عدد الضغطات : 0
الشاعر/سند مسند العريمه الحربي........ لا صار ماتبدع إبيوتٍ ثمينه= = ريح ضميرك واترك الناس ترتاح ياما سمعنا من قصايد عجينه= = والمشكله حازت جماهير وأمداح في عالمٍ تصفق يساره يمينه= =وكل القصايد عنده إسمان وصحاح ميزانهم صوتٍ تعالى رنينه = = تلقى جماهيره لها صفق وصياح خلوا تقاليد العرب والسكينه= =في ليلهم مسراح والصبح ممراح ويااللي على الشاطي تدف السفينه= =عود على الساحل ترى مانت سباح البحـــر يبـغـاله رجــالٍ رزيـنـه= = له غـبـةٍ تـجـذب جـمـادات وارواح وخلك على كشته قريب المدينه = = دلــه وبــرادٍ له البـــال يــرتــاح...........الشاعر / بخيتان البشري .......ماضاق خاطر من نودّه ونغليه = لو البحر من ضيقته ضاق به ماه ..... مودّنا غالي و ودّه نخليه = غالي ولو كل العمر مالقيناه .......والي تولى للمشاعر موليه = قلب المودّ اللي وداده تولاه .........طيبّ خواطرنا بكامل تحليه = بصدق الشعور اللي عليها صدقناه ........اللي بصوته همنا دوم يجّليه = وبصوتنا قلبه من الهم نجلاه.........الشاعر /سعد المحمدي .........دريت باللي دار خلف الكواليس=وحطيت نفسي كن ماني بداري=بعض الامور اقيسها بالزمن قيس =وبعض الامور اصير فيها انتحاري=ان جيت يطفي نور كل الفوانيس=وان غبت غني ياطيور الكناري............الشاعر/عيسى العوفي..........وجهة نظر ماقول انا قولي مصيّب=ابديت رائيي مثل للرائي من قال.....ان جيتني بالطيب آعاملك بالطيب=ردالجميل وشيمة ارجال للرجال.....وان جيت في علم الردى ماقربه عيب=تكرم بها مالي مع العيب مدخال.......طبعي وربعي محتمين المواجيب=حربي بدربي متبع النذل لاعال.......العز لو تشويك حر اللواهيب=موتي ولاقوتي ورى ايدين الانذال......العمربامرالله وماقدّره غيب=والراس تصعب رفعة الراس لامال......وسيرة ارجال الطيب منها المكاسيب=نوريدل اللي جهل يقدي الضال......اخذت من غيري ادروس وتجاريب=اسئل وآخذت العلم من رؤس عقّال................الشاعر ( سعد المحمدي )............يابو فهد برق المزون النوازي=حجاز وانت بعالية نجد وبال=بينك وبينه بعد دار وغرازي=سيله بحر ياراعي المعدن العال=ماله مصب بداركم ورتكازي =العلم مايجهلك في كل الاحوال=يكفيك عن مية قليب ارتوازي=نهر الفرات اللي من الجال للجال=ابن المباني فوق ساسن عزازي=وقت الشتاء تذري وبالقيض مقيال=يامحزمي لاصبح الدار غازي=دنياك تبغى للعقد رجل حلال=واللي بها بالحالتين انتهازي=لابد مايلقى بها شمس وظلال=عن الحجاز اسمع كلام الحجازي=كلام حطه يارفيقي على البال=من التجارب دوبلماسي جوازي=عليه ختم المعرفه تقل تمثال=ياعل ماقلته على ارضاك حازي=في وقت ماينصح معك كل من قال.........الشاعر(زيد بن مبشر الحصني الحربي) رحمه الله ............أقول وأقابل ولاني بسايل=دام الكلام عن الحقايق مباحي=عندي على صحت كلامي دلايل=اموحهن من جم عدٍ قراحي=شفت وسمعت وقلت والرأس طايل=باللي على الساحه ولا هو سياحي=الله يجمل حال راع ألأصايل=حازن على الجوده بكل النواحي=والله ماجامل براعي الاوايل=لو ضاق من قولي زميلي مناحي=وشاعر قبيلة حرب عند القبايل=لافي حمود وبس حسب إقتراحي=ومن قال أنا بقول ويش انت قايل=أنا افتخر بجود ذخيرة سلاحي=ماشلت هم ملقحت كل حايل=اللي على ماقيل خف وجناحي ................الشاعر (مقبول حامد المحمدي).........بحثـــــت في قول البخاري ومسعود=والترمذي وكتـــــاب مسلم وماجه=وحتى النسائــي ما ذكر طب موكود=للصرقعه والعلعله واللجاجه=يا صاحبي ياراعي البيض والسود=ترى الكلام الشين عيــــــــب وسماجه=انا أعرف المقصــود والغير مقصود=ولا أحـــب هرج الثرثره والهماجه=الرجل ماهــــــــو للتفاهـــات محدود=ولا كل كـــلمه تستحــــــق المواجه=من سبب الفتنه ماهــــــــو كاسباً فود=ماحصّل الا لكمــــــــــتن في حجاجـــــه=جاه الخبـــــر مكتـــوب في رأس عبرود=عن حاجته كانـــــه بعمــــــــق الزجاجه=صحيح قالو يقـــــــرد النـــــاس مقرود=ويخسر غـــشــيـماً مايميـــــز خراجه=بعض العرب مـن راســــه العقل مفقود=ينفخ ذروبــــه ويتلقــــا العجـــاجــــــه=لو تنصحــــه عن سكـــــة الغي مايعود=ويترك قراح الماء ويشرب هماجه=يالله ياللـــــــي عنــــــدك الخير موعود=تجعل لنا مـــــــــن كل هــــــم انفراجه=نغضي ونصفـــــــح لكن القلب ملهود=جرح الخطـــــــــا عجزت اواري خلاجه=ماني على كل الخطا سيـــــــف مجرود=ولا كل عـــــود اعـــــوج يعــدل عواجه=والشعر له مــنـــهـــــج وله سلم وبنود=ماهو كما ســــــــوق يلجلـــــج حراجه=شعري مع أهل العرف مسموع مشهود=ولاني على كيــــــــف الغشيم ومزاجه=امشي عزاز الدرب وأســـــــنـّـــد اسنود=وأدرى قدم رجلــــــــي عــن الانزلاجه=ارفا كلامــــي لايجـــــي فيــــه منقود=ولاهمني قول الحســـــــــــود ورواجه=اللي مقيمني وشاهــــــــد لي العــــود=شيخاً بصرح المجــــــد يضوي سراجه روائع شعريه

