عدد الضغطات : 0
الشاعر عبدالله بن زويبن المعمري الحربي.رحمه الله...سمعت لي كلمة مدري وش اقصاها=حزت بنفسي وأنا مانيب هارجها.....لوكل كلمة إلى جتنا طردناها=بعنا الثمينة بسعر مايخارجها......لو مرت السمع ماكنا سمعناها=ونقفل الراس عنها لا يبرمجها......ومن يم هذا لهذا مانقلناها=والناس واجد وتلقى من يروجها.....من جابها بين خلق الله وداها=لو به مراجل ترى نفسه يسمجها..........الشاعر// محمد بن شبيب الحداري رحمه الله ...........لا والله الا راح دور البداوه=ودور الركاب اللي عليها الشنوفي........ ومجالسٍ فيها لهلها طراوه=عنها الشوايب والهزيل محذوفــــي...... وراح الزمان اللي لعيشه حلاوه=واللي على الغارب رجع للردوفي.......... قالوا تسير قلت مامن فضاوه=قالوا علامك قلت عيت ظروفي........ اللي مضى بالنفس عنف وقساوه=واليوم أخلي كل عوجا تطوفي...... وأضحك مع اللي لي يكن العداوه=وأن صفقوا صفقت له بالكفوفي....... نخاف من دقة خطات اللعاوه=رادي نصيب وناقرٍ له علوفي........ يزعل على اللي يسوق الأخاوه=وذلوا معطرة النمش والسيوفي........ والمرتفع قالوا مثل ذاك ساوه=وشربت غثاريب الغريف العيوفي........ عين الغضب تفتح عليك السماوه=وعين الرضا لوبك خطا ما تشوفي....... هداج مات وجات غيره أجباوه=والروس قامت تدرق بالكتوفي............الشاعر/سالم بن مهاوش الحربي .....اللي ماتنفع به صنيعه و لا لين=ان راح قله روحت مقيط ورشاه......والله لو انه مين و لا ولد مين=من لايعدّك ذيب عدِّه ولد شاه.........الشاعر/ شموخ السلاطين........الوقت يكشف لك الناس وشهي من تكون....اما من رجالها ولا من رخومها.....اللي معادنهم ذهب فالوازم يصملون ......مايلوي ذراع الشدايد غير زحولها ................الشاعر / عبدالرحمن سليم الصاعدي(البيرق)..... في ملتقـى حرب الحرايب بدينـا /حرب الدول ربعي وهم تاج راسي .......قوم جمعـت مابيـن دنيـا ودينـا /الله عطاهم لين جانب وباسـي .......جند السـلام وضربهم باليدينا /عند الملاقى للمعادين قاسـي .......مكرمين الضيـف سمن وسمينـا /وسبع الخلا عشوه يوم العماسي..............الشاعر / خالد بن ماطر الحربي ....كل ماصادم الراس القوي زدت قوّه=والردي لو يزيد الهرج مازاد غلّي .....والجبل كل مالديت وانا علوّه=مايباريني براس الجبل غير ظلّي .....ليه اعادي قليل الخاتمه والمروّه=لاتجملت فيه وصد خله يولّي .....ودك ان الرجل يختار حتى عدوه=قبل يختار خلان النشب والتسلي ' ...........الشاعر/سند مسند العريمه الحربي........ لا صار ماتبدع إبيوتٍ ثمينه= = ريح ضميرك واترك الناس ترتاح ياما سمعنا من قصايد عجينه= = والمشكله حازت جماهير وأمداح في عالمٍ تصفق يساره يمينه= =وكل القصايد عنده إسمان وصحاح ميزانهم صوتٍ تعالى رنينه = = تلقى جماهيره لها صفق وصياح خلوا تقاليد العرب والسكينه= =في ليلهم مسراح والصبح ممراح ويااللي على الشاطي تدف السفينه= =عود على الساحل ترى مانت سباح البحـــر يبـغـاله رجــالٍ رزيـنـه= = له غـبـةٍ تـجـذب جـمـادات وارواح وخلك على كشته قريب المدينه = = دلــه وبــرادٍ له البـــال يــرتــاح...........الشاعر / بخيتان البشري .......ماضاق خاطر من نودّه ونغليه = لو البحر من ضيقته ضاق به ماه ..... مودّنا غالي و ودّه نخليه = غالي ولو كل العمر مالقيناه .......والي تولى للمشاعر موليه = قلب المودّ اللي وداده تولاه .........طيبّ خواطرنا بكامل تحليه = بصدق الشعور اللي عليها صدقناه ........اللي بصوته همنا دوم يجّليه = وبصوتنا قلبه من الهم نجلاه.........الشاعر /سعد المحمدي .........دريت باللي دار خلف الكواليس=وحطيت نفسي كن ماني بداري=بعض الامور اقيسها بالزمن قيس =وبعض الامور اصير فيها انتحاري=ان جيت يطفي نور كل الفوانيس=وان غبت غني ياطيور الكناري............الشاعر/عيسى العوفي..........وجهة نظر ماقول انا قولي مصيّب=ابديت رائيي مثل للرائي من قال.....ان جيتني بالطيب آعاملك بالطيب=ردالجميل وشيمة ارجال للرجال.....وان جيت في علم الردى ماقربه عيب=تكرم بها مالي مع العيب مدخال.......طبعي وربعي محتمين المواجيب=حربي بدربي متبع النذل لاعال.......العز لو تشويك حر اللواهيب=موتي ولاقوتي ورى ايدين الانذال......العمربامرالله وماقدّره غيب=والراس تصعب رفعة الراس لامال......وسيرة ارجال الطيب منها المكاسيب=نوريدل اللي جهل يقدي الضال......اخذت من غيري ادروس وتجاريب=اسئل وآخذت العلم من رؤس عقّال................الشاعر ( سعد المحمدي )............يابو فهد برق المزون النوازي=حجاز وانت بعالية نجد وبال=بينك وبينه بعد دار وغرازي=سيله بحر ياراعي المعدن العال=ماله مصب بداركم ورتكازي =العلم مايجهلك في كل الاحوال=يكفيك عن مية قليب ارتوازي=نهر الفرات اللي من الجال للجال=ابن المباني فوق ساسن عزازي=وقت الشتاء تذري وبالقيض مقيال=يامحزمي لاصبح الدار غازي=دنياك تبغى للعقد رجل حلال=واللي بها بالحالتين انتهازي=لابد مايلقى بها شمس وظلال=عن الحجاز اسمع كلام الحجازي=كلام حطه يارفيقي على البال=من التجارب دوبلماسي جوازي=عليه ختم المعرفه تقل تمثال=ياعل ماقلته على ارضاك حازي=في وقت ماينصح معك كل من قال.........الشاعر(زيد بن مبشر الحصني الحربي) رحمه الله ............أقول وأقابل ولاني بسايل=دام الكلام عن الحقايق مباحي=عندي على صحت كلامي دلايل=اموحهن من جم عدٍ قراحي=شفت وسمعت وقلت والرأس طايل=باللي على الساحه ولا هو سياحي=الله يجمل حال راع ألأصايل=حازن على الجوده بكل النواحي=والله ماجامل براعي الاوايل=لو ضاق من قولي زميلي مناحي=وشاعر قبيلة حرب عند القبايل=لافي حمود وبس حسب إقتراحي=ومن قال أنا بقول ويش انت قايل=أنا افتخر بجود ذخيرة سلاحي=ماشلت هم ملقحت كل حايل=اللي على ماقيل خف وجناحي ................الشاعر (مقبول حامد المحمدي).........بحثـــــت في قول البخاري ومسعود=والترمذي وكتـــــاب مسلم وماجه=وحتى النسائــي ما ذكر طب موكود=للصرقعه والعلعله واللجاجه=يا صاحبي ياراعي البيض والسود=ترى الكلام الشين عيــــــــب وسماجه=انا أعرف المقصــود والغير مقصود=ولا أحـــب هرج الثرثره والهماجه=الرجل ماهــــــــو للتفاهـــات محدود=ولا كل كـــلمه تستحــــــق المواجه=من سبب الفتنه ماهــــــــو كاسباً فود=ماحصّل الا لكمــــــــــتن في حجاجـــــه=جاه الخبـــــر مكتـــوب في رأس عبرود=عن حاجته كانـــــه بعمــــــــق الزجاجه=صحيح قالو يقـــــــرد النـــــاس مقرود=ويخسر غـــشــيـماً مايميـــــز خراجه=بعض العرب مـن راســــه العقل مفقود=ينفخ ذروبــــه ويتلقــــا العجـــاجــــــه=لو تنصحــــه عن سكـــــة الغي مايعود=ويترك قراح الماء ويشرب هماجه=يالله ياللـــــــي عنــــــدك الخير موعود=تجعل لنا مـــــــــن كل هــــــم انفراجه=نغضي ونصفـــــــح لكن القلب ملهود=جرح الخطـــــــــا عجزت اواري خلاجه=ماني على كل الخطا سيـــــــف مجرود=ولا كل عـــــود اعـــــوج يعــدل عواجه=والشعر له مــنـــهـــــج وله سلم وبنود=ماهو كما ســــــــوق يلجلـــــج حراجه=شعري مع أهل العرف مسموع مشهود=ولاني على كيــــــــف الغشيم ومزاجه=امشي عزاز الدرب وأســـــــنـّـــد اسنود=وأدرى قدم رجلــــــــي عــن الانزلاجه=ارفا كلامــــي لايجـــــي فيــــه منقود=ولاهمني قول الحســـــــــــود ورواجه=اللي مقيمني وشاهــــــــد لي العــــود=شيخاً بصرح المجــــــد يضوي سراجه روائع شعريه

