عدد الضغطات : 0
الشاعر عبدالله بن زويبن المعمري الحربي.رحمه الله...سمعت لي كلمة مدري وش اقصاها=حزت بنفسي وأنا مانيب هارجها.....لوكل كلمة إلى جتنا طردناها=بعنا الثمينة بسعر مايخارجها......لو مرت السمع ماكنا سمعناها=ونقفل الراس عنها لا يبرمجها......ومن يم هذا لهذا مانقلناها=والناس واجد وتلقى من يروجها.....من جابها بين خلق الله وداها=لو به مراجل ترى نفسه يسمجها..........الشاعر// محمد بن شبيب الحداري رحمه الله ...........لا والله الا راح دور البداوه=ودور الركاب اللي عليها الشنوفي........ ومجالسٍ فيها لهلها طراوه=عنها الشوايب والهزيل محذوفــــي...... وراح الزمان اللي لعيشه حلاوه=واللي على الغارب رجع للردوفي.......... قالوا تسير قلت مامن فضاوه=قالوا علامك قلت عيت ظروفي........ اللي مضى بالنفس عنف وقساوه=واليوم أخلي كل عوجا تطوفي...... وأضحك مع اللي لي يكن العداوه=وأن صفقوا صفقت له بالكفوفي....... نخاف من دقة خطات اللعاوه=رادي نصيب وناقرٍ له علوفي........ يزعل على اللي يسوق الأخاوه=وذلوا معطرة النمش والسيوفي........ والمرتفع قالوا مثل ذاك ساوه=وشربت غثاريب الغريف العيوفي........ عين الغضب تفتح عليك السماوه=وعين الرضا لوبك خطا ما تشوفي....... هداج مات وجات غيره أجباوه=والروس قامت تدرق بالكتوفي............الشاعر/سالم بن مهاوش الحربي .....اللي ماتنفع به صنيعه و لا لين=ان راح قله روحت مقيط ورشاه......والله لو انه مين و لا ولد مين=من لايعدّك ذيب عدِّه ولد شاه.........الشاعر/ شموخ السلاطين........الوقت يكشف لك الناس وشهي من تكون....اما من رجالها ولا من رخومها.....اللي معادنهم ذهب فالوازم يصملون ......مايلوي ذراع الشدايد غير زحولها ................الشاعر / عبدالرحمن سليم الصاعدي(البيرق)..... في ملتقـى حرب الحرايب بدينـا /حرب الدول ربعي وهم تاج راسي .......قوم جمعـت مابيـن دنيـا ودينـا /الله عطاهم لين جانب وباسـي .......جند السـلام وضربهم باليدينا /عند الملاقى للمعادين قاسـي .......مكرمين الضيـف سمن وسمينـا /وسبع الخلا عشوه يوم العماسي..............الشاعر / خالد بن ماطر الحربي ....كل ماصادم الراس القوي زدت قوّه=والردي لو يزيد الهرج مازاد غلّي .....والجبل كل مالديت وانا علوّه=مايباريني براس الجبل غير ظلّي .....ليه اعادي قليل الخاتمه والمروّه=لاتجملت فيه وصد خله يولّي .....ودك ان الرجل يختار حتى عدوه=قبل يختار خلان النشب والتسلي ' ...........الشاعر/سند مسند العريمه الحربي........ لا صار ماتبدع إبيوتٍ ثمينه= = ريح ضميرك واترك الناس ترتاح ياما سمعنا من قصايد عجينه= = والمشكله حازت جماهير وأمداح في عالمٍ تصفق يساره يمينه= =وكل القصايد عنده إسمان وصحاح ميزانهم صوتٍ تعالى رنينه = = تلقى جماهيره لها صفق وصياح خلوا تقاليد العرب والسكينه= =في ليلهم مسراح والصبح ممراح ويااللي على الشاطي تدف السفينه= =عود على الساحل ترى مانت سباح البحـــر يبـغـاله رجــالٍ رزيـنـه= = له غـبـةٍ تـجـذب جـمـادات وارواح وخلك على كشته قريب المدينه = = دلــه وبــرادٍ له البـــال يــرتــاح...........الشاعر / بخيتان البشري .......ماضاق خاطر من نودّه ونغليه = لو البحر من ضيقته ضاق به ماه ..... مودّنا غالي و ودّه نخليه = غالي ولو كل العمر مالقيناه .......والي تولى للمشاعر موليه = قلب المودّ اللي وداده تولاه .........طيبّ خواطرنا بكامل تحليه = بصدق الشعور اللي عليها صدقناه ........اللي بصوته همنا دوم يجّليه = وبصوتنا قلبه من الهم نجلاه.........الشاعر /سعد المحمدي .........دريت باللي دار خلف الكواليس=وحطيت نفسي كن ماني بداري=بعض الامور اقيسها بالزمن قيس =وبعض الامور اصير فيها انتحاري=ان جيت يطفي نور كل الفوانيس=وان غبت غني ياطيور الكناري............الشاعر/عيسى العوفي..........وجهة نظر ماقول انا قولي مصيّب=ابديت رائيي مثل للرائي من قال.....ان جيتني بالطيب آعاملك بالطيب=ردالجميل وشيمة ارجال للرجال.....وان جيت في علم الردى ماقربه عيب=تكرم بها مالي مع العيب مدخال.......طبعي وربعي محتمين المواجيب=حربي بدربي متبع النذل لاعال.......العز لو تشويك حر اللواهيب=موتي ولاقوتي ورى ايدين الانذال......العمربامرالله وماقدّره غيب=والراس تصعب رفعة الراس لامال......وسيرة ارجال الطيب منها المكاسيب=نوريدل اللي جهل يقدي الضال......اخذت من غيري ادروس وتجاريب=اسئل وآخذت العلم من رؤس عقّال................الشاعر ( سعد المحمدي )............يابو فهد برق المزون النوازي=حجاز وانت بعالية نجد وبال=بينك وبينه بعد دار وغرازي=سيله بحر ياراعي المعدن العال=ماله مصب بداركم ورتكازي =العلم مايجهلك في كل الاحوال=يكفيك عن مية قليب ارتوازي=نهر الفرات اللي من الجال للجال=ابن المباني فوق ساسن عزازي=وقت الشتاء تذري وبالقيض مقيال=يامحزمي لاصبح الدار غازي=دنياك تبغى للعقد رجل حلال=واللي بها بالحالتين انتهازي=لابد مايلقى بها شمس وظلال=عن الحجاز اسمع كلام الحجازي=كلام حطه يارفيقي على البال=من التجارب دوبلماسي جوازي=عليه ختم المعرفه تقل تمثال=ياعل ماقلته على ارضاك حازي=في وقت ماينصح معك كل من قال.........الشاعر(زيد بن مبشر الحصني الحربي) رحمه الله ............أقول وأقابل ولاني بسايل=دام الكلام عن الحقايق مباحي=عندي على صحت كلامي دلايل=اموحهن من جم عدٍ قراحي=شفت وسمعت وقلت والرأس طايل=باللي على الساحه ولا هو سياحي=الله يجمل حال راع ألأصايل=حازن على الجوده بكل النواحي=والله ماجامل براعي الاوايل=لو ضاق من قولي زميلي مناحي=وشاعر قبيلة حرب عند القبايل=لافي حمود وبس حسب إقتراحي=ومن قال أنا بقول ويش انت قايل=أنا افتخر بجود ذخيرة سلاحي=ماشلت هم ملقحت كل حايل=اللي على ماقيل خف وجناحي ................الشاعر (مقبول حامد المحمدي).........بحثـــــت في قول البخاري ومسعود=والترمذي وكتـــــاب مسلم وماجه=وحتى النسائــي ما ذكر طب موكود=للصرقعه والعلعله واللجاجه=يا صاحبي ياراعي البيض والسود=ترى الكلام الشين عيــــــــب وسماجه=انا أعرف المقصــود والغير مقصود=ولا أحـــب هرج الثرثره والهماجه=الرجل ماهــــــــو للتفاهـــات محدود=ولا كل كـــلمه تستحــــــق المواجه=من سبب الفتنه ماهــــــــو كاسباً فود=ماحصّل الا لكمــــــــــتن في حجاجـــــه=جاه الخبـــــر مكتـــوب في رأس عبرود=عن حاجته كانـــــه بعمــــــــق الزجاجه=صحيح قالو يقـــــــرد النـــــاس مقرود=ويخسر غـــشــيـماً مايميـــــز خراجه=بعض العرب مـن راســــه العقل مفقود=ينفخ ذروبــــه ويتلقــــا العجـــاجــــــه=لو تنصحــــه عن سكـــــة الغي مايعود=ويترك قراح الماء ويشرب هماجه=يالله ياللـــــــي عنــــــدك الخير موعود=تجعل لنا مـــــــــن كل هــــــم انفراجه=نغضي ونصفـــــــح لكن القلب ملهود=جرح الخطـــــــــا عجزت اواري خلاجه=ماني على كل الخطا سيـــــــف مجرود=ولا كل عـــــود اعـــــوج يعــدل عواجه=والشعر له مــنـــهـــــج وله سلم وبنود=ماهو كما ســــــــوق يلجلـــــج حراجه=شعري مع أهل العرف مسموع مشهود=ولاني على كيــــــــف الغشيم ومزاجه=امشي عزاز الدرب وأســـــــنـّـــد اسنود=وأدرى قدم رجلــــــــي عــن الانزلاجه=ارفا كلامــــي لايجـــــي فيــــه منقود=ولاهمني قول الحســـــــــــود ورواجه=اللي مقيمني وشاهــــــــد لي العــــود=شيخاً بصرح المجــــــد يضوي سراجه روائع شعريه