الشاعر/عبدالعزيز الزويهري (ابو بتال).....من لا هوى زي محبويي==عايش غرامه على الفاضي ==انا على احساس مكتوبي==حسيت ربي علي راضي.....الشاعر / حمدان دراج القايدي.....عواطف القلب لك وحدك.... ياللي ملكت الحلى والزين.....مافي احد في البشر مثلك.....طيفك سكن داخلي بالعين........الشاعر /غافل الهم قلبي ....... مريت بيتك نهار العيد...لكن قفلت بيبانك....عارفك زعلان بالتأكيد...حرام ماتشوف جيرانك..........الشاعر / عاشق الاصاله .........لاغابت الشمس بانمسي=من دون مدعوج الأعياني......مع القمر يكتمل انسي=في تالي الليل لاجاني..........الشاعر / حرب - سلمان القريقري ....... واعيني اللي من اسبابه=زايد سهرها عن المألوف ..واخاف لن طول غيابه=تفقد نظرها معاد تشوف.......الشاعر / خليفة المزروعي ...........عزي وتاجي قبيلة حرب=يوم الهول مزبن الخايف ... يشهد لها شرقها والغرب=ويشهد لها المطلع النايف.........الشاعر / ابوفرح السهلي .....لك حق والناس بالمقياس = مثلك لها حقوق موثوقة ...ومن لايوفي حقوق الناس = لايطالب الناس بحقوقة...........الشاعر / عبدالعزيز الزويهري ابو بتال ....هواك أعمى عيون الشك=لولاه يمديني احرقتك /لكن بإيمان ودي لك=كذبت نفسي و صدقتك......... ..............تلميذ الكسرة / ..............ما تعلم ان الجمال يلمّ **** وحظي الردي قادني يمّه........ آنا اتجــرع مرار وسمّ **** وكنّـــه يكـــايد ولا همّـه..........الشاعر / ابومبارك اليوبي.......خـذ المـثـل ياعـريـب الـجـد=اصل الشجاعه صبر ساعه=لايـغـرك الـزيـن يــوم يـلــد=اصبر وخلـك علـى الطاعـه................الشاعر / بيان الصمت ....سلام من قلب تلعب به=زود الهواجيس وأحواله=والوقت ما فادني طبه=من ظلمة الدرب وأهواله........الشاعر /وليف الشوق.....كل مانصحناك تتركني = وتشوفني من الد اعداك...واليوم لاعاد تنشدني = فيماحصل من مآسي جاك..........الشاعر / سرورالبشري ......طا وعت قلبي وما شيته= حتى رماني فدرب التيّه...ولا تنفع المبتلي ليته= لو جاء يعود معاد مديه............الشاعر (خليفة المزروعي)......عمر العجل مايضوي خير=يامحـسـن الـرجـل متـأنـي=الثقـل صنعـه ولــه تدبـيـر=وراع العجـل دوم متجنـي............الشاعر/خالد بن عبيد بن معتوق الأحمدي....... زايد بحسنُه على جيلُه= وكاسِب رضايه رغم عِندُه=ومن يوم يطلبني آجيلُه=خمسة دقايق وأنا عِندُه......الشاعر(ابوفـــرح)....عنـدي أمـل فيـك يـا.. بـكـره=تمحي بقايا جروح .. الأمس=وقـلــوب حــبــت ولا تــكــره=تشرق لها من جديد الشمس........