يابو روان اليوم عندي دعوى ...

يابو روان اليوم عندي دعوى=عساك تقوى عليهـا تقـوى
والوقت ماهو على ماتهـوى=ماضاع حق من وراه امطالب
يالنويمي علامك ماتحـب الضيـوف=جارك اللي تزوره من عيوبه عطـاك
الرجال الكريمـه للعطايـا تـزوف=من طرق باب دارك تقطعه من رجاك
يامرحبـا ياطيبيـن السيـره=أسمع صداكم من رجال الخيره
لاكن تامر وأنت راعي الديره=ماضاع حقِأ من وراه امطالب
يارجال القبيلة لو نصف الصفـوف=منهواللي من الجيران بعثـر رحـاك
والله اني على البيبان واقف وقـوف=نكشف الطرقي اللي جاب علم وطراك
لاطبت الاجبان من هنقـاري=أخذتها من دون سوم الشاري
والضيف يسكت حيا وايداري=ماضاع حق من وراه امطالب
الجليس المفرق لايدق الدفـوف=فاهم المسأله لو كان تبدي غباك
لاتحط الحواجز في رقاب الحروف=خطك اللي كتبته ماعطانا نبـاك
ماطب سوقك غير شيأ طيب=وانتا عليها يوم صرت اقريب
لاكـن روح لاتـزوج ثيـب=ماضاع حقأ من وراه امطالِب
الجليس المفرق مايصفق كفوف=لا عليه الملامه لو وصل مستواك
مانبيها طلابه وانت خطك كشوف=مار خل القضيه ياعميلي معـاك
لاتحتكر فى الورد نوع الجوري=وتقول انا شاعركم الاسطوري
ياطيب شعرٍ من لسان الحوري=ماضاع حقٍ من وراه امطالـب
الجليس المفرق لو جنابـي يحـوف=مايهز الجبال الراسيه مـن غـلاك
جاتك الحكمه اللي في حروفي تشوف=لو سمعت المناصح ماتقلـد عـداك
ياصاحبي معك القصايد حره=والشاعر اللي مايعيد الكـره
لاباس ياللي ساكنين الحـره=ماشاب قافك لو وراه امطالب
ناخذ الحق دون ارجالنا بالسيـوف=وانا قبلك رميت القوم يومه رمـاك
والله اني معا العربان حسب الظروف=مار فتح سموعك من هذاك وهـذاك
ماطَلتني ياصاحبي مـن حـدك=مانلت ذيك ولاهذي مـن يـدك
لاتحدني فى الشعر لاكشف سدك=ماضاع حقٍ من وراه امطالـب
جيت ادرس عليمي كيف يسعى يطوف=جادلي من علومه كيف حكم السـواك
بدل السين بالثا يوم ينطـق كسـوف=نعنبو روعة من ذيب يعـوي هنـاك
لانتا امير ولانتا راعي اماره=ماغير عمده ياكبيـر الحـاره
مكشوف امرك لاكشفت اخباره=ماضاع حقأ من وراه امطالب
يشهد الله لقيله كود رجل(ن)طـروف=مار عطه الفتـاوي ولا يعـود وراك
كثرت العالم اللي بين طيب ولقـوف=مار احسب حساب اللي دعاني ودعاك
ياذا الجمل قام بحمـل وبـرّك=خل البلد لاهله وارحل بـرّك
وين الذي فى الحي جاك وبرّك=ماضاع حقٍ منوراه امطالـب
بسألـك يامحنـك واقـعٍ لـه تـروف=مارضي عنه قلبي وماكسب من رضاك
ربعنا فى القصايد ضربها فى الكتـوف=دايم الشعر زنده يشتعل فـى العـراك
مابرك إلا لجله على النيه=وماشفت معكم غير لقمه نيه
ياصاحبي اعلومكم معنيه=ماضاع حقأ من وراه امطالب
منته مجبر على دعوتك منتا امكلوف=مار واحد ومجبر ثم قام وناخاك
ياعميلي تريض منتا جايب هنوف=قودها بالمعاني لجل تأخذ هواك

صحت السنتكم وكفو والله

صحت السنتكم

وبيض الله وجيهكم

	المشاركة الأصلية كتبت بواسطة ابوروان النويمي

	مابرك إلا لجله على النيه=وماشفت معكم غير لقمه نيه ياصاحبي اعلومكم معنيه=ماضاع حقأ من وراه امطالب منته مجبر على دعوتك منتا امكلوف=مار واحد ومجبر ثم قام وناخاك ياعميلي تريض منتا جايب هنوف=قودها بالمعاني لجل تأخذ هواك

ياذا الجــمـل قــام بحمــل وبــرّك = خل البلد لاهله وارحل بــرّك
وين الذي فى الحي جاك وبــرّك = ماضاع حـقٍ منوراه امطالب

بســألك يــامــحنــك واقــعٍ له تــروف = مارضي عنه قلبي وماكسب من رضاك
ربعنا فى القصايد ضربها فى الكتوف = دايم الشــعر زنــده يشتعل فى العراك

[/QUOTE]

توضيح:
البيتين الاوله رد على أبوروان في عمدة الحارة
والبيتين الثانية طرح قضيه جديدة حول الهجوم بالقصائد ؟؟
ولكن أبو روان شتل موضوع البيتين الأخيره شمال 0 لماذا ؟؟ لا أدري هههههههه ولكن هين يابو روان
واستلم لاهنت يالغالي :

لا عادها ياصاحبي من صحبَه = لو طعتني باوصلك صف النخبَه
الطالب الكســلان سوى طَلبَه = ماضــــاع حقٍ من وراه امطالب

جــاز لابو حنيفه مــد رجــله سنـــوف = كبرت العِمه اللي مـاتقدي خُطــاك
لو بعثت النويمي صوب مصر الحُنُوف = يمكن الطب يقدر يكتشف لي دواك

صحت السنتكم

وبيض الله وجيهكم

الله على هذه المحاورة الجميلة والرائعة
من الشاعرين الكبيرين سمو الشوق وأبو روان
نحن بإنتظاركما وتقبلا تحياتي وتقديري

صحت السنتكم

يازين حظه يوم جاه انويمي=يمشي معه كان سار اعليمي
والصاحب اللي مايعرف اقليمي=ماضــــاع حقٍ من وراه امطالب

بلغ الطالب اللي يمشي مشي العكوف=لو بلغ مستواه العلم جنب عصاك
انتبه يابن عمي لاتعدى الهفوف=واطلب التمره اللي تستوي في صفاك

هلاوغلا بالجميع

بيض الله وجيهكم على التواجد الرائع

يعطيكم العافيه

حياك

يامحكمه والشيخ فيها تركي = والمتهم محتاج خشمه فركي
مايعترف ياكود يانس عـركي = ماضـاع حقٍ من وراه امطالب

كل ماقلت يمشي صار مشيه نكوف = بلغه من مقامــــك دام يسمـــع نداك
لاتو صي بديـــره زوجوك الغــدوف = منيتي فى المدينه وانت جاتك مُناك