عدد الضغطات : 0
الشاعر عبدالله بن زويبن المعمري الحربي.رحمه الله...سمعت لي كلمة مدري وش اقصاها=حزت بنفسي وأنا مانيب هارجها.....لوكل كلمة إلى جتنا طردناها=بعنا الثمينة بسعر مايخارجها......لو مرت السمع ماكنا سمعناها=ونقفل الراس عنها لا يبرمجها......ومن يم هذا لهذا مانقلناها=والناس واجد وتلقى من يروجها.....من جابها بين خلق الله وداها=لو به مراجل ترى نفسه يسمجها..........الشاعر// محمد بن شبيب الحداري رحمه الله ...........لا والله الا راح دور البداوه=ودور الركاب اللي عليها الشنوفي........ ومجالسٍ فيها لهلها طراوه=عنها الشوايب والهزيل محذوفــــي...... وراح الزمان اللي لعيشه حلاوه=واللي على الغارب رجع للردوفي.......... قالوا تسير قلت مامن فضاوه=قالوا علامك قلت عيت ظروفي........ اللي مضى بالنفس عنف وقساوه=واليوم أخلي كل عوجا تطوفي...... وأضحك مع اللي لي يكن العداوه=وأن صفقوا صفقت له بالكفوفي....... نخاف من دقة خطات اللعاوه=رادي نصيب وناقرٍ له علوفي........ يزعل على اللي يسوق الأخاوه=وذلوا معطرة النمش والسيوفي........ والمرتفع قالوا مثل ذاك ساوه=وشربت غثاريب الغريف العيوفي........ عين الغضب تفتح عليك السماوه=وعين الرضا لوبك خطا ما تشوفي....... هداج مات وجات غيره أجباوه=والروس قامت تدرق بالكتوفي............الشاعر/سالم بن مهاوش الحربي .....اللي ماتنفع به صنيعه و لا لين=ان راح قله روحت مقيط ورشاه......والله لو انه مين و لا ولد مين=من لايعدّك ذيب عدِّه ولد شاه.........الشاعر/ شموخ السلاطين........الوقت يكشف لك الناس وشهي من تكون....اما من رجالها ولا من رخومها.....اللي معادنهم ذهب فالوازم يصملون ......مايلوي ذراع الشدايد غير زحولها ................الشاعر / عبدالرحمن سليم الصاعدي(البيرق)..... في ملتقـى حرب الحرايب بدينـا /حرب الدول ربعي وهم تاج راسي .......قوم جمعـت مابيـن دنيـا ودينـا /الله عطاهم لين جانب وباسـي .......جند السـلام وضربهم باليدينا /عند الملاقى للمعادين قاسـي .......مكرمين الضيـف سمن وسمينـا /وسبع الخلا عشوه يوم العماسي..............الشاعر / خالد بن ماطر الحربي ....كل ماصادم الراس القوي زدت قوّه=والردي لو يزيد الهرج مازاد غلّي .....والجبل كل مالديت وانا علوّه=مايباريني براس الجبل غير ظلّي .....ليه اعادي قليل الخاتمه والمروّه=لاتجملت فيه وصد خله يولّي .....ودك ان الرجل يختار حتى عدوه=قبل يختار خلان النشب والتسلي ' ...........الشاعر/سند مسند العريمه الحربي........ لا صار ماتبدع إبيوتٍ ثمينه= = ريح ضميرك واترك الناس ترتاح ياما سمعنا من قصايد عجينه= = والمشكله حازت جماهير وأمداح في عالمٍ تصفق يساره يمينه= =وكل القصايد عنده إسمان وصحاح ميزانهم صوتٍ تعالى رنينه = = تلقى جماهيره لها صفق وصياح خلوا تقاليد العرب والسكينه= =في ليلهم مسراح والصبح ممراح ويااللي على الشاطي تدف السفينه= =عود على الساحل ترى مانت سباح البحـــر يبـغـاله رجــالٍ رزيـنـه= = له غـبـةٍ تـجـذب جـمـادات وارواح وخلك على كشته قريب المدينه = = دلــه وبــرادٍ له البـــال يــرتــاح...........الشاعر / بخيتان البشري .......ماضاق خاطر من نودّه ونغليه = لو البحر من ضيقته ضاق به ماه ..... مودّنا غالي و ودّه نخليه = غالي ولو كل العمر مالقيناه .......والي تولى للمشاعر موليه = قلب المودّ اللي وداده تولاه .........طيبّ خواطرنا بكامل تحليه = بصدق الشعور اللي عليها صدقناه ........اللي بصوته همنا دوم يجّليه = وبصوتنا قلبه من الهم نجلاه.........الشاعر /سعد المحمدي .........