الشاعر (حامد بن غالي السليهبي)(حسيبك للزمن) رحمه الله .........ناديت قلت انتهى صبري = واغبر زماني طِواني طَيّ=والناس بالحال ماتدري = اظمأ وجنبي غدير المَيّ.............الشاعر / محمد بدين القايدي ( السينات ) ......أدلِّـــــلـُــه دائماً وارضيه=والبِّسُــه ثوبه المألوف...لكن بِطبعُه يفرِّط فيه=ويخلِّي مَنْ لا يشــوف يشـوف.............الشاعر بخيتان البشري / ليه المجرة كواكبها=احيان عكس المدار تدور .. بحور تغرِق مراكبها=وتخلف نمط سيرها فبحور.......الشاعر ( حمدان دراج القايدي)......هليت دمعي من أسبابك = وجرحي نزف داخلي مقواك ‏=محتار وشهو اللذي صابك =الجرح في داخلي ماشقاك...........الشاعر ( راشد الزهراني )......حتى جبال السراة تحن = ماهي كما قلبك القاسي = يامن بوصلك على تمن = ودايم تعكر صفا كاسي ..........الشاعر ( خليفة المزروعي ).......ابوك يبني عليك امال / حذراك لاتخيب اماله /حاسيك لامالت الأحوال / إنت الجبل يجلس إظلاله........الشاعر( عبدالعزيز الزويهري ابوبتال )...... راح الذي فارق أوطانه = و أفعاله فالطيب ما راحت = و الله من بعد فقدانه = عمدان صرح الأدب طاحت ........الشاعر (مشعل النويمي) ......الريح لو إنها تشتد= تحطم اعتى وأكبر حيط =لكن مهما مداها مد =ماتقدر تفك عقدة خيط ............الشاعره (الكحيلة) ......أتعبني القلب بحساسه=ادراه ويدور التعذيب= بهم ن ضلوعي حطب فاسه = من يطلع النجم لين يغيب .......الشاعر (حرب ابوعمر) ......قلبي سألني .حصل ماذا = تشكي ولاادري سبب شكواك = قلت انتظر فالوفا هذا = لكن تفاجئت جاني ذاك.......الشاعر (غافل الهم قلبي) ... احترت والقلب شايل هم /سنين مخفي الم جرحــــي =البوح ممنوع يالفاهم / راح العمر وانتظر فرحي .......الشاعر (ولد الساحل).....سبحان من بالجمال اعطاه / تحفه وتصوير رباني = سلهم برمش كحل غطاه = يرمي سهام الهوى فيني...........الشاعر ( نعيم عابد السيد ).....يا نار الاشواق ما تطفين / ما يكفي القلب واتلفتيه = هذاك لو كان ما تدريـن / سيب غرامك وولع فيـه ...........الشاعر ( احمد عاقل الغانمي ).......ابشتكـى راعـي الـدكـان / من بعد ماجـاب لـه هنـدى = ماعاد يرفق علـى الجيـران / حتى سلـف قـال ماعنـدى ...........الشاعر ( أحمد بدين القايدي ).......كسب الفتى طيب أفعاله / اللي بها ينتهج له درب = وانا كسبته من رجاله / وافخر لأني فتى من حرب .....الشاعر (عايش الدميخى ).......ابني فصرح الوفاء مدماك = يبقى مسجل عليه اسمك = ان عشت بالطيبة طريـــاك = ولا مت يبقى الثناء قسمك روائع الكسرات