الشاعر/ بخيتان البشري ......ودعتنا والموادع صعب = رمى بنا فالفراق المُر..... لعب الحزن فالمشاعر لعب = ما مر مثله ولا بيمُر.......الشاعر/احمد المحمدي...... ‏‏‏‏للي سألني يجي ويروح /من انت يبغى خبر والم /حربي انا من بني مسروح/ وعيال عمي بني سالم........الشاعر / بخيتان البشري .....قلبي طلع من قلوب أصُم = اللي لهم قلب من قلبك..........كل ما النصائح عليه تعم = حول الهوى زاد في قربك ...............﮼الشاعر/قابل﮼البشري﮼(الجمل)......مايزعّل الحق لا قلته /إلا من قلوبهم مرضى.....ومن كلمة الحق زعلته / عساه يزعل ولا يرضى...........الشاعر ( راشد الزهراني ) المحيط ........سقيت روضك من دموعي = وطول الدهر مستعد اسقيه...... ولايلومني حي في ربوعي = لو كان دمعي نهر مجريه ..............الشاعر / نفاع محمد السهلي ابوفرح ..........تدري متى يلفض الرجال ....في دنيته اخر انفاسه /لاحده الوقت للانذال ....دمعت قهر نكست راسه.......................الشاعر / حفيد_الحجيري.......الشوق مهما قِدَم ما يبيد=مثل السماء والهواء والطير......كل عام وأنتي هلال العيد=الله يعُـوُدِك عليّ بِخَيْر...............الشاعر ( أحمد بدين القايدي ).......كسب الفتى طيب أفعاله / اللي بها ينتهج له درب = وانا كسبته من رجاله / وافخر لأني فتى من حرب .............الشاعر العذب /عبدالعزيز الزويهري ابو بتال .......وا صدمتي صدمة منكد =أعيد مسترجع اللي فات.........و أزيد أسأل أبتاكد= صحيح ماهر صديقي مات؟...............الشاعر/ حمدان دراج القايدي .... حلفت اني اصون العهد=اللي من سنين اعطيتك....رغم العنا والجفا والصد=ماقد فيه يوم جاريتك.................الشاعر / نفاع السهلي ابوفـــرح ........عندي أمل فيك يا.. بكـره = تمحي بقايا جروح .. الأمس ....وقلوب حبت ولا تكــره = تشرق لها من جديد الشمس.............الشاعر/أبن رهدون.......أيامنا اليوم لو تحسب =دنياك يالادمي ساعه.....والمؤمن اللي لها يكسب =يعيش باقي العمر طاعه........الشاعر/عبدالعزيز الزويهري ابو بتال...........غلاك عندي غلاة العين=ياللي من الشوق ناديتك =معاك وحده من الثنتين= ان كان ما جيتني جيتك...............الشاعر/ سلمان القريقري ابوعمر ( حرب )........حتى النجاحات تتحقق=من دونها شروط للتحقيق...قال المثل يد ماتصفّق =تبغى لها يد للتصفيق.......الشاعر / سالم البشري ......مابين قسمه وجمع وطرح=لاهناك قلبي ولاهنيّه........كيف اهتني من هذاك الفرح=وارتاح من كل مابيّه.........الشاعر/خليفة المزروعي...........إهيا كذا كنها سرقه/=/لدة نظر يوم طالع في.....لوكان من بندقه طلقه/=/اهون عليه تراهاشوي...........الشاعر/ عبدالعزيز الزويهري...........البُعد خلّف جفا و صدود= وعشنا في زمانه بدوّامه ..........مدري زمان الصفا بيعود = و الا ّ قضى و أقفت أيامه ؟...........الشاعر / شاكر القايدي ......يامن ينقذ جريح القلب ....اللي هموم الزمن جاته ..... كل مابغا يتجه مع درب... يلقى قطار السعد فاته.................الشاعر /صقر المقرح ..........يامن تخوض الهوى بعزوف= خليتني فاصعب الأوقات ....لا تكبّني والجروح نزوف= وتندم على الوقت لنّه فات.............الشاعر / عبدالعزيز رويشد ...... اعلم ترى خيرة الاصحاب=مثل الذهب نادر ومافي...من كل خمسين ضن تراب=اجرام واحد ذهب صافي.....الشاعر/عبدالعزيز الزويهري (ابو بتال).....من لا هوى زي محبويي==عايش غرامه على الفاضي ==انا على احساس مكتوبي==حسيت ربي علي راضي.....الشاعر / حمدان دراج القايدي.....عواطف القلب لك وحدك.... ياللي ملكت الحلى والزين.....مافي احد في البشر مثلك.....طيفك سكن داخلي بالعين........الشاعر /غافل الهم قلبي ....... مريت بيتك نهار العيد...لكن قفلت بيبانك....عارفك زعلان بالتأكيد...حرام ماتشوف جيرانك..........الشاعر / عاشق الاصاله .........لاغابت الشمس بانمسي=من دون مدعوج الأعياني......مع القمر يكتمل انسي=في تالي الليل لاجاني..........الشاعر / حرب - سلمان القريقري ....... واعيني اللي من اسبابه=زايد سهرها عن المألوف ..واخاف لن طول غيابه=تفقد نظرها معاد تشوف.......الشاعر / خليفة المزروعي ...........