ديوان الشاعر فواز العمري

الي كل من شرفني بالمرور مع التحيه والتقدير

سـلام الله عليكـم دار قـومـن آمـنـو بالله=عسى الحي الكريم بجنـة الفـردوس يجزيكـم
رجالاً عاهدوه وصدقـوه وناصـرو دعـواه=علـى وحـده مـن الثنتيـن لبيتـم مناديكـم
على عزن يلوح ومجد دينه وانكسـار أعداه=أو الموت وممات العـز مطلبكـم ويرضيكـم
هنا من قبر حمزة ساقني وجدي علـى ليـلاه=هنا من قبر مصعب ناح شعري لجل يرثيكـم
قصيداً مايجي في سيرة أصحاب الرسول أبلاه=بلاه أن كـان لامنـي كتبتـه مايجـي فيكـم
اجل وشلون وانتم يوم جيش الكافريـن أغزاه=قضيتم نحبكم فـي طاعـة الرحمـن واليكـم
اجل وشلون وانتم عن حياة الزخرفة لرضـاه=تركتـم كـل ماتملـك مـن الدنيـاء أياديكم
اجل وشلون وانتـم ماتمنيتـم وجـاه .وجـاه=مصارعكم تحت حد السيوف اقصـى امانيكـم
قرينا ما انكتب لاكن على بيض الورق ننسـاه=وجهلنا مـن جهلنـا ليـن ضيعنـا مباديكـم
سقاك الله من غـر المـزون وسلسبيلـن مـاه=من الله يرسله يـادار قومـن لجـل يسقيكـم
من البارحه وانا اهوجس وطال بهاجسي مسراه=ونوخت الركايب يوم جيـت بحـد اراضيكـم
لقيت الناس واجد لاكن اشبـاه وشبـه لشبـاه=ولقيت ولا لقيت الا صويـب وبـات يبكيكـم
ولقيت ولا لقيت الا حزين يقـول واااااعـزاه=مكانً مابقالـه فـي مكانـه غيـر اساميكـم
وسـلام الله علـى سبعيـن مسلـم قاتلـو لله=رضى الرحمن عنكم والكريم الحي يرضيكم

ياعناد زانت شبت النار ياعناد=عجل علينا بالحطب ياعضيدي
واشعم لنا وقده وزدها اليا زاد= برد(ن) يقص العضم لوهو حديدي
واقلط على وارد مثامين بغداد= ماباعها بالسوق هندي وزيدي
ماهي دلال السيف لا يبن الاجواد= ولاهي ترامس قوم( بابا)( وسيدي)
وعطني وسمعني قصيد بن عواد=ولا من العملاق والا الوسيدي
الشعر له في ساحة الشعر رواد=وعلى مناهجهم سريت بقصيدي
قلته وانا يهل التماثيل قصاد= واليا نضمة ازن معاني جديدي
ازن واسوق القاف والقاف ينقاد= قود الجمل لاقاد وقت المديدي
وانشد وانا عن حامض العلم نشاد= واسمع من اهل المعرفه واستفيدي
ياعناد كثر الهرج والقرق مافاد=مافاد من قاله ولاهومفيدي
لو قال انا كحيلان ولا ابن شداد= ولوقال انا البيطار رايي سديدي
للشعر شاعر ثم راوي ونقاد=ولولا الثلاثه طاوي (ن) منه قيدي
والوضع اشوفه صاير طلاب وجهاد= ويالله تجملني وترفع رصيدي
طالبك يامن يمك العبد لا عاد= تدمح وتقبل تايبين العبيدي

السلام عليكم اخواني الاعزاء
يشرفني ان اضع هذه الابياتبين ايديكم
واوجهها للشاعر العملاق غازي الزغيبي
مع احترامي للجميع
وامل من الله ان تنال استحسانكم