 


العودة   ملتقى قبيلة حرب الرسمي > ๑۩۩ الملتقيات الأدبية ۩۩๑ > مــلتــقــى دواوين شــعــراء الــقــوافــي

مــلتــقــى دواوين شــعــراء الــقــوافــي [ جميع الشعراء ]

إضافة رد
 
أدوات الموضوع إبحث في الموضوع انواع عرض الموضوع
قديم 05-09-09, 10:13 PM   #21
إداري سابق
 
الصورة الرمزية فهد ابن غانم

 











 

فهد ابن غانم غير متواجد حالياً

فهد ابن غانم has a reputation beyond reputeفهد ابن غانم has a reputation beyond reputeفهد ابن غانم has a reputation beyond reputeفهد ابن غانم has a reputation beyond reputeفهد ابن غانم has a reputation beyond reputeفهد ابن غانم has a reputation beyond reputeفهد ابن غانم has a reputation beyond reputeفهد ابن غانم has a reputation beyond reputeفهد ابن غانم has a reputation beyond reputeفهد ابن غانم has a reputation beyond reputeفهد ابن غانم has a reputation beyond repute

افتراضي

يابو غنيم ان جيت دار الحـداري = اسلم وسلم لي على طيب الصيـت
اعداد ماهبـت هبـوب الـذواري= وعد النجوم وعد ما أصبحت و أمسيت
معزب الخطـار ذيـب الغـداري = مشـرّع البيبـان ماقفـل البيـت
يعرف محلـه ليـل وإلا نهـاري = بيّن مثل روس الجبال المناعيـت
للطيب في وجهه تشاف المـواري= ما قال من بعض المسايـل توذيـت
يذبح لضيفـه غاليـات المشـاري = والجار مايخفي عنه عود كبريـت
راع الدلال اللي على جال نـاري = أعماس راسك تطرده لاتقهويـت
ريف القريب وللخصم سم هـاري = حقايقٍ ماهـو مهايـط سرابيـت
خـوي جنبـه يامنـه بالمسـاري = ماقال من خوتـك يافـلان مليـت
البدو لا شالـو يشيـل المبـاري = بدّاء على نفسه قصيره وأنا أوحيت
ماعمرها صارت بكـل الديـاري= موقفه بالطيب من يبعـث الميـت
مواقفه دون القبيلـه جـهـاري= علمٍ مثبـت بالتواريـخ تثبـيـت
بين القبايـل بالحـداري نمـاري = وليا مدحت معرّب الجد ما أخطيـت
مدحي لشاعر حرب سر أفتخاري = وفي مدح راع الاولـه ماتوانيـت
شاعر كبير وللشعـر ما استعـاري = يسكّت الاخصام بالشعـر تسكيـت
من روس قومٍ للعـداء مـا تداري = اللي لهم تخضـع كبار الطواغيـت
لا حولـو بسيـوف وإلا شبـاري = قومٍ تشتت مقدم الجمـع تشتيـت
أهل المليحـا ناقليـن السـواري = والنعم فيهم عـد بالعيـن ماريـت
رجالهم قلبه من الخـوف عـاري = لاشبت الفتنـه عيـال العفاريـت
كم شيخ صبحهم لحمـر البكـاري = عليـه خلـي للعـذارى تناهيـت
لا صار كر وفر فـوق المهـاري = تارد على عد العداء صبح وتبيـت
اليا اختلـط بارودهـا والغبـاري = كم فارسٍ لاشافهـم قـال ذليـت
ما قلت غير الصد ق والكل داري= وأهل الحسد بهروجهم ما توحيـت
سود النوايا والعقـول الصغـاري= لأقبلت تضحك لـك وتشتمـك لأقفيـت
توحيد راي الناس صعب المداري = وأنا لهرج الصدق يالربع عديـت
ماقلتهـا ليـه مـرام وطــواري = ومسممين الهرج عنهـم تواريـت
أخلفت عنهـم بالبدايـه مسـاري = وفي قول جهال العرب ماتشقيـت
واختامهـا ياللي بالاسـرار داري = راجيك حسن الخاتمـه لا توفيـت




التوقيع :
    رد مع اقتباس
قديم 23-09-09, 08:07 PM   #22
مستشار القوافي

 










 

سعد المحمدي غير متواجد حالياً

سعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond repute

افتراضي

ياعيـد راسـي ماحنيتـه لمخلـوق =الالعـود مـسـن والـوالـد يـنـا
ناخذ حقوق ونعطي العا لـم حقـوق =بعنـا بسـوق المعرفـه وشتريـنـا
رجال لي مبداء ولي حسن منطـوق= غانـم واحـب مرافـق الغانميـنـا
وان شفت لي واحد من الناس مصفوق =جنبـت عنـه ايسـار والا يميـنـا
لاصار ماب السالفه قضبـت حلـوق= فجـوج نجـد اوسـاع يسامعيـنـا
اخاف من شرهت هل العرف والذوق= عريـف شرهتـم علـى العارفينـا
وإلا الرخوم رخـوم ماترتقـي فـوق =علـى الـردى ياعيـد متحالفيـنـا
قل للهبيل اللي من الغيض محـروق =يبطي عظم ماحصـل العيـب فينـا
عن مايبي في كل الاحـوال مفهـوق =يرتـاح لايبحـث خفـا المستحينـا
ماكل من يطرد ورى شـي ملحـوق =ياما غـداء يامـال شـل اليـد ينـا
لصبر حد وكـل سلعـه لهـا سـوق =واللـي بقلبـه حـقـد لازم يبيـنـا
لو تدفنـه بالطيـب وتلبسـه طـوق =عقرب ثـرى لوزنـت لـه مايزينـا
ياكبر شرهاته عسى رجلـه العـوق =وياقـل فزعاتـه مـع الفازعيـنـا
يفرح لاشاف معشي الضيف مزنـوق =ويزعل لاشـاف النـاس متصادقينـا
علة نحر لـو قلتلـه روق مايـروق =المخطيـه يرطـن عليهـا رطيـنـا
وقت الرخاء صوته يغطي على البوق =وعنـد الشدايـد ماتشـوفـه يبيـنـا
الوقت ساوى بيـن نـادر وغرنـوق =يالله ستـرك ليـن يــوم اليقيـنـا
وصلاة ربي عـد مالاحـت بـروق =علـى محمـد خـاتـم المرسليـنـا




التوقيع :
    رد مع اقتباس
قديم 23-09-09, 08:23 PM   #23
مستشار القوافي

 










 

