سؤلت من احد المتطفلين سوال خص به قبيلت حرب فأجبنه بهذ القصيده

السلام عليكم ورحمة الله

سألني احد المتطفلين في احد المنتديات

سوال غريب خص فيه قبيلة حرب

وبنأعلى طلب احد الشعراء في ملتقى حرب منى

بتوضيح السوال00

وهذا نص السؤال(((عندي سوال بدا في راسي الشيب منه ولا لقيت له اجابه من اي حربي--لماذا كل من ضيع اصله حرب)))

فأجبته

وأليكم هذ الاجابه


\

|

\

ياللي تقول انه كسا راسك الشيب =وعندك سؤال ما احتوته الاجابه
عن د وحتن بالقيظ وقت الملاهيب = كلاً قلط في ضلها والتجابه
يوم السنين الممحله والمجاديب =يوم ان حر القيظ يطرد سرابه
كم واحدن دارة عليه الدواليب =اقفى وبه جرحاً عميق صوابه
مزارق رماح وسيوف ومشاعيب = وماكل فارس مقتدي يقتدابه
لاجاء نهاراً فيه جرد المحاديب = الا شجاع جوده من نصابه
شمس النهار اليا شرقت لازم تغيب = واليا غربت كلن دبشه او زهابه
مابه امان بليلة يقنب الذيب = ان لم تكن ذيب كلتك الذيابه
احدن محله في علو المراقيب = واحدن تسهل في مفيض الشعابه
وحنا تخيرنا خيار المكاسيب = حيث ان لنا قدر و مقام و مهابه
نحسب ليا من جاك وقت المحاسيب =وكلن تعزوا نعتزي من شبابه
من خلقت الدنيا وحنا معازيب = لا السلم سلم وللحرابه حرابه
تاريخنا ما فيه شك ولا ريب = وكلن مدون ما مضا في كتابه
ناخذ ونعطي مع هل الطيب بالطيب =وراع الردا يبقى الردا دون بابه
كم غايب يحسب وكم حاظر يغيب= وان غاب محدن ناشدن عن غيابه
الموت حق ولوعن الموت تجنيب = تجنبو عنه النبي والصحابه
جاك الجواب اللي يلب المطاليب = من واحدن لا من بغا علم جابه
من دون ربعه يرخص الروح والجيب=اللابه اللي تنحسب خير لابه