عدد الضغطات : 0
الشاعر عبدالله بن زويبن المعمري الحربي.رحمه الله...سمعت لي كلمة مدري وش اقصاها=حزت بنفسي وأنا مانيب هارجها.....لوكل كلمة إلى جتنا طردناها=بعنا الثمينة بسعر مايخارجها......لو مرت السمع ماكنا سمعناها=ونقفل الراس عنها لا يبرمجها......ومن يم هذا لهذا مانقلناها=والناس واجد وتلقى من يروجها.....من جابها بين خلق الله وداها=لو به مراجل ترى نفسه يسمجها..........الشاعر// محمد بن شبيب الحداري رحمه الله ...........لا والله الا راح دور البداوه=ودور الركاب اللي عليها الشنوفي........ ومجالسٍ فيها لهلها طراوه=عنها الشوايب والهزيل محذوفــــي...... وراح الزمان اللي لعيشه حلاوه=واللي على الغارب رجع للردوفي.......... قالوا تسير قلت مامن فضاوه=قالوا علامك قلت عيت ظروفي........ اللي مضى بالنفس عنف وقساوه=واليوم أخلي كل عوجا تطوفي...... وأضحك مع اللي لي يكن العداوه=وأن صفقوا صفقت له بالكفوفي....... نخاف من دقة خطات اللعاوه=رادي نصيب وناقرٍ له علوفي........ يزعل على اللي يسوق الأخاوه=وذلوا معطرة النمش والسيوفي........ والمرتفع قالوا مثل ذاك ساوه=وشربت غثاريب الغريف العيوفي........ عين الغضب تفتح عليك السماوه=وعين الرضا لوبك خطا ما تشوفي....... هداج مات وجات غيره أجباوه=والروس قامت تدرق بالكتوفي............الشاعر/سالم بن مهاوش الحربي .....اللي ماتنفع به صنيعه و لا لين=ان راح قله روحت مقيط ورشاه......والله لو انه مين و لا ولد مين=من لايعدّك ذيب عدِّه ولد شاه.........الشاعر/ شموخ السلاطين........الوقت يكشف لك الناس وشهي من تكون....اما من رجالها ولا من رخومها.....اللي معادنهم ذهب فالوازم يصملون ......مايلوي ذراع الشدايد غير زحولها ................الشاعر / عبدالرحمن سليم الصاعدي(البيرق)..... في ملتقـى حرب الحرايب بدينـا /حرب الدول ربعي وهم تاج راسي .......قوم جمعـت مابيـن دنيـا ودينـا /الله عطاهم لين جانب وباسـي .......جند السـلام وضربهم باليدينا /عند الملاقى للمعادين قاسـي .......مكرمين الضيـف سمن وسمينـا /وسبع الخلا عشوه يوم العماسي..............الشاعر / خالد بن ماطر الحربي ....كل ماصادم الراس القوي زدت قوّه=والردي لو يزيد الهرج مازاد غلّي .....والجبل كل مالديت وانا علوّه=مايباريني براس الجبل غير ظلّي .....ليه اعادي قليل الخاتمه والمروّه=لاتجملت فيه وصد خله يولّي .....ودك ان الرجل يختار حتى عدوه=قبل يختار خلان النشب والتسلي ' ...........الشاعر/سند مسند العريمه الحربي........ لا صار ماتبدع إبيوتٍ ثمينه= = ريح ضميرك واترك الناس ترتاح ياما سمعنا من قصايد عجينه= = والمشكله حازت جماهير وأمداح في عالمٍ تصفق يساره يمينه= =وكل القصايد عنده إسمان وصحاح ميزانهم صوتٍ تعالى رنينه = = تلقى جماهيره لها صفق وصياح خلوا تقاليد العرب والسكينه= =في ليلهم مسراح والصبح ممراح ويااللي على الشاطي تدف السفينه= =عود على الساحل ترى مانت سباح البحـــر يبـغـاله رجــالٍ رزيـنـه= = له غـبـةٍ تـجـذب جـمـادات وارواح وخلك على كشته قريب المدينه = = دلــه وبــرادٍ له البـــال يــرتــاح...........الشاعر / بخيتان البشري .......ماضاق خاطر من نودّه ونغليه = لو البحر من ضيقته ضاق به ماه ..... مودّنا غالي و ودّه نخليه = غالي ولو كل العمر مالقيناه .......والي تولى للمشاعر موليه = قلب المودّ اللي وداده تولاه .........طيبّ خواطرنا بكامل تحليه = بصدق الشعور اللي عليها صدقناه ........اللي بصوته همنا دوم يجّليه = وبصوتنا قلبه من الهم نجلاه.........الشاعر /سعد المحمدي .........دريت باللي دار خلف الكواليس=وحطيت نفسي كن ماني بداري=بعض الامور اقيسها بالزمن قيس =وبعض الامور اصير فيها انتحاري=ان جيت يطفي نور كل الفوانيس=وان غبت غني ياطيور الكناري............الشاعر/عيسى العوفي..........وجهة نظر ماقول انا قولي مصيّب=ابديت رائيي مثل للرائي من قال.....ان جيتني بالطيب آعاملك بالطيب=ردالجميل وشيمة ارجال للرجال.....وان جيت في علم الردى ماقربه عيب=تكرم بها مالي مع العيب مدخال.......طبعي وربعي محتمين المواجيب=حربي بدربي متبع النذل لاعال.......العز لو تشويك حر اللواهيب=موتي ولاقوتي ورى ايدين الانذال......العمربامرالله وماقدّره غيب=والراس تصعب رفعة الراس لامال......وسيرة ارجال الطيب منها المكاسيب=نوريدل اللي جهل يقدي الضال......اخذت من غيري ادروس وتجاريب=اسئل وآخذت العلم من رؤس عقّال................الشاعر ( سعد المحمدي )............يابو فهد برق المزون النوازي=حجاز وانت بعالية نجد وبال=بينك وبينه بعد دار وغرازي=سيله بحر ياراعي المعدن العال=ماله مصب بداركم ورتكازي =العلم مايجهلك في كل الاحوال=يكفيك عن مية قليب ارتوازي=نهر الفرات اللي من الجال للجال=ابن المباني فوق ساسن عزازي=وقت الشتاء تذري وبالقيض مقيال=يامحزمي لاصبح الدار غازي=دنياك تبغى للعقد رجل حلال=واللي بها بالحالتين انتهازي=لابد مايلقى بها شمس وظلال=عن الحجاز اسمع كلام الحجازي=كلام حطه يارفيقي على البال=من التجارب دوبلماسي جوازي=عليه ختم المعرفه تقل تمثال=ياعل ماقلته على ارضاك حازي=في وقت ماينصح معك كل من قال.........الشاعر(زيد بن مبشر الحصني الحربي) رحمه الله ............أقول وأقابل ولاني بسايل=دام الكلام عن الحقايق مباحي=عندي على صحت كلامي دلايل=اموحهن من جم عدٍ قراحي=شفت وسمعت وقلت والرأس طايل=باللي على الساحه ولا هو سياحي=الله يجمل حال راع ألأصايل=حازن على الجوده بكل النواحي=والله ماجامل براعي الاوايل=لو ضاق من قولي زميلي مناحي=وشاعر قبيلة حرب عند القبايل=لافي حمود وبس حسب إقتراحي=ومن قال أنا بقول ويش انت قايل=أنا افتخر بجود ذخيرة سلاحي=ماشلت هم ملقحت كل حايل=اللي على ماقيل خف وجناحي ................الشاعر (مقبول حامد المحمدي).........بحثـــــت في قول البخاري ومسعود=والترمذي وكتـــــاب مسلم وماجه=وحتى النسائــي ما ذكر طب موكود=للصرقعه والعلعله واللجاجه=يا صاحبي ياراعي البيض والسود=ترى الكلام الشين عيــــــــب وسماجه=انا أعرف المقصــود والغير مقصود=ولا أحـــب هرج الثرثره والهماجه=الرجل ماهــــــــو للتفاهـــات محدود=ولا كل كـــلمه تستحــــــق المواجه=من سبب الفتنه ماهــــــــو كاسباً فود=ماحصّل الا لكمــــــــــتن في حجاجـــــه=جاه الخبـــــر مكتـــوب في رأس عبرود=عن حاجته كانـــــه بعمــــــــق الزجاجه=صحيح قالو يقـــــــرد النـــــاس مقرود=ويخسر غـــشــيـماً مايميـــــز خراجه=بعض العرب مـن راســــه العقل مفقود=ينفخ ذروبــــه ويتلقــــا العجـــاجــــــه=لو تنصحــــه عن سكـــــة الغي مايعود=ويترك قراح الماء ويشرب هماجه=يالله ياللـــــــي عنــــــدك الخير موعود=تجعل لنا مـــــــــن كل هــــــم انفراجه=نغضي ونصفـــــــح لكن القلب ملهود=جرح الخطـــــــــا عجزت اواري خلاجه=ماني على كل الخطا سيـــــــف مجرود=ولا كل عـــــود اعـــــوج يعــدل عواجه=والشعر له مــنـــهـــــج وله سلم وبنود=ماهو كما ســــــــوق يلجلـــــج حراجه=شعري مع أهل العرف مسموع مشهود=ولاني على كيــــــــف الغشيم ومزاجه=امشي عزاز الدرب وأســـــــنـّـــد اسنود=وأدرى قدم رجلــــــــي عــن الانزلاجه=ارفا كلامــــي لايجـــــي فيــــه منقود=ولاهمني قول الحســـــــــــود ورواجه=اللي مقيمني وشاهــــــــد لي العــــود=شيخاً بصرح المجــــــد يضوي سراجه روائع شعريه

