((( إبليس وسوس له وصار ايتجرّا )))

أبدأ بذكـر الله قبـل بِـدع الأبيـات=الواحـد المعبـود رب السـمـاوات
رب البشر عالـم جميـع الخفيـات=اللي خلـق لأنفـس ويعلـم خفاهـا
==
ومن بعد ذكره عندي أغلا نصيحـة=للمستمـع فيهـا فـوائـد مليـحـه
من هاجسي وأغلا بيـوت القريحـة=أغـلا بيـوتٍ صغتهـا وش حلاهـا
==
نصيحـةٍ لهـل القلـوب الفطيـنـة=للـي يبـي عقلـه ومالـه وديـنـه
لا يتبع أهل الشـر ضاعـت سنينـه=ومن يتبع الأشرار يصبـح عشاهـا
==
من يتبع الغاويـن ضاعـت حياتـه=وراء السمـوم اليـوم ودّه وهـاتـه
وعزّيـل رجـال ٍ يسـوّي سواتـه=أنا أشهـد أن عينـه بكفـه عماهـا
==
عميت عيونه ليـن طـاح وتبهـذل=وأخطاء طريق الخير عقب القـدم زل
وأهل الـردى حطـوه لشّـر منهـل=كـل ٍ يـورد سلعتـه مبتغـى هــا
==
أشوف لي نـاس ٍ سـوات البهائـم=وراء البـلاوي دائـم الـدوم هائـم
واليا نصحته قـال مـا هيـب دائـم=حسب المـزاج أليـا تكـدر شراهـا
==
إبليس وسوس لـه وصـار ايتجـرّا=حتـى وقـع وأدمـن وقـام إتحـرّا
متى يجي مـن يسعفـه كـان مـرّا=لين ٍ نفسـه فـي المهالـك رماهـا
==
حتى انتهى مخه وجافيـه تشويـش=وخلا الوظيفة واخطته لقمة العيـش
وأصبح يحوم تقول طير ٍ بلا ريـش=بعد أنفصل ضاقـت عليـه بفضاهـا
==
وصل الخبر لبوه وجا له على طـول=وحضّر على القائد معه جمع وأزفول
وقالوا سمعنا إنّ أبننا قيـل مفصـول=وجينـا ك والدنيـا كثيـر ٍ بـلاهـا
==
نطلبـك تسمـح لـه وتعيـد فصلـه=وترجعـه بالله ذا اليـوم شـف لـه
والله ما غيره حـدٍ يصـرف أهلـه=وأمـه حزينـه لا تخيّـب رجـاهـا
==
أمه ورآنا عقب مـا وصلهـا العلـم=قامت تصيح وصابها الضغط والهـم
وخذ ت لها يوميـن تبكـي وتزهـم=وجينا وهي مسترسلـة فـي بكاهـا
==
وقال القائد لـه دام تبغـا الوكـادي=فنّـا لنـا شهريـن وفـلان غـادي
غادي ما بين أهل الشقق والمنـادي=والمرجله ضاعت وضيّـع عصاهـا
==
وفصله توزّع مـا تفيـد الرجـاوي=ولا عاد هي بيدي ولو كنـت نـاوي
ورقمه تعيّن فيـه جنـدي قصـاوي=تـوّه جديـد والوظيـفـة خـذاهـا
==
ولا فيـه رقـم ٍ لـو بغينـا نعيـده=من شـان خطوتكـم علينـا بعيـده
لكـن نأمـل لـه حـيـاةٍ سعـيـده=فـي مقبِـل الأيـام واللـي وراهـا
==
عـوّد يقـوم أبـوه ويهـز رأسـه=ويدعي على أصحاب الردى والنجاسه
اللي تروّج كـل سـم وخسـا سـه=لجل الطمـع تبتـاع حتـى أقرباهـا
==
ورجع أبـوه وقـال يـا لله مشينـا=بّروح صوب أمك عسـى الله يعينـا
يمكن تضّمـك مـع خواتـك لجينـا=وعوّد على أمه يرتجي من عطا هـا
==
تعطيـه كنّـه وحـدةٍ مـن خواتـه=وراحت حياتـه كلبوهـا شمـا تـه
ولا عاد له حيله يـا كـود أزفراتـه=يزفر وكبـده تحتـرق مـن لضاهـا
==
والناس تنظـر لـه بعيـن المهونـه=وعلى الكرامة صـار مـا يعزمونـه
لو كان فيهـم شاخصـاتٍ أعيونـه=كـل ٍ تجاهـل دعوتـه مـا نساهـا
==
منبـوذ مـالـه عنـدهـم قابلـيـه=كـل ٍ تبـرّى منـه حتـى ولـيـه
إلا أنْ يغـيّـر سيـرتـه لـولـيـه=السيرة اللـي ضيّعـت مـن مشاهـا
==
وأمه شرت له موتـر ٍ عقـب مـده=بالديـن قالـت يمكـن أنّـه يـكـده
ويعـوّض الفائـت ودينـه يـسـده=ويعيش نفسـه كـان ربـي هداهـا
==
هذا الذي شفتـه أنـا قـدم عينـي=وأنتـم بعـد شفتـوه يالغـا نمينـي
بعض الشباب أنشوفهم ضـا يعينـي=بأسباب لأعداء اللي تـروّج خزاهـا
==
عدواننـا يبغـون تدميـر الإسـلام=وأن صير تحت أفكارهـم دوم خـدام
وعقولنا تصبـح خرافـات وأوهـام=هذا تـراه اليـوم هـو مبتغـى هـا
==
حـربٍ تدمرنـا بلـيّـا سـلاحـي=ترسل علينـا كـل ليـل وصباحـي
من الغرب جتنا من جميـع النواحـي=وقضت على بعض العقـول برداهـا
==
والحل واضـح قدمنـا يـا مياميـن=ترك المعاصي والتثبُت علـى الديـن
ومحاربـة لأعـداء بكـل القوانيـن=اللـي علينـا مستمـر ٍ غثـا هــا
==
وتمت وصلى الله على سيّـد الخلـق=محمدٍ وإعـداد مـا يبـرق البـرق
اللي بعثـه الله لنـا وضّـح الحـق=وضّح أدروب الخير للـي بغـى هـا