سعد المحمدي غير متواجد حالياً

سعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond repute

افتراضي

يابو فهد تسعيـن يـوم أبعددنـا =وإنا انتظر منكم تجينا المراسيل
ماجا خبر من عندكـم يابعدنـا =وحنا مع الطيب نحب المواصيل
مدري جفا وإلا نسيتـم وعدنـا =ولا أشغلنك لابسات الخلاخيـل
عن ماحصل يامعرب ا الجد فدنا =جيب الافاده كاملـة والتحاليـل
اما رضيت بعذركـم لأوردنـا =ولا وصلنا الحق عند الرجاجيل
لو منت طيب ماركضنا جهدنـا =وراك يانسل الرجال المشاكيـل
من لأنشد عنـا عنـه مانشدنـا =ألا رجال الطيب ذباحت الحيـل
بعيد وإلا يالسبيعـي مـن آدنـا =ومن لايعرف البن مايعرف الهيل
لك بالوفاء والطيب حنا شهدنـا =شهادتاً مبغى وراهـا مداخيـل
ياسبيع يلي تحت رأيـت بلدنـا =مسالمين وبل ملاقـى غرابيـل
عدوكم مهـزوم باليـوم الادنـا =يرجع معيف ولا كسبله محاصيل
قلتـه وحنـا لصنـم ماسجدنـا = حرب الحرابة بالقا نتعب الخيل
فينا الشجاعه والكرم من مهدنـا = ونفك بالصعبات صعب المحابيل
ماعمرنا وقت الملاقـى شردنـا =مانميل يامقعد ولا نقبـل الميـل
ماقول في كل الامـور انفردنـا= تلقى علي الناس فيهـا مداخيـل
لفعول غيري يافتـى ماجحدنـا =الناس مثل الناس من دون تقليل




التوقيع :
    رد مع اقتباس
قديم 23-09-09, 08:45 PM   #24
مستشار القوافي

 










 

سعد المحمدي غير متواجد حالياً

سعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond repute

افتراضي

قـم يانديبـي فـوق غالـي مثاميـن =مـن دولـة اليابـان جابـه وكيلـه
توه وصـل للمملكـة قبـل يوميـن =ياعاشق الفكسـار بـا شـة مديلـه
مصممـه عالـم مضت لـه براهيـن =عليـه مابـه حـا جتـاً مستحيلـه
يحاولون الغرب صنعه مـن سنيـن =وعجز خبير الغرب يصنـع مثيلـه
اقطم خشم يشـدا لفـرخ الشياهيـن = اليا ان صرم مـن رأس عيطـا طويلـه
اليا اعترض ولا عطا يسار ويميـن =مثل الهنـوف اللـي تكـد الجديلـه
لاشافت العاشق مشت له علـى هويـن =قامـت تمايـل خصرهـا وتخطيلـه
وليـا ركبتـه مركبـاً لسلاطـيـن =بعـد المسافـه ماتطلـع حصيـلـه
قدام لا يطلع سنـا الصبـح ويبيـن =عليـه أبرسـل للعـوارف دليـلـه
برسالتـن مضمونـهـا يالفهيمـيـن =كـلام سـري مـن زميـل لزميلـه
يأبو طلال اسمع ولا شفـت بالعيـن =وملـف دعوانـا عليـكـم نحيـلـه
أنشـدك مانـي ناشـداً للبعيـديـن= والعلـم مـن راعـيـه ياحبتيـلـه
عن وضع مصفوط الرجال الصفيطين =زمل الحمول اللـي تشيـل الثقيلـه
هـي مقبلـه يافاهمـيـن القوانـيـن =او مـدبـره ياكاسبـيـن النفيـلـه
عقاب ليل وقبـل صـوت المواذيـن =جاب الخبـر رجـال رفـع شليلـه
يقـول فيهـا راحـو القـوم مقفيـن =الحق وحـل الوضـع بيـا وسيلـه
لامكذبه لامصد قـه بيـن الامريـن =وسقت الركايب بيـن عدلـه وميلـه
بلشـت بالصاحيـن قبـل المجانيـن= معادلين الهـيـل بالزنجبـيـلـه
ومر وأدهـا كبـت عبيـد لحسيـن =مـدام د م حسيـن نفـس الفصيلـه
اقبـل بعيـد وشفـت قفـو قريبيـن =المشكلـه بالسيـل مـدري مسيلـه
حظي بري ماخمن الهـرج تخميـن =وخير الكـلا م اللـي يقـد م دليلـه
ولديت عيني فـي سمانـا النجميـن =وبكيت مـن جـور الليـال المهيلـه
غابـو وغيبتهـم تهـز المـوازيـن =ولاكل نجمـن غـاب يطلـع بديلـه
ثالثهم اللي وسـد الـراس خمسيـن =وان غـاب فيـنـا لاد ور عقيـلـه
لو الفشـق يالقـرم ملـي الكراتيـن =الفـرق بالبـارود ياهـل الصميلـه
من بعد ماكنا على العـرش واسيـن =ون بيـن لانـاش الزنـاد الفتيـلـه
اليـوم فينـا طامعيـن المساكـيـن =الحمل مـال وكيـف نقـدر نشيلـه
ارسلت لك من ورد خضر البساتيـن =باقه عليهـا غـلاف شاعـر قبيلـه
خلـو عليهـا غلافهـا يالفطينـيـن =لاتروح دعوانـا عريضـه طويلـه
لاتفتحون اقفـال بعـض الدكاكيـن =إن شلـت للمفتـاح جـود مشيـلـه
مايلدغ المؤمن مـن الجحـر ثنتيـن =والبـرق لاقفـأ حسـافـه تخيـلـه
لاعميت عين ولا جرحت الحجاجين =شطرت عن طعن السيوف الكحيلـه
تمت بعون اللي خلقنـا مـن الطيـن =والهرج يكفـي عـن كثيـر قليلـه




