فن وفخآمة . . .

قصرٍ تباهى بين فن وفخامه = صار يتمناها على الأرض وطيتك .
ما دري ؟ وش اللي حببه فالوسامه = وما ينفتح له باب إلا بطلتك !
شاعر تغنى يوم شاف احترامه = وشاف الذي سرَه وقدَر مكانتك.
شاف التواضع يوم يرخي لثامه= والنفس من صادق هواها تمنتك .
تمازجت كل المعاني فكلامه = حلو المشاعر من صناديقها جتك.
ودٍ تنامى في مطارح مقامه = خالي من العذروب والطيش والهتك .
إعجاب ساسه من بواعث غرامه = يوم يتوصف في حقايق علاقتك .
حلمه تعلق في رموش الزعامه = وشاف الزعامه طارفه في معيتك .
شاعر تعجب في رفيف ابتسامه = واعطاك من وصفه على قد غايتك .
وارسل مع الجوال خالص سلامه= شاف السحابه !وافتكرها سحابتك .