عدد الضغطات : 0
الشاعر/سالم بن مهاوش الحربي .....اللي ماتنفع به صنيعه و لا لين=ان راح قله روحت مقيط ورشاه......والله لو انه مين و لا ولد مين=من لايعدّك ذيب عدِّه ولد شاه.........الشاعر/ شموخ السلاطين........الوقت يكشف لك الناس وشهي من تكون....اما من رجالها ولا من رخومها.....اللي معادنهم ذهب فالوازم يصملون ......مايلوي ذراع الشدايد غير زحولها ................الشاعر / عبدالرحمن سليم الصاعدي(البيرق)..... في ملتقـى حرب الحرايب بدينـا /حرب الدول ربعي وهم تاج راسي .......قوم جمعـت مابيـن دنيـا ودينـا /الله عطاهم لين جانب وباسـي .......جند السـلام وضربهم باليدينا /عند الملاقى للمعادين قاسـي .......مكرمين الضيـف سمن وسمينـا /وسبع الخلا عشوه يوم العماسي..............الشاعر / خالد بن ماطر الحربي ....كل ماصادم الراس القوي زدت قوّه=والردي لو يزيد الهرج مازاد غلّي .....والجبل كل مالديت وانا علوّه=مايباريني براس الجبل غير ظلّي .....ليه اعادي قليل الخاتمه والمروّه=لاتجملت فيه وصد خله يولّي .....ودك ان الرجل يختار حتى عدوه=قبل يختار خلان النشب والتسلي ' ...........الشاعر/سند مسند العريمه الحربي........ لا صار ماتبدع إبيوتٍ ثمينه= = ريح ضميرك واترك الناس ترتاح ياما سمعنا من قصايد عجينه= = والمشكله حازت جماهير وأمداح في عالمٍ تصفق يساره يمينه= =وكل القصايد عنده إسمان وصحاح ميزانهم صوتٍ تعالى رنينه = = تلقى جماهيره لها صفق وصياح خلوا تقاليد العرب والسكينه= =في ليلهم مسراح والصبح ممراح ويااللي على الشاطي تدف السفينه= =عود على الساحل ترى مانت سباح البحـــر يبـغـاله رجــالٍ رزيـنـه= = له غـبـةٍ تـجـذب جـمـادات وارواح وخلك على كشته قريب المدينه = = دلــه وبــرادٍ له البـــال يــرتــاح...........الشاعر / بخيتان البشري .......ماضاق خاطر من نودّه ونغليه = لو البحر من ضيقته ضاق به ماه ..... مودّنا غالي و ودّه نخليه = غالي ولو كل العمر مالقيناه .......والي تولى للمشاعر موليه = قلب المودّ اللي وداده تولاه .........طيبّ خواطرنا بكامل تحليه = بصدق الشعور اللي عليها صدقناه ........اللي بصوته همنا دوم يجّليه = وبصوتنا قلبه من الهم نجلاه.........الشاعر /سعد المحمدي .........دريت باللي دار خلف الكواليس=وحطيت نفسي كن ماني بداري=بعض الامور اقيسها بالزمن قيس =وبعض الامور اصير فيها انتحاري=ان جيت يطفي نور كل الفوانيس=وان غبت غني ياطيور الكناري............الشاعر/عيسى العوفي..........وجهة نظر ماقول انا قولي مصيّب=ابديت رائيي مثل للرائي من قال.....ان جيتني بالطيب آعاملك بالطيب=ردالجميل وشيمة ارجال للرجال.....وان جيت في علم الردى ماقربه عيب=تكرم بها مالي مع العيب مدخال.......طبعي وربعي محتمين المواجيب=حربي بدربي متبع النذل لاعال.......العز لو تشويك حر اللواهيب=موتي ولاقوتي ورى ايدين الانذال......العمربامرالله وماقدّره غيب=والراس تصعب رفعة الراس لامال......وسيرة ارجال الطيب منها المكاسيب=نوريدل اللي جهل يقدي الضال......اخذت من غيري ادروس وتجاريب=اسئل وآخذت العلم من رؤس عقّال................الشاعر ( سعد المحمدي )............يابو فهد برق المزون النوازي=حجاز وانت بعالية نجد وبال=بينك وبينه بعد دار وغرازي=سيله بحر ياراعي المعدن العال=ماله مصب بداركم ورتكازي =العلم مايجهلك في كل الاحوال=يكفيك عن مية قليب ارتوازي=نهر الفرات اللي من الجال للجال=ابن المباني فوق ساسن عزازي=وقت الشتاء تذري وبالقيض مقيال=يامحزمي لاصبح الدار غازي=دنياك تبغى للعقد رجل حلال=واللي بها بالحالتين انتهازي=لابد مايلقى بها شمس وظلال=عن الحجاز اسمع كلام الحجازي=كلام حطه يارفيقي على البال=من التجارب دوبلماسي جوازي=عليه ختم المعرفه تقل تمثال=ياعل ماقلته على ارضاك حازي=في وقت ماينصح معك كل من قال.........الشاعر(زيد بن مبشر الحصني الحربي) رحمه الله ............أقول وأقابل ولاني بسايل=دام الكلام عن الحقايق مباحي=عندي على صحت كلامي دلايل=اموحهن من جم عدٍ قراحي=شفت وسمعت وقلت والرأس طايل=باللي على الساحه ولا هو سياحي=الله يجمل حال راع ألأصايل=حازن على الجوده بكل النواحي=والله ماجامل براعي الاوايل=لو ضاق من قولي زميلي مناحي=وشاعر قبيلة حرب عند القبايل=لافي حمود وبس حسب إقتراحي=ومن قال أنا بقول ويش انت قايل=أنا افتخر بجود ذخيرة سلاحي=ماشلت هم ملقحت كل حايل=اللي على ماقيل خف وجناحي ................الشاعر (مقبول حامد المحمدي).........بحثـــــت في قول البخاري ومسعود=والترمذي وكتـــــاب مسلم وماجه=وحتى النسائــي ما ذكر طب موكود=للصرقعه والعلعله واللجاجه=يا صاحبي ياراعي البيض والسود=ترى الكلام الشين عيــــــــب وسماجه=انا أعرف المقصــود والغير مقصود=ولا أحـــب هرج الثرثره والهماجه=الرجل ماهــــــــو للتفاهـــات محدود=ولا كل كـــلمه تستحــــــق المواجه=من سبب الفتنه ماهــــــــو كاسباً فود=ماحصّل الا لكمــــــــــتن في حجاجـــــه=جاه الخبـــــر مكتـــوب في رأس عبرود=عن حاجته كانـــــه بعمــــــــق الزجاجه=صحيح قالو يقـــــــرد النـــــاس مقرود=ويخسر غـــشــيـماً مايميـــــز خراجه=بعض العرب مـن راســــه العقل مفقود=ينفخ ذروبــــه ويتلقــــا العجـــاجــــــه=لو تنصحــــه عن سكـــــة الغي مايعود=ويترك قراح الماء ويشرب هماجه=يالله ياللـــــــي عنــــــدك الخير موعود=تجعل لنا مـــــــــن كل هــــــم انفراجه=نغضي ونصفـــــــح لكن القلب ملهود=جرح الخطـــــــــا عجزت اواري خلاجه=ماني على كل الخطا سيـــــــف مجرود=ولا كل عـــــود اعـــــوج يعــدل عواجه=والشعر له مــنـــهـــــج وله سلم وبنود=ماهو كما ســــــــوق يلجلـــــج حراجه=شعري مع أهل العرف مسموع مشهود=ولاني على كيــــــــف الغشيم ومزاجه=امشي عزاز الدرب وأســـــــنـّـــد اسنود=وأدرى قدم رجلــــــــي عــن الانزلاجه=ارفا كلامــــي لايجـــــي فيــــه منقود=ولاهمني قول الحســـــــــــود ورواجه=اللي مقيمني وشاهــــــــد لي العــــود=شيخاً بصرح المجــــــد يضوي سراجه روائع شعريه