التوقيع :
    رد مع اقتباس
قديم 30-09-09, 09:45 PM   #25
مستشار القوافي

 










 

سعد المحمدي غير متواجد حالياً

سعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond repute

افتراضي

ياجار لاتنشد عن الحـال ياجـار =تراي دوبي يا ابيض الوجه دوبـي
ارقب لها تقبل واثرهـا بالادبـار =ادبـار مـزنٍ مقتفيتـه هبـوبـي
دنيا بها ذقت الحـلاوه والامـرار=يومٍ بهـا غالـب ويـوم مغلوبـي
ياجار من صكاتها صرت محتـار=وانا رجل عند الرجـال محسوبـي
اسباب قل المال مع غلوا الاسعـار=تخلـي الرجـال غصـبٍ كذوبـي
ابديت لك ماخفيت ياواف الاشبـار=لو كان ماني بالسوالـف هذوبـي
من عادتي مشكي على كل مـرار=لو كنت يارجال صفـر الجيوبـي
ياجار عز النفس دايم لـي اشعـار=حاجه بها تمتـاز كـل الحروبـي
النفـس لاذليتهـا عندنـا عــار=الا لعـالـم ماخـفـى بالقلـوبـي
اصبر على ماصابني سر وجهـار=لابـد ماربـي يحـل الكـروبـي
وان عاندة ماني بها يـوم منهـار=اكفخ بجنحـان السعـد يامحبوبـي
اليا جفتنـي دار غيـرت فـي دار=اسري لاهاب الدرب خطو الهيوبي
مهما حصل شامخ مثل ضلع سنجار=لو شفت في دنياي شـق الجيوبـي
عن واجبي ماراوغ ايمين ويسـا ر=اقبل ليا قفـى خطـات الزروبـي
ماعشت بالحقران حرٍ من احـرار=ماحط راسي با شـرك والنشوبـي
عطيتك الموجز وتفصيل الاخبـار=هذا جوابي فـي نوادر لعوبـي
فدوك عميان البصيـره والابصـار=جرب الحلوق مفرقيـن الشعوبـي
اللي على المقفي تقل حـد منشـار=ولاحك عود بعـود ماتسـد نوبـي
براق صيف وحال من دونه اغبار=في ساقته ماعـس راع الذهوبـي




التوقيع :
    رد مع اقتباس
قديم 30-09-09, 10:11 PM   #26
مستشار القوافي

 










 

سعد المحمدي غير متواجد حالياً

سعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond repute

افتراضي

راعي البنـدق بعـد ماشالهـا وطاهـا=ضاع شوفه بين حبتهـا وبيـن اهدافـه
ان حرف يوم السباع الشهب سمع عواها=سجلوهـا فـي ملفـه ماحمـا ميقافـه
لا طوى ملف دعوى خمهـا وخطاهـا=مالنا في فرك خشمه يوم شفت ارعافـه
يالزغيبـي يـوم راع السالفـه خلاهـا=لاتغطى فـي لحافـه لاتشيـل الحافـه
أضحكتني دلوه اللي ماجذبهـا ارشاهـا=الله امـا لاشماتـه يابسـات اطـرافـه
سالفه سياتهـا غطـت علـى حسناهـا=مانبيها تزود لو كان الحمـول اخفافـه
وكان راع الذاهبـه بمراحنـا ضواهـا=قلت ياذيب السبايـا تـو زان اعسافـه
مير اذان الذيب الابرق يالرفيق ارخاها=عالي المرقاب من رمـي المعددعافـه
والله انا مانبي حـد العـرب لقصاهـا=لين شفنا الناس قبل المعتـدي وخلافـه
لاتشرهنـا عليهـم زادهـا وعمـاهـا=وان تكلمنـا علينـا اللـوم يالعـرافـه
الرجال الطيبه مهمـا حصـل ندراهـا=والنوايا طيبه وقلـوب بيـض انضافـه
تم قولـي والمعانـي واضـحٍ مغزاهـا=قالـه اللـي لاتكلـم مانـوا بنكـافـه




التوقيع :
    رد مع اقتباس
قديم 12-10-09, 01:32 PM   #27
مستشار القوافي

 










 