قال الغريب اللي هجوسه غريبه = يالربع كلمة خير واقصد بها خير
تكفون ياحرب!!القبايل حريبه= واضح كلامي مايبيله تفاسير
يالربع كلن قام يشذب قريبه= والثارعود بين جسااس والزير
والله مصيبه ياجماعه مصيبه = تكفون ياعقب الرجال المناعير
قلته وفكري لا سراء مع ذهيبه= لقيت مابذن جهود المداوير
افرق من المعنى غزايز جليبه= واسوقهن سوق البكار المغاتير
يمك وانا اشوفك مثل نقتديبه= اليا بلشنا بين جمع (ن) وتكسير
شاعر مثل ذكر الحيا فاح طيبه = بالقاف دوم دلال فكرك مباهير
سلا م يانجم ان سريت اهتديبه= سلام يانسل الحرار المساطير
ياغازي مغيران ماهي عجيبه= لو بالغريب اسندت زين التعابير
حربي وساسي ماش شي( ن)يعيبه= مير اتقي نار ولهب نافخ الكير
اللي يجود بالرفيق الضريبه= يضيع عني في بعيد المشاوير
ارتاح من علم(ن)يجي ويعديبه = وارتاح من شرهات عمار وعمير
معذار لك حلو العسل مع حليبه =ولا انت في عرفك نسوق التباشير
حربي محنك باللزوم نغزيبه = تسد لازمنا بجمع الجماهير
لاصار في فتل المعاني تجيبه = قافن ينومسنا ولافيه تزوير
علم(ن) علي وضح النقا ماحكيبه=لي قصد لا واللي رزق حايم الطير
وابشرح الموضوع لك وابتديبه =واصوراللي شفت يالقرم تصوير
يابو طلال اشوف بالامر ريبه = اشوف شيًن له تحاك التدابير
واسمع من الجاهل كلام يهذيبه= والهرج له في بعض الاحيان تاثير
واللي شعم ناره وحدر شعيبه=وده يفرق بين جمع الطوابير
والرجل له بالربع عز(ن)وهيبه= ولاله ثمن مندونهم بالدنانير
والرجل له بالربع عز(ن) وهيبه =عزه بربعه باليال المدابير
والرجل له بالربع عزن وهيبه= هم راس مال اللي يهاب المخاسير
والستر لا شقوهل الدار جيبه = معاد فيها يالزغيبي معاذير
يفرح به اللي هرجته كل غيبه= لامر من ضمن الوفود المسايير
وانت الحكيم اليا رميته تصيبه = تصل الهدف وتقدرالامر تقدير
حاول على الموضوع تضرب صليبه =وتنهيه وتقطع جميع الفواتير
ولعلي قافي يوم فكري اسريبه= مازل وان زليت ماينعصم غير
صفوت عباد الله محمد حبيبه = والعذر من زلت الساني وتقصير
واعوذ بالله من كلام استريبه = سبحان من بمره تساق المقادير
وقال الغريب اللي هجوسه غريبه= العرق ياغازي غزته المناشير

اخواني الاعزاء اعضاء وزوار ملتقي حرب
اضع بين ايديك هذه المشاركه امل من الله ان تكون بالمستو المطلوب
شاكر كل من شرفني بمروره الكريم

0

الرجل قالوها لسانه حصانه= ويارب جنبنا رداء كل منطوق
اسألك يافردن تعلى بشانه = ياحي ياعالم خفا كل مخلوق
امنت به وايقنت به واستعانه = قلبن غدالهموم بقعا تقل سوق
من مايشوف وحس باخر زمانه = يالله بجاهك عن غثا كل مطفوق
البارحه فكري سراء مع بيانه = شاعر واسري كل معناء وطاروق
ماهي سوالف ليل دانه لدانه = ولاهي بعد من دافع الوجد والشوق
يبغا لها حـنكه وتبغا فطانه = فرايدن صفــــيتها ياهل الذوق
والشعر ديوان العرب له مكانه = مكانته عند العرب ترتقي فوق
ورث الجدود وفي يدينا امانه= ومن بعدنا بعيالنا يكمل الطوق
ويامن تقول انك اميــــن الخزانه= لا انت الزعيم ولا على الملك فاروق
من عرض خلق الله ونفس الديانه = من طين مثل الناس يالسييد صفوق
هذي رساله واعتبرها ميانه= اترك سبيل الناس واقعد بلا عوق
وعمري ومقــــسومي ورزقي ضمانه= عند الذي من مده العبد مرزوق