الشاعر/أبن رهدون.......أيامنا اليوم لو تحسب =دنياك يالادمي ساعه.....والمؤمن اللي لها يكسب =يعيش باقي العمر طاعه........الشاعر/عبدالعزيز الزويهري ابو بتال...........غلاك عندي غلاة العين=ياللي من الشوق ناديتك =معاك وحده من الثنتين= ان كان ما جيتني جيتك...............الشاعر/ سلمان القريقري ابوعمر ( حرب )........حتى النجاحات تتحقق=من دونها شروط للتحقيق...قال المثل يد ماتصفّق =تبغى لها يد للتصفيق.......الشاعر / سالم البشري ......مابين قسمه وجمع وطرح=لاهناك قلبي ولاهنيّه........كيف اهتني من هذاك الفرح=وارتاح من كل مابيّه.........الشاعر/خليفة المزروعي...........إهيا كذا كنها سرقه/=/لدة نظر يوم طالع في.....لوكان من بندقه طلقه/=/اهون عليه تراهاشوي...........الشاعر/ عبدالعزيز الزويهري...........البُعد خلّف جفا و صدود= وعشنا في زمانه بدوّامه ..........مدري زمان الصفا بيعود = و الا ّ قضى و أقفت أيامه ؟...........الشاعر / شاكر القايدي ......يامن ينقذ جريح القلب ....اللي هموم الزمن جاته ..... كل مابغا يتجه مع درب... يلقى قطار السعد فاته.................الشاعر /صقر المقرح ..........يامن تخوض الهوى بعزوف= خليتني فاصعب الأوقات ....لا تكبّني والجروح نزوف= وتندم على الوقت لنّه فات.............الشاعر / عبدالعزيز رويشد ...... اعلم ترى خيرة الاصحاب=مثل الذهب نادر ومافي...من كل خمسين ضن تراب=اجرام واحد ذهب صافي.....الشاعر/عبدالعزيز الزويهري (ابو بتال).....من لا هوى زي محبويي==عايش غرامه على الفاضي ==انا على احساس مكتوبي==حسيت ربي علي راضي.....الشاعر / حمدان دراج القايدي.....عواطف القلب لك وحدك.... ياللي ملكت الحلى والزين.....مافي احد في البشر مثلك.....طيفك سكن داخلي بالعين........الشاعر /غافل الهم قلبي ....... مريت بيتك نهار العيد...لكن قفلت بيبانك....عارفك زعلان بالتأكيد...حرام ماتشوف جيرانك..........الشاعر / عاشق الاصاله .........لاغابت الشمس بانمسي=من دون مدعوج الأعياني......مع القمر يكتمل انسي=في تالي الليل لاجاني..........الشاعر / حرب - سلمان القريقري ....... واعيني اللي من اسبابه=زايد سهرها عن المألوف ..واخاف لن طول غيابه=تفقد نظرها معاد تشوف.......الشاعر / خليفة المزروعي ...........عزي وتاجي قبيلة حرب=يوم الهول مزبن الخايف ... يشهد لها شرقها والغرب=ويشهد لها المطلع النايف.........الشاعر / ابوفرح السهلي .....لك حق والناس بالمقياس = مثلك لها حقوق موثوقة ...ومن لايوفي حقوق الناس = لايطالب الناس بحقوقة...........الشاعر / عبدالعزيز الزويهري ابو بتال ....هواك أعمى عيون الشك=لولاه يمديني احرقتك /لكن بإيمان ودي لك=كذبت نفسي و صدقتك......... ..............تلميذ الكسرة / ..............ما تعلم ان الجمال يلمّ **** وحظي الردي قادني يمّه........ آنا اتجــرع مرار وسمّ **** وكنّـــه يكـــايد ولا همّـه..........الشاعر / ابومبارك اليوبي.......خـذ المـثـل ياعـريـب الـجـد=اصل الشجاعه صبر ساعه=لايـغـرك الـزيـن يــوم يـلــد=اصبر وخلـك علـى الطاعـه................الشاعر / بيان الصمت ....سلام من قلب تلعب به=زود الهواجيس وأحواله=والوقت ما فادني طبه=من ظلمة الدرب وأهواله........الشاعر /وليف الشوق.....كل مانصحناك تتركني = وتشوفني من الد اعداك...واليوم لاعاد تنشدني = فيماحصل من مآسي جاك..........الشاعر / سرورالبشري ......طا وعت قلبي وما شيته= حتى رماني فدرب التيّه...ولا تنفع المبتلي ليته= لو جاء يعود معاد مديه............الشاعر (خليفة المزروعي)......عمر العجل مايضوي خير=يامحـسـن الـرجـل متـأنـي=الثقـل صنعـه ولــه تدبـيـر=وراع العجـل دوم متجنـي............الشاعر/خالد بن عبيد بن معتوق الأحمدي....... زايد بحسنُه على جيلُه= وكاسِب رضايه رغم عِندُه=ومن يوم يطلبني آجيلُه=خمسة دقايق وأنا عِندُه......الشاعر(ابوفـــرح)....عنـدي أمـل فيـك يـا.. بـكـره=تمحي بقايا جروح .. الأمس=وقـلــوب حــبــت ولا تــكــره=تشرق لها من جديد الشمس........الشاعر (حامد بن غالي السليهبي)(حسيبك للزمن) رحمه الله .........ناديت قلت انتهى صبري = واغبر زماني طِواني طَيّ=والناس بالحال ماتدري = اظمأ وجنبي غدير المَيّ.............الشاعر / محمد بدين القايدي ( السينات ) ......أدلِّـــــلـُــه دائماً وارضيه=والبِّسُــه ثوبه المألوف...لكن بِطبعُه يفرِّط فيه=ويخلِّي مَنْ لا يشــوف يشـوف.............الشاعر بخيتان البشري / ليه المجرة كواكبها=احيان عكس المدار تدور .. بحور تغرِق مراكبها=وتخلف نمط سيرها فبحور.......الشاعر ( حمدان دراج القايدي)......هليت دمعي من أسبابك = وجرحي نزف داخلي مقواك ‏=محتار وشهو اللذي صابك =الجرح في داخلي ماشقاك...........الشاعر ( راشد الزهراني )......حتى جبال السراة تحن = ماهي كما قلبك القاسي = يامن بوصلك على تمن = ودايم تعكر صفا كاسي ..........الشاعر ( خليفة المزروعي ).......ابوك يبني عليك امال / حذراك لاتخيب اماله /حاسيك لامالت الأحوال / إنت الجبل يجلس إظلاله........الشاعر( عبدالعزيز الزويهري ابوبتال )...... راح الذي فارق أوطانه = و أفعاله فالطيب ما راحت = و الله من بعد فقدانه = عمدان صرح الأدب طاحت ........الشاعره (الكحيلة) ......أتعبني القلب بحساسه=ادراه ويدور التعذيب= بهم ن ضلوعي حطب فاسه = من يطلع النجم لين يغيب .......الشاعر (حرب ابوعمر) ......قلبي سألني .حصل ماذا = تشكي ولاادري سبب شكواك = قلت انتظر فالوفا هذا = لكن تفاجئت جاني ذاك.......الشاعر (غافل الهم قلبي) ... احترت والقلب شايل هم /سنين مخفي الم جرحــــي =البوح ممنوع يالفاهم / راح العمر وانتظر فرحي .......الشاعر (ولد الساحل).....سبحان من بالجمال اعطاه / تحفه وتصوير رباني = سلهم برمش كحل غطاه = يرمي سهام الهوى فيني...........الشاعر ( نعيم عابد السيد ).....يا نار الاشواق ما تطفين / ما يكفي القلب واتلفتيه = هذاك لو كان ما تدريـن / سيب غرامك وولع فيـه ...........الشاعر ( احمد عاقل الغانمي ).......ابشتكـى راعـي الـدكـان / من بعد ماجـاب لـه هنـدى = ماعاد يرفق علـى الجيـران / حتى سلـف قـال ماعنـدى ...........الشاعر ( أحمد بدين القايدي ).......كسب الفتى طيب أفعاله / اللي بها ينتهج له درب = وانا كسبته من رجاله / وافخر لأني فتى من حرب .....الشاعر (عايش الدميخى ).......ابني فصرح الوفاء مدماك = يبقى مسجل عليه اسمك = ان عشت بالطيبة طريـــاك = ولا مت يبقى الثناء قسمك روائع الكسرات

