد ولا همّـه..........الشاعر / ابومبارك اليوبي.......خـذ المـثـل ياعـريـب الـجـد=اصل الشجاعه صبر ساعه=لايـغـرك الـزيـن يــوم يـلــد=اصبر وخلـك علـى الطاعـه................الشاعر / بيان الصمت ....سلام من قلب تلعب به=زود الهواجيس وأحواله=والوقت ما فادني طبه=من ظلمة الدرب وأهواله........الشاعر /وليف الشوق.....كل مانصحناك تتركني = وتشوفني من الد اعداك...واليوم لاعاد تنشدني = فيماحصل من مآسي جاك..........الشاعر / سرورالبشري ......طا وعت قلبي وما شيته= حتى رماني فدرب التيّه...ولا تنفع المبتلي ليته= لو جاء يعود معاد مديه............الشاعر (خليفة المزروعي)......عمر العجل مايضوي خير=يامحـسـن الـرجـل متـأنـي=الثقـل صنعـه ولــه تدبـيـر=وراع العجـل دوم متجنـي............الشاعر/خالد بن عبيد بن معتوق الأحمدي....... زايد بحسنُه على جيلُه= وكاسِب رضايه رغم عِندُه=ومن يوم يطلبني آجيلُه=خمسة دقايق وأنا عِندُه......الشاعر(ابوفـــرح)....عنـدي أمـل فيـك يـا.. بـكـره=تمحي بقايا جروح .. الأمس=وقـلــوب حــبــت ولا تــكــره=تشرق لها من جديد الشمس........الشاعر (حامد بن غالي السليهبي)(حسيبك للزمن) رحمه الله .........ناديت قلت انتهى صبري = واغبر زماني طِواني طَيّ=والناس بالحال ماتدري = اظمأ وجنبي غدير المَيّ.............الشاعر / محمد بدين القايدي ( السينات ) ......أدلِّـــــلـُــه دائماً وارضيه=والبِّسُــه ثوبه المألوف...لكن بِطبعُه يفرِّط فيه=ويخلِّي مَنْ لا يشــوف يشـوف.............الشاعر بخيتان البشري / ليه المجرة كواكبها=احيان عكس المدار تدور .. بحور تغرِق مراكبها=وتخلف نمط سيرها فبحور.......الشاعر ( حمدان دراج القايدي)......هليت دمعي من أسبابك = وجرحي نزف داخلي مقواك ‏=محتار وشهو اللذي صابك =الجرح في داخلي ماشقاك...........الشاعر ( راشد الزهراني )......حتى جبال السراة تحن = ماهي كما قلبك القاسي = يامن بوصلك على تمن = ودايم تعكر صفا كاسي ..........الشاعر ( خليفة المزروعي ).......ابوك يبني عليك امال / حذراك لاتخيب اماله /حاسيك لامالت الأحوال / إنت الجبل يجلس إظلاله........الشاعر( عبدالعزيز الزويهري ابوبتال )...... راح الذي فارق أوطانه = و أفعاله فالطيب ما راحت = و الله من بعد فقدانه = عمدان صرح الأدب طاحت ........الشاعره (الكحيلة) ......أتعبني القلب بحساسه=ادراه ويدور التعذيب= بهم ن ضلوعي حطب فاسه = من يطلع النجم لين يغيب .......الشاعر (حرب ابوعمر) ......قلبي سألني .حصل ماذا = تشكي ولاادري سبب شكواك = قلت انتظر فالوفا هذا = لكن تفاجئت جاني ذاك.......الشاعر (غافل الهم قلبي) ... احترت والقلب شايل هم /سنين مخفي الم جرحــــي =البوح ممنوع يالفاهم / راح العمر وانتظر فرحي .......الشاعر (ولد الساحل).....سبحان من بالجمال اعطاه / تحفه وتصوير رباني = سلهم برمش كحل غطاه = يرمي سهام الهوى فيني...........الشاعر ( نعيم عابد السيد ).....يا نار الاشواق ما تطفين / ما يكفي القلب واتلفتيه = هذاك لو كان ما تدريـن / سيب غرامك وولع فيـه ...........الشاعر ( احمد عاقل الغانمي ).......ابشتكـى راعـي الـدكـان / من بعد ماجـاب لـه هنـدى = ماعاد يرفق علـى الجيـران / حتى سلـف قـال ماعنـدى ...........الشاعر ( أحمد بدين القايدي ).......كسب الفتى طيب أفعاله / اللي بها ينتهج له درب = وانا كسبته من رجاله / وافخر لأني فتى من حرب .....الشاعر (عايش الدميخى ).......ابني فصرح الوفاء مدماك = يبقى مسجل عليه اسمك = ان عشت بالطيبة طريـــاك = ولا مت يبقى الثناء قسمك روائع الكسرات

