سلام الله سلامن يشرح الخطار من طيبه

زيادة خمسه بالميه وصاح الناس غريبه = اسعار السوق مدبوله تجينا خمسه اشويه !
قالوا عشره وخمسه ثلاث سنين محسوبه = على اول راتب المربوط حسب اقوال ماليه

ابو حرب

سمو الشوق

صح الله ابدانكم

تشرفنا بمروركم ومتابعتكم

أخوي ورقان هلا فيك .

بالنيابه عن فواز عن طريق الجوال .

واستلم من فواز :

كبار الروس نومانه صغار الروس تحطيبه= انشوف السم ما نقدر نقول السم من حيه
نخينا الله نخينا الله إلهى ترحم الشيبه= إلهي ترحم الطفل الذي كالعود في زيه

ملاحظة

زيه : مظهره

الا ياشاعر اللي ميسم الشـــــعار تحريبه...........نبا نكتب طواريقن على قافــــــك ومثنيه
لقيت الشاعر البيطار يفتل روس اشانيبه..........ويبشر بالعلوم اللي من ارقى الدر منقيه

هلابك اخوي فهد الله يحيك وانت فواز واحد
وشكر على توصيل الرساله

تدري من قديم الوقت محد بالوقت راضيبه =يعيش الوقت وهو ساخط على ايام ولياليه
والى منه مضى هالوقت يجيله وقت يبكيبه = يهل الدمع من عينه على وقته وماضيه

الف شكر لك وصح لسانك اخوي فواز
والخاتمه عندك اذا اردت
استمتعت كثير واستفدت اكثر باللعب معك

والشكر موصول لجميع الاخوه اللي شاركونا وشجعونا
وشرفونا بحضورهم

استلم أخوي ورقان :

ضعيف النفس هذا الوقن كسر له عراقيبه= وبعض الناس مع وقته سلام وأحلام ورديه
عجيب الوقت يا ورقان يا مكثر تقاليبه = نشوف أحداث غير اللي على الأوراق مقريه

أخوي فواز شاكر لك على هالمحاورة وبيض الله وجهك .

وأنا بعد استفدت الله يجزاكم خير .

الله الله
اخوي فهد صح لسانك وصح لسان الشاعر فواز
وبيض الله وجيهكم

ونلتقي في طاروق جديد ان شاء الله

	المشاركة الأصلية كتبت بواسطة براهيم السليمي

	الا ياشاعر اللي ميسم الشـــــعار تحريبه...........نبا نكتب طواريقن على قافــــــك ومثنيه لقيت الشاعر البيطار يفتل روس اشانيبه..........ويبشر بالعلوم اللي من ارقى الدر منقيه

هل بالشاعر اللي ميسمه به نار يضويبه = يحمد الله على لطفه ماجاء هاليوم في يديه
انا اخذ ميسم الشعار قبل موسم به اوميبه = قبل ما حط بالجبه وبالخدين عرقيه

هلا بك خوي ابراهيم السليمي اسعدني حضورك
وهذي حرش