 |
 |
 |
 |
|
 |
||||||||
 |
|
 |
||||||||
 |
 |
|||||||||
 |
|
 |
||||||||
| مــلتــقــى دواوين شــعــراء الــقــوافــي [ جميع الشعراء ] |
 |
|
|
أدوات الموضوع | إبحث في الموضوع | انواع عرض الموضوع |
|
|
|
|
|
|
||||||||
|
|
|
||||||||
|
|
|||||||||
|
|
|
||||||||
| مــلتــقــى دواوين شــعــراء الــقــوافــي [ جميع الشعراء ] |
|
|
|
أدوات الموضوع | إبحث في الموضوع | انواع عرض الموضوع |
|
|
01-02-25, 07:01 PM
|
#1 | |
|
مستشار القوافي
|
قي حفل ابو مهدي عسى الله يديمه
الشايب اللي له مكانه وتقدير شيخ وكريم وفيه طيب وعزيمه كريم سبلا مايهاب المخاسير سلام ماهلت على القاع غيمه وماغردة فوق الغصون العصافير بكل الحضور من الرجال الحشيمه يعم ضيفانه وكل المسايير بعد السلام لمدح الابطال قيمه والله لاصخر عاصي القاف تصخير وحط لي بين الوسايم وسيمه شاعر وعرف الوارده والمصاير يومين لندر هجوسي محيمه عشان اجيب مطابقه للمعايير عصما لها في مدح الابطال قيمه بني عطيه ريف جار وخطاطير اهل سخى واهل عقيده سليمه يابعدهم عن كل هفوه وتقصير رجال منهم ماتجيك الثليمه واهل كرم يوم اليالي معاسير وهيهات لابان الغريم لغريمه وصاح الصياح وطار ستر الغنادير يفضلون الموت قبل الهزيمه دون الديار ودون برص المواخير قبيلة ٍ بين القبايل عظيمه لها شمال الدار هيبه وتاثير |
|
|
|
12-03-25, 04:49 AM
|
#2 | |
|
مستشار القوافي
|
سعود ابن جازي دعاني وجيته
لو مالضروف مواتيه له تواتي بعد الديار ودرب مضلم مشيته ومابيني وبينه من الشامخاتي ماتردني عن طيب ٍ شاع صيته باذن الكريم وعالم الخافياتي شيخ وشجيع وراس ماهو نبيته للكايده مفتاح والمقفلاتي من دون قوقل ماب تاصل لبيته واضح ومايحسب من الايذاتي الباب فاتح ماطفى يوم ليته اقلط وتلقى لسوالف هواتي وحلو النبا مع دلة ٍ مقتفيته من ضمن عشره صنفها والماتي منوة معومس ماهتنا في مبيته حداه ضرف وسامر السارياتي من بعد ماراحة بوجهه عميته فرجت وجمع مابقاء من شتاتي وصينيه ٍ جيعان يومه تقيته هتاش ليل وماحصل له مباتي وابوه لاكبرت عليك ونصيته بلسم جروحٍ بالحشا غايراتي عساه يبطي محزمي مابكيته شاعر لشعره بالمجالس طراتي لو امدحه بمعلقه ماحتويته يفوق مدحه هرج ومولفاتي وربعه حدود ديارها محتميته بالسيف فوق الجيش والمسرجاتي سلايمه لاغطرفت مستميته على الجمل مع روجه الرايجاتي عن والدي عنهم كلامه رويته تدفن ركبها دونها لثباتي تاريخهم درسة فيه وقريته وسجلت روس اقلام بمذكراتي شاعر ليا قلت الكلام احتميته ماخطي وماحب الخطا والشماتي وان قمت عن طيب بلازم كفيته لي وعليه للكفو واجباتي |
|
|
|
|
26-03-25, 04:58 AM
|
#3 | |
|
مستشار القوافي
|
البارحه جاني مقدر ومحشوم
صديق صادقته محبه ونوماس ليه معه رفقه وانا اطيح واقوم يجري مجاري دم قلبي والانفاس يقول من شاني شريحه من القوم عادوك مايبغون ذكرك مع الناس وصبحت مابين الفريقين متهوم انا السبب وانته حياوي وحساس قلت انت منجا لاهبا كل مذموم يزعل حضورك بالزمن كل هلاس اقلط على حلو النبا وكسر الحوم خذ بالفضا ياطيب الفال مرواس دايم على من ينكرك تقل جاثوم يكره حضورك يوم الارياق يباس |
