وين طريق بيروت ياحرب لا موت بالطريق انتحاري تكفون ...

وين الطريق اللي يـودي لبيـروت=لا موت بكره بالطريـق انتحـاري
الفكـر لا عـزّم ينسينـي المـوت=لو كان ماني بالمطاريـش ضـاري
ارتاح لا روّحـت رغبـه ومنعـوت=من شخص له خبره وشايف وداري
يشوتني فكري على شوفها شـوت=ولبنان كلـه صـار حبـه جبـاري
حبه ما بين ضلوعي الحدب مكبوت = وان قلت جاري بالشرايين جاري
اهل(الكرافته) على مفهـق الكـوت=واهل الحضاره ما تعرف البـراري
شقاي ابو بابيـن كحلـي وكبـوت=لونه رصاصي والعلامـه سفـاري
واغلب شطرطونه مثل ثمرة التـوت=ومخالطـه لونيـن بنـي ونــاري
باسمي رباعي واستماراته ثبوت = ثنتين في درجه ولاهن عواري
مغلفات احجامها اوراق بالوت = كبر البطاقه فوق صدر استشاري
ولوحات وضح (400 )رمزها( ح و ت) = موقع مصادرها يزيد افتخاري
طيبه ياعنبر ياشذا ورد ياقوت = افخر بها لا قلت هذي دياري
وشمعاته اللي نورها اسبق من الصوت = تقول حرً شايف إله حباري
اليا قحص طيحت بطل من براشوت=خانت مضامينـه وجـاك انحـداري
NAISSAN توه والمفاتيـح ريمـوت=جيـبً جديـد مطلعـه باختـيـاري
ما ينحصر وصفه على عشرة ابيوت=ولا كل شاعر في وصوفـه يمـاري
فيه القلص في ميخره تقـل تابـوت=حاسب لو اوقّف وقوف اضطـراري
به كل ما حتاجه من الشرب والقوت=بالروحه اليا رحت وان جيت ساري
له شهر واكثر بين ضلعان واخبوت=بريّحه عـن معضـلات الصحـاري
مجهّزه خايف على العطلـه تفـوت=باقي شهر واللي بقي مـن نهـاري
موزّعه اوقوده على خمسة كـروت=وكرتين في بطنه تناصف مسـاري
مختّمه من( نفط ) بنزيـن وزيـوت=وموقّعه مـا بيـن بايـع وشـاري
واخر ما قول الهم والهـم طاغـوت=مرسي بوسط القلب !! ما جاه طـاري
الهم !! كله بس وشـوف بيـروت=لا موت بكره بالطريـق انتحـاري

نفط : مجموعة محطات (ميد) عندنا بالمدينه المنوره
شاعر الحدث : نايف الحبلاني