 


العودة   ملتقى قبيلة حرب الرسمي > ๑۩۩ الملتقيات الأدبية ۩۩๑ > مــلتــقــى دواوين شــعــراء الــقــوافــي

مــلتــقــى دواوين شــعــراء الــقــوافــي [ جميع الشعراء ]

إضافة رد
 
أدوات الموضوع إبحث في الموضوع انواع عرض الموضوع
قديم 25-03-07, 11:28 PM   #1
مؤسس ملتقى قبيلة حرب الرسمي
 
الصورة الرمزية ابوفواز النويمي

 










 

ابوفواز النويمي غير متواجد حالياً

ابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond repute

افتراضي ديوان الشاعر زيد مبشر الحصني رحمه الله

السلام عليكم ورحمة الله وبركاته
أيها القارىء الكريم إليك هذه القصيدة التي قلتها في حفل تكريم
الشاعر
(( راشد السحيمي ))
في الحفل المقام له في منطقة القصيم .....
أقول فيها :
أقــــول و أقــابــل بـصـحــة كــلامــي=عـنـدي ثـقــه بالـنـفـس و الـشــك زايـــل
و الله مـــا أجـامــل بـعـكــس الـنـظـامـي=و مـجـامـل الـضـايـع يـضـيــع الـقـوايــل
يــوم أنشـدونـي قـلـت عــن أبـــو رامـــي=شـاعــر قبـيـلـة حـــرب بـيــن القـبـايـل
راشــد و لـــو كـثــر الـعــدد و الأسـامــي=فــي سـاحـة القلـطـة مــن أهــل الأوايـــل
عـــان السحـيـمـي مــركــزه بالـسـنـامـي=حـربـي يـمـثـل حـــرب و الـــرأس طـايــل
مـركــز دفـــاع و لا هــجــم مـايـلامــي=لــه عـيـلـةٍ يـــدَب بـهــا كـــل عـايــل
شـاعـر عــن الـهــزلات مـعـنـاه سـامــي=و قـــولٍ بـــلا مـعـقـول مـالــه عـقـايـل
و الـلــي يـبــا مـثـلـه يـشــد الـحـزامـي=و يـبـيـن فالـمـيـدان جــــري الاصــايــل
و مـــن لايــوصــل سـمًـهــا للـعـظـامـي=لايـعـتـزي لاصــــار مــامــن صـمـايــل
الـســم يــمــزج بـالـعـسـل لـلـحـرامـي=مــحــدٍ مــــدوًر بالـخـصـيـم الـجـمـايـل
و الـلـي يجـيـب مـــن الخـصـيـم الأثـامــي=مشتـالـهـا مـــا أعـطــاه عـنـهـا بـدايــل
مايحتـمـي لــو مـاقــف الـخـصـم حـامــي=أقــول لـيـت أمــه مـــن الـعـقـم حـايــل
هـــداج يـامـبـرهـج كــبــود الـظـوامــي=راشــــد لانــشــت عــيــون الـثـمـايـل
مـثــل السـفـيـر لـحــرب و إلا الـمـحـامـي=مـــع جـــرة الـفـرسـان خـيــر الـدلايــل
يـاحــارس الـمـرمـى بـعـيــد الـمـرامــي=مــــا للـثـقـايـل غــيــر راع الـثـقـايـل
و ماقل دل و رغبتي و أنسجامي=تفوق الحربي بكل الوسايل
وســـــــــــلامتكم
الشاعر/ زيد بن مبشر الحصني الحربي




التوقيع :
    رد مع اقتباس
قديم 25-03-07, 11:29 PM   #2
مؤسس ملتقى قبيلة حرب الرسمي
 
الصورة الرمزية ابوفواز النويمي

 










 

ابوفواز النويمي غير متواجد حالياً

ابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond repute

افتراضي

قصيده مرسله من الشاعر ونيس عقيل الحربي الى الشاعر زيد وسبب ارسال الشاعر ونيس لهذه القصيده انه في احد الليالي قام ونيس بالاتصال بالجوال على الشاعر زيد ولكن لحظة استقبال الشاعر زيد للمكالمه وفي لحظة رده لدغته عقرب وصار اللي صار وونيس مايدري وبعد شهر ارسل القصيده وجاه الرد

كلمـت بالجـوال مالـي لزومـي =غير السلام ونشـدةٍ عـن حوالـه
رفيـق وابغـى مستجـد العلومـي =والا حلالي ما اختلـط مـع حلالـه
وصك الجهاز وقال ياعيـن نومـي =ما أخذ من النشـاد مبـدا سؤالـه
يابو فهـد ياعـل عمـرك يدومـي =خابرك جـزل ونظرتـك بالجلالـه
ما أنته من اللي يجهلون السلومـي =يازيـد يـاراع الوفـا والجـزالـه
للسين جيـم وللسوالـف حجومـي =واعرف من العنوان معنى الرسالـه
ارسالـةٍ فيهـا عتـاب وهجومـي =عتـاب رفقـه مانعاتـب رزالــه
ما ارسلتها لك يا ابيض الوجه لومي =اللوم عنـدك مـا يقـرب مجالـه
وبحرك ما ينعام بـه لـو نعومـي =مـا كـل سبـاحٍ يعومـه لحالـه
وأن صار فيها يالسنافي خصومـي =دايم عن الهـزلات فيـك انعزالـه
دايـم لجـزلات المواكـر تهومـي =تشفق وتاصل لـو تصعـب منالـه
هـذا وتسلـم ياعشيـر القرومـي =اللي يقال ونعم اليـا جـاء مجالـه


وهذا ردي على الشاعر ونيس :


فطرتني ياونيس من عقب صومـي =مـا كنـك الا العيـد ليلـة هلالـه
كنك مقـدم لـي فقـار الردومـي =وسميـت باسـم الله جـلا جلالـه
ان جيت هاذي ضيف والا معزومـي =الشك مـن يمـي مسكـر مجالـه
اقوم واقـف مـا توانـت عزومـي =وبعض اللهب ودي يزيـد اشتعالـه
للـي مثـل ذيـه تـراي مهيومـي =اكشف مدى خصمي وقـو احتمالـه
ياشاعرٍ عن كل هـزل محشومـي =صدّر عقب ركب الرشـا بالمحالـه
ان كان اخو مره حصانه عزومـي =انا حصانـي نـوب تومـي حبالـه
ليته درى باحـداث ليلـي ويومـي =قـدام يعلـن مـا تصـوّر ببـالـه
نادى لخو مـرة وقـال مخدومـي =وفرح به اللي كل ما أوحـاه قالـه
وانا من النـوم اللذيـذ محرومـي =في ليلة ٍ فالي عسى ماهـو فالـه
من سم شقرى ٍ في عروقي يعومي =ما ينحسد مثلـي ويؤسـف لحالـه
وأنته شهر كامل تبيـع وتسومـي =في صاحبك ما سلت عن ما جرى له
ماهي أعذار مخرميـن الخشومـي =اللي تبـي مخـراج لـو بالوكالـة
وحقك مثل عـواد يزهـم ويومـي =لـو اجحـده والا أتجاهـل نـذالـه
حقك وجـب والله غفـورٍ رحومـي =بارك جملك وفـي يدينـك عقالـه
احكم ولا تحكـم علـي الرخومـي =مانـي مـدور بالرخـوم الجمالـه
واليا انتهى حكمك تـراك محكومـي =ياخو ونس ونقـول تحـى العدالـه




التوقيع :
    رد مع اقتباس
قديم 25-03-07, 11:29 PM   #3
مؤسس ملتقى قبيلة حرب الرسمي
 
الصورة الرمزية ابوفواز النويمي

 










 

ابوفواز النويمي غير متواجد حالياً

ابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond repute

افتراضي

السلام عليكم ورحمة الله وبركاته
أيها المتصفح الكريم يسرني ويسعدني ويطيب لي
أن أقدّم لك إحدى قصائدي
والتي شاركت بها في مهرجان :
(( مزاين قبيلة حرب )) ..
أقول فيها :
بســـــــم رب الكون لعبـــــاده رحوم=مُوْعـْــدَ أهـــل الشرك بأشـدّ العقاب
أبتــــدي بأسمـــاه قبل أفطر وأصوم=للكــــــلام صيـــــام وإفطـاره بآداب
مجتهـد وأقــــول : ماني بمعصــــوم=وماقفي مع حرب بالواجـب إعجاب
مرحـبا ً مـــــا هـــــل همـــّـال الغيوم=في محافـــــل حرب رَحـْبين الجناب
ومرحبا ًً في كــــل حاكـــــم ومحكوم=ومرحبا في كــــل مدعو وإستجاب
ومرحبا في كـــــل زايــــــر ومعزوم=ومرحبا في حـــرب شيبان وشباب
ومرحبا والعلــــــــم قافيتــــــه علوم=ومرحبا والبيـــــــت ماله غير باب
مدخـــل ومطـــــلاع وإبليس مهزوم=ما تهــــــز الباب صلفـــات المهاب
يالــــــدفاع إن شيف فرصه للهجـوم=والله إن القـــــوم منا مـــــــا تهاب
وإن سمعنا علـــــوم مردين العــزوم=الردي ما جــــــــــاب غير الإكتئاب
لـــو يبيــــع بســـــــوقنا وإلا يســوم=للحرار تبـــــــــوع ماهي بالحساب
السخي ماهاب من دفــــــع الرســوم=والبخيل إن هـــــــاب جعلـه للتراب
إن حسبنا إحسـاب معطى ومحـــروم=الســــؤال أحيان هو نفـس الجواب
كلمــــة الجمهــــور وأهل البل عموم=طيــّـب الله فال من شـــارك وطاب
والجدي معـــروف من بيـن النجــوم=في سمــاء إبن دليم مـا دونه ضباب
ياعســـــــاك بخيــــــر وبعــــز ٍ يدوم=ياسـِــــديد الـرأي للعلــــــم الصواب
ما أستمع من قـال : مالـك به لــزوم=إستــــــشــار وشـــار عبدالله وأناب
عـن قبيلـــــة حــــرب والنافــر يروم=والهدف مرفــوع من فـوق السحاب
ما يحــط الــرّوس في وســط الكموم=للضــّروس ضروس والنـّيبــان ناب
والقبيلــــــه حــــرب مــا فيهم قسوم=في مــزاين حـــرب حِضــّـار وغياب
وإسمـــنا مسمــّــاه تحطيـــــم الرّقوم=وفــــوزنا مضمــــون في كل إكتتاب
ما نزلنا نجـــــــــد في حــب الخشوم=نازلين ٍ نجــــد يـــــــوم الإغــتصاب
ويوم ســـــاد السـِّـلـْم والبطش معدوم=عهــــــدنا مـــاثوق ضـــــد الإنقلاب
في ذرى آل سعـــود كفــّوْنا الهمـــوم=حـيــّهـــــم للعـــــــز والميــّـت يثـاب
ورْثــَة المــرحوم لطــّام الخصـــــــوم=حاكميـــنْ بمنــْـزَلَ الله بــالكــــــتاب
والــــولاء لله يامـــــــــدوّر ثــلـــــوم=كلنا كالســّــــيف والمقضــب نصاب
وكلنا آل سعـــــود في وقت اللــــزوم=لــِــعنبو من صــَــد بالواجـب وهاب
الوطــــن بأمان ويــــن تريــــد نــُـوْم=ما علا الجمــّـال من نبـــــح الكلاب
والثنـــــاء والحمــــــــــد لله كــل يوم=والهـــدف تشجيـــــع مـلاّك الرّكاب
لـْوسيمـة حــــــــرب من بين الوسوم=ومضربين التـّاج في وقت الضراب
وجولـــــــة كحيلان والطـــايح يقـــوم=جــــــابه عِـليان بأغلى مـــــا يجاب
ومرحبا والكـــل مـُكــْــــرَمْ ومحشــوم=والخطــــر ممنـــــوع منـه الإقتراب
والســـــــلام ختــــام والشرهــات كوم=ودّنا بالـــــزّود مـــــار القــاف شاب
وســـــــــــــــــــــــــــلامتكم
الشـــــــــــــــــــــــــــاعر : زيـــد بن مبشــّـر الحصــني الحربــــي




التوقيع :
    رد مع اقتباس
قديم 25-03-07, 11:29 PM   #4
مؤسس ملتقى قبيلة حرب الرسمي
 
الصورة الرمزية ابوفواز النويمي

 










 

ابوفواز النويمي غير متواجد حالياً

ابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond repute

افتراضي

قصيدة موجهه الى زيد الحصني
قصيده لشاعرالقلطه المعروف/ توفيق عبدالكريم الزبالي الحربي
موجهه لشيخ / زيد الحصني . يود شاعرنا أن تصله عبر ملتقى حرب

يازيد ما بينـي وبينـك صداقـه"="ولا معرفه يا زيد بينـك وبينـي
يا زيد تربطنا وجـوب الرفاقـه"="وطقيت باب المعرفـه باليمينـي
عرفت رجال الطيب تعشق عشاقه"="الي كماكم فالقسـى مـا يلينـي
الطيب ما خذته من اهله سراقـه"="الطيب ياهل الطيب ساسه متينـي
صيتك على درب المعالي سياقـه"="وللمعرفه والجـود بيـن يبينـي
يا درع حرب ان جات عازه وفاقه"="للحرب سيف وللمقاصد لسينـي
يا مرجعت فقد الصواب الحقاقـه"="عز الرفيق ولطمـت الطامعينـي
ورث الجـدود اموثقينـه وثاقـه"="نهج الرجال اهل الوفا الغانمينـي
لو الزمن ياقف على عضم ساقه"="اهـل الاوايـل عندهـا ثابتينـي
لاوالذي انزل على احمـد براقـه"="ما غيركم لي بعد ربـي عوينـي
اليوم كن الوقـت فيـه انطراقـه"="وقتٍ معيي فيـه حظـي يزينتـي
من بعد ما جانا الوفق والوفاقـه"="واصبحت متوكـد بعلـمٍ يقينـي
صفو علـي امدبريـن العلاقـه"="الي لهم يـا زيـد بطـنً بدينـي
افزع لنـا يازيـد قبـل الحماقـه"="لا حط فيهـم مكتفـات اليدينـي
ما عاد تاخذنـي عليهـم شفاقـه"="والي مقدر لي مـن الله يجينـي
الي يبـي فرقـاي ودي فراقـه"="وقدر المعزز فوق راسي وعينـي
يا زيد لو انسوق مليـون ناقـه"="اخير لي من هرجـة الشامتينـي
من خوف لايلحق عليهـا لحاقـه"="والحي يمسـي بعـدة الميتينـي
انته تعرف العلـم رمـز ولباقـه"="حب الرحى لدار يصبح طحينـي

بعد وصول قصيدة الشاعر / توفيق الزبالي للشاعر / زيد الحصني
وصلني هذا الرد من الشاعر زيد مبشر الحصني الذي طلب مني نشرها في هذا الموقع ويتمنى أنه قام بالواجب مع الشاعر/ توفيق الزبالي ويعتذر عن أي ملاحظه غير مقصوده

