 |
 |
 |
| روائع شعريه |
| روائع الكسرات |
 |
|
 |
||||||||
 |
|
 |
||||||||
 |
 |
|||||||||
 |
|
 |
||||||||
| مـلـتـقـى الالــغــاز الـشـعــبــيــة الغاز شعبية لها عندنا كار |
 |
|
|
أدوات الموضوع | انواع عرض الموضوع |
|
|
|
| روائع شعريه |
| روائع الكسرات |
|
|
|
||||||||
|
|
|
||||||||
|
|
|||||||||
|
|
|
||||||||
| مـلـتـقـى الالــغــاز الـشـعــبــيــة الغاز شعبية لها عندنا كار |
|
|
|
أدوات الموضوع | انواع عرض الموضوع |
15-02-17, 09:49 PM
|
#1 | |
|
إنتقل إلى رحمة الله تعالى
|
الفييات الغاز من الالفيه الاولى حتى التاسعه
بسم الله الرحمن الرحيم
السلام عليكم ورحمة الله وبركاته
الفن اولف جديداتي = والحن لحنه هجينيه الالف ينقال للاتي = كلمه ولاهي شماليه تنقال بعلو الاصواتي = لاشيف بالدرب طرقيه الباء وصف السميناتي = بنتين بالاسم خشريه فالشكل ماهن شبيهاتي= فالمملكه ذيك بريه التاء لامنها جاتي = عند الرجال الشقرديه مافيها يالقرم قولاتي = حاجتك بالحال مقضيه الثاء يلزمك طاعاتي = اوامر الجيش رسميه الصدر بارز شوياتي = ويديك فالخلف ملويه الجيم غايب سنياتي = دروسه اليوم منسيه ياليت راعيه ماماتي = الظاد ماتروح خلفيه الحاء ماعنه مغناتي = عند الاوادم سواسيه اربع عياله شهيراتي = فالنقص والزود مبنيه الخاء في بطنها ياتي = الموت مافيه مزحيه تنعد ضمن النحيفاتي = الاسم لهجه محليه الدال باوقات عسراتي = تفزع بفزعات عجليه تجيب ناسن سجيناتي = بالخير والمال مجزيه الذال ياكثر الامواتي = للقبر تنشال منسيه ماعنده فالخلق حسناتي= قتال مافيه ماويه الراء ينحط ساعاتي = وفالحر مايطول شويه يزين ويصير مشهاتي = ماحلاه باوقات ظهريه الزاء زوجن خفيفاتي = واهلهن ماهم غناويه ياكثرهن فالحرم تاتي = ساعات وتروح مرميه السين حطو دعاياتي = بافلام كرتون ملقيه راعيه يعطيه شحناتي = قوه ولاهي طبيعيه الشين لاربع قبيلاتي = بنتن ولاهي بجديه عليها تلتف راياتي = لو كان ماهي بدينيه الصاد فاليل ماتباتي = ولاتعارض البنت دوريه حسنات فيها وسياتي = والناس فالبنت مبليه الضاد لنفس مشهاتي = باوقات ماهي برسميه لازاد زوده مضراتي = وتعده الناس ماذيه الطاء ينلف لفاتي = فالسوق باثمان مشريه طبيعي والا صناعاتي = والغالي نوعه طبيعيه الظاد باثنين فرقاتي = دليل للحي ماريه اكبار والا صغيراتي = فالشرع ماهي بمنهيه العين موتو بغيضاتي = زدناكم بالعين حقريه رقينا روس المنيفاتي = يادولة الفرس مخزيه الغين كله جهالاتي = ثنتين خسران راعيًه الزود مافيه طولاتي = بايات مكتوب جهريه الفاء بالفايت الفاتي = بالصيف وليال شتويه تردد القول مراتي = الحب باصوات سحريه القاف قبل السمواتي = والارض تنشاف مبنيه مخلوق حط العلاماتي = محفوظ بديار سريه الكاف بالنيل وفراتي = ودى الشمالي جنوبيه عطيتك للحل شاراتي= خلاص تكفيك ماريه الام خفرات زيناتي = مالحقن دور الهلاليه فالام دايم ربيطاتي = والزاد مافيه ماويه الميم وسط العماراتي = يشابه البير مطويه ينفع بضيق المساحاتي = ولاشفته ببيوت شعبيه النون بعد المصيباتي = يسبب لناس نفسيه هيهات واقول هيهاتي = ماينجبر كسر تمريه الهاء لاهل السخافاتي = ف بلادنا للاسف ذيه لاشرع ولاهو بعاداتي = والاسم لهجه محليه الواء تجمع قراباتي = لاجاك فالبيت طرقيه يازينها فالمسراتي = والدار بالامن محميه الياء سكة متاهاتي = ماتسقي المنهلك ميه لاجيت بتنام لك تاتي = وتعيش باحلام ورديه والختم جزل التحياتي = باحلى التعابير مهديه |