|
|
|
|
01-04-25, 11:08 AM
|
#4 | |
|
مستشار القوافي
|
الصحف طويت والقلم جف حبره
والدين مايمديك تقضي سداده مافات ماعندك به اليوم دبره ياكود عض اصبحك عجز وبلاده ماخذت من غيرك والاحداث عبره وراع الشداد اللي نشب في شداده اسمع كلام اللي بعد باح صبره كلام شاعر فيه عرف وركاده ماحد سمع فيها قبل حفر قبره وانته تبيها بعد موته قلاده مرحوم يفارق بعرفه وشبره عن الوجيه اللي عليها رماده مابيني وبينه حشا سلك ببره علي لاتسرج لعانه جواده ان كان ماعندك ذهانه وخبره تعال واوريك خصمك وناده صوتك نشاز وفيه للخبث نبره صايبك تال الوقت طيش وقراده معي ماينفع طيش طايش وكبره معي على وطي الصوابر شهاده |
|
|
|
|
29-04-25, 11:28 PM
|
#5 | |
|
مستشار القوافي
|
اقلط على كيس الكريم وتعشا
وخل الامور الكايده لبن دومان ومن الغرابه للمصيقر تمشا وخذ الحذر حولك قنب ذيب شوفان تراك شاويٍ قريب المشا شايب طويل السان وقليل احسان الحسد في قلب الردي لاتفشا ماله علاج الا قطيعه وحقران علي لامنه من الجحر وشا ودبت فيه من القريبين عدوان ياليت عن بعض السوالف تغشا وماجتني علومه مراديف ولوان والا مع اللي خشو العام خشا ماحط نفسه لشواخيف نيشان |
|
|
|
|
24-05-25, 07:28 AM
|
#6 | |
|
مستشار القوافي
|
ليل الدجا غيبت كل انجومه
كني مكلف في حساب نجومه ماغمضة عيني وفكره صاحي من ضيقةٍ بقصى الحشا مكتومه ماهو هوا غيدا تهيم العاشق تقول تحت عيونها تنعومه مافي تشخيصه وصرف علاجه يحتار فيه الطب للمعلومه ماني مشرع باب ماهو بابي من يوم عني صك باب الكومه وعن الذلول اللي دبرها واضح مثل اشقرٍ بالجو يبعد حومه مدام ماهي عند ولد محمد بمراح غير امراحنا ماسومه رجال عارف ماعلي وليه وعن يوم مافطر فيه كيف اصومه الله يعز الدار واللي فيها لو الشوارع كلها ملغومه اخر زمن حتى الصديق الصادق يمكن يجي بهدوم غير هدومه انا صديقي محزمي وسلاحي سلاح ردع وخنجرٍ مسمومه وغيره قليل بمهنتي صدقاني من ساحل تهامه ليا القيصومه |
|
|
|
|
12-06-25, 05:56 AM
|
#7 | |
|
مستشار القوافي
|
الشاعر سليم سعود الجابري
تغير سعد دومان مدري وش اللي صار عسى الامر خير وجعلها ايامنا خيره اعرفه عن علوم الردى مبعد المشوار ولايقربه عرق الردى مبعد الديرة لكن الغياب يخلي اهل الوفاء تحتار ليا طالت المده تصيب البشر طيره وانا والله اني من غلاته وهو خيار ليا طول الغيابات قلبي كما النيرة """""""""""""""""""""" رد الشاعر سعد المحمدي انا جعل شايب خلفك ماتمسه نار نصيح الفؤاد وطيب الخلق والسيره عن الحيره اللي فيك موجز من الاخبار يكفيك مايحتاج شرحه وتفسيره اذا مابها يالجابري لرجال ابهار ترى ماني اللي يخلط المر بالشيره غيابي بيوم ٍفيه عجه وهرج صغار تجيني قبل ماتغيب شمسه تباشيره وحضوري بيوم ٍ فيه للمسرجه مضمار يبين على وجيه المباغيض تأثيره |
