عدد الضغطات : 0
الشاعر عبدالله بن زويبن المعمري الحربي.رحمه الله...سمعت لي كلمة مدري وش اقصاها=حزت بنفسي وأنا مانيب هارجها.....لوكل كلمة إلى جتنا طردناها=بعنا الثمينة بسعر مايخارجها......لو مرت السمع ماكنا سمعناها=ونقفل الراس عنها لا يبرمجها......ومن يم هذا لهذا مانقلناها=والناس واجد وتلقى من يروجها.....من جابها بين خلق الله وداها=لو به مراجل ترى نفسه يسمجها..........الشاعر// محمد بن شبيب الحداري رحمه الله ...........لا والله الا راح دور البداوه=ودور الركاب اللي عليها الشنوفي........ ومجالسٍ فيها لهلها طراوه=عنها الشوايب والهزيل محذوفــــي...... وراح الزمان اللي لعيشه حلاوه=واللي على الغارب رجع للردوفي.......... قالوا تسير قلت مامن فضاوه=قالوا علامك قلت عيت ظروفي........ اللي مضى بالنفس عنف وقساوه=واليوم أخلي كل عوجا تطوفي...... وأضحك مع اللي لي يكن العداوه=وأن صفقوا صفقت له بالكفوفي....... نخاف من دقة خطات اللعاوه=رادي نصيب وناقرٍ له علوفي........ يزعل على اللي يسوق الأخاوه=وذلوا معطرة النمش والسيوفي........ والمرتفع قالوا مثل ذاك ساوه=وشربت غثاريب الغريف العيوفي........ عين الغضب تفتح عليك السماوه=وعين الرضا لوبك خطا ما تشوفي....... هداج مات وجات غيره أجباوه=والروس قامت تدرق بالكتوفي............الشاعر/سالم بن مهاوش الحربي .....اللي ماتنفع به صنيعه و لا لين=ان راح قله روحت مقيط ورشاه......والله لو انه مين و لا ولد مين=من لايعدّك ذيب عدِّه ولد شاه.........الشاعر/ شموخ السلاطين........الوقت يكشف لك الناس وشهي من تكون....اما من رجالها ولا من رخومها.....اللي معادنهم ذهب فالوازم يصملون ......مايلوي ذراع الشدايد غير زحولها ................الشاعر / عبدالرحمن سليم الصاعدي(البيرق)..... في ملتقـى حرب الحرايب بدينـا /حرب الدول ربعي وهم تاج راسي .......قوم جمعـت مابيـن دنيـا ودينـا /الله عطاهم لين جانب وباسـي .......جند السـلام وضربهم باليدينا /عند الملاقى للمعادين قاسـي .......مكرمين الضيـف سمن وسمينـا /وسبع الخلا عشوه يوم العماسي..............الشاعر / خالد بن ماطر الحربي ....كل ماصادم الراس القوي زدت قوّه=والردي لو يزيد الهرج مازاد غلّي .....والجبل كل مالديت وانا علوّه=مايباريني براس الجبل غير ظلّي .....ليه اعادي قليل الخاتمه والمروّه=لاتجملت فيه وصد خله يولّي .....ودك ان الرجل يختار حتى عدوه=قبل يختار خلان النشب والتسلي ' ...........الشاعر/سند مسند العريمه الحربي........ لا صار ماتبدع إبيوتٍ ثمينه= = ريح ضميرك واترك الناس ترتاح ياما سمعنا من قصايد عجينه= = والمشكله حازت جماهير وأمداح في عالمٍ تصفق يساره يمينه= =وكل القصايد عنده إسمان وصحاح ميزانهم صوتٍ تعالى رنينه = = تلقى جماهيره لها صفق وصياح خلوا تقاليد العرب والسكينه= =في ليلهم مسراح والصبح ممراح ويااللي على الشاطي تدف السفينه= =عود على الساحل ترى مانت سباح البحـــر يبـغـاله رجــالٍ رزيـنـه= = له غـبـةٍ تـجـذب جـمـادات وارواح وخلك على كشته قريب المدينه = = دلــه وبــرادٍ له البـــال يــرتــاح...........الشاعر / بخيتان البشري .......ماضاق خاطر من نودّه ونغليه = لو البحر من ضيقته ضاق به ماه ..... مودّنا غالي و ودّه نخليه = غالي ولو كل العمر مالقيناه .......والي تولى للمشاعر موليه = قلب المودّ اللي وداده تولاه .........طيبّ خواطرنا بكامل تحليه = بصدق الشعور اللي عليها صدقناه ........اللي بصوته همنا دوم يجّليه = وبصوتنا قلبه من الهم نجلاه.........الشاعر /سعد المحمدي .........