|
|
15-02-17, 09:55 PM
|
#2 | |
|
مستشار ملتقى الالغاز
|
|
|
|
03-03-17, 08:46 PM
|
#3 | |
|
إنتقل إلى رحمة الله تعالى
|
الفيتن رابعه وحسين ينخاني = يقول صعبه عليك الله تسويها [/poem]قلت ابشرو بس لاحد يصير زعلاني= حلفت جو الثرى لادفن معانيها الالف ماهو خفي معروف يافلاني = اول كلامه لديه اسراريرويها اسرار ماجابها مخلوق لانساني = لولاه ذولاك ماتعرف اساميها الباء رجلٍ ضعيف وصار له شاني = له كلمتن قالها ماحدٍ بناسيها الاول فالي تعلى راس ماباني = الناس للخير لامن حل يدعيها التاء تحت القمم تصير وتباني = ولاتنعرف لين باسم الجد تطريها سميها تنلقي فالسوق بالواني = والناس طول الزمن بالمال تشريها الثاء مايقبل زياده و نقصاني = عمر الذي لامشت يذبح مماشيها ياقوها فالبشر ماترحم انساني = حاضرها مايختلف يشبه لماضيها الجيم لاجله تعبت وصرت ضيقاني=ايام راحت قبل ماني بناسيها لاصرت بالحل ياهل العرف غلطاني=فالكف ناكل فتاه الله يكافيها الحاء ثالث ثلاثه بين الاخواني = غرب البحر ديرته هذي حراويها ماهو بجد العرب قحطان وعدناني = والناس ماتنجهل تعرف باساميها الخاء روح وراع الملك منهاني = ايام مادري شهور الرب محصيها بعد المعزه اجير وياخذ اثماني = وباجرة عمل عاد وزانت له تواليها الدال ثنتين ماقبله ولا انساني = حصل عليهن ورب الكون معطيها كله سبايب عمل سواه باتقاني = خلا العداء تنكسر والحرب تنهييها الذال غادر هله ضايق وزعلاني = وباسبابها ذاق فالدنيا بلاويها بالعمد روح وجاه الموت عجلاني= لاشك ذاك الذي سواه ينهيها الراء شيخٍ رفيع القدر والشاني = الجزله الي تسمى دوم راعيها معروف عند العرب بدون وحضراني= له ديرتن بالقصيم الله يسقيها الزاء حرٍ ولامثله بالازماني= اجمل خصال العرب بيديه حاويها الاسم وافق مسمي فيه برهاني= العرب تشهد بقاصيها ودانيها السين شاف الذي يبغاه وانهاني = ممسوك مسك الكلبشه عند واليها وقدام يذهب ويعطي بر الاماني= جاه الوعد في ثمينه ماحلم فيها الشين بنتن خذت شهره بالاوطاني = البدو هم والحضر تنقل حكاويها عند العرب علمها وفلان وفلاني = سم البنيه وقلي منه راعيها الصاد ساعة قدم راحن الاحزاني = جاب الذي ماتجي بالمال يشريها دارٍ عزيزه عليها القلب ولهاني = ياليت مثله يجي ونعيش ماضيها الضاد ماينسي جاحد للاحساني = سوى سواتن ولاغيره يسويها بعض العرب يشبهه ماعنده اماني = مثل الذي علته زحنا بلاويها الطاء رجلٍ محنك زاح الاماني = دربين ماغيرهن لابد تمشيها الاول يمكن تعيش برمح وسناني =والثاني لو تاصله فالروح ينهيها الـظـاد كـلـن شكـاهـن ســر واعـلانـي = لولاك يام العلاق وجلستن فيها وا لله ليمدي عليه لفو اكفاني = مير ادعي الله عسى الامزان ترويها العين لولا فعل قدام الاعياني = ليصير ضمن السلع مطلوب شاريها خيال لامن تعلى سرج ال حصاني = ماهو من الي يعود صوب اثاريها الغين لولا البدر سراج الاوطاني = الناس ياكثرها من هو بيحصيها ضرب الثلاثه ثلاثه وانت فهماني = فالموقع يصير والصعبه لاهاليها الفاء رجلٍ رفيع القدر والشاني = له ضربتن فالعداء ماحدٍ بناسيها لاجل العروبه كنوز المال تنهاني = يالله عسى جنة الفردوس ياويها القاف