سعد المحمدي غير متواجد حالياً

سعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond repute

افتراضي

أنا البارحة مانمت نومـي علـى كوعـي=ليا نمت ساعـة باقـي الليـل سهرانـي
غداء الكون في عيني تقل غار جربوعـي=مع الناس في جسمي وفكري ورى أم عاني
أجامل واسولف والبلا من ورى أ ضلوعي=مـاودي عليـه يفـرح فـلان وفـلانـي
اباحيـل ياجايـز لكـم كـل موضوعـي=بعـد قلـت الحيـلات ياذيـب سرحانـي
عسانا نحصـل عندكـم حـل وسنوعـي=تعبانـا ونبغـا فزعتـك يابـو ركـانـي
زرعنا وغيري من حصد ناتج ازروعـي=بعـد ماثمـر البستـان خـوخ ٍ ورمانـي
كلامي يابو راكـان ماصـار مسموعـي=ليا قلـت كلمـه قالـوا النـاس غلطانـي
ياشين الجفا والصـد ياخيـرت أربوعـي=من اللـي بعـد حبـه وصلـه تناسانـي
غدا أصعب بعشر امرارمن حبة الكوعـي=وقف دون وصله كـل مسلـم ونصرانـي
اجمع جموعي مـدري افـرق أجموعـي=اعرف النتيجـة بأخـر المـاد خسرانـي
شربنا مـن الفرقـى ثلاثيـن قرطوعـي=لما الـدم فـي قلبـي توقـف وشريانـي
عليهـا ومنهـا يافتـى تـذرف أدموعـي=هاذيك العنود اللـي بهـا الزيـن ربانـي
قصيرة طويلة لأحشى الزين مـر بوعـي=نحيلـة خصـر والعـود ناعـم وريانـي
غلاهـا بقلبـي لـه زمانيـن مطبوعـي=وغلانـا بقلبـه مـن مسـح ياكحيلانـي
يقولـون طـرد المقفيـه مالـه سنوعـي=وأنا اللي ورآها صرت ريض وعجلانـي
بعـد دقـة الجـوال فزيـت مفجـوعـي=صحينـا ولا حصلـت لـدرس عنوانـي
حلـومٍ تراودنـي لهـا أيـام وأسبوعـي=بهـا مفسـر الأحـلام يالعـرم مفتانـي
تقبـل تحياتـي وشرحـي ومرفـوعـي=رفعنـا القضيـة يمكـم يأهـل الشـانـي
تقولون لي صاحـي تقولـون مصدوعـي=هذا ماحصل ياصاحبـي سـر وعلانـي




التوقيع :
    رد مع اقتباس
قديم 22-10-09, 01:49 AM   #28
مستشار القوافي

 










 

سعد المحمدي غير متواجد حالياً

سعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond repute

افتراضي

قصيده لشاعر خالد الاحمدي وردي عليها

ياناس باللي يذكروكوا شبابـه=اهل الفعول مروضين الاعادي
قولوا لخلـي لايطـول غيابـه=خطر ٍ عن الدنيا يودع فـؤادي
حالي معه دايم عتاب وطلابـه=والعين بعده ماتذوق الرقـادي
ارسلت له مكتوب مارد جابـه=الله حسيبـه حدنـي للسهـادي
ودموع عيني كنها من سحابـه=هلّت على ديره جنوب البـلادي
مسكين ياللي ماتهنـى شبابـه=طرد الهوى مايجلب الا النكادي
راع الهوى مظلوم محد ٍ شقابه=صابر على لوعات قدم وجدادي
حتى لو انه مات محد ٍ درابـه=شهيد حسره ماعليه الحـدادي
ياحرب ياربعي رجال ٍ مهابـه=سووا جميله رجعوا لي ودادي
والاجر عند اللي جزيل ٍ ثوابه=اللي امرنا بالصبر والجهـادي
ردي على خالد الاحمدي


خالد ينـادي ليـن كلـن درابـه=على القداء والا على غير قـادي
دايـم علومـه ياجماعـه تشابـه=لاغط في نومه تجيـه الـدوادي
ثم قام ينخى حرب من حر مابـه=والمشلكه ماهو نقى عن سـوادي
المشكله غرون ضحك لـه بنابـه=اخلف مساره عن مسار العبـادي
خالد علـى نيـه وخلـه غدابـه=لاما اوقفه بين السهل والسنـادي
اقفى وخالد قايم ينـزف صوابـه=تقول في قلبـه تعاقـب هنـادي
لو رايي اللي قلت خالـد مشابـه=العام جاه الـراي منـي وكـادي
امديه متعـب بالمسيـره ركابـه=تحت الثرى والا نصيح الفـوادي
يالاحمدي خذ من هل العرف جابه=انكان حبـك يالبناخـي وكـادي
لاتخيـل بـراقٍ خيالـه نحابـه=طرد المقفـي للعـوارف نقـادي
على سوالك جـاك رد الاجابـه=اصبر صبر يعقوب والا المهادي