دريت باللي دار خلف الكواليس=وحطيت نفسي كن ماني بداري=بعض الامور اقيسها بالزمن قيس =وبعض الامور اصير فيها انتحاري=ان جيت يطفي نور كل الفوانيس=وان غبت غني ياطيور الكناري............الشاعر/عيسى العوفي..........وجهة نظر ماقول انا قولي مصيّب=ابديت رائيي مثل للرائي من قال.....ان جيتني بالطيب آعاملك بالطيب=ردالجميل وشيمة ارجال للرجال.....وان جيت في علم الردى ماقربه عيب=تكرم بها مالي مع العيب مدخال.......طبعي وربعي محتمين المواجيب=حربي بدربي متبع النذل لاعال.......العز لو تشويك حر اللواهيب=موتي ولاقوتي ورى ايدين الانذال......العمربامرالله وماقدّره غيب=والراس تصعب رفعة الراس لامال......وسيرة ارجال الطيب منها المكاسيب=نوريدل اللي جهل يقدي الضال......اخذت من غيري ادروس وتجاريب=اسئل وآخذت العلم من رؤس عقّال................الشاعر ( سعد المحمدي )............يابو فهد برق المزون النوازي=حجاز وانت بعالية نجد وبال=بينك وبينه بعد دار وغرازي=سيله بحر ياراعي المعدن العال=ماله مصب بداركم ورتكازي =العلم مايجهلك في كل الاحوال=يكفيك عن مية قليب ارتوازي=نهر الفرات اللي من الجال للجال=ابن المباني فوق ساسن عزازي=وقت الشتاء تذري وبالقيض مقيال=يامحزمي لاصبح الدار غازي=دنياك تبغى للعقد رجل حلال=واللي بها بالحالتين انتهازي=لابد مايلقى بها شمس وظلال=عن الحجاز اسمع كلام الحجازي=كلام حطه يارفيقي على البال=من التجارب دوبلماسي جوازي=عليه ختم المعرفه تقل تمثال=ياعل ماقلته على ارضاك حازي=في وقت ماينصح معك كل من قال.........الشاعر(زيد بن مبشر الحصني الحربي) رحمه الله ............أقول وأقابل ولاني بسايل=دام الكلام عن الحقايق مباحي=عندي على صحت كلامي دلايل=اموحهن من جم عدٍ قراحي=شفت وسمعت وقلت والرأس طايل=باللي على الساحه ولا هو سياحي=الله يجمل حال راع ألأصايل=حازن على الجوده بكل النواحي=والله ماجامل براعي الاوايل=لو ضاق من قولي زميلي مناحي=وشاعر قبيلة حرب عند القبايل=لافي حمود وبس حسب إقتراحي=ومن قال أنا بقول ويش انت قايل=أنا افتخر بجود ذخيرة سلاحي=ماشلت هم ملقحت كل حايل=اللي على ماقيل خف وجناحي ................الشاعر (مقبول حامد المحمدي).........بحثـــــت في قول البخاري ومسعود=والترمذي وكتـــــاب مسلم وماجه=وحتى النسائــي ما ذكر طب موكود=للصرقعه والعلعله واللجاجه=يا صاحبي ياراعي البيض والسود=ترى الكلام الشين عيــــــــب وسماجه=انا أعرف المقصــود والغير مقصود=ولا أحـــب هرج الثرثره والهماجه=الرجل ماهــــــــو للتفاهـــات محدود=ولا كل كـــلمه تستحــــــق المواجه=من سبب الفتنه ماهــــــــو كاسباً فود=ماحصّل الا لكمــــــــــتن في حجاجـــــه=جاه الخبـــــر مكتـــوب في رأس عبرود=عن حاجته كانـــــه بعمــــــــق الزجاجه=صحيح قالو يقـــــــرد النـــــاس مقرود=ويخسر غـــشــيـماً مايميـــــز خراجه=بعض العرب مـن راســــه العقل مفقود=ينفخ ذروبــــه ويتلقــــا العجـــاجــــــه=لو تنصحــــه عن سكـــــة الغي مايعود=ويترك قراح الماء ويشرب هماجه=يالله ياللـــــــي عنــــــدك الخير موعود=تجعل لنا مـــــــــن كل هــــــم انفراجه=نغضي ونصفـــــــح لكن القلب ملهود=جرح الخطـــــــــا عجزت اواري خلاجه=ماني على كل الخطا سيـــــــف مجرود=ولا كل عـــــود اعـــــوج يعــدل عواجه=والشعر له مــنـــهـــــج وله سلم وبنود=ماهو كما ســــــــوق يلجلـــــج حراجه=شعري مع أهل العرف مسموع مشهود=ولاني على كيــــــــف الغشيم ومزاجه=امشي عزاز الدرب وأســـــــنـّـــد اسنود=وأدرى قدم رجلــــــــي عــن الانزلاجه=ارفا كلامــــي لايجـــــي فيــــه منقود=ولاهمني قول الحســـــــــــود ورواجه=اللي مقيمني وشاهــــــــد لي العــــود=شيخاً بصرح المجــــــد يضوي سراجه روائع شعريه