سوى عمل ماقبله انساني = من شان بنتن كثير الزين كاسيها اثر المزين معاهن كم شيطاني = ياطيب دين الشريعه يومه غاطيها الكاف قبل المسيح وتعرف الاني = فالسينما تنذكر وافلام ترويها اخر مطاف العمر فالسم تنهاني = ميتة رضا بالطلب ياشين تاليها الام راعي فتاتن طول الازماني = ماتموت دام العرب تمشي باراضيها ماهو من الي كلامه دان ياداني = ياليت بعض البشر تصك افاهيها الميم لابانسٍ ولاجن ولاحيواني= فالارض يمشي ورجله ماتلاقيها فالبحر ماينوجد والارض ما كاني = فهمت والا لغوزي مانت قاويها النون تذكر ليا من صار زعلاني = تعطيه قوه وهو لاقال يحميها من لايسوي سواته قيل ينهاني= البيض وقت الخطر لايجيب طاريها الهاء بنت الشرف سليلة حصاني= ياقوها فالغضب ماحدٍ يجاريها ذاقت طعامٍ عليه النفس زعلاني = قدام رب الملاء للحق يهديها الواو لاحل حلت معه الاحزاني = خص الذي جيته ماعاد نرجيها الغز واضح ولايحتاج تبياني = والزود يمكن عقول الناس يعميها الياء رجلٍ يشابه خد الالماني= وبعض العرب ياعرب ماني مسميها الزود قالو بحال يصير نقصاني = ولاني مزود وصوفه خوف تخطيها تمت حروف الهجاء والشعر منصاني =بذلت جهدي ولك عذري بتاليها |
|
|
28-04-17, 02:12 PM
|
#4 | |
|
مستشار ملتقى الالغاز
|
الفيتن خامسه تنساق لبنت الرجال = الفايقه بالذكاء كحيله ماغيرها بالهرجه الدارجه جنوب والا شمال = علي توصيفها واطلبك تحضيرها الالف للي حصل بايام زلت يقال= لاقال هذي متى ياحلو تعبيرها وبالعكس لو تنقري ماعاد فيها جدال = جمع السرايا ليامن زاد تقديرها الباء يعني تصرف مالحقكم سوال = ارياك لاجبتها صعيب تغييرها لا شفتها بالورق مختلفتن بالمقال = يصير رجل يقد الرجل في سيرها التاء مطلب لشاعرنا خلف هذال = فالاشرطه قبل مايتم تكسيرها لعل يعطيه مطلوبه حسين الجمال= ويعطيه من يعطي العربان تقديرها الثاء فالي يشيلن الحمول الثقال = وقت المنازع هوى الاخصام تكسيرها عند البدو تنعرف جنوب والا شمال = فالمزبله تنحذف مايفيد تصديرها الجيم تطلب عسى المطلوب يلقى قبال = والناس لامن عطت يزيد توقيرها يالله يامنزل التوراة والانفال = تحفظ رجالٍ وفت مابان تقصيرها الحاء ورعٍ ولابه للهواء مدخال = الاطعمه سبته مابان تغييرها فالسوق تشريه بريالين والا ريال = وسميه بدو العرب تعطيك تفسيرها الخاء بعض الشعر والا كلام الخبال = هروج لامن لفت مايفيد تبريرها وصفٍ لها عندنا بعبورها ينقال = بعض الغوز الحقيقه سهل تصويرها الدال فوق الشعيب وتحت روس الجبال= والناس وقت الكبر يشابه لسيرها الغز للي يحل مفصلن تفصال = يعني وصوفه لكم مازدت تشفيرها الذال للي حقيقه عندي سمح القبال = النفس بعد الزعل يروح تكديرها تاريخه ماينسي محفوظ طول اليال = لولاه بعض العرب يضيع تفكيرها الراء فيها مثل يافاهمين السوال = اليا بلاك الزمن عليك تغييرها الا لياشفت شيٍ يعجبك فالخوال =اصبر لعل الثمر يشيل تقصيرها الزاء روس القمم للي نبي منزال = القمه يعطيك بالتوصيف تعبيرها لاصار فيه السرور يزيد حسن وجمال = والثانيه خلها ياشين تكشيرها السين يوم الخبر صعيب ياتي محال = ماغيره ضيف العرب عليه تحريرها واليوم تسفي عليها سافيات الرمال = بلمحة بصر لالفت يتم تسييرها الشين تشبيه فالطيب ودايم تقال = الرجل لامرته يلزمه تقديرها عندي وعندك ترى معروف رد المقال = الطيب تنزاد ماضني يجي