يامرحبا بمن طق باب الصداقه=صداقةٍ تصدق مع الصادقيني
ماهي صداقة مصلحه وانزلاقه=والي ماهو صادق معي لا يجيني
حييت يامهدي من الشعر باقه=وانا أفتخر واعتز بمشجعيني
وصفتني درعٍ صعيب اختراقه=وانته يابن عمي عرينك عريني
البيت هيبة حرمته من رواقه=عنه الحمايا تردع المعتديني
سور القبيله من بغى الموت واقه=ومن يمنا ما تفطر الصايميني
والشاعر الي حربته في عماقه=ياعلنا من سيرته سالميني
وتسلم ولاانته يالزبالي لحاقه=خيرة خلف من خيرة السالفيني
وان كان لك حظٍ سلوكه دقاقه=بالحل ياتوفيق لا تحتريني
والله ما قدر يابن عمي عتاقه=مكتوب لك يوم انت ماءٍ مهيني
ابنك وحظك لاتضيَق خناقه=واصبر وعون الله مع الصابريني
لابد من يومٍ يشعشع شراقه=يجلى ظلام الليل والظالميني
واهل العلاقه معلنين اتفاقه=وحظارهم كفوَ عن الغايبيني
ماكنت اعرف انك تجيد السواقه= وانت اعترافك سيَد العارفيني
لاوالذي خلقه تكفَل ارزاقه=ماحدٍ يقول انك من المبعديني
وصفٍ مهو صفي ماحسب انشقاقه=يامعتزيبي جيت والله يعيني
لا للحماقه خل عندك لياقه=حل الحماقه من بليس اللعيني
وليا بليت بعيَ احمق وعاقه=على الخطا دايم يشيل الهجيني
لاحط راسه تحت موس الحلاقه=اضرب على راسه صليب المزيني
احدٍ سلوبه هي سبايب حراقه=وليا نصحته قال وينك وويني
بعض البشر كنَه شريحة بطاقه=يحسبك من ضعفه عدوٍ بطيني
يفداك ياتوفيق خطو اللزاقه=لاتشيل هم الدين لاجل الدويني
مليون ناقه مايجن باصطفاقه=فنس الخشوم مهجرعات الحنيني
وليا بغينا من لبنهن ذواقه=ما خليت الدنيا من الطيبيني
وليا فتحنا للهوى الصلف طاقه=غيابنا شرهم على الحاظريني
مافات مات وحط فوقه طباقه=وحقك من الجزله فقار السميني
حقك عليَ وحط فوقه وساقه=ماهو بحاجة شاهدين وظميني




التوقيع :
    رد مع اقتباس
قديم 25-03-07, 11:30 PM   #5
مؤسس ملتقى قبيلة حرب الرسمي
 
الصورة الرمزية ابوفواز النويمي

 










 

ابوفواز النويمي غير متواجد حالياً

ابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond repute

افتراضي

اللي يقول أنه له على زيد مشـروه =اليا وردت الشرهه يجـي ويتشـره
ما هو كلام يقـال بغيابـه اوحـوه =واليا حضر مـا صـار مثقـال ذره
ان كان شفتوا في مـا فـي سمـوه =وأنا اعتبرها مـن أصدقايـه مبـره
وأن كان غنيتوا على مـا سمعتـوه =الهرج خلى أريـاق الاحـرار مـره
كم واحـدٍ بعتـوه غيـب وشريتـوه =لا شوف عيـن ولا تقصـون جـره
تراى الكلام بغيبـة الرجـل مكـروه =خـص الكـلام اللـي بليـا مسـره
لا قايـلٍ هاتـوا ولا أقــول ودوه =من فضلكـم خلـوه خيـره وشـره
ولو كل من قلتوا هرج قلت هاتـوه =أصبحـت مـا بجيبـي أزرارٍ يـزره
وبعض المجالس بس فضوه وأملـوه =بحرٍ بـه الغـواص مـا جـاب دره
كم مجلسٍ اليا جيت واليـاه مملـوه =وإذاعته بأعـراض الاغيـاب حـره
تلقى الاخو معهم ينافق على أخـوه =والله ما أغتاب أخوي لا ذقـت حـره
هذا الكلام أخـذوه والباقـي أنسـوه =ما أرضى على نفسي أسلوب المضره
وراع النفاق اليـا عرفتـوه هبـووه =أن مـر والا تاصلـه فـي مـقـره
واجب على من عاينه قـال عانـوه =من شأن ما يغتر بـه مـن يغـره




التوقيع :
    رد مع اقتباس
قديم 25-03-07, 11:30 PM   #6
مؤسس ملتقى قبيلة حرب الرسمي
 
الصورة الرمزية ابوفواز النويمي

 










 

ابوفواز النويمي غير متواجد حالياً

ابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond repute

افتراضي

القصيدة رد ثنا بالأخ عجاب بن فرج الحنتوشي
ولهذه القصيده سالفة اجمل منها لعل الأبيات تبينهـا


نبـا نسيـر يــم راع الجمـالـه=من روس ربعٍ للجمايـل مداهيـش
عجـاب روقـي والسوالـم خوالـه=ربعي خوالـه والعمـام الحناتيـش
من معجـزة عجـاب فعلـه بخالـه=يوم الامل فلّت بيد غـازي الريـش
نصاه والحمـل الثقيـل ارتكـى لـه= وقال ان عجزت اشيلها عنك ماعيش
خلص عن المديون من حـر مالـه=مـدة غبينـي مالحقهـا مطاريـش
والله لاثنـي كـل ماجـاء مجـالـه=لو يزعلون اهل الخشوم المطانيـش
ما قولها ابغـى كـاش والا كفالـه=عليَّه ابغض من نقـاش المناقيـش
مابه جميـل بـدون جهـد وعبالـه=ومكارم الاخلاق تنفى هـل الطيـش
وعد الثنى يستاهله من سعـى لـه=بقول وفعل مايهمّش المدح تهميـش
عجـاب واخوانـه رجـال الجزالـه=عندي دليل ان صار بالمدح تفتيـش
ذباحـة الحايـل لمـن طـاب فالـه= ولطامة العايـل بمـاص النواتيـش
وإلا الردي بالمجتمـع شبـه عالـه= يحسب حسابه من حساب الدراويـش
مايجتمع بالشخـص طيـب ونذالـه= والظبي راسه مالقوا بـه عراميـش
واللي صديقـه فـي حياتـه ريالـه= كلمة هلا ويامرحبا به علـى ويـش
ضعـاف العقـول يلبسونـه نعالـه =وسموه باسم حصان لو انه كديـش
المـال مـاعـزز ردي الاصـالـه=والقـل مانقـص مقـام المداغيـش
عسى السحاب اللي صـدوق خيالـه= تبكـي عقابـه والقدايـم مراهيـش
يامـر مكاييلـه عظيـم الجـلالـه =من العصر لين يبين نور المغابيـش
عشـر ليالـي والمطـر ذي حالـه=بمرتع مجاهيم وبرهـن عكاريـش
يندب لهـن عجـاب مكـرم دلالـه =بالهيل مع بـن اليمـن للمعاطيـش
ورثة جدوده من عصـور الجهالـه =يوم الرمح والسيف والخيل والجيـش
واليوم نمشـي تحـت ظـل العدالـه=اشمل شمال طريف واجنب وراء بيش
وبالمحوري عقب الرشـا والمحالـه =صارت مظامي نجد هي مصدر العيش
ومـاقـل دل ولانـحـب الاطـالـه=تمت وصلى الله على صفوة قريـش
الهادي الصـادق بصـدق الرسالـه= وحيٍ من المعبود مافيـه تغشيـش




