بــعــض الـمــواقــف تـسـنــتــربــك

شموخ
صح بدنك
شاكر مرورك

	المشاركة الأصلية كتبت بواسطة الـصامـت

	حياك الله يابن العم بـعـض الـبشر عرضته نكبه = لو كان يبدي لك الإحسان والله لأخليه في كربه = لن عاد فالعلم ياذيبان

عسى البقى والعمر الطويل

ودي معك اخلف الجبه = وننسا علوم الذي قد كان
ليا فرس اسمها الشهبه = يزينها تاخذ الاذهان

الصامت=
بعض المواقف تجي صعبة=مردودها يتعـب الإنسـان
لاجاك في وقفتـه نصبـه=هذا الذي يسلب الأذهـان
بن وازن=
والنقزه اللى بلا حسبـه=تعميك وتخلفلك الاوزان
وتبقى رفيقي معك عصبه=وتشهد لكم كفت الميزان
الصامت=
الله يابعض العرب نشبـه=وعلاجه الصمت والسفهان
ثمنتلـه وافـي النسـبـه=ومد الوفاء عادت الضفران
بن وازن=
قراح عـد الوفـا شربـه=وما نعده واحد من العدوان
ومن ضيع الطيب في كسبه=ينهز قدره مـع الاخـوان
الصامت=
بعض البشر عرضته نكبه=لو كان يبدي لك الإحسان
والله لأخليه فـي كربـه=لن عاد فالعلـم ياذيبـان
بن وازن=
ودي معك اخلف الجبـه=وننسا علوم الذي قد كان
ليا فرس اسمها الشهبه=يزينها تاخـذ الاذهـان

صح لسانك يابن وازن
للإحاطة يابن العم أردفت فآخر غصن بكلمة ( الأذهان )
لربما كان الردف مقصود لتغيير مسار اللحن
ولكني شاكر لك على كل حال
تشرفت بمحاورتك
دمت بخير

	المشاركة الأصلية كتبت بواسطة وليف الشوق

	صحت السنتكم وبيض الله وجيهكم ودام الله عزكم محاوره بدع ورد في قمة الابداع والروعه الله يعطيكم العافيه تقبل تحياتي وتقديري

صح بدنك أبو منى
ووجهك أبيض
دام عزك يابوي
الأروع مرورك
الله يعافيك
كل التحايا والتقدير

	المشاركة الأصلية كتبت بواسطة ابوفـــرح

	ايوالله (( مردودها يتعب الانسان )) صح لسانك يابوصايل وبيض الله وجهك على روعة ماسطرت تقبل مروري اخي الكريم

صح بدنك أبوفرح
ووجهك أبيض
أشكر لك تأييدك
تشرفت بمرورك
الله يعافيك
كل التحايا والتقدير

صحة السنتكم وبيض الله وجيهكم
طابت المعاني والقلوب

صح لسانك وبيض الله وجهك أخي الصامت
على هذه الجزلة الله يعطيك العافية
تقبل حضوري ومروري

صحة السنتكم وبيض الله وجيهكم

ياسلام الصامت وابن وازن

بيض الله وجيهكم وصح الله السنتكم

تقبلوا تحياتي

ودمتم بخير

	المشاركة الأصلية كتبت بواسطة فيصل الصيدلاني

	صحة السنتكم وبيض الله وجيهكم طابت المعاني والقلوب

صح بدنك وبيض الله وجهك
يطيب ايامك
تقبل تحيتي وتقديري