غيرها الصاد عله سليم ولايجيه اعتلال = مامر عنده ترى محفوظ تصويرها يحفظ جداد العلوم ويحفظ الي سمال= الناس لو يختلف يازين تسفيرها الضاد لامن بلاك الي بعقله خبال = قلها ولاتستحي يازين تعبيرها البعض لو تمدحه يحطك تحت النعال = عينه مثل عين من تقتات بشعيرها الطاء ماهي بتسوى شي عند الرجال= ومن مدها زادت العربان تحقيرها عنها يشوم الذي يسكن بروس الجبال= مايصيدها مخلبه عينه على غيرها الظاد لابن المهلهل يوم غنا وقال = وجهتك لاعارضك عليك تغييرها جنب مادام الولي عطاك حمر السهال = نصيحتن فالصدر عليك تسميرها العين يوم العرب بدوان ترعى الحلال = ماغيره وقت المنام ينوم صغيرها دورته بعد الكبر لقيته رسم الخيال = كلمه ولازلت عاجز ويش تفسيرها الغين بنتن تسوي فالصدور اعتلال = ماهي بتنساح لين يتم تضهيرها ماترحم لامن لفت شياب والا عيال = انشد جيران البلد قدام تحريرها الفاء للي تسولف مايلقيك بال = كنه رجالٍ بدا يروح تخديرها عساك ماتنوصف بالوصف يابن الحلال= دام الغوز الجدد قررت تيسيرها القاف ماهو لنا تلقاه عند الخوال = هذا ك وسطه رجوله صعب تسييرها يشابه العوشزه في حال لامن طال= كثير ناسه ترى تعجبك في زيرها الكاف خيبة رجاء تجيك بعد السوال= والناس لاتنصدم لاشفت تعبيرها خصٍ ليا صار مطلوبك حسين الجمال= النفس من بعدها ياصعب تصبيرها الام تحت الرجم تصير فالمنزال = راعيها لاطولت مناه تقصيرها وعند البقر تنلقي ماتنلقي فالجمال= مطلوب كشف الغطا غطاك يابيرها الميم حذرى تحطه عند صفر الدلال = ماهو ردي الرجل يعيبه تنثيرها الغز واضح ولابه ياعرب جهال = والصعبه لاهل الذكاء عليك تمريرها النون للي ترك بالغصب زين الدحال = جابته رجله بعد ماطبت اجريرها شاف الذي مايسر وجاه كثر الجفال = بعد الهناء دنيته منحاسن امريرها الهاء ماتنسي دايم وهي فالبال = يازين لامن لفت باليد تمزيرها اما تجي سلق والا فوق جمرٍ جلال = حلوها قدام لايتم تغييرها الواو لدغيم الضلماوي راع الدلال = دله وزان الجمر يفوح تبهيرها مشهور فيهاعريب الجد عمن وخال = ناسٍ خذاها الزمن صعيب تكريرها الياء تمدح كذب وتقول انا مختال = صورتك فيها لنا كشفت تزويرها كلمه هنا فالبلد جنوب والا شمال = للكل ماتنجهل لاجاك تعبيرها تميتها ياعرب والعذر تال المقال = للي سبايب لغوزي تعب تفكيرها |
|
|
28-04-17, 02:15 PM
|
#5 | |
|
مستشار ملتقى الالغاز
|
الالفية السادسة الفيتن سويتها لاهل الصعاب = باقوال ماثوره ترددها العرب الالف وصف اثنين يعطيك الصواب= يرفعك واحد مايطالع فالنسب واحد يشادي فالسماء لون الغراب= والثاني ضده عكس مكثور الطلب الباء لك تحذير معروف الخطاب = عني ليا طعته يكافيك النكب لاصار جوك ممتلي عج وتراب = الحل وسط الحل مابيغى تعب التاء راس البنت عالية الجناب = بنتٍ لها عند العرب قدرٍ وجب الراس رجلٍ يرفعك فوق السحاب = ماهو تصنع طبع فالديد انشرب الثاء بعد الزاد ياتي والشراب = لاصرت في مامن ولاتشكي كرب اليا عطيته خالقك جاك الحساب = يزود خيرك وانت عارف لسبب الجيم راجي والرجاء تاليه خاب = شاف الذي ماسر وانزاح العجب الاسم ساسه كان ودك بالجواب =واليا جهلته لاتلحقني عتب الحاء مهما زان تاليته خراب = والي يبيع ويشتري به ماكسب عليك بالي يرفعك فوق الهضاب = رجلٍ شقيق ولايجمعًهم نسب الخاء وان راحت عساها لذهاب = لاتبكي الفضه