عدد الضغطات : 0
الشاعر عبدالله بن زويبن المعمري الحربي.رحمه الله...سمعت لي كلمة مدري وش اقصاها=حزت بنفسي وأنا مانيب هارجها.....لوكل كلمة إلى جتنا طردناها=بعنا الثمينة بسعر مايخارجها......لو مرت السمع ماكنا سمعناها=ونقفل الراس عنها لا يبرمجها......ومن يم هذا لهذا مانقلناها=والناس واجد وتلقى من يروجها.....من جابها بين خلق الله وداها=لو به مراجل ترى نفسه يسمجها..........الشاعر// محمد بن شبيب الحداري رحمه الله ...........لا والله الا راح دور البداوه=ودور الركاب اللي عليها الشنوفي........ ومجالسٍ فيها لهلها طراوه=عنها الشوايب والهزيل محذوفــــي...... وراح الزمان اللي لعيشه حلاوه=واللي على الغارب رجع للردوفي.......... قالوا تسير قلت مامن فضاوه=قالوا علامك قلت عيت ظروفي........ اللي مضى بالنفس عنف وقساوه=واليوم أخلي كل عوجا تطوفي...... وأضحك مع اللي لي يكن العداوه=وأن صفقوا صفقت له بالكفوفي....... نخاف من دقة خطات اللعاوه=رادي نصيب وناقرٍ له علوفي........ يزعل على اللي يسوق الأخاوه=وذلوا معطرة النمش والسيوفي........ والمرتفع قالوا مثل ذاك ساوه=وشربت غثاريب الغريف العيوفي........ عين الغضب تفتح عليك السماوه=وعين الرضا لوبك خطا ما تشوفي....... هداج مات وجات غيره أجباوه=والروس قامت تدرق بالكتوفي............الشاعر/سالم بن مهاوش الحربي .....اللي ماتنفع به صنيعه و لا لين=ان راح قله روحت مقيط ورشاه......والله لو انه مين و لا ولد مين=من لايعدّك ذيب عدِّه ولد شاه.........الشاعر/ شموخ السلاطين........الوقت يكشف لك الناس وشهي من تكون....اما من رجالها ولا من رخومها.....اللي معادنهم ذهب فالوازم يصملون ......مايلوي ذراع الشدايد غير زحولها ................الشاعر / عبدالرحمن سليم الصاعدي(البيرق)..... في ملتقـى حرب الحرايب بدينـا /حرب الدول ربعي وهم تاج راسي .......قوم جمعـت مابيـن دنيـا ودينـا /الله عطاهم لين جانب وباسـي .......جند السـلام وضربهم باليدينا /عند الملاقى للمعادين قاسـي .......مكرمين الضيـف سمن وسمينـا /وسبع الخلا عشوه يوم العماسي..............الشاعر / خالد بن ماطر الحربي ....كل ماصادم الراس القوي زدت قوّه=والردي لو يزيد الهرج مازاد غلّي .....والجبل كل مالديت وانا علوّه=مايباريني براس الجبل غير ظلّي .....ليه اعادي قليل الخاتمه والمروّه=لاتجملت فيه وصد خله يولّي .....ودك ان الرجل يختار حتى عدوه=قبل يختار خلان النشب والتسلي ' ...........الشاعر/سند مسند العريمه الحربي........ لا صار ماتبدع إبيوتٍ ثمينه= = ريح ضميرك واترك الناس ترتاح ياما سمعنا من قصايد عجينه= = والمشكله حازت جماهير وأمداح في عالمٍ تصفق يساره يمينه= =وكل القصايد عنده إسمان وصحاح ميزانهم صوتٍ تعالى رنينه = = تلقى جماهيره لها صفق وصياح خلوا تقاليد العرب والسكينه= =في ليلهم مسراح والصبح ممراح ويااللي على الشاطي تدف السفينه= =عود على الساحل ترى مانت سباح البحـــر يبـغـاله رجــالٍ رزيـنـه= = له غـبـةٍ تـجـذب جـمـادات وارواح وخلك على كشته قريب المدينه = = دلــه وبــرادٍ له البـــال يــرتــاح...........الشاعر / بخيتان البشري .......ماضاق خاطر من نودّه ونغليه = لو البحر من ضيقته ضاق به ماه ..... مودّنا غالي و ودّه نخليه = غالي ولو كل العمر مالقيناه .......والي تولى للمشاعر موليه = قلب المودّ اللي وداده تولاه .........طيبّ خواطرنا بكامل تحليه = بصدق الشعور اللي عليها صدقناه ........اللي بصوته همنا دوم يجّليه = وبصوتنا قلبه من الهم نجلاه.........الشاعر /سعد المحمدي .........دريت باللي دار خلف الكواليس=وحطيت نفسي كن ماني بداري=بعض الامور اقيسها بالزمن قيس =وبعض الامور اصير فيها انتحاري=ان جيت يطفي نور كل الفوانيس=وان غبت غني ياطيور الكناري............الشاعر/عيسى العوفي..........وجهة نظر ماقول انا قولي مصيّب=ابديت رائيي مثل للرائي من قال.....ان جيتني بالطيب آعاملك بالطيب=ردالجميل وشيمة ارجال للرجال.....وان جيت في علم الردى ماقربه عيب=تكرم بها مالي مع العيب مدخال.......طبعي وربعي محتمين المواجيب=حربي بدربي متبع النذل لاعال.......العز لو تشويك حر اللواهيب=موتي ولاقوتي ورى ايدين الانذال......العمربامرالله وماقدّره غيب=والراس تصعب رفعة الراس لامال......وسيرة ارجال الطيب منها المكاسيب=نوريدل اللي جهل يقدي الضال......اخذت من غيري ادروس وتجاريب=اسئل وآخذت العلم من رؤس عقّال................الشاعر ( سعد المحمدي )............يابو فهد برق المزون النوازي=حجاز وانت بعالية نجد وبال=بينك وبينه بعد دار وغرازي=سيله بحر ياراعي المعدن العال=ماله مصب بداركم ورتكازي =العلم مايجهلك في كل الاحوال=يكفيك عن مية قليب ارتوازي=نهر الفرات اللي من الجال للجال=ابن المباني فوق ساسن عزازي=وقت الشتاء تذري وبالقيض مقيال=يامحزمي لاصبح الدار غازي=دنياك تبغى للعقد رجل حلال=واللي بها بالحالتين انتهازي=لابد مايلقى بها شمس وظلال=عن الحجاز اسمع كلام الحجازي=كلام حطه يارفيقي على البال=من التجارب دوبلماسي جوازي=عليه ختم المعرفه تقل تمثال=ياعل ماقلته على ارضاك حازي=في وقت ماينصح معك كل من قال.........الشاعر(زيد بن مبشر الحصني الحربي) رحمه الله ............أقول وأقابل ولاني بسايل=دام الكلام عن الحقايق مباحي=عندي على صحت كلامي دلايل=اموحهن من جم عدٍ قراحي=شفت وسمعت وقلت والرأس طايل=باللي على الساحه ولا هو سياحي=الله يجمل حال راع ألأصايل=حازن على الجوده بكل النواحي=والله ماجامل براعي الاوايل=لو ضاق من قولي زميلي مناحي=وشاعر قبيلة حرب عند القبايل=لافي حمود وبس حسب إقتراحي=ومن قال أنا بقول ويش انت قايل=أنا افتخر بجود ذخيرة سلاحي=ماشلت هم ملقحت كل حايل=اللي على ماقيل خف وجناحي ................الشاعر (مقبول حامد المحمدي).........بحثـــــت في قول البخاري ومسعود=والترمذي وكتـــــاب مسلم وماجه=وحتى النسائــي ما ذكر طب موكود=للصرقعه والعلعله واللجاجه=يا صاحبي ياراعي البيض والسود=ترى الكلام الشين عيــــــــب وسماجه=انا أعرف المقصــود والغير مقصود=ولا أحـــب هرج الثرثره والهماجه=الرجل ماهــــــــو للتفاهـــات محدود=ولا كل كـــلمه تستحــــــق المواجه=من سبب الفتنه ماهــــــــو كاسباً فود=ماحصّل الا لكمــــــــــتن في حجاجـــــه=جاه الخبـــــر مكتـــوب في رأس عبرود=عن حاجته كانـــــه بعمــــــــق الزجاجه=صحيح قالو يقـــــــرد النـــــاس مقرود=ويخسر غـــشــيـماً مايميـــــز خراجه=بعض العرب مـن راســــه العقل مفقود=ينفخ ذروبــــه ويتلقــــا العجـــاجــــــه=لو تنصحــــه عن سكـــــة الغي مايعود=ويترك قراح الماء ويشرب هماجه=يالله ياللـــــــي عنــــــدك الخير موعود=تجعل لنا مـــــــــن كل هــــــم انفراجه=نغضي ونصفـــــــح لكن القلب ملهود=جرح الخطـــــــــا عجزت اواري خلاجه=ماني على كل الخطا سيـــــــف مجرود=ولا كل عـــــود اعـــــوج يعــدل عواجه=والشعر له مــنـــهـــــج وله سلم وبنود=ماهو كما ســــــــوق يلجلـــــج حراجه=شعري مع أهل العرف مسموع مشهود=ولاني على كيــــــــف الغشيم ومزاجه=امشي عزاز الدرب وأســـــــنـّـــد اسنود=وأدرى قدم رجلــــــــي عــن الانزلاجه=ارفا كلامــــي لايجـــــي فيــــه منقود=ولاهمني قول الحســـــــــــود ورواجه=اللي مقيمني وشاهــــــــد لي العــــود=شيخاً بصرح المجــــــد يضوي سراجه روائع شعريه

