ديوان احمد حمود حلتيت الجريسي الجهني

يامحلا السجه عقب غيث الامزان=غيث المزون اللي سقى الارض نوه
في خايعٍ عشبه من الغيث ريان=زهره جميل وفايح العطر توه
مادوجوه اهل المقاني هل لاضان=ولا من العربان ساير مشوه
برن برير ينعش القلب لازان=وجدي على هبوب نسمات جوه
يزين ليله لابداء نجمه وبان=ويازين صبحه لابداء الصبح ضوه
نقطع سمار الليل مع شعر الاوزان=مع هاجسٍ بطيب دايم مفوه
في مجلسٍ مافيه ضايق وزعلان=فلة حجاج اللي من الهم سوه
على دلال الكيف من صنع رسلان=كيف الرجال اللي تعز الحموه
ونسج وقت عصيرمابين ظلعان=ونرقى على رجم سماء في علوه
في مرقبه ينزاح همي ولاحزان=وعيش لحظات العمر في صفوه
نشرف على رياضٍ وسيعه ووديان=وديان فيها الشيح عالي نموه
مع خوت ارجالٍ لها المجد عنوان=قومٍ لها في سجت الطيب خوه
خوة مطاليقٍ على العز فرسان=ورثة جدودا ماخذوها جبوة
ربعا تروم العز في كل ميدان=فيها الشهامه والكرم والمروه
هذي ربيع العمر فيكل الحيان=هذا هوى فكري وهذا سموه

هذا الزمن هو الزمن مابه قديم ولاجديد=هذي رسوم الارض ياربعي وهذي جبالها
هذا البحر مدة وجزرة بيد خلاق العبيد=وهذي سمانا ثابته بنجومها وهلالها
مابه تبدل لاحشا وربي على قولي شهيد=اللي خلق خلقه وخالقٍ شمسها وظلالها
اللي تبدل طبعنا ياربعنا وهذا الاكيد=والا الزمن ثابت على مر البشر وجيالها
تبدلت فين الظماير بالقريب وبالبعيد=تغيرت جل السلوم اللي نعرف ادلالها
راح الصديق اللي على مد الوصل دايم يزيد=يمشي على طيب المعاني مايبدل حالها
حراًعلى الميقاف لامن نخيته بالهديد=يفز وثقال الحمول الكايدة يشتالها
اللي مضى علم الوفاء ياربعنا بدم الوريد=تنبضبها عروق الحشا في دقها وجلالها
واليوم شفنا اللي يقص الوصل بالعزم الشديد=ماهمته صدقة صديق ولاحبال اوصالها
مركي على الدنيا وحسب انه على راين سديد=امضيع الرفقه ولايبدي على مدهالها
الله يديم الامن خل الذيب عن طبعه يحيد=يسرح مع الرعيان والفيه تظل ابظلها
ولا الزمن هو الزمن مابه قديم ولاجديد=هذي رسوم الارض ياربعي وهذي جبالها

ابـــــداء بــذكـــرالله قــبـــل نـــبـــدع الـقـيــفــان=ابـــــدا بــذكـــر الــلـــي خــلـــق كــونــنــا كـــلـــه
الايالله انـــــي طـالــبــك يـاعـظــيــم الشأن=تحـفـظ الـديــار الـلــي بـهــا الـديــن والـمـلـه
تحـفـظ الـوطـن يالله مــن مــارد وشـيـطـان=ومــــن كــــل قــلــبٍ شــايــل الـحـقــد والـغـلــه
وتــرحــم مـلــيــكٍ كـــــان هـوســيــد الـعــربــان=عــبــدالله جــعــل اجـنـانــك الــوارفـــه تـظــلــه
وتـعـيـضـنــا يالله فــــــي ســـيـــدي ســلــمـــان=مـالـيــكٍ يـعـقــد الـعـلــم لامــــن بــــداء حــلــه
مليـكٍ رقـى بالمـجـد مــن مـاضـي لازمــان=مالـيـك عـلـى روس الـعـداء سيـفـه يسـلـه
ومقرن قريـن المجـد لامـن بـداء شيهـان=يــبــاري طــيــور الــحــوم وعــزومــه اتـقــلــه
ومـحـمـد الـلــي سـطـوتـه تــرهــب الــعــدوان=نـــــار عــلـــى الــرهـــاب فـــــي دقـــــه وجــلـــه
هــلا بعـدهـا يامارحـبـا بحـضـرة الضـيـفـان=هـــلا مـرحـبـا بــالــي لــفــى الــــدار والـحـلــه
تحيـة وفـاء تنسـاق مــن ربـعـي الجهـنـان=ربــوعــي حــزامــي لابــــداء بـوقـتــي الـعــلــه
هـلا بوايـل الطـالـه هــلا بـوايـل الشجـعـان=هـــلا بـوايــل الـلــي تـرعــف الـطـيـب ودلــــه
رجــــالٍ لــهــا بـالـمـجـد ياسامـعـيـنـي شــــان=رجـــــالٍ عــلـــى طــيـــب الـمــكــارم لـهـاطــلــه
هل الجيش والنخوة هل الخيل والفرسان=هـــذولا بـنــي وايـــل عــــدو الــوغــى تـشـلــه
عـسـى الله يحييـكـم فــي دارٍ لـهـا عـنــوان=فـي دار الشيـوخ اللـي كـرم جودهـا تهـلـه
في دارابن وصل معرب الخال و الجـدان=طــلال الغنـيـم الـلـي رقـــى الـمـجـد وحـتـلـه
شـيــخــاً ولـــــه بـنـايـفــه يــاعـــرب مـســكــان=عــزيــزٍ وكــــل الــنـــاس يـاسـامـعــي تـجــلــه
وكــــــل الـقـبــايــل نـــعـــم فــيــهــا بــلاحــقــران=وكــــل عــلـــى فـعــلــه روى مــجـــده وعــلـــه
وصلـو علـى محمـد رسـول اخـر الأديان=ـشـفـيـع لــنــا عــنــد الـــــذي يـغــفــر الــزلـــه

