خاطرة

احسنت وصح لسانك ياحســين

قصيدتك كفو وانت نوماس وعلمك غانم
صح لسانك وانا اخوك على هلقصيدة الأكثر من رائعة
من شاعر جزل ومتمكن ..
شكرا ً لك من الأعماق على هذا الحضور وهذا الابداع
وتقبل خالص تحياتي وتقديري

صح لسانك ..

قصيده رائعه واحساس اروع ..

دره ياراعي الدرر ماشاء الله تبارك الله

اخي العزيز نافع الحربي رعاك الله
اخي اشكرك على هذا المرور الرائع الذي شرف وجمل قصيدتي
تقبل شكري واحترامي

ابوخالد الفريدي حياك الله اخوي
صح بدنك وماعليك زود
تقبل شكري وتقديري

اخي العزيز ابو فياض حياك الله
شرفني مرورك الرائع
انتم اهل الجزالة والابداع
هلا وغلا بك وبمرورك لاعدمناكم حفظكم الله
تقبل تحياتي واحترامي

المطر حياك الله اخوي
مرورك شرف لك كل الترحيب والاحترام

	المشاركة الأصلية كتبت بواسطة حسين مريع العبيدي

	الشعر له قيمة ومعنى ومضمون = بيت(ن) معزز والعرب يقصدونه الشعر مدح ونصح باللطف مقنون = ونهي(ن) عن الباطل ومن يفعلونه الشعر عند اهل المروات مقرون = بالطيب من مبداه لاقصى غصونه الشعر بحر(ن) صافي الطعم واللون= حالي كما ذوب العسل في صحونه الشعر زبدة مخ صافي ومامون = واللي يقدر قيمته مايخونه در(ن) وجوهر بالموازين موزون= اهل الشجاعة بالذ هب يشترونه الشعر عند اجدادنا كان مسنون = شيمة عرب من قبلنا يبدعونه مكانته عليا مع اللي يعرفون= نقش(ن) على صم الحجر ينقشونه الشعر يبدي ما بداخلك مدفون= يرفع مقام المرء واللا يهونه الشعر يصل القلب بالرفق والهون= يدخل قلوب الناس ويقدرونه باضرب مثل فالشعر للعال والدون= ولا اقول انا شاعر يرى الناس دونه شاعر ولي فالشعر خبرة وقانون = وليابنيت البيت اعزز ركونه كم واحد(ن) فالناس مبلي ومحزون = ولياتغنى الشعر يبري حزونه كم واحد(ن) طول الدهر عاش مديون= ساق القوافي وانقضت له ديونه في ظرف ساعة حط فالجيب مليون= والدين سده قبل ساعة حتونه كم واحد(ن) فالناس عاشق ومفتون = صاغ القصيدة في مضنة عيونه زين معانيها على ساس متقون = تعبير صادق ماتغير ظنونه بين وداد(ن) داخل القلب مكنون= لهل الحسب واهل الحسب يقبلونه ماقال انا حبيت من كان مزيون= وراح يتغزل في حلاه وزيونه مابين اوصافه يبا العرض مصيون = من صان عرض الناس ربي يصونه كان الهدف قربه لناس يعزون= اليا قربهم واحد(ن) يرفعونه باحلى قصيدة جوه اهلها يقولون= ابشر بمطلوبك ومنا المعونه نال الطلب والناس جوله يهنون= لاساق جاه ولا تعنت ضعونه هذا المباح اللي له الناس يسعون = من طاب عرقه سرع طالت فنونه اما الذي في كل وادي يهيمون= واشعارهم فيها الردى والعفونة بالقذف والتجريح للناس يرمون= ماهمهم مظلوم لو يظلمونه نثر(ن) مجمع جوفه الفسق مبطون= عزاه للي علته في لحونه من ولفه يبقا فحسرات واغبون = دايم وتلقا اهل الردى فالمهونة درب(ن) به الانذال والكفر يمشون=اهل الشرف من طبعهم يكرهونه تلقا لعثرات القدم من يداوون= وعثرة لسان المرء تجرح متونه وانا هرجت الصدق وابليس ملعون= شيخ(ن) وبيبان العرب يعرفونه ابوي سلم لي على الطيب عربون = ونا بمد الطيب للي يبونه صلوا على سيد البشر سيد الكون = والال واصحا به ومن يتبعونه

صح السانك يالشيخ ابو مريع 0 مليون في مليون ولايسدون
فعلا قصيده تستحق التميز
شامخه دره من الدرر 0 درس من الدروس التي يستفاد منها
اشكرك مره ثانيه اشكرك وتقبل مني كل ود وحترام وتقدير

الشيخ حسين بن مريع

قصيدة جزلة تستحق التميز عن جدارة00

تنطق بلسان التجربة والحكمة 00ولايستغرب الابداع من اهله

صح لسانك مدد بلاعدد

صح لسانك مليوووووووون
يالشيخ
والله يعطيك العافيه

تحياااتي