الشاعر/ بخيتان البشري ......ودعتنا والموادع صعب = رمى بنا فالفراق المُر..... لعب الحزن فالمشاعر لعب = ما مر مثله ولا بيمُر.......الشاعر/احمد المحمدي...... ‏‏‏‏للي سألني يجي ويروح /من انت يبغى خبر والم /حربي انا من بني مسروح/ وعيال عمي بني سالم........الشاعر / بخيتان البشري .....قلبي طلع من قلوب أصُم = اللي لهم قلب من قلبك..........كل ما النصائح عليه تعم = حول الهوى زاد في قربك ...............﮼الشاعر/قابل﮼البشري﮼(الجمل)......مايزعّل الحق لا قلته /إلا من قلوبهم مرضى.....ومن كلمة الحق زعلته / عساه يزعل ولا يرضى...........الشاعر ( راشد الزهراني ) المحيط ........سقيت روضك من دموعي = وطول الدهر مستعد اسقيه...... ولايلومني حي في ربوعي = لو كان دمعي نهر مجريه ..............الشاعر / نفاع محمد السهلي ابوفرح ..........تدري متى يلفض الرجال ....في دنيته اخر انفاسه /لاحده الوقت للانذال ....دمعت قهر نكست راسه.......................الشاعر / حفيد_الحجيري.......الشوق مهما قِدَم ما يبيد=مثل السماء والهواء والطير......كل عام وأنتي هلال العيد=الله يعُـوُدِك عليّ بِخَيْر...............الشاعر ( أحمد بدين القايدي ).......كسب الفتى طيب أفعاله / اللي بها ينتهج له درب = وانا كسبته من رجاله / وافخر لأني فتى من حرب .............الشاعر العذب /عبدالعزيز الزويهري ابو بتال .......وا صدمتي صدمة منكد =أعيد مسترجع اللي فات.........و أزيد أسأل أبتاكد= صحيح ماهر صديقي مات؟...............الشاعر/ حمدان دراج القايدي .... حلفت اني اصون العهد=اللي من سنين اعطيتك....رغم العنا والجفا والصد=ماقد فيه يوم جاريتك.................الشاعر / نفاع السهلي ابوفـــرح ........عندي أمل فيك يا.. بكـره = تمحي بقايا جروح .. الأمس ....وقلوب حبت ولا تكــره = تشرق لها من جديد الشمس.............الشاعر/أبن رهدون.......أيامنا اليوم لو تحسب =دنياك يالادمي ساعه.....والمؤمن اللي لها يكسب =يعيش باقي العمر طاعه........الشاعر/عبدالعزيز الزويهري ابو بتال...........غلاك عندي غلاة العين=ياللي من الشوق ناديتك =معاك وحده من الثنتين= ان كان ما جيتني جيتك...............الشاعر/ سلمان القريقري ابوعمر ( حرب )........حتى النجاحات تتحقق=من دونها شروط للتحقيق...قال المثل يد ماتصفّق =تبغى لها يد للتصفيق.......الشاعر / سالم البشري ......مابين قسمه وجمع وطرح=لاهناك قلبي ولاهنيّه........كيف اهتني من هذاك الفرح=وارتاح من كل مابيّه.........الشاعر/خليفة المزروعي...........إهيا كذا كنها سرقه/=/لدة نظر يوم طالع في.....لوكان من بندقه طلقه/=/اهون عليه تراهاشوي...........الشاعر/ عبدالعزيز الزويهري...........البُعد خلّف جفا و صدود= وعشنا في زمانه بدوّامه ..........مدري زمان الصفا بيعود = و الا ّ قضى و أقفت أيامه ؟...........الشاعر / شاكر القايدي ......يامن ينقذ جريح القلب ....اللي هموم الزمن جاته ..... كل مابغا يتجه مع درب... يلقى قطار السعد فاته.................الشاعر /صقر المقرح ..........يامن تخوض الهوى بعزوف= خليتني فاصعب الأوقات ....لا تكبّني والجروح نزوف= وتندم على الوقت لنّه فات.............الشاعر / عبدالعزيز رويشد ...... اعلم ترى خيرة الاصحاب=مثل الذهب نادر ومافي...من كل خمسين ضن تراب=اجرام واحد ذهب صافي.....الشاعر/عبدالعزيز الزويهري (ابو بتال).....من لا هوى زي محبويي==عايش غرامه على الفاضي ==انا على احساس مكتوبي==حسيت ربي علي راضي.....الشاعر / حمدان دراج القايدي.....عواطف القلب لك وحدك.... ياللي ملكت الحلى والزين.....مافي احد في البشر مثلك.....طيفك سكن داخلي بالعين........الشاعر /غافل الهم قلبي ....... مريت بيتك نهار العيد...لكن قفلت بيبانك....عارفك زعلان بالتأكيد...حرام ماتشوف جيرانك..........الشاعر / عاشق الاصاله .........لاغابت الشمس بانمسي=من دون مدعوج الأعياني......مع القمر يكتمل انسي=في تالي الليل لاجاني..........الشاعر / حرب - سلمان القريقري ....... واعيني اللي من اسبابه=زايد سهرها عن المألوف ..واخاف لن طول غيابه=تفقد نظرها معاد تشوف.......الشاعر / خليفة المزروعي ...........عزي وتاجي قبيلة حرب=يوم الهول مزبن الخايف ... يشهد لها شرقها والغرب=ويشهد لها المطلع النايف.........الشاعر / ابوفرح السهلي .....لك حق والناس بالمقياس = مثلك لها حقوق موثوقة ...ومن لايوفي حقوق الناس = لايطالب الناس بحقوقة...........الشاعر / عبدالعزيز الزويهري ابو بتال ....هواك أعمى عيون الشك=لولاه يمديني احرقتك /لكن بإيمان ودي لك=كذبت نفسي و صدقتك......... ..............تلميذ الكسرة / ..............ما تعلم ان الجمال يلمّ **** وحظي الردي قادني يمّه........ آنا اتجــرع مرار وسمّ **** وكنّـــه يكـــايد ولا همّـه..........الشاعر / ابومبارك اليوبي.......خـذ المـثـل ياعـريـب الـجـد=اصل الشجاعه صبر ساعه=لايـغـرك الـزيـن يــوم يـلــد=اصبر وخلـك علـى الطاعـه................الشاعر / بيان الصمت ....سلام من قلب تلعب به=زود الهواجيس وأحواله=والوقت ما فادني طبه=من ظلمة الدرب وأهواله........الشاعر /وليف الشوق.....كل مانصحناك تتركني = وتشوفني من الد اعداك...واليوم لاعاد تنشدني = فيماحصل من مآسي جاك..........الشاعر / سرورالبشري ......طا وعت قلبي وما شيته= حتى رماني فدرب التيّه...ولا تنفع المبتلي ليته= لو جاء يعود معاد مديه............الشاعر (خليفة المزروعي)......عمر العجل مايضوي خير=يامحـسـن الـرجـل متـأنـي=الثقـل صنعـه ولــه تدبـيـر=وراع العجـل دوم متجنـي............الشاعر/خالد بن عبيد بن معتوق الأحمدي....... زايد بحسنُه على جيلُه= وكاسِب رضايه رغم عِندُه=ومن يوم يطلبني آجيلُه=خمسة دقايق وأنا عِندُه......الشاعر(ابوفـــرح)....عنـدي أمـل فيـك يـا.. بـكـره=تمحي بقايا جروح .. الأمس=وقـلــوب حــبــت ولا تــكــره=تشرق لها من جديد الشمس........الشاعر (حامد بن غالي السليهبي)(حسيبك للزمن) رحمه الله .........ناديت قلت انتهى صبري = واغبر زماني طِواني طَيّ=والناس بالحال ماتدري = اظمأ وجنبي غدير المَيّ.............الشاعر / محمد بدين القايدي ( السينات ) ......أدلِّـــــلـُــه دائماً وارضيه=والبِّسُــه ثوبه المألوف...لكن بِطبعُه يفرِّط فيه=ويخلِّي مَنْ لا يشــوف يشـوف.............الشاعر بخيتان البشري / ليه المجرة كواكبها=احيان عكس المدار تدور .. بحور تغرِق مراكبها=وتخلف نمط سيرها فبحور.......الشاعر ( حمدان دراج القايدي)......هليت دمعي من أسبابك = وجرحي نزف داخلي مقواك ‏=محتار وشهو اللذي صابك =الجرح في داخلي ماشقاك...........الشاعر ( راشد الزهراني )......حتى جبال السراة تحن = ماهي كما قلبك القاسي = يامن بوصلك على تمن = ودايم تعكر صفا كاسي ..........الشاعر ( خليفة المزروعي ).......ابوك يبني عليك امال / حذراك لاتخيب اماله /حاسيك لامالت الأحوال / إنت الجبل يجلس إظلاله........الشاعر( عبدالعزيز الزويهري ابوبتال )...... راح الذي فارق أوطانه = و أفعاله فالطيب ما راحت = و الله من بعد فقدانه = عمدان صرح الأدب طاحت ........الشاعره (الكحيلة) ......أتعبني القلب بحساسه=ادراه ويدور التعذيب= بهم ن ضلوعي حطب فاسه = من يطلع النجم لين يغيب .......الشاعر (حرب ابوعمر) ......قلبي سألني .حصل ماذا = تشكي ولاادري سبب شكواك = قلت انتظر فالوفا هذا = لكن تفاجئت جاني ذاك.......الشاعر (غافل الهم قلبي) ... احترت والقلب شايل هم /سنين مخفي الم جرحــــي =البوح ممنوع يالفاهم / راح العمر وانتظر فرحي .......الشاعر (ولد الساحل).....سبحان من بالجمال اعطاه / تحفه وتصوير رباني = سلهم برمش كحل غطاه = يرمي سهام الهوى فيني...........الشاعر ( نعيم عابد السيد ).....يا نار الاشواق ما تطفين / ما يكفي القلب واتلفتيه = هذاك لو كان ما تدريـن / سيب غرامك وولع فيـه ...........الشاعر ( احمد عاقل الغانمي ).......ابشتكـى راعـي الـدكـان / من بعد ماجـاب لـه هنـدى = ماعاد يرفق علـى الجيـران / حتى سلـف قـال ماعنـدى ...........الشاعر ( أحمد بدين القايدي ).......كسب الفتى طيب أفعاله / اللي بها ينتهج له درب = وانا كسبته من رجاله / وافخر لأني فتى من حرب .....الشاعر (عايش الدميخى ).......ابني فصرح الوفاء مدماك = يبقى مسجل عليه اسمك = ان عشت بالطيبة طريـــاك = ولا مت يبقى الثناء قسمك روائع الكسرات

