عدد الضغطات : 0
الشاعر عبدالله بن زويبن المعمري الحربي.رحمه الله...سمعت لي كلمة مدري وش اقصاها=حزت بنفسي وأنا مانيب هارجها.....لوكل كلمة إلى جتنا طردناها=بعنا الثمينة بسعر مايخارجها......لو مرت السمع ماكنا سمعناها=ونقفل الراس عنها لا يبرمجها......ومن يم هذا لهذا مانقلناها=والناس واجد وتلقى من يروجها.....من جابها بين خلق الله وداها=لو به مراجل ترى نفسه يسمجها..........الشاعر// محمد بن شبيب الحداري رحمه الله ...........لا والله الا راح دور البداوه=ودور الركاب اللي عليها الشنوفي........ ومجالسٍ فيها لهلها طراوه=عنها الشوايب والهزيل محذوفــــي...... وراح الزمان اللي لعيشه حلاوه=واللي على الغارب رجع للردوفي.......... قالوا تسير قلت مامن فضاوه=قالوا علامك قلت عيت ظروفي........ اللي مضى بالنفس عنف وقساوه=واليوم أخلي كل عوجا تطوفي...... وأضحك مع اللي لي يكن العداوه=وأن صفقوا صفقت له بالكفوفي....... نخاف من دقة خطات اللعاوه=رادي نصيب وناقرٍ له علوفي........ يزعل على اللي يسوق الأخاوه=وذلوا معطرة النمش والسيوفي........ والمرتفع قالوا مثل ذاك ساوه=وشربت غثاريب الغريف العيوفي........ عين الغضب تفتح عليك السماوه=وعين الرضا لوبك خطا ما تشوفي....... هداج مات وجات غيره أجباوه=والروس قامت تدرق بالكتوفي............الشاعر/سالم بن مهاوش الحربي .....اللي ماتنفع به صنيعه و لا لين=ان راح قله روحت مقيط ورشاه......والله لو انه مين و لا ولد مين=من لايعدّك ذيب عدِّه ولد شاه.........الشاعر/ شموخ السلاطين........الوقت يكشف لك الناس وشهي من تكون....اما من رجالها ولا من رخومها.....اللي معادنهم ذهب فالوازم يصملون ......مايلوي ذراع الشدايد غير زحولها ................الشاعر / عبدالرحمن سليم الصاعدي(البيرق)..... في ملتقـى حرب الحرايب بدينـا /حرب الدول ربعي وهم تاج راسي .......قوم جمعـت مابيـن دنيـا ودينـا /الله عطاهم لين جانب وباسـي .......جند السـلام وضربهم باليدينا /عند الملاقى للمعادين قاسـي .......مكرمين الضيـف سمن وسمينـا /وسبع الخلا عشوه يوم العماسي..............الشاعر / خالد بن ماطر الحربي ....كل ماصادم الراس القوي زدت قوّه=والردي لو يزيد الهرج مازاد غلّي .....والجبل كل مالديت وانا علوّه=مايباريني براس الجبل غير ظلّي .....ليه اعادي قليل الخاتمه والمروّه=لاتجملت فيه وصد خله يولّي .....ودك ان الرجل يختار حتى عدوه=قبل يختار خلان النشب والتسلي ' ...........الشاعر/سند مسند العريمه الحربي........ لا صار ماتبدع إبيوتٍ ثمينه= = ريح ضميرك واترك الناس ترتاح ياما سمعنا من قصايد عجينه= = والمشكله حازت جماهير وأمداح في عالمٍ تصفق يساره يمينه= =وكل القصايد عنده إسمان وصحاح ميزانهم صوتٍ تعالى رنينه = = تلقى جماهيره لها صفق وصياح خلوا تقاليد العرب والسكينه= =في ليلهم مسراح والصبح ممراح ويااللي على الشاطي تدف السفينه= =عود على الساحل ترى مانت سباح البحـــر يبـغـاله رجــالٍ رزيـنـه= = له غـبـةٍ تـجـذب جـمـادات وارواح وخلك على كشته قريب المدينه = = دلــه وبــرادٍ له البـــال يــرتــاح...........الشاعر / بخيتان البشري .......ماضاق خاطر من نودّه ونغليه = لو البحر من ضيقته ضاق به ماه ..... مودّنا غالي و ودّه نخليه = غالي ولو كل العمر مالقيناه .......والي تولى للمشاعر موليه = قلب المودّ اللي وداده تولاه .........طيبّ خواطرنا بكامل تحليه = بصدق الشعور اللي عليها صدقناه ........اللي بصوته همنا دوم يجّليه = وبصوتنا قلبه من الهم نجلاه.........الشاعر /سعد المحمدي .........دريت باللي دار خلف الكواليس=وحطيت نفسي كن ماني بداري=بعض الامور اقيسها بالزمن قيس =وبعض الامور اصير فيها انتحاري=ان جيت يطفي نور كل الفوانيس=وان غبت غني ياطيور الكناري............الشاعر/عيسى العوفي..........وجهة نظر ماقول انا قولي مصيّب=ابديت رائيي مثل للرائي من قال.....ان جيتني بالطيب آعاملك بالطيب=ردالجميل وشيمة ارجال للرجال.....وان جيت في علم الردى ماقربه عيب=تكرم بها مالي مع العيب مدخال.......طبعي وربعي محتمين المواجيب=حربي بدربي متبع النذل لاعال.......العز لو تشويك حر اللواهيب=موتي ولاقوتي ورى ايدين الانذال......العمربامرالله وماقدّره غيب=والراس تصعب رفعة الراس لامال......وسيرة ارجال الطيب منها المكاسيب=نوريدل اللي جهل يقدي الضال......اخذت من غيري ادروس وتجاريب=اسئل وآخذت العلم من رؤس عقّال................الشاعر ( سعد المحمدي )............يابو فهد برق المزون النوازي=حجاز وانت بعالية نجد وبال=بينك وبينه بعد دار وغرازي=سيله بحر ياراعي المعدن العال=ماله مصب بداركم ورتكازي =العلم مايجهلك في كل الاحوال=يكفيك عن مية قليب ارتوازي=نهر الفرات اللي من الجال للجال=ابن المباني فوق ساسن عزازي=وقت الشتاء تذري وبالقيض مقيال=يامحزمي لاصبح الدار غازي=دنياك تبغى للعقد رجل حلال=واللي بها بالحالتين انتهازي=لابد مايلقى بها شمس وظلال=عن الحجاز اسمع كلام الحجازي=كلام حطه يارفيقي على البال=من التجارب دوبلماسي جوازي=عليه ختم المعرفه تقل تمثال=ياعل ماقلته على ارضاك حازي=في وقت ماينصح معك كل من قال.........الشاعر(زيد بن مبشر الحصني الحربي) رحمه الله ............أقول وأقابل ولاني بسايل=دام الكلام عن الحقايق مباحي=عندي على صحت كلامي دلايل=اموحهن من جم عدٍ قراحي=شفت وسمعت وقلت والرأس طايل=باللي على الساحه ولا هو سياحي=الله يجمل حال راع ألأصايل=حازن على الجوده بكل النواحي=والله ماجامل براعي الاوايل=لو ضاق من قولي زميلي مناحي=وشاعر قبيلة حرب عند القبايل=لافي حمود وبس حسب إقتراحي=ومن قال أنا بقول ويش انت قايل=أنا افتخر بجود ذخيرة سلاحي=ماشلت هم ملقحت كل حايل=اللي على ماقيل خف وجناحي ................الشاعر (مقبول حامد المحمدي).........بحثـــــت في قول البخاري ومسعود=والترمذي وكتـــــاب مسلم وماجه=وحتى النسائــي ما ذكر طب موكود=للصرقعه والعلعله واللجاجه=يا صاحبي ياراعي البيض والسود=ترى الكلام الشين عيــــــــب وسماجه=انا أعرف المقصــود والغير مقصود=ولا أحـــب هرج الثرثره والهماجه=الرجل ماهــــــــو للتفاهـــات محدود=ولا كل كـــلمه تستحــــــق المواجه=من سبب الفتنه ماهــــــــو كاسباً فود=ماحصّل الا لكمــــــــــتن في حجاجـــــه=جاه الخبـــــر مكتـــوب في رأس عبرود=عن حاجته كانـــــه بعمــــــــق الزجاجه=صحيح قالو يقـــــــرد النـــــاس مقرود=ويخسر غـــشــيـماً مايميـــــز خراجه=بعض العرب مـن راســــه العقل مفقود=ينفخ ذروبــــه ويتلقــــا العجـــاجــــــه=لو تنصحــــه عن سكـــــة الغي مايعود=ويترك قراح الماء ويشرب هماجه=يالله ياللـــــــي عنــــــدك الخير موعود=تجعل لنا مـــــــــن كل هــــــم انفراجه=نغضي ونصفـــــــح لكن القلب ملهود=جرح الخطـــــــــا عجزت اواري خلاجه=ماني على كل الخطا سيـــــــف مجرود=ولا كل عـــــود اعـــــوج يعــدل عواجه=والشعر له مــنـــهـــــج وله سلم وبنود=ماهو كما ســــــــوق يلجلـــــج حراجه=شعري مع أهل العرف مسموع مشهود=ولاني على كيــــــــف الغشيم ومزاجه=امشي عزاز الدرب وأســـــــنـّـــد اسنود=وأدرى قدم رجلــــــــي عــن الانزلاجه=ارفا كلامــــي لايجـــــي فيــــه منقود=ولاهمني قول الحســـــــــــود ورواجه=اللي مقيمني وشاهــــــــد لي العــــود=شيخاً بصرح المجــــــد يضوي سراجه روائع شعريه

