الى من يهوى الشعر والاثاره والجدال والتحدي ..نبض الوجود ..الجمـــــــل

حين تشن الحروب بالابيات والقوافي على ميادين
الورق تسقط الحواجز وتبقى فقط الفكرة الأعذب ..والاقوى ..
حينما يبدأ شاعر بالتحدي ..ويتصداه اخر هنا تكمن الحروف المثيره..
وبعد هذا النزال يتوج الشعر الخالص القوي ملكا أوحدا لمملكة الصفحات ..
وتبقى القلوب كماهي بنفس النقاء ..مبتسمه لتلك الحروف
مع ودي لكم اضع بين يديكم منازله الجمل لنبض على ارضها وبين ذويها
بمنتدى القنفذه..

الجمل=
سلام من شاعر الشعـار=اللي لفا من قبايل حرب
بيوفي اهل البلد والـدار=وبيطحن اللي فراسه حب
نبض الوجود=
ترحيب لك وافي المقدار=يوصلك من شرقهـا للغـرب
ياشاعر(ن)ماعـلـيـك غــبــار=احنا شربنا المعانـي شـرب
الجمل=
عسى البقا طيركم ماطار=وقدامنا مامعـك مكسـب
العام تدري عن اللي صار=وهذا السنة مثلها واعجب
نبض الوجود=
دار الــزمــن يـاعـزيــزي دار=واخْلفْ على مثلكم مذهب
حكمـه مـن الـرب والاقــدار=سـاقـتــك لاعـنـدنــا تُـغــلــب
الجمل=
رميت نفسك فوسط النـار=والنـار تاكلـك ماتلعـب
مهما تركز مـع الافكـار=بغزيك من حيث لا تحسب
نبض الوجود=
الشمس ماهي كما الانوار=وانا هنا شمس ماتغـرب
ياضيف دامك لفيت الدار=خَلْك بها ذرب ومهـذب
الجمل=
خلك من الشمس والاقمار=انا من المستحيل اصعب
ومنك الهزيمة عليه عار=ومع مثلك الفكر مايتعب
نبض الوجود=
مكتوب ..لك داخله إنذار=النار تصلاك لا تقـرب
ماتلحق الذيب ..يامكار=ماغير مهزوم ياثعلـب
الجمل=
انت تحـت سيفـي البتـار=وان مارضيت الحكم تُغصب
ومهما تحاوص يمين يسـار=مصيود مصيـود يالارنـب
نبض الوجود=
مذكور عنـا وبالآثـار=سباع بالناب والمخلـب
ماغير روْح مع من سار=لا تجيك طيحه وتتكبكب
الجمل=
وحنا ليـا دارت الاخطـار=اشد مـن صمهـا واصلـب
ولا انت فارض عليك حصار=مالـك طريقـه ولامهـرب
نبض الوجود=
لاياجمل قول00 لاتحتار=ناديت لك قول يامرحب
لاهب قدامك الاعصار=لملم صحايفك لاتنـدب
الجمل=
انـا مسيـرك ماتختـار=رضيت ولاعسى تغضب
والضلع ماهـزه التيـار=لوكان طول السنين يهـب
نبض الوجود=
يابحر هادي وفجأه ثار=باغوص في داخلك للغُب
فطين لي خبره البحـار=اعرفك واعرف معاك العب