دكتور صار سباك

لعل الخيال يكون لون من الوان القول والشعرودرب من دروبه ولعلى هنا أطلقت العنان للمخيلة

وتقمصت شخصية وهمية انغمست فى بحر من الحزن والسوداويه ....اورد لكم الابيات التاليه القديمه

لي نوعا مع مرور مقص الرقيب عليها من قبلنا لنورد مانريد ذكره ونحجب ما لانريد ان يطلع عليه

الاخرين ..مع اطيب الاماني للجميع وارجو ان يعجبكم ويحوز على الرضى والاستحسان مانقدم....

ياذيب ياللي ترفع الصوت عاوي = ياذيب ياذيب الخلا مااكثر عواك
ياذيب ياللي بالطويله خلاوي = سايلك بالرحمان ياذيب وش جاك
ان كان صيدك جوع مابك بلاوي = واجد حلال الناس والذيب فتاك
سرحان مامثلك يهاب الشواوي = ذيب الخلا ياذيب معروف مبداك
وكان انت ياسرحان لعواك هاوي = جرحك كبير وتالي الليل جزاك
تطرب ليا منك سمعت الصداوي = قام يتردد عالي الصوت ثم جاك
أزعج وأنا معك أشيل الغناوي = ياذيب هاض الجرح الله يبلاك
أستغفر الله ماني ياذيب غاوي = كاتم همومي ولاأرفع الصوت لولاك
لكن بقلبي مثل نار اللضاوي = هانت ليا مني تجاوبت وياك
ياذيب ياسرحان خذلك مخاوي = همي سراني مثل ما الهم سراك
واقلبي اللي بغبت الهم داوي = ترمي به أمواج التعاسه والاهلاك
واقلبي اللي كامل الهم حاوي = اللي زعج بالصوت فى درب الاشواك
عزاه ياقلب(ن)من الحزن ذاوي = ذويت سجين و دونه قضبان وأسلاك
نور الفرج ماله بسجنه حراوي = مات الامل ولا له اليوم فكاك
واقلبي اللي حرقت به مكاوي = وعزاه ياللي لاهب النار أدواك
وأدواك صعب ولالقينا المداوي = وش فيك ياقلبي تزايد بعميااك
همي ثقيل ولاني للهم قاوي = وش عاد لو أني مع الناس ضحاك
وين انت يالسباح بحرك رهاوي = أنت عداك اللوم والموج غطاك
أضرب على الكايد ليا صرت ناوي = والله كريم(ن) كل مادارت أفلاك
الامر لله والقدر هو سماوي = ياالله ناشد عفوك اليوم ورضاك
ترحم بحال اللي تحول فداوي = اللي بقاله بس سبحه ومسواك
ومن لاتعلم ماتفيد الهقاوي = ومن لايودك نور عينه بفرقاك
تم الجواب لناسجين الحكاوي = دكتور قلب(ن) صاير اليوم سباك