الشاعر/ بخيتان البشري ......ودعتنا والموادع صعب = رمى بنا فالفراق المُر..... لعب الحزن فالمشاعر لعب = ما مر مثله ولا بيمُر.......الشاعر/احمد المحمدي...... ‏‏‏‏للي سألني يجي ويروح /من انت يبغى خبر والم /حربي انا من بني مسروح/ وعيال عمي بني سالم........الشاعر / بخيتان البشري .....قلبي طلع من قلوب أصُم = اللي لهم قلب من قلبك..........كل ما النصائح عليه تعم = حول الهوى زاد في قربك ...............﮼الشاعر/قابل﮼البشري﮼(الجمل)......مايزعّل الحق لا قلته /إلا من قلوبهم مرضى.....ومن كلمة الحق زعلته / عساه يزعل ولا يرضى...........الشاعر ( راشد الزهراني ) المحيط ........سقيت روضك من دموعي = وطول الدهر مستعد اسقيه...... ولايلومني حي في ربوعي = لو كان دمعي نهر مجريه ..............الشاعر / نفاع محمد السهلي ابوفرح ..........تدري متى يلفض الرجال ....في دنيته اخر انفاسه /لاحده الوقت للانذال ....دمعت قهر نكست راسه.......................الشاعر / حفيد_الحجيري.......الشوق مهما قِدَم ما يبيد=مثل السماء والهواء والطير......كل عام وأنتي هلال العيد=الله يعُـوُدِك عليّ بِخَيْر...............الشاعر ( أحمد بدين القايدي ).......كسب الفتى طيب أفعاله / اللي بها ينتهج له درب = وانا كسبته من رجاله / وافخر لأني فتى من حرب .............الشاعر العذب /عبدالعزيز الزويهري ابو بتال .......وا صدمتي صدمة منكد =أعيد مسترجع اللي فات.........و أزيد أسأل أبتاكد= صحيح ماهر صديقي مات؟...............الشاعر/ حمدان دراج القايدي .... حلفت اني اصون العهد=اللي من سنين اعطيتك....رغم العنا والجفا والصد=ماقد فيه يوم جاريتك.................الشاعر / نفاع السهلي ابوفـــرح ........عندي أمل فيك يا.. بكـره = تمحي بقايا جروح .. الأمس ....وقلوب حبت ولا تكــره = تشرق لها من جديد الشمس.............الشاعر/أبن رهدون.......أيامنا اليوم لو تحسب =دنياك يالادمي ساعه.....والمؤمن اللي لها يكسب =يعيش باقي العمر طاعه........الشاعر/عبدالعزيز الزويهري ابو بتال...........غلاك عندي غلاة العين=ياللي من الشوق ناديتك =معاك وحده من الثنتين= ان كان ما جيتني جيتك...............الشاعر/ سلمان القريقري ابوعمر ( حرب )........حتى النجاحات تتحقق=من دونها شروط للتحقيق...قال المثل يد ماتصفّق =تبغى لها يد للتصفيق.......الشاعر / سالم البشري ......مابين قسمه وجمع وطرح=لاهناك قلبي ولاهنيّه........كيف اهتني من هذاك الفرح=وارتاح من كل مابيّه.........الشاعر/خليفة المزروعي...........إهيا كذا كنها سرقه/=/لدة نظر يوم طالع في.....لوكان من بندقه طلقه/=/اهون عليه تراهاشوي...........الشاعر/ عبدالعزيز الزويهري...........البُعد خلّف جفا و صدود= وعشنا في زمانه بدوّامه ..........مدري زمان الصفا بيعود = و الا ّ قضى و أقفت أيامه ؟...........الشاعر / شاكر القايدي ......يامن ينقذ جريح القلب ....اللي هموم الزمن جاته ..... كل مابغا يتجه مع درب... يلقى قطار السعد فاته.................الشاعر /صقر المقرح ..........يامن تخوض الهوى بعزوف= خليتني فاصعب الأوقات ....لا تكبّني والجروح نزوف= وتندم على الوقت لنّه فات.............الشاعر / عبدالعزيز رويشد ...... اعلم ترى خيرة الاصحاب=مثل الذهب نادر ومافي...من كل خمسين ضن تراب=اجرام واحد ذهب صافي.....الشاعر/عبدالعزيز الزويهري (ابو بتال).....من لا هوى زي محبويي==عايش غرامه على الفاضي ==انا على احساس مكتوبي==حسيت ربي علي راضي.....الشاعر / حمدان دراج القايدي.....عواطف القلب لك وحدك.... ياللي ملكت الحلى والزين.....مافي احد في البشر مثلك.....طيفك سكن داخلي بالعين........الشاعر /غافل الهم قلبي ....... مريت بيتك نهار العيد...لكن قفلت بيبانك....عارفك زعلان بالتأكيد...حرام ماتشوف جيرانك..........الشاعر / عاشق الاصاله .........لاغابت الشمس بانمسي=من دون مدعوج الأعياني......مع القمر يكتمل انسي=في تالي الليل لاجاني..........الشاعر / حرب - سلمان القريقري ....... واعيني اللي من اسبابه=زايد سهرها عن المألوف ..واخاف لن طول غيابه=تفقد نظرها معاد تشوف.......الشاعر / خليفة المزروعي ...........