الشاعر/ بخيتان البشري ......ودعتنا والموادع صعب = رمى بنا فالفراق المُر..... لعب الحزن فالمشاعر لعب = ما مر مثله ولا بيمُر.......الشاعر/احمد المحمدي...... ‏‏‏‏للي سألني يجي ويروح /من انت يبغى خبر والم /حربي انا من بني مسروح/ وعيال عمي بني سالم........الشاعر / بخيتان البشري .....قلبي طلع من قلوب أصُم = اللي لهم قلب من قلبك..........كل ما النصائح عليه تعم = حول الهوى زاد في قربك ...............﮼الشاعر/قابل﮼البشري﮼(الجمل)......مايزعّل الحق لا قلته /إلا من قلوبهم مرضى.....ومن كلمة الحق زعلته / عساه يزعل ولا يرضى...........الشاعر ( راشد الزهراني ) المحيط ........سقيت روضك من دموعي = وطول الدهر مستعد اسقيه...... ولايلومني حي في ربوعي = لو كان دمعي نهر مجريه ..............الشاعر / نفاع محمد السهلي ابوفرح ..........تدري متى يلفض الرجال ....في دنيته اخر انفاسه /لاحده الوقت للانذال ....دمعت قهر نكست راسه.......................الشاعر / حفيد_الحجيري.......الشوق مهما قِدَم ما يبيد=مثل السماء والهواء والطير......كل عام وأنتي هلال العيد=الله يعُـوُدِك عليّ بِخَيْر...............الشاعر ( أحمد بدين القايدي ).......كسب الفتى طيب أفعاله / اللي بها ينتهج له درب = وانا كسبته من رجاله / وافخر لأني فتى من حرب .............الشاعر العذب /عبدالعزيز الزويهري ابو بتال .......وا صدمتي صدمة منكد =أعيد مسترجع اللي فات.........و أزيد أسأل أبتاكد= صحيح ماهر صديقي مات؟...............الشاعر/ حمدان دراج القايدي .... حلفت اني اصون العهد=اللي من سنين اعطيتك....رغم العنا والجفا والصد=ماقد فيه يوم جاريتك.................الشاعر / نفاع السهلي ابوفـــرح ........عندي أمل فيك يا.. بكـره = تمحي بقايا جروح .. الأمس ....وقلوب حبت ولا تكــره = تشرق لها من جديد الشمس.............الشاعر/أبن رهدون.......أيامنا اليوم لو تحسب =دنياك يالادمي ساعه.....والمؤمن اللي لها يكسب =يعيش باقي العمر طاعه........الشاعر/عبدالعزيز الزويهري ابو بتال...........غلاك عندي غلاة العين=ياللي من الشوق ناديتك =معاك وحده من الثنتين= ان كان ما جيتني جيتك...............الشاعر/ سلمان القريقري ابوعمر ( حرب )........حتى النجاحات تتحقق=من دونها شروط للتحقيق...قال المثل يد ماتصفّق =تبغى لها يد للتصفيق.......الشاعر / سالم البشري ......مابين قسمه وجمع وطرح=لاهناك قلبي ولاهنيّه........كيف اهتني من هذاك الفرح=وارتاح من كل مابيّه.........الشاعر/خليفة المزروعي...........إهيا كذا كنها سرقه/=/لدة نظر يوم طالع في.....لوكان من بندقه طلقه/=/اهون عليه تراهاشوي...........الشاعر/ عبدالعزيز الزويهري...........البُعد خلّف جفا و صدود= وعشنا في زمانه بدوّامه ..........مدري زمان الصفا بيعود = و الا ّ قضى و أقفت أيامه ؟...........الشاعر / شاكر القايدي ......يامن ينقذ جريح القلب ....اللي هموم الزمن جاته ..... كل مابغا يتجه مع درب... يلقى قطار السعد فاته.................الشاعر /صقر المقرح ..........يامن تخوض الهوى بعزوف= خليتني فاصعب الأوقات ....لا تكبّني والجروح نزوف= وتندم على الوقت لنّه فات.............الشاعر / عبدالعزيز رويشد ...... اعلم ترى خيرة الاصحاب=مثل الذهب نادر ومافي...من كل خمسين ضن تراب=اجرام واحد ذهب صافي.....الشاعر/عبدالعزيز الزويهري (ابو بتال).....من لا هوى زي محبويي==عايش غرامه على الفاضي ==انا على احساس مكتوبي==حسيت ربي علي راضي.....الشاعر / حمدان دراج القايدي.....عواطف القلب لك وحدك.... ياللي ملكت الحلى والزين.....مافي احد في البشر مثلك.....طيفك سكن داخلي بالعين........الشاعر /غافل الهم قلبي ....... مريت بيتك نهار العيد...لكن قفلت بيبانك....عارفك زعلان بالتأكيد...حرام ماتشوف جيرانك..........الشاعر / عاشق الاصاله .........لاغابت الشمس بانمسي=من دون مدعوج الأعياني......مع القمر يكتمل انسي=في تالي الليل لاجاني..........الشاعر / حرب - سلمان القريقري ....... واعيني اللي من اسبابه=زايد سهرها عن المألوف ..واخاف لن طول غيابه=تفقد نظرها معاد تشوف.......الشاعر / خليفة المزروعي ...........