دريت باللي دار خلف الكواليس=وحطيت نفسي كن ماني بداري=بعض الامور اقيسها بالزمن قيس =وبعض الامور اصير فيها انتحاري=ان جيت يطفي نور كل الفوانيس=وان غبت غني ياطيور الكناري............الشاعر/عيسى العوفي..........وجهة نظر ماقول انا قولي مصيّب=ابديت رائيي مثل للرائي من قال.....ان جيتني بالطيب آعاملك بالطيب=ردالجميل وشيمة ارجال للرجال.....وان جيت في علم الردى ماقربه عيب=تكرم بها مالي مع العيب مدخال.......طبعي وربعي محتمين المواجيب=حربي بدربي متبع النذل لاعال.......العز لو تشويك حر اللواهيب=موتي ولاقوتي ورى ايدين الانذال......العمربامرالله وماقدّره غيب=والراس تصعب رفعة الراس لامال......وسيرة ارجال الطيب منها المكاسيب=نوريدل اللي جهل يقدي الضال......اخذت من غيري ادروس وتجاريب=اسئل وآخذت العلم من رؤس عقّال................الشاعر ( سعد المحمدي )............يابو فهد برق المزون النوازي=حجاز وانت بعالية نجد وبال=بينك وبينه بعد دار وغرازي=سيله بحر ياراعي المعدن العال=ماله مصب بداركم ورتكازي =العلم مايجهلك في كل الاحوال=يكفيك عن مية قليب ارتوازي=نهر الفرات اللي من الجال للجال=ابن المباني فوق ساسن عزازي=وقت الشتاء تذري وبالقيض مقيال=يامحزمي لاصبح الدار غازي=دنياك تبغى للعقد رجل حلال=واللي بها بالحالتين انتهازي=لابد مايلقى بها شمس وظلال=عن الحجاز اسمع كلام الحجازي=كلام حطه يارفيقي على البال=من التجارب دوبلماسي جوازي=عليه ختم المعرفه تقل تمثال=ياعل ماقلته على ارضاك حازي=في وقت ماينصح معك كل من قال.........الشاعر(زيد بن مبشر الحصني الحربي) رحمه الله ............أقول وأقابل ولاني بسايل=دام الكلام عن الحقايق مباحي=عندي على صحت كلامي دلايل=اموحهن من جم عدٍ قراحي=شفت وسمعت وقلت والرأس طايل=باللي على الساحه ولا هو سياحي=الله يجمل حال راع ألأصايل=حازن على الجوده بكل النواحي=والله ماجامل براعي الاوايل=لو ضاق من قولي زميلي مناحي=وشاعر قبيلة حرب عند القبايل=لافي حمود وبس حسب إقتراحي=ومن قال أنا بقول ويش انت قايل=أنا افتخر بجود ذخيرة سلاحي=ماشلت هم ملقحت كل حايل=اللي على ماقيل خف وجناحي ................الشاعر (مقبول حامد المحمدي).........بحثـــــت في قول البخاري ومسعود=والترمذي وكتـــــاب مسلم وماجه=وحتى النسائــي ما ذكر طب موكود=للصرقعه والعلعله واللجاجه=يا صاحبي ياراعي البيض والسود=ترى الكلام الشين عيــــــــب وسماجه=انا أعرف المقصــود والغير مقصود=ولا أحـــب هرج الثرثره والهماجه=الرجل ماهــــــــو للتفاهـــات محدود=ولا كل كـــلمه تستحــــــق المواجه=من سبب الفتنه ماهــــــــو كاسباً فود=ماحصّل الا لكمــــــــــتن في حجاجـــــه=جاه الخبـــــر مكتـــوب في رأس عبرود=عن حاجته كانـــــه بعمــــــــق الزجاجه=صحيح قالو يقـــــــرد النـــــاس مقرود=ويخسر غـــشــيـماً مايميـــــز خراجه=بعض العرب مـن راســــه العقل مفقود=ينفخ ذروبــــه ويتلقــــا العجـــاجــــــه=لو تنصحــــه عن سكـــــة الغي مايعود=ويترك قراح الماء ويشرب هماجه=يالله ياللـــــــي عنــــــدك الخير موعود=تجعل لنا مـــــــــن كل هــــــم انفراجه=نغضي ونصفـــــــح لكن القلب ملهود=جرح الخطـــــــــا عجزت اواري خلاجه=ماني على كل الخطا سيـــــــف مجرود=ولا كل عـــــود اعـــــوج يعــدل عواجه=والشعر له مــنـــهـــــج وله سلم وبنود=ماهو كما ســــــــوق يلجلـــــج حراجه=شعري مع أهل العرف مسموع مشهود=ولاني على كيــــــــف الغشيم ومزاجه=امشي عزاز الدرب وأســـــــنـّـــد اسنود=وأدرى قدم رجلــــــــي عــن الانزلاجه=ارفا كلامــــي لايجـــــي فيــــه منقود=ولاهمني قول الحســـــــــــود ورواجه=اللي مقيمني وشاهــــــــد لي العــــود=شيخاً بصرح المجــــــد يضوي سراجه روائع شعريه