عزي وتاجي قبيلة حرب=يوم الهول مزبن الخايف ... يشهد لها شرقها والغرب=ويشهد لها المطلع النايف.........الشاعر / ابوفرح السهلي .....لك حق والناس بالمقياس = مثلك لها حقوق موثوقة ...ومن لايوفي حقوق الناس = لايطالب الناس بحقوقة...........الشاعر / عبدالعزيز الزويهري ابو بتال ....هواك أعمى عيون الشك=لولاه يمديني احرقتك /لكن بإيمان ودي لك=كذبت نفسي و صدقتك......... ..............تلميذ الكسرة / ..............ما تعلم ان الجمال يلمّ **** وحظي الردي قادني يمّه........ آنا اتجــرع مرار وسمّ **** وكنّـــه يكـــايد ولا همّـه..........الشاعر / ابومبارك اليوبي.......خـذ المـثـل ياعـريـب الـجـد=اصل الشجاعه صبر ساعه=لايـغـرك الـزيـن يــوم يـلــد=اصبر وخلـك علـى الطاعـه................الشاعر / بيان الصمت ....سلام من قلب تلعب به=زود الهواجيس وأحواله=والوقت ما فادني طبه=من ظلمة الدرب وأهواله........الشاعر /وليف الشوق.....كل مانصحناك تتركني = وتشوفني من الد اعداك...واليوم لاعاد تنشدني = فيماحصل من مآسي جاك..........الشاعر / سرورالبشري ......طا وعت قلبي وما شيته= حتى رماني فدرب التيّه...ولا تنفع المبتلي ليته= لو جاء يعود معاد مديه............الشاعر (خليفة المزروعي)......عمر العجل مايضوي خير=يامحـسـن الـرجـل متـأنـي=الثقـل صنعـه ولــه تدبـيـر=وراع العجـل دوم متجنـي............الشاعر/خالد بن عبيد بن معتوق الأحمدي....... زايد بحسنُه على جيلُه= وكاسِب رضايه رغم عِندُه=ومن يوم يطلبني آجيلُه=خمسة دقايق وأنا عِندُه......الشاعر(ابوفـــرح)....عنـدي أمـل فيـك يـا.. بـكـره=تمحي بقايا جروح .. الأمس=وقـلــوب حــبــت ولا تــكــره=تشرق لها من جديد الشمس........الشاعر (حامد بن غالي السليهبي)(حسيبك للزمن) رحمه الله .........ناديت قلت انتهى صبري = واغبر زماني طِواني طَيّ=والناس بالحال ماتدري = اظمأ وجنبي غدير المَيّ.............الشاعر / محمد بدين القايدي ( السينات ) ......أدلِّـــــلـُــه دائماً وارضيه=والبِّسُــه ثوبه المألوف...لكن بِطبعُه يفرِّط فيه=ويخلِّي مَنْ لا يشــوف يشـوف.............الشاعر بخيتان البشري / ليه المجرة كواكبها=احيان عكس المدار تدور .. بحور تغرِق مراكبها=وتخلف نمط سيرها فبحور.......الشاعر ( حمدان دراج القايدي)......هليت دمعي من أسبابك = وجرحي نزف داخلي مقواك ‏=محتار وشهو اللذي صابك =الجرح في داخلي ماشقاك...........الشاعر ( راشد الزهراني )......حتى جبال السراة تحن = ماهي كما قلبك القاسي = يامن بوصلك على تمن = ودايم تعكر صفا كاسي ..........الشاعر ( خليفة المزروعي ).......ابوك يبني عليك امال / حذراك لاتخيب اماله /حاسيك لامالت الأحوال / إنت الجبل يجلس إظلاله........الشاعر( عبدالعزيز الزويهري ابوبتال )...... راح الذي فارق أوطانه = و أفعاله فالطيب ما راحت = و الله من بعد فقدانه = عمدان صرح الأدب طاحت ........الشاعره (الكحيلة) ......أتعبني القلب بحساسه=ادراه ويدور التعذيب= بهم ن ضلوعي حطب فاسه = من يطلع النجم لين يغيب .......الشاعر (حرب ابوعمر) ......قلبي سألني .حصل ماذا = تشكي ولاادري سبب شكواك = قلت انتظر فالوفا هذا = لكن تفاجئت جاني ذاك.......الشاعر (غافل الهم قلبي) ... احترت والقلب شايل هم /سنين مخفي الم جرحــــي =البوح ممنوع يالفاهم / راح العمر وانتظر فرحي .......الشاعر (ولد الساحل).....سبحان من بالجمال اعطاه / تحفه وتصوير رباني = سلهم برمش كحل غطاه = يرمي سهام الهوى فيني...........الشاعر ( نعيم عابد السيد ).....يا نار الاشواق ما تطفين / ما يكفي القلب واتلفتيه = هذاك لو كان ما تدريـن / سيب غرامك وولع فيـه ...........الشاعر ( احمد عاقل الغانمي ).......ابشتكـى راعـي الـدكـان / من بعد ماجـاب لـه هنـدى = ماعاد يرفق علـى الجيـران / حتى سلـف قـال ماعنـدى ...........الشاعر ( أحمد بدين القايدي ).......كسب الفتى طيب أفعاله / اللي بها ينتهج له درب = وانا كسبته من رجاله / وافخر لأني فتى من حرب .....الشاعر (عايش الدميخى ).......ابني فصرح الوفاء مدماك = يبقى مسجل عليه اسمك = ان عشت بالطيبة طريـــاك = ولا مت يبقى الثناء قسمك روائع الكسرات