وقافيك الذهب كلمه وكلمه لاتزود فالحساب = لاجبتهن بالحال وفيت الطلب الدال دفع المال يكفيك العذاب = يازين بالميسور دفعات السبب هذا الذي مكتوب في وسط الكتاب= ادفع ولاتنشد تراك الي كسب الذال ماغيرك يحاسب فالحساب = خوذ الحذر قدام ياخي تنكب ماينمحي محفوظ في وسط الكتاب = لاتلحق الاصحاب فالدنيا عتب الراء لامن حل فالديره خراب = لاينزلن دموعكم تحت الهدب يمكن ليامن راح وانزاح الضباب= تلقى الثمن مدبول والخاسر كسب الزاء غير الشوف ماحصل جواب = فالموقع الي مايفارقه الشبب وقت القاء فالدار ياكثر الصخاب= بس الذي مقصود يجهل بالسبب السين بالي معتلي حده نصاب = الموت للقاتل بلحضه منجلب قال الذي فيها يجي فصل الخطاب= بعد لحقه الوم وازداد العتب الشين سوق المال واشتر لاتهاب = اما لقيتوها ذهب والاحطب سوق الذي يلم بالية الثياب = لعبتك لعبة حظ ياراع الشنب الصاد حله لايخليه الشباب = امان لامن الدهر جوه قلب بنتن تفكك لاتجي وسط الخراب= لقيتها بكتاب والناصح كتب الضادلامن جاك من زاه الثياب = اتوصفه بالي يشابه لرطب الغز واضح لاتسنون الحراب=واليا جهلته بيننا كثر النشب الطاء في ثنتين لاجنك صواب = فالي تعلى فوق ياقو التعب خل التعامل شرس ياشبه الذياب=الصبر لامن زاد تاليته عتب الظاد للي ساكنن روس الهظاب= حين تميز بالحلا زين الهدب فالظلع ساكن مايغادر لشعاب =حب الوطن غالي ويسكن فالحدب العين للي ماختلف عمره شباب= ياكثر عدوانه وياكثر الصحب لاصار يبغي بنت عالية الجناب = للمستحيل يقال مافيها حسب الغين لطالب يجي رد الجواب = يرتاح لامن جاه بقدوم الطلب رد الذي ماينلحق لوم وعتاب = يمتاز بالاخلاق وعلو الادب الفاء للي ماكشف نوع الخطاب = هرجن على شانه تبين وانجلب ليته درى يمكن يلاقيها صواب = وتصير بعد الله للعاجز سبب القاف يبقى لو غدا مثل السراب = غلاه وسط القلب يالربع انكتب علي لو زعلو كثيرين الشباب = كلن حسب مايهتويه ومارغب الكاف ياشينه ويازينه عقاب = للي تخالف ماتمسك بالادب بديل للي ضربها عجل الذهاب =انشهد انه يعسف المهر الصعب الام فيه القدر ويزود المهاب = لاصار حلو القول لسامع جذب الزاد مايخفاه ويحب الشراب= موصوف بالي لامشاء يهذب هذب الميم غرون فايقن فعله وطاب = ينفعك لامن حل فالدرع الخطب مقطوع راسه لاتعدى فالتراب=هذا مثل مشهور مبطي وانضرب الميم تبغى تعتلي روس الهضاب = حارب خوي اليل لاطش الهدب الغز يبرق مثل براق السحاب=مايجهله ياكود جاهل بالسحب النون جبت العلم واعطيت الصواب= لاكنه يطلب شي لسامع عجب اما خبل والا مكثر فالشراب = لعل يصحي ويتبين وش طلب الهاء وصف للغضي زود مصاب = للي من الفرقا تولع وانعطب قاله صغيرن ماحسب قوله صواب=واصبح مثل ينقال لاحل العجب الواو مثل ابوه مابل الثياب= فوق الذي قليل من فوقه ركب الحر لاوصفت مايشبه غراب= الغز اشاره وانت فاهم لطلب الياء للي ماحسبنا له حساب = واليا انكشف لاتامنه ماينقرب السم وسط الجسم شالته النياب=اخذ الحذر يالمحتقر لاتنكب السادسه تمت ووفيت النصاب = لعل نلقى من يقدر لتعب والختم ماهلت رشاريش السحاب= صلاة للهادي واله والصحب |
|
|
12-05-17, 03:00 PM
|
#6 | |
|
مستشار ملتقى الالغاز
|