 


العودة   ملتقى قبيلة حرب الرسمي > ๑۩۩ الملتقيات العــــامة ۩۩๑ > مــلــتــقــى أخــــبــــار الــقــبــيــلــه

مــلــتــقــى أخــــبــــار الــقــبــيــلــه [كل مايتعلق بالقبيلة من أخبار وتهاني ومناسبات]

موضوع مغلق
 
أدوات الموضوع انواع عرض الموضوع
قديم 17-01-08, 08:41 PM   #41
إداري سابق

 










 

خالد الحصني غير متواجد حالياً

خالد الحصني is a name known to allخالد الحصني is a name known to allخالد الحصني is a name known to allخالد الحصني is a name known to allخالد الحصني is a name known to allخالد الحصني is a name known to allخالد الحصني is a name known to allخالد الحصني is a name known to allخالد الحصني is a name known to allخالد الحصني is a name known to allخالد الحصني is a name known to all

افتراضي

ارحب با الشاعر الصاعد والمميز على الساحه معتق العياضي

واشكر الشاعر الكبير شاعر حرب با المحاوره على الحصني

يسمحلي اخي الشاعر معتق في طرح الاساله


س1- من الذي ساعدك من شعراء حرب في الظهور او نقل اتاح لك الفرصه وشجعك؟


س2_ حدثنا عن علاقتك بشعراء حرب في المحاوره ومن منهم ترى انه مهضوم حقه اعلاميا ؟


س3_ ماهي خطة معتق العياضي حتى لا يهضم حقه اعلاميا؟



اشكرك جزيل الشكر




التوقيع :
يكفي هلا. يا مرحبا علهم في خير =مع الي علا قتنا بهم ضحكة مواجه
وهذي بها تامين شامل امام الغير =عساهم بخير ولا لحد عند احد حاجه
انا كل خوفي. من جهتنا يجي تقصير =ونضحك بسن ٍما عكس ضحكة حجاجه


خالد الحصني
   
قديم 18-01-08, 06:51 AM   #42
شـــــاعر
 
الصورة الرمزية حمود الجابري

 










 

حمود الجابري غير متواجد حالياً

حمود الجابري has a brilliant futureحمود الجابري has a brilliant futureحمود الجابري has a brilliant futureحمود الجابري has a brilliant futureحمود الجابري has a brilliant futureحمود الجابري has a brilliant futureحمود الجابري has a brilliant futureحمود الجابري has a brilliant futureحمود الجابري has a brilliant futureحمود الجابري has a brilliant futureحمود الجابري has a brilliant future

افتراضي

شاعرنا اكرر الترحيب فيك بين ربعك وفي محلك ..

وبيض الله وجهك شاعر ونفتخر فيك ومكسب اللقاء بك يابومنير مره اخرى بعد

الثريا..