الشاعر/ بخيتان البشري ......ودعتنا والموادع صعب = رمى بنا فالفراق المُر..... لعب الحزن فالمشاعر لعب = ما مر مثله ولا بيمُر.......الشاعر/احمد المحمدي...... ‏‏‏‏للي سألني يجي ويروح /من انت يبغى خبر والم /حربي انا من بني مسروح/ وعيال عمي بني سالم........الشاعر / بخيتان البشري .....قلبي طلع من قلوب أصُم = اللي لهم قلب من قلبك..........كل ما النصائح عليه تعم = حول الهوى زاد في قربك ...............﮼الشاعر/قابل﮼البشري﮼(الجمل)......مايزعّل الحق لا قلته /إلا من قلوبهم مرضى.....ومن كلمة الحق زعلته / عساه يزعل ولا يرضى...........الشاعر ( راشد الزهراني ) المحيط ........سقيت روضك من دموعي = وطول الدهر مستعد اسقيه...... ولايلومني حي في ربوعي = لو كان دمعي نهر مجريه ..............الشاعر / نفاع محمد السهلي ابوفرح ..........تدري متى يلفض الرجال ....في دنيته اخر انفاسه /لاحده الوقت للانذال ....دمعت قهر نكست راسه.......................الشاعر / حفيد_الحجيري.......الشوق مهما قِدَم ما يبيد=مثل السماء والهواء والطير......كل عام وأنتي هلال العيد=الله يعُـوُدِك عليّ بِخَيْر...............الشاعر ( أحمد بدين القايدي ).......كسب الفتى طيب أفعاله / اللي بها ينتهج له درب = وانا كسبته من رجاله / وافخر لأني فتى من حرب .............الشاعر العذب /عبدالعزيز الزويهري ابو بتال .......وا صدمتي صدمة منكد =أعيد مسترجع اللي فات.........و أزيد أسأل أبتاكد= صحيح ماهر صديقي مات؟...............الشاعر/ حمدان دراج القايدي .... حلفت اني اصون العهد=اللي من سنين اعطيتك....رغم العنا والجفا والصد=ماقد فيه يوم جاريتك.................الشاعر / نفاع السهلي ابوفـــرح ........عندي أمل فيك يا.. بكـره = تمحي بقايا جروح .. الأمس ....وقلوب حبت ولا تكــره = تشرق لها من جديد الشمس.............الشاعر/أبن رهدون.......أيامنا اليوم لو تحسب =دنياك يالادمي ساعه.....والمؤمن اللي لها يكسب =يعيش باقي العمر طاعه........الشاعر/عبدالعزيز الزويهري ابو بتال...........غلاك عندي غلاة العين=ياللي من الشوق ناديتك =معاك وحده من الثنتين= ان كان ما جيتني جيتك...............الشاعر/ سلمان القريقري ابوعمر ( حرب )........حتى النجاحات تتحقق=من دونها شروط للتحقيق...قال المثل يد ماتصفّق =تبغى لها يد للتصفيق.......الشاعر / سالم البشري ......مابين قسمه وجمع وطرح=لاهناك قلبي ولاهنيّه........كيف اهتني من هذاك الفرح=وارتاح من كل مابيّه.........الشاعر/خليفة المزروعي...........إهيا كذا كنها سرقه/=/لدة نظر يوم طالع في.....لوكان من بندقه طلقه/=/اهون عليه تراهاشوي...........الشاعر/ عبدالعزيز الزويهري...........البُعد خلّف جفا و صدود= وعشنا في زمانه بدوّامه ..........