الشاعر/ بخيتان البشري ......ودعتنا والموادع صعب = رمى بنا فالفراق المُر..... لعب الحزن فالمشاعر لعب = ما مر مثله ولا بيمُر.......الشاعر/احمد المحمدي...... ‏‏‏‏للي سألني يجي ويروح /من انت يبغى خبر والم /حربي انا من بني مسروح/ وعيال عمي بني سالم........الشاعر / بخيتان البشري .....قلبي طلع من قلوب أصُم = اللي لهم قلب من قلبك..........كل ما النصائح عليه تعم = حول الهوى زاد في قربك ...............﮼الشاعر/قابل﮼البشري﮼(الجمل)......مايزعّل الحق لا قلته /إلا من قلوبهم مرضى.....ومن كلمة الحق زعلته / عساه يزعل ولا يرضى...........الشاعر ( راشد الزهراني ) المحيط ........سقيت روضك من دموعي = وطول الدهر مستعد اسقيه...... ولايلومني حي في ربوعي = لو كان دمعي نهر مجريه ..............الشاعر / نفاع محمد السهلي ابوفرح ..........تدري متى يلفض الرجال ....في دنيته اخر انفاسه /لاحده الوقت للانذال ....دمعت قهر نكست راسه.......................الشاعر / حفيد_الحجيري.......الشوق مهما قِدَم ما يبيد=مثل السماء والهواء والطير......كل عام وأنتي هلال العيد=الله يعُـوُدِك عليّ بِخَيْر...............الشاعر ( أحمد بدين القايدي ).......كسب الفتى طيب أفعاله / اللي بها ينتهج له درب = وانا كسبته من رجاله / وافخر لأني فتى من حرب .............الشاعر العذب /عبدالعزيز الزويهري ابو بتال .......وا صدمتي صدمة منكد =أعيد مسترجع اللي فات.........و أزيد أسأل أبتاكد= صحيح ماهر صديقي مات؟...............الشاعر/ حمدان دراج القايدي .... حلفت اني اصون العهد=اللي من سنين اعطيتك....رغم العنا والجفا والصد=ماقد فيه يوم جاريتك.................الشاعر / نفاع السهلي ابوفـــرح ........عندي أمل فيك يا.. بكـره = تمحي بقايا جروح .. الأمس ....وقلوب حبت ولا تكــره = تشرق لها من جديد الشمس.............الشاعر/أبن رهدون.......أيامنا اليوم لو تحسب =دنياك يالادمي ساعه.....والمؤمن اللي لها يكسب =يعيش باقي العمر طاعه........الشاعر/عبدالعزيز الزويهري ابو بتال...........غلاك عندي غلاة العين=ياللي من الشوق ناديتك =معاك وحده من الثنتين= ان كان ما جيتني جيتك...............الشاعر/ سلمان القريقري ابوعمر ( حرب )........حتى النجاحات تتحقق=من دونها شروط للتحقيق...قال المثل يد ماتصفّق =تبغى لها يد للتصفيق.......الشاعر / سالم البشري ......مابين قسمه وجمع وطرح=لاهناك قلبي ولاهنيّه........كيف اهتني من هذاك الفرح=وارتاح من كل مابيّه.........الشاعر/خليفة المزروعي...........إهيا كذا كنها سرقه/=/لدة نظر يوم طالع في.....لوكان من بندقه طلقه/=/اهون عليه تراهاشوي...........الشاعر/ عبدالعزيز الزويهري...........البُعد خلّف جفا و صدود= وعشنا في زمانه بدوّامه ..........مدري زمان الصفا بيعود = و الا ّ قضى و أقفت أيامه ؟...........الشاعر / شاكر القايدي ......يامن ينقذ جريح القلب ....اللي هموم الزمن جاته ..... كل مابغا يتجه مع درب... يلقى قطار السعد فاته.................الشاعر /صقر المقرح ..........يامن تخوض الهوى بعزوف= خليتني فاصعب الأوقات ....لا تكبّني والجروح نزوف= وتندم على الوقت لنّه فات.............الشاعر / عبدالعزيز رويشد ...... اعلم ترى خيرة الاصحاب=مثل الذهب نادر ومافي...من كل خمسين ضن تراب=اجرام واحد ذهب صافي.....الشاعر/عبدالعزيز الزويهري (ابو بتال).....من لا هوى زي محبويي==عايش غرامه على الفاضي ==انا على احساس مكتوبي==حسيت ربي علي راضي.....الشاعر / حمدان دراج القايدي.....عواطف القلب لك وحدك.... ياللي ملكت الحلى والزين.....مافي احد في البشر مثلك.....طيفك سكن داخلي بالعين........الشاعر /غافل الهم قلبي ....... مريت بيتك نهار العيد...لكن قفلت بيبانك....عارفك زعلان بالتأكيد...حرام ماتشوف جيرانك..........الشاعر / عاشق الاصاله .........لاغابت الشمس بانمسي=من دون مدعوج الأعياني......مع القمر يكتمل انسي=في تالي الليل لاجاني..........الشاعر / حرب - سلمان القريقري ....... واعيني اللي من اسبابه=زايد سهرها عن المألوف ..واخاف لن طول غيابه=تفقد نظرها معاد تشوف.......الشاعر / خليفة المزروعي ...........