س1:هل ميولك مقتصره على المحاوره فقط ام لديك قصائد نظم ؟اتمنى كتاباتها؟

س2:شاعر من شباب قبيلة حرب تتمنى بروزه؟

س3:هل صفوف المحاوره تأثر على الشاعر معنويا"؟

س4:هل مكاتب الشعر تلعب دور في أختيار شاعر دون أخر؟

وفالختام نتمنى لك التوفيق يابن العم




التوقيع :
   
قديم 18-01-08, 08:27 AM   #43
عــضــو

 










 

ضامية غير متواجد حالياً

ضامية is an unknown quantity at this point

افتراضي

الشاعر معتق العياضي الحربي

اهلا بك في ملتقى حرب

فانت فخر لقبيلة حرب .. ربي يحفظك ويرعاك

واتمنى لك التوفيق والنجاح




التوقيع :
   
قديم 19-01-08, 07:40 PM   #44
إنتقل إلى رحمة الله تعالى
 
الصورة الرمزية ابن خيرالله الردادي

 










 

ابن خيرالله الردادي غير متواجد حالياً

ابن خيرالله الردادي has a reputation beyond reputeابن خيرالله الردادي has a reputation beyond reputeابن خيرالله الردادي has a reputation beyond reputeابن خيرالله الردادي has a reputation beyond reputeابن خيرالله الردادي has a reputation beyond reputeابن خيرالله الردادي has a reputation beyond reputeابن خيرالله الردادي has a reputation beyond reputeابن خيرالله الردادي has a reputation beyond reputeابن خيرالله الردادي has a reputation beyond reputeابن خيرالله الردادي has a reputation beyond reputeابن خيرالله الردادي has a reputation beyond repute

افتراضي

الأخوه الكرام

نظراً لظروف الأمتحانات للطلاب

وما يتطلبه الوقت من استعداد للدروس

وصعب على البعض القاء الأسئله على شاعرنا القدير معتق العياضي

فقد قررت الأدارة تمديد فترة اللقاء لمدة اسبوع

لاتاحة الفرصه للجميع

هذا وللجميع تحياتنا وتقديرنا

ودمتم بخير




التوقيع :
   
قديم 28-01-08, 12:21 AM   #45
شـــــاعر

 










 

معتق العياضي غير متواجد حالياً

معتق العياضي is on a distinguished road

افتراضي

المشاركة الأصلية كتبت بواسطة القلم الحربي مشاهدة المشاركة
بداية نرحب بالشاعر /معتق العياضي
والشكر للشاعر القدير /علي الحصني
هناك مجموعة من الأسئلة ارجو الاجابة عليها بكل جرأه:
1-أين يجد نفسه الشاعر معتق العياضي....؟
2-من هم قدوته في شعر المحاوره؟
3-ماهو بيت الشعر الذي يردده دائما...؟
4-ماهي نظرته المستقبلية..؟وبماذا يطمح؟
5- هل يوجد لدى الشاعر أدوات أعلامية...؟
6-في أعتقادك ماهو اخطر شئ على الشاعر ..؟
7-الا يرى الشاعر معتق العياضي انه بحاجة الى زيارة اغلب مناطق المملكة كي يشارك ...ويتعرف عليه اغلب ابناء القبيلة..؟
8- لو وجهت دعوة للشاعر بحضور مناسبة والمشاركة بها... هل هناك مقابل مادي؟
9- يقال بان شعراءالمحاوره.. أكثر شئ يحتاجونه هو مخالطة الرواه...فهل لأهل القصص نصيب من أهتمامات الشاعر؟
10-ماهو ترتيب قبيلة حرب بين القبائل الأخرى حاليا ... بعد وفاة الشاعر الكبير صياف..؟
11-من الشاعر الذي يخشى مواجهته الشاعر معتق...؟
12- من هم الشعراء الذين يتوقع لهم مستقبلا .. من قبيلة حرب؟
13-ماهو الفرق بين الشعر الحاضر ... والشعر في الماضي؟..وهل للمال دور..؟
شكرا وعذرا على الاطالة وهناك العديد من الأسئلة ولكن نفتح المجال للأخرين ..
تقبلوا تحياتي


أين يجد نفسه الشاعر معتق العياضي....؟
أجد نفسي في شعر المحاورة والنظم .
2-من هم قدوته في شعر المحاوره؟
قدوتي هو كل علم من أعلام شعر المحاورة حيث أن لكل شخص أسلوبه ويجيده وفي مقدمتهم الشاعر العلم شاعر الخليج العربي صياف السحيمي رحمه الله .
3-ماهو بيت الشعر الذي يردده دائما...؟
عدة أبيات لفطاحلة الشعراء وعلى سبيل المثال لا للحصر :
النظم : سبيل الحصني
أحسب حساب الميل قدام أفعله = واليا فعلت الميل سمته سوم
والمحاورة :: صياف السحيمي
السحيمي يوم غنى حطكم في راس كمه = ثم خلاكم عجينة كن مافيكم عظامي

4-ماهي نظرته المستقبلية..؟وبماذا يطمح؟
نظرة التفاؤل تأسياً بقول المصطفى عليه الصلاة والسلام :: (( تفائلوا بالخير تجدوه ))
5- هل يوجد لدى الشاعر أدوات أعلامية...؟
لا يوجد أدوات إعلامية واللقاءات التي أجريت معي بالمجلات الشعرية هي إعجاب من محرري هذا المجلات .
6-في أعتقادك ماهو اخطر شئ على الشاعر ..؟
هو الاعتقاد بأن الوصول الى القمة أمر سهل .
7-الا يرى الشاعر معتق العياضي انه بحاجة الى زيارة اغلب مناطق المملكة كي يشارك ...ويتعرف عليه اغلب ابناء القبيلة..؟
لقد زرت أغلب مناطق المملكة وأحييت فيها حفلات وأعتقد أن جميع أبناء قبيلة حرب يعرفون معتق العياضي الآن .
8- لو وجهت دعوة للشاعر بحضور مناسبة والمشاركة بها... هل هناك مقابل مادي؟
إذا كانت المشاركة حفل عام لقبيلة حرب فأنا أتشرف بهذا الحضور بلا مقابل لأنه واجب علي 0
أما المحاورات التي خلاف ذلك فأعتقد أن العائد المادي حق من حقوق الشاعر
.
9- يقال بان شعراءالمحاوره.. أكثر شئ يحتاجونه هو مخالطة الرواه...فهل لأهل القصص نصيب من أهتمامات الشاعر؟
من فضل الله علي أن عشت في كنف جدي الشيخ : فيحان بن نفل العياضي الذي يتجاوز عمره الآن 96 عاما وهو شاعر وملم بموروث قبيلة حرب وقد أستفدت منه استفاده كبيرة .
10-ماهو ترتيب قبيلة حرب بين القبائل الأخرى حاليا ... بعد وفاة الشاعر الكبير
صياف..؟
لاشك أن قبيلة حرب فقدت أسطورة شعر المحاورة الشاعر صياف السحيمي
والعوض إن شاء الله في الشاعر الكبير راشد السحيمي .

11-من الشاعر الذي يخشى مواجهته الشاعر معتق...؟
حبيب العازمي
12 - من هم الشعراء الذين يتوقع لهم مستقبلا .. من قبيلة حرب؟
كل شعراء حرب بإذن الله سيكون لهم مستقبل باهر .
13-ماهو الفرق بين الشعر الحاضر ... والشعر في الماضي؟..وهل للمال دور..؟
الشعر بالحاضر هو الشعر بالماضي والدليل استمرار الشعرء المخضرمين على أسلوبهم وطريقتهم في شعر المحاورة أمثال : الزلامي - ابو مشعاب -مستور




التوقيع :
   
قديم 28-01-08, 12:39 AM   #46
شـــــاعر

 










 

معتق العياضي غير متواجد حالياً

معتق العياضي is on a distinguished road

افتراضي

المشاركة الأصلية كتبت بواسطة فارس الفرسان مشاهدة المشاركة
الشاعر علي الحصني
مشكور على المجهود الموفق انشا ءالله
الشاعر معتق العياضي
هلابك مليون مره
أطلق الشاعر راشد السحيمي عليك لقب 2007
كما اطلق على الشاعر علي الحصني زلامي حرب
واطلق على الشاعر فلاح بن صياف خليفت والد ه يعني خليفة صياف هو الشاعر فلاح بن
صياف
س1 ماهو تعليقك على هولاء اللقاب و ماهو مردودها المعنوي على الشعراء المذكورين
س2من الطبيعي ان الشخص الناجح يحارب وانت من الشعراء الناجحين هل حصلك
محاربه من الشعراء
س3الصيف الماضي لو حظ استمرار محاوراتك مع الشاعر عيد سمير البشري يعني كان بينكم ثنائي ولكن لم يطول 000
س4الشعراء بقبيلة حرب كثيرون ولكن المعروفين ثلاثه
وهم راشد السحيمي ولهاب الوسيدي وعلي الحصني هل وجودك بساحة المحاوره زاد
العدد اوحليت محل احدا الثلاثه
س5 يقو لك القرقاح يا العياضي لاتضايقنا تراء الما روث غالي
هذا البيت ماهو تصنيفه بيت باقي ابيات المحاوره
س6 اطلعت على موقعك الأكتروني ولم اجد محاورات لشعراء حرب الا القليل
مع ان المحاورات لبقيت الشعراء كثيره
[line]

أطلق الشاعر راشد السحيمي عليك لقب 2007
كما اطلق على الشاعر علي الحصني زلامي حرب
واطلق على الشاعر فلاح بن صياف خليفت والد ه يعني خليفة صياف هو الشاعر فلاح بن صياف
س1 ماهو تعليقك على هولاء اللقاب و ماهو مردودها المعنوي على الشعراء المذكورين
هذه الألقاب أتت من شاعر حرب الشاعر الكبير راشد السحيمي وعندما تأتي الألقاب من شاعر بحجم الشاعر الكبير راشد السحيمي لا شك أنها تعتبر أكبر دعم معنوي للشاعر .
س2من الطبيعي ان الشخص الناجح يحارب وانت من الشعراء الناجحين هل حصلك
محاربه من الشعراء

من فضل الله علي أنه لايوجد أي محاربه لي من أي شاعر لأننا بالأخير مكملين لبعض في ساحة شعر المحاورة .

س3الصيف الماضي لو حظ استمرار محاوراتك مع الشاعر عيد سمير البشري يعني كان بينكم ثنائي ولكن لم يطول 000؟
لم تكن محاوراتي مع الشاعر عيد سميرالبشري ثنائية بل جمعتنا صدفة أكثر من محاورة .
س4الشعراء بقبيلة حرب كثيرون ولكن المعروفين ثلاثه
وهم راشد السحيمي ولهاب الوسيدي وعلي الحصني هل وجودك بساحة المحاوره زاد العدد اوحليت محل احدا الثلاثه ؟
أنا والشاعر الكبير راشد السحيمي والشاعر لهاب الوسيدي والشاعر علي الحصني وبقية شعراء حرب كلنا مكملون لبعض في ساحة المحاورة .
س5 يقو لك القرقاح يا العياضي لاتضايقنا تراء الما روث غالي
هذا البيت ماهو تصنيفه بين باقي ابيات المحاوره ؟
هذا البيت مثله مثل باقي أبيات المحاورة .
س6 اطلعت على موقعك الأكتروني ولم اجد محاورات لشعراء حرب الا القليل
مع ان المحاورات لبقية الشعراء كثيره؟
في المستقبل القريب ستكون محاورات بيني وبين شعراء حرب في الموقع بإذن الله .




التوقيع :
   
قديم 28-01-08, 01:19 AM   #47
شـــــاعر

 










 