مدري زمان الصفا بيعود = و الا ّ قضى و أقفت أيامه ؟...........الشاعر / شاكر القايدي ......يامن ينقذ جريح القلب ....اللي هموم الزمن جاته ..... كل مابغا يتجه مع درب... يلقى قطار السعد فاته.................الشاعر /صقر المقرح ..........يامن تخوض الهوى بعزوف= خليتني فاصعب الأوقات ....لا تكبّني والجروح نزوف= وتندم على الوقت لنّه فات.............الشاعر / عبدالعزيز رويشد ...... اعلم ترى خيرة الاصحاب=مثل الذهب نادر ومافي...من كل خمسين ضن تراب=اجرام واحد ذهب صافي.....الشاعر/عبدالعزيز الزويهري (ابو بتال).....من لا هوى زي محبويي==عايش غرامه على الفاضي ==انا على احساس مكتوبي==حسيت ربي علي راضي.....الشاعر / حمدان دراج القايدي.....عواطف القلب لك وحدك.... ياللي ملكت الحلى والزين.....مافي احد في البشر مثلك.....طيفك سكن داخلي بالعين........الشاعر /غافل الهم قلبي ....... مريت بيتك نهار العيد...لكن قفلت بيبانك....عارفك زعلان بالتأكيد...حرام ماتشوف جيرانك..........الشاعر / عاشق الاصاله .........لاغابت الشمس بانمسي=من دون مدعوج الأعياني......مع القمر يكتمل انسي=في تالي الليل لاجاني..........الشاعر / حرب - سلمان القريقري ....... واعيني اللي من اسبابه=زايد سهرها عن المألوف ..واخاف لن طول غيابه=تفقد نظرها معاد تشوف.......الشاعر / خليفة المزروعي ...........عزي وتاجي قبيلة حرب=يوم الهول مزبن الخايف ... يشهد لها شرقها والغرب=ويشهد لها المطلع النايف.........الشاعر / ابوفرح السهلي .....لك حق والناس بالمقياس = مثلك لها حقوق موثوقة ...ومن لايوفي حقوق الناس = لايطالب الناس بحقوقة...........الشاعر / عبدالعزيز الزويهري ابو بتال ....هواك أعمى عيون الشك=لولاه يمديني احرقتك /لكن بإيمان ودي لك=كذبت نفسي و صدقتك......... ..............تلميذ الكسرة / ..............ما تعلم ان الجمال يلمّ **** وحظي الردي قادني يمّه........ آنا اتجــرع مرار وسمّ **** وكنّـــه يكـــايد ولا همّـه..........الشاعر / ابومبارك اليوبي.......خـذ المـثـل ياعـريـب الـجـد=اصل الشجاعه صبر ساعه=لايـغـرك الـزيـن يــوم يـلــد=اصبر وخلـك علـى الطاعـه................الشاعر / بيان الصمت ....سلام من قلب تلعب به=زود الهواجيس وأحواله=والوقت ما فادني طبه=من ظلمة الدرب وأهواله........الشاعر /وليف الشوق.....كل مانصحناك تتركني = وتشوفني من الد اعداك...واليوم لاعاد تنشدني = فيماحصل من مآسي جاك..........الشاعر / سرورالبشري ......طا وعت قلبي وما شيته= حتى رماني فدرب التيّه...ولا تنفع المبتلي ليته= لو جاء يعود معاد مديه............الشاعر (خليفة المزروعي)......عمر العجل مايضوي خير=يامحـسـن الـرجـل متـأنـي=الثقـل صنعـه ولــه تدبـيـر=وراع العجـل دوم متجنـي............