ديوان الشاعر \ نافع الحربي

انا كل ماصدري من اهل المجامل ضاق


انا كل ماصدري من اهل المجامل ضاق = تنصيت مزن ينعش الروح براقه

سحاب ربابه في قرى النايفة لهاق = يفز الضمير الحي لاشاف لهاقه

تسوقه نسانيس الهوى في طريقه ساق = تقافا يتكاشف يوم رب الملاء ساقه

امسيه والا اصبحه ساعة. الاشراق = ربيع. يسر العين ليله ومشراقه

انا ورفقة معهم خوي النشاما راق = يشم الشذى لا فاح من زاهر اعناقه

انا ذقت بالايام من حالي الاذواق = ولا ذقت مثل الطيب واحلا من اذواقه

ورفقة نشاما بقربهم تصدق الاشواق = وقلب على. درب الوفى يعزف اشواقه

خوي القفاري للكرم والوفى عشاق = صحيح ان طيور البر للطيب عشاقة

الا ياوجودي وجد متعصب محراق = شجيع ردي الناس زود له احراقه

ضرب ضربة منها الردي بعدها مافاق = تحمل عزيز القوم حملين ووساقة

وطشوه في سجن تحت مظلم الاطباق = ورى مغلق الاقفال مصبوبة احلاقه

تشيله هواجيسه والا يرجي الاطلاق = وراحت حياته ماتهياله اطلاقه

على ديرة تاريخها طيب الاعراق = لها عقب شمس القيض لا ربعت فاقة

مع العافية والعفو وامخايل الانساق = مراهيش مزن سيلها فجر انساقه

نافع مطر المرواني

إذا كان ما نته حكيـم الراي صـــائبهُ

هـذه القصيدة : على البحر البسيط من بحور الشعر المغنى القد يم


إذا كان ما نته حكيـم الرأي صـائبهُ = مالك طـريـقٍ عـلـــى بــوابة الـطـربِ

ترى الموت في رقرقٍ خضرٍ مدافعهُ = يسوى جـلوسـك مـع الحـساد والـكـذ بِ

فأن زارك الهـم وغـمدبك قـواتـلهُ = سوج القدم مع طريق الغــيث والنُصُبِ

قــفر عذيٍّ ســــرير الـبــــال زائـــــرهُ = خصب الأخاديد والريــضـــان والشُــعَـبِ

مـكــللٍ بالكلأ تحـبـوا زواحِــفُـهُ =حبوا الغراير على الكـيعـــان والـــرُكَـبِ

لطــيف رشح الــهـوى خـالي جـوانِـبُـهُ = الاالـجــوازي وفـرخ البــازِ والسُحُبِ

دارٍ بـها شق خـمـر الحـــب شـــارِبُهُ = شـق الـرهـيفـة عِـضـام الـزورِ والعَـصَــبِ

لـــيـلٍ كـواهِـلـُها زلٍ مـحـافِــلــُها = انـجـومٌ مـزاهـيـرُهـا كالــودعِ باِلـنـُقـُـبِ

اوحـش بها الدهـر وفـقدها مــعالِمُـها = إلا رســم جــثّـمٌ ســودٌ من اللـــهـَـبِ

وقـفت فيها شروق الشمس مُعــتـَبـِـرٌ = حتى اسـتـكـنّــت ونـصـفُ الـدائِرة غَــرَب

أسلي النــفــس ونـصحـها وعـاتــِبُـها = وقــول ماقـالـه الـثــعـلـب عـن الــعِـنـبِ

ترسم لي الذكـريات أسم محاسنهُ = أسم عـلى الجـسمِ كا لأ لماس باِلـعِـلَـبِ

النفس تنسى وبعض أحيان يـوقِـظــُها = بـيـتٍ من الشعــر بـيـن ضلوعها ركـبِ

قد هـزها قول الأعشى في عـواشقـهُ = هـز القـوافـي ضـمـيـر الشــاعـر العــذ بِ

يما اصطفى من رحـيق الشعر كـــوثرهُ = ياصف هُـريرة بوصف السحـر والــعـجـبِ

يامن يبي من جـميل الشعـر جــوهـرهُ = شـعـرٍ بلا واصـف لا نارٍ ولا حـطـبِ

ابحث عـن الجاهـلي وأحفظ نوادِرُهُ = إلى اليوم هـو خـيـر ماغـنّـت بـه العـرب

كان الكلامُ من الــفـظـة بـوادرهُ = فأ أن السكـوتُ من اليــاقـوتِ والــذهــبِ

فـكـم من كـلامٍ وقـع بالعـيـب قـائـلــهُ = خــا لي من الــشـعــر لاذوقٍ ولا أدبِ


( شعـر نافـع مـطـر المرواني )