عزي وتاجي قبيلة حرب=يوم الهول مزبن الخايف ... يشهد لها شرقها والغرب=ويشهد لها المطلع النايف.........الشاعر / ابوفرح السهلي .....لك حق والناس بالمقياس = مثلك لها حقوق موثوقة ...ومن لايوفي حقوق الناس = لايطالب الناس بحقوقة...........الشاعر / عبدالعزيز الزويهري ابو بتال ....هواك أعمى عيون الشك=لولاه يمديني احرقتك /لكن بإيمان ودي لك=كذبت نفسي و صدقتك......... ..............تلميذ الكسرة / ..............ما تعلم ان الجمال يلمّ **** وحظي الردي قادني يمّه........ آنا اتجــرع مرار وسمّ **** وكنّـــه يكـــايد ولا همّـه..........الشاعر / ابومبارك اليوبي.......خـذ المـثـل ياعـريـب الـجـد=اصل الشجاعه صبر ساعه=لايـغـرك الـزيـن يــوم يـلــد=اصبر وخلـك علـى الطاعـه................الشاعر / بيان الصمت ....سلام من قلب تلعب به=زود الهواجيس وأحواله=والوقت ما فادني طبه=من ظلمة الدرب وأهواله........الشاعر /وليف الشوق.....كل مانصحناك تتركني = وتشوفني من الد اعداك...واليوم لاعاد تنشدني = فيماحصل من مآسي جاك..........الشاعر / سرورالبشري ......طا وعت قلبي وما شيته= حتى رماني فدرب التيّه...ولا تنفع المبتلي ليته= لو جاء يعود معاد مديه............الشاعر (خليفة المزروعي)......عمر العجل مايضوي خير=يامحـسـن الـرجـل متـأنـي=الثقـل صنعـه ولــه تدبـيـر=وراع العجـل دوم متجنـي............الشاعر/خالد بن عبيد بن معتوق الأحمدي....... زايد بحسنُه على جيلُه= وكاسِب رضايه رغم عِندُه=ومن يوم يطلبني آجيلُه=خمسة دقايق وأنا عِندُه......الشاعر(ابوفـــرح)....عنـدي أمـل فيـك يـا.. بـكـره=تمحي بقايا جروح .. الأمس=وقـلــوب حــبــت ولا تــكــره=تشرق لها من جديد الشمس........الشاعر (حامد بن غالي السليهبي)(حسيبك للزمن) رحمه الله .........ناديت قلت انتهى صبري = واغبر زماني طِواني طَيّ=والناس بالحال ماتدري = اظمأ وجنبي غدير المَيّ.............الشاعر / محمد بدين القايدي ( السينات ) ......أدلِّـــــلـُــه دائماً وارضيه=والبِّسُــه ثوبه المألوف...لكن بِطبعُه يفرِّط فيه=ويخلِّي مَنْ لا يشــوف يشـوف.............الشاعر بخيتان البشري / ليه المجرة كواكبها=احيان عكس المدار تدور .. بحور تغرِق مراكبها=وتخلف نمط سيرها فبحور.......الشاعر ( حمدان دراج القايدي)......هليت دمعي من أسبابك = وجرحي نزف داخلي مقواك ‏=محتار وشهو اللذي صابك =الجرح في داخلي ماشقاك...........الشاعر ( راشد الزهراني )......حتى جبال السراة تحن = ماهي كما قلبك القاسي = يامن بوصلك على تمن = ودايم تعكر صفا كاسي ..........الشاعر ( خليفة المزروعي ).......ابوك يبني عليك امال / حذراك لاتخيب اماله /حاسيك لامالت الأحوال / إنت الجبل يجلس إظلاله........الشاعر( عبدالعزيز الزويهري ابوبتال )...... راح الذي فارق أوطانه = و أفعاله فالطيب ما راحت = و الله من بعد فقدانه = عمدان صرح الأدب طاحت ........الشاعره (الكحيلة) ......أتعبني القلب بحساسه=ادراه ويدور التعذيب= بهم ن ضلوعي حطب فاسه = من يطلع النجم لين يغيب .......الشاعر (حرب ابوعمر) ......قلبي سألني .حصل ماذا = تشكي ولاادري سبب شكواك = قلت انتظر فالوفا هذا = لكن تفاجئت جاني ذاك.......الشاعر (غافل الهم قلبي) ... احترت والقلب شايل هم /سنين مخفي الم جرحــــي =البوح ممنوع يالفاهم / راح العمر وانتظر فرحي .......الشاعر (ولد الساحل).....سبحان من بالجمال اعطاه / تحفه وتصوير رباني = سلهم برمش كحل غطاه = يرمي سهام الهوى فيني...........الشاعر ( نعيم عابد السيد ).....يا نار الاشواق ما تطفين / ما يكفي القلب واتلفتيه = هذاك لو كان ما تدريـن / سيب غرامك وولع فيـه ...........الشاعر ( احمد عاقل الغانمي ).......ابشتكـى راعـي الـدكـان / من بعد ماجـاب لـه هنـدى = ماعاد يرفق علـى الجيـران / حتى سلـف قـال ماعنـدى ...........الشاعر ( أحمد بدين القايدي ).......كسب الفتى طيب أفعاله / اللي بها ينتهج له درب = وانا كسبته من رجاله / وافخر لأني فتى من حرب .....الشاعر (عايش الدميخى ).......ابني فصرح الوفاء مدماك = يبقى مسجل عليه اسمك = ان عشت بالطيبة طريـــاك = ولا مت يبقى الثناء قسمك روائع الكسرات

