( مروبع )الشاعر / قابل البشري &الشاعر/ فواز الزويهري يوم الخميس الموافق 10/5/1429هـ

هذه المحاورة جرت بين كل من ...

الشاعر / قابل البشري و الشاعر/ فواز الزويهري
في اللقاء الأسبوعي يوم الخميس الموافق 10/5/1429هـ
بحضور كوكبة متألقة من السادة الشعراء
( بيان الصمت . ماهر أبو خالد . أبو فياض النويمي.سالم البشري
أبو فرح . خالد البحار . صقر المقرح . عبد العزيز الزويهري )
وإليكم ياكرام

ياسلامي سلامي على من حضر ...من حضر يسمعه من حضر يسمعه=لرجال الحضور الحشام الكرام ..مدنا باليمين مدنا باليمين
شفت فواز شاعر وشعره شعر ..علمها يقطعه علمها يقطعه=لابدا لابدا مثل بدر التمام..فوق نوره مبين فوق نوره مبين
مرحبا مرحبا بشاعر من بشر ..والسعر نرفعه والسعر نرفعه=ياجمل من جمل والجمل بالزمام..بالمراجل سمين بالمراجل سمين
شفت قابل كلامه بيان وسحر .. زان لي موضعه زان لي موضعه= درج المعنى وربط شديد الحزام..وأنت ذرب وفطين وأنت ذرب وفطين
البقا ياعميل يجيب الدرر..ردها مسرعه ردها ماسرعه=الجمل قدها ماعليها كلام..شوفة الناظرين شوفة الناظرين
وأنت شاعر ورجال عندك نظر..تعرف الأربعه تعرف الأربعه=ثارت الثايره ثم طاح الحمام..والأسد فالعرين والأسد فالعرين
أنت قابل قبولك كشط البحر..ناضري يمتعه ناظري يمتعه =مير شفت البحر فوق شطه يزام..والشواطي تلين والشواطي تلين
=يامصلين صلوا بغير الإمام..قلبي منكم حزين قلبي منكم حزين
أنت رجال فاهم وعندك فكر ..طالت المعمعه طالت المعمعه=جيش حزب المطوع تعلى النظام..واحرج المسلمين واحرج المسلمين
كبر البطن من كان عنده ظهر .. كثر المرقعه كثر المرقعه=حلل اللي محرم وحل الحرام..بدل الدين دين بدل الدين دين
كان ياصاحبي ترتجيلك ظفر..زير حرب اقرعه زير حرب اقرعه=زاحم اللي يبون المراجل زحام..بدر ولا حنين بدر ولا حنين
المطوع يغني مع اللي زمر..كف من يشبعه؟كف من يشبعه؟=عزنا عزنا في كريم الحسام.. نهج واضح حصين نهج واضح حصين
ما فيدي قياده ولالي أمر..عمنا بتبعه عمنا بتبعه =مانخالف طريقه فحرب وسلام..وإن أمر طايعين وإن أمر طايعين
جيش فارس تليم وهده عمر..فرقعه فرقعه فرقعه فرقعه=اللحم ماتحرك بغير العظام..شك ولا يقين شك ولا يقين
حدث النفس خابرك مثل الصقر..والهوى ذعذعه والهوى ذعذعه =قايدك قايدي حكمته ما تظام ..طايعه ما يهين طايعه مايهين
جيش فارس صحيبي قريب اندحر ..بو عدي زعزعه بو عدي زعزعه=قابل البشري ياصاحبي ياهمام ..قوم وانصب كمين قوم وانصب كمين

الأخوة الأفاضل / قابل البشري .. فواز الزويهري

متعتمونا بهذا اللون من الشعر .

بيض الله وجيهكم وصحة اللسنتكم والله يعطيكم العافيه

لكم مودتي وتقديري

قابل البشري وفواز الزويهري


بيض الله وجيهكم صحة السنتكم مليون الله يعطيكم العافيه

بيض الله وجيه الشعار و الحضور
اكيد الاجتماع كان ممتع
تحياتي للجميع

	صحت السنتكم وبيض الله وجيهكم والله يـعـطـيـكم الـعـافيـــــــــــة

	المشاركة الأصلية كتبت بواسطة ابو عادل

	الأخوة الأفاضل / قابل البشري .. فواز الزويهري متعتمونا بهذا اللون من الشعر . بيض الله وجيهكم وصحة اللسنتكم والله يعطيكم العافيه لكم مودتي وتقديري

صح بدنك ووجهك أبيض


لك خااالص التقدير

الله الله الله ياسلام على الابداع والتميز

صحت السنتكم ياخواني الاعزاء الشاعر قابل البشري والشاعر فواز الزويهري واشكركم على هذه المحاوره وهذا النوع المميز والممتع من خلال اجادتكم له الاجاده التامه وبمنتهي الروعه والابداع لاهنتم امتعتونا بهذه المحاوره الجزله وسلمتم ولا قصرتم وبيض الله وجيهكم لاهنتم اينما كنتم ياشعرائنا ويافخر الجميع وتقبلو مني كل الود والمعزه ياعزائي

وبما اني كنت في صف الجمل

انطربت وانا اردد (حلل اللي محرم وحل الحرام..بـدل الديـن ديـن بـدل الديـن ديـن)

لدرجت اني أنزرت مع اللحن في هذا البيت

صح لسان ابو محسن والجمل والله امتعونا في هذه الليله