البارحة سجيت والعالم الرقود=مع هاجسٍ بطيب ماصك بابه
عسفتلي مهره بها العز مسنود=اصيلةٍ من خيل فكري وركابه
هديةٍ بصابها عزوة الجود=بالقرن قوم المجد قوم المهابه
قوم لها بالمجد ياسامعي عدود=نبعه سطر والطيب صافي شرابه
بالقرن يوم الوقت عجٍ وبارود=عدوها يوم القى ماتهابه
يوم المنايا في رحى البيض والسود=اسيوفهم تقطر دما من خضابه
امجادها رسمٍ له صدور وورود=رسمٍ على التاريخ كلاً قرابه
يالي تسوق الكيف والطيب والعود=انصابه اضيوفٍ لفتنا قرابه
هلي ورحب وبذل الطيب بازود=خل النباء يضفي عليهم رحابه
يامرحبا عداد ماذعذع النود=وعداد ماهلت مزون السحابه
تحية من طيبها تروي كبود=تحية الجهنان نسل الصحابه
حيالله ضيوف لفت عندنا وفود=بالقرن ياربع الوفاء والنجابه
في دار شيخٍ للوفاء دايم ايرود=يرقى سنود وكف جوده سخابه
عبدالكريم اللي به الطيب معهود=حرا على الميقاف نحسب حسابه
حياكم الله عند ربعي هل الفود=ربعي جهينة سيف عزي ونصابه
جهينة اللي عزها راقي اسنود=في راس رجمٍ معتلي كل لابه
ربعي بحنين وبدر قادات وجنود=وبفتح مكه مجدنا ينحكابه
تريخنا ثابت وراسي ومشهود=نحتٍ على صدر التاريخ وكتابه
ونا الجريسي لختلف عودعن عود=ربعي هل الطاله نمور وذيابه
تاريخنا رسمٍ على الظلع موجود=تشهد لنا رضوى وحرير وشعابه
ونعمين في كل القبايل بلا حدود=كلاً على مجده منوخ ركابه
وصلو على مرسله خير معبود=نبينا اللي هدي دينه رسابه

ياهاجس الاشعار قوم النظم لي الدر الفريد=اللي تجمل ماقفي لأمن قريت سطورها
انظم لي اللي لا بدت تظهر على كل القصيد=اللي ليا غنيتها صفق لها جمهورها
سلام ومسا الخير يا ربع لها مجد تليد=سلام ينصى عزوة رفاعه وكل حضورها
تحية ينبض بها قلب الجريسي بالوريد=تحية من طيبها جتكم تزف عطورها
لجل الوفاء جينا يابو خالد عسى عمرك مديد=مشاركين مباركين ابفرحتك وسرورها
لجلك من ارجال على طيب الوفاء تبني وتشيد=لجلك من ارجال تشيل الطيبة بصدورها
تجارة العريف مع مثلك يزيد بها الرصيد=تجارة وصاني الشايب بامد جسورها
مبروك يا متعب عسى الافراح في دارك تزيد=عسى السعد تبقى نجومه مشعلات نورها
جعل الهنا يبقى على دربك وعنها ما يحيد=يا براك يا نسل الرجال اللي طوال شبورها
ربعك بني رفاعه هل الميقاف والعلم السديد=مرقابها ثابت على روس الجبال وطورها
الجود فيكم يا رفاعه والوفاء ما هو جديد=ثابت على مر الزمن في دوركم وقصورها
انتم من ربوعي جهينة لابة العلم الاكيد=الابه اللي مجدها من ماضيات عصورها
رسم لنا حب الكرم رسم من العهد البعيد=رسم لنا ناطى على روس العداء ونحورها
منا الرضيع ليبالغ سن الفطام الصبح عنيد=تظهر فعوله لأظهر بالمسرجات اظهورها
امجادنا نحت على صم الصخر صم الحديد=يضوي كما شمس تشع ابرها وبحورها
وكل القبائل وافيه والله على قولي شهيد=تاريخها ثابت على سجلها وسطورها
وختامها صلو على شفيعنا بيوم الوعيد=محمد اللي سنته نمشي على منظورها