 


العودة   ملتقى قبيلة حرب الرسمي > ๑۩۩ ملتقيات الـمـوروث الـشـعـبـي ۩۩๑ > ملتقى المقتطفات الشعريه والشعر الفصيح والزواميل واالقصائد المنقولة

ملتقى المقتطفات الشعريه والشعر الفصيح والزواميل واالقصائد المنقولة [قصائد منقولة] +[زواميل]+[فصحى] + [ابيات مختاره]

إضافة رد
 
أدوات الموضوع انواع عرض الموضوع
قديم 22-01-23, 07:46 PM   #1
عضو ماسي

 










 

عزيز الحربي غير متواجد حالياً

عزيز الحربي is on a distinguished roadعزيز الحربي is on a distinguished roadعزيز الحربي is on a distinguished roadعزيز الحربي is on a distinguished roadعزيز الحربي is on a distinguished roadعزيز الحربي is on a distinguished roadعزيز الحربي is on a distinguished roadعزيز الحربي is on a distinguished roadعزيز الحربي is on a distinguished roadعزيز الحربي is on a distinguished roadعزيز الحربي is on a distinguished road

افتراضي الشاعر الكبير عبد الله بن زويبن بن بطي من المعامرة من بني عمرو من حرب

الشاعر الكبير عبد الله بن زويبن بن بطي من المعامرة من بني عمرو من حرب حيث يعتبر هذا الشاعر من أفضل الشعراء في المملكة فهو أحد أعمدة الشعر الرئيسية، الملقب "بداهية الشعر" وهو من الشعراء العظماء الذي حفل تاريخ الشعر في المملكة بهم، فكم ترك لنا من قصائد تعتبر بحرا من الابداع يفوق الخيال، فقد ولد الشاعر عبد الله بن زويبن وولد الشعر معه، فكان شاعرا حقيقيا بمعنى الكلمة وقد طرب لكلماته الجميع ليس فقط في المملكة ولكن في كافة أرجاء الخليج .