الشاعر/ بخيتان البشري ......ودعتنا والموادع صعب = رمى بنا فالفراق المُر..... لعب الحزن فالمشاعر لعب = ما مر مثله ولا بيمُر.......الشاعر/احمد المحمدي...... ‏‏‏‏للي سألني يجي ويروح /من انت يبغى خبر والم /حربي انا من بني مسروح/ وعيال عمي بني سالم........الشاعر / بخيتان البشري .....قلبي طلع من قلوب أصُم = اللي لهم قلب من قلبك..........كل ما النصائح عليه تعم = حول الهوى زاد في قربك ...............﮼الشاعر/قابل﮼البشري﮼(الجمل)......مايزعّل الحق لا قلته /إلا من قلوبهم مرضى.....ومن كلمة الحق زعلته / عساه يزعل ولا يرضى...........الشاعر ( راشد الزهراني ) المحيط ........سقيت روضك من دموعي = وطول الدهر مستعد اسقيه...... ولايلومني حي في ربوعي = لو كان دمعي نهر مجريه ..............الشاعر / نفاع محمد السهلي ابوفرح ..........تدري متى يلفض الرجال ....في دنيته اخر انفاسه /لاحده الوقت للانذال ....دمعت قهر نكست راسه.......................الشاعر / حفيد_الحجيري.......الشوق مهما قِدَم ما يبيد=مثل السماء والهواء والطير......كل عام وأنتي هلال العيد=الله يعُـوُدِك عليّ بِخَيْر...............الشاعر ( أحمد بدين القايدي ).......كسب الفتى طيب أفعاله / اللي بها ينتهج له درب = وانا كسبته من رجاله / وافخر لأني فتى من حرب .............الشاعر العذب /عبدالعزيز الزويهري ابو بتال .......وا صدمتي صدمة منكد =أعيد مسترجع اللي فات.........و أزيد أسأل أبتاكد= صحيح ماهر صديقي مات؟...............الشاعر/ حمدان دراج القايدي .... حلفت اني اصون العهد=اللي من سنين اعطيتك....رغم العنا والجفا والصد=ماقد فيه يوم جاريتك.................الشاعر / نفاع السهلي ابوفـــرح ........عندي أمل فيك يا.. بكـره = تمحي بقايا جروح .. الأمس ....وقلوب حبت ولا تكــره = تشرق لها من جديد الشمس.............الشاعر/أبن رهدون.......أيامنا اليوم لو تحسب =دنياك يالادمي ساعه.....والمؤمن اللي لها يكسب =يعيش باقي العمر طاعه........الشاعر/عبدالعزيز الزويهري ابو بتال...........غلاك عندي غلاة العين=ياللي من الشوق ناديتك =معاك وحده من الثنتين= ان كان ما جيتني جيتك...............الشاعر/ سلمان القريقري ابوعمر ( حرب )........حتى النجاحات تتحقق=من دونها شروط للتحقيق...قال المثل يد ماتصفّق =تبغى لها يد للتصفيق.......الشاعر / سالم البشري ......مابين قسمه وجمع وطرح=لاهناك قلبي ولاهنيّه........كيف اهتني من هذاك الفرح=وارتاح من كل مابيّه.........الشاعر/خليفة المزروعي...........إهيا كذا كنها سرقه/=/لدة نظر يوم طالع في.....لوكان من بندقه طلقه/=/اهون عليه تراهاشوي...........الشاعر/ عبدالعزيز الزويهري...........البُعد خلّف جفا و صدود= وعشنا في زمانه بدوّامه ..........مدري زمان الصفا بيعود = و الا ّ قضى و أقفت أيامه ؟...........الشاعر / شاكر القايدي ......يامن ينقذ جريح القلب ....اللي هموم الزمن جاته ..... كل مابغا يتجه مع درب... يلقى قطار السعد فاته.................الشاعر /صقر المقرح ..........يامن تخوض الهوى بعزوف= خليتني فاصعب الأوقات ....لا تكبّني والجروح نزوف= وتندم على الوقت لنّه فات.............الشاعر / عبدالعزيز رويشد ...... اعلم ترى خيرة الاصحاب=مثل الذهب نادر ومافي...من كل خمسين ضن تراب=اجرام واحد ذهب صافي.....الشاعر/عبدالعزيز الزويهري (ابو بتال).....من لا هوى زي محبويي==عايش غرامه على الفاضي ==انا على احساس مكتوبي==حسيت ربي علي راضي.....الشاعر / حمدان دراج القايدي.....عواطف القلب لك وحدك.... ياللي ملكت الحلى والزين.....مافي احد في البشر مثلك.....طيفك سكن داخلي بالعين........الشاعر /غافل الهم قلبي ....... مريت بيتك نهار العيد...لكن قفلت بيبانك....عارفك زعلان بالتأكيد...حرام ماتشوف جيرانك..........الشاعر / عاشق الاصاله .........لاغابت الشمس بانمسي=من دون مدعوج الأعياني......مع القمر يكتمل انسي=في تالي الليل لاجاني..........الشاعر / حرب - سلمان القريقري ....... واعيني اللي من اسبابه=زايد سهرها عن المألوف ..واخاف لن طول غيابه=تفقد نظرها معاد تشوف.......الشاعر / خليفة المزروعي ...........عزي وتاجي قبيلة حرب=يوم الهول مزبن الخايف ... يشهد لها شرقها والغرب=ويشهد لها المطلع النايف.........الشاعر / ابوفرح السهلي .....لك حق والناس بالمقياس = مثلك لها حقوق موثوقة ...ومن لايوفي حقوق الناس = لايطالب الناس بحقوقة...........الشاعر / عبدالعزيز الزويهري ابو بتال ....هواك أعمى عيون الشك=لولاه يمديني احرقتك /لكن بإيمان ودي لك=كذبت نفسي و صدقتك......... ..............تلميذ الكسرة / ..............ما تعلم ان الجمال يلمّ **** وحظي الردي قادني يمّه........ آنا اتجــرع مرار وسمّ **** وكنّـــه يكـــايد ولا همّـه..........الشاعر / ابومبارك اليوبي.......خـذ المـثـل ياعـريـب الـجـد=اصل الشجاعه صبر ساعه=لايـغـرك الـزيـن يــوم يـلــد=اصبر وخلـك علـى الطاعـه................الشاعر / بيان الصمت ....سلام من قلب تلعب به=زود الهواجيس وأحواله=والوقت ما فادني طبه=من ظلمة الدرب وأهواله........الشاعر /وليف الشوق.....كل مانصحناك تتركني = وتشوفني من الد اعداك...واليوم لاعاد تنشدني = فيماحصل من مآسي جاك..........الشاعر / سرورالبشري ......طا وعت قلبي وما شيته= حتى رماني فدرب التيّه...ولا تنفع المبتلي ليته= لو جاء يعود معاد مديه............الشاعر (خليفة المزروعي)......عمر العجل مايضوي خير=يامحـسـن الـرجـل متـأنـي=الثقـل صنعـه ولــه تدبـيـر=وراع العجـل دوم متجنـي............الشاعر/خالد بن عبيد بن معتوق الأحمدي....... زايد بحسنُه على جيلُه= وكاسِب رضايه رغم عِندُه=ومن يوم يطلبني آجيلُه=خمسة دقايق وأنا عِندُه......الشاعر(ابوفـــرح)....عنـدي أمـل فيـك يـا.. بـكـره=تمحي بقايا جروح .. الأمس=وقـلــوب حــبــت ولا تــكــره=تشرق لها من جديد الشمس........الشاعر (حامد بن غالي السليهبي)(حسيبك للزمن) رحمه الله .........ناديت قلت انتهى صبري = واغبر زماني طِواني طَيّ=والناس بالحال ماتدري = اظمأ وجنبي غدير المَيّ.............الشاعر / محمد بدين القايدي ( السينات ) ......أدلِّـــــلـُــه دائماً وارضيه=والبِّسُــه ثوبه المألوف...لكن بِطبعُه يفرِّط فيه=ويخلِّي مَنْ لا يشــوف يشـوف.............الشاعر بخيتان البشري / ليه المجرة كواكبها=احيان عكس المدار تدور .. بحور تغرِق مراكبها=وتخلف نمط سيرها فبحور.......الشاعر ( حمدان دراج القايدي)......هليت دمعي من أسبابك = وجرحي نزف داخلي مقواك ‏=محتار وشهو اللذي صابك =الجرح في داخلي ماشقاك...........الشاعر ( راشد الزهراني )......حتى جبال السراة تحن = ماهي كما قلبك القاسي = يامن بوصلك على تمن = ودايم تعكر صفا كاسي ..........الشاعر ( خليفة المزروعي ).......ابوك يبني عليك امال / حذراك لاتخيب اماله /حاسيك لامالت الأحوال / إنت الجبل يجلس إظلاله........الشاعر( عبدالعزيز الزويهري ابوبتال )...... راح الذي فارق أوطانه = و أفعاله فالطيب ما راحت = و الله من بعد فقدانه = عمدان صرح الأدب طاحت ........الشاعره (الكحيلة) ......أتعبني القلب بحساسه=ادراه ويدور التعذيب= بهم ن ضلوعي حطب فاسه = من يطلع النجم لين يغيب .......الشاعر (حرب ابوعمر) ......قلبي سألني .حصل ماذا = تشكي ولاادري سبب شكواك = قلت انتظر فالوفا هذا = لكن تفاجئت جاني ذاك.......الشاعر (غافل الهم قلبي) ... احترت والقلب شايل هم /سنين مخفي الم جرحــــي =البوح ممنوع يالفاهم / راح العمر وانتظر فرحي .......الشاعر (ولد الساحل).....سبحان من بالجمال اعطاه / تحفه وتصوير رباني = سلهم برمش كحل غطاه = يرمي سهام الهوى فيني...........الشاعر ( نعيم عابد السيد ).....يا نار الاشواق ما تطفين / ما يكفي القلب واتلفتيه = هذاك لو كان ما تدريـن / سيب غرامك وولع فيـه ...........الشاعر ( احمد عاقل الغانمي ).......ابشتكـى راعـي الـدكـان / من بعد ماجـاب لـه هنـدى = ماعاد يرفق علـى الجيـران / حتى سلـف قـال ماعنـدى ...........الشاعر ( أحمد بدين القايدي ).......كسب الفتى طيب أفعاله / اللي بها ينتهج له درب = وانا كسبته من رجاله / وافخر لأني فتى من حرب .....الشاعر (عايش الدميخى ).......ابني فصرح الوفاء مدماك = يبقى مسجل عليه اسمك = ان عشت بالطيبة طريـــاك = ولا مت يبقى الثناء قسمك روائع الكسرات