 


العودة   ملتقى قبيلة حرب الرسمي > ๑۩۩ الملتقيات الأدبية ۩۩๑ > مــلــتــقــى الــقــوافــي > مــلتــقــى دواوين شــعــراء الــقــوافــي

مــلتــقــى دواوين شــعــراء الــقــوافــي [ جميع الشعراء ]

إضافة رد
 
أدوات الموضوع إبحث في الموضوع انواع عرض الموضوع
قديم 31-07-09, 06:05 PM   #11
شـــــاعر

 










 

نافع الحربي غير متواجد حالياً

نافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond repute

افتراضي

بمناسبة صيفٍ مراسيله أجداد


هذه القصيدة



شاركت فيها في المسابقة الشعرية الذي أعلن عنها المنتدى الثقافي في مدينة الطائف حيث طرح المنتدى مسابقة شعرية في قصيدة تكلم عن مدينة الطائف وشاركت في هذه القصيدة من ضمن المشاركين في ذلك الوقت : والقصيدة قديمة




بمناسبة صيفٍ مراسيله أجداد = سجلت بالطايف بيوتٍ إجزالي
مدينة الطايف عليها المطر جاد = يبرق ويرعد في ثقيل الخيالي
عليه من نوّ المزابير رعاّد = غرٍ يحلبن القراح الزلالي
سيله تحدّر من قرى كل منقاد = من روس سود مشمرخات ألجبالي
يسقي ورودٍ كنها القطن لباّد = يطرق ذوايبها نسيم الشمالي
كم دوحةٍ تبدي ورى المتن من غاد = غصينها من عالي الفرع مالي
على غديرٍ فوقه المزن رجاّد = يرجد هماليل المطر باحتمالي
دارٍ جمال ورودها تقل سجاّد = تلبس على الفن البديع الجمالي
عذراء هوى وردت على القلب ميراد = تضحك بحلوات ألثمان ألجوالي
يامهرةٍ ما كل سايس لها قاد = تاطى على صم العظام ألجلالي
شقراء ثنية ما شكت قلّت الزاد = تنعم بلذاّت الترف والدلالي
سمعت يالطايف عن الشعر نشاّد = ورخصت مطروقٍ بعيد المنالي
لعيون ريحانٍ على باقته زاد = رمزٍ لشم النايفات العوالي
عساك يالطايف من العيد بأعياد = في قدرة المولى عزيز ألجلالي
تلعب بك الورقى على كل مياّد = بفروع دوحٍ غيّمن بالضلالي
دارٍ لها بالصيف مجلس وميعاد = كان أنت عن شيخ المصايف تسالي
فيها الهوا يجلى عن النفس الانكاد = جوٍ لطيف وغافل القلب سالي
وحدايقٍ بأطرافها الطير غِراّد = يقطف ورود مغانجة كل عالي
باد الجديد وموسم الصيف ما باد = تضربه الأمثال أول وتالي
كم جهزوا من نجد قطّاع الابعاد = عليه شالوا كل لازم يشالي
أطراز لند كروز للبيد جلاّد = يزمي بوسقه مرخصين ألريالي
يجذب هم الطايف جماعات وأفراد = لو ضيعوا قدرٍ من الوقت غالي
دارٍ هواها من جميلات الاوهاد = عبير ريحانٍ من المزن سالي
أنا شهد انه فوق مدن الوطن ساد = مثل الثريا في قران الهلالي
ماشفت مثله بين ريضان وبلاد = قبلي عمر يقول ما له مثالي
خضرة وغيم ومهرجانات وجواد = ومي ونسيم ومعسلٍ فوق حالي

نافع الحربي




التوقيع :
    رد مع اقتباس
قديم 03-08-09, 06:10 PM   #12
شـــــاعر

 










 

نافع الحربي غير متواجد حالياً

نافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond repute

افتراضي


مشيت من حجر اليمامة الحالي



هـذه ا لـقـصـيـد ه مـو جـّـهـا لـخـو ي
صـا لـح اللـه يـغـفـرلـه ويـر حـمـه
عـنـد مـا سمعت أنه مرضان وقمت في زيارته والقصيدة قديمة