معتق العياضي غير متواجد حالياً

معتق العياضي is on a distinguished road

افتراضي

المشاركة الأصلية كتبت بواسطة علي هليل الحربي مشاهدة المشاركة
الأخ الشاعر/ معتق العياضي
هذه مجموعه من الأسئله
1ــ هل معتق العياضي يهتم بشعر النظم أو مقتصر فقط على المحاوره؟
2ــ إذا كانت الإجابه بنعم أتمنى كتابة أحد القصائد ؟
3ــ ما دور مكاتب الشعراء في بروز الشاعر؟
4ــ الإعلام عامل مهم جداً في بروز الشاعر؟ هل لدى الشاعر معتق إستراتيجيه
معينه لفرض نفسه على الإعلام ؟ أتمنى تحديد ذلك؟
5ــ للثقافه دور هام في مواكبة الشاعر للحدث ؟ ما نصيب الثقافه من وقت معتق
العياضي وما هي أدواتها لديه؟
6ــ للشاعر الحق بالتمسك برأيه في حال وجه إليه إنتقاد؟ هل معتق ممن يتقبلون النقد؟
7ــ ما رأيك بتجربة الشاعر / تركي 2000 في شاعر المليون؟
8ــ هل الماده أثرت على شعر المحاوره سلباً أو إيجاباً ؟ أرجو كتابة شرح تام لما يحدث
في الساحه؟
9ــ أذكر ثلاث محاورات كنت راضي عن نفسك فيها رضا تام ؟ اتمنى وضع ابيات
مقتطفه من كل محاوره؟
10ــ ماهي الحكمه التي ترددها دائماً؟
هذا ما لدي الآن وقد يكون لي عوده لإلقاء المزيد من الأسئله



ــ هل معتق العياضي يهتم بشعر النظم أو مقتصر فقط على المحاوره؟
إذا كانت الإجابه بنعم أتمنى كتابة أحد القصائد ؟
أهتم في شعر المحاورة وأميل الى شعر النظم ولكن اهتمامي به ليس مثل اهتمامي بشعر المحاورة لأنني بالأخير شاعر محاورة .
3ــ ما دور مكاتب الشعراء في بروز الشاعر؟
لاشك أن لها دور في بروز الشعراء ولكن هذا الدور لايمثل الا مايقارب 30% .
4ــ الإعلام عامل مهم جداً في بروز الشاعر؟ هل لدى الشاعر معتق إستراتيجيه
معينه لفرض نفسه على الإعلام ؟ أتمنى تحديد ذلك؟
لايوجد استراتيجية لذلك والإعلام هو من بحث عني .
5ــ للثقافه دور هام في مواكبة الشاعر للحدث ؟ ما نصيب الثقافه من وقت معتق
العياضي وما هي أدواتها لديه؟
لاشك أن الثقافة المكتسبة هي القاعدة التي يقف عليها الشاعر 0
وأدواتها :: هي الإطلاع على كل ماينمي الثقافة .