عبدالله بن زويبن المعمري العمري الحربي
معلومات شخصية
تاريخ الميلاد 1376هـ _ 1953م
الوفاة 1437هـ _ 2016م 59 عام
الرياض
الجنسية المملكة العربية السعودية
الحياة العملية
النوع نبطي
المهنة شاعر
اللغات العربية
موسوعة الأدب

حياة وسيرة عبد الله بن زويبن
ولد عبد الله بن زويبن عام 1376هـ الموافق 1957م وقد ورث الشاعر موهبة النظم من والده منذ أن كان في الخامسة عشرة من عمره وعرف بصدق والصراحة والالتزام بالقيم النبيلة. وهو من أسرة عرف عنه الشعر وأبوه هو الشيخ زويبن بن بطئ المعمري العمري وقد برع أيضا في الشعر وورثه منه ابنه الشاعر عبد الله، فقد كان أهم شعراء المملكة ومنطقة الخليج بالكامل، واستطاع أن يثقل موهبته الشعرية من خلال مجالسته للكبار من الشعراء، فكان محبا للشعر منذ صغره وبدأ في كتابة الشعر منذ أن كان عمره خمسة عشر عاما، فهو بحر من الإبداع والتميز في مجال الشعر

واشتهر الشاعر الراحل بكتابة الشعر فله الكثير من القصائد في الحكمة والرثاء والوصف والغزل والمدح، وكان من أصغر الشعراء نظما لشعر الحكمة وله في الحكمة قصائد كثيرة، فجاءت أبياته في الحكمة كالدرر الذهبية، وكانت أبياته في المديح تطرب لها الأذن، كما تغنى للعشاق أجمل وأحلى الكلمات بمشاعر صادقة وحساسة، كما كتب في الرثاء وبكت الحروف قبل المدامع.

شعره
كان شعر عبد الله بن زويبن موهبة نادرة وجزالة المفردة فيه من الحكمة والنصح ويحث على الشجاعة والكرم والصفات الحميدة. وكانت أول قصيدة عرف الناس بها الشاعر عبد الله بن زويبن هي سمعت لي كلمه مدري وش أقصاها.

سمعت لي كلمة مدري وش أقصاها
سمعت لي كلمة مدري وش أقصاها
حــزت بـصـدري وأنــا مـانـي بهارجـهـا
لــو كــل كلـمـة لـيـا جتـنـا طـردنـاهـا
بعـنـا الثميـنـة بسـعـر مـــا يخـارجـهـا
لــو مــرت السـمـع ماكـنـا سمعنـاهـا
ونـقـفـل الـــراس عـنـهــا لايبـرمـجـهـا
ومــن يــم هــذا لـهــذا مـــا نقلـنـاهـا
والنـاس واجــد وتلـقـى مــن يروجـهـا
مــن جابـهـا بـيـن خـلـق الله و وداهــا
لـو بـه مراجـل تـرى نفسـه يسمجهـا
من عامل الناس في سابق خطاياهـا
يـقـعـد بـــدار خـــلا مـــا داج دايـجـهــا
فـي كنـة تـشـوي الجـربـوع رمضـاهـا
تابس غصون الشجر من حـر واهجهـا
والناس بالحق حكم الشيخ ماأرضاها
ماتـرضـي الـنـاس لــو إنــك تحججـهـا
ياللـي تبـى الطيبـة خذهـا وعطنـاهـا
وخـــل الطـريـفـة طــريــة لا تثـلـجـهـا
واقضب طريق الآوادم وأمش ممشاها
واتـبـع دروب الـعرب وأدرج مـدارجها
وارســم لنفـسـك حـــدود لا تـعـداهـا
من حط نفسه بـدرب الضيـق يحرجهـا
وإن كـان نفسـك هواهـا قـام ينحـاهـا
حـط الأعنـة بـروس الخيـل وأسرجـهـا
وفــكــر بمنـكـافـهـا قــــدام مـغـزاهــا
وأضــرب حساباتـهـا وتـشـوف ناتجـهـا
وإن كـان تـوك علـى صــدرك تهجـاهـا
حـنـا تـرانــا نـــدرس فـــي مناهجـهـا
لو هـي صعيبـة ليـا أنعاجـت عدلناهـا
واللـي تجـي مستقيمـة مـا نعروجهـا
نهـتـم فـــي وزنـهــا وإبـــرام معـنـاهـا
ومـــن الكـرسـتـال والـلـولـو نتـوجـهـا
مـثـل الجـواهـر لـيــا مـنــا نضمـنـاهـا
وسلوكها مـن جديـد الـزري ننسجهـا
مـخـايـل تـرتــدم والـصــدر مـنـشـاهـا
إن دك بـالــبــال داكـــــوك يـهـيـجـهــا
وليا أمطرت ضاقت الوديـان فـي ماهـا
تأخـذ ليـا الحـول مايبـسـت مدالجـهـا
إن صـدت النـاس عنـا مـا أعترضنـاهـا
ماتـقـفـي الـنــاس عــنــا وأنتـولـجـهـا
وإن جاتـنـا الطيـبـة بالـطـيـب زدنـاهــا
الطيبـة بالعـسـل والسـمـن نمزجـهـا
وإن جـاتـنـا الثـانـيـة نـصـبـر ونـرفـاهـا
يمـكـن لـيـا فـــاق راعـيـهـا يعالـجـهـا
وإن عـادهـا عـــودة مـاعــاد ينـسـاهـا
من حربـة فـي صميـم الصـدر نولجهـا
مسمـومـة يبـلـش الـدكـتـور بـدواهــا
مايقـنـع الخـبـل لـيــن إنـــه يلامـجـهـا