الا ياسلا مي كان يـنـفـعـنـي الســــــــلا م = على اللـي كـما بـدر الـدجـا لاكـمـل نــــــــوره

لـحضـني بـحـورٍ لاخـرزهن تـقـول اسهام = عـلى القلب الاقشر وجه المـوت من حــــوره

تـبـسم بـغـرٍ كـلبـرد ماعـليـــــــــهـا الثــام = كما نظم عـقد الماس في حــــــــلق مطيــوره

ونا ما عـلـي اخـلاف دا م الـهـــوا قــــدام = ابـسـوج رجـلٍ في هـوا القــــــلب مجبــوره

ابسوجـها باالمملكه واليـمـن والشــــــــام = وبـحـذف عـجـز البـيـت مـن خــوف محذوره

الايانديـبـي فوق من يـرفـع المــــــــقـام = يـجـاوب تـقـاسـيـم الوتـر صـوت ما طـــــوره

حـديـث المـديـل اليـاعـترض كـنه الغمــام = عـلى ثـقـب الابـره وزنـة البـلف مصـــخـوره

ادنّـيـه لاضـاقـت عـلـيّــه وفـكـري هـــــام = ابـجلى صـدا نفسٍ من الوقت مكـــــــــسوره

ابسري عليـه بلـيل والشامـتـين ا نيــــــام = قـبل ما يـشـق الصـبـح وايـوص عصفـوره

هوا البـال دارٍ مابـها حاسـد و نــمــــــــام = نـضـيـف الفـلاة ا للي من الـمـزن مـمطـوره

أبتبع هوى نفــسي لو ان الهــوى ما دام = يغلب النهار الليل ويمـــــرّح طيـــــــــــــوره



نــــا فــــــع مطر المرواني

برقٍ سرى بشعاف غرٍ تقل ضـــــــي = بطراف مزمومٍ على الشطــــــر قادي

في حضن ليلٍ دونه الصـــــــبح يبدي = يتبع سنا نوره من الشــــــرق بادي

وغصن الربيع اللي غسل عوده المي = عطره على هيف النســــــايم يـنادي

عشبٍ وطاه الوسم ريٍّ بعــــــــد ري = عليه نوّ العقـــــــــــربيـــــــات جادي

ريح النفل يوم أشرقت شمسه ضحي = والجــــــو لا حـــــــرٍ ولا هو برادي

جدد عهودٍ جرحهن بالحشـــــــى ني = لبسن ملابيــــــــس القـــدايم أجدادي

وارد الضمير مهندسٍ محكم الطــــي = كنه بسلك العنكبــــــــــــــوتة إيقادي

والغصن جف وحاجب الشمس يـبدي = يومي به اللاهــــــوب بقران حادي

دربي طويل ولا معي للسفــــــر شـي = والماء هماج ولا هب القيض زادي

اطوي على الفضة سلوك الذهب طي = وقطف من ورود العســيرة مرادي

دام الوفى والحي في داخل الحــــــي = يغوص بعماق القـــــوافي اسنادي


نافع مطر المرواني

ياحمامة من الأغصـــان طـــيري = قبل أنادي بصوتي ياحمــــــــامــة

رفرفي بالحرير ابن الحـــــريري = ناعم الريش مجهول العــــــــلامة

اقطفي كل زملوقٍ خضـــــيـــري = قبل ليل الدجى يضفي ضـــلا مه

الشجر دوح والمارد غـديـــــري = والمطر وسم والدار أليمـــــــــامه

ون صفا لك زمان الخير سـيري = في ربى نجد ولا في تهــــــــــامة

كل ماهب نسناس العـصـــير ي = مر فيها الهوى يسحب خـــطامه

هزها العصر وأطراف الهجيري = واخضرٍ يشرب ألماء من غمامـــه

ياحياةٍ بها صاح النذيـــــــــري = ياحياة المغـــــــــــــــرّة والندامة

ماتحن الضعيف المستجـــيري = ولا تحـــــــــــشم الكريم من الملامة

كم عشيرٍ فقد فيها العشيـــــري = عقب عهد الفرح والأبتســــــــــــامة




شعر \ نافع مطر المرواني

يا مل قلبٍ على دار الهوا خاطره حن






يا مل قلبٍ على دار الهوا خاطـــــــــــــــــــــره حن = نا د نه الـذ كريا ت وسا بقنه اد مـــــــــــــوعـه