 


العودة   ملتقى قبيلة حرب الرسمي > ๑۩۩ الملتقيات الأدبية ۩۩๑ > مــلــتــقــى الــقــوافــي > مــلتــقــى دواوين شــعــراء الــقــوافــي

مــلتــقــى دواوين شــعــراء الــقــوافــي [ جميع الشعراء ]

إضافة رد
 
أدوات الموضوع إبحث في الموضوع انواع عرض الموضوع
قديم 20-09-09, 09:27 PM   #11
إنتقل إلى رحمة الله تعالى

 











 

ابوخالد الفريدي غير متواجد حالياً

ابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished road

افتراضي

وصلتني رساله من الشاعر / مرزوق مبشر الحثل هذا نصها :.
الاخ العزيز علي بن زيد الحربي سلمه الله
تحية العروبة والاسلام الخالده :وبعد
ابعث اليك هذه الابيات المتواضعه والتي تتخذ الغموض بعض ابياتها
ولما اعرفه عنك من صواب الراي ودقة التحليل اخترتك منصا لها وهي
:.
من السليل بعثنا الجمس بزروفه = للخرج واللي سكن بالخرج من غادي
ومن خوف لايشتبه معناي بحروفه = علي ولد زيد فيه المدح ينقادي
اللي يكثر من الترحيب بضيوفه = ماهو تصنع طبيعه بابن الاجوادي
نفسه على منطق الترحيب معسوفه = مع ما تيسر تحس بلذة الزادي
اليا مدحته بفعله مالي حسوفه = اديت واجب ومدحي له ما هوعادي
اديت واجب وخصمه يضرب الطوفه = ان ضايقه ريحة الريحان والكادي
ان باع والاشرى مع تاجر الكوفه = من ساس غادي ومن جامل معه غادي
ياعلي بن زيد جتك ابيوت ملفوفه = مضمونها ترجمة صلبوخ وازنادي
ارسالتي ياوسيع العرف مسقوفه = على سوألين مع دله وبرادي
اباسألك عن اعلوم غير مكشوفه = تحت الثرى بالعفار وجاوب البادي
كان الاجابه على الوجهين معروفه = ركّز على مغناطيس السيف جلاّدي
ون كان ناظورك الفضي قصر شوفه = لايميز الخط الاصفر عبر الارصادي
اباآصفه صورة التوضيح ماصوفه = من ضمن الاحيا ولكن روحها جمادي
اللي شرب من معين العمق بكفوفه = باية طريقه يعاتب ريس النادي
بمبارز السيف فاز وغمّد اسيوفه = واللي ورا السور هيس عند جلاّدي
ومن كانت اذنه ربيبة كل معزوفه = احيان يطلع من الملع للالحادي
واللي بجوفه يباهي بكلشنكوفه = على قمر سم دمه شغل الرادي
مده وجزره تكهرب في بحر جوفه = يتبع مصدر وينظر صوب ورّادي
يتبع هوا الفاطر اللي نوب مردوفه = مع نافخ الكير لوماهو بحدادي
الواو معطوف ضمن حروف معطوفه = ياللي سبح في محيط وغبة الهادي
اما النقط من حروف الجر محذوفه = يامورخ العلم في هجري وميلادي
فرديت على / ابوهلال التالي:.
الجمس عبر الفيافي جاب مضروفه = يامرحبا به عدد ماسال من وادي
ابيات شعر بفن وذوق مرصوفه = فيها معاني وفيها سيوف حدادي
كأنها من زهور الورد مقطوفه = اعتز وافخر بها في روس الاشهادي
ماهي لمن حاول التحليل مكشوفه = اللي بناساسها في بنيها استادي
عن كل عين تثير الشك ملقوفه = ابعد مراميه عن عايد وعوادي
كلمة وفا من وفا بالقلب مالوفه = علم قديم ومعه علوم جدادي
لكن عسى مجاوبه تسعى له ضروفه = ويصير حول الهدف يالله ياهادي
يابن مبشر ترى الاوضاع محفوفه = بملابسات لها تاويل وبعادي
ياللي طمست الهدف وشلون ابا اشوفه= وانته دفنت الهدف باعماق الالحادي
والرجل مايدحم الجدران بكتوفه = ويحاول انه يقدم رايه القادي
اللي شرب من معين الخوف من خوفه= من يطلبه قصد ياخذعشرة افصادي
واللي وطا فوق جمر النار بخفوفه = مما يعانيه يندب حظه الرادي
مبداه بنهايته والعلم برفوفه = والظفر ابو زيد بالغفلات ينصادي
وان كان حمل الجمل حول على اردوفه = مالي وماله مادام اني على شدادي
والمحترم لحيته بيديه منتوفه = ليا صار يشره على متعب وشدادي
نفسي عن اللي يغث النفس مصروفه = لاتلومني ياسديد الراي بعنادي
النفس ماهي على من صد ملهوفه = ولاني على متابع المقفين منقادي
من دخل يديه وصط الجحر ولجوفه = ماجاه حقه وراع القيد ينقادي
وقت الرخا مايبين الرجل ووقوفه = متشابه موقف الممتاز والعادي
لكن محك الرجال الوقت وصدوفه = اللي به الحر دون الواجب يفادي
واللي تبع فاطره سنه شبك صوفه = يسعى ورا الزود مار النقص به زادي
يمشي بواد عميق تتعب اجروف = وان ضاع ماله من الاجواد نشادي
الاذن تسمع لكن القلب له شوفه = احلل اللي سمعته واتبع مرادي
والرجل عن مايعيب الرجل مكفوفه = وان زلت الرجل عذري ماهو عمادي
جتك الاجابه على قسمين منصوفه = من عقب ماطال محداري ومسنادي




