ديوان الشاعر / فايزموسى البشري

[IMG]

[/IMG]

[IMG]

[/IMG]

[IMG]

[/IMG]

عودت نفسي على الكتمان والسجة = مالي ومال الكلام الي على الفاضي
لا زاد هرج الغشيم وزادت اللجة = ماني بسوق الغشم وأهل الحكي قاضي
لاصار لاعرف لا معروف لا حجة = ناس ٍ تسولف ومصدرها فعل ماضي
متخالط ٍ هرجها وتثور اللعجة = مع درب هدام يركض خلف قضاضي
اللشي واحيان بلى شي محتجه = مع عمي الارياء يامكثر شين الالفاضي
على السنع واتجاه العرف ماتوجه = توجيهها بين نباح ٍ وعضاضي
مامقتفيهم ياغير الغبن والدجه = على طريق الفلس وقفه ومركاضي
فايز موسى البشري

عيش الأمل لاتعيش محبط ومهزوز = ماقدر المولى على العبد ياصل
ماينكتب لك له تبي تعيش وتحوز = ولي الغيرك لك تراء ماهو حاصل
لايصير وجهك بارد وترفع البوز = الكبر خصله من أخس الخواصل
الناس ضعف إيمانها وصار مركوز = قدامها حب التشائم مواصل
ياصاحبي ماكل مايعرف يجوز = إنك تقوله سطر وإلا فواصل
خلك جبل وإلا علم نار مركوز = يدل فيك الي عن الدرب ناصل
اترك اثرك الي على غيرك يفوز = ينشاف دربك مايبي له بواصل
واليا نصاك الخايف المنتخي نوز = لو كان ما عندك حلول وماحاصل
فايز موسى البشري

بالمجلس الي ماتقدر اليا جيت = ابعد عنه لو كان مجلس زعامه
لا صار يجمع من ضعوف وسرابيت = وسفيه قوم ٍ مايثمن كلامه
ما تلام لا من قمت والا تعديت = عن السفيه الرجل يحفض مقامه
احفظ مقامك عن وجيه الشماميت = ترى عوج دخان مثل الهلامه
لو حط له مجلس ولو زخرف البيت = همه رضى نفسه وضحكت مدامه
مايعرف سلوم العرب لو تحاشيت = وقدرت راع المعرفه والشهامه
والناس فيها رجال وايضى خراتيت = من خلقت الدنيا ليوم القيامه
انصى مجالس راعي العرف والصيت = رجال علم وسلم واله احترمه
تلقى هلا يامرحبا وقول حييت = وحلو النباء حتى بردت سلامه
وفي مجلسه تلقى رجال ٍ اليا ابديت = لسالفه كل ٍ يزيد اهتمامه
حافظ اسلومه قبل لايطلع الزيت = وقدام نور العدل يفرض نظامه
فايز موسى البشري