التوقيع :
    رد مع اقتباس
قديم 25-03-07, 11:31 PM   #7
مؤسس ملتقى قبيلة حرب الرسمي
 
الصورة الرمزية ابوفواز النويمي

 










 

ابوفواز النويمي غير متواجد حالياً

ابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond repute

افتراضي

سميت باسم مكـوِّن الكـون سبحـان =محيي العظـام ونافـخٍ بالجسـد روح
هـو واهـب الهيبـة نبيـه سليمـان =وحكم النجـارة واهبـه للنبـي نـوح
بسماه للمؤمن حمايـة عـن الجـان =وتوبة خطأ عبده لهـا البـاب مفتـوح
وأباأجتهد وأصيب وأخطي وأنا إنسـان =وخطاً ماهو مقصود بالعـذر مدمـوح
وكان القبيلة قلـب والشاعـر إلسـان =مشاعر الشعّـار بأمجادهـا شحـوح
كـم شاعـرٍ فكـره بالإبـداع مليـان =وحلقه على تجريح الأمجـاد مبحـوح
مادام مالفّوا علـى الجسـم الأكفـان =والله لأشيـد بمجـد الأجـداد وأبـوح
ما أرضى يقال غليص وإلا إبن برمـان =وأنا أعتزي عزوة (سوالم ومسـروح)
عزوة لها فـي قمـة المجـد عنـوان =حربي وترهب عزوتي كـل طحطـوح
بفعلٍ مضى له قبـل الآمـان برهـان =وقولٍ بلا برهان .. ضحضاح ويـزوح
مـدوّن البرهـان فـي كـل ديــوان =بفعلٍ يزيـح جـروح ويغمّـق جـروح
بشلفا ورمح وخطام وسنـان وعنـان =وقول وفعل ماهي سواليـف ومـزوح
سقنا العـدا سـوق المثيـرة لربـان = والحي مـا رد النقـى بثـار مذبـوح
تاريخنـا حافـل بسيـات وحـسـان = منّـا ولنـا مجـدٍ ينابيـعـه تـفـوح
تذن بـه الشيبـان باسمـوع شبـان =ولامات مـن فعلـه بذكـراه ممـدوح
إلنـا ثلاثـة ملـك مامثلهـن كــان =نفدا الخوي والجـار بالمـال والـروح
ونآسم عصا العاني علشـان مايهـان = وبسلمنـا دم النقـا فيـه مسـفـوح
وإشهودهن بالصـك شمـر ومطـران=حتى نقـول العلـم مقفـي ومنطـوح
وفي قـارة الأسـلاف شيِّـد لسلفـان =بيتٍ ذرى وظـلال عـن كـل لافـوح
(إبن نحيت) ليا اعتزوا فيـه صدقـان = خلَّى المشوَّك في دجى الليل له ضـوح
يبشر بعز من إعتزى باسـم( مزنـان) =نسـوان عدوانـه زغاريدهـا النـوح
أحفاد من للمصطفى أصحاب وأعـوان =واِلهم مع الهـادي غـزوات وفتـوح
(ويوم إِنَّ) نجد لقـرَّح الخيـل ميـدان = كم حد ممنـوعٍ لنـا صـار مسمـوح
(شريدة الفرسـان) والسيـف فسقـان =كـم عيـن طمَّـاع كَحَلهـا بذرنـوح
ليا أومى بدس الطير راحـوا شبختـان = له عزوةٍ يرهـب بهـا كـل مشفـوح
( ومحمد أبا الرووس )كم راس طمعان =بحد اللويصق عـن تراقيـه ممسـوح
فعـلٍ يسمـى بـه هكااليـوم لَـلآن =ذكره مع أهـل المجـد ماهوبمسنـوح
(ومجوّز العزبان ) زيـزوم الأضعـان = لولا الفعل ماجاء لـه الأسـم ممنـوح
من رافق (سعيّد) رجع معـه كسبـان = ماقالوا (الذكري) رجع مثـل مايـروح
ووثايق التاريـخ بإسـم (المضيـان) = لولا (ولد موسى) تعـرَّض لسامـوح
ولولا الحقايـق ثابتـة لأهـل الشـان = رجع بها( فايز ) على حرب مكسـوح
ماهـو تنبِّـي للحـدث مثـل كَــرَّان =جاب الخبر من يوصله عـزم وسبـوح
بدلايـلٍ مادلّـهـا كــل شـرهـان = قص الأثـر للذاهبـة مبعـد الشـوح
وإقتادهـا قـود المطايـا بـالأرسـان = ويالمبصر إقرأ ! ويالعمى تابعـه وأوح
مدونِـه للـي للأمـجـاد ضـرمـان =بعذب الشـراب وزاد ميـدم ومملـوح
وياللي تقول بمااحتوى مانـي قنعـان =إفزع ولا أقـول الخطرعنـك مطـروح
أمـا يجـي مفـزاع قابـوس لعمـان =وإلامثـل فـاروق والمـوج واللـوح
للطايرة ( كبتـن ) وللسفـن قبطـان = ولاجاب جوهرْة البحـر كـل سابـوح
ورعيـةٍ معهـا جنبـهـا ورعـيـان =وشهودهـا بأفعالهـا شمَّـخ تـلـوح
والهاملـة ماخلّصـت ديـن ديــان= ولا يقتعد راسٍ على الزيـف مسـدوح
وبيتٍ بَـلا بيبـان لـو فيـه سكـان =الباب عن صلف الهواء فيه مصلـوح
قلته وأنـا بتقصيـر تعبيـري مـدان= مير القريحة وقَّعَت فـي صفـا صـوح
والشعـر لـه نقّـاد تعبـيـر وأوزان =وماقـل دل وزبـدة العلـم منـضـوح
وإليا اعتبرتوا غلطتـي كبـوة حصـان =من عفوكم ياأهل الوفاء الصدر مشروح