التوقيع :
    رد مع اقتباس
قديم 20-09-09, 09:42 PM   #12
إنتقل إلى رحمة الله تعالى

 











 

ابوخالد الفريدي غير متواجد حالياً

ابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished road

افتراضي

فهد بن عبد الله المطيري (ابوخالد) ارسل لي قصيده تعبرعن نفسها
كان لابد من الرد عليها وقد قيدني بموضوع معين بقوله العب على المعنى
والقصيده لن اعلق عليها فهي واضحه للقارئ وهي :.

ــــقال الذي لاقال يخشى المناقيد = صاغ المعاني في كلام اختصاري
ماهو كلام راح كله سراميد = اللي يجيبونه خزام الصحاري
مرددين الزين والشين ترديد = ولافرقوا بين النهار وغداري
لوكان ورع تو ما يرضع الديد = ينشر له اللي باغي باختياري
شاعر يعدونه مثل زيد وعبيد = والاسم توه جايبه مستعاري
ويمجدون ليا نشر كل تمجيد= وضاعت حقوق الشعربوضح النهاري
ياهل الصحافه حددوا كل تحديد = لازم يجي للشعر ناقد اداري
الشعر يبغى له مثل علي بن زيد = والا الحويفي يوم والا الحداري
والا العريمه جدد الشعر تجديد = اللي قصيده مثل ضرب السواري
وغيره وغيره من جميع القواصيد = اللي لهم بالشعر مفعول ساري
ناس بحق الشعر تعطيه وتزيد = يصور المعنى بمظهر حضاري
العب على المعنى عسى عمرك سعيد= حيثك بسوق الشعر بايع وشاري
هذي قصيدة المطيري والنقد مرفوع والزعل ممنوع وهذاردي عليه:
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
وصل الكلام اللي على حق ومفيد = من شاعر سواه با سلوب ناري
يامرحبا به واعتبر جيته عيد = لوهو على بعض الشواعير زاري
يقول ضاع الشعر بكل تاكيد = كنه يقول الشر لعبة حواري
ومن غيرته يبغى تدخل علي زيد = وهو يدري ان الوضع يمشي جباري
ياطيب المعدن كلام الهرابيد = لورددوه اصله كلام تجاري
لايقبله عاقل ولايمكن يفيد = مالك ومال معلقين البواري
شعر بلا معنى نشوفه سراميد = راعيه يرجي من وراه المصاري
واحد يجي شعره مثل عاكس السيد = مستشعر يسوقها ما يداري
وشعر ليا اوحيته مغثه وتنكيد = من واحد بقوة نفوذه يماري
وناس تقول الشعر لكن مقاريد = مداحة المفلس طيور المذاري
عند الزعل سبابة لللاجاويد = عند الطمع تمدح اكبار العتاري
وناس تبي تدخل على الشعر تجديد = ليا عجزوا تطري عليهم طواري
وشعر يادانه دان شعر المساريد = وليا وصلهم علم صاروا حباري
وشعر يقاد بدون شرط ولاقيد = ممجوج لو يقراه مليون قاري
يجمع وينشر والهدف منه تمجيد = سوالف من كل معنى عواري
والصحف تنشر للموالين وتشيد = يفرض ولكن صاحب العقل داري
وشعر الحداثه ينشرونه عواميد = سموه شعر وهومن الذوق عاري
ذا موجز مني ولاودي ازيد = والا القضيه وامرها سيل جاري
وترى الكلام يصاد وقت الطلب صيد = ولايدرك الطيب قليل المساري
وتوجد ارجال تفهم الشعر وتجيد = تلقا لهم في كل نادي مواري
بالسلم حلم وبالملاقا بواريد = مدنين مدمين جمال ضواري
ونته تريد ويفعل الله مايريد = ومالك وما ل المنتحي والمباري
لاينفع معدل ولا يفيد تطريد = خل البحر تجري عليه الجواري
تسلم يابو خالد من المكر والكيد = عساك تسلم من لهيب الذواري




التوقيع :
    رد مع اقتباس
قديم 21-09-09, 08:49 AM   #13
إنتقل إلى رحمة الله تعالى

 











 

ابوخالد الفريدي غير متواجد حالياً

ابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished road

افتراضي

زامل بن علي العوفي من الاصدقاء الذين اعتزبهم وجهت له لغزين
قال واحد ماهو وارد قالوا الحاضرين عوضه عنه مرزو ق
مبشر قال عطه عشرين لغز والرجل ذكي وناقد وشاعرفكتبت له
الآتي:.