عزي وتاجي قبيلة حرب=يوم الهول مزبن الخايف ... يشهد لها شرقها والغرب=ويشهد لها المطلع النايف.........الشاعر / ابوفرح السهلي .....لك حق والناس بالمقياس = مثلك لها حقوق موثوقة ...ومن لايوفي حقوق الناس = لايطالب الناس بحقوقة...........الشاعر / عبدالعزيز الزويهري ابو بتال ....هواك أعمى عيون الشك=لولاه يمديني احرقتك /لكن بإيمان ودي لك=كذبت نفسي و صدقتك......... ..............تلميذ الكسرة / ..............ما تعلم ان الجمال يلمّ **** وحظي الردي قادني يمّه........ آنا اتجــرع مرار وسمّ **** وكنّـــه يكـــايد ولا همّـه..........الشاعر / ابومبارك اليوبي.......خـذ المـثـل ياعـريـب الـجـد=اصل الشجاعه صبر ساعه=لايـغـرك الـزيـن يــوم يـلــد=اصبر وخلـك علـى الطاعـه................الشاعر / بيان الصمت ....سلام من قلب تلعب به=زود الهواجيس وأحواله=والوقت ما فادني طبه=من ظلمة الدرب وأهواله........الشاعر /وليف الشوق.....كل مانصحناك تتركني = وتشوفني من الد اعداك...واليوم لاعاد تنشدني = فيماحصل من مآسي جاك..........الشاعر / سرورالبشري ......طا وعت قلبي وما شيته= حتى رماني فدرب التيّه...ولا تنفع المبتلي ليته= لو جاء يعود معاد مديه............الشاعر (خليفة المزروعي)......عمر العجل مايضوي خير=يامحـسـن الـرجـل متـأنـي=الثقـل صنعـه ولــه تدبـيـر=وراع العجـل دوم متجنـي............الشاعر/خالد بن عبيد بن معتوق الأحمدي....... زايد بحسنُه على جيلُه= وكاسِب رضايه رغم عِندُه=ومن يوم يطلبني آجيلُه=خمسة دقايق وأنا عِندُه......الشاعر(ابوفـــرح)....عنـدي أمـل فيـك يـا.. بـكـره=تمحي بقايا جروح .. الأمس=وقـلــوب حــبــت ولا تــكــره=تشرق لها من جديد الشمس........الشاعر (حامد بن غالي السليهبي)(حسيبك للزمن) رحمه الله .........ناديت قلت انتهى صبري = واغبر زماني طِواني طَيّ=والناس بالحال ماتدري = اظمأ وجنبي غدير المَيّ.............الشاعر / محمد بدين القايدي ( السينات ) ......أدلِّـــــلـُــه دائماً وارضيه=والبِّسُــه ثوبه المألوف...لكن بِطبعُه يفرِّط فيه=ويخلِّي مَنْ لا يشــوف يشـوف.............الشاعر بخيتان البشري / ليه المجرة كواكبها=احيان عكس المدار تدور .. بحور تغرِق مراكبها=وتخلف نمط سيرها فبحور.......الشاعر ( حمدان دراج القايدي)......هليت دمعي من أسبابك = وجرحي نزف داخلي مقواك ‏=محتار وشهو اللذي صابك =الجرح في داخلي ماشقاك...........الشاعر ( راشد الزهراني )......حتى جبال السراة تحن = ماهي كما قلبك القاسي = يامن بوصلك على تمن = ودايم تعكر صفا كاسي ..........الشاعر ( خليفة المزروعي ).......ابوك يبني عليك امال / حذراك لاتخيب اماله /حاسيك لامالت الأحوال / إنت الجبل يجلس إظلاله........الشاعر( عبدالعزيز الزويهري ابوبتال )...... راح الذي فارق أوطانه = و أفعاله فالطيب ما راحت = و الله من بعد فقدانه = عمدان صرح الأدب طاحت ........الشاعره (الكحيلة) ......أتعبني القلب بحساسه=ادراه ويدور التعذيب= بهم ن ضلوعي حطب فاسه = من يطلع النجم لين يغيب .......الشاعر (حرب ابوعمر) ......قلبي سألني .حصل ماذا = تشكي ولاادري سبب شكواك = قلت انتظر فالوفا هذا = لكن تفاجئت جاني ذاك.......الشاعر (غافل الهم قلبي) ... احترت والقلب شايل هم /سنين مخفي الم جرحــــي =البوح ممنوع يالفاهم / راح العمر وانتظر فرحي .......الشاعر (ولد الساحل).....سبحان من بالجمال اعطاه / تحفه وتصوير رباني = سلهم برمش كحل غطاه = يرمي سهام الهوى فيني...........الشاعر ( نعيم عابد السيد ).....يا نار الاشواق ما تطفين / ما يكفي القلب واتلفتيه = هذاك لو كان ما تدريـن / سيب غرامك وولع فيـه ...........الشاعر ( احمد عاقل الغانمي ).......ابشتكـى راعـي الـدكـان / من بعد ماجـاب لـه هنـدى = ماعاد يرفق علـى الجيـران / حتى سلـف قـال ماعنـدى ...........الشاعر ( أحمد بدين القايدي ).......كسب الفتى طيب أفعاله / اللي بها ينتهج له درب = وانا كسبته من رجاله / وافخر لأني فتى من حرب .....الشاعر (عايش الدميخى ).......ابني فصرح الوفاء مدماك = يبقى مسجل عليه اسمك = ان عشت بالطيبة طريـــاك = ولا مت يبقى الثناء قسمك روائع الكسرات