أخوكم الشاعر الحميدي بن سعد السويدي السبيعي

صح السانك وبيض الله وجهك على هالقصيده
شاعر يملك الاحساس والمعنى
ابيـات تستقـى روعتــها مـن معينـك وجمـال لا يعـرف ابجـدياته ســواك
جزله ووافيه وهذى سمة فى قصايدك .. دام مداد قلمك

صح لسانـكـ وعـلا شانـكـ ...
رائعـة من روائعـكـ ... كما عودتنــا ....
لا عدمنـــاكـ يالغالي
تحياتي

صح لسانك اخوي ..
وبيض الله وجهك ..
قصيده جميله وموضوعها أجمل ..
ربي يعطيك العافية ...

صح لسانك

وسلم بوحك

وبيض الله وجهك

السلام عليكم ورحمة الله تعالى وبركاته

الأخ الشاعر الخلوق :

(( الحميدي بن سعد السويدي السبيعي ))

صح لسانك على هذه القصيدة الرائعة والمعبرة , والتي عالجت بها إحدى المشاكل الإجتماعية

المعاصرة , فأسأل الله تعالى أن يجزيك خير الجزاء على ذلك .. حقيقة نفتقد لمثل هذه القصائد

الإجتماعية التي يجب على الشعراء التطرق لها بأي توجيه ٍ وإرشاد ونصح يكون له مردودا ً

على كل من رزقه الله لبا ً يستنير بما يقرأ ويسمع ..

ولتكن معالجتها من قبل الشعراء كلا ً حسب مجهوده وقدرته ...

فلا أزيد سوى صح لسانك والله يعطيك العافية ..

حفظك الله تعالى بحفظه ورعاك برعايته

صح لسانك واعتلى شانك وبيض الله وجهك ...
يعطيك العافيه ... على القصيدة الرائعه....
لا عدمنـــاكـ وننتظر جديدك....
اخيك ابوروان

صح لسانك مليون في مليون

بيض الله وجهك على القصيدة الجزله

راعيها مايجيب غير الجزيلات الطيبه

وفقك الله اخي الشاعر العلم الحميدي السبيعي

صح لسانك وسلم بوحك

قصيدة رائعه وجزله

صح لسانك

وتسلم يمينك

جزله لاعدمتك