التوقيع :
    رد مع اقتباس
قديم 25-03-07, 11:31 PM   #8
مؤسس ملتقى قبيلة حرب الرسمي
 
الصورة الرمزية ابوفواز النويمي

 










 

ابوفواز النويمي غير متواجد حالياً

ابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond repute

افتراضي

قصيدة مهداة الى الاخ الفاضل / تركي بن فهد البعيّر الحربي:

يابو فهد زبنـت بـك مـن زبنـي =بالوايلي يالسالمـي جيـت ناصيـك
من طيب ظني فيك لا خـاب ظنـي =وأنته بفعل الخير تشكـر مساعيـك
الطيب ما جاء لك بهـرج أو تمنـي =الا عقـب مجهـود لا تبّـن ايديـك
يفـداك رجـلاً شوفتـه بالتـدنـي =ماهو جدي الـى تجديـت يجديـك
اللي على دروب الوفـاء مستكنـي =إمسكـرٍ عنهـا جميـع المساليـك
يمه إعزوم أهل الوفاء ما عزمنـي =وعملة مثل شرواك لهل الوفاء شيك
علوم الثناء اليا مر ذكـرك عطنـي =عنك العلوم الطيبـه قبـل لا أجيـك
ملكت فيهـا رجـال وأنـا املكنـي =ذكرك بفعل الطيـب تـاج لعوانيـك
دروس الليالـي الماضيـه علمنـي =ذكر الفتـى ياجاهـلاً فيـه يفتيـك
وفي ما سمعته منك جـزواك منـي =الله يضاعـف يالبعيّـر حسانـيـك




التوقيع :
    رد مع اقتباس
قديم 25-03-07, 11:32 PM   #9
مؤسس ملتقى قبيلة حرب الرسمي
 
الصورة الرمزية ابوفواز النويمي

 










 

ابوفواز النويمي غير متواجد حالياً

ابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond repute

افتراضي

بعد إطلاعي
على قصيدة الشاعرة :
(( النرجسية ))
أجبتها بهذه القصيدة التي كتبتها رغم إنشغالي .., وقد نقلت لي القصيدة المسندة سماعا ً
بالإضافة إلى أن إطلاعي عليها متأخرا ً ... وأعتذر عن أي خلل أو قصور دون قصد ...
فقـــــــــلت :
ماللأصيله غير أخوها الأصيلي=ولا للعـِلاقه غير أخوه العـِلاقه
النرجسيه جابت آخر موديلي=وتطرّقت طاروق ما هو سـِـراقه
وأنا من اللي لي ويش يغديلي=كل الحقوق مسجــّـله بالبطاقه
يامرحبا ترحيب نو ٍ ثقيلي=للبرق بعروض الخيال إنشعاقه
يفرحبه اللي كل ذوده هزيلي=ما عنده اللي ما يذوق ٍ ذواقه
لوالله أحلى من حلا السلسبيلي=على الكبود المرهقه عقب فاقه
ما أقول غير من الكثير القليلي=ترحيبة المشفي بشوق وشفاقه
يابنت ما ني للمشاكل كفيلي=آخذ جلال العلم وأترك دقاقه
لوا هجادي منك وآطول ليلي=أبحث عن الجوده برفق ورواقه
أحاول أقنع كل من يشتكيلي=اللي من الأجناب ومن الرفاقه
واللي يدوّر حل للمستحيلي=ماله سوى حل ٍ يضيــّق خناقه
عسى الثـّـقه من كل جانب حصيلي=والآدمي لولا الثـّـقه وش وثاقه
عندي ثقه في عملتي وبعميلي=ما أحمـّله مشروه خارج نطاقه
أرد كان الحق ماله بديلي=والكذب بظهار الحقايق زهاقه
ولاني برأيي حسب عرفي بخيلي=ولا أبادل الجاهل كفوف الحلاقه
عندي دليل إن الثـّقه ما يعيلي=ولابد للعاقل بوقت إنعزاقه
وأهل الكلام السيء ما أخلوا سبيلي=قبلك لحقني من غثاهم لحاقه
لو ضقت ما أشعل بالزناد الفتيلي=مرونتي خشنه ولاهي رقاقه
يابنت ما أشفي بالنميمه غليلي=أقول وأقابل بدون إدّراقه
ولا تجاملين مروّجين النقيلي=وراع النـّفاق يطق مع عظم ساقه
يعني على ما قيل مثل الرجيلي=وإن قيل هذا ليه؟ قولي حقاقه
يالنرجسيه لو مصابك جليلي=العود الأزرق جودته بإحتراقه
وتقبـّلي تحيتي وإسمحيلي=القاف متعبني بكثر إنطراقه
الشـــاعر :
(( زيـــد بـن مبشـــّـر الحصــني ))




التوقيع :
    رد مع اقتباس
قديم 25-03-07, 11:33 PM   #10
مؤسس ملتقى قبيلة حرب الرسمي
 
الصورة الرمزية ابوفواز النويمي

 










 

ابوفواز النويمي غير متواجد حالياً

ابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond reputeابوفواز النويمي has a reputation beyond repute

افتراضي

قصيدة مهداة للشيخ بندر بن عمر بن ناحل

جاني يابن ناحل وانا جيـت يمـك =واليا وصلك العلم وصل النهايـة
يسوقنـي يمـك بعلـمٍ يهـمـك =لولاه ما أعطيت الـولاء للولايـة
ويقول حقه ضاع وأقـول عمـك =بندر ولا له غيـر بنـدر حمايـة
واليا وصلته حط رأسـك بكمـك =مالك وراه من العوانـي عنايـة
والله مـا اقـول الكـلام اتنمـك =ولاني بقصـادن يحـب الدعايـة
في حضرتك يمدحك وان غبت ذمك =والله مـا تفـرح بذمـك اعدايـه
ودمي يابن ناحل فصيلـة لدمـك =وطيبك يوصـل للعـلا مستوايـة
وتمت عسى الله يرحم ابوك وامك =وفاك يرفى ما حصل من خطايـة




التوقيع :
    رد مع اقتباس
إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

IP



الساعة الآن 08:00 PM


Powered by vBulletin® Copyright ©2000 - 2023, Jelsoft Enterprises Ltd. Designed & TranZ By Almuhajir
Ads Management Version 3.0.1 by Saeed Al-Atwi
ترنكات لخدمات الويب