أنا أشهد إنك يالرويشد تجملت

بسم الله الرحمن الرحيم

هذه الأبيات موجهه إلى الأخ عنبر الرويشد الذي تنازل عن قاتل إبنه لوجه الله تعالى .
فما نقول إلا بيض الله وجهك يا أخ عنبر ونسأل الله أن يدخل إبنك فسيح جناته وأن يجعله
شفيعا لك يوم القيامة ونذكرك بقول الله عز وجل {وبشر الصابرين الذين إذا أصابتهم مصيبة
قالوا إنا لله وإنا إليه راجعون} وكما قال ايضا لملائكته اخذتم فلذة كبد عبدي فيقولوا نعم فيقول
ماذا قال عبدي فيقولوا حمدك وشكرك فيقول عزوجل اشهدكم اني غفرت له وابنوا لعبدي بيتاً في
الجنه وسموه بيت الحمد او كما قال عزوجل في الحديث القدسي

يامرحبا بعد وقفت وتمثلت= امامكم ياهل الفعول الجزاله
وان كان فيها قصور والا تجاهلت= الكامل الله والبشر للجهاله
ويانعم في اهل الطيب لوقلت ما اكملت= لاهل الوفا والطيب واهل الجماله
وانشهد انك يالرويشد تجملت= في وقت ما كلن يحوش الجماله
وقفت في الواجب وقوف وتحملت= الله يعوضك في مصابك بداله
ادعوله المولى لامني تقبلت= حوض النبي عساه يارد لجاله
وانته لك البيضاء ليا اقفيت واقبلت= تنشر لك البيضاء بعالي جباله
ياللي صبرت وعن قبيلك تنازلت= فعلن فعلته من فعول الرجاله
بحكمتك في الموقف ياعنبر تعاملت= يانعم ثم يانعم في كل حاله
للطيب والمعروف يالهاملي نلت= سهلتها ياجعلها لك سهاله
ولربعك الابطال انا ماتجاهلت= اهل الفعول الطيبات الجلاله
فعولهم ماتنحصر لوطولت= لكن اقول ابطال طيب وجماله
تشكرك حرب من البحر لا ورى القلت= واللي جنوب الدار واللي شماله
وتقولك لاهنت لاهنت لاهنت= وعسى كلامي يصل عبر الرساله
وختامها قولوا معي مثل ماقلت= الله يعوضك في مصابك بداله

اخوك : سليم سعود الجابري الحربي