من روائع شعره
عبد الله بن زويبن رحمه الله في ابنته

وراك يا بنتي من الـصـبح تبكين
تـرى دموع العين ماهي خـفـيــه
تبكين وأبكيتي صغــاراً بـريئـين
وأنا بعد دنيتـهــا هاشــمــيــة
مير البكا والحزن ماهو بها الحين
فـرقـى بنات الناس ماهي قضيـه
اليا تعدت عشرة أيـام تـنـسين
أنـتي وهن كلٍاً يـسـليه حـــيـــه
لكن إليـا حطو على راسي الطين
هاك النهــار إليا بكـيـتـي عـلـيــه
ومادام أنا وأنتي على الأرض حيين
ياسعد عينك لو بكيتي شــويــه
والله لا أنسيك الزعل لين ترضين
وأمهد لك الدنيا فجوجٍ فضيــه
وأحماك مـثل حمايـة الجفن للعين
وكلش فداك اليا بغيتـي شــريــة
يفـداك ماشافت عيونك من الزين
لـوان متر الـثـوب من خمس مـيه
لـو أنــي أسجل على ذمتي دين
زودٍ على ما يـملكنـه يــديــــــه

ابيات من قصيدة مسنده على سعود بن علي الطيار

انا ليا كثرت علوم الزواريب
لو زعزعن طويق ما زعــزعــني
ما ارخي لها راسي ولا اسمع ولا اجيب
لين الرماه سهومهم يركـدنـي
اخاف اجي مزهاف وارمي ولا اصيب
والرميه اللي ما تصيب تغبني

ابيات من قصيدة ينصح فيها ابنه بدر
خلك شمالي عند زلة قرايبك
وعلى الحقوق اليا نصنك حجازي
لاتذخر المذخور من دون واجبك
اوف الحقوق والواردات بنجازي
وللضيف والجيران لين جوانبك
وبالطيب جاز وبالردى لاتجازي

من روائع الشاعـر أيضا
سمعـت لـي كلمـة مـدري وش اقصاهـا
حـزت بنفـسـي وأنــا مـانـي بهارجـهـا
لـوكــل كـلـمـة إلـــى جـتـنـا طـردنـاهـا
بـعـنـا الثمـيـنـة بـسـعــر مايـخـارجـهـا
لــو مــرت الـسـمـع مـاكـنـا سمعـنـاهـا
ونقـفـل الـــراس عـنـهـا لا يبرمـجـهـا
ومـــن يـــم هــــذا لــهــذا مانقـلـنـاهـا
والنـاس واجــد وتلـقـى مــن يروجـهـا
مــن جابـهـا بـيــن خـلــق الله وداهـــا
لـو بـه مراجـل تـرى نفـسـه يسمجـهـا
ومن عامل الناس فـي سابـق خطاياهـا
يـقـعـد بـــدار خـــلا مـــاداج دايـجـهــا
فـي كنـة تـشـوي الجـربـوع رمضـاهـا
وتابس غصون الشجر من حر واهجها
والناس بالحق حكم الشيخ مـا أرضاهـا
ماتقـنـع الـنـاس لـــو انـــك تحجـجـهـا
يالـلـي تـبـا الطيـبـة خـذهـا وعطـنـاهـا
وخـــل الطـريـفـة طـريــة لا تثـلـجـهـا
وأقضب طريق الأوادم وامش ممشاهـا
أتـبـع دروب الـعـرب وأدرج مدارجـهـا
وأرســم لنـفـسـك حـــدود ولا تـعـداهـا
من حط نفسه بـدرب الضيـق يحرجهـا
وان كـان نفسـك هـواهـا قــام ينحـاهـا
حـط الأعنـة بـروس الخيـل وأسرجـهـا
وفــكــر بمنـكـافـهـا قـــــدام مـغــزاهــا
واضـرب حساباتهـا وتـشـوف ناتجـهـا
وكــل بعـضـده يـمـوح الـدلـو برشـاهـا
وتلقـى كبـود الضوامـي مـن يبرهجهـا
وان كـان تـوك علـى صـدرك تهجـاهـا
حـنـا تـرانــا نـــدرس فـــي مناهـجـهـا
مــن يــم مصبـاحـهـا نـبـعـد معـشـاهـا
إلــى قـعـد راعـــي الـضـلـع يـدرجـهـا
لـو هـي صعيبـة إلـى انعاجـت عدلناهـا
واللـي تجـي مستقيـمـة مــا نعروجـهـا
نهـتـم فــي وزنـهــا وابـــرام معـنـاهـا
ومــن الكـرسـتـال والـلـولـو نتـوجـهـا
مـثـل الجـواهـر لـيــا مـنــا نضمـنـاهـا
وسلوكهـا مـن جديـد الـزري ننسجـهـا
مـخـايـل تـردتــدم والـصــدر منـشـاهـا
لا دك بـالــبــال داكــــــوك يـهـيـجـهــا
وليا أمطرت ضاقـت الوديـان فـي ماهـا
تاخـذ إلـى الحـول مـا يبسـت مدالجـهـا
وان صدت الناس عنـا مـا أعترضناهـا
مــا تقـفـي الـنــاس عـنــا ونتولـجـهـا
وإن جاتـنـا الطيـبـة بالطـيـب زدنـاهــا
الطيـبـة بالـعـسـل والـسـمـن نمـزجـهـا
وان جاتـنـا الثانـيـة نصـبـر ونـرفـاهـا
يمـكـن إلــى فــاق راعـيـهـا يعالـجـهـا
وان عـادهـا عـــودة مـاعــاد ينـسـاهـا
مـن حربـة فـي صميـم الصـدر نولجهـا
مسـمـومـة يـبـلـش الـدكـتـور بـدواهــا
مايقـنـع الخـبـل لـيــن أنـــه يلامـجـهـا....