عزي وتاجي قبيلة حرب=يوم الهول مزبن الخايف ... يشهد لها شرقها والغرب=ويشهد لها المطلع النايف.........الشاعر / ابوفرح السهلي .....لك حق والناس بالمقياس = مثلك لها حقوق موثوقة ...ومن لايوفي حقوق الناس = لايطالب الناس بحقوقة...........الشاعر / عبدالعزيز الزويهري ابو بتال ....هواك أعمى عيون الشك=لولاه يمديني احرقتك /لكن بإيمان ودي لك=كذبت نفسي و صدقتك......... ..............تلميذ الكسرة / ..............ما تعلم ان الجمال يلمّ **** وحظي الردي قادني يمّه........ آنا اتجــرع مرار وسمّ **** وكنّـــه يكـــايد ولا همّـه..........الشاعر / ابومبارك اليوبي.......خـذ المـثـل ياعـريـب الـجـد=اصل الشجاعه صبر ساعه=لايـغـرك الـزيـن يــوم يـلــد=اصبر وخلـك علـى الطاعـه................الشاعر / بيان الصمت ....سلام من قلب تلعب به=زود الهواجيس وأحواله=والوقت ما فادني طبه=من ظلمة الدرب وأهواله........الشاعر /وليف الشوق.....كل مانصحناك تتركني = وتشوفني من الد اعداك...واليوم لاعاد تنشدني = فيماحصل من مآسي جاك..........الشاعر / سرورالبشري ......طا وعت قلبي وما شيته= حتى رماني فدرب التيّه...ولا تنفع المبتلي ليته= لو جاء يعود معاد مديه............الشاعر (خليفة المزروعي)......عمر العجل مايضوي خير=يامحـسـن الـرجـل متـأنـي=الثقـل صنعـه ولــه تدبـيـر=وراع العجـل دوم متجنـي............الشاعر/خالد بن عبيد بن معتوق الأحمدي....... زايد بحسنُه على جيلُه= وكاسِب رضايه رغم عِندُه=ومن يوم يطلبني آجيلُه=خمسة دقايق وأنا عِندُه......الشاعر(ابوفـــرح)....عنـدي أمـل فيـك يـا.. بـكـره=تمحي بقايا جروح .. الأمس=وقـلــوب حــبــت ولا تــكــره=تشرق لها من جديد الشمس........الشاعر (حامد بن غالي السليهبي)(حسيبك للزمن) رحمه الله .........ناديت قلت انتهى صبري = واغبر زماني طِواني طَيّ=والناس بالحال ماتدري = اظمأ وجنبي غدير المَيّ.............الشاعر / محمد بدين القايدي ( السينات ) ......أدلِّـــــلـُــه دائماً وارضيه=والبِّسُــه ثوبه المألوف...لكن بِطبعُه يفرِّط فيه=ويخلِّي مَنْ لا يشــوف يشـوف.............الشاعر بخيتان البشري / ليه المجرة كواكبها=احيان عكس المدار تدور .. بحور تغرِق مراكبها=وتخلف نمط سيرها فبحور.......الشاعر ( حمدان دراج القايدي)......هليت دمعي من أسبابك = وجرحي نزف داخلي مقواك ‏=محتار وشهو اللذي صابك =الجرح في داخلي ماشقاك...........الشاعر ( راشد الزهراني )......حتى جبال السراة تحن = ماهي كما قلبك القاسي = يامن بوصلك على تمن = ودايم تعكر صفا كاسي ..........الشاعر ( خليفة المزروعي ).......ابوك يبني عليك امال / حذراك لاتخيب اماله /حاسيك لامالت الأحوال / إنت الجبل يجلس إظلاله........الشاعر( عبدالعزيز الزويهري ابوبتال )...... راح الذي فارق أوطانه = و أفعاله فالطيب ما راحت = و الله من بعد فقدانه = عمدان صرح الأدب طاحت ........الشاعره (الكحيلة) ......أتعبني القلب بحساسه=ادراه ويدور التعذيب= بهم ن ضلوعي حطب فاسه = من يطلع النجم لين يغيب .......الشاعر (حرب ابوعمر) ......قلبي سألني .حصل ماذا = تشكي ولاادري سبب شكواك = قلت انتظر فالوفا هذا = لكن تفاجئت جاني ذاك.......الشاعر (غافل الهم قلبي) ... احترت والقلب شايل هم /سنين مخفي الم جرحــــي =البوح ممنوع يالفاهم / راح العمر وانتظر فرحي .......الشاعر (ولد الساحل).....سبحان من بالجمال اعطاه / تحفه وتصوير رباني = سلهم برمش كحل غطاه = يرمي سهام الهوى فيني...........الشاعر ( نعيم عابد السيد ).....يا نار الاشواق ما تطفين / ما يكفي القلب واتلفتيه = هذاك لو كان ما تدريـن / سيب غرامك وولع فيـه ...........الشاعر ( احمد عاقل الغانمي ).......ابشتكـى راعـي الـدكـان / من بعد ماجـاب لـه هنـدى = ماعاد يرفق علـى الجيـران / حتى سلـف قـال ماعنـدى ...........الشاعر ( أحمد بدين القايدي ).......كسب الفتى طيب أفعاله / اللي بها ينتهج له درب = وانا كسبته من رجاله / وافخر لأني فتى من حرب .....الشاعر (عايش الدميخى ).......ابني فصرح الوفاء مدماك = يبقى مسجل عليه اسمك = ان عشت بالطيبة طريـــاك = ولا مت يبقى الثناء قسمك روائع الكسرات

 


العودة   ملتقى قبيلة حرب الرسمي > ๑۩۩ الملتقيات الأدبية ۩۩๑ > مــلــتــقــى الــقــوافــي > مــلتــقــى دواوين شــعــراء الــقــوافــي

مــلتــقــى دواوين شــعــراء الــقــوافــي [ جميع الشعراء ]

إضافة رد
 
أدوات الموضوع إبحث في الموضوع انواع عرض الموضوع
قديم 23-04-13, 04:49 PM   #1
شـــــاعر

 










 

ناصر بن مصلح الاحمدي غير متواجد حالياً

ناصر بن مصلح الاحمدي is on a distinguished road

افتراضي ديوان قصايد الشاعر( ناصربن مصلح الحربي ) ... جميل النوايا ....

بسم الله الرحمن الرحيم

يانجم ياللي مطلع الشمس يخفيك=وترجع لنا يانجم في كل ليله
اليوم فكري بالقوافي يناديك =من بعدها كلٍ يروح فسبيله
أبيات فيها النصح يرسي بموانيك=والمعذره يانجم لو هي طويله
اسمع قصيدي قبل مالفجر يمحيك=على النوايا الصادقه والنبيله
قصيدةٍ بالقاف تبنى على إيك=في بحرها المسحوب أرخي هميله
من راس عذبات المكارم أبرويك=وياما رويتك بالمعاني الجزيله
بنصح بها نفسي قبل ذاك او ذيك=العقل حكمه والليالي دويله
يانفس توبي قبل الاقدار تنهيك=مالك عن المكتوب منهج وحيله
حكم القدر لا جاك ماظن يخطيك=إمّا يجيك اليوم ولآّ تجيله
من يآمن الدنيا بيلقى الهواليك=وان طالت أيّامه تراها قليله
والصبر مفتاح الهموم الدواليك=وبلسم جروح المعضلات الثقيله
فِعل الفضايل مع سواها تداويك= وكلٍ بعد دنياه يجني حصيله
لاتشتكي لنّاس تمسي وتشقيك=وشكوى لغير الله تراها ذليله
ارقى سنود واعتلي في هقاويك=وابعد جنابك عن دروب الرذيله
وحافظ على دينك ترى الدين يحميك=تكسب رضا ربك وتجني الفضيله
صنايع المعروف من الشر تنجيك=تحفظك باذن الله وعمرك تطيله
وبر الأبو والأم ربك يجازيك=جنّات عدنٍ في رياضٍ ضليله
واغنم زمانك لاصفت لك لياليك=واشكر بها الرحمن تبقى عليله
سود الليالي عسرها من جنى ايديك=وكلٍ بصاعه من ذنوبه يكيله
لا تطاوع ابليسك على السوء يغويك=ومن طاوع الشيطان يصبح عميله
وسواس فكره بالشقى لا يدهويك=تلقى الخساره بالمكاسب نزيله
عن مارد الانذال جنّب خطاويك=ومن عاشر الانذال يجني الفشيله
واحذر من اللي لا قسى الوقت يشنيك=ممشاه أعوج احذره لا تعيله
الصاحب اللي لا غلا السوم يشريك=احفظ وصاله ولا تدوّر بديله
والمال كثره لا يغرّك ويطغيك=إجمع حلاله والوسخ لا تشيله
وربك ليا منّه من الفضل معطيك=وفّه حقوقه قبل ربك يزيله
قم للضيوف اليا لفوا في أراضيك=واكرم لحاهم بالسمان الجزيله
درب الكرم والجود يرفع معاليك=درب الكرم ممشى النفوس الجليله
صدق الحديث لخير الافعال يهديك=وراع الكذب للخير نفسه بخيله
عند اللوازم لا يخيب الرجاء فيك=ما للوفاء غير الوفاء هو سبيله
والجار له حقٍ ولو كان موذيك=بالصبر والاحسان تشفي غليله
وبنت الردى ولو كان بالزين ترضيك=حذراك منها تتخذها حليله
ماتستوي لغيرك ولا تستوي ليك=وتلقى التعاسه في جناها نزيله
من ما يعيّب ياابيض الوجه تسقيك=وبين الرجال اسمك يقيّد هبيله
عليك باللي من حياها تشافيك=عليك في بنت الرجال الأصيله
تحفظ لك فراشك وتحيا وتحييك=وتصبر على سود الليالي الثقيله
تمت ويانفسي انا اليوم بوصيك=قبل الجميع ان كان عقلك دليله
ناصربن مصلح




التوقيع :
    رد مع اقتباس
قديم 23-04-13, 04:51 PM   #2
شـــــاعر

 










 

ناصر بن مصلح الاحمدي غير متواجد حالياً

ناصر بن مصلح الاحمدي is on a distinguished road

افتراضي

بسم الله الرحمن الرحيم

هذه القصيده حاولت ان اشرح فيها واتكلم عن الحال العربي والثورات التي قامت بالدول العربيه او مايسمى بالربيع العربي وعن حال الشعوب فيها حسب وجهة نظري المتواضعه .
وايضا دفاعاً عن رسول الله صلى الله عليه وسلم والحرب الاعلاميه ضد الاسلام
اتمنى ان تنال استحسان الجميع

سلام مع باقه بها الورد فوّاح = ممزوجة(ن) بالود مع كل تقدير
للشاعر اللي للجزيلات لمّاح = نظم القوافي هو لها دايم ايدير
وازيّنه بعد التحيّات بوشاح = من نور شعشاع القمر زاد تنوير
وبرسل له ابيات(ن) بها الراس قدّاح = ابيات شعر(ن) تنشد اليوم تفسير
يا بو طلال الفكر بالحال سوّاح = حال البشر من حولنا شايفه غير
البارحه في غيهب الوضع سبّاح = واليوم في دربي علامات تحذير
حال(ن) غدا مابين الاجناس ياصاح = فيه الخطر مكتوب في وسط تقرير
شي(ن) يخلّي صاحب العقل شوّاح =هي فتنة(ن) ولآّ حساب(ن) وتطوير
ثورات قامت بين صايح وذبّاح = في ديرة الاعراب فواحة الكير
وكم راس بعد العز ياصاحبي طاح = وامسى سجين(ن) بعد صفوه بتعكير
وفي ليبيا بالحرب كم راحت ارواح = وفيها النساء صاروا ارامل بتهجير
وقذّافها جرذ(ن) توطّاه تمساح =جاثم على خشمه بالاقدام تعفير
عساه في نار(ن) تلظّى وتلفاح=ويحاسبانه منكر اليوم ونكير
و في سوريا دم البشر بالثرى ساح=واخبارهم مابين قتل(ن) وتدمير
وناس(ن) على السنّه تحت بطش سفّاح =واطفال مثل الزهر تقطف بتنحير
نبكي عليهم بعد ما تنزف جراح = شعب(ن) فنى من دون مانشوف تغيير
عامين تمضي والمشابيح تجتاح =ارض وعباد وشمخ(ن) راسها يطير
وارض المجوس تمد طاغوتها سلاح =والفيتو من دار الحمر صوته ايغير
وقلوبهم بالغلّ تخطيطها فاح = رسم الخميني للمجاوير تصدير
وبعون ربي الفرج بيرقه لاح=في جيش حر واثق الخطوه ايسير
ويقطع لنا راس المجوسي وينزاح=وتخسى شياطين(ن) زبنها بتنصير
وفي تونس الخضراء تهاويل ونياح =خلّوا حراميهم بالاموال ايطير
حال(ن) غشاها من العسم يلزم ايضاح=ومن شرقها للغرب تحتاج تطهير
وارض العراق اليوم بالظلم تجتاح = طوايف وفتنه صحت بعد تخدير
والموت فيها بالهويه والاضراح = وحضارة(ن) ضاعت بليات تعمير
وارض الكنانه مابها الناس ترتاح = متجمهرين بوسط ميدان تحرير
ضاعت مباديهم ورآ كل شبّاح = ثورة جياع ولاجنوا خبز وشعير
حتى اليمن صارت تدوّر للاصلاح = متسلحين بجوع من دون تبصير
تقاتلوا كلن يدوّر للارباح=وضاع الامن فيها وتحتاج تجبير
واهل الكفر اعلامهم بالردى فاح = يستهزءون بديننا بدون تفكير
والقلب من غبنه صرخ دون صيّاح = حزب له ينّدد وحزب(ن) بتكسير
ونبينا محشوم من رسم فضّاح =ومن كل فاسق تابع لكل شرّير
ويحميه رب الكون من كل نبّاح= ومنهو تطاول عالنبي يموت فسعير
واستغفر الله كان بالوقت افساح = يغفر لنا زلاتنا وكل تقصير
ويالله يارب(ن) خلق حزن وافراح = يامنزل القرآن للخلق تبصير
تخزي نفوس(ن) شرها صار نزّاح = وتكوي بنارك كل ظالم بتحقير
وتحفظ لنا دار(ن) بها العز جمّاح=دار السعودي ولانبي غيرها دير
ومن حبّها نخفض لها الكف بجناح=نرخص لها الغالي وفدوه لها يسير
هي ديرتي ولو صار بالوقت مرواح =على الشريعه ماتزحزح ولآ تدير
شعب(ن) توالف مع ولاته وبسماح=فيه الوفاء من عالي الرجم للبير
وصلاة ربي عد نجم(ن) لنا لاح = على الرسول بأجمل الوصف تعبير
ناصربن مصلح




التوقيع :
    رد مع اقتباس
قديم 26-04-13, 03:42 PM   #3
شـــــاعر

 










 

ناصر بن مصلح الاحمدي غير متواجد حالياً

ناصر بن مصلح الاحمدي is on a distinguished road

افتراضي

بسم الله الرحمن الرحيم

سر ياقلم وابذل مع الفكر مجهود=عطنا القوافي لا تناظر عددها
وجّه كلامك يم ابو فارس حمود=الشاعر اللي للجزاله اسدها
ذاك الصديق اللي حوا الطيب بعقود=كل المراجل في صفاته حصدها
قل له صديقك من قسى الحظ ملهود=نار القهر من لين عوده وقدها
ياليت شعري ينفع اليوم ياحمود=ماغير أسلّي نفس عافت نكدها
وياليت شعري يجلي الهم ويجود=وتبرا جروح(ن) جوف صدري ضمدها
لبني قصايد مالها عد محدود=واحفظ قواعدها واثبّت عمدها
وآتلّها تل المواريد للذود=يسمع صداها كل منهو وردها
يدرآبها ناس(ن) مجاميع ووفود=يسلآ بها منهو لسانه نشدها
ومن زود ما بالقلب من شوق ياحمود= سالت مدامع من عيوني رفدها
ما عاد لي بالوقت احساس أو فود=تمشي الليالي كن شي(ن) طردها
غايب ولكنّي مع الناس موجود=أدوج فالدنيا وماني ولدها
غديت كنّي بين راحل ومطرود=يَسري وروحه بالهاوجس لهدها
كم كنت بالماضي بالافراح موعود=والعمر يمضي ما لقينا وعدها
ان جيت أدوّر للسبب ضاع مجهود=مابين ليه وكيف نقوا جهدها
يالله يا منشي هماليل ورعود= تلقى حياتي بزود فضلك سعدها
ناصربن مصلح


الرد من الشاعر حمود بن سعد الحربي (ابو فارس )

يامرحبا ترحيبتةٍ تمشي سنود = مثل المزون اللي ترزّم رعدها
ولاّ كما الطيب الذي بازرق العود = بين الرجال اللي تثبّت عهدها
يابو مشاري جاني القاف مسنود = من شاعر(ن) جزل المعاني وجدها
هيّضت فكري بعد ماقلت ياحمود = نخوتك للصاحب هذي ويش بعدها
يمناي للي مثل شرواك ممدود = والرجل ماتقصر عن اللي قصدها
افزع معك لو ثار بالجو بارود = ارجال تنخاني تراني سندها
لو نهدي اللي لامشت باول الذود = ذلول سمحه فوقها طول يدها
وان كان تشكي ظلم من شخص مقرود = لابد من يوم الزمان يهجدها
عسى الذي يظلمك يرقد بعبرود = من بندق (ن) تو ورّدت من بلدها
وان كان تشكي من عنا الوقت موجود = قبلي وقبلك ناس هم اظطهدها
على ظروف الوقت ماعندنا شهود = ولافيه قاضي للهموم وكبدها
كلاً على مايملك اليو م محسود = والناس شين اخلاقها من حسدها
اليا وردت انزل على طيّب عدود = وابعد عن رسوس الضما لاتعمدها
واطلب من الله عنده الخير والجود = يكفيك نكبات (ن) كثيره عقدها
يوجد ليالي بيض والباقيه سود = لعل حضك بيضها عن سودها
عسى الوناسه عندك تحل وتعود = وأفراح دايم كن ماحداً فقدها




التوقيع :
    رد مع اقتباس
قديم 08-05-13, 11:14 PM   #4
شـــــاعر

 










 

ناصر بن مصلح الاحمدي غير متواجد حالياً

ناصر بن مصلح الاحمدي is on a distinguished road

افتراضي

بسم الله الرحمن الرحيم


البل عطايا الله هوات المناعير=محد(ن) يرخّص سعرها من غلاها
يا ما حلا درّ البكار المصاغير=لا جيب للضيفان حزّة قراها
شمخ الذرا فيهاعجيب التصاوير=الله خلقها اية(ن)هو حماها
ضرب بها الامثال رب المقادير=من بين لحم ودم اخرج دراها
ماتلتفت لو كان تمشي مشاوير=سفينة الصحراء وزينة ثراها
ان شفتها تمشي تسطّر طوابير=مثل السريه والفحل من وراها
إن حدّها الراعي تجنّه مغايير=تحفظ طريق(ن) قد مشنّّه خطاها
وان دارها الحلاّب حنّت مزامير=تملا له الماعون لو هو بغاها
وان جاء فحلها تنحني له مداوير=إيديرها وهو بالهدير ايدراها
قامت تزاحم فوق حوض(ن)مساوير=وقامت تفاهق من روى جم ماها
وان جاتني تعدي تزرفل مزافير=هزّة ظهرها والحويّر ذراها
حمر(ن) وجهم(ن) والحلا بالمغاتير=وصفر(ن) وشعلا(ن)ما تميّز غشاها
فجّ المناحر شامخات المظاهير=من شافها سبّح لمن هو عطاها
نرخص لها الغالي وكل الدنانير=ماهي خساره بالذهب لو شراها
ملقى لها لو جيت أببعد معاذير=الروح معها والجوارح تباها
في جلسة(ن)فيها وجيه(ن)مسافير=بين الربوع وقمرة(ن)في سماها
والذود في شبكه بارض(ن)مقافير=وشرحة صدر لا ما ندوّر سواها
فيها القلوب انظاف نطق وتفاكير=عن الردى والسوء ربك عماها
ناس(ن) كرام ماتحسب المخاسير=على الوفاء والطيب منبع نماها
والمعذره ان كان جتكم تقاصير=تمت وفكري حسب شوفي بناها

ناصربن مصلح




التوقيع :
حربي ولي الفخر في حرب= فخر(ن) ورثته من اجدادي
هم عزوتي هم ضياء الدرب=وبزرع غلاهم بأولادي
ناصربن مصلح
    رد مع اقتباس
قديم 04-06-13, 04:26 AM   #5
شـــــاعر

 










 

