زلامي حرب و معتق العياضي بالرس 18 / 8

علي الحصني


العياضي حط له سكسوكتن ما هي طويله
قلت ليه تحطه قال الرياجيل أبلشتني
قلت طوله و قال أنا ماني صاحب فضيله
نوب راسي عند جنبي و نوب راسي فوق متني



معتق العياضي
البلاء بالحصني اللى كل ليل يرز ذيله
القوافي لو أبيه و الله أنها ما عصتني
وش تبي في لحيتي يا راعي الكف البخيله
البلاء في لحيتك كثرت و لكن ما أقنعتني



علي الحصني


يالعياضي ما نذمك شاعر و تسوى قبيله
و السواه اللى تسويه مع الشعار جتني
يا حليلك و الكلام اللى تقوله يا حليله
و أن بغيت أطاك و طيت صابرك ما كلفتني




معتق العياضي


العياضي شاعرن ما دس راسه بالنثيله
لا غريب أصارع اللى بالمواقف صارعتني
لو بغيت أطاك يالحصني ترى الوطيه ثقيله
مير ربعي لو طيتك زعلت و ما سامحتني




علي الحصني


ما عليه خوف مع جيلي و معتق مثل جيله
و الحكومه شرهت معتق وأنا ما شرهتتي
يا مخلى الفرض ما داعي تصلى للنفيله
لا تقول أن الليالي قبل علمك علمتني



معتق العياضي


و قفتي مع جيلي اللى قلت ما تحسب قليله
و قفتك ما شرفتك و قفتي قد شرفتني
كاتب اسمي من ذهب و الله ما تقدر تزيله
لو تمر الناس بعد الناس تبطى ما محتني


علي الحصني


أبتلشني بالعياضي قوموا عيسى يشيله
و العلوم اللى علي بالي قريب و لا خفتني
أنت كلك من ذهب لكن ما في الامر حيله
الليالي تضحك لمعتق و انا ما ضحكتني


معتق العياضي


يا جماعه خير هذا علي منبوذ الفصيله
مير أنا مثل الجبل صلفاء الهواء ما حركتني

هاذي المحاوره جرت بين الشاعر
المعروف علي الحصني (زلامي حرب)
ونجم المحاوره الشاعر الماهوب القادم بقوه معتق العياضي
وكانت بتاريخ 17/8/1431هــ في محافظة الرس

علي الحصني=
العياضي حط له سكسوكتن ما هي طويله =قلت ليه تحطه قال الرياجيل أبلشتني
قلت طوله و قال أنا ماني صاحب فضيله = نوب راسي عند جنبي و نوب راسي فوق متني
معتق العياض=
البلاء بالحصني اللى كل ليل يرز ذيله =القوافي لو أبيه و الله أنها ما عصتني
وش تبي في لحيتي يا راعي الكف البخيله =البلاء في لحيتك كثرت و لكن ما أقنعتني
علي الحصني=
يالعياضي ما نذمك شاعر و تسوى قبيله =و السواه اللى تسويه مع الشعار جتني
يا حليلك و الكلام اللى تقوله يا حليله =و أن بغيت أطاك و طيت صابرك ما كلفتني
معتق العياضي=
العياضي شاعرن ما دس راسه بالنثيله = لا غريب أصارع اللى بالمواقف صارعتني
لو بغيت أطاك يالحصني ترى الوطيه ثقيله =مير ربعي لو طيتك زعلت و ما سامحتني
علي الحصني=
ما عليه خوف مع جيلي و معتق مثل جيله =و الحكومه شرهت معتق وأنا ما شرهتتي
يا مخلى الفرض ما داعي تصلى للنفيله =لا تقول أن الليالي قبل علمك علمتني
معتق العياضي=
و قفتي مع جيلي اللى قلت ما تحسب قليله =و قفتك ما شرفتك و قفتي قد شرفتني
كاتب اسمي من ذهب و الله ما تقدر تزيله =لو تمر الناس بعد الناس تبطى ما محتني
علي الحصني =
أبتلشني بالعياضي قوموا عيسى يشيله =و العلوم اللى علي بالي قريب و لا خفتني
أنت كلك من ذهب لكن ما في الامر حيله =الليالي تضحك لمعتق و انا ما ضحكتني
معتق العياضي=
يا جماعه خير هذا علي منبوذ الفصيله =مير أنا مثل الجبل صلفاء الهواء ما حركتني

مشكور يا طلال الحصني
وبعد اذنك نقلتها لملتقى الشاعر علي الحصني

الله يعطيك العافيه ع النقل
بيض الله وجهك

صح لسان الزلامي و معتق العياضي و توي ادري ان قبيلة حرب فيهم زلامي

صح لسانهم و تصدق اول مرة اسمع ان في حرب فخذ يقال لها الزلامي
انا اذكر الزلامي في عتيبة

صح لسانك وبيض الله وجهك
على النقل وصدق من قال ان على الحصني زلامي حرب
وصح لسان الشاعر الشاب معتق العياضي

صحت السنت الشعراء
واشكر الذي نقل المحاوره الجزله

	المشاركة الأصلية كتبت بواسطة محسن الحـربي

	صح لسان الزلامي و معتق العياضي و توي ادري ان قبيلة حرب فيهم زلامي

صح لسان الشاعر زلامي حرب / علي بن عبيد الحصني

و الشاعر معتق العياضي /

و أخي محسن الحربي ، لا تحاول تجعل الموضوع يأخذ منحنى أخر

	المشاركة الأصلية كتبت بواسطة محسن الحـربي

	صح لسانهم و تصدق اول مرة اسمع ان في حرب فخذ يقال لها الزلامي انا اذكر الزلامي في عتيبة

ليس فخذ الزلامي ، أنما لقُب الشاعر / علي الحصني

بزلامي حرب لقوة معاني ما ياتي به ، فلا داعي أن يذهب الموضوع لمنحنى آخر

أكرر ذلك