 


العودة   ملتقى قبيلة حرب الرسمي > ๑۩۩ الملتقيات الأدبية ۩۩๑ > مــلــتــقــى الــقــوافــي > مــلتــقــى دواوين شــعــراء الــقــوافــي

مــلتــقــى دواوين شــعــراء الــقــوافــي [ جميع الشعراء ]

إضافة رد
 
أدوات الموضوع إبحث في الموضوع انواع عرض الموضوع
قديم 04-11-09, 01:44 AM   #31
شـــــاعر

 










 

نافع الحربي غير متواجد حالياً

نافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond repute

افتراضي



ردي على قصيدة الشاعر حمد ابن مرزوق النصيف

هذه القصيدة قالها الشاعر حمد ابن مرزوق النصيف في زواج أبني بدر في 30\ 7 \ 1429 هـ





يا بدر بن نافع عسى العرس مبروك= والله يـديـمـك فـي حـيـاة سـعـيــــدة
مبروك يا حر على الوكر حطوك=مبروك ياللي بك خصـــال عــــديـــدة
مبروك يا قرم مع اقروم عدوك= مـلـيـون مـبـروك عـلـيـكم نـــعــيـــده
فرّحت ولد العم والعم وابوك= جـعـل السعادة دربـكـم يالــوليـــــدة
وابوك قرم ما بها ريب وشكوك=من طيبته مضفي على الناس صيده
في ليلة كل المراوين هنوك= جيتك مهــنـي في صياغـة قصـــيـدة