ــــــــــــــــــــــــــــــــــــــــــــــــــ
بديت باسم الله جلت قدرته= الوحد اللي من لجا له ماندم
يابوعلي جعلك بخير ونعمه = يالطيب اللي كل علمك محترم
فيك الصراحه والمروه والوفا = مع المعرفه والشهامه والكرم
يا مفسر المعنى بتحليل الذكـا = وتصدّره واللي جهل به يحتزم
ابا اسالك حيثك فهيم وعارف = ومثلك ليا سمع المعاني يفتهــم
عندي لك الغازعساك تحلـها = على الرخا ماقول سلم وستــلم
1) انشدك عن جاهل يسوقه عاقل = يمشي وراوقدام مشي منتظـــم
يفتح طريقه ون مشى بسنونه = وليا فتح درب بلا خوف انهـزم
2) ونشدك عن شي حرام طــاهر = طهارته تطهر بها كل الامــــــم
3)و وشماشيه لو طوعوها وسرعت = ممشى ثلاث اسنين مايعادل قدم
لاتاكل التمره ولاتشرب لبن = ولاتاكل الخضره ولاتاكل لحــم
تاكل ولاتشرب وفيها فايــده = ولااظنها تطعم لماكلهــا طعـــم
4)وانشدك عن شي لقيته يـاكل = ياكل رضم ولاشبعوه من الرضم
5)وانشدك عن حاكم بدبرة حاكم= يحكم على الحاكم ويرضى به حكم
6)وويش الذي حمّل بتهمة قاتل = وجيب الدليل وقيل هذ المتهـــــم
لكن براته قالها بلسانــــــــه = لو كان ماينطق بلفظ ينفــــــهم
7)وانشدك عن بحر تعب به سبح = لويبتديه من الطفوله للهــــــرم
كل البشر يابو علي ما تقطعـه = ماله نهايه يا طـــــويلين النسم
8) وعن من توفى مرتين من البشر= عبره بدت للمعتبر منذ القــــدم
9)وعن من نذر نذرووفّى نذره = مانفذه لاشك حكــم الله حكـــم
نذر صبر حتى تحقق مطــلبه = ون ما عرفته فاذكر اصحاب العزم
10)وانشدك عن شي خفي واضح= منشاه مايعرف ويخلق من عــدم
ولو تطلبه في كل ساعه حاضر = ردد مثل ما قيل رفرف ياعــلم
11)وانشدك عن حاجه تضروتنفع = لكن على نوعين يمكن تنقســم
النوع الاول في الشريعه جايز = والنوع الآخر به مضره ويحرم
يضيع به حق ويثبت باطـل = والظلم نار الله يجازي من ظــلم
12)وانشدك عن بيت ضعيف ساكنه= بيت ضعيف ومن سكن به ينرحم
ماتستطيع بناه ونته ماهـــر = واللي بناه بدون لحم ولاعظــــم
13)وانشدك عن رجل تحكم بجرته= يمشي على راسه وفي راسه سهم
14)وانشدك عن رجل قليل خاتمه = الا ليا منّك حكمته وانخــــــــزم
يقذف بناته من امام ومن وخـر = ليا ذبحهن خيرهن معه انعـــدم
15)وانشدك عن رجل تجيبه عندك = حارس على بيتك وهو مثل الصنم
يصرف حسابه من حسابك بالرضا= يعمل لغيرك وانت بامره ملتزم
16)وانشدك عن شي مشى قدامك = ونته وراه وهوكريم لمن حــلم
لولاه ضاقت بالعباد الدنيا = لكن صحيح العزم يبراه النجــم
17)وانشدك عن شي تحسب حسابه = غايب وهو ياصل ان كان الله قسم
يقل يكثر نعمة الله تنذكر = اصبر على شانه وجامل واستقم
18)وويش الذي جبته بعشق ورغبه = وضيّق عليك وصارشر يحتدم
اما تحيزم واقلعه عن دارك = والاتراه يصير في جسمك ورم
19)وويش الذي ياكل ولايوكل معه= ياكل ولايشبع ولايحس بألم
20)وويش الذي كل الخلايق تكرهه = وتمشي له الامه على ساق وقدم
تم الكلام وباق اللـــي عندك = واقبل تحياتي وهذ ما لـــزم
فرد ابو علي بالابيات والحلول التاليه:.
يامرحبا ترحيبة ممزوجه = بدهن عود وللعسل فيها طعم
برسالة جت من رفيق وافي = في كل حال مدرك قول ونعم
ليا عدوا اهل العرف يحسب منهم = شاعر وله هيبه ويحشم ويحشم
ارسل علي ارسالة مرفوقه = بعشرين لغز وكل لغز له خصم
وسميت باسم الواحد الفرد الصمد= وفيه اتكلت ومن توكل به سلم
وعطيت رمعاتي حسب مفهومي= عساك يابن زيد يقنعك الحسم
نشدت عن جاهل يسوقه عاقل= يمشي ورا وقدام مشي منتظم
هذا هو المنشار مابه غيره = يفتح طريقه دام سنه ما نثلم
ونشدت عن شي حرام طاهر =طهارته تطهر به كل الامم
هذا هو البيت الشريف بمكه = مابه حرام طاهر غير الحرم
وعن ماشيه لوطوعوها واسرعت =ممشى ثلاث اسنين مايعادل قدم
ذيك الرحا والحب هو مطعومها = ون حركوها ما تقدم تبترم
ونشدت عن شي لقيته ياكل = ياكل رضم ولااشبعوه من الرضم
هذا حسب ظني هي الكساره = يرمى الحصى فيها وهي تفضم قضم
ونشدت عن حاكم بدبرة حاكم = يحكم على الحاكم ويرضى به حكم
هذ هو الميزان حكمه عادل =ليا حكم ماحد بحكمه ينظلم
ونشدت عن متهم بتهمة قاتل =جيب الدليل وقيل هذا المتهم
الذيب يوم اتهم بقتلة يوسف = واثبت براته باليمين اللي قسم
ونشدت عن بحر تعب به من سبح = لو يبتديه من الطفوله للهرم
هذاك بح العلم وانت ادرى به =كم واحد رقاه عالية القمم
وعن من توفى مرتين من البشر = عبره بدت للمعتبر منذ القدم
هذا العزير وقصته معروفه = احياه من يحي العظام وهي رمم
وعن من نذر نذر ووفى نذره = مانفذه لاشك حكم الله حكم
ذاك النبي ايوب في ساعة غضب = نذر ولا وفى النذر حيثه ندم
ونشدت عن شي خفي واضح = منشاه ما يعرف ويخلق من عدم
ذيك الهوا منهية ماموره = يديرها اللي بالسراير معتلم
ونشدت عن حاجه تضر وتنفع = لكن على نوعين ممكن تنقسم
ياعلي ذيك الواسطه معروفه = لاتعتصم فيها وبالله اعتصم
ونشدت عن بيت ضعيف ساكنه = بيت ضعيف ومن سكن به ينرحم
هذاك بيت العنكبوته ظني = لعل بيت ما يذري ينهدم
ونشدت عن رجل تحكم بجرته = يمشي على راسه وفي راسه سهم
هذا يا بو خالد جوابه واضح = اسمه قلم ياللي بخيص بالقلم
ونشدت عن رجل قليل خاتمه = الا ليا منك خزمته وانخزم
هذا المسدس جارك الله شره = لاتنقله ياغير في وقت مهم
ونشدت عن شي تجيبه عتدك = حارس على بابك وهو مثل الصنم
هذا هو العدّاد حسب اوصافه = سدد فواتيره واضافات الرسم
ونشدت عن شي تحسب حسابه = غايب وهو ياصل ان كان الله قسم
هذا هو الراتب ولغز وارد = جد بعملك وراتبك لاينخصم
وويش الذي بعشق ورغبه = ضيق عليك وصار شر محتدم
ياعلي هذ الدين حمله جاير = من يبتلا به في سداده يلتزم
وويش الذي ياكل ولايوكل معه = ياكل ولايشبع ولايحس بألم
النار تقصد عاذنا الله منها = تاكل ولاتشبع ولكلش تلتهم
وويش الذي كل الخلايق تكرهه =وتمشي له الامه على ساق وقدم
الموت جعل الله يطول عمرك = لابد منه ووعد خالقنا يتم
ماسلت عنهن بالاجابه جنك = مفسرات موضحات بالاسم
تمت واختمها مثل مبداها = في دهن عود ودمت يالرجل الشهم
بيض الله وجه ابو علي




التوقيع :
    رد مع اقتباس
قديم 21-09-09, 09:02 AM   #14
إنتقل إلى رحمة الله تعالى

 











 