ناصر بن مصلح الاحمدي غير متواجد حالياً

ناصر بن مصلح الاحمدي is on a distinguished road

افتراضي

بسم الله الرحمن الرحيم


بديت بسم اللي خلق كل الاجناس=الواحد المعبود رب الأنامي
بسمه نضمت القاف نضم(ن) على ساس=موزون في حرفه ونضمه تمامي
مفصل(ن) تفصيل ما فيه تلباس=من فكر صافي اكتبه بلتزامي
وكل(ن) على نفسه فطين(ن) وقيّاس=والله حسيب الكل يوم القيامي
ياكم رجـال نشوفهـم شكـل ولبـاس=ثـم يتبـيّـن جـوهـره بالكـلامـي
يعطيـك لا شفتـه عذيبـات الانفـاس=واليا اختلا يطلـق سمـوم السهامـي
مغرور فـي طبعـه وحظّـه بالتعـاس=فيـه الجهالـه ساكـنـه بنتظـامـي
ومن سلّم بفكره لشيطان خنّاس = ما ينفعه طب البشر والحجامي
يمسي على دسّ البلايا بوسواس=وعينه ملاها بالحسد والحرامي
ومن غشّ نفسه يقضي العمر بحباس =يسكن باوهامه بوسط الضلامي
ومن عاش بالحيله تقاذفه الاضراس=يفضحه رب الكون لو بعد عامي
ياناشد(ن) للصيت من دون مقياس= الصيت ماهو بالحقد والخصامي
ولا هو بتفضيلك بناس(ن) على ناس=ولاهو بالمعافر وكسر العظامي
والصيت ماهو بالدنانير ينداس=ولو كان سلعه لشتروه الرخامي
الصيت ينشد له رجاجيل فرّاس=أفعالهم وقت اللقاء والزحامي
لا هبّت الفزعه تقل طير قرناس=يتعب على وصل الرجال الحشامي
في واجبه ما يحسب حساب الافلاس=يوفي مع الوافي ولو بات ضامي
والصيت في طيب النوايا والاحساس=وتلقاه في حسن الخلق والوئامي
مومن بربه مالفى قلبه الياس=متمسك(ن) بالدين صلى وصامي
متواضع (ن) في عزة النفس بقياس=وفيه الكرم والجود صاب المرامي
في شوفته واضح ولافيه هوجاس=يمشي على وضح النقاء ما يضامي
هذي صفات اللي له الصيت نوماس= في قربهم تبرا الجروح السقامي
وصلاة ربي عدّ ما صلّت أجناس =على نبي الله محمد سلامي

ناصر بن مصلح الاحمدي




التوقيع :
حربي ولي الفخر في حرب= فخر(ن) ورثته من اجدادي
هم عزوتي هم ضياء الدرب=وبزرع غلاهم بأولادي
ناصربن مصلح
    رد مع اقتباس
قديم 13-07-13, 02:22 AM   #6
شـــــاعر

 










 

ناصر بن مصلح الاحمدي غير متواجد حالياً

ناصر بن مصلح الاحمدي is on a distinguished road

افتراضي

بسم الله الرحمن الرحيم

هذه القصيده أهديتها للشيخ صلاح بن فريج الزبالي الحربي وذلك بعد زيارتنا له بمنزله
برفقة الشيخ خالد بن جزاء الاحمدي
وبعد حفاوة استقباله لنا اثلج صدورنا ما سمعناه منه من طيب الحديث وكرم الضيافه وحميّته لابناء قبيلة حرب خاصه وما لمسناه من حبه لفعل الخير لجميع القبائل كافه
وتبرعه السخي في كل قضيه تخص أحد ابناء قبيلة حرب ولجميع المسلمين وأفعاله تشهد على ذلك .
وهذه القصيده تعبيراً مني عن اعجابي الشديد بشخصية هذا الرجل الفاضل ومنطوقه الحكيم وأفعاله الجليله ويستحق منّا ان نُشيد ونفتخر به وبمن هم شرواه من الرجال الافاضل
.

سلام ياراسٍ(ن) حوآ كامل الطيب =يانجم ساطع بالسماء كنّه شهاب
سلام سطّرته بوسط المكاتيب=فيه التحيّه والتقادير تنساب
بالورد زينّته لشيخ النواجيب=صلاح ابو صالح بن فريج له طاب
اطويرشي زبالي كريم المناسيب=من لآبةٍ(ن)بالخير تذكر بالانساب
الصدق يحضابه حميد العواقيب=الحربي اللي للوفاء دوم كسّاب
فيه الكرم والجود صقر المراقيب=ريف الضيوف اليا لفوا قرب واجناب
سبّاق للعليا بعيد المحاضيب=بالسر ولآّ بالعلن عند الالباب
فعايله تطلق حجاج المناديب = يشفي قليب اللي من الوقت متعاب
ماخاب ظن اللي يجونه مطاليب=وكم واحدٍ(ن) جاله من الهم منصاب
فرّج همومه من كثير المصاعيب=وبعون ربي الفرح دق له باب
عند اللوازم نظرته كنّه الذيب=وليا نوى جاب السمينه ولارتاب
إن جاد تبرد حاميات اللواهيب=وكم نفس اعتق قبل قصّاف الرقاب
بالامس شفنا من فعوله أعاجيب=عزمٍ(ن) يذلل كل عسرات الاصعاب
يجني بفعله بالفضايل مكاسيب=فيها الأجر من خالقه يوم الحساب
لجل القبيله من شبابٍ(ن) ومن شيب= صلاح في وقت المهمات ما غاب
في مجلسه شفنا جميل التراحيب=وشبل الاسد مع دلّة الهيل صبّاب
يومٍ(ن) جاله بن جزاء بالمناديب=قال ابشروا حنّا بني عم واصحاب
قال إبشروا يامرحبا بالمحاسيب=بالفزعه اللي مابها شك ورياب
واللي تبونه من ظميري أنا جيب=للحربي اللي بالسجن صار منصاب
وحنّا معاكم بالوفاء والمواجيب=هذي لنا شيمه وفي كل الاقطاب
من شرق ولآّ من شمال وتغاريب=بالخير حنّا مدّنا ماله إحساب
وشمس الكرامه عن ذرآ حرب ماتغيب=دام التكاتف بيننا حق ما غاب
وحنّا كما وبل المطر ساعة إيصيب=فوق الثرى همّال ينبت بالاعشاب
الله يبيّض وجهك وعمرك ايطيب=والاحمدي من جزل منطوقكم طاب
وتسلم يمينك ياكريم المعازيب=فعلك يسجّل بالتواريخ بكتاب
ويدوم عزك ياعطيب المظاريب=والفخر في شرواك فصّل له اثياب
والمدح فكرام اللحى مثلك ايطيب=اقولها والفخر يزهى بالاعجاب
هذي قصيده من ظميري بترتيب=من شاعرٍ(ن) من حرب للطيب جذّاب
من طيبها جاته قراح ومهاذيب=منهو قراها رحبّت فيه ترحاب
وصلاة ربي مابها شك أو ريب=على رسولٍ(ن) بالهدايه لنا جاب
ناصربن مصلح الاحمدي الحربي
[/quote]




التوقيع :
حربي ولي الفخر في حرب= فخر(ن) ورثته من اجدادي
هم عزوتي هم ضياء الدرب=وبزرع غلاهم بأولادي
ناصربن مصلح
    رد مع اقتباس
قديم 17-08-13, 07:27 AM   #7
شـــــاعر

 










 