6ــ للشاعر الحق بالتمسك برأيه في حال وجه إليه إنتقاد؟ هل معتق ممن يتقبلون النقد؟
إذا كان النقد نقد هادف وبنّاء لاشك أنني أتقبله بكل رحابة صدر أما عكس ذلك فأعتقد أن لي الحق بتجنب أي نقد هادم مبني على الفراغ .
7ــ ما رأيك بتجربة الشاعر / تركي 2000 في شاعر المليون؟
الشاعر تركي الميزاني شاعر غني عن التعريف أما مشاركته في المليون لاتعليق لي على ذلك .
8ــ هل الماده أثرت على شعر المحاوره سلباً أو إيجاباً ؟ أرجو كتابة شرح تام لما يحدث في الساحه؟
ليس لها تأثير لاسلبي ولاأيجابي لأنه بالأخير المادة هي تكاليف الشاعر بالتنقل من مكان الى اخر .
9ــ أذكر ثلاث محاورات كنت راضي عن نفسك فيها رضا تام ؟ اتمنى وضع ابيات
مقتطفه من كل محاوره؟
زيد ....................
رحبو بالشاعر اللي من قبيله من غلاها =.كل ما حصلت شاعرهم تذكرت الزناتي
يالعياضي ما عاينت الذاهبه ما احد لقاها=فالسنين الفايتات وفالسنين المقبلاتي
معتق...................
الله يسلمك وانته دونها ولا وراها =. مير سر الليل والليله ترا ماشي مباتي
كل نجمه يالمطيري ثابته داخل سماها=. مير تال الوقت بس نقول يالله الثباتي
زيد........................
الذياب اللي تدور للعشى تطرح عشاها=مير خذ حذرك لي اوحيت الذياب العاوياتي
انت لا تضحك من الدنيا ليا دارت رحاها=خل تفكيرك على فهم الدراسه والصلاتي
معتق.....................
الذيابه يالمطيري ما يخوفنا عواها =مالها من عندنا غير السهوم الصايباتي
كل نفس يالمطيري عارفين مستواها = ما علي من العيال ولا علي من الخواتي
[line]
معتق................
يا سلام الله عليكم من هجوس عالميه =من هجوس عالمية كنها نقد الريالي
يا فلاح انته نشوفك معك دفعه معنوية=والعرب يا صاحبي قامو يسوقون الجمالي
فلاح القرقاح
مرحبا عند الرجال اهل الوفا واهل الحمية.=الدواسر فزعة المضهود لا ضاق المجالي
الحضيض اللي على دين الله وسنة نبية=لا درا باهل الجنوب ولا درا باهل الشمالي
معتق..............
البقى والسالفة بيني ومن بينك خفية=.ثم جاوب يا قحطاني كل ما جاك السوالي
نيتي وحدة ولكن انت لك عشرين نية=ياحسيب الله على ناس تعقد بالحبالي
فلاح القرقاح
يالعياضي جيت اعلمك الحروف الابجدية.=كيف تسألني وانا اجاوبك الا ياهم ملالي
انشد اللي راح واشداده على ظهر المطية=وعود ولا عود الا بالعمامة والعقالي
معتق...............
ما نبيلك علم يالقرقاح واعزومي قوية =ميزو هرجي وهرجه يا كريمين السبالي
البلاوي يا صحيبي باللجان الداخليه=ما نبي نكشف عن الموضوع لحضور الرجالي
فلاح القرقاح
من طرفنا ما يجي الطيب قصور ولا خطيه=يالعياضي لا تضايقنا ترا الموروث غالي
ليه ما خاويت اخوك اللي تدق اله التحيه=تقرب من النور واصحاب الفضيله والمعالي
معتق
لا تحاول ما انته بقادر على هضبة طميه=.مير انا للشعر والموروث معيه راس مالي
والله انا ما بلشنا بين ذي وبين ذيه=ابشر ان اخوي ما فكر بكم يا ابن الحلالي
فلاح القرقاح
طير يالحربي وغادر من حدود الجاذبيه.=جعلنا بكره نسميك القمر ولا الهلالي
والله انه داهيه بعض الليالي وانت زيه=مير شايبكم ما عقب لا بنات ولا عيالي
[line]
بخيت السناني..
ياسلامي على اللي يستحق السلام =يارجال على الميعاد جينالها
سامع لي علوم مخالفة للنظام= مير من يشرب الدله وفنجالها
معتق العياضي..
مرحبا بالرجال الطيبين الحشام = والمعابيد تكرم من تعنالها
عارفين الحلال وعارفين الحرام = والمقاريد فال الله ولا فالها
بخيت السناني..
هالسنة سامع لي عنك بعض الكلام=لكن بعض العرب مختلفه اقوالها
كان من حرب مثلك يحملون الوسام = ليت حرب المدينة تكثر عيالها
معتق العياضي..
نظرتي فوق والاقوال في كل عام = ماعلينا من العالم وعذالها
حرب فيهم من رجال الوفاء والمقام =ياعسى اللي سواتك تكثر اشكالها
بخيت السناني..
هات صك البرءاه نبطل الاتهام =والله اللي يجاز الناس باعمالها
شفت راشد موقعلك براس الابهام = واعتبرها شهاده ماشي حالها
معتق العياضي..
انت شكلك مطول ياولد بالمنام= مايعرف الفرس ياغير خيالها
الشهاده تراها تعتبر لي وسام = ليت بعض الاوادم تسكت اشوالها
بخيت السناني..
اترك العلم وارقد فوق ريش النعام= سالفتنا ليا هالحين يبقالها
احرموك الجزور اللي عليها السنام = والعوض قيد ريمه مدري عقالها
معتق العياضي..
ريشة الصقر ماتشبه لريش الحمام =ماعلينا يالو يطول موالها
قسمنا مانقص به لو كيلو جرام =يوم بعض الاوادم هس مكيالها
10ــ ماهي الحكمه التي ترددها دائماً؟
قول الرسول عليه الصلاة والسلام : (( تفائلوا بالخير تجدوه ))