الشاعر \ حمد ابن مرزوق النصيف






ردي على قصيدة الشاعر حمد ابن مرزوق النصيف







قريت مطروقٍ به الشعــر مـحــبــــوك = عليه بصامات النصيف الفـريــــــدة
نوادرٍ فيها اجــمل الشــعــر مسبـــوك = ماتنتمي للناقصـــات الــــزهــيـدة
أنته اتبــارك لي واناقــــول مـبـــــروك = شعرٍ ايطاوع لك عـلى ماتـريـــــده
ترقابه العـليا ولــو دونـــهــــا شـــــوك = وتلحق به علوم الرجال المجــيــدة
توّك شباب وبجود الشــعـــــر جــاروك = المـس بهـقـواتك اعـزومٍ أكـــــيـدة
يابن انصيف انته أخويه وأنا اخــــــوك = وبوك وجــدك من اخيار البـديــــــدة
من ربعـتـن لاحـدك الــــوقـت عــــزّوك = نعـم الرجال مطـوّعـيـن المــكـيــدة
تـفرح بلـمّـتهـم عـلى العـــز لاجـــــوك = أهل العـقول الراجحـات الرشــيدة
ربعـــــك اليامن المـناعــيـــر ضــــدّوك = اتعـدل بهـم عـوجا الرجال العـنـيدة
كنك براس اللي عن الارض مسموك = امشمــرخٍ عـسرٍ أوروده جـديـــــدة


نافع الحربي




التوقيع :
    رد مع اقتباس
قديم 04-11-09, 01:54 AM   #32
شـــــاعر

 










 

نافع الحربي غير متواجد حالياً

نافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond repute

افتراضي



راكب اللي من جبال طويق كِزاّ





هذه القصيدة القيت في اجتماع ملتقى المراوين الأول في قاعت الأفق في البكيرية

المنعقد في تاريخ 1\11\ 1429 هـ










راكب اللي من جبال طويق كِزاّ = من روابي نجد للمندوب جازي
أبيـــــضٍ شرهٍ يـقــز الــدرب قـــزاّ =كنه اللي له عزاوي وارتجازي
لا لمستــه في بهـــام الرجــل فــــزاّ = فزّت اللي في سباق لكاس فازي
راســـيٍ بالــدرب مشــيــه ما يـهـــزاّ = لو مشـــى ميـتيــن ما فيه إهتـزازي
عند غيـــر اللــي يـعـــــزّه مــا تـلـــزاّ = له مع الشيمة مواجيــب ٍ إعزازي
فوقـه اللــي لألتـــزم بالأمـــر عــــزاّ = من رجال الطيب ضرس ٍما يهازي
مرســـله يــوصــل ســــلامـي للأعـزّا = لابةٍ عنــهم ردي الطبــع حازي
ذكـــرهم عنــدي يـهــز القلب هــزاّ = هــز غصن الريــح بشعاف النـوازي
ياجميـــل الشـعـــر عنّـــي لا تــــــوزاّ = لا تــشـــح بكـــامـــلات الأمتيــازي
كان ما انته من حكيم الشعر رَزاّ = وافي المطروق مصقول الطرازي
ما شفيت اللي به الهاجوس حزاّ = ربعته في نجد وجبال الحجازي
والسلام اختام قولٍ ما يجزاّ = مثل برق الليل بالمزن ارتكازي



نافع الحربي




التوقيع :
    رد مع اقتباس
قديم 25-11-09, 11:33 AM   #33
شـــــاعر

 










 

نافع الحربي غير متواجد حالياً

نافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond repute

افتراضي




إن كان تعذيبي يسرّك ويرضيك



إن كان تعذيبي يسرّك ويرضيك = اطعن تراني موثقٍ بالقيودي
يما عصيت النفس وقبل تغلّيك = واهملت سلمٍ يتبعونه أجدودي
شوقي على بحور القوافي يناديك = زرعت لك بنهار قلبي أورودي
وصوتي على أوتار الظماير ايناجيك = يرسم على رموش الغواضي الهودي
راح الزمان وطرّف الوقت نرجيك = أرفق بحالي لا تبيّح أسدودي
اضحك ترى ضحكك يفك الشرابيك = ويبرد جروحٍ يابسات العدودي
ترى الضمير اللي منوّل يسلّيك = لهيب قيضٍ في معاصير نودي
حرام تزهد في صديقٍ مصافيك = على كلامه من فعوله اشهودي
يمكن يدور الوقت وارفض ترجّيك = وحرق عهودٍ مبرمات العقودي
هذا قصيدي عن مدى الشوق ينبيك = عليه من دمي قتيل الجنودي
لولاي أخاف يصير بالوضع تشكيك = طرقت باب مطوّلين ألصدودي
دق الضمير وقرر القلب يشريك = مدام بالأيام نقصٍ وزودي

نافع الحربي




التوقيع :
    رد مع اقتباس
قديم 25-11-09, 11:50 AM   #34
شـــــاعر

 










 

