ابــــــــــــــوخالد الفريدي ماودك بخوي

	المشاركة الأصلية كتبت بواسطة راع العلياء

	فيك البقا ياراعي الاصل العريب=واقرأ بداية ما كتبته بالتمام يارجل كيف اتحول الانسان ذيب=مدري يجوز اتشبهه والا .. حرام

هههههههههههه صح لسانك والله

بالبيت الاول صاير كنك طبيب = والبيت الثاني فيه حكمه وانسجام
وكان انت من معنى كلامي مستصيب= خلاص مانت بذيب يانسل الكرام

صحت السنتكم والله يعافيكم على المحاورة الجميلة
وواصلوا
دمتم بخير

	المشاركة الأصلية كتبت بواسطة ابوخالد الفريدي

	هههههههههههه صح لسانك والله بالبيت الاول صاير كنك طبيب = والبيت الثاني فيه حكمه وانسجام وكان انت من معنى كلامي مستصيب= خلاص مانت بذيب يانسل الكرام

صح بدنك يابوخالد
ولو قلت البيت الاخر كان اكثر سلاسة وانت ابخص

يااديب ياللي تنقد اعلوم الاديب=على مهلك وحط راسك بالخطام
البارحة سريت لي هرش منيب=والهرش الاخر في طريق الانهزام

الله يعطيكم العافيه
محاوره رايعه بيض الله وجيهكم

	المشاركة الأصلية كتبت بواسطة متعب العمري

	صحت السنتكم والله يعافيكم على المحاورة الجميلة وواصلوا دمتم بخير

حياك الله يامتعب العمري

وصح بدنك مرورك شرف

	المشاركة الأصلية كتبت بواسطة ابوهليل

	الله يعطيكم العافيه محاوره رايعه بيض الله وجيهكم

عافاك الله يابوهليل وحياك يالطيب

والرائع حضورك وشوفك لاعدمناك

	المشاركة الأصلية كتبت بواسطة راع العلياء

	صح بدنك يابوخالد ولو قلت البيت الاخر كان اكثر سلاسة وانت ابخص يااديب ياللي تنقد اعلوم الاديب=على مهلك وحط راسك بالخطام البارحة سريت لي هرش منيب=والهرش الاخر في طريق الانهزام

ماني باخاف ومرقدي وصط الشعيب=ليم اسلاحك ثم تحيزم بالحزام
سريت هرش ضايع مع الذهيب = لكان جاك الهرش بيدينه لجام

	المشاركة الأصلية كتبت بواسطة ابوخالد الفريدي

	ماني باخاف ومرقدي وصط الشعيب=ليم اسلاحك ثم تحيزم بالحزام سريت هرش ضايع مع الذهيب = لكان جاك الهرش بيدينه لجام

اصبر علي اشوي واسمع لك طنيب=ماعندك الا اتسوي اسوات النعام
واللي تقوله فيه يارجال ريب=دايم ذهيب الطرش يذبحها الهيام

	المشاركة الأصلية كتبت بواسطة راع العلياء

	اصبر علي اشوي واسمع لك طنيب=ماعندك الا اتسوي اسوات النعام واللي تقوله فيه يارجال ريب=دايم ذهيب الطرش يذبحها الهيام

اعرفك ترمي بس ماتقدر تصيب = وسمح لي اسميك مردوم السنام
تاكل ولاتشبع تغيب ولاتجيب = تفرح ليا شفت المفطح والايدام

	المشاركة الأصلية كتبت بواسطة ابوخالد الفريدي

	اعرفك ترمي بس ماتقدر تصيب = وسمح لي اسميك مردوم السنام تاكل ولاتشبع تغيب ولاتجيب = تفرح ليا شفت المفطح والايدام

ان ماذبحك الرمي داشك يالحبيب=واسمح لي اسميك مكسور العظام
وانتم ذهيب ولابكم شحم وعصيب=ياشينكم فوق الصحن وانتم هلام