ناصر بن مصلح الاحمدي غير متواجد حالياً

ناصر بن مصلح الاحمدي is on a distinguished road

افتراضي

بسم الله الرحمن الرحيم


ياعيد كيف العيد من دون الاحبـاب=وجدي عليهم وجـد غالـي لغالـي
قلبي على فرقـا عزيزيـن منصـاب=فيك الفـرح ياعيـد ماقـد طرالـي
ضاقت بي الدنيا ولا طـب ينجـاب=والعين تـذرف دمعهـا مـا تبالـي
ياوجد منهو في ذرا الليـل مرتـاب=يدرا همومـه فـوق روس الجبالـي
ياعيد ليت الموت ما غيّـب اقـراب=في فقدهـم غابـت نجـوم الليالـي
يوم اتذكّر جلسة(ن) نارهـا شـاب=فيها الكرام جلوس عـم(ن) وخالـي
واليوم سجّل فـي سجلاتـك غيـاب=منهـو تطـوّا بالثـرى والكفـالـي
ياكم فقدنا فـي ذرا الوقـت احبـاب=في كل عيـد يهّـل غـاب الهلالـي
حكم الزمان يتمّ ثـم يشعـل الهـاب=داخل خفوق(ن) سرفقتـه المحالـي
ياعيد كيف تهـلّ والقلـب متعـاب=والحـزن داخـل خافقـي لا يزالـي
في هاجسي ما عاد بضرب لك حساب=دام الفـراق يسـنّ سهمـه قبالـي
حالي معاك اليـوم ماعنـه مجنـاب=عجـزت ابنسـى طيّبيـن السبالـي
ياعيد فرحـك بالشقـى داخلـي ذاب=جال بصداها مـا يفـوق احتمالـي
وان جيت ابفرح فرحتي لوم وعتاب=كنّـي سجيـن(ن) كتّفتـه الحبالـي
دمعي على خدي ولا زال ينساب=يـوم اتذكّـر صافـيـات الليـالـي
انا اشهد ان الموت للحـزن جـلاّب=ما ينعرف له وقت ولا لـه ضلالـي




التوقيع :
حربي ولي الفخر في حرب= فخر(ن) ورثته من اجدادي
هم عزوتي هم ضياء الدرب=وبزرع غلاهم بأولادي
ناصربن مصلح
    رد مع اقتباس
قديم 22-09-13, 01:33 AM   #8
شـــــاعر

 










 

ناصر بن مصلح الاحمدي غير متواجد حالياً

ناصر بن مصلح الاحمدي is on a distinguished road

افتراضي

بسم الله الرحمن الرحيم






الشاعر ناصر بن مصلح الاحمدي الحربي =
البارحه ماذاقت عيوني انعاس=جالس لحالي والهواجس مملّه
ومركاي كوعي والهوى هب نسناس=وفكري مع ايام(ن)وحال(ن) مضنله
حال(ن) يبدّل صافي الجو بعماس =ولا هي بأول مرة(ن) قد حصلّه
واخذ واسنّد واضرب أخماس بسداس=ومن شاف عيني حزنها ما فطنله
والشيب في شعري غزآ هامة الراس= واقبل على جنبه وقام استحلّه
وناموس فكري دايم(ن) معي بعكاس=وعلى عجل جاني بسيفه يهلّه
وفكري غدآ من نار الاشواق قبّاس=عسى السنين المقبله تمهلن له
بعض الهواجس ياعرب توجع الراس= بالذات لا جالت بليل(ن) تعلّه
هذا وانا باقي مع الفكر محتاس=واحاول اسلآ مع قصيدي واتلّه
ياليتني بهجع قبل يلفي الياس= ويقضي على باقي حياتي بضلّه
وبعض الخواطر مثل دقّات الاجراس=بليات موعد تغزي الفكر كلّه
واوقات اناظر واتمعّن باحساس =أناظر انجوم السماء المطلّه
واناجي النفس العليله بهوجاس =وادعي الهي شافي(ن) كل علّه
يشفي جروح(ن) داخل القلب جلاّس=ويشيل هم(ن) خافقي دوم شلّه
واعوذ به من كل شيطان خنّاس=ويزيل وسواسه عن الفكر جلّه
ولا باس يا قلب(ن) من الهم لا باس= لا باس يا نبض الحياه ومحلّه
وبرفع خطابي لشاعر(ن) فذّ قرناس=عندي على طيبه كثير الادلّه
يمكن الاقي عنده اليوم نوماس= ولاّ بنلفي مسكنه في محلّه
ياصاحبي وان كان بالوقت نبراس= الفكر يمّك قاصد(ن) توصفلّه
وصفة حكيم يقيس مبناه بقياس=ننشد بها في ليل ذعذاع فلّه
وصلاة ربي عدّ ما صلوا الناس=على نبي(ن) بالضماير نجلّه
رد الشاعر / حمود بن سعد بن عمران الحربي =
البارحة جاني شعر طيب الساس = بالمنتدى ماهو بصفحة مجله
ابومشاري ياخذ الأمر بقياس = رجال وافي ماتجي منه زله
حرك هجوس(ن) ساكنه وسط الانفاس = ماض الزمن قفل عليها سجله
نشكي عنى الوقت الذي يضرس اضراس = وصعب الضروف يزود الطين بله
الفكر من بعض الهواجيس منحاس = لكن الزمن لنه صفا نستغله
الؤلؤ والمرجان يحتاج غطاس = ومن مافتل قيد الصعاب فتلله
ونحذر عدو الجد والعرق دساس = لابد مايخفي ورى الضحك غله
دنيا نقابل وسطها اشكال واجناس = والذيب يلقاله ذياباً عوله
لا ضقت من جواً تقل فيه حباس = دور على خوة نشاما وفله
اللي تحمس البن في وسط محماس = وفوق الجمر للكيف مضبوط دله
واركب على اللي شمعته مثل الأكباس = اليا مشى فالبر ما حداً يزله
راعيه متعود على قطع الأرماس = يعجبك يوم أن الدريول يتله
في مشيته كنه تغطرس تغطراس = ولا حمل الحمل الثقيل احتمله
شكل الرفارف منحني مثل الاقواس = وتوايره عن الوطى تستقله
فيه الدبل يرهب طويلات الاطعاس = يا صل مواقع ماتجيها الكروله
منصاه ديره مخليه مابها اوناس = وحب القنص والبر عندي جبله
ذي وجهة انظاري وكلاً له الباس = وكلاً على ماقيل رايه يدله
يابو مشاري جاك ردي بقرطاس = واللي عقد للحبل بأمره يحله




التوقيع :
حربي ولي الفخر في حرب= فخر(ن) ورثته من اجدادي
هم عزوتي هم ضياء الدرب=وبزرع غلاهم بأولادي
ناصربن مصلح
    رد مع اقتباس
قديم 23-10-13, 01:36 AM   #9
شـــــاعر

 










 

ناصر بن مصلح الاحمدي غير متواجد حالياً

ناصر بن مصلح الاحمدي is on a distinguished road

افتراضي

بسم الله الرحمن الرحيم

قصيدة مجالسي أهديها للشيخ عواد بن عيد المطرّفي العوفي الحربي

تعبيراً منّا عن شكره على تحمله تكاليف المحامي في قضية (سجين جده ) محمد بن رابح بن رويشد الحربي .فله منّا ومن الجميع وافر الشكر والتقدير والعرفان .وفقه الله وبارك له في ماله وولده وجميل عمله .