نافع الحربي غير متواجد حالياً

نافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond repute

افتراضي



أنا البارحة حتى ارعف النجم ساهراً

هذه القصيدة على بحور الفصيح






أنا البارحة حتى ارعف النجم ساهراً = أسامر نجوم الليل والناس رقّّدِ
أصارع همومٍ بالمحاني خوالدٍ = كما سيوف حربٍ للبطولات جرّدِ
أسلّي ضميري في ترانيم شاعراً = كما وقع وبلٍ من مراهيش رُعّدِ
تخيّرت من نسج الظماير حرائرٍ = عليها عظيم الحرف بالشعر يشهدِ
تخيرتها من مفرداتٍ شوامخٍ = كما نصوب مزنٍ عقّب الشمس منجدِ
تخطّف وميض النور مني شواردٍ = كما فر من حمراء الجمل جول لبّدِ
تماوج من أطراف اللسانِ قوادمً = كأمواج سيلٍ ينهب الأرض مزبدِ
تحمطر على مثل البنانِ عوابسً = تُنادي لبيب القلب بالحرف الأبجدي
هوايه صليب الرأي بالحق صادحً = نظيف الظماير من مناشيه يُحمدِ
خويًّ خليلً عذب الاقوال صادقً = وفيًّ كريمً طيّب القلب يُحسدِ
أنيسً عليمً صاين العهد شاكراً = حليمً شجاعاً حامل الدين مرشدِ
حكيم المعاني آمراتٍ نواهيٍ = صقيل القوافي مثل نظم الزمرّدِ
جمعت التجارب من رفيقٍ عرفتهُُ = يصارع نهاره حالك الليل الأسودِ
وردنا من الدنيا على كل ماردٍ = قراحٍ زلال وكاس شريٍ مُعقّدِ
عرفنا مع الأيام مدسوس حاسدٍ = يحد النواجذ بالرهيف المُغمّدِ
بعيدٍ قريبٍ حاضراً شبه غائباً = تشوفه كما السملول بعيون الأرمدِ
عليّه لابيعه بيع وارث لقاتلٍ = تبدّل ظلام السجن مطويّ أللحدي
إذا أوجست في قوس الظماير كآبةٍ = تنصّيتُ ربٍ عالي الشأن يُعبدِ
سميعٍ بصيرٍ يرفع الرأس عرفهُ = رحيمٍ كريمٍ من أهل الجود الأجوَدِ
ألا ياسلامي كل ما ذرّ شارقً = على عبلةٍ مع الشقة النور جرهدِ
سقاها حقوق الغيث هتان وابلٍ = ثقيل المخايل نايض البرق مرعدِ
فلاةٍ عطاها الرب غضً على الثرى = خضير الأسافل والأفاريع ورّدِ
كأن النصي بشعاف ديمومة الفلا = عثاكيلُ شيبٍ بالعوارض تلبّدِ
توشعتها بمروبع الصدر سابحٍ = تسابيح ربداء حولت من عمرّدِ
كأنه على خدٍ جديدٍ نباتَهُ = عريب الأصايل فارع الخيلِ اجردِ
نافع الحربي




التوقيع :
    رد مع اقتباس
قديم 25-11-09, 11:56 AM   #35
شـــــاعر

 










 

نافع الحربي غير متواجد حالياً

نافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond repute

افتراضي



المراجل صعيبة ما تروم الزهيد



المراجل صعيبة ما تروم الزهيد = ما يشيل الحمول إلا رياجيلها
المراجل تبي عزم يفر الحديد = لين تركب على السنة صواميلها
المراجل تبي مال وعقل رشيد = وسيف حق نذر بالعدل تكميلها
كان مالك وجود بالمصيب الأكيد = لا ترجى ضياها من قناديلها
وكان منته عزيز النفس خلقك حميد = كيف تامن زعلها قبل تدليلها
دوك مني وصايا يقبلنّ المزيد = واقع الوقت ما يسمح بتأجيلها
وقفة بالنهار القمطرير الشديد = بالمهمّات مثمرةٍ محاصيلها
وفزعةٍ للفقير المستعف الوحيد = عند رب الملا ترجح مكاييلها
ولا تفرّط بقرمٍ صافيٍ لك عضيد = لين تقرءا الأدلة وش مداليلها
وطاعة الله هي الحبل المتين الجويد = محكماتٍ حلقها في مقافيلها
وان نصاك ابن عمك من مكانٍ بعيد = فوق من تطوي البيداء محاحيلها
لاتهاون ترى الدرب الصعيب المكيد = يشفي النفس من علّة بهاذيلها
دمعةٍ من ظروف الوقت فوق الجليد = ماتت الفيزياء في سر تحليلها
ونقطتين من دم الوجه عند البليد = تجرح الكبد وتجدد غرابيلها
كان جاهك ومالك مايفك الضهيد = لا تلوم الرجال اللي طفح كيلها
لعنبو الواسطة كم علّقت من هريد = ما يشيل الخشاش إلا زنابيلها
من تجرّع تجاريب الزمن يستفيد = من دروس الحياة وعدلها وميلها
كان مانته برايك صيرميٍّ أمجيد = ونظرتك للأمور يجوز تبديلها
شاور اللي برايه عبقريٍّ سديد = لرسم خطّته قفّل مداخيلها
والسبب لا بذلته قاصدٍ ما تريد = الصعيبات عند الله تساهيلها
والتمني وليت ولو ماهي تفيد = ما تسر الزنود اللي فتر حيلها
وان جفاك الزمان وقام هجره يزيد = غير رب الملا بلواك ما يزيلها
مجلسٍ فيه قدرك ما يغيض الضديد = مسرحٍ للظنون اليا سرجت خيلها
موتت الحر في برج المعزة شهيد = خير له من حياةٍ طال تذليلها
جازلي بيت شعرٍ من بيوت القصيد = حكمةٍ من خلف مشعان ترتيلها
كان مانته وفير المال عندك رصيد = صورتك مايحب الناس تجميلها
ياوجوداه ياجيبٍ يعسف العنيد = ما يهاب الفلاة اللي درج سيلها
لرهجنّ الضلوع وحال وقتك سعيد = عزبتك لربعة في موخره شيلها
ثم سوقه ثمان أيام بالوجه سيد = لين نفسك تطيب وينجلي ليلها
دام بالجسم عزمٍ يحتمل للمديد = الهواية تغنّي لي وغنّي لها