الالفية السابعة سمو الداعيه جتنا علينا شالت الهيه=تقول الغازك الصعبه بحد السيف نرميها وانا من شان ماقالت عليها باهدي الفيه=ومن يقدر يشاركها نقول الله يحييها لاحد يتعب يدورهاترى فالبيت ملقيه=اقوله واحتمي قولي غريبه ماتلاقيها الالف بنيتن عاري وهي لستر مقنيه=قديم الوقت مازالت جميع الناس تقنيها خبير البنت بالعالي دياره فوق مبنيه= نحيلة خصر ماتمشي يالين انك تمشيها وحرف الباء مايجهل حروفه عكس مقريه = خلافه يستر العاري وبعض احيان يحميها يصد الشمس في وجهه وخلفه تاتي الفيه=عليه اشكال ماحلاها خبير الصنع ناقيها وحرف التاء للغالي حسين الوصف مشريه =يقضي معضم اوقاته بنضراته يحييها بكل الوان تلقاها واحسن لون زهريه= وصفت البنت وش باقي لزوم انك تسميها وحرف الثاء مطلوبه لكل انسان جبريه = بدون البنت ماتقدر كثير اشياء تقنيها لها فعلٍ ينومسها عليه البنت مبغيه= والا من فعلها وقف كثير الناس يرميها وحرف الجيم له صوره ليامن جيت ماريه = على خده تميز به ولاحدٍ جاهلٍ فيها ليا من طقت الصوره يصيح صياح جنيه=احد يسكت ولايسمع واحد ناسه يحييها وحرف الحاء ماجملهن على بنتين ملقيه =صنعهن صانع مختص لاجل ثنتين تحميها ترى وحده بلا وحده تصير البنت مرميه= تذكر راعي السلعه وذاك الي طمع فيها وحرف الخاء لراي علامة شوم مقريه = قبل لاينتهي عمره عطاه العلم قاريها غلامٍ دوم مطلوبي يازينه بارض بريه= لاصار يدينك الحلوه على الوجهين بانيها وحرف الداء له شغله يسويها برجليًه = ليا من فتحت رجوله بلحظه دوم يثنيها على رجلٍ يحطونه كثير الروح والجيه = يفكك منه فالجيه على داره يضويها وحرف الذال ماتنسى مادام النور بعنيه= هنا وهناك وهنيا تناديني واناديها ياكثر العين ماهلت فراق الروح جبريه= يايوه الحال من بعدك قوليلي من يهنيها وحرف الراء منزاله على العليا وسفليه = يشكلهن بتشكيله وقبل الرب محليها وعكسه صورتن قشراء على النسوان ملقيه = تلين قلب مايدري وهي خدعه تسويها وحرف الزاء معروفه تجي تقليد واصليه = والاصليه بقاعتها سواده ماتخليها يجيها الشي مايعتل حراره او بروديه= وهذيك الله يقلعها تغير مايجي فيها وحرف السين لامن جات بالارزاق متليه= قديم الوقت تتردد ولاحدٍ شفت يرميها وزمان اليوم ماترجع بذاك السطل مرميه= ذكرت النخل وغصونه وكيف الناس تبريها وحرف الشين ماينسى ليا من جات ظهريه = بشهر الصوم وايامه لهيب القيظ شاويها قبل ماياتي الكهرب وينزل فالسعوديه= نقضي وقتنا المكلف عسى ربك يمشيها وحرف الصاد باعلنها تحدي لشقرديه = وحله رجل فالقاسي عضامه دوم ينهيها قبل مده يعرفونه ولا له حل موليه = وذا الحينه مداوينه ولايقدر يسويها وحرف الضاء تفرحنا وحنا صغار بالجيه= كان العيد لافينا وجارالبيت راجيها تشوف النار مشبوبه على الميقات عصريه= ليالي روحت حلوه ياكيف العين تسليها وحرف الطاء هولني ولامثله ولازيه= ياكيف يموت الحيه وبعد الموت يحييها ترى طوله حسب عرضه لقيناهم سواسيه=يجيه الزاد وعروقه بعيداتٍ مناشيها وحرف الظاء مطلوبي ليا من جات ضهريه = بحزة كنت الخنساء ولاترتع مرابيها ترى عمرك يوصف به وهذي حسنتن سيه= نصيحه كان ماتدري لغوزي لاتضويها وحرف العين فالعليا والاخرى جات سفليه = تقف لزود لاكنه توفي نقص راعيها تشيل بنيتن لونه يشابه خد سوريه = بلاه البنت ماتعمل وراع الصنف يرميها وحرف الغين يحمل شي وقاعه تحت مشويه= ليا من طاب محموله بنات الكيف يسقيها كبير الحجم مايخفى هله ناسٍ شقرديه= مجالسها ماهي تقفل كثير الناس ياتيها وحرف الفاء فالماضي