ابوخالد الفريدي غير متواجد حالياً

ابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished road

افتراضي

وجهت هذه القصيده للشاعر العملاق /مرزوق مبشر المزيني
ا
ابدي بذكر منور الكون بالنور = اللي خلق ليله وكون نهاره
ومن عقب ذا نبدي معانن لها دور= كلام مخلص والمحبه شعاره
يلفي على مرزوق والعلم محصور = فوق الطويل وتحت ساس المغاره
يابو هلال العلم مسناد وحدور = وليا انتشر جعله يزيد انتشاره
عارفك با لاحسان والخير مذكور = يانمر يامعشي جياع النماره
لكن مثل ماقيل منهي ومامور = وحسناتك اكثر والتفافك شطاره
ولاانته من اللي يهدي العرج والعور= تفهم هدف راع الهدف بالاشاره
بالمستوى الشعبي معلم ودكتور = وتعلم العالم باصول الحضاره
شهم وكريم وصايب الراي والشور =هذي صفاتك بامتياز وجداره
ياطيب المعدن نبي راي مستور = عن شي براسي يسبب عواره
اباسالك والعلم من داخل السور = عن المكان اللي تراكم غباره
بيت نظيف وله زمانين مهجور = ما فيه غير مكيفه والستاره
كد شفت في حوشه بساتين وزهور = واليوم تمشي عثته في جداره
جيت اتصرف فيه لاشك مكبور = وكفيت ايديه لين اشوف الشراره
هل هو صحيح الكون هذا على ثور = والا الكلام محرف عن مساره
وهل هو صحيح بماكر الصقر عصفور= وان البساس السود صارت اسعاره
قل لي عسى بيتك على طول معمور = كيف افتح المبنى واردا عتباره
وانشدك عن علم لفاني له اشهور = جابوه لي محفرين الجحاره
علم جديد وهو قبل عام منشور = اهل النقيلي مصدرين قراره
عساه زور وناقله ينقل الزور = ان كان قصده جد والا عياره
الحق نور وسيف ابو زيد مشهور = لاشك رجلي ماتدوس الخباره
صراحتي عيبي ولاالف وادور = واخالف اللي يقطعون الاشاره
اجزي واجازي واتصرف على الفور = وبعض المجازى للمجازى طهاره
ولاني على بعض السواليف مجبور = ليا غير المبداء قطعت الزياره
الرجل يا الطيب له احساس وشعور = وبعض المجامل باعتقادي ثواره
وصم الصخر ماهو بيصبر على الجور = يذوب لوزادت عليه الحراره
العلم فيه وفيه كامل ومبتور = فسّر وحلّل يامدير الاداره
تمعن المعنى بنظره وناظور = عساك تسلم يابليغ العباره
ان جانبت ظني فانا قلت مشكور = وان وافقت ظني عطيتك بشاره
صح الصحيح وحال ابو زيد ميسور = الرزق ياصل كل حي بداره
ومهما حصل يا طيب الفال معذور = موقعك عند ي في محل الصداره
جعله ياقاك الله من كل عاثور = ردك يريحني وانا بانتظاره
يمكن يحط بكبد قارون خابور = ويذوق به فرعون كاسالمراره
رد الشاعر/ مرزوق مبشر المزيني
ــــــ
حي البيوت اللي تقل وصف طابور = طابورعرض ابداع فن ومهاره
من شاعر ماهو بمعناه مثبور = معناه يفرض هيبته من وقاره
اذا بعث لك قاف ماهو بمحشور = من فيض مكنون يفيض بغزاره
سايق ميكانيكي على الجمس والمور = ماهو مثل ما قيل سواق طاره
ليه كتب ريف النطا عدة اسطور = على هدف مخفي بشاشة رداره
بالمركب السحري عبر عدة بحور = وركب على الجودي جسور العماره
بالماس مسموره على لوح مسمور = على فلك ماينتميز مداره
بعض معانيها لها بطون وظهور = وبعض معانيها مثل عين واره
حسب هدف مضمونها مابها قصور = تصميمها تصميم مبنى وزاره
اسلوب ابو خالد كما اسلوب منصور = بين اللحاء والعود قنصل سفاره
من خارج المبنى قواعد على جسور = ومن داخل المبنى مزارع وحاره
قبل ارمضان بيوم نادى بعاشور = وركب راع النادي عقود الاناره
ماجور ريف الضيف والجار ماجور = بدافع زعل وجّه من الشرق غاره
غاره لها بالخارطه سبعة اسبور = حسب مصادر مدعين الاماره
امشي واوقف كن عليان مهجور = اخاف يوخذ من اشعفته اهجاره
ومن لامشى على قواعد ودستور = وحط الحكيم المطّلع مستشاره
يموت ماقدّى جهامه ومظهور = وعليه شيخ اعداه ماسك خفاره
والبل لها قعده وركبي ومقهور = وراع الغنم لاهان يركب حماره
ولكل نادي ياولد زيد جمهور = والسوق يا صرّاف ربح وخساره
اما سؤالاتك لها فروع وجذور = والنور والتنور وصط الغماره
ومن لاعمل للحور ماشاهد الحور = اما الجمل شقران همّز فقاره
سالت عن بيت زمانين مهجور = مافيه غير مكيفه والستاره
اشوف ما تشوفه وغشام خاضور = خاضور من نبت الغزاله خضاره
وشيب الهجاف اعجاف ياراعي الكور = يامعاتب العاقل ماهو باختياره
خذ الكلام اللي على صلب ماسور = وسر يجبر به كسير الجباره
وسالت عن علم لفا لك له اشهور = جابوه نقل محفرين الجحاره
حسب كلامك قلت حفارة اجحور = اذا فهم مابين جرذي وفاره
لايسبب اصداعك حكي كل ثرثور = اللي يرى خلق المشاكل اصقاره
لاحامي مركي ولاكاسب خور = اكثر قراراته بتوقيع عاره
اعوذ بالله خالق لنار والنور = من اللي لهم نقل النمايم تجاره
ضعوف الرجال مروجة كل محذور = والتمر شيصه من ضعافة وباره
ياعلي قل لمروج الحكي مثبور = ان كان اخو سعدى والااخو ساره
وخل السنان اعنان والسيف باكور = يامكرم اضيوفه وياسور جاره
تراك عندي كبر ورقان والطور = والعلم اشاره والذهب با لحجاره
اعرفك لاجاهل ولاانته بمغرور = لكن حسن نيتك مثل المناره
ماقولها تحريف واقع وديكور = تصويرمكنون وهبك اقتداره
لاباععث ميت ولاحافر قبور = وحكي التوافه ما نغذي صغاره
تم الجواب ودرب الامجاد ماثور = وكثر التسأل من سلوب الاثاره
والسلام عليكم ورحمة الله وبركاته




التوقيع :
    رد مع اقتباس
قديم 21-09-09, 09:12 AM   #15
إنتقل إلى رحمة الله تعالى

 











 