نافع الحربي




التوقيع :
    رد مع اقتباس
قديم 25-11-09, 12:02 PM   #36
شـــــاعر

 










 

نافع الحربي غير متواجد حالياً

نافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond repute

افتراضي



نعمٍ بكم ياأهل المكارم ولاخلاق






السلام عليكم ورحمة الله وبركاته






هذه القصيدة قلتها بعد رجوعنا من الملتقاء الثاني بالمدينة المنورة والقصيدة اثني فيها على ربعي المراوين الذين قاموا في استضافة قبيلتهم في الملتقاء الثاني في 10\11\ 1430 هـ

والقصيدة اسندها على ابن العم \ مطيران ابن دواس المرواني , حيث هو اكبر الجماعة ,
والقصيدة موجهة لعموم ربعنا بالمدينة المنورة ومن ساندهم في هذا الملتقاء المبارك ,
ومهما قلنا من كلام وقصيد لن نفي ربعنا حقهم ولكن المعذرة والسموحة من القصور والله يوفق الجميع إلى مايحب ويرضى من القول والعمل , والسلام عليكم ورحمة الله وبركاته





سر ياقلم وكتب من الشعر ما لاق = جواهرٍ فيها من اللول عينة
اكتب سلامي بالذهب فوق الاوراق = مني لبن دواّس عجلٍ بحينه
إقراء سلامي يابو سامي ولاشواق = على عيال العم ومثمنينه
سلامٍ أحلى من العسل حلو الاذواق = واعذب من الماء من شهاليل لينة
ساق الخيال وفي هوا خاطري ساق = سوق السحاب اللي تقصّف غشينه
وندبت مطروقٍ تمركز بالأعماق = نسيم غيثٍ عانق أوراق تينة
نعمٍ بكم يأهل المكارم ولاخلاق = ياللي دعيتم ربعكم بالمدينة
ياما صخرتم للقاء كل ما شاق = علوم الرجال الوافيات الثمينة
أزريت لحصي ما نظرته بالأحداق = عيا جزيل القاف يعطي سمينه
مليون شكر مقلّداتٍ بالأعناق = لكم علينا يا نوادر مزينة
طبتم ووفّيتم على الطيب بوساق = والطيب يرفع منزلة كاسبينه
الطيب ماهو بالموايد ولاطباق = الطيب بعقول الرجال الرزينة
ياعيال عمي طيبكم باللقاء فاق = مجدٍ مع الايام طويت سنينه
قولٍ على برهان نوره بالآفاق = يسقي معاطيش الظماير معينه
و قولٍ بلا فعلٍ مصيره للإحراق = يرجع صدا قوله على قايلينه
الطيب ما يشرى ولا يباع بسواق = وهبة من اللي كلنا نستعينه
ياربعنا ياللي على الجزلة اسباق = يأهل المواقف قايدين السفينة
لكم عليّه ما انجلى الليل بشراق = قبة وفى فوق الكواكب حصينة
تمت بمدروسٍ على سبع الارناق = درة مشاعر بالضماير مكينة
فيها دليلٍ للمواجيب براق = يبني جسورٍ للمحبة متينة

نافع الحربي




التوقيع :
    رد مع اقتباس
قديم 25-11-09, 12:09 PM   #37
شـــــاعر

 










 

نافع الحربي غير متواجد حالياً

نافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond repute

افتراضي


على هون ياقلبٍ كما صفحة البدر





على هون ياقلبٍ كما صفحة البدر= كما البدر في دارٍ بها للزهر عينة
تصبّر ترى عرش الفضايل على الصبر= على الصبر والصابر ترى ربه ايعينه
تعلمت من علم الضماير على عشر = على عشر والغالي ثقيلة موازينه
غرست الوديّة بالجبل وثمرت حجر= حجر حشّةٍ كن الشباري عرانينه
سقيت الورود اليانعة سايلٍ حمر = حمر دم موقٍ مجهشاتٍ مغاشينه
ترى النفس ما تمشي بلا وطرها وطر = وطر ماجنٍ ضيع بغيّ الهوا دينه
درست الرداء والطيب في عالم الفقر = لقيت الرداء بالفقر بروز عناوينه
وكم من كريمٍ بالملا يقهره قهر = قهر من زهد بالطيّبة في سبب دينه
تسوقه هواجيسه على أحر من الجمر = على الجمر حتى النوم حارب هدب عينه
ألا يازمانٍ جل وقته على الضجر = جميلة أوروده قاتلاتٍ سكاكينه
حرقت المشاعر وصبحت كنها دهر = دهر جو قيضٍ يابساتٍ بساتينه
أسوق البشاير كل ما شفت لي مطر = مطر غرّ مزنٍ بيناتٍ براهينه
تقوبع فيافي نجد حتى نحدر حدر = حدر عرق شوية طافحاتٍ ميادينه
أحب ( الخضر حيث إن لي ضامرٍ خضر ) = خضر نبت قفرٍ غايباتٍ شياطينه

نافع الحربي




التوقيع :
    رد مع اقتباس
قديم 09-12-09, 11:39 AM   #38
شـــــاعر

 










 