مشيت من حجر اليمامة الحالي = يصلاني الهاجوس والبعد صليا
تلّيتها والشمس مثل الريالي = تفلي ثنايا طويق بالنور فليا
حـرّ كـتـهـا وسـتـدر جـــــت لـلـشـــمـــا لـــي = تاطي على سودٍ غرابيب مليا
قـسـمـت بـا لتـمـثـا ل شـطـر ا لـــهــلا لـــي = يمّت مغيب الشمس حثٍ عجليا
كـفـّـت اخـزا م ا يـمـيـن تـمـشـي عــــدا لـــي = تسبح على متن الطريـق العدليا
وذبّيـت خـشـم ا لـخـا تـلـه وا نــتــــحــــا لـــــي = الملتهب سمح القرار السهليا
وحـطـّيـت خـزّه بـا ا لـــيـمـيــن وبــــدا لــــي = محدودب العبلة نضيف العبليا
طـويـت مـجـزّ ل طـي رث ا لــحــبــا لــي = طي الحبال اللي من الشمس بليا
ا ركـبـتـهـا حبل الثوير ا لموالي = يوم ان جال الغاط بيّه نزليا
تـقـل ا عـتـلـقـهـا بـا ا لـمـسـيـر ا لــجـفــا لـــي = جفيل صيدٍ من مقيله جفليا
تـا طـى قـرا ر ا لـمـسـتـــوي بـا ا لـنـعـا لــي = حتى تعلّت من صعافيق العليا
كـفـّيـت بـريـده بـا ا لـيـمـيـن ا لـــشـــمــا لـــي = مازلت أحث السير غربٍ شمليا
مـن فـوق مـصـقـول ا لـحـد يـــد ا لـجـزا لـي = ربّان نوٍّ من خياله عزليا
قـا م ا يـتـقــشّـط مـثـل جــلــد ا لــخـيــا لــــي = كنه حصاةٍ حوّ لت من جبليا
مـلـفــاه ا بـو عــوا د مـنـصـى ا لــر جــا لــي = مودع مكاضيم المناعير سليا
عـســــاك سـا لـم يـا بـعـــــد كـل غــا لـــــــي = ياجاليٍ بيض المواجيب جليا
مـا تـشــوف شــر ومـنـزلـك كــل عــــا لــــي = مادامت الدنيا لهلها سهليا
يــفـــداك مـن يـشـرب قـــراح ا لـزلا لــــــــي = واللي نزل بالدار واللي رحليا
وتـفـدا ك مـن فـازت بـعـرش ا لـــجــمــا لــي = تكحل هدب نجلٍ حورهن كحليا
يـا مـن عـلـى طـول ا لـرياجيل طــا لــــي = ياكاسب الثنتين مابك بدليا
ا نـتـه كـمـا قـــفــرٍ مـن ا لــوســـم ســا لــــي = طرّف سماكه والملازيم مليا
يـلـعــب بـــــريّــان ا لـورق لـلــجـــمـــا لــــي = ويومي بهدبٍ يشربن الهلليا
فـي جــو غــيــم وقـــا رص ا لــبـرد زا لــــي = بمنفّالاتٍ ماعدا الصيد خليا
عـزا لـلـه ا نـك مـن خــيـــا ر ا لــعـــيــا لــي = من صفوة الاجواد قول وعـمليا
مـثــل ا لـقــمــر يـجــلـى ضـلام ا لـلـيـــا لــي = ومثل المطر يحيي هشيم المحليا
وا لـكـامـل ا لـلـه مـاا لـدّعـيـت ا لـــكـمـا لــي = الواحد اللي فوق خلقه كمليا

نافع الحربي




التوقيع :
    رد مع اقتباس
قديم 06-08-09, 07:52 PM   #13
شـــــاعر

 










 

نافع الحربي غير متواجد حالياً

نافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond repute

افتراضي

هلاهلا ماخط حبرٍ بقرطاس





هلاهلا ماخط حبرٍ بقرطاس = ومارف براّق الحيا في سحابه
بشعرٍ يسامرني على هجعة الناس = سلم وسلمني مفاتيح بابه
دق الضمير بمرهفاتٍ من الماس = يكتب على نبض المشاعر جوابه
ويلي على خلٍ خليلٍ على ساس = صاف الضمير اللي عزيزٍ جنابه
اقطع به الفرجة على كل نوماس = ليا من ردي العزم كشّر بنابه
ليا طال سجن اللي ورى سور الاقواس = وصار الفظا عندي دهاليز غابة
وقامت هواجيس الحشا تضرس أضراس = أضراس المحاور في محال اللهابة
دنّيت امعسوفٍ عليه الزمن داس = منقوش في صفحة جبينه عذابه
طقّيت فوقه لطمتي يمرس أمراس = أصم وأبكم ما نطق لي بجابة
يهوي أهواي مسندس الريش قرناس = حتى سواد الليل ولّت ركابه
والصبح أشم الورد مع كل نسناس = مع درب غيثٍ شق برقه ربابه
شيخٍ أتعزف له مزامير الاجراس = عليه من تاج الوقار المهابة
الذيب له وقفة ورمعة ومرماس = كم مرقبٍ صلف الذواري عوابه
له ماردٍ ما ياصله كل عساس = نبعٍ على ملسٍ عذيٍّ شرابه
والحر له في عالي الجو مجلاس = براس الطويل المعتلي من هضابه
بطراف قفرٍ خاليٍ ما به أوناس = يرفع منيفات الرواسي سرابه
كم من جريحٍ دم قلبه على الساس = يدفن بغابات الظماير صوابه
يضحك لو إن الحال يرعى بها اليأس = على الأمل وليأس تقطر حرابه
يخاف نمّامٍ مع الناس بلاّس = يرقب عيوبه راقب الله عيابه
كم مطلبٍ دونه بعيدات الارماس = يقتل مريض القلب في سم دابه
زودٍ مداه النقص يرجع للإفلاس = وقصرٍ بلا سكان يرجع خرابة
وحيٍّ وراه الموت قطاّع الأنفاس = أيحصد مشيبه ما زرع في شبابه