مرهـف ضمير الفتى فيه الجميــــــــــــلا ت يبــقـن = بقلبٍ كما الشا ش الابيض مقــــــفلا تٍ ادروعه

ها ذا مفيض الطويله والمراقـــــــيب يـــبــــــــد ن = صكن على جا ل مطويٍّ تـداحم أنجــــــــــــوعه

وها ذ ا صعيـد الفلا ة اللي عليه الهـــــــــــوا سـن = عفا عـليه الزمان وغاب عـنــــّـه أربــــــــوعه

وها ذي أرسوم المحبة لـلمـحبـيـن مـســــــــــــكن = يـوم ان ورد المحـبة مـزهـرا تٍ ا فـــــــــرو عه

وها ذي اقـصور الـشها مه عـقـب اهـلـهـن تـرد ن = با د الـرفـيع الـمـشـيـد ولا بقى الا جـــــذ و عـــه

ما تـقـل فيه الـدلال الـصـفـر لـلجـو د صــــفّــــــن = مـن فـو ق سـمـرٍ هـشـيم الـعـود عـــجلٍ ولـوعـه

ولا كـنهن با لمجالس يـتــلن العــــود صـبّــــــــن = مـن فـوق زل العـجـم فـاخــر عـلى الزل نوعــــــه

ولا تـقـل بـرضه اسمان الحيل للضــــيف ذبـحـــن = يفرح بهن الضعيف اللي ســطا فيه جــو عــــــــه

ولاتـقـــل فـيــه البـنـا ت ام الازمــه تـنــا جـــــــن = بـر كنٍ بـسـيـطٍ عـمـاره مـوقـدا تٍ ا شـمـــــــوعـه

يـادار ويـن الوحـوش اللــي بـك العــــــام يـرعـن = يرعن زهر نبت قــــــــــفرٍ مروياته أرجـــــــــوعه

هـذا الغدير المريف اللي بـــه الـصـبـح مــــــــرّن = قـبـل يـشـد الـضـحـا والـشمـس بـادي طـــــلـوعــــه

وهـاذا مـحـل الغـدى لامـن ضـل الجــبـل كــــــــن = عـلى شـمـال الـمـهـيـف اللي امـضـــــلـه تـلوعـــــــه

ا لـيـوم خـالي جـانـابـه غــــــيـر ورقٍ تـنــــا د ن = قـفـرٍ ايـنـادي لـعـشـاق الـطـبـيـعــــة اطـــــــبـو عـــه

ا لـو قـت غـيّــر مـعـا لــم ديـرة الاانـــس ولجـــن = مـا بـا قـي الا عـلا مـاتٍ قــــد يـــمـة ارمـــــــوعــــه

غـيّـر بـيـوتٍ عـلى سـطــح الـــوسـيـعـة ايـبـنـّــن = وهـو بـا قـيٍ مـسـتـجــدٍ مــا تـــغـيّــــر اسـبـوعـــــه

و قـلـبـي اللـي عـلى طــفـل الـهـوى خا فـقـه و ن = زار المـكـا ن الـقـديــم وجـاوبـنّــــه ا ضـلـــــوعـه

يـاهـل تـراهـم عـلى الد نـيـا ولاخـبـار يـصلــــــن = ولا عـليـهـم صـلا ب الارض خـاطـت اصـــــــدوعـه

عـشريـن حـجـة عـلى مـتـن الـنـجـيـبـة تـعــــد ن = فـيـهـا الـولـيـد الـحـديـث الـيـو م يـنـطح اجـمـــوعه

مـابـيـن نـازل ورحـا لٍ والايـــــــا م يـطـــــــو ن = مـا فـا ت مـنـهـن تـعـدى مـسـتـحـيــلٍ رجــــــوعــــه