ولاهي دوم صحيه= عملها يكفي الواحد وغيره مايواتيها قبل مده نقف فيها وحنا صغار جبريه= وهذا الوقت لايمكن قليل الي يسويها وحرف القاف مايترك رفيق البنت فالجيه = بلاه البنت ماتحلى سلوم البدو ندريها يسمى رجل لاكنه حسب ماعرفه بنيه = ولاحدن جاهلٍ باسمه حقيقه مانخفيها وحرف الكاف فالملمس ويشبه شكله الحيه = حموله شي مامثله خطير الروح يفنيها يجي مكشوف واحيانن يجي بدروب مخفيه =يسافر يقطع الديره ولاله رجل يمشيها وحرف الام فالعذرى ياكثر الغاز مبنيه = ليامن ركبت الكبري لها فعلن يحليها لها شغله وشغلتها ترد جيوش مرميه = جيوشن بعد ماطابت باماكنها تخليها وحرف الميم يازينه بعد بنتن سنافيه = فتاتن ترفع العالي وكل الناس تغليها ليا من صرت متعافي تضم البنت حنيه = تلاعبك وتلاعبها على كيفك تمشيها وحرف النون من شانه هكا الرجال مشريه = عن الي باسمها يعرف ترده مايدانيها قديم الوقت والحالي صناعتها محليه = ياكم بنتن سنافيه بعد زعلت تراضيها وحرف الهاء وش جابه وفيه الناس مبليه= هنا فالدار ودياره بعيداتن حراويها فقير الناس يشرونه وتشريه الغناويه= ولابه فايده تذكر نقول انك تلاقيها وحرف الواء شغلتها تجيب بنيتن حيه= فتاتن قبل تعجزنا وصعب الشحص يحييها وهذا اليوم ماسهلها بلمحة برق مبنيه = تجيب البنت هالعذرى وحاذورك بلاويها وحرف اليا بنتينن وهذي تشبه لذيه = على رجال شايلهن خديناته ويحميها الاولى وين ماتلقى هذيك العكس ملقيه=عملهن تحت مايرقن ليامن جيت واطيها ختامن تمت الفيه لغوزن عد منقيه = ثمان وعشر مدبوله جويداتن معانيها |
|
|
24-05-17, 11:48 AM
|
#7 | |
|
مستشار ملتقى الالغاز
|
الالفية الثامنة الفيتن ثامنه ياحسين دوكيها = لعلها تكتمل فالعشره التاليه بالخبره الماضيه صغنا معانيها = يصيدها واحدٍ لصعب حلاليه الالف رجلٍ شجيع الدار يحميها=امعرب الجد والعمان والخاليه اليا بغا له كرامه صعب يشريها = ماتنوخذ بالرضى ويدينه طواليه البا بنتن صعيبه ماتلاقيها = وقت المساء فالبلد تنشاف جواليه ناسن تبيها وناسن مادانيها= للي يجيب الاذى تراها قتاليه التاء عشره وعشره كيف اسميها = وشلون ياصاحبي تخطر على الباليه شبه الجزيره فلا يسكن حراويها = هاتوه لاينتضر حلوه طواليه الثاء رجلٍ صحار البيد يطويها = بليا رجول وجناح تسيره عاليه اعداءه ماتامنه يسكن حواليها = ويسكن قصورليا من طبهاخاليه الجيم ضيف البلد والدار يبغيها = لاشك راع البلد لضيف قتاليه ضيوف ماتنرحم يالله تكفيها = ناس ليا مرها عليه محتاليه الحاء ورعٍ حياته كيف يمشيها = مطشوش فالمقبره ماعنده الواليه ام الحنان الرحيمه وش تسميها = لاصار عن ورعها ماتنشد وساليه والخاء فيها البني زينن تسميها = بنتن خلقه الولي وعيونها حاليه فيها هنوفن تسمى ماحد ناسيها = جابت درر للعرب محفوضتن غاليه الدال عند العرب ماحدٍ يساويها = ماغيرها قاطعن لربعه الخاليه الروح من دونها والكل يفديها= باسبابها كم ربوعن روحت جاليه الذال بنتٍ ودار العز تلفيها =بيتٍ ضيوفه مدى الايام متواليه راعيه حيل الغنم لاجات يفنيها =ماهو من الي يصر ويجمع الماليه الراء بديار حر الصيف مغديها= ماتعرفه في صفر والا بشواليه سميها فالبلد معروف راعيها =دليل مايمتلك رصيد جواليه الزاء شمس العصر لامر غاطيها = كانه علامه على الكبوت تمثاليه اشكال غيره فلا شفنا يسويها =خلت هل العرف