التوقيع :
    رد مع اقتباس
قديم 22-10-09, 02:04 AM   #29
مستشار القوافي

 










 

سعد المحمدي غير متواجد حالياً

سعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond repute

افتراضي

الايالله ألا يالله الايـاغـافـر الــــزلات= الاياواحداً بامـرك مـزون الغيـث تنشيهـا
تغفر أذنوبنا يامخرج ألاحياء مـن الأمـوات=وتحشرنا مع الإبرار يـوم الأرض تطويهـا
ترجح يااله الكون حسناتـي علـى السيـات=بيومٍ كـل نفـسٍ فـي عملهـا الله يجازيهـا
بعد ذكر الولي سر ياقلم وكتب على الصفحات=مثايـل طيبـه محتـرة بأولـهـا وتاليـهـا
على حسب اعتقادي مآبهن نقصٍ ولا زيادات=وكلن له نظـر والنـاس تختلـف امعانيهـا
يقوله واحداً في حي خمسه يحسب الساعـات=عيونه نومهـا بالليـل مـن همـه مجافيهـا
الاياونتـي ونيتـهـا وألحقتـهـا ونــأت=نهار العيد يوم النـاس تذبـح فـي عياديهـا
على شوف الوليف اللي غلاه بخافقي مامـات=عليه العيـن هلـت دمعهـا والبعـد حاديهـا
حداني عنه بعد الدار وظروف العمل صعبات=ديـاراً بينـي وبينـه تبيـد حيـل ماشيهـا
أبصبر واحتسب لابد ربي يفـرج الكربـات=لغيره ماني بشاكيٍ ضـروفٍ عايـشٍ فيهـا
صدق من قال هالدنيا لهـا قفيـات وقبـلات=ولا ظني بهذا الكون واحـد مستـرح فيهـا
أخير الناس فيها من عصم نفسه عن الحرمات=يبـر الوالـديـن وطـاعـة الله مايخليـهـا




التوقيع :
    رد مع اقتباس
قديم 26-10-09, 06:41 PM   #30
مستشار القوافي

 










 

سعد المحمدي غير متواجد حالياً

سعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond reputeسعد المحمدي has a reputation beyond repute

افتراضي

وين أنت يامصلح لك أيـام وشهـور=بالمنتدى مالـك مـع النـاس جـره
وانته يابن بـراك رجـال مشهـور=بالشعـر عالـم يابـن الاجـواد ذره
أغيابكـم ياصاحبـي شـي منكـور=وحضوركـم صاحبـك جـدأ يسـره
مادام راعي كـور لاتتـرك الكـور=الوقـت لايشقيـك بــرده وحــره
أنا ادري أن العبـد منهـي ومأمـور=مأكـل وقتـه يازميـلـي مـسـره
أيـام فيهـا دالـه البـال مـسـرور=وأيـام خيـره ماكفـى عنـه شـره
هذا نداء عاجل كتبتـه علـى الفـور=يمكـن يابـن بـراك صدفـه تمـره
وان صار مانع يا ابيض الوجه معذور=معـذور يامصلـح ثمانيـن مــره
عبر البواسل جاكـم العلـم منشـور=من واحدأ مبدى على النـاس سـره
مسلم مسالم ماوطـا شـي محـذور=يصد لأحصـل علـى النـاس غـره
تمت فداك من البشـر كـل مغـرور=اللـي لهـم بالعيـب كـره وفــره

>>>>>>>>>>>>



يامرحبا ترحيب جهـري ومستـور =
= باللي حضـوري فالبواسـل يسـره
سعدبن دومـان بالطيـب مذكـور =
= لـه خوة"ترفعـك فـوق المـجـرة
حقي على اللي مروالقاف منشـور =
= لوردلـي بالحـال قافـك نـمـره
وإن كان تسـأل كلنابخيروسـرور =
= عسـى سنينـك يالبناخـي مسـرة
من حقـل لاحايـل لخيبروهالـدور =
= لاما وصـل راع الحجـاز لمقـره
في دار من ياسم علـى الخدباكـور =
= لامـن آمــان ولاكسبنامـجـره
سود الوجيه مخاويـة كـل مثبـور =
= ودي عليهم بالـف كـرة وكـرّة!!
والقاف ياذيبـان لـك فيـه بابـور =
= يرسـي معـك واليابغيتـه تجـره
تغوص فيه بحور وتجفّـف بحـور =
= وتطلـع لـنـا بالفـيـن درة ودرّة
ولاصرت في سدة بني حرب ناطور =
= نرقدبأمـان ولانخـاف المـغـرة
وصلاة ربي عد ما شعشـع النـور =
= على الرسول اللـي غمرنـا فبـرّه




التوقيع :
    رد مع اقتباس
إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

IP



الساعة الآن 01:20 AM


Powered by vBulletin® Copyright ©2000 - 2022, Jelsoft Enterprises Ltd. Designed & TranZ By Almuhajir
Ads Management Version 3.0.1 by Saeed Al-Atwi
ترنكات لخدمات الويب