نـاديـت بـا ا لـصـو ت مـلـمـو مٍ خـشومـه يـلجّــن = ولا رد لـي الـكـلا م اللـي تـجـــــا و ز ا سمـــــوعـه

خـيّـم عـلـيـه ا لـسـكـوت وجـارتيـنــه تـخـفّـــــــن = ويـقـنـت عـلـم الـيـقـيـن ا ن ا لليـا لـي قـطـــوعــــه

ا لـبـا قـي اللـه تـعـالـى وا لـخـلايــق يـبـيـــــــد ن = ا لـواحـد الـلـي بــه الـمـسـلـم يـعـلّـق اطـمـــــوعـــه



شعر \ نـا فــــع مطر المرواني

ياسحابٍ كنه الليل يوضـــــــــــــــــــي بالبروق = نصّبٍ يسبق رعدها رفيـــــــف بروقـها

تنطحه ريح الصبا ويتعطف بالحقــــــــــــــــوق= من هدب غرٍ مطـــرها يهز وســـــــوقها

له ثمان أيام مزنه من المنشى يســــــــــــــــوق= الهوا تقـــــصربها والثقيل يســـــــوقـها

في حراوي روضةٍ في مراعيف العــــــــــــروق= روضةٍ كن الذهب من اخشوم اعرو قها

روضة التنهات تنعم بحلوات العـــــــــــــــــذوق= جنةٍ ثلث الهوا من عبير اعــــــــذوقـها

روضةٍ خضراء وشمسٍ على الخضراء شروق= لا بسٍ غض الورق من جمال شروقـها

دار أبو متعب رفعها بســــــــــــــــيف العز فوق= البحر بطرافها والســـــماء من فوقـــها

خادم البيتــــــــــــين يافي ولا ياكـــــــــل حقوق= من نوادر لابةٍ ماتضــيع حقــــــــوقـها

المليك ابن الملــــــــــيك الرهاوي الرفــــــــوق= كلمته يازن هدفـــها على منطـــــــوقـها

ناصبٍ سيف المهــــمّات للجزله ســــــــــــبوق= دون ضل الدوحه اللي رتع غرنوقـــــها

اشهد انه في ربى نجــــــد للحكم أمعشـــــــوق= نجد معشوقة بطل والبطل معـــشوقـــها

شاربٍ كاس البطوله على الهقـــــــوه يفــــوق= نازلٍ بالقــــمّه اللي شمخ زمــلوقــــــها

من سلا يل صـــــــيرميّ على حقـــــــه شفوق= يوم عدوانه يطق الغضب بحــــــلو قــها

للسعوديه قصـــــيدة على عذب الطـــــــروق= درّةٍ بأهل الوفاء يا حلو مطـــــرو قـــها




شعر \ نافع مطر المرواني :

أنا اليا بغيت من اعذب الشعر لي طاروق


أنا اليا بغيت من اعذب الشعــر لي طاروق = ندبت المعاني ورفعت لي بيارقــــــــها

اصوغ الجواهر بالمعــرّب رفيــــــع الذوق = على مفرداتٍ يطرب الاذن منطقـــــها

ومالي ومال منــــتّفٍٍ بالزمـــن محــــــروق = غضاريف كبده زود الاجواد محرقها

عليّة احقوق ولي على الغانمـــين احقــــوق = تجاريب عمرٍ بالزمن ماني سارقها

احب السحاب اللي بمـــزنه رعــــــــد بروق = على ديرةٍ نسناس الازهار يطرقــــــها

وحب الرجال اللي لهم بالفضـــيلة ســـــــــوق = اهل القاعة اللي زاهياتٍ نـــمارقها

وحب الفتاة اللي لها بالـــشرف معـــــــلوق = كريمة رجال العرف تحمد ســوابقها

وكب الهتول مرقّعت ثوبها المشقــــــــــــوق = ولا حرّكت تيجان رأسي خــثارقها

اليا شفت لي من سذّج المجتمع مصفوق = حريٍّ ثيابه بالمجابيس يعلـــــــــــقها

سكت وسفهته واحترق قلبه المخـــــــــــــنوق = على كلمةٍ دقماء هو اللي تمــرّقها

ألا يازمانٍ حـــــــــط بالطيــــــــــــبين اطــــــــقوق = سياطٍ توهّج بالضماير مطــارقها

