يبعد بعيد ولايجي للملعبه

	المشاركة الأصلية كتبت بواسطة سعد المحمدي

	صح لسانك يافايز انا مع صفك واصل يبعد بعيد والا يجي للملعبه ثابته

لاهنت اخوي ابوسعود وكلي فخر ان شاعر بي حجم الشاعر سعد المحمدي في صفي ولاخلى ولاعدم من ياغالي

والله داري ياخوي سعد ((يبعد بعيد ولايجي للملعبه )) ثابته
بس لجل صاحبنا يلقاله عذر ثاني هههه

بس على شانك اغيرها وعدلها

يافايز الدنيا وراها خيل خيل وانته رفعت الثوب من فوق الركب = مع أول الجولات تعلن بالنزول ابعد بعيد ولاتجي للملعبه
حول عن شداد المطيه ميل ميل ياالشاعر الفسقان تبشر بالعطب = اشوي يافايز وش ودك تقول ابعد بعيد ولاتجي للملعبه

ياهيه ياللي يومكم ليل ليل و الناس من حالك تعجب ياعجب = مادام مانت مالك شداد الذلول أبعد بعيد ولا تجي للملعبه
نحول عن اللي تشول الذيل ذيل من وقت ماضي نَنَهب ولا نِنِهب = وان كان بتردد على شي محصول ابعد بعيد ولاتجي للملعبه

صح الله لسان الشاعر محمد البدراني
والشاعر فايز المحيسن
وااااااااصلو متابعين

صحت السنتكم على الطاروق الجزل وبيض الله وجيهكم واصلو لاهنتم ياشعرائنا المبدعين محمد البدراني وفايز المحيسن المعبدي لاعدمناكم

	المشاركة الأصلية كتبت بواسطة فايز المحيسن

	ياهيه ياللي يومكم ليل ليل و الناس من حالك تعجب ياعجب = مادام مانت مالك شداد الذلول أبعد بعيد ولا تجي للملعبه نحول عن اللي تشول الذيل ذيل من وقت ماضي نَنَهب ولا نِنِهب = وان كان بتردد على شي محصول ابعد بعيد ولاتجي للملعبه

خيل سماها ثم جاك الويل ويل لا والله الا جاك قطاع الرقب = وانكان ماعندك لهذي حلول ابعد بعيد ولاتجي للملعبه
ماينفع الهراج هرجه قيل قيل الموت مايقدم من دون السبب = وانكان ماسيرتها حسب الوصول ابعد بعيد ولاتجي للملعبه

صح لسانك يامحمد بن عويض ولسان زميلك فايز المحيسن
طواريق رائعه وجزله

اشكر عموم الاخوان على المرور وبارك الله فيكم

	المشاركة الأصلية كتبت بواسطة محمد عويض البدراني

	خيل سماها ثم جاك الويل ويل لا والله الا جاك قطاع الرقب = وانكان ماعندك لهذي حلول ابعد بعيد ولاتجي للملعبه ماينفع الهراج هرجه قيل قيل الموت مايقدم من دون السبب = وانكان ماسيرتها حسب الوصول ابعد بعيد ولاتجي للملعبه

خيل سماها مير ماشي سيل سيل مزنه في عرض الصيف بارقه ذهب = والحرف لامنه ردف ماله فعول يبعد بعيد ولايجي للمعبه
وحنا ترى دايم نزيد الكيل كيل لوكان صرفه من جينهات الذهب = ماقول صاحي لا ولا قول مهبول ابعد بعيد ولاتجي للملعبه

صح لسانك اخوي محمد

وشكراً عاى هذا القاف الرائع

وارجو السموحه ان جاء قصور

أخوي فائز ماجاء منك قصور بيض الله وجهك