نافع الحربي غير متواجد حالياً

نافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond repute

افتراضي





عيال مروان الرجال القرومي



هذه القصيدة القيت في اجتماع ملتقى المراوين الأول في البكيرية



حنا عــواريفٍ تــلاميــــذ عـــــــراّف = عيال مروان الرجــال الـــــــقرومي
يابو فهـد حنا على ماض الأسـلاف = الكل منـــا للمكــارم يهـــــــــــــومي
ياما رسمنــا للمواجـــيب ميـقـــاف = رمزٍ على روس المنيفـــات يــــومي
مثل السحاب اللي به الـبرق رفاف = ومثل اللهيب إليا بلونا الخصومي
جدٍ دعانا من بعيدات الأطـــــراف = للإجتمـــاع اللي علينا لـــــــــزومي
نصخرله الخطوة على كل مشراف = يسـوقــنا يمّـه قــوي العـــــــــــزومي
أصوغ له حبر القلم يرعف أرعـاف = بالمحكمات اللي عليها الوسومي
عجل وسجل كل مايملي الـــقاف = حـــروف شــعــرٍ وافيــات الرقــومي
مثايلٍ يزهــابها مـــدح الاشـــــراف = مـوفيــن طــلاّب الوفى بالسلومي
ربعي أهل الطولات مافيهم ضعاف = مثل الحـــرار بعـاليــات الرجــومي
أعلام جيلٍ بالملا ماهم خـــــــفاف = رواســـيٍ فـوق الروابي جـــثــومي
يامابنوا مجدٍ به العــز يـنشـــــــــــاف = مجــــدٍ يعــانق ساريـات النجومي
لهم على القطب الجنوبي تغـرياف = ولهم على القطب الشمالي علومي
عوارفٍ لأهل الخــــطأ سمٍ زعــاف = مروين مطروق الحديد الجـزومي
وإليا دعاهم موقـف العــز ما طــاف = يثنــون دونه لين صــرحــه يقـــومي
رايٍ جمـعنــــا للتبــاشــــــير زفـّـــاف = جعله على طول الليـــالي يدومــي
قومٍ هواها الطيب وقلوبها نظــاف = نعم الرجـــال مفـرّجين الهمـــومي
ورجلٍ بلا عضودٍ على راس مهياف = عليه جـــسرات الجــوارح تحـــومي
لو كان ذيبٍ بالوعر يهــــرف هراف = يفرس بعصبان الشحـم واللحــــومي
لابد من يومٍ حســانيه تنـــــــــــــعاف = ويبقى الضحيّة في كمين الرخومي


نافع الحربي




التوقيع :
    رد مع اقتباس
قديم 09-12-09, 11:47 AM   #39
شـــــاعر

 










 

نافع الحربي غير متواجد حالياً

نافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond repute

افتراضي




مرّيت بالسلسلة ملسٍ شوامخِها



مرّيت بالسلسلة ملسٍ شوامخِها = غرب العميّد شمال الحضر تجتلدِ
وقفت في وادي الحجرة على خبرٍ = عهدٍ مضى بالظمير الحي يتّقدِ
تسأل ني الدار عن ما فات واسألها = عن ذكرياتٍ على صفحاتها جِددِ
أقول يادار هذا الحزم ما عرِفُهُ = باع الكثيب المريف بمسنيٍ جلدِ
قالت سنين الجفاف اخفت معالِمُهُ = لا لأرضُ أرضاً ولا عاد البلد بلدِ
هل أنت من كان قبل أعوام صاحِبُنا = مغريك ريع الشباب مغريَفٍ غرِدِ
وين اسودٍ كذرير الكحل تمشطُهُ = تاجٍ زهاه الصبا والناعم المرِدِ
قلت الحقيقة مضن جردٍ على عجلٍ = سبع وثلاثين عن ماقلت لم تزدِ
قضّيتهن في زهور العمر مُشتغِلاً = أصارع الوقت بين اللين والنكدِ
أفراشنا الأرض نمشي في مناكبِها = ولحافنا فوقها سبعٍ بلا عمدِ
أجاهد النفس وقوّي عزائمِها = وقدّر الناس وخشى الواحد الأحدِ
احرص على ما يصون العرض وبذلُهُ = وخلّص الدين وديّن على الولدِ
كلن بدنياه له شانٍ يُناسِبُهُ = اللي على النهر واللي يغرف الثمدِ
هذا وروس القوافي في أعنّتِها = سطّرتها فوق توقيعي على السندِ
أوقفتها في محيط الشعر أبرمِجِها = تسعين يومٍ ثبت بحسابها العددِ
ون كان ما حرّكت خفّا ق سامعِها = أحرقتها واعتزلت الشعر للأبدِ

نافع الحربي




التوقيع :
    رد مع اقتباس
قديم 09-12-09, 11:51 AM   #40
شـــــاعر

 










 

نافع الحربي غير متواجد حالياً

نافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond repute

افتراضي


يا أم شقرٍ غضاريف الحشى حدها



واهذي قصيدة قديمة يوم القلب خضر




يا أ م شقرٍ غضاريف الحشى حدها = فوق عقد الجمال يلاعبنّ الجمال
أشهد انك من اللي ما حدٍ قدّها = جادلٍ من بنات العصر تزهى الدلال
كن غر الثنايا لا نكشف سدّها = قحويان المحير اللي نسيمه شمال
والشفايا اورودٍ فايحٍ ندّها = صافيٍ لونها من بعد وبل الخيال
يا حلو طبعة القبلة على خدّها = بعد عقد الشريعة بالحلال الحلال


نافع الحربي




التوقيع :
    رد مع اقتباس
إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

IP



الساعة الآن 12:10 AM


Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
Ads Management Version 3.0.1 by Saeed Al-Atwi
ترنكات لخدمات الويب