|
|
|
|
06-07-25, 07:39 PM
|
#8 | |
|
مستشار القوافي
|
*هاجد ولد نايف دعاني محبه*
*وجيته غلا من طيب راسه ومجناه* *والله لو دونه من اليم غبه* *او حال من دونه صحاري ومضماه* *مع كنة الجوزا وحامي مهبه* *لاجيه دام سبوت رجلي معافاه* *سلام يابلسم جراحي وطبه* *مالاح براق الحيا ونتثر ماه* *اخترت لك من صادق الهرج لبه* *بجزل البيوت الهادفه والمقفاه* *يامحزمي بيامي المشلهبه* *الياعطاني وقت الاهوال علباه* *والزيت جا يامسندي من يصبه* *من فوق نار ٍ تاكل العود والحاه* *وبان الصديق وبان راع المسبه* *طاح القناع وبان وجهه وشفناه* *يسامعين القول دق المنبه* *في مدح من مدح الرجاجيل يزهاه* *اجيب نبذه صادقه مستحبه* *الصدق دايم للرجاجيل منجاه* *راعي كرم للضيف فاتح مشبه* *لامره الطرقي قلط ماتعداه*، *وعن واجبه ريع الخلا مايذبه* *للكايده كلن بجنبه تمناه* *رجال في غيره حشا مايشبه* *لين جناب وتفعل الطيب يمناه* *ماخالف سلومه والا دين ربه* *نهجه سليم الله يعزه وياقاه* *من عزوة ٍ كم راس تطحن لحبه* *يوم الاصايل للمعارك محذاه* *اهل المليحا من قرينه لعبه* *تدفن له الركبه نهار المثاره* *يقبل من الفسقه هديره يقبه* *ويرجع يلج ارغاه وادي تمثناه* *واليوم كل اوضاعنا مستتبه* *الامن سايد والرخا والمساواه* |
|
|
|
|
08-07-25, 10:12 PM
|
#9 | |
|
مستشار القوافي
|
فنجال مع حلو النباء والرحابه
عندك يابو فيحان يسوى ذبيحه حنا سلمت ودمت ربع وقرابه من غرب طيبه لين نجد الفسيحه لو ماضروف تحتم الاستجابه مامل من شوف الوجيه الفليحه ان امهلت يامحزمي والعصابه جيتك وجيت من الرفاقه شريحه الوصل وصى فيه منزل كتابه وقطاعة الاقراب ذنب وفضيحه يابن ضويحي حن قوس الربابه شاعر وعندي بعد شوح وقريحه لشرواك يابن العم نقع السحابه وعلى كبير النفس شر وقديحه ان كان مالك عند خصمك مهابه يزعجك لو جنبت دربه نبيحه ياعل مايبكيك جالي عزابه مثلك عسى يفداه راعي شحيحه يالله بدعوة ساعة ٍ مستجابه عسى جميع ايام عمرك مريحه ماكل رجالٍ يعوض غيابه وماكل صدقان المجالس نصيحه |
|
|
|
|
17-07-25, 05:02 PM
|
#10 | |
|
مستشار القوافي
|
وجدي وجود اللي ضحك له زمانه
بالبنك مايمسك سرا بالطوابير ارخت له الدنيا مصارع عنانه ونافس كبار الارصده والهوامير امسى وعنده بشت شيخ وحصانه ومسحين الجوخ عنده من عصير والصبح يقرا في نزاهه بيانه بعد التحري صدرو فيه تقرير جميع مايملك رجع للخزانه وعليه باقي بالقضيه فواتير وده خلاص النفس بعد الادانه مير العداله غير واللي يبي غير وانا وجودي عكس وجده وشانه ماملك عقار وماب جيبي دنانير وجدي قبل خانه تجي بعد خانه ويصير في جوي غيوم ومعاصير سجه شمال الدار يابو جمانه وسهيل شوف العين دون النواضير والبرق في كبد السماء عقربانه يطوي ظلام الليل طوي القصادير وخوة مثل شرواك قرم وتكانه مايعقد حجاجه طويل المشاوير رجال مابه شوف نفس وسكانه تواضعه من طيب راسه وتقدير |
|
|
|
|
|
|
|
|
 |
 |
 |
العرض المتطور