 


العودة   ملتقى قبيلة حرب الرسمي > ๑۩۩ الملتقيات الأدبية ۩۩๑ > مــلــتــقــى الــقــوافــي > مــلتــقــى دواوين شــعــراء الــقــوافــي

مــلتــقــى دواوين شــعــراء الــقــوافــي [ جميع الشعراء ]

إضافة رد
 
أدوات الموضوع إبحث في الموضوع انواع عرض الموضوع
قديم 15-06-12, 05:49 PM   #11
إداري سابق

 










 

فايزموسى البشري غير متواجد حالياً

فايزموسى البشري will become famous soon enough

افتراضي حلقت بالفكر والدنيا فضاها وسيع

بسم الله الرحمن الرحيم
حلقت بالفكر والدنيا فضاها وسيع = ياوسعها بحال بس بحال ياضوقها
مابين طاعت مطيع وكلمة المستطيع = وناس ٍ تكلم وناس ٍ تمسك احلوقها
الشرهه الي تجي وتروح مع كل ريع = ماهي بليه ولاني داخل ٍ سوقها
ياقمة الشعر ياشعور الاديب الرفيع = اللي يحلل شعور الناس ما يعوقها
قالوا وقالوا وانا ماقول بيئس الصنيع = اقول فرق البضايع عند فاروقها
الكلمه الي سوات الثلج طبعا ً تميع = والكلمه الي صخر تحفض لها احقوقها
الحر له نظرة ٍ تعرف ولو هو رضيع = واهل الرخامه يسير الذل بعروقها
شوك الهرايس يشابه لسع شوك النقيع = وسم الافاعي يضمه حرة اشدوقها
اضرب على الكايده او عيش حمل ٍ وديع = يرضى بفهقاتها ويشيل مفهوقها
ماتاتي الصرعه إلا بعد ضربت شجيع = ولاتاتي النجده إلا بعد مطقوقها
إن سلمتك الليالي وين مارحت اذيع = إن الصراحه حقيقه صعب منطوقها
يادنيتي ياحياتي لا لكل الجميع = سلام في مبتداها وكل طاروقها
فايزموسى البشري 26 / 4/ 1433




التوقيع :
    رد مع اقتباس
قديم 15-06-12, 05:56 PM   #12
إداري سابق

 










 

فايزموسى البشري غير متواجد حالياً

فايزموسى البشري will become famous soon enough

افتراضي الكذوب

قصيدة بعنوان الكذوب

إليا دخلت المعركة شجاع لو جيت امغــــــلوب = كم من شجاع ٍ بالمعارك طش راسه وعلمه
ما يقدم الى راعي الصملات فكاك النشـــوب = وإلا الذليل يعيش في ذله ولاينطق فمــــــــــــــه
اما الشجاع بساعه وساعه تذل له الهبوب = ماهو شجاع ٍذا يسمى حسب ماعرف ارخمــــــــــــــه
ياهوه مدري هن وش سويت والراس معصوب = المعتزي يرفع بعال الصوت ماهي همهمــــــــه
مانته على الوقفات والفزعات ياذاك مغصوب = يقدم لها الي تسبق افعوله اللنطقه وقلمــــــــــــــه
والله مايقهرك في هالوقت ياغير الكـــذوب = الي يفرقها يجمعها وهي متلملمـــــــــــــــــــــــــــه
هو يحسب إن الناس ماتدري عسى عمره يذوب = لا اصر في عينه وقام اشوي يرخي برطمــه
هذا ومثله بعتقادي لاعقول ولاقلــــــــــــوب = يعيش بين الناس في جسمه وفي جر انسمــــــه
إن جيت تبغاء اتجادله تحسب ولاهو بمحسوب = عند الرجال الي تعرف الكذب هو والهيلمـه
واليا سكت وقام يتوجه على كمي ٍ صوب = ومن الظلايم قام قدامك يسوي ملحمــــــــــــــــــه
متجاهل ٍ وقت الحساب ويكتب بشيك الذنوب = وإلا بها الدنيا اليا غثك بيمناك ابرمــــــــــــــه
وانا ادري إنه باقي ٍ كذاب لايمكن يتوب = لاكن خله كل ماشافك تجيله رمرمـــــــــــــــــــه
[/poem]

فايز موسى البشري




التوقيع :
    رد مع اقتباس
قديم 15-06-12, 06:00 PM   #13
إداري سابق

 










 

فايزموسى البشري غير متواجد حالياً

فايزموسى البشري will become famous soon enough

افتراضي ابيات

به رجل يزداد عرفه فوق منزلته -= وبه رجل في منزله والمعرفه نازل
يومي براسه ومفتاحه وسلسلته = بالمعرفه مايعرف اللباب والعازل
من يرفعه بالحكي من فوق مرجلته = انا اشهد إنه ظلم حظه رفع هازل
قليلّ العرف تبلش كان جاملته = مايميزالهزل لجل يقدم الجازل
هذا هو الي حسب ماشفت سجلته = ماحسب زلات من هو زل ولا ازل
مايحمل اثقال لجل اقول حملته = خفيف لاكن زمان اليوم له غازل
حييت ياحض سنعته ماهملته = وخليته إن قال قول ٍ ماهو متنازل
[/poem]
فايزموسى البشري
[/SIZE][/FONT][/CENTER]




التوقيع :
    رد مع اقتباس
قديم 15-06-12, 06:09 PM   #14
إداري سابق

 










 

