سعود ابن جازي دعاني وجيته

سعود ابن جازي دعاني وجيته
لو مالضروف مواتيه له تواتي

بعد الديار ودرب مضلم مشيته
ومابيني وبينه من الشامخاتي

ماتردني عن طيب ٍ شاع صيته
باذن الكريم وعالم الخافياتي

شيخ وشجيع وراس ماهو نبيته
للكايده مفتاح والمقفلاتي

من دون قوقل ماب تاصل لبيته
واضح ومايحسب من الايذاتي

الباب فاتح ماطفى يوم ليته
اقلط وتلقى لسوالف هواتي

وحلو النبا مع دلة ٍ مقتفيته
من ضمن عشره صنفها والماتي

منوة معومس ماهتنا في مبيته
حداه ضرف وسامر السارياتي

من بعد ماراحة بوجهه عميته
فرجت وجمع مابقاء من شتاتي

وصينيه ٍ جيعان يومه تقيته
هتاش ليل وماحصل له مباتي

وابوه لاكبرت عليك ونصيته
بلسم جروحٍ بالحشا غايراتي

عساه يبطي محزمي مابكيته
شاعر لشعره بالمجالس طراتي

لو امدحه بمعلقه ماحتويته
يفوق مدحه هرج ومولفاتي

وربعه حدود ديارها محتميته
بالسيف فوق الجيش والمسرجاتي

سلايمه لاغطرفت مستميته
على الجمل مع روجه الرايجاتي

عن والدي عنهم كلامه رويته
تدفن ركبها دونها لثباتي

تاريخهم درسة فيه وقريته
وسجلت روس اقلام بمذكراتي

شاعر ليا قلت الكلام احتميته
ماخطي وماحب الخطا والشماتي

وان قمت عن طيب بلازم كفيته
لي وعليه للكفو واجباتي

كفو ياأبو تركي
صح لسانك مدد بلا عدد

	المشاركة الأصلية كتبت بواسطة حسيـن

	كفو ياأبو تركي صح لسانك مدد بلا عدد

ماعليك زود الله يبيض وجهك على المرور المشرف

منوة معومس ماهتنى بالمباتي
حداه ضرف وسامر السايراتي
صح لسانك ياابوتركي على هذااللحن
تقبل عبوري واعجابي
والله بتقبل منك الصيام والقيام.

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك