سلامي عليكم يالرجال

الاخ العزيز والغالي والشاعر الكبير سعد المحمدي صح لسانك واعتلا شانك
والله انك كفو يابو تركي في كل شي في اخلاقك العاليه وفي شعرك الرائع
شكراً على هالمحاورة الرايعه
وصح لسان الشاعر البرق

االبرق=
سلامي عليكم يالرجال الميامين = عدد مايلوح البرق في كل الديره
انا شفت وسط القسم شعار جزلين = وقلنا نتعلم جعل بالامر خيره
سعد المحمدي=
هلا مرحبا يالضيف حسب القوانين= قوانين حرب أهل السيوف الشطيره
تقدم وخذ عشرتك منا بعشرين= عسى ياسمي البرق عندك ذخيره
االبرق=
عسى الله يخارجني من السيف حدين = وحولت بين سباع جتني مغيره
أنا أعرف قبيلة حرب بالعسر واللين = قومن تشب النار قومن خطيره
سعد المحمدي=
من اسلوم حرب مرجحين الموازين=اكرام الضيوف وصدق نيه وجيره
من اي القبايل لرسايل عناوين= ياراع البعير اللي يدرهم بعيره
االبرق=
ونعم فيهم كلهم ناس وافين = وكل القبائل تشعم النار نيره
الضيف ماينشد يبا قدر يومين = سلوم العرب ماهي عليكم كبيره
سعد المحمدي=
نبي علمٍ ابيض يالرجال الفهيمين=نكمل نكمل فيه باق المسيره
ترى الملعبه يالبرق غير الدواوين=والا كل واحد له عروش وعشيره[/
االبرق=
أصبر شويه يصفي الماء من الطين = وخلك ورانا بالدروب العسيره
ياحربي تراك اليوم مابين قوسين = وعدوان ربعي بالليالي سهيره
سعد المحمدي=
اشوفك تروح اخلاف ويسار ويمين= لاما صرت حبٍ في رحا مستديره
طمعنا كبار القوم في بدر وحنين= ياراع الحمير اللي يكحل حميره
االبرق=
أشوفك جلست تشيل كل الجوالين = تقرقع وتسحب لك معاها قطيره
حربنا كبار الروم والهند والصين = ياراع الجفار اللي يحوش جفيره
سعد المحمدي=
تشوف العرب في عين طبعك من أسنين=لذع فيك سلكٍ مـن سلـوك الظفيـره
يامسكيـن خلفـك دافعينـك مساكيـن=تغنـي لهـم ليـلا وترقـص سميـره