لاسراء برق الحيـا قلـت يالله ياكريـم=يم دار اهـل المواجيـب ياربـي سقـه
ياكريمآ في عطايـاك وبخلقـك رحيـم=كافلآ عبدك ومن فيـض مـدك ترزقـه
جعل دارآ واقعه غرب منطقة القصيـم=للمزون وبارقـآ هـل وبلـه مصدقـه
ساريآ ليله ووقعه علـى القيعـان ديـم=لين يرواء يابس القشع ويزيـن ورقـه
ديرتآ بسم الذويبي حشيمه مـن حشيـم=بسمهـم بيـن المناطـق تقـدر منطقـه
بالشبيكيـه للامجـاد تاريخـآ عضـيـم=فـي سجـلات البطـولات دوم موثقـه
للحيا يادار هندي عمـا عيـن الخصيـم=سيرته من فعل يمنـاه شمـس مشرقـه
فارسآ من حرب ولحرب تاريخآعضيـم=وللقبايل حـق بالطيـب محـدآ يلحقـه
نفتخربـه دام بالكـون مخلـوق مقيـم=الله اللـي خلقـه مـن عبـاده وفرقـه
لاتقابـل بالملاقـا خصيم"مـع خصيـم=واختلط بعض الرياجيـل دمـه بعرقـه
ولاسمك عج الرمك بالنشاما تقـل غيـم=وهـادم اللـذات مابيـن خـذ والاذقـه
كم شجيع" طاح من كف اخو نوره سقيم=لااعتزا راع اللويصق بنـوره وصفقـه
وكم صغير" عاش من فعل ابو متعب يتيم=مات ابوه وقلب مغليـه عقبـه محرقـه
جعل هندي ساعة البعث في دار النعيـم=ومن عذاب القبر والنار يـارب اعتقـه
في ضلالـك ضلله ياعليـم ويـا حليـم=وعند مايسأل على الحق بالقول انطقـه
هاضني للقاف هايس وغنيـت الوسيـم=يوم سولـف بالتواريـخ وعلومـه ثقـه

ياعلي ماوردن عدودن شحيحه= وردن على هداج لا عد هداج
عوبن توارد والحنايا جريحه=منهن لذيذ النوم بالعين ماداج
ويوم العيون الدالهات المريحه=نامت وطاب بمرقده كل هلباج
لقيت في غبت بحور القريحه = عن مايجول بخاطري طب واعلاج
والشعر له في مجتمعنا شريحه=له ناقدن فاااااهم وشاعر وهراج
احدن اليابين علومه صحيحه=واحدن على ماقيل فاضي للازعاج
والبير علمه من بوادر نضيحه=وللسوق بياع الذهب ماجلب صاج
والعرف له بالقول كفه رجيحه=و كلن حسب عرفه على الدرب نهاج
والناس كلن له طبيعه وليحه=وياكبر فرق فريج عن طبع فراج
والعود له ريحه وللشيح ريحه=وبين النشاما يفرق العود لاراج
والطبع لايمكن جهودك تزيحه= لوتنصح المنعاج للصبح منعاج
والصبربه يهل الوجيه الفليحه=عن مايضيق خاطر الرجل مخراج
والكون للطرقي فجوجه فسيحه=وياحلو بعدن مايسببلك احراج
البعد بعض احيان طب و نصيحه=تنصحبه اللى جاك للراي محتاج
وياعلى لوشفنا من بعيد ضيحه= ماكل مايلمع جواهر على تاج
كم لامعن لمعه يعود صفيحه=وتبقا الكواكب في مدارات وابراج
والعاديات المسرجات الضبيحه=تضهر اليا اشتد اللززبين الافواج
واللى هرجبي جعل ربي يبيحه=المعتلي عالم خفا كل محتاج
وياعلى تمت والمعاني صريحه=بينتها واخفيتها وسط الادراج

توضيح علي هو الاخ علي محمد الصالحي

الي كل من شرفني بالمرور والتواجد
مع التحيه والاحترام

يقول من فكره سرتبه هجوسه = اقفى تحده ساريات الهواجيس
ضايق وشاف من السنين العبوسه = يالين نومه صار هم وكوابيس
بالصدر شرها ته تلوج محبوسه= لاواعذابه من هجاد المحا بيس
من دونهن جود وتربس تروسه = عن بوحهن قفل جميع المتاريس
له مدتن بالصدر يدراء حسوسه=واليوم صدرهن لبيض القراطيس
والشعر لو كثرو وشرهو عسوسه= ناسن على جاله تدق المراويس
بحر النبط يابعد مده وكوسه = ويا كثر ناس (ن) من ثمينه مفاليس
فيه النوادر غاليه ومحروسه=مثل الثمين اللى على تاج بلقيس
قلته وفكري مثمراتن غروسه=واقيس ماقوله بكل المقاييس
وأدوس رايي قبل لحدن يدوسه= والكامل الله وأتعوذ من بليس
ومن هاجس قامت تضارس ضروسه =بين الحنايا له جيوش مضاريس
شنن عليه حرب قشرا ضروسه= من عام الأول يقبس ن المقاييس
أبديت قافن قام فكري يروسه=قاف ن نضمته وانتهابي على ايس
لاشفة امورن بالزمان معكوسه =ماتنتفسر في جميع القواميس
يضيع فيها من يكثف دروسه = ويحتار فيها كامل العقل ياجريس
ياجريس مايبحث خفاك ويحوسه=الي الياعليت خشوم الدنافيس
الي بعد ماشاب كثرت فلوسه = ويشيمونه بس من شيمة الكيس
من كثر ماله فصول له لبوسه = وطبله المسكين والنذل والهيس
وياجريس كلن بالقفا حد موسه= والهرج له عقب النضاء اليوم فريس
والفارس اللي شد رمحه بقوسه=ويدق للقلات روس النواقيس
اللي علومه بالرفيق مغموسه=بين الدقاق وعايشن بالحاويس
ليته عن العالم يرقع هروسه = ويترك علوم الدنفسه و الجواسيس.
وكفه على النعمه يحمد ويبوسه =ويراقب الله تالي العمر ياجريس

جريس الفوازي

اقبلت مصيونة الجاه فـي ليـل السكـون=واستباحت حد فضي وضحـت بذهبـي
فاتنـه بمعانـق الـي ينشميهـا تكـون=بنت عز ودونهـا كـل الانـذال تهبـي
لا لفت مع هجعت الناس في بالي/ تمون=وسرها عن نايد الناس في سـد شنبـي
قلت يا مرحب تراديـد/ قالـت ماتهـون=قلت /من مبنع مساريك هلـى وارحبـي
قالت /اليلـه نبيهـا حديثـن ذو شجـون=قلت /ابقطف لك من اقصي المعاليق عنبي
قالت /ابدا بالسوالف ولو تسمـح بـدون=فلسفت شعار مـن شـان نفهـم ماتبـي
قلت سمي يـوم بالبـدو بـدواً يرحلـون=قبل لا تقدح ملاهيـب نـاري بحطبـي
وقبل اشوف الي على طاري اللجه يجون=وقبل يصبح راعي الدار بالـدار اجنبـي
وقبل اشوف الصدق بالوقت تعفيه الضنون=وقبل تسبى باخر الوقت وتـروح سبـي
بنت شيخاً بعد ماراح تشكي من غبـون=تشتكي ماكن بالكـون يسمعهـا أعربـي
روحت في تالي الوقت مابيـن السنـون,=قلت هذا الي كسر قبل اسولـف منكبـي
والله اني لازم الصمت ياالوجـه الفتـون=لين جيتي وابتديتـي تثيريـن اغضبـي
والقصيد احيان ياصل الي حـد الجنـون=والله انه بعض الاحيـان همـي وتعبـي
والله انـه بالشدايـد وبالضيقـات عـون=لا لقيت بلذت الحـرف شفـي واطلبـي
لا سرن قشرا تهاذب ودكـن الحصـون=فيه عن قشراً تهاذب بصـدري مهربـي
واسمحيلي مابقى شي قبل اكذب واخـون=واتعـدى حـد سـراً ضمنتـه بشنبـي]

السسلام عليكم ورحمة الله وبركاته


هذه القصيــدة مرسلــة الي طلال بن عبدالرحمن الحنيحني الحربي

يابـو مهـا دلـه وبـراد شاهـي=في مجلسي والفكر دالـه ومرتـاح
اخير مـن رفقـة كثيـر التباهـي=ومن خوة الي خوته حسب الارباح
ومادام شفت الـي يثيـر انتباهـي=مالي ومال معاتب الناس ياصـاح
ماني وكيـل ادم ولاامـر وناهـي=ولا ولف قلـوب الاوادم والارواح
ومادام بتلا الوقت جتنـا الدواهـي=راح الكثير ولابقـى كثـر مـاراح
صدرت من عزمن على البعد راهي=واقفيت عن شلة هنيـدي ووضـاح
ويابو مها لاهي لحالـي وساااهـ=يولقيت بالسجه عناويـن الافـراح
الا عن الـي فـي معانيـه ناهـي=بالدين وعلوم المراجل له ووشـاح
اقولهـا والفكـر مـدوي ولاهـي=في غبتن مـا طبهـا كـل سبـاح
غبت بحور اهجوس فكرن يباهـي=في مكسبه من غالي الهرج لابـاح
ماهي علوم اهل الحكي والمقاهـي=تفهم ولا تبغى تفاسير وايضاااااااااح