فايزموسى البشري غير متواجد حالياً

فايزموسى البشري will become famous soon enough

افتراضي ياهاجسي

بسم الله الرحمن الرحيم
يا هاجسي

لاوالله الا طال وقت انتظــــــــاري = والمنتظر للمنتظَر دوم مشتـــــــــــــــــاق
بين الرجا والياس ماهي اختيـــــاري= لامغلب ٍ هذا ولالذاك منســـــــــــــــــاق
صابر ومتجلد مواصل مســـــــاري = لو إن همي في والفكر مــــــــــــــــاراق
يا هاجسي لاتصير ليه امثــــــــاري = وانا بسببك اسوق ساق ٍ بثر ســـــــــاق
ولاتلني مع هجعت الناس طـــــاري = ماني من الي يشوقهم كل بــــــــــــــراق
اعرف متى ولوين وادري واداري = ولاني من الي يضَيق الناس لاضــــــــاق
يممت وجهي مع فجوج الصحـاري = ولوضاق صدري مايضيق ٍالآفــــــــــاق
ولازور لي وجه ٍ من العز عاري = انصا وجيه ٍ بالسعد كلها اشـــــــــــــــراق
ويا قايل ٍ للحزن فيه مـــــــــــواري = صادق انا الي محرقه همه احـــــــــــراق
ترى الفرح تذري عليه الـــذواري = نضحك انجامل والفرح مالـــــــــه اوراق
ولاقيل كيف الحال قلنا انمــــــاري = بخير لونا على نـــــــــــــــــــــاب زراق
ضلما وياكثر الحفر والكبــــــــاري = ويامكثر اللفات في وسط اللنــــــــــفاق
نمشي ظروري والوقوف اظطراري = لو الاوادم كلها تحت خـــــــــــــــلاق

فايز موسى البشري




التوقيع :
    رد مع اقتباس
قديم 15-06-12, 06:13 PM   #15
إداري سابق

 










 

فايزموسى البشري غير متواجد حالياً

فايزموسى البشري will become famous soon enough

افتراضي ياحايره

بسم الله الرحمن الرحيم
يــا حـايـرة وش كـلــف الـنــاس بـالـنـاس = خـلــيــك دايـــــم فـــــي مـســيــرة عـظـيـمــه
دام الـــذي حـيــرك هـــو قـــل الاحـســاس = مـايـخـيــب ظــنـــك بـالـوجـيــه الـكـريــمــه
لـك وحشـة ٍ باسبابهـا تـقـل الاونــاس = ولـك قيمـة ٍ عنـدي ماهـي بــاي قيـمـه
الــيــا لـفـيـتـي مـنـزلــك فــــوق هــالـــراس= لــــك عـنــدنــا تـقــديــر عــالـــي وشـيــمــه
يـاحـايــرة لــــو الـخــطــر دايـــــم ايـــــداس= كـــان الـغـريـم ايـشــوف سـطــوة غـريـمـه
ولـو كـل صـرح ٍ معتلـي صـار نـبـراس= مـــاراحـــت الـبـرجــيــن مـــثـــل الـولــيــمــه
ولـو كـل مـن هـو قبـل لايفصـل ايـقـاس= مـــا تـقــدم الـعـوجـاء عـلــى المستقـيـمـه
والــي يضّـويـه الـذهــب هـــو والالـمــاس= بــعـــد الــذهـــب يـصــيــر دقــــــه قــديــمــه
والـعـزم قـبـل الـصـبـر مـــع قـــوة الـبــاس= انـتـاجـهـم يـنــتــج انــفـــوس ٍ حـكـيـمــه
ومــــن لايـعـقــد الـعـقــد مــاحــل لـــــولاس= ومـــن لاطـمــع بـالـفـوز يـلـقـى الهـزيـمـه
يـاحـايــرة ذي ســاعــه لــــدق الاجـــــراس= الــــي قــبــل بـالـظـلـم يــرضــى الظـلـيـمـه
يـاحـايــرة لاجــيــت ابــــا فـــــك الاقـــــواس=اشــــــوف داخــلــهــن آثـــــــار الـجــريــمــه
اشوف من يمسك بكاس ٍ ماهو كاس= امـقـسـمــة لــــــو مــارضــيــت الـقـسـيـمـه
وشوف لي نـاس ٍ علـى النـار جـلاس= ولا ولـعــت كـــل ٍ ضـــرب لـــه خـريـمــه
وشـــوف لـــي طـفــل ٍ يــرســم بــكــراس= والـطـفـل جـالــس يـرســم اخـطــام ريـمــه
ومــن سـاعـة انـاديـه بـالـرسـم يـنـحـاس= ويصـيـر يـرسـم غيـمـة ٍ خـلـف غـيـمـه
وشوف من هو جالس ٍ يطبخ الفـاس= مسـتـمـتـع ٍ فــــي جــــوه بــظــل خـيـمــه
وشــوف متـكـدر عـلـى وجـهــه اعـمــاس= وبـيــن عــلــى جـسـمــه اثــــار الـحـريـمـه
وشـوف لـي مـن مطلـبـه كـثـر الانـفـاس= لاكـــــن وش مـنــتــوج رحــــــم الـعـقـيـمــه
وشـوف لـي زول ٍ مثـل زول جـسـاس= لاكــــــن مــاشــفــت اكــلــيــب ولانــديــمـــه
يـاحـايــرة لــــولا الامـــــل يـقــتــل الــيـــاس= ونفـس البـنـادم نــوب هــي مــن تظيـمـه
يـاحـايــرة مــــن لابـنـاهــا عــلــى ســـــاس= تـصــبــح عـواقـبــهــا عـــواقـــب وخــيــمــه


فـايــز مـوســى الـبـشــري




التوقيع :
    رد مع اقتباس
قديم 15-06-12, 06:16 PM   #16
إداري سابق

 










 

فايزموسى البشري غير متواجد حالياً

فايزموسى البشري will become famous soon enough

افتراضي منظم حافز

منظم ٍ حافز ظلمنا بما صار = إلي هضم لحقوقنا ماعطانا
صدر قرار الحاكم العادل البار = الي بعدله ساطع ٍ في سمانا
ماقال في نصه تحدد للاعمار = يقول صرف اعانة وذى عطانا
ياخادم البيتين يانسل الاخيار = عساك دايم بالوجود وعسانا
من دونكم ناقف على كل معبار = حنا ذرى من دونكم ياذرانا
نبحث وراء الارزاق في كل الاقطار = لاكن نعود للعمل مالقانا
والي وراء خمس وثلاثين منهار = وش ذنبنا نحرم وشو بلانا
نصبر على جور الزمن تحت الاقدار = ودون الوطن نفداه من مبتدانا
هذا الطلب مكتوب ببيوت الاشعار = ياسيدي حافز ترى اخطاء علانا
انته ذرنا يوم فينا الزمن جار = وانته بعد رب البشر ملتجانا
فايزموسى البشري




التوقيع :
    رد مع اقتباس
قديم 15-06-12, 06:21 PM   #17
إداري سابق

 










 

فايزموسى البشري غير متواجد حالياً

فايزموسى البشري will become famous soon enough

افتراضي ياصاحبي

ياصاحبي جيب القلم جيب الاوراق = من لاجرح لايمكن إنه يداوي
الارض سبع وفوقها سبعة اطباق = وحنة خلوج وبالجبل ذيب عاوي
لضلع ظل وجهة الشمس مشراق = ولروس سيف ولصغار اللهاوي
والنار وش مفعولها غير الاحراق = والتمتمة ما من وراها عزاوي
والحر حر ٍ لو تلوى بمسباق = لو كان منقول ٍ على كف شاوي
والي يجي ويروح في شكل دراق = بسوق الرداء ماطب سوق ٍ غلاوي
ومن لايعد الحق ينعد هلاق = لو كان من روس ٍ تجيب الفتاوي
والي يبي يجامل لسارق وبواق= اما معه ولا لفق له مخاوي
والي يعلقها على كل معلاق = ومن ين ماهبت هبوب ٍ يلاوي
والي يروق احيان واحيان ماراق = مرض عقل ماهي بعلة كلاوي
يبلش بها عاقل وفاهم وسباق = لطيب ودروب الرداء وش اتساوي
لاقستها بالعقل مع حسن الاخلاق = العود الازرق مايشبّه بجاوي
اليوم مابغها على طاق ٍ وطاق = الشعر شعر وللمحجي حجاوي
ننقاء جزيل الشعر من راس واعماق = ولاننجرف مع كل سيل ٍ نحاوي
وللشعر نقاده وللبيض سلاق = وانا لامحت اموح عد ٍ رهاوي
والي بشبر الماء تحت حكم الاغراق = عندي سواء غريق وإن رد ضاوي
لولى اختلاف الذوق ماقالوا اذواق = وعماء البصيره يزهمونه عماوي
للبيت مدخال ٍ وللباب مغلاق = وللادمي حسنات وايضا ً مساوي
والي وضع رجله على حد مزلاق = عساه كانه طاح طاح امتساوي
ماجيت له ناطح ولاجيت ملحاق = لاكن على ماقالوا الناس ناوي
اسبوت تحفيها ترى غزة الساق = واسبوت ماتلقاء وراها ملاوي
اشره على الي يقدّر الناس لو ضاق = ماهو بقدر ٍ فاح فوق الغطاوي
ماني من الي يخيله كل براق = ويعيش عمره تحت حكم المناوي
سم الافاعي غالبه سم زراق = صحيح ماهو قول حول الحراوي
كان راعي الغفلة بعد غفلته فاق = ماهو رخيص يشيل بشت ٍ حساوي
وإن كانها توقه ولابعدها تاق = انا غني وعد غيري غناوي
كنز العقل من يملكه يملك اسواق = ومن يملك الحكمه فلاهو بغاوي
ياصاحبي شيل القلم مابها اشواق = حنة خلوج وبالجبل ذيب عاوي
فايزموسى البشري




التوقيع :
    رد مع اقتباس
قديم 15-06-12, 06:23 PM   #18
إداري سابق

 










 

فايزموسى البشري غير متواجد حالياً

فايزموسى البشري will become famous soon enough

افتراضي احد ٍ نحبه

احد ٍ نحبه لجل ذكره وفعله = واحد ٍ نحبه لجل ماينتج الراس
لاقال له بيت ٍ لو النفس عجله = ناقف طرب من قوته قام جلاس
قطرة مطر ولايجرأ مثل دجله = إلي على جاله بساتين ووناس
ومن يجمع الثنتين ماهي بسهله = فن الشعر لارافقه فعل نوماس
هذا هوالي جعله يطوّل اجله = يفداه دنفوس ٍ وهيس ٍ وهلاس
مايحمّل الانسان من فوق حمله = واليا تحمل فوق حمله ترى يداس
وترى التصنع يحسب اخس عمله = والي تصنع ماربح غير الافلاس
اهل الادب مما جرى اليوم خجله = كم واحد ٍ جنب بعد ضيق الانفاس
راع الغزل الياذكر زين نجله = نزل مثل قدر ٍ نزل فيه ملاس
بعد العنب والتوت يجيب فجله = وتخالتط ثم الوضع صار منحاس
ماحسب لنفسه ولاحسب اهله = ولاحسب إن الناس تدري وش الناس
والي على صدق المشاعر نهجله = يثمن القوله ترى طيب الساس
اخص في ماقلت ماقول جمله = لو إنه اكثر ماقريته بقرطاس
مع السلامه ياشعر ذي قبله = من فوق راسك ياشعر صادق احساس
عطني مع الايام ياشعر مهله = واعطيك من صاف الجواهر واللماس
فايزموسى البشري