يا سيد الاحباب زحت الهم عن بالـي
عنـدك بكسـب الحبايـب دبلوماسـيـة
لك فرصـة تجمـع الغالـي مـع الغالـي
من غير موعد تجي وتـروح عفويـة
أخذتني مـن معاصيـر أشهـب اللالـي
ورمستني رمس بأجواك الرومانسية
غطيت وجه السمـاء بغيـوم وخيالـي
والأرض غطيتـهـا بــورود سحـريـة
متشابـكٍ نبتهـا مــن كــل الأشكـالـي
من كل الأشكال تقـل انقـوش زوليـة
وصممـت طـيـارةٍ تصميمـهـا عـالـي
مــا صممتـهـا الـولايــات المريـكـيـة
من غير كبتن تجـول فـوق الأطلالـي
وغمـزت زر المحـرك وأقلـعـت فـيّـه
طارت عن الأرض مليارات الأميالي
شـوي وإلا لمسـت الشـمـس بيـديـة
وتحطمت بالمضامي والخلاء الخالـي
جيـعـان ضمـيـان لا هــذي ولا ذيــة
متعلـقٍ فـي عـمـود الـيـاس بحبـالـي
متلـولـحٍ مــا تـطـب الأرض رجلـيـة
جميـع مـا شفـت بـس أشيـاً تهيـالـي
أفـكـار وضـنــون وأوهـــامٍ خيـالـيـة
يا سيد الأحباب تضرب فيك الأمثالي
من سابق الكون لك حسنة ولك سية
حسنتك تجمع لك أجيـالٍ مـع أجيالـي
الـعـالـم الـمـيـتـه والـعـالــم الـحـيــة
وسيتـك تـدفـن بـوايـق كــل ختـالـي
مـن السبـاع الضـوراي والحرامـيـة...

ابيات من قصيدة مدح
النسيم العذب والطير ولحونه
والورود اللي من الوبل رويانه
معتليها ناشيً تــرزم مزونـه
كل ما نش الثرى ذاب ودانه
يجذب الوباله اللي يعسونه
من زهاوت زحويانه وحوذانه
كل ماهب الهوى مال بغصونه
وكل ماجاه المطر زاد طغيانه
زاحت البيبان عن درب مسجونه
كنها باقصى الضماير بزنانه
درةً منها الجماهير ممنونه
والكمال لواحدً عاليً شانه
من ضمير اللي اليا انباح مكنونه
من تحت سطح البحر يلقط الدانه
وصله شعره لمن لايعرفونه
قبل لاتعرف رواسي وروتانه ‫
راكب اللي ما اطلع الخط كربونه‬
تو صنع مايبي فحـص وصيـانـه
جيبً ابيض كن لون البرد لونه
فوق نازيتً من النبت عريانه
من خيالً يرهب اللي يخيلونه
منه بيت الطين تنهد جدرانه
وعنه راع الماشيه تنجع ضعونه
مايخلي بالشجر غير عيدانه
كن صفق الريح في مقدم ركونه
طار عبد(ن) طيش اللعب زيرانه
لامشى بالخط ثلثين طبلونه
الزفلت يذوب من نار شكمانه
فيه خطينن على البدي مازونه
مثل ريش ام الغلب فوق بيبانه