ابوخالد الفريدي غير متواجد حالياً

ابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished road

افتراضي

في طيب القول لي مقصد ولي غـــايه = سيفي لساني ولي بالقول حريه
قول العوارف تشعب مالــــه انهــــايــه = ولاكل ناطق يوفق بالميــه مــيـه
من صاب قوله تراه يصيب في رايــــــه = ومن تاه قـوله تصـير ارياه مجفيه
بعض البشر فيه راي وعرف وهـدايــــه = لكن بعض البشر بواطنــه ســيه
والبعض فيهم حكيم وعنــــده ادرايــــه = يملك جزيل الكلام وصـافي النيه
لكن بعض الاوادم منــــــطقه تـــــــايه = يتعب على الهرج والاهداف ملويه
اما يكون الهدف تضليل وغـــــــــوايـــه = ويوجه النــاس لاشيا غير مـرضيه
في منطقه يعجب الجـهـال با غـــريــه = رجال في ظاهره في داخله حيه
والاتكلـــــــــم نفــاق وزود وصـــــــايه = ومن الطــمع كثر الروحات والجـيه
ويردده عنـــد بيـــاعــه وشــــــــــرايه = ويفخر بقوله عسى تزلف به الطيه
مبدا المنافق يخالف كـــل مــبدايــــــه = ذلـــيل كاذب وكل أريــاه ســـلبيه
انا احترم من صدق لوهــــومناعـــدايه = واكره اسلوب المنافق لوقرب ليه
والآخر اللي كلامه سب ووشــــــــايه = لاجل يتطفل على بعض الطفيليه
يجيب هرجه ويـــرجع منك بحكـــــايه = ويـحط عنوان للهرجه ومـــاريـــه
ينقل لي الهرج كنه يطلب ارضــــــايه = ومني يودي كلام زور رديــــــــه
عينه عليه ولكن يرصـــد اخطـــــــايه = وان كان ما خطيت صورها خياليه
فرق تسد غايته ويسوقها اهـــوايـــه = يوهم بنصحه وهو قايد حــراميه
بينت للي سمع رايي ومغـــــــزايـــه = مبادي ماتناسب مع مبـــاديــــه
بالناس جاهل وفيهم كـــيد واعصــايه = وفيهم اضعيّف وفيه افعال كيديه
وفيهم ارجال تدير الــوضع بعــــــنايه = اهل ملازيم مكشوفه ومخفيـــه
منطق سليم ووفاءللدين حمّـــــــايه = تسرك افعالهم ووجيههم حـــيـه
ارجال لهم بالمواقف ترفــع الــرايــه = راية محبه من الاعماق مثنيـــــه
هذا كلامي وكـــل انسان له غـــأيه = والقول والفعل مبني على النــيه




التوقيع :
    رد مع اقتباس
قديم 21-09-09, 10:08 AM   #16
إنتقل إلى رحمة الله تعالى

 











 

ابوخالد الفريدي غير متواجد حالياً

ابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished road

افتراضي

مرزوق مبشر المزيني من الاصدقاء القليلين وبيني وبينه
مساجلات كثيره الجاء له لشرح شعوري وهو شديد النباهه
يدرك ماقصد ويجيب
قلت له ذات مرة مايلي:.
الكلام يقال عند مناسباته =والعلوم تجاب في حزة طلبها
والرجل يسعد ويشقى في حياته= والمشاكل كل عاقل يجتنبها
الرجل ينبيك هرجه عن صفاته = والحقيقيه تقنع اللي ما طلبها
ما نحسّب للكلام وشايعاته = والمحابل شرها للي نصبها
من تعرض سيرنا نلجم لهاته = ومن يشب النار نرميه بلهبها
ندرس اوصاف الرجل ومواصفاته = نقتدي في سيرته والانعقبها
ياوسيع المعرفة ماجبت هاته = ماتجيب إلا لجزيله مارجبها
عندك النطق الجزيل وطيباته = والمعاني ماتجيب إلا ذهبها
الاسم مرزوق مرزوق بذاته = من فعول طيبات ومن أدبها
وبعده مبشر والبشرى من سماته = يشتري كل النوادر من جلبها
ياسديد الراي ودي بالتفاته = للعلوم اللي تسلي من قضبها
جدد الموضوع وأهمل سابقاته = كل نار طافيه غيب حطبها
لو بنات أفكار مخي حاضراته = من شهور ماضية كان انتدبها
لكن الموقع عليه مخلفاته = وأثرهن راحن مع اللي راح لأبها
قمت أحس الوضع وألمم شتاته = والوعور اللي تتعب مارتكبها
يالفهيم اللي على الحكمه ثباته = لاتحاسب من حساباته حسبها
والعمى متجود في راس شاته = مالنا بالطاولة واللي قلبها
والثمر مازال باقي في نباته = وانخله مستور ماحرك رطبها
جاك علمي وأنت تفهم خافياته = تفهم القصة وتفهم وشسببها
فرد مرزوق بما يلي :
ياسلام الله عليكم وبركاته = كلمة تظفي على السامع هدبها
مختصرها والكلام وموجزاته = وكل كلمة حسب فهم اللي كتبها
وأبو خالد يوم عبر من جراته = ومن وفاه لسيرة الماضي طلبها
وارداته حطهن مع صادراته = باختياره جمع العقل وقصبها
يوم حسب عاد طبع مذكراته = وعمر الفله وقال اختر كنبها
بالبيوت اللي بها صاغ كلماته = ماص مفراس البيوت إذا كتبها
القلم ترعف من أفكاره دواته = والمعاني لو تمادى ماسلبها
ولا تكل من الجزال محاولاته = وخبرته وأفكار عقله ماحجبها
من سلوبه لاصدقائه مجاملاته = والنفوس البوس مايدرى غضبها
لاصدقائه بعملته ومعاملاته = سيرة اللي لاتركتها ولا قضبها
والصراحة والثقة من راسياته = والحماقة لو ركبها ماشعبها
حسب فهمي للهدف وملابساته = يوم مس أبطانها مدري حقبها
ساقها سوق المعيد بمبهماته = ساقها مدري مع المنحى سحبها
صاغها بمخططه ومعادلاته = وقال جبها وأنت واحد من جنبها
والسفينه مبحره في صافناته = وترجمة سبة زعلها مع طربها
وحملها دفعت على الشاطئ زكاته = ودسرها ثبت على الشاطئ خشبها
قادها بحبلها وأرسى حصاته = طاوعت مدري على الجود غصبها
أعتبرها معجزة من معجزاته = كيف يذبح ولا قطع عصبها
والنعت توضيح علم بمفرداته = والعمى بيت القصيده ياحدبها
العمى خل البصير وعابراته = وكابتن الحاره يدرب منتخبها
خذ عبارة يالحكيم بواجباته = إن خلت مستور ماصفى حسبها
وأبو خالد بالرموز مساجلاته = جاوب الأعراب في لهجة عربها
وإبتديت وطالب التوضيح جاته = جملة مضمونها يفتل شنبها
شفت مدري شاف في شاشة قناته = والعرب تجهل سببها مع نسبها
والخبر تحت الثرى دفنت نواته = شافها مدري سمع لكن نكبها
واحد شال الذبيحه في عباته = راسها مخفيه ومبين ذنبها
اللهم لا إنتقاد ولا شماته = لعبة البيه ولا افلح من لاعبها
وكم مصلي ماقرا الحمد بصلاته = وكل نفس تسير حين الله وهبها




التوقيع :
    رد مع اقتباس
قديم 21-09-09, 10:19 AM   #17
إنتقل إلى رحمة الله تعالى

 











 