التوقيع :
    رد مع اقتباس
قديم 15-06-12, 06:26 PM   #19
إداري سابق

 










 

فايزموسى البشري غير متواجد حالياً

فايزموسى البشري will become famous soon enough

افتراضي تحاصرني

تحاصرني همومي كما حوصرت بغداد = نهار ٍ على روس العرب ماهو بعادي
عليها الرصاص يصب مصدار ٍ وميراد = ونص العرب بالسفح والي له بوادي
وش العذر ياوجيه النشما ويالاجواد = من الي كتب تاريخنا ليلنا بادي
ثلاث ٍ لاراحن لايتفلسف ولا نقاد = ولايقول لي به ضد ويعد الاضدادي
فقدنا العراق الاوله وابتدا الجلاد = يخطط وحنا نقدم الورد والكادي
واذا مصر راحت كان فيها الوضع مافاد = تولم ماهي هرجه ودله وبرادي
بقى الشام كانه صدق ماتجيبه الارصاد = ياراع التكيسي روح لبق وراء العادي
يافاهم ويامفهم ترى الوضع ماهو اعناد = حقايق على وجه البسيطه ماني غادي
تموت الزنود الي تحاشا القدح ازناد = ويموت الغبي بمرقده هامد ٍ هادي
ياهمي تفضل دوم ياصادق الميعاد = وشب اللهب في ماتبقاء من افوادي

فايزموسى البشري




التوقيع :
    رد مع اقتباس
قديم 15-06-12, 06:29 PM   #20
إداري سابق

 










 

فايزموسى البشري غير متواجد حالياً

فايزموسى البشري will become famous soon enough

افتراضي ياكثر الشعر

يـاكـثـر الـشـعـر يـاكـثـر الـقـصـايـد = وياقـل اليـوم مـن هـو كـان سايـد
سمـعـنـا مـــن يـقــول إنـــه يـغـنـي = علـى الطـاروق ويجـيـب الجـدايـد
واليـامـنـك سـمـعـت الـلــي يـقـولــه = خــلا مـــن الـــي يـسـمـن الـشـرايـد
اذا مـالـشــعــر قــافــيـــه ومــعــنـــى = والـيـامـنـك سـمـعـتـه قــلــت كــايــد
يـكـون السـبـك هــو الحـبـك فيـهـا = وتــطــلــع مــنــهــا بـــعـــدة فـــوايــــد
لها السامع من اول بيت يصغي = قـصــيــدة كـنــهــا عـــــدة قــصــايــد
واذا مـــرت عـلــى شـاعــر ودقــــق = يـــقـــوده قـــوهـــا لـــوكــــان قـــايــــد
تـــمـــنـــى والــتــمــنـــي مــايــفــيـــده = لــــو إنــــه جـابـهــا يـنـعــد صــايــد
مـــــع الايــــــام تــبــغــاء والــيــالــي = تـــــردد كـنــهــا صـــبـــح الـمـعــايــد
مـــن الـواقــع عـــن الــواقــع تـكـلــم = ماهـي سـرد ٍ مثـل سـرد الجرايـد
علـى طـول الـزمـن والــروح فيـهـا = جــــديــــد ٍلــبــســهــا مــاهــوبــايــد
تـشــابــه لــذهـــب لــــــو ثـمـونــهــا = ومــــن هــــو جـابـهــا يـنـعــد رايــــد
وتـجـي مــن بعـدهـا وحــده ثقيـلـه= ولاتــحـــرك وسـيــعــي ٍ الـبـنــايــد
تــاخــذ مـــــده لــهـــا مـــــده تـــــردد = وتـصــدا مـثــل مـاتـصـدا الـحـدايـد
وبــعــدهـــا جـنــبــوهــا واهـمــلــوهــا = لـهـا بـديــوان فـــي رف ٍ مـحـايـد
جزيلـه بــس فــي وقــت ٍ معـيـن = تــــرّوح مــثــل مــاتــروح الـشـدايــد
وتجـي مـن بعـدهـا وحــده هزيـلـه = لـهــا هـيـكـل لـهــا بــــدي وزوايــــد
ولـــو إنـــك بـغـيــت تــقــول زيــنــه = لحـقـك مــن الـرجـال اكـبــر نـقـايـد
ولاكـــن فـيــه مـــن يـوجــد يـطـبــل = وبــــه نـــــاس ٍ تـعـلـقـهـا قــلايـــد
وبـــه مـــن هـــو يسمـيـهـا فــريــده = وهــي مـاهـي عـلـى نـهـج الـفـرايـد
هــذا المـوجـود يـاسـاده وحـاصــل = بـسـاحـات الـشـعـر يـهــل الـعـوايـد
وانــــا مــازكـــي لـنـفـســي ولاكـــــن = هــذا توضـيـح مــن كـثــر النـكـايـد




فايز موسى البشري




التوقيع :
    رد مع اقتباس
إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

IP



الساعة الآن 06:59 PM


Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
Ads Management Version 3.0.1 by Saeed Al-Atwi
ترنكات لخدمات الويب