بسمك اللهم علاّم الغيوب=مقسّم الارزاق غفار الذنوب
ساتر الانسان من كل العيوب =ربنا الواحد ولا نعبد سواه
وبسمك اللهم ياواحد أحد=ياعظيمٍ في صفاته ياصمد
تصلح الأحوال في كل البلد=ومن يخاف الله يعينه ويحماه
ومن بعد ذكر الله إيطيب القصيد=بإبن حرب البار والشيخ المجيد
راعي الفزعه عسى عمره مديد=الكرم والجود من طيبة نماه
اسمه المعروف هو عواد عيد= طاب فاله ياعسى عمره سعيد
من قبيلة عوف والرآي السديد=سعد منهو بالشدايد إنتخاه
يوم جاته قصة الحربي السجين=اليتيم اللي قضى عمره حزين
مالقى له في حياته من يعين=يدعي الله مستعينٍ بالصلاه
قام له عوّاد بالمال وتكفّل= بالمحامي وبالقضيه لين تقفل
أشهد انه راعي الفزعه تجمّل=وكان له في عسرته طوق النجاه
للكبيره قام من بين الحشود= وعن قبيلة حرب كفّاها وزود
وكل خلق الله على فعله شهود=والنعم مليون تنطقها الشفاه
وسجّل التاريخ له فعلاٍ جليل=وفي مجال الخير يجني له حصيل
واسمه يخلّد لجيلٍ بعد جيل=يالله انك تكرم وتجزل عطاه
ويالساني لو تقول اللي تقول=من قصيد ومدح في كل الفعول
فبن عيد اللي نشا حسب الاصول=ما بتلحق والله اليومه جزاه
القصيد يطيب في حضرة جنابه=وفعله الغانم ترآ كلاٍ درابه
مايخيب اللي لفاه ودق بابه =افتخر به ياعسى عمري فداه
شيخ قوم وشيخ مال وشيخ طيب=فعله الغانم شفى جرح العطيب
مثل غيثٍ لا نوآ ارضٍ يصيب=يروي العطشان لا منّه سقاه
الفضايل احتواها جوف راسه=والقبايل تعرفه من طيب ساسه
والتقى والدين من أحسن لباسه=وفي دروب الخير تمشي به خطاه
ماحسب عند اللوازم للخساره=محترم بين العرب زايد وقاره
عنده الواجب يأديه بجداره=ابيض الكفّين جزلٍ في عطاه
يالله انك تحفظه من كل شر= وترزقه تعداد حبات المطر
وفي جنان الخلد يبناله قصر= وتحفظ اعياله من شرور الحياه
الله يبارك له بمال وولد=ويجعله في خير دايم ما يعد
ويكرمه في يوم ما ينفع أحد=غير فعل الخير لامنّه جناه
أفتخر به كل ما جالي مجال=دام راسي حي لبّاس العقال
في قبيلة حرب مصنع للرجال= بالفعول الصالحه نبني بناه
وبالنسب والاصل حنّا عيال عم =نجتمع في حرب من لحمٍ ودم
وللقبايل كلّها نقول ونعم=نمدح الوافي بوجهه وبقفاه
وفي ختام القول صلّوا عالرسول=النبي الهادي لكل العقول
الذي بيّن لنا كل الحلول=عزّه الله بالنبوّه واجتباه

ناصر بن مصلح الاحمدي الحربي




التوقيع :
حربي ولي الفخر في حرب= فخر(ن) ورثته من اجدادي
هم عزوتي هم ضياء الدرب=وبزرع غلاهم بأولادي
ناصربن مصلح
    رد مع اقتباس
قديم 18-02-14, 03:47 PM   #10
شـــــاعر

 










 

ناصر بن مصلح الاحمدي غير متواجد حالياً

ناصر بن مصلح الاحمدي is on a distinguished road

افتراضي

بسم الله الرحمن الرحيم

هذه القصيده أهديتها للشاعر الكبير ( عايش حبيني الزبالي ) وهو شاعرغني عن التعريف بمناسبة زواج أبناءه
وقد تشرفت بحضور الحفل بناءً على دعوة كريمه لي من رجل الاعمال المعروف الشيخ القدير ( صلاح بن فريج الزبالي ) حفظه الله ورعاه .

وقد اسعدني حضوري تلبيةً لدعوة الشيخ صلاح الزبالي لهذا الحفل الذي كان جميل ومشرّف

ونبارك لابن العم الشاعر عايش الزبالي زواج ابناءه وندعوا لهم بالتوفيق والحياه السعيده ان شاء الله
وقمت بإهداء الشاعر عايش الزبالي والشيخ صلاح الزبالي هذه القصيده .


بسم الله الواحد عظيم الجلالي = رب العباد ومحصي لكل الآجال
الواحدٍ الدايم عليه إتكالي = الخالق العالم بكلاّت الاحوال
ببدآ قصيدي والليالي دوالي = نسلآ بها من طيبة الفكر والفال
وسار القلم من بعدها بالمقالي = فيه السلام وطيّب الذكر ينقال
سلام طابتله قلوب الرجالي = ياصل ل(عايش) معرّب الجد والخال
شاعر وفيه الفخر حقٍ يقالي = ولولاه غالي ما بدعنا له أمثال
انبارك الافراح والقلب سالي = نوفي مع الوافي ومدّاتنا جزال
نلفي على طيب النباء ما نبالي= ابناء عمومه مابها شك وجدال
جينا على دعوة كريم السبالي= يومٍ دعاني جيت مع نجم مقبال
في حفل ابن عايش دعاء للوصالي= دعوة كريم إيجابها حق وإجلال
دعوة (صلاح ابن الفريج الزبالي) = شيخٍ الشموخ اللي به الفخر يختال
لبّيت انا دعوة كريم الفضالي = لجله تركنا كل همّام الاشغال
لجله مشينا قبل يبدآ الزوالي = ولجل الوفاء نسري ولو ليلنا طال
لمواصله نمشي سهول وجبالي = ونرفع له البيضاء من أطياب الافعال
في حرب اسمه إعتلا كل عالي = وفعله ينومس كل حربي ورجّال
صقرٍ يعرفونه قروم الرجالي = حرٍ مواقيعه على روس الجبال
غالي ويبقى طول الازمان غالي = أوفي معه في حِل ولاّ بترحال
أنا احمدي من طيب عمّي و خالي= أفخر بربعي في جميعات الاحوال
دايم على العليا مثبّت نزالي = شاعر واعّد القاف بالجزل مدهال
وكتبت أبيات القصيد الجزالي = فيها المعاني كنّها رسم خيّال
ماقصدنا مكسب جنيه وريالي = وانا ولد عودٍ على العز يختال
ولا طالبٍ شهره ولا جاء ببالي = غير الجمايل مالنا عدّ وظلال
حنّا ارتوينا من قراحٍ زلالي = وضيوفنا نجزل لها القدر مدبال
إن كان قاصي او رفيق موالي = كلٍ له التقدير وافي بمكيال
من حرب حنّا محتمين التوالي = إنشارك الغالين افراح وآمال
من سالم ومسروح باول وتالي = في صفحة الامجاد تارخهم عال
أهل الوفا والجود واهل الكمالي = عون الضعيف وجامعه كل الافضال
نسل الكرام معربين الخوالي = فينا الكرم والجود ذربين الافعال
يالله يامنشي حقاق الخيالي = يامنزلٍ طه ومريم والانفال
تصلح لنا نيّاتنا والعيالي = وتغفر لنا زلاّتنا يوم الاهوال
وتجعل لنا في ضل عرشك ظلالي = وتكتب لنا في جنّة الخلد منزال

الشاعر / ناصربن مصلح بن عبدالله الاحمدي




التوقيع :
حربي ولي الفخر في حرب= فخر(ن) ورثته من اجدادي
هم عزوتي هم ضياء الدرب=وبزرع غلاهم بأولادي
ناصربن مصلح
    رد مع اقتباس
إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

IP



الساعة الآن 08:40 PM


Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
Ads Management Version 3.0.1 by Saeed Al-Atwi
ترنكات لخدمات الويب