صفى للردي راع المكايد وحـــــــــــــــطه فوق = دفين الدسايس ولأجاويد يدرقـــــــها

ترى الحنظلة يبقالها بالمســـــــــــــيل عروق = ولو طالت الأيــــــام مرٍ مذاوقـــــــــها

ولو هي على مي المطر صافيٍ لاهــــــوق = مرارت خـــبايث جذعها ماتفـــــــــارقها


شعر \ نافع مطر المرواني

مشيت من حجــــــــر اليمــــــــــــامة الحالي = يصلاني الهاجوس والبـعد صـليا

تلّيتها والشمــــــــس مـــــــــــــــــثل الريالي = تفلي ثنايا طـويق بالــــــنور فليا

حـرّ كـتهـا وسـتـدر جت لـلـشـــــــــــمـا لـي = تاطي على سودٍ غرابـــيب ملـــيا

قـسـمـت بـا لتـمـثـا ل شـطـر ا لـهلا لـــــــي = يمّت مغيب الشمس حثٍ عجــليا

كـفـّـت اخـزا م يـمـيـن تـمـشـي عــــدا لـــي = تسبح على متن الطــريـق العدليا

وذبّيـت خـشـم ا لـخا تله وا نــتحـــــــــــا لي = الملتهب سمح القرار الســـــهليا

وحـطـّيـت خـزّه بـا لـــيـمـــــــيــن وبـدا لي = محدودب العبلة نضــــيف العبليا

طـويـت مـجزّ ل طي رث ا لــحـــــــــبـا لـي = طي الحبال اللي من الشمس بليا

ا ركـبـتـهـا حبل الثوير ا لمــــــــــــــــــوالي = يوم ان جال الغــاط بيّــــــه نزليا

تـقـل ا عـتـلـقـهـا بـا ا لـمـسـيـر ا لـجــفا لـي = جفيل صيدٍ من مقيلــــــه جفــليا

تـا طـى قـرا ر ا لـمـسـتـوي بـا ا لـنعـــا لـي = حتى تعلّت من صعافيـــق العليا

كـفـّيـت بـريـده بـا ا لـيـمـيـن ا لـشــــــما لـي = مازلت أحث السير غربٍ شمـليا

مـن فـوق مـصـقـول ا لـحـد يـد ا لـجـزا لـي = ربّان نوٍّ من خــــــــياله عزليا

قـا م ا يـتـقـشّـط مـثـل جلــد ا لـخــــــيـا لـي = كنه حصاةٍ حــــــوّ لت من جبليا

مـلـفـاه ا بـو عـوا د مـنصـى ا لـر جــــا لـي = مودع مكاضـيم المناعــــير سليا

عـســاك سـا لـم يـا بـعـد كـل غــــــــــــا لـي = ياجاليٍ بيض المواجـيب جليـــــا

مـا تـشــوف شــر ومـنـزلـك كــل عـا لــــي = مادامت الدنيا لهلها سهــــــــليا

يـفـداك مـن يـشـرب قـــــــــراح ا لـزلا لــي = واللي نزل بالــــدار واللي رحليا

وتـفـدا ك مـن فـازت بـعـرش ا لـجـمــــا لي = تكحل هدب نجلٍ حورهن كحـليا

يـا مـن عـلى طـول ا لـرياجيل طــــــــا لـي = ياكاسب الثنــتين مابك بدليــــــا

ا نـتـه كـمـا قـــفــرٍ مـن ا لــوســـم سا لـي = طرّف ســــماكه والملازيم ملـيا

يـلـعــب بـــــريّــان ا لـورق لـلــجـــمـــا لي = ويومي بهدبٍ يشـــــربن الهلليا

فـي جــو غــيــم وقـــا رص ا لــبـرد زا لي = بمنفّالاتٍ ماعدا الصــــيد خليــا

عـزا لـلـه ا نـك مـن خــيـــا ر ا لــعـيــا لي = من صفوة الاجواد قول وعـملـيا

مـثــل ا لـقــمــر يـجــلـى ضـلام ا لـلـيا لــي = ومثل المطر يحيي هشيم المحليا

وا لـكـامـل ا لـلـه مـاا لـدّعـيـت ا لـكـما لي = الواحد اللي فوق خلقه كمــــلـــيا



شـــعــر نــا فـــع مــطــرالمرواني