قصيدة مدح أخرى
ياراكب اللي مسيره يقطع البيدي
مصخر البعد قطاع المسافاتي
سود الخطوط الطويلات السراميدي
وحمر السهال العراض المستطيلاتي
والصعب والبعد ماهو صعب وبعيدي
على عريض الرفارف والكفراتي
الفجر يمشي من العارض بتحديدي
يوم أدبح الليل ونجومه مطلاتي
مع خط عرعر وأمره وأقطعه سيدي
متوجه ٍ غرب مع خط القرياتي
حيث أن فيها رفيق شوفته عيدي
يوم الفرح والتهاني والمسراتي
قدمي يمدد زلول الترك تمديدي
ويمدلي بالطريق عقود لمباتي
وعودٍ على الجمر ودلالٍ بغاديدي
واذناب حيل متانٍ مستديراتي
جلبن على السوق من حزم الجلاميدي
مع شايبٍ فيهن أنظاره بعيداتي
من بيض الايام في وجهه تجاعيدي
ومجرب السوق واسلوب اللكاعاتي
قالوله البيع قال البيع تفريدي
وساموا وقالوا تبيع وقال هيهاتي
حنا جلاليب ماحنا شحاحيدي
والسوم هذا ترى ماهو ثمن شاتي
مير ابعدوا يالطماميع الحواسيدي
يجيني الجزل ذباح الجزيلاتي
اللي يحقق طموحات الاواليدي
الاسم نايف ومجده بالمنيفاتي
متجودٍ في حبال المجد تجويدي
لو مامعه مال وظروفه صعيباتي
والطيب له في جسد راعيه تجسيدي
ماهو مزاج يجي ويروح صدفاتي
الليا بغى المرجلة خض المواريدي
ولا صابه البخل لو راحت ولاجاتي
لو إن في جيّته مالي مقاصيدي
الا المحبة وتجديد العلاقاتي
ولو العلاقات ماتحتاج تجديدي
لكن نبيها تبادل للزياراتي
قطع العلاقات واخلاف المواعيدي
ماهو بطبعه وانا ماهي بعاداتي
وإن حل وقت اللزوم بكل تأكيدي
يشره عليّه وانا تاطاه شرهاتي
يقوم في لازمي من دون ترديدي
ولاهي غريبه على رجل المهماتي
وانا الليا جا لزومه عنه ماحيدي
الا إذا صار مالي فيه لقواتي
محدٍ يحقق لزوم صعب ومكيدي
الصعب يدخل بحكم المستحيلاتي
يامن عزومي تقوّى فيه وتزيدي
حتى بنظم القوافي زدت هقواتي
إن رحت عند العرب تفخر باناشيدي
وإن جيتني قلت ويش المستجداتي
أكثرت والله يبو ناهس بتمجيدي
ركزت لي فالجبال الشم راياتي
وهذي تراها عوايد للأجاويدي
اهل الوفا والشهامة والمرواتي
وأن كان للناس عادات وتقاليدي
مكارم تربط الحاضر بمافاتي
ويجيلها من يزيد البني تشييدي
تورث وتبقى مع الحيين حياتي
ورثت عود تعداه المناقيدي
عند الجماعة موازينه ثقيلاتي
هرش يدني لصعبات المجاليدي
لو أنها أكبر من طعوس الشعيباتي
والليا غطى الجو دخان البواريدي
يحط له في صفوف القوم فجواتي
ألحق خويه على فج العماريدي
في موقف يصعبن به الخياراتي
إن راح له روحة من دون تعويدي
والا تعرض شماتة كل شماتي
واللي بجسمه ثنعش من العباريدي
ومن لا كتب له من الله موت ماماتي
شهادة الحق تنطقها المواليدي
قبل الاحاديث موجوده بالاياتي

رثاء بن زويبن
الشاعر عبد الكريم البدراني العمري
دلّهُونا بالسوالف لاتطرون القصيد
والله ان ماعاد للشعر ذوق ولاطراه
آه ياكبر المصيبة وياكبرالفقيد
والله ان اللي يعرفه بيبطي مانساه
من شهرسته لياثورة العلم الاكيد
والعرب بين التخوّف وبين الانتباه
ودهم عن طيب حاله يجي علم جديد
ولاكفى رقمه عن ارقام ربعه واخوياه
كل يوم يكلمونه ولو ماهو بعيد
حدّته سود المقادير عن شوف اصدقاه
لين فوجينا بعلمٍ لعلّه مايعيد
علمٍ أثقل من طمية وضلعان السراة
من وفاة ابن زويبن تزعزع كل حيد
ياثقل صوت الفجيعة وياماثقل صداه
ارتبك شعرالنبط واختلف صوت النشيد
وطاحت جزال المعاني على علم الوفاة
ابدويً ما لشعره شبيه ولاضديد
لويهيمون الشواعير مع كل اتجاه
ابلجٍ روّح وعقّب من الطالة رصيد
سمعة لازال اثرهاعلى قيدالحياة
ياوجودي كل ماقامت الذكرى تزيد
وعرضت ضحكة حجاجه ومعناه ونباه

وفاته
توفي الشاعر القدير عبد الله بن زويبن 17 رمضان 1437هـ الموافق 2016م في مستشفى الرياض ( مستشفى الحرس الوطني ) ، فقد توفي عن عمر يناهز 59 عاما، وكان لوفاته صدى كبير في أرجاء المملكة و الخليج .وصلي عليه صلاة العصر في جامع الراجحي في مدينة الرياض
الصور المرفقة
نوع الملف: jpg الشاعر_عبدالله_بن_زويبن.jpg‏ (105.0 كيلوبايت, المشاهدات 0)




التوقيع :
    رد مع اقتباس
قديم 22-03-23, 01:02 PM   #2
مستشار ملتقى الالغاز
 
الصورة الرمزية حسيـن

 










 

حسيـن متواجد حالياً

حسيـن is a splendid one to beholdحسيـن is a splendid one to beholdحسيـن is a splendid one to beholdحسيـن is a splendid one to beholdحسيـن is a splendid one to beholdحسيـن is a splendid one to beholdحسيـن is a splendid one to beholdحسيـن is a splendid one to behold

افتراضي

رحمه الله تعالى
سلمت يمينك




التوقيع :
لَنَا مِنْ صُخُورِ الشَّاهِقَاتِ عِنَادُهَا
وَمِنْ كَرَمِ النَّخْلِ العَطَاءُ مُكَرّراً
وَلَمْ يُطْغِنَا يَوْمَاً غنانا عَلَى الوَرَى
وَلَمْ نَتَذَلَّلْ يَوْمَ فَقْرٍ لِنَظْفَرَا
    رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

IP



الساعة الآن 06:33 PM


Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
Ads Management Version 3.0.1 by Saeed Al-Atwi
ترنكات لخدمات الويب