بالاشكال جهاليه السين لامر له بنتن يعريها = مشيه مثل واحدٍ لصيد حباليه جسمه بالالوان للاعداء يخفيها = مثل الذي فالبشر يجيك دجاليه الشين بنتن هنا لضيف نقريها = بعد الحلا والذي في وسط فنجاليه سميها عند ناسٍ مانت غاويها= رجال وسط البلد رفيع منزاليه الشين لاجاك بلحونن يغنيها = كنه قنوف المطر لاجاة هماليه باسمه هذيك المره شانت لياليها= بعد التعب روحت للخبره الباليه الصاد لاحب روح الحي ينهيها = ماهو بيمزح خبيث الفعل قتاليه وبالقلب رجلٍ يدينه دوم حاسيها = للحاجه الي تلوق العين شياليه الضاد كلمه ومفرد ماتلاقيها = اسمٍ لحيٍ يرب جبال وسهاليه بكل الدول تنلقي والكل يشريها= صحبانها دوم فيهم طولة الباليه الطاء عيالن لبنتن ماندانيها = بنتن لها علم فالمحفوظ مازاليه ان كان مانته بكتب العلم قاريها= ارتاح ياطيب العمان والخاليه الظاء فالدار قبل اعوام رابيها = قبل الموحد يحكم الدار رحاليه واليوم وسط الشبوك البعض غاذيها=ماهو بحرمه ترى المقصود رجاليه العين بنتن صغيره دوم نغذيها= يازينها بالربيع وجوها ساليه العين طول السنه دايم تراعيها = نواه تبقى لحفظ اجيال متاليه الغين ذيك الزعامه دوم راعيها = ماغيره احدٍ تقدم اولها ناليه ماجابها السيف ولا بالمال شاريها=لليوم يعرف بها ياطيبها غاليه الفاء ورعٍ صغير لبنت نغليها =فالمملكه ماتشاف البنت رحاليه بنتٍ جميع البشر بالزين تسقيها= الاوله تعتبر بالخير والماليه القاف بنتٍ تخاف الزرقاء تفنيها = والزرقاء معروفتٍ مانتم بجهاليه لذلك ترقد ضهر وتغز رجليها = ماهو بقولي كلام القيل والقاليه الكاف رجلٍ دياره مايعديها = قليل فوق الوطا ينشاف جواليه ادياره سحب الحيا دايم تساقيها= وان طب فالسوق مايسام برياليه الام رجالها يتبع خطاويها = بنتن لاجل زادها تصير قتاليه تتعب على شانه والرجل يحميها=يكفيها لامن لفت حزات الاهواليه الميم يحمل صفه لازال راعيها = لاشلتها كلنا بالاسم جهاليه مدري متى تنتهي ماحدٍ يدانيها = الناس تبغى تقض الوقت متساليه النون وسط القبر جسمه يغطيها = وان شاف ماعاف للعدوان قتاليه سميه لامن وطاله بنت يفنيها= عساها ماهي لنا والا لكم فاليه الهاء جاب العلوم لشخص يبغيها = بالغيبه الي قضاها وقت رحاليه تلقاه فالمملكه بشهور ياتيها = يروح وياتي ولايطري على باليه الواو شطب الجبل فالخوف يحميها= لاشافت وسط الحمى عدوان دخاليه والعكس داءٍ يصيب الناس يبليها= عزاه يالي له من الناس شياليه الياء بامثال عند البدو تحكيها = ابنيتن دوم فالعينين متحاليه يموت والبنت لايمكن يسويها= معروف هذا المثل جنوب وشماليه تمت حروف الهجاء وارجي بتاليها = دمح الخطا غاية المطلوب واماليه |
|
|
29-05-17, 11:02 PM
|
#8 | |
|
إنتقل إلى رحمة الله تعالى
|
الالفيه التاسعه دينيه عدد ايام شهر رمضان
الف اولف لرمضان= عدة لغوزٍ تفيد حلها وسط القران = كلمه لاتذهب بعيد 1 الف نشرحها بيان= تعني الفقر الشديد لاجلها ماض الزمان= يذبح الغالي وكيد 2باء يعني فالزمان= وقت مستقطع فريد للي يخفى مايبان = فالشتاء وقت الجليد 3باء توضيح المكان= موقعٍ نادر فريد للي فالورع استعان= يرفع الجدر ويشيد 4تاء نضره بالعيان = للي تفكيره بليد نضره مافيها حنان= نضرة الحر لعبيد 5ثاء معناها ضمان = هلك للهالك تزيد الندم فيها يبان= لاكن انه مايفيد |
|
|
|
|
 |
 |
 |
العرض العادي
