القصايد قلتها بامراء حرب مستنجد بهم لعتاق رقبت اخى

بسم الله الرحمن الرحيم
هذى القصائد قيلة فى امراء حرب لإعتاق رقبة اخى وقيلة القصائد فى الامير حجاب بن نحيت
والامير / نايف بن راجح امير ابدارين من بني عمر من حــرب .. والامير محمد بن دبيان امير مخلف من حرب.

فى الامير : حجاب بن عبدالله بن نحيت

دوليب الزمن دارت وفرت هاجس الامثال =وكتبت الشعر من غيض الزمان ومن مقاسيمه
يقولون القصيد انواع ووجيه الرجال اشكال =من مناهج طيبين العرف تعليمه
صناديد الرجال اللى لهم بالعاليه منزال =اساميهم كتاب المجد تكتب فى مقاديمه
تذكرت وطرولى طيبين الذكر والافعال =هل الحيزا منجيت الدخيل اللى لهم قيمه
مناقيع الصخا واهل الوفا فى كل وقت وحال =معازيب الكرم فى مجلسن تكثر معازيمه
بعد ماضقت مالى غير فزعت جاههم مدخال =منجيت الدخيل ليا زبنهم يشتكى ضيمه
حجاب بن نحيت مورد الهيب عريب الخال =اعرف ان لك جاهن بالمواجه يجلى الغيمه
زبنتك يوم حملى زاد عن حده وثقل ومال =وابى فزعتك يا حرن بعيداتن مصاريمه
ملازيم الرجال الزمتنى والزمن ختال =وابى فزعت شجاعن مايتخلى عن ملازيمه
مجاذب روس فرسانن تطول العز ما تنطال =شيوخن مجدهم ماهمش التاريخ تكريمه
اهل صم الرمك يوم المعارك ضوها شعال =ليا لحقو جلال الذود ما يرضون تقسيمه
زمان الوضح والسيف الشطير وسطوت العيال =يفكون الجهام وخصومهم توخذ مجاهيمه
وليا احضروا لصعبات الامور يحلها حلال =اهل جاه ووجاه وهيبتن تعرف واهل شيمه
فرح عين الصديق وفى صبا عين العدو اخلال =اهل فتوى الوفا والجاه تحليله وتحريمه
خذوا مركا الاماره فعل ماخذوها مثل من قال =بخاشيش وصناديق اقتراع وقصر وخويمه
خذوها بالسطا والسيف مقدم جمع صال وجال =حما سيفه مضارب حرب حتى تم ترسيمه
وانا يا بن نحيت بظل وجهك عن سموم الال =يافكاك النشب يامنجى المضيوم من ضيمه
اقوله بعد ضيعت الخروج بحجت المدخال =وسلمتك ملف الامر تاخيره وتقديمه
عسى عمرك يطول بطاعت الله واطيب الاعمال =وعسى باب الفرج والخير دايم فى مقاديمه
ويفرج كرب نفسك فى نهار الحشر والاهوال =والك رد الثنا والطيب والمعروف والشيمه

فى الشيخ نايف ابن راجح :

