عدد الضغطات : 957

 


العودة   ملتقى قبيلة حرب الرسمي > ๑۩۩ ملتقيات الـمـوروث الـشـعـبـي ۩۩๑ > مـــلــتـقى الـــمـحــاورة والــردًيه

مـــلــتـقى الـــمـحــاورة والــردًيه [اللقاءات والمنقول]

إضافة رد
 
أدوات الموضوع انواع عرض الموضوع
قديم 03-06-20, 06:02 PM   #1
شـــــاعر

 










 

صقر المراقيب غير متواجد حالياً

صقر المراقيب is a splendid one to beholdصقر المراقيب is a splendid one to beholdصقر المراقيب is a splendid one to beholdصقر المراقيب is a splendid one to beholdصقر المراقيب is a splendid one to beholdصقر المراقيب is a splendid one to beholdصقر المراقيب is a splendid one to beholdصقر المراقيب is a splendid one to beholdصقر المراقيب is a splendid one to beholdصقر المراقيب is a splendid one to beholdصقر المراقيب is a splendid one to behold

افتراضي ( الدُّرّ غالي )... محاوره

خالد بن عبيد بن معتوق الأحمدي

سلام تثمينه يفكّ النّاس من بعض الكلام
يمشي على ضو القمر لو القمر يشبه ضياه
ابو محمد من زمن مانسمعه ردّ السّلام
وماهي بعاده فالوفي اللي شهَدنا في وفاه

بخيتان بن بخيّت البشري

ترحيب وافي بالرجال اللي لهم كل احترام
مثل الخيال اللي بروقه شفتها ماشفت ماه
ابو محمد من زمن سهران عينه ماتنام
اللي شهدتوا في وفاه الوقت ماغير بناه

خالد بن عبيد بن معتوق الأحمدي

دام البقا دام الوفا مازال فقلوب الكِرام
أقبل ظلام الليل مير النّجم مانوّر سماه
لدّيت عيني فالشّجر فالغُصن ماشافت حَمَامَ
واقفيت عن وادي من أوّل كان يجذبني هواه

بخيتان بن بخيّت البشري

عِدّ الوفا يابن عبيد اليوم ماحوله زِحام
نجم الثّريّا في سماه ومعتلي عمّا سواه
لدّيت عيني فالسّما ماشفت فيها صقر حام
وآنا من أوّل خابره فالجو يقنص مابغاه

خالد بن عبيد بن معتوق الأحمدي

الجوهره من سامها في سِعرها حسب الجِرام
يلقى زباين تدفع الغالي وترفع مستواه
وانا لقيت افسوقها عاصم يبي يطرح عِصام
وعصام مايدري عن اللي يمكره عاصم وراه

بخيتان بن بخيّت البشري

الدُّرّ غالي ياعريب الجَدّ والغالي يُسام
وماكُلّ تاجِر فالعرب دُرّ الجواهر مُقتناه
عصام يدري وش ورى عاصم ولايبغى ملام
عاصم حبكها خُطّته وعصام جا واظهر خفاه

خالد بن عبيد بن معتوق الأحمدي

ابديت تحليلك ورايك مير مايبدو تمام
بعض الكلام نوافقه والبعض عارضنا خطاه
وماهي غريبه لو حُسام يقوم ويشيل الحُسام
بس الغريبه يكسر بيمناه يُمنى من حماه

بخيتان بن بخيّت البشري

كُلّاً وله وجهت نظر ماهي سوى فالاهتمام
كُلّاً على دربه مشى واللي كتب خطّه قراه
يابو عبيد معاملتكم مامشت حسب النّظام
ارجع وعيد أرقامها والعم ياصل منتهاه




التوقيع :
طرفي معيـي يجيـه انعـاس=من جرحي اللي منه محمـوق
اقرا عليـه الفلـق والنـاس=ايخـدّ ساعـه وثـم ايفـوق
الشاعر / خالد بن عبيد بن معتوق ألأحمدي
    رد مع اقتباس
قديم 04-06-20, 11:56 AM   #2
مستشار ملتقى الالغاز
 
الصورة الرمزية حسيـن

 










 

حسيـن متواجد حالياً

حسيـن is a splendid one to beholdحسيـن is a splendid one to beholdحسيـن is a splendid one to beholdحسيـن is a splendid one to beholdحسيـن is a splendid one to beholdحسيـن is a splendid one to beholdحسيـن is a splendid one to beholdحسيـن is a splendid one to behold

افتراضي

صحت الالسن وبيض الله وجيهكم




التوقيع :
    رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

IP



الساعة الآن 12:24 PM


Powered by vBulletin® Copyright ©2000 - 2020, Jelsoft Enterprises Ltd. Designed & TranZ By Almuhajir
Ads Management Version 3.0.1 by Saeed Al-Atwi
ترنكات لخدمات الويب