التوقيع :
   
قديم 28-01-08, 01:28 AM   #48
شـــــاعر

 










 

معتق العياضي غير متواجد حالياً

معتق العياضي is on a distinguished road

افتراضي

المشاركة الأصلية كتبت بواسطة خالد الحصني مشاهدة المشاركة
ارحب با الشاعر الصاعد والمميز على الساحه معتق العياضي
واشكر الشاعر الكبير شاعر حرب با المحاوره على الحصني
يسمحلي اخي الشاعر معتق في طرح الاساله
س1- من الذي ساعدك من شعراء حرب في الظهور او نقل اتاح لك الفرصه وشجعك؟
س2_ حدثنا عن علاقتك بشعراء حرب في المحاوره ومن منهم ترى انه مهضوم حقه اعلاميا ؟
س3_ ماهي خطة معتق العياضي حتى لا يهضم حقه اعلاميا؟
اشكرك جزيل الشكر

س1- من الذي ساعدك من شعراء حرب في الظهور او نقل اتاح لك الفرصه وشجعك؟
الشاعر الكبير راشد السحيمي
س2_ حدثنا عن علاقتك بشعراء حرب في المحاوره
علاقتي فيهم علاقه طيبة ولله الحمد
س3_ ماهي خطة معتق العياضي حتى لا يهضم حقه اعلاميا؟
أجبت عنه سابقاً




التوقيع :
   
قديم 28-01-08, 01:33 AM   #49
شـــــاعر

 










 

معتق العياضي غير متواجد حالياً

معتق العياضي is on a distinguished road

افتراضي

المشاركة الأصلية كتبت بواسطة حمود الجابري مشاهدة المشاركة
شاعرنا اكرر الترحيب فيك بين ربعك وفي محلك ..
وبيض الله وجهك شاعر ونفتخر فيك ومكسب اللقاء بك يابومنير مره اخرى بعد
الثريا..
س1:هل ميولك مقتصره على المحاوره فقط ام لديك قصائد نظم ؟اتمنى كتاباتها؟
س2:شاعر من شباب قبيلة حرب تتمنى بروزه؟
س3:هل صفوف المحاوره تأثر على الشاعر معنويا"؟
س4:هل مكاتب الشعر تلعب دور في أختيار شاعر دون أخر؟
وفالختام نتمنى لك التوفيق يابن العم

س1:هل ميولك مقتصره على المحاوره فقط ام لديك قصائد نظم ؟اتمنى كتاباتها؟
أجبت عنه سابقاً .
س2:شاعر من شباب قبيلة حرب تتمنى بروزه؟
لا أحدد شاعر بعينه بل اتمنى التوفيق للجميع .
س3:هل صفوف المحاوره تأثر على الشاعر معنويا"؟
نعم إذا كانت قوية تعتبر دافع معنوي والعكس صحيح
س4:هل مكاتب الشعر تلعب دور في أختيار شاعر دون أخر؟
يحدث أحياناً ذلك .




التوقيع :
   
قديم 28-01-08, 01:36 AM   #50
شـــــاعر

 










 

معتق العياضي غير متواجد حالياً

معتق العياضي is on a distinguished road

افتراضي

وفي الختام
أتقدم بالشكر الجزيل للأخ العزيز الشاعر : علي الحصني على هذه الدعوة لهذا اللقاء .
والشكر موصول لإدارة لموقع ولجميع أعضاء هذا الصرح الشامخ .
أخوكم
الشاعر : معتق بن منير العياضي




التوقيع :
   
موضوع مغلق

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

IP



الساعة الآن 04:40 PM


Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
Ads Management Version 3.0.1 by Saeed Al-Atwi
ترنكات لخدمات الويب