يابن راجح لاهل الطيب موقف ومعروف =وانت عشاق المعاريف ياكسابها
من زبنك امن بفزعتك لو دنياه خوف =فيك امان من اليالى وكشرت نابها
ياجمل صعب المهمات فى دحم الدفوف =مال عسرات المواضيع غير اصحابها
صامل الفزعات ريف الهجافا والضيوف =مايضام برفت الغز من يالجابها
عيلمن للطيب يجلى العطش عن كل جوف =اليا جدبت كل العدود وضما شرابها
جاه وجهك يجلى الهم فى عسر الظروف =نايف القالات دايم يفك انشابها
من مجاذب عالى الوكر وعلو الصفوف =هامتك من روس اعز العرب وانسابها
حرب خطلان الايادى معطرات السيوف =يوم عصر الجاهليه وطعن وحرابها
من مدفنت الركب من بعيدين الشفوف =لابنت مايستوى مدح شعر الابها
خوفت هيباتهم كل حوافن يحوف =وممن تمنا كسب ذيدانهم ماجبها
فعلهم عنوانه السيف بارقاب الصفوف =وان غزو للابل صفو قدح حلابها
وانت من راسن بالامثال والكيف معروف =اسم ابوك اول حروف الشرف بكتابها
ماجهل بسم العواريف رجالن عروف =دلتن مابهرت له هبا صبابها
طالعن راسك على العز بوساع الرفوف =فى بيوتن شرعت للضيوف ابوابها
شامخن شيخ البدارين باسمه ومعروف =شيخ شمل الطيب والمرجله واصحابها
القصايد ماتوفى مديحك بالحروف =سيرتك بالطيب ينشف قلم كتابها
زابنك يامدخل الخايفين بهم خوف =وللمخافه فى قلوب الرجال اسبابها
عاسفتنى غبر الايام واصبحت معسوف =وانت جابر عثرت النفس مما صابها
جاه وجهك ياذرا الجار عن لفح الصدوف =ياحجانا بالمصيبه بعد طحنابها
المصيبه وقعت مثل ما عينك تشوف =ولالنا الا وجه دقن الشرف واشنابها
الجهاله والخطا ثورت بندق زهوف =غلطتن كبرا بركنا وقرينابها
ناديمن اكبر ندم بس ما بنفع حسوف =غلطتن ما تنترجع ويمدينابها
وطالبين الصفح والعفو بقلوبن تروف =مدخلك نفسى بخالقك من طلابها
مثمرن فى تسعت ارقاب جاهك ومخلوف =تسع روس بسد وجهك عتاق ارقابها
يامعتق جرد الارقاب من حد السيوف =مالنا الا الله وفزعتك تعتقنابها
واليا ظهرت كتب العمل يوم تفتيش الزروف =يعتق الله كرب نفسك نهار حسابها
اسال الله فى دعاء كل حجاجن يطوف =يرحم الموتا بحسنات عفو اقرابها
القصيدة من هجوسى تناقلها الالوف =تحمل اسمك يابن راجح وانا كتابها
بسم عشاق المعاريف نايف ومعروف =والمهمه ما تسند لغير اصحابها

في الامير محمد ابن دبيان ابن غادن رئيس مركز النحيتيه و أمير مخلف .

يابو فهد جيتك وانا ضايق البال =ضاقت على فجوج نجد الوسيعه
يامزبن الدخيل ياذرب الافعال =يالى صعبات المواقف تطيعه
ياذخر غادن لصفق جالن بجال =واضلم سوالد الليل من دون ريعه
طقيت صدرك جعل تفداك الانذال =وبشرت ام المنسجن فى رضيعه
اكبر همومى بعد ما جيتك نزال =والعلم منك اليوم ولا تبيعه
يامير يالى ضلك بعد الله اضلال =لشتد عصوف الرياح السريعه
وبانت مواقف كل بين وختال =تبين يا سيفن ينومس لميعه
ماهى غريبه منك يا طيب الخال =مناسبك ياطير شلوى رفيعه
لقلت طلت وغيرك لاقال ماطال =طيبك وراثه ما خذيته بديعه
مستارثه منروس فريس وابطال =اهل المهار المكرمات الصنيعه
ياامير تكفى والمواقف لها رجال =انا دخيلك برجال والقطيعه
الجاة مفتاح الفرج عند القفال =والعذر صابون الكبود والجيعه
امر جرا ماله بالجواد مدخال =بديته غلطه وصارت فجيعه
والعذر منك ومن كريمين الاسبال =ونها بكبدى مثل شوك النقيعه

صح لسانك يالعاااااازمي

و نعم بالشيوخ اللي ذكرتهم

و بشرنا عن اخوك عساه تم العفو عنه

صح لسانك اخوي عطاالله العازمى

ونعم بالشيوخ حرب

سلمت يمناك على الجزله


لاهنت

صح لسانك يالعازمي
و نعم بالشيوخ اللي ذكرتهم

نسال الله ان يفرج همك ويعتق رقبت اخوك

صح لسانك

كلماتك غايه في الروعه

أحييك على هذا البوح المتميز

دمت ودام شعرك وبوحك

صح لسانك مليون والله يفرج هم اخوك يارب
والله يـعـطـيـك الـعـافيـــــــــــة
بيض الله وجهك

	صح الله لسانك ولاهنت وسلم فكرك وبنانك والله يفرج هم اخوك يارب دمت برعاية الله وحفظة

الله يفرج همك اخوي

ون شالله يقومون قوه تبيض الوجه معك ومع حرب له يفرج همك

ال

الله يفرج همك اخوي

و
صح لسانك وسلم بنانك



رائعه بروعة حضورك



لك تقديري