صح لسانك وبيض الله وجهك

البارحة وانا على حدة السيف=سيف البحر اللي حدوده وساعي
شفت الغزال اللي بديع التواصيف=يرعى يابن مزروع من دون راعي
ما هو من الحضران ولاهو من الريف=غريب زوله ياطويل الذراعي
في ذمتي ما شفت مثله ولأشيف=قبلي ولأبعدي بكل البقاعي
مر وتعدى وأختفى كنه الطيف=مر ورسم طيفه وقفى وضاعي
فيه الجمال اللي خلي من الزيف=وهبه من الرحمن ما هو صناعي
في عينة النجلاء بحر طامي مخيف=موجه شديد ويغرق بكل ساعي
كن البدر وجهه بحد المشاريف=ظاهر على البيداء ونوره شعاعي
لا تلومني يا خوك ماهي على الكيف=من شوفته قلب المعاليق زاعي
قلب العناء خلف الضلوع المهاديف=مبحر مع طيفه بليا شراعي
جعل السحاب اللي مزونه مراديف=يعل دار ابو العيون الوساعي

تسلم اخوي محمد الله يحفظك ويرعاك والف شكر على مرورك العطر

(((قصيدة سيف البحر)))

البارحة وانا على حدة السيف
سيف البحر اللي حدوده وساعي

شفت الغزال اللي بديع التوصيف
يرعى يابن مزروع من دون راعي

ماهو من الحضران ولاهو من الريف
غريب زوله ياطويل الذراعي

في ذمتي ماشفت مثله وﻷشيف
قبلي وﻷبعدي بكل البقاعي

مر وتعدى واختفى كنه الطيف
مر ورسم طيفه وقفى وضاعي

فيه الجمال اللي خلي من الزيف
وهبه من الرحمن ماهو صناعي

في عينه النجلا بحر طامي مخيف
موجه شديد ويغرق بكل ساعي

كن البدر وجهه بحد المشاريف
ظاهر على البيداء ونوره شعاعي

ﻻتلومني ياخوك ماهو على الكيف
من شوفته قلب المعاليق زاعي

قلب العناء خلف الضلوع المهاديف
مبحر مع طيفه بليا شراعي

جعل السحاب اللي مزونه مراديف
يعل دار أبو العيون الوساعي

كلمات الشاعر / احمد الجريسي

ياهاجسي عدي بروس المراقيب=ارقى على روس الرجوم الطويله
خلك كما حرٍ عطيب المضاريب=لهد يرقى فوق متن المخيلة
مادم فكري بالمشاعر مشابيب=صيغ الجواهر لرجال الجليلة
قوم قدم الدرة بحفل المعازيب=اللي لهم بالقلب ودٍ نشيله
سلام ياربع الوفاء والمواجيب=سلام من شاعر يصيغ الجزيله
تحية من زاكي العود والطيب=تحية مثل النسايم عليله
من شان ابو ناصرزبون التراحيب=هديت فكر الشعر والسرجت خيله
لجله عزيز ومن خيار الاصاحيب=حرٍ على دارب المراجل سبيله
شيخٍ لياجات المواقيف مايغيب=تشهدله العربان وكل القبيله
جابر ليا نادا المنادي له يجيب=من عادته لافز حمله يشيله
له عد صافي مثل صفو المشاريب=يروي ضما من حس بالوقت ميله
حرٍ معرب ياهل العرف تعريب=من ساس قوماً ترتكي لثقيله
ملياحات ربعه من ربوع المكاسيب=ربعاً بمد الجود ماهي بخيله
فيها الكرم مغروس خلف المحاديب=يجري مجاري دمها كل ليله
من لابة جهينة رجال المصاعيب=اللي لهم بالمجد دارٍ ظليله
ربعي جهينة لا عوا الذيب لذيب=لا لمست النيران راس الفتيله
عدالة المايل نهار المطاليب=يوم المراجل بالسيوف الصقيله
تاريخنا ثابت بصدر المكاتيب=يضوي كما نجم الجدي مع سهيله
وكل القبايل وافيه مابها عيب=وكلٍ على واديه يدرج مسيله
وصلو على من مرسله عالم الغيب=نبينا اللي عزنا في سبيله