قصيدة لسجين من قبيلة حرب محكوم عليه بالقصاااااااص

الله يفرج كربته ويكشف عن همه انه ولي ذلك والقادر عليه
ولاحول ولاقوة الا بالله العلي العظيم

	المشاركة الأصلية كتبت بواسطة موسى عوض الوسيدي

	ووين شيوخ حرب عنه؟!!!

عز الله انك صادق
وين حرب عنه عز الله انهم تردو فييييه

والمسكييييييييين برجاء الله ثم برجاء جماعته وقبيلته

	المشاركة الأصلية كتبت بواسطة ابوطلال

	عز الله انك صادق وين حرب عنه عز الله انهم تردو فييييه والمسكييييييييين برجاء الله ثم برجاء جماعته وقبيلته

قصيده منقوله ( على لسان محمد ينخاء ربعه وجماعته قبيله حرب كافه )
يا الله يالحيّ الصمـد وأنـت جبّـار
فردٍ علا شأنـك .. عظيـم الجَلالـه

سبحانك المعبـود والنافـع الضـار
يا معطـي السائـل طلَبـه وسؤالـه

يا رب يا فـرّاج كربـات وعسـار
ومن تاب تغفر لـه خطـاه وظلالـه

ومن بعد ذكرك يا بالإحسان نختـار
مثـايـلٍ تـشـوق لـلـي قـرالـه

قال الذي في بدع الأمثال مـا حـار
يا راد بـدع القـاف ينقـى جزالـه

دارت دواليب الدهر .. والدهر جـار
واليـوم بقـعـاء كبّلـنّـي حبـالـه

أنا غويـت وعـادة إبليـس غـرّار
حتى وقعت من الجهـل فـي جهالـه

ابـن آدم مسيّـر ولا هـو بيختـار
والغيب ما نَعلَمـه فـي كـل حالـه

أمرٍ جرى .. عقبه تجرّعت الأكـدار
عض النـدم والعقـل خطـرٍ هبالـه

أنا ندمـت ودمـع الأعيـان همّـار
تسهر ولا ينفـع كثيـر الـدواء لـه

يـا رب يـا غفّـار عـلاّم الأقـدار
مـا غيـر وجهـك واحـدٍ ينشكالـه

أرفع لك التوبة عـن الذنـب تكـرار
وأطلبـك تيسيـر الأمـور بسهالـه

واليوم أنا في حكم صلبيـن الأشـوار
محكوم قـص ولا لـي ألاّ الوسالـه

أبتوسّل عتق عـن كـل مـا صـار
وأنخى قبيله حرب لا جـاء مجالـه

من شرّ ميلات الدهر أنخى الأحـرار
أنخى الشيوخ أهـل الكـرم والبسالـه

ينخاكم اللـي بيـن قيديـن وهجـار
يا شيوخنا يـا فزعـة اللـي عنالـه

أنتم لنا يا صار بالوقـت مـا صـار
حصنٍ منيـعٍ شاهـده مـا مضالـه

أنتم هل العادات فـي فـكّ الإيسـار
تسعون فـي فـك النشـب وإنحلالـه

يا أهل المكارم يا فزع كـل محتـار
ينخاكـم اللـي حطّـم اليـأس حالـه

تكفون .. ما لي حيلةٍ .. ذقت الأمرار
سجين .. والأصحاب راحـت بحالـه

وين الفزع ويـن النشامـا والأخيـار
وين الرجال اللـي علـى كـل قالـه

أنا نداي لكل شيخـان وإمّـار
والأجـر بـإذن الله كــلٍ ينـالـه

يروف باللـي حـزن الأيـام شالـه

ما يفشّـل العانـي ليـا جـاه زوّار
مـن روس قـومٍ يدركـون الجمالـه

كسّابـة النامـوس بالموقـف الحـار
نعمٍ بهـم ربعـي علـى كـل حالـه

في ساحة الميـدان يهـدون الأعمـار
صيـارمٍ بالكـون يصعـب جدالـه

وأنـا برجـوا الله عـلاّم الأسـرار
ثـم برجاكـم يـا رجـال الشكالـه

إدخلكم باللي مجـريٍ سبـع الأبحـار
لا تتركوني .. سـود الأيـام طالـه

ونخاء قبيله حربرفيـع الأذكـار
حرب ليـا مـن الأمـور استحالـه

تسوق جاهه في طلـب كـل محتـار
عنـد النشامـا لـه وجـاه ومقالـه

فزعاتكـم تشبـه لهطّـال الأمطـار
هـدّاج تيمـاء فـي لواهيـب لالـه


تمت وصلى الله على سيـد الأبـرار
وبنتضر منكم رد الرسـالـه

فرج الله همه

الله يفكـ كربه ولكن أين القصيدة؟؟

امين يارب

الله يفك اسره ... امين .

يا حرب ياحرب ياحرب

مني وانا مشعل بن رجاء بن معوض الجابري الحربي...... المدينة المنورة

لاصار ماتنفع رفيقك بدنياك@ بالاخره ما انتة براعي شفاعه

الله يفك يسره

وان شالله امراء ووجهاء وافراد القبيله يبذلون جهودهم في سبيل اعتاق رقبته من القصاص

لكن وشلون دووون عرضه ويقص ؟؟؟؟

يعني الواسطة اشتغلت على شانه مقدم

حنا في اخر الزمان الحق يصبح الباطل والباطل حق

أسأل الله العلي العظيم أن يفك أسره