ابوخالد الفريدي غير متواجد حالياً

ابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished road

افتراضي

الجمس هاته وافحص الجمس ياغلام = وليا جهز مقدار ماقول حمّه
وهات القلم واكتب وانا امليك باحكام= واضبط احروف القول شده وضمه
اكتب كلام لامزيف ولااوهـــــــام = وباول كلامي راعي الخط سمه
كلام احلى من لبن در لانعــــــام = شقح النياق البارزات المزمه
مرباعهن بين الفويلق ولـــــّزام = ومقياضها الصوال تشرب مجمه
قول يدور بوصط فكري من العام = منزّه عن الخطاء والمـذمــــــــه
وان كنت ساكت فالضروره لها احكام = العلم واضح والمواضيع جمه
لكن بعد ماحمّضت كل الافلام = طاب الكلام ولي معانن مـــــهمه
تحمل سلامي والتحيه والاكرام = من واحد عّز الجمـــاعه يهمــــه
وترحيبة تبقى على مر الايام = عمق المحبه والمودّه تضمــــه
تاصل وفياً يوم احليّه ضرغام = علم السعد عنده وحوله ويمه
عضيب الحربي مقصدي والهنا دام= مخصصه بالقول من بين الامه
ابن الرجال اللي مشاهير واعلام = اللي لهم بالحق مبدا وهمــــــه
اهل الوفا واهل الكرم واهل الاقدام= كل يقول الحق عنده ويمه
من لابة تمشي على العز قدام = مع فعلهم فيهم تسامح وذمــه
مقومين الحق واركان الاسلام = واهل الشجاعه بالظروف المهمه
ربعي هل اللقوات من عصربن حام=من هازته نفسه بهم سال دمه
ليا قيل وصلوا حرب قيل السعد قام= الله عطاهم موقع فوق قمـــه
ذا قول من هو بالوفا ملزم الزام = قواعده من حرب خاله وعمـــه
ياعضيب يوم نك على الفعل مقدام = تخص من تبغى بعلم وتعمه
اعجبتني ياعضيب في جمع الارقام = وقص الاثر بالليلة المدلهمه
لك موقف هديت به حيل الاخصام = خليت شبه العير يرجع على امه
سجلت توضيح المعاني بالاقلام = وقطعت راس الداب وابطلت سمه
دعست راس اللي تبجح بالاقدام = ليا رفع راسه وقع في مطمه
وللي نوى يشري تراجع ولاسام = واللي حفر حفر تراجع ودمــه
من عقب زل وذل وقع بالابهــام = واعذر بدرب ابليس من عقب خمه
حيثك ياليث تجيد تفسير الاحلام = وبقدرة المعبود رايك تتمه
لك ياقوي الباس تقدير ووسام = وسام الشرف ياللي قضيت المهمه
ــــــــــــــــــــــــــــــــــــــــــــــــــ ــــ
[="ic"]هذه القصيده قبل اكثر من عقدين عند ماكان عضيب بن هليل العلوي
يجلد الخصوم ويسقيهم السموم وربما سقط منها بعض الابيات
لكنها تعبر عن شعور قايلها




التوقيع :
    رد مع اقتباس
قديم 21-09-09, 08:29 PM   #18
إنتقل إلى رحمة الله تعالى

 











 

ابوخالد الفريدي غير متواجد حالياً

ابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished road

افتراضي

ارسل لي / عبدالله بن هليل بن شماس الجميلي قصيدة اعتذر عن عرضها لوجود
بعض مايمنع العرض فرديت عليه بما يلي:

//////////////
ـــــــــــــــــــ
اهلا هلا عد الخضر والهشيمي =وعداد وديان الجبال وشعبها
ببيات شعر من رفيق حميمي = يدرس خوافي كلمته ويحسبها
منطق مهذب في صياغة سليمي= تحمل مواضيع قليل صخبها
عبدالله هليل هميم محيمي = على العلوم الطيبات بادبها
ولاقال لي هذي علامة خصيمي= اخفى جميع اهدافه اللي نصبها
وانا مفاهيمي وسيني وجيمي =كل العقول المدركات تغلبها
لكن حسب عرفي وحكم الحكيمي=نبي ندورجزلها مع جلبها
لعلها تمشي بدرب قويمي=وتبر القلوب الغاضبه من غضبها
يا بوهليل من بشبل القديمي=يشيلها للواجبات وطلبها
افتيك باشيا مانت فيها اعليمي=والمايله عارفك ما ترتكبها
تدريب حربي مع سياسة قصيمي=من لابة تعرف مواقع لهبها
اهل الشجاعه راجمين الرجيمي = اللي نهار الكون تدفن اركبها
صاحبك بن عمك لوانه وخيمي = لازم عيونك عن خطاه تعصبها
الاليا جت ضربة في الصميمي=وعليك طاولة الاواعي قلبها
عليك بالحكمه ورافة رحيمي=والنار لاترمي عليها حطبها
يفنى الرجل لكن فعله مقيمي = والطيبه كل يريد يخطبها
والوقت فيه وفيه عدل وعقيمي=حتى العجوز اليوم تفتل شنبها
كد قال بالمعنى صياف السحيمي=ترى احبال اليوم يقرص ذنبها
ومرزوق مبشر قال قول الفهيمي=بعض الحبال احيان يخشى عطبها
ومن نايف الجربوع ومن الطهيمي=سمعتها والمعتدل ماعقبها
وليا اختلط حب الحدج واللقيمي=اما اقبل الموجود والااجتنبها
وان صار جو الوقت حر يضيمي=تلقا البراد وصافي الجو بابها
ياطيب خلفك حّر هميمي = الصاريه من شمها ما شربها
الطيبه تمسح دموع اليتيمي=والخايبه نقص على من قربها
ومثلك ان شاف المبرمه والبريمي=العقل ليمها بصمت وقصبها




التوقيع :
    رد مع اقتباس
قديم 21-09-09, 08:38 PM   #19
إنتقل إلى رحمة الله تعالى

 











 

ابوخالد الفريدي غير متواجد حالياً

ابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished road

افتراضي

;سلام وتحيه وافيه مثل ريح العــــــود..= تحيـة وفـا والـورد والحـب يحــــــــملها
على حرب ربعي عدمابالوطى من عود = هل الجود واهل الطيب من عصراوايلها
ارجال الشهامه والكرامه ارجال الجود = نقول الحقايق والبشر مانجـــــــامــلها
اذاعدت الافعال جاعلمهم محمود = قبيلة وفا مافيه مخلوق يجــــــــــهلها
حماة الوطن والدين واهل الوفا والزود =قبيله تعامل بالوفا من يعاملها
هل العلم واهل الحلم عند اللزوم وسود = ليامن نار الحرب شبت مشاعلها
اقوله وانا منهم ولي الفخر ياسعود = اقول الحقيقه وانت ياصاحبي قلها




التوقيع :
    رد مع اقتباس
قديم 22-09-09, 06:34 AM   #20
إنتقل إلى رحمة الله تعالى

 











 

ابوخالد الفريدي غير متواجد حالياً

ابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished roadابوخالد الفريدي is on a distinguished road

افتراضي


الاستاذ الباحث والاديب / فايز موسى البدراني من الرجال الذين ابلوا بلاء
حسنا في اظهار مناقب قبيلته حرب له اكثر من عشرين مؤلف معظمها
يتصل باصول واحداث القبيله ويجب ان يشكر على هذا الموقف المشرف
في 21/6/1421هـ قلت هذه الابيات المتواضعه تاييدا وشكرا لهذا الرجل
. الــــــــــــــــــــــــــــــــــــــــــــــــ ــــــــــــــــــــ
الرجال النوابغ يصنعون الروائع =المدارك وسيعه والمسالك بديعه
المعرفه تنوع بين شاري وبايع = المراجع تجيبه والعوارف تذيعه
والمعرفه برايي من جميع النوايع = الادب من جميعه والنسب والشريعه
ماضيات العصور ومامضى من وقايع = والتراث المنوع محتواه وجميعه
عند رجل المعرفه عند زاكي الطبايع = عقب بحث وتقصي حافظه مايضيعه
ابو تركي بامانه حافظ للودايع = عند راع الامانه ماتضيع الوديعه
ابن موسى بامانه حمل الحمل طايع =ان بحث مايزور والصراحه ربيعه
يابن حرب القبيله كل ماجبت رائع =يا كثير المواهب موقعك بالطليعه
قلت جزل الكلام وحزت بيض الصنايع = عندي وعند غيري لك مكانه رفيعه
الذهب هو رصيدك من حميع البضابع = رابح من شراه وعادل من يبيعه
بالوفا والحموّه صار لك صيت ذايع = صانع المجد يعرف من وفاه وصنيعه
والعمل من نجح به سد باب الذرايع =مايعارض نجاحه غير ناس وضيعه
كان بعض الاوآدم تقل للهرج جايع = الكلام المعرّى مايسمى ذريعه
ذي شهاده بموجز واعتبرها طلايع = من رصيدي وفكري جبت لمحه سريعه




التوقيع :
    رد مع اقتباس
إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

IP



الساعة الآن 02:00 PM


Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
Ads Management Version 3.0.1 by Saeed Al-Atwi
ترنكات لخدمات الويب