الشاعر/خالد بن عبيد بن معتوق الأحمدي....... زايد بحسنُه على جيلُه= وكاسِب رضايه رغم عِندُه=ومن يوم يطلبني آجيلُه=خمسة دقايق وأنا عِندُه......الشاعر(ابوفـــرح)....عنـدي أمـل فيـك يـا.. بـكـره=تمحي بقايا جروح .. الأمس=وقـلــوب حــبــت ولا تــكــره=تشرق لها من جديد الشمس........الشاعر (حامد بن غالي السليهبي)(حسيبك للزمن) رحمه الله .........ناديت قلت انتهى صبري = واغبر زماني طِواني طَيّ=والناس بالحال ماتدري = اظمأ وجنبي غدير المَيّ.............الشاعر / محمد بدين القايدي ( السينات ) ......أدلِّـــــلـُــه دائماً وارضيه=والبِّسُــه ثوبه المألوف...لكن بِطبعُه يفرِّط فيه=ويخلِّي مَنْ لا يشــوف يشـوف.............الشاعر بخيتان البشري / ليه المجرة كواكبها=احيان عكس المدار تدور .. بحور تغرِق مراكبها=وتخلف نمط سيرها فبحور.......الشاعر ( حمدان دراج القايدي)......هليت دمعي من أسبابك = وجرحي نزف داخلي مقواك ‏=محتار وشهو اللذي صابك =الجرح في داخلي ماشقاك...........الشاعر ( راشد الزهراني )......حتى جبال السراة تحن = ماهي كما قلبك القاسي = يامن بوصلك على تمن = ودايم تعكر صفا كاسي ..........الشاعر ( خليفة المزروعي ).......ابوك يبني عليك امال / حذراك لاتخيب اماله /حاسيك لامالت الأحوال / إنت الجبل يجلس إظلاله........الشاعر( عبدالعزيز الزويهري ابوبتال )...... راح الذي فارق أوطانه = و أفعاله فالطيب ما راحت = و الله من بعد فقدانه = عمدان صرح الأدب طاحت ........الشاعره (الكحيلة) ......أتعبني القلب بحساسه=ادراه ويدور التعذيب= بهم ن ضلوعي حطب فاسه = من يطلع النجم لين يغيب .......الشاعر (حرب ابوعمر) ......قلبي سألني .حصل ماذا = تشكي ولاادري سبب شكواك = قلت انتظر فالوفا هذا = لكن تفاجئت جاني ذاك.......الشاعر (غافل الهم قلبي) ... احترت والقلب شايل هم /سنين مخفي الم جرحــــي =البوح ممنوع يالفاهم / راح العمر وانتظر فرحي .......الشاعر (ولد الساحل).....سبحان من بالجمال اعطاه / تحفه وتصوير رباني = سلهم برمش كحل غطاه = يرمي سهام الهوى فيني...........الشاعر ( نعيم عابد السيد ).....يا نار الاشواق ما تطفين / ما يكفي القلب واتلفتيه = هذاك لو كان ما تدريـن / سيب غرامك وولع فيـه ...........الشاعر ( احمد عاقل الغانمي ).......ابشتكـى راعـي الـدكـان / من بعد ماجـاب لـه هنـدى = ماعاد يرفق علـى الجيـران / حتى سلـف قـال ماعنـدى ...........الشاعر ( أحمد بدين القايدي ).......كسب الفتى طيب أفعاله / اللي بها ينتهج له درب = وانا كسبته من رجاله / وافخر لأني فتى من حرب .....الشاعر (عايش الدميخى ).......ابني فصرح الوفاء مدماك = يبقى مسجل عليه اسمك = ان عشت بالطيبة طريـــاك = ولا مت يبقى الثناء قسمك روائع الكسرات