نافع الحربي




التوقيع :
    رد مع اقتباس
قديم 06-08-09, 07:59 PM   #14
شـــــاعر

 










 

نافع الحربي غير متواجد حالياً

نافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond repute

افتراضي

يا زين لا تعرقل طريق المسافر
[IMG]








الرمّانتين بالعتش






يا زين لا تعرقل طريق المسافر = عابر سبيل ولا له بداركم شف
يا بو عيونٍ يطعنن بالخناجر = من رمشهن سهم الهوا بالحشى رف
ارحم قتيل الناعسات السواحر = وزميّمٍ فوق الاشافي مشرّف
يا مهرةٍ من نقوة الخيل ضامر = غراء بمنقوش المكثّل تغريف
صما العظام المبهمة بالحوافر = في هيكلٍ عن مطلب الوزن ما خف
والردف طعسين اليتيمة تخازر = عقب السحاب اللي عليهن ترادف
يطون جديد اللبس طي الجباير = شوامخٍ بمعلّق الورك وقف
مربوعة القامة هضيم الخواصر = مصبوبة الجسم اللطيف المسرجف
كن النهود البارزات الظواهر = رماّنتين العتش والوبل ما كف
ومنقّضٍ كنه لهيب السعاير = عطر فرنسا في مثانيه ما جف
مثل الذهب دونه كونتر وتاجر = على حريرٍ باليدين يتعطّف
وسودٍ غواضي فيهن الكحل حاير = هدبٍ مذانبهن تدف الهوا دف
من حقها لو حيّرت كل ساير = براّقة الذرعان مدفونة الكف
كفٍ كما الصافي من القطن فاخر = عليه ترفات الاصابع مرعّف
مخضّباتٍ بالخواتم حواسر = يزهاهن الفن البديع المزخرف
بنت الرجال الطيبين الاكابر = عوارفٍ لا جاهم العلم ياقف
أهل الكرم والجود ماضي وحاضر = مجدٍ مثبّت بالأدلّة معرّف
مروين عطشانٍ به الدم خاثر = مصقول فولاذٍ يسف الحمر سف
من فوق دهمٍ باتعاتٍ صواطر = حجلٍ تحت ضل الاسنّة معسّف
الواردات الصادرات الكواسر = من طاح قدم نحورهن بالوغى هف



نافع الحربي




التوقيع :
    رد مع اقتباس
قديم 21-08-09, 04:54 PM   #15
شـــــاعر

 










 

نافع الحربي غير متواجد حالياً

نافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond repute

افتراضي

يوم ان كلن في قصيده ترنّم





هذه القصيدة ذكرت فيها ما ستطعت من بعض مفاخر قبيلة حرب
والمعذرة والسموحة من القصور حيث مفاخر قبيلة حرب تحتاج إلى مجلدات :






يوم ان كلن في قصيده ترنّم = والشعر سلّم للقناوات همه
بنيت مطروقٍ يسم العدى سم = سمٍ ذبح سم الافاعي بسمّه
لعيون حرب اللي عليها الثناء تم = حرب الحرايب منجزين المهمّة
قبيلةٍ لها من العصر الاقدم = مجدٍ تعلا الصدر لفروع قمة
أهل المهار اللي تخم الوطى خم = دهمٍ تراقل روسهن بالازمّه
يما عليهن فرّقوا جمعٍ ادهم = عقب الصطر صاروا فرايس مخمّة
شتاتهم ياخذ نهارين ملتم = لو تجتمع كل العرب ماتلمّه
من دون وضحٍ دعج واشعافها حم = سيلٍ تحدّر مع صحاصيح حمّة
ترعى بنا الحد البعيد الموسّم = تقطف زهر عشب الفياض المطمّة
حتى نبات الأرض فيها تصرٍم = تذرا به الأرياح في كل يمّة
ثم انثنينا لماردٍ صافي الجم = محدٍ ورد قدامنا عذب جمّه
البل ترازم والاصايل تراهم = والجو لاهوب السمايم يسمّه
لنا مع التاريخ عهدٍ مختّم = مجدٍ دواوين البطولة تظمة
خوينا من خنجر الموت يسلم = نموت ويرجع طيّب الفال لمّه
ودخيلنا عن من يريده محرّم = صعبٍ وصوله والمراوين يمّه
وان قيل ياهل الجود من يتكرّم = خلف يصوّت للمكارم بكمّه
والجار له حقٍّ علينا مقدّم = عهدٍ علينا جارنا مانذمّه
وبوي يوم الدم يطلب به الدم = سامح بدمه فدوةٍ لبن عمه
ومنا الامير محنّي السيف الارخم = من فوق غراء مابنحرها ترمّه
ومنا الشجاع معشّي الذيب الاسحم = عشرٍ مردّف باللقاء ما تهمّه
حنا هل الجمع العظيم العرمرم = موج المحيط اللي كما الليل يمه
لنا دليلٍ بالتواريخ يعلم = مشمرخٍ فوق المزن روس شمّه
شيباننا بالحق والعدل تحكم = وشبابنا ياخذ من العلم صمّه
وحنا فدى دون المليك المعظّم = نفدى وطنا وديننا بكل همّة
تم الجواب اللي على السبع يقسم = اسقيت جل الوقت دمّي ودمّه
سالم سليم امسلّم السلم الاسلم = سلمٍ على عهد المواثيق تمّه

نافع الحربي




التوقيع :
    رد مع اقتباس
قديم 21-08-09, 05:03 PM   #16
شـــــاعر

 










 

نافع الحربي غير متواجد حالياً

نافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond repute

افتراضي

هــل الحـفـر ربـعٍ طـويلـه اخـطـاهـــا



قصيدة بااهل الحفـر



هذه القصيده بمناسبة طلعتي انا وربعنا أهل الحفر العام أيام الربيع في شهر 2\1427هـ حيث طلعنا في وقت ربيع وامطار وستانسنا في هذه الرحلــــه




هــل الحـفـر ربـعٍ طـويلـه اخـطـاهـــا = كم طوّعـوا دارٍ حماهاوعرها
واللـيـل جـيـلان الـوعـيـره غـــطـاهــا = والشمس غابت والقمر في اثرها
فـي ليـلـةٍ يـصـــفـق عـلـيـنـا ذراهــــــا = سماكيةٍ غاب الشفق في قمرها
يـمـشـي بـنـا اللـي رحـلـتـه لانـواهـــــا = برمج معالم دربها وختصرها
الـقـافـلـه مـن خـط رفـحـــا قـــداهــــــا = على مغيب الشمس ثبّت سفرها
مـعـزّي مـواجـيـب الشـهـامـه حـواهــا = نفسه على دروب الفضيلة نذرها
وربعٍ عـسـى راع الـرديــة افـــداهــــا = قطاعة الفرجة وسيعٍ نظرها
الـربـعـة اللـي عـالـيٍ مـســتـــواهــــــا = نرفع على الشم المنيفة خبرها
ربـعٍ لـنـا مـن ظـاق صـدره نـصـاهـــا = يلقى الوناسة في طوارف أديرها
نـقـطـع بـهـم قـفـرٍ ذعـــرهـا خـلاهــــا = مهاملٍ قفرٍ خلاها ذعرها
نـبـي فـيـاضٍ تـطـرق الــريـح مــاهـــا = خظرٍ مثل دق البريسم زهرها
بـضـهـور عـسـراتٍ عـذيٍّ هــــواهــا = موانعٍ كن الشباري حجرها
صافـي عـلـى غـض المـنـابـت سماهـا = خالي وطنها من وسايم مطرها
تـلـحـق بـهـا نـفـس الـمـولـع هـــواهـــا = وتكحل بها العين البصيرة بصرها
يـمـــوت رقـاّد الـضـحـى مـاوطــاهـــــا = مذاق لذّة صيدها في شجرها
هـذا هـوا نــفـسي وهــــذا امـــنــهـــــا = لولا شحيح الوقت رجلي قصرها
شـم الهـواء بـرضٍ جــديــدٍ نــمــاهــــا = ريان من غر النواشي خظرها
يجــلاء هـواجـيــسٍ طــواني عـــنـاهـا = ترمي على النفس العزيزة كدرها
دارٍ بــلا ربـــعٍ قـــلـــيـلٍ حـــلاهـــــــا = لو جيب مرجان الذهب من بحرها
وربــعٍ عـلـى خـيـر الـصـداقـة لـقــاهـا = كن السنة فيهم ليالي شهرها
يـاشـاري الـدنـيـا وطـالـب ارضــاهـــا = كم عاهدت قومٍ وطاهم نحرها
يـكـفـيـك مـنـهـا الـعـافـيـة مـن بـلاهـــا = وسرايرٍ رب الخلايق سترها
نافع الحربي




التوقيع :
    رد مع اقتباس
قديم 21-08-09, 05:12 PM   #17
شـــــاعر

 










 

نافع الحربي غير متواجد حالياً

نافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond repute

افتراضي

قـم يانـديـبـي فـوق وســـــق الجديدي





هذه ألقصيده موجهـا للأخ سعـد صالح العـشـيش اطلب منه ايخاويني حيث
إنني قررت اطلع في رحله بـرّيـه وكان الوقت ربيع ومطر وعـيد :
ولا قصر أبو صالح طلعت أنا وياه وقضينا رحلة ممتعة جدا لازلت أتذكرها







قـم يانـديـبـي فـوق وســـــق الجديدي = عليه مهارات الصناعة جديدة
من وارد اليـابـان صـاف الحـــديـــدي = ماشوّه المعجون صافي حديده
ياطــى بالااربــع كــل عــــســرٍ عـنـيـــدي = سبيرين يطوي كل جرداء عنيدة
جـيـبٍ مـع الــدوّ الخلا لــه رجــــيـــدي = يهز بمتون الروابي رجيده
يـحـمـل ثـقـيـل امـلاعــبــات الــوريـــــدي = حروف ينزفها القلم من وريده
أحلى مـن رخـمٍ هـازعــات ألجريدي = من سكّريٍّ مايشيله جريده
ياصــل لــبــو صالح معــانـي قـصــيـــدي = بحساس من نبض المشاعر قصيده
أبيه عـن ضـيـم اللـيـالـي عـضــيــــــدي = حيث إن مثله مايبور بعضيده
انا مــع الـطــيّــب سـروري يـــزيــــــــدي = ولاّ ألردي هم ألليالي يزيده
يـاصـلــك خـطــّي فـوق مـتـن الـبـريـــدي = بمزرّفٍ مختوم عجلٍ بريده
ردالــجــواب بــكـــل رايٍ ســــــديـــــــدي = الراي محكم والمعاني سديده
أنـا بـوجــودك كـل وقــتـــي سـعــيــــــدي = أعيش لحضات الدقايق سعيده
والله عـــلــى مــاقـول خـيـر الـشـهـيـــدي= يومٍ كلٍ قال واثبت شهيده
الـوقــت عـيـد وصاحـب الـعـيـد عــيـــدي= وكلٍ يميل لرغبته يوم عيده
سـيـل وربـيـع وجــو غـايــم وصـــيــــدي = وقفرٍ جديد النبت ماذير صيده
وهـذا هــــواللـي فـي طـلـبـنـا نــــريــــدي= والحمد الله جت على مانريده
نبـيـلـنـا بــطــراف نــجـــد اتـغـــريــــــدي = نقطع على جول الحمام أتغريده
نــنــزل ونــطـلـع فـي مـشاريف غــيـــدي= على صعيدٍ حيزم السيل غيده
تــم الـجـواب الـمـجــرهــدّ الااكــيــــــــدي= يصبغ على عصم الشوارب أكيده

نافع الحربي




التوقيع :
    رد مع اقتباس
قديم 23-08-09, 10:59 PM   #18
شـــــاعر

 










 

نافع الحربي غير متواجد حالياً

نافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond repute

افتراضي

ياشاعر الجيل هل للشعر من حكمٍ





هذه القصيدة قديمة قد أرسلتها لأحد الصحف وهي تكلم عن الشعر وما وصل إليه من قلت الذوق وعدم الجودة خاصةً ماينشر في بعض الصحف والمجلات لأنه أصبح ردي لايستفاد منه
ولقصيدة على البحور القديمة :





ياشاعر الجيل هل للشعر من حكمٍ = يأخذ ويعطي وينصف مبدع القلمِ
كم من سقيمٍ ضعيف السبك مضطربً = ياللأ سف معتريه الجوع والسقمِ
رفرف على رغم انف الشعر مفتخراٌ = في معظم الصحف مقبولٍ ومحترمِ
ياطالب العز من كدشٍ مُهجّنةٍ = اقصر لك الويل لا يرمي بك الوهَمِ
الشعر بحرٍ غميق القعر ملتطمً = كم شاعرٍ حضه الخسران والندمِ
الشعر عزفٍ يهز القلب ديدنهُ = في محكمٍ من لهيب الجوف مضطرمِ
وزنٍ وصوتٍ وموضوعٍ ومفردةٍ = في جوهرٍ من سليم القول مبتسمِ
أشقيت نفسي بغرٍّ شاب ناظمها = غرٍّ مرا ميعها في عالي القممِ
مثل التي فوق حجر العين حاجبها = هلال ثلاث بين الأرض والنجمِ
نقش لها الفن ثوب الحسن والبسها = قلايدٍ من ثمين الدر تنتظم
إن كان ما الشعر لا ناضت بوارقهُ = يبرق كما ثغر بنت العز والكرمِ
غريرةٍ من جمال البيض ما حرمت = من مفرق الراس حتى الساق والقدمِ
تنعم بخمسٍ عن اللذّات ما حجبت = امحشماتٍ برياتٍ من الهرمِ
وإلا اتركونا على مافات من أدبٍ = حفض لنا الشعر ما تفخربه الأُممِ
يا أيُّه اللي تريد الشعر من عدمٍ = هل يحسن الشعر من يشكو من العدمِ


نافع الحربي




التوقيع :
    رد مع اقتباس
قديم 23-08-09, 11:14 PM   #19
شـــــاعر

 










 

نافع الحربي غير متواجد حالياً

نافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond repute

افتراضي

ياطارق القلب تال الليل تطرُقُهُ




هذه القصيدة على بحور الشعر الفصيح





ياطارق القلب تال الليل تطرُقُهُ = ما ذا تريد وعيون الحي قد رقدوا
إن كان تطلب حكيماتٍ عنيتُ لها = أمر وأنا عطيك ما تطلب بِلا عددُ
جواهرٍ من ثمين الدُّر قد سُبِكت = صقلتها لين راحت كنها البردُ
أسقيتها من رحيق الفن وشتمخت = شموخ غرن بقفرٍ ما بها بلدُ
أقحمتها في بحور الشعر ما امتنعت = في كل بحرٍ عسير القافية ترِدُ
وعرضتها لمّهات الصحف ما قُبِلت = إلا قليلاً شحيح الموهبة نكِدُ
تباًّ لشعرٍ ما يقرءا الا سم ناظِمهُ = غثٍّ به العلم ولإبداع ما تجِدُ
الشعر فنٍ يهيم بعقل سامِعُهُ = يبرا الضلوع وسجين الجوف يرتعِدُ
حمّلني المفردات اللي تُكلِّفُني = قولٍ عن العصر والمألوف ينفرِدُ
فكّرت بالأمر والأيام تُخبِرُني = إني أسير الجناح الطارف الفرِدُ
شربت حب الطبيعة من منابعِها = مع درب غيثٍ يهز الدوح له زبدُ
وحقٍ على من يزور القفر يا صِفُهُ = في ما يراه بزمان الشح والرغدُ
يا من على ما يريد القلب يعذِلُني = صبراً تراني بلغت الحلم والرشدُ
جرح العصا مع مرور الوقت يلتئما = وجرح اللسان بصميم القلب يتّقِدُ
نوم الفتى بجندلٍ تضبح ثعالِبُهُ = في ثلث ليلٍ شديد البرد والصردُ
أخير من مجلسٍ قلّت وناستُهُ = مجلس حقيرٍ أسير الكره والحسدُ
نافع الحربي




التوقيع :
    رد مع اقتباس
قديم 23-08-09, 11:23 PM   #20
شـــــاعر

 










 

نافع الحربي غير متواجد حالياً

نافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond repute

افتراضي


دنّيت مرعوشةٍ وشّح جوانبها




هذه القصيدة ذكرت بها بعض ملاحظاتي على طريق وادي الدواسر من الرياض الى خميس مشيط وهي قديمة وقد بنيتها على بحور الشعر القديم :





دنّيت مرعوشةٍ وشّح جوانبها = بموشّحٍ عن مرد الباب ينعرجِ
تلّيتها من الرياض الصبح مُتّجهٌ = دار ذُراها بغُر المزن تعتلجِ
يوم ألذن الظهر وكتضّت مساجدهُ = واد الدواسر تقل في صدرها يلجِ
ولما تجاوزتها والخط مُعتدلً = في صحرى تثليث عنه الأرض تنبلجِ
حومانةٍ من نبات الغيث ما رُزِقت = كأنها في سراب اللال تدّرِجِ
تذرا بها الريح مغبرّة مناكِبِها = من حولها الأُفق يستاسع وينفرِجِ
طويتها فوق خرسا صابرٍ ركبت = سودٍ سليمات ما بجنوطهن عِوجِ
حتى بدت شمّخٍ قدامنا اعترضت = كأنها الليل قبل الصبح ينفلجِ
من نايفات السراة متونها انكشفت = عن واضحٍ مع ظهور السود ينزلجِ
وصلنا الخميس الذي هو حد رحلتنا = عن ناطحات المطر حدّث ولا حرجِ
مشمرخاتٍ لبسها الورد وبتسمت = زهورها في نسيم الغيم تغتنجِ
يامن يرى عارضٍ حمرٍ لواعِجهُ = متعزّلٍ مع غروب الشمس يلتعجِ
يهز سيله جذوع الدوح مرتهجٍ = سهّاب نهّاب فوق الأرض يرتهجِ
نافع الحربي




التوقيع :
    رد مع اقتباس
إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

IP



الساعة الآن 01:26 AM


Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
Ads Management Version 3.0.1 by Saeed Al-Atwi
ترنكات لخدمات الويب