 


العودة   ملتقى قبيلة حرب الرسمي > ๑۩۩ ملتقيات الـمـوروث الـشـعـبـي ۩۩๑ > ملتقى المقتطفات الشعريه والشعر الفصيح والزواميل واالقصائد المنقولة > حــصـاد ملتقى بـــوح الــقـــلــم

حــصـاد ملتقى بـــوح الــقـــلــم دواوين بوح القلم

إضافة رد
 
أدوات الموضوع انواع عرض الموضوع
[/table1]



التوقيع :
قديم 29-09-10, 07:06 AM   #31
إداري سابق
 
الصورة الرمزية عبق الحروف

 










 

عبق الحروف غير متواجد حالياً

عبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished road

افتراضي . . . ( ليــــــــــــــلة إتصـــال ) . . . !!

[table1="width:95%;background-color:black;"]



-----
مساءكم سكر :
.
.
.
هنا :



إن خذاك الغيـر ياسـر إبتهاجـي
من حياتي ... طالبك لاتذكريـن !!
إتصالك بـي فـي ليلـة زواجـي
يوم كنتي عـن غيابـي تسأليـن !!
والله أنـه وقتهـا عكـر مزاجـي
صوتك المبحوح والدمع الحزين !!
كنت أدوّر في غيابك عن علاجـي
وإكتشفت أنه خليط من ( الأنين !!
والحزن والجرح والموت المفاجي
والندم واليأس والهم الدفين ) . . !!


ثم :
.
.
خذاك الغيــــر ...!!
وحبك وانتهي عمري ... !!
خذاك ولاسألتيني ...!!
عذابي كيف ينهيــــني ..!!
يا أول بنت !!
وأخر بنت ..!!
سكنتي في شرايـيــني ...!!
وبعد هالحب ..تركتيني ....
لاوالله ماتركتيني ...؟؟؟
لإني كل ماافكر ..
احس انك قتلتيني ...!!!
(2)
خذاك الغيـــر ...!!
وركضتي له وهو ماجـاك ...!!
وحسبتيني انا بنســاك ...!!
ياليتك قبل مااشوفك ...
من عيوني حرمتيني ....!!
ومن قلبي الذي حبك ...
ومن تنهيدة يديني ....!!
انا ماعادلي موطن ....
ولا اعرف عناويني ...!!!
ولا اعرف عناويني ...!!!
(3)
خذاك الغيــر ....
وضاعت اجمل الاحلام ...!!
ولاباقي سوى الاوهام ...!!
ياليت الحب مايبقى ...
بداية رحلة الاعدام ...!!
وياليتك بعد ماارحل ...
تقولي للبشر بعدي ....!!
عشقني في جنون وهااااام ....!!..


    رد مع اقتباس
[/table1]



التوقيع :
قديم 29-09-10, 07:08 AM   #32
إداري سابق
 
الصورة الرمزية عبق الحروف

 










 

عبق الحروف غير متواجد حالياً

عبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished road

افتراضي . . ( إيـــه ضــــــــــــايق) . . . !!

[table1="width:95%;background-color:black;"]


-------
.
.
.
كيبوردية . . أبت إلا أن تأخذني بعد طول غياب إلى الملتقى ..
فضلت البقاء .. وفضلتُ الرحيل .. !!
تمنياتي أن تكونوا بخير :
.
.
أيه ضايق . . !!
مثل ما إنتي كذلك . . !!
يوم قلتي . .
( ضايق صدري تعال ) . . !!
يومها . . !!
كانت الضيقة مدينة . .
وأنا وحدي بالمدينة . . !!
والمشاعر ياضماي . . !!
من خلقها الله حزينه !!
حزني أكبر من خيالك . . .
صعب . . ماتتصورينه . . !!
.
.
إيه ضايق . . !!
لاغفت شمس النهار . . !!
وإبتدا ليل السهر . . !!
والإنتظار . . !!
أشعر إن الحزن يكبر . . !!
أكثر . . أكثر . . !!
وأنا ماأملك قرار . . !!
.
.
شوفي وأنتي تدركين . . !!
في عيوني . . !!
كيف تحرقها السنين . . !!
كيف يجرحها الحنين . . !!
حتى أصحابي نسوني . .
لا أتصال ولا رساله . . !!
وآنا من لي غيرك إنتي . . !!
لا أنقطع وصلك عن القلب الحزين . . !!
.
.
إيه ضايق . . !!
والسفر أتعبني أكثر . . !!
من مطار إلى مطار . . !!
كنت أحس أني بشوفك . . !!
وألتفت لك . .
عن يمين وعن يسار . . !!
والمقاعد ماأنتي فيها . . !!
في زوايا الإنتظار . . !!
كنت أحس أني بشوفك . . !!
وبعدها أقبل كفوفك . . !!
كانت الرحلة مريرة . . !!
هذا حالي بإختصار . .!!
.
.
منصور المعمري
21/8/2008م


    رد مع اقتباس
[/table1]



التوقيع :
قديم 29-09-10, 07:10 AM   #33
إداري سابق
 
الصورة الرمزية عبق الحروف

 










 

عبق الحروف غير متواجد حالياً

عبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished road

افتراضي . . ( وداعــــــــــــية ) . . . !!

[table1="width:95%;background-color:black;"]



----
.
.
.
وداعية !!
لك أنت ِ . .
برغم سيل الحزن الذي يكبر . .
ويكبر أكثر . . !!
حين أتذكر . .
كل ملامح وجهك البريء . . !!
حتى مساءات السكر . . !!
لك أنت ِ يامن على يديك . .
تعلمت أن للحياة لون ٌ واحد . .
هو أنت ِ . . !!
وعرفت بعد فوات الحب . .
أن للتاريخ وجه واحد . .
هو أنت ِ . . !!
وادركت بعد رحيل العمر . .
أن للحزن باب ٌ واحد . .
هو أنت ِ . . !!
أليك يامن شطبت ِ على حسناوات الدنيا . .
واحدة ٍ تلو الأخرى . . !!
لك أنت ِ يامن بكيت على يديك . .
حين كان الحب طفلاً . .
وكنت طفلا ً . . لايعرف غيرك . . !!
لك انت ِ يافاتنتي وملهمتي . . !!
أعرف أن الفراق مرير . .
لكنك أكبر . . أكثر إدراكاً . .
أنني حين أبعث لك هذه الرسالة . .
ستقرأينها بعقلك . . لابقلبك . . !!
قد يسقط صرح من خيال . .
قد تذبل كل الأحلام الوردية . .
قد ينتهي العالم . . في ناظريك !!
لكنك أكبر . . أكثر إدراكاً . .
أني حين أكتب لك :
( كوني بخير . . وأنسيني ) . . !!
ستفعلين . . ولن تسقط دمعة بعد اليوم . . !!
ياآنستي وصوتي الذاهب في الأحزان . . !!
ياأنشودة قلبي الغارق بالحرمان . . !!
كوني كما كنت ِ دوما . .
أنثى في زمن ٍ أخر . .
وحين تمر بك الذكرى . . !!
وتعودي حيث اللقاء الأول . .
عند آخر محطات الحب . .
قولي بملْ فمك . .
أني لا أعرف رجلاً بهذا الأسم . . !!
أنا لم أعشق يوماً . .
قولي للدنيا حين يجي ْ الليل . .
أن الحب لم يطرق بابك . .
وحين ينتصف الليل . .
ويعم الحزن أرجاء الأرض . . !!
وتشعرين بطعم الشوق . .
وتودي أن تكتبي رسالة . .
إلى المجهول . . !!
أكتبي هكذا ياأنستي وملهمتي . .
.
.
.
( إلى / العابث مغترب
كن بخير . . وأنساني ) !!

    رد مع اقتباس
[/table1]



التوقيع :
قديم 29-09-10, 07:12 AM   #34
إداري سابق
 
الصورة الرمزية عبق الحروف

 










 

عبق الحروف غير متواجد حالياً

عبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished roadعبق الحروف is on a distinguished road

افتراضي . ( الغرباء لايُعشقون ) . . . !!

[table1="width:95%;background-color:black;"]



------
مساءكم سكر :
.
.
.
بلادي غير بغيابك !!
وهم وأحزان بأسبابك !!
شوارعها . . طواها الحزن والتفكير . . !!
ومراتعها . . ألمها ( بالغ التأثير ) . . !!
طفت أنوارها بعدك . .
لإنك ( شمعة بلادي) . . !!
مساءي مختلف مثلك . . !!
ومساءك ياحياتي خير . . !!
بكت بغيابك الديره !!
وهزت ثورة أشواقي . . !!
ولاباقي لها ميزه ..
تميزها .. عن الباقي . . !!
رحيلك ألجم الأفواه ..
وأخذ كل الفرح وياه !!
وأنا أدوّر مثل سكانها عنك !!
كأنك حلم بعيوني ..
وكأني قطعة ٍ منك !!
ولا ألقاااااااااك !!
هذا بيت أهلك اللي بكى ..
حتى نشف دمعه ..!!
بابه يبعث الشكوى !!
ولايقوى .. !!
وشباكك .. سنه ماأستقبل أحبابه ..!!
ذبل .. مدري الندم صابه !!
مساءي مختلف مثلك .. !!
ومساءك ياحياتي خير .. !!
يا أغلى صوت ناداني .. !!
( بلادي ) بعدك تعاني ..!!
غدت بعدك مدينة ياس ..
تندب حظها المشؤوم ..!!
يعذبها حديث الناس .. !!
عنك .. والفرح معدوم ..!!
وتسألني عصافير الصبح وينك ..
سنه ماغردت .. وهي أجمل محبينك !!
وأبجمع لك . .
(عصافير الصبح )
( شمس الغروب )
( الورد والخلان ) . . !!
ومدينة غنت لعينك ..
ياعمري أجمل الألحان . . !!
وحديث الناس وصدر الشارع المكلوم . . !!
وشباكك .. وباب البيت . .
(ومحل الورد ) اللي بأخر الشارع . . !!
لقيته . . ينطر رجوعك .. !!
وأبجمع لك قبل ماأنسى . .
رسائل غالية جداً من دموعك . . !!
هذي أول رسالة .. !!
وهذي أخر رسالة . .
كتبتيها قبل عيد الضحيه بيوم :
(( إلى روح الهوى كله
إلى منصور ضيف الله :
كل عام وانا حلمك . .
وكل عام وانت بخير ..
تحياتي ووافر إمتناني ..
من أوفى بنت بالدنيا ( ..........) )) !!
وأبجمع لك هدايا عيد ميلادك ..!!
وعبارات الوله و( الشيطنه ) . . !!
وأطهر عباراتي .. !!
ياصوت الحب في ذاتي . . !!
أنا و( بلادي ) وبيتك ..!!
ذبحنا الشوق بغيابك . . !!
متى ليل الفرح ياتي . . !!
إذا مر العمر من دون رجعة . .
وإنتهى المشوااااار . . !!
ولاجابت ( بلادي ) بنت . .
بعدك تلفت الأنظار . . !!
امانه أتركيني للألم والبؤس والحرمان . . !!
وخلي عنيزه تسافر معاي لعالم النسيان . . !!
خطاي إني عشقت بقلب . .
وكنت العاشق المجنون . . !!
ونسيت أصدق عبارة وافيه ..
بالشكل والمضمون . . !!
(((( إذا أحببت أن تــَعشق ..
فلاتعشق الغرباء . .
الغرباء وحدهم لايُعشقون )))) . . !!
مساءي مختلف مثلك . . !!
ومساءك ياحياتي خير . . !!
.
.
ملاحظة بسيطة : مابين الاقواس ترك فارغاً منعا للتأويل .. !!


    رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

IP



الساعة الآن 05:17 PM


Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
Ads Management